बुधवार 1 जुलाई 2026 की दैनिक मुरली

01-07-2026 praatahmurli om shanti "baapdaada"' madhuban

“meethe bachche - saari duniya ko shanti dena ek baap ka hi kaam hai isliye kehte hain he shanti deva, to prize bhi baap ko milni chaahiye''

prashn:- kaun se bachche baap ko poora-poora follow kar sakte hain?

uttar:- jo baap ke samaan paavan bante hain - vahi poora-poora follow kar sakte hain। 2- jo pakke aashik banen vahi mujh maashuk ko follow kar saken। aise aashikon ko hi main saath le jaata hoon isliye shaastron mein dikhaate hain - gau ka poonchh pakadne se paar ho jaayenge। ab yahaan gau ki ya poonchh ki to baat hi nahin hai।

geet:- tu pyaar ka saagar hai…

om shanti। baapdaada donon hain na। ab yeh to bachche jaante hain ki aatmaon ka baap shivbaaba hai। yeh bhi tum jaante ho ki main patit-paavan hoon, main niraakaar hoon। tum bhi niraakaar ho, shant swaroop ho। niraakaar baap bhi shant swaroop hai, aatma bhi shant swaroop hai। aatma ka svadharma hai hi shanti। tumhaara nivaas sthaan hai - shantidham। jab yagya aadi rachte hain to kehte hain shaantideva kyonki shanti ka saagar to woh paramatma hai। saari duniya ko shanti dene vaala woh baap hai। aise bahut hain jisko shanti ke peechhe prize milti hai। kabheekisko prize milti hai to kahenge yeh shanti sthaapan karne ke nimitta bane hue hain, ismen badon-badon ke naam lete hain। ab shanti to chaahiye - saari duniya mein। nahin to ashaanta mein rahne vaale auron ko bhi ashaanta karenge। yeh hai hi raavan raajya। raavan dushman hai na, raam ko dushman nahin kahenge। raam ki kabhi effigy nahin jalaayenge। na treta vaale raam ki, na parampita paramatma ki। raamraajya to sab chaahte hain parantu raamraajya kisko kaha jaata hai, yeh bhi koi nahin jaante। sirf kehte hain nai duniya ho, nai dehli mein raamraajya ho। nai dehli kehte hain, naam to bahut rakhe jaate hain। dehli sabki capital rehti hai। dehli hi paristaan tha। raadhe-krishna ko bhi vahaan hi dikhaate hain। yeh donon hi mukhya prince aur princess hain। sirf donon nahin hain zaroor aur bhi honge। 8 raajaai to gaai jaati hain, buddhi se kaam lena hai। satayug mein zaroor raajaai aur bhi hogi। yahaan bhi dekho kitni raajaai hai, vriddhi hote-hote dher ho jaate hain। phalaane-phalaane gaanv ka mahaaraaja, chhote-chhote gaanv bhi bahut hain na। satayug mein itne thode hi the। vahaan to lakshmi-naaraayan ka hi naam baala hai। 2500 varsha unhon ka raajya chala hai। manushya kehte hain laakhon varsha hue, vichaar ki baat hai। yeh hai aatmaon ke liye bhojan। baap yeh roohaani bhojan dete hain - tumhaari buddhi ko, aatma ko।

ab tumhaari buddhi ka taala khula hai। rishi-muni aadi sab kehte the - ham rachta aur rachna ko nahin jaante hain। ab tum bachche aise nahin kahenge। tum to rachta aur rachna ke aadi-madhya-ant ko jaante ho। tum apne 84 ke chakra ko jaan gaye ho। aadi mein tum devi-devta the। phir madhya mein raavan ki praveshta hone se vikaari ban gaye hain। ab hai ant। tum jaante ho abhi puraani duniya ka vinaash ho phir aadi hogi। aadi mein hoga - raamraajya। madhya se raavan raajya shuru hota hai। ab raavan raajya poora ho phir raamraajya shuru hoga। nar se naaraayan banna hai na। yeh hai satya naaraayan ki katha। tum jaante ho - sarva shaastra mai shiromni shreemat geeta hai। shreemat milti hai - shreshtha banne ke liye। shri kehte hain shreshtha ko। bachche jaante hain ek geeta shaastra hai jise devi-devta dharma ka shaastra kaha jaata hai, jisse devta dharma ki sthaapna hoti hai, sangam par। satayug mein to koi patit hote nahin jo paavan banaayen। ab tumko baap samjhaate hain geeta ko patit-paavni kah nahin sakte। geeta dvaara paavan nahin ban sakte hain। geeta ke bhagwan ko patit-paavan kehte hain। yeh achhi reeti yaad karo। geeta hai aadi sanaatan devi-devta dharma ka shaastra। geeta ke samay hi mahaabhaari mahaabhaarat ladaai bhi lagi thi, jisse anek dharma vinaash hue aur ek dharma ki sthaapna hui। geeta ke liye kehte hain - devi-devta dharma ka shaastra। braahmanon ka shaastra nahin kehte hain। braahmanon ka naam geeta mein hai nahin। parampita paramatma hi aakar brahma dvaara in sabhi vedon shaastron aadi ka saar bataate hain। ab tum samajhte ho satayug mein to brahman hote nahin। vahaan hain lakshmi-naaraayan, devtaayen, brahma ke baad hai vishnu। chitron mein bhi dikhaaya hai - brahma dvaara sthaapna vishnupuri ki। brahma aur vishnu ikatthe to nahin honge। brahma dvaara devi-devta dharma ki sthaapna hogi। yeh detail mein samajhne ki baaten hain। abhi tum bachche shivbaaba se svarga ka varsa lete ho। hakdaar thahre na! mukhya dharma shaastra hain 4, shreemat bhagvat geeta hai number one shaastra jisse number one dharma ki sthaapna hoti hai। phir hote hain islaami, bauddhi। ek geeta hi hai - jismen shreemat bhagvat geeta likha hua hai aur koi shaastra mein shreemat nahin hai। shreemat islaami va shreemat bauddhi shaastra nahin gaaya jaata। shreemat bhagvat geeta hai hi ek। usse kaun sa dharma sthaapan kiya? aadi sanaatan devi-devta dharma ki sthaapna hui aur sthaapna hoti hai ant mein। yeh samajhne ki baaten hain।

abhi baba hamko teacher ke roop mein padhaate hain - yeh buddhi mein rehna chaahiye। baba hamaara baap hai aur teacher bhi hai। baba padhaai se sarva ki sadgati karte hain to satguru bhi thahra। baap ko sabhi yaad karte hain। ab geeta mein shreekrishna ka naam daal diya hai। woh to gyaan ka saagar hai nahin। unko gyaan ke saagar baap ne aisa banaaya hai to woh teacher bhi hai। yahaan tum nai baaten sunte ho, shaastra aadi to bahut padhte sunte aaye। ab tum baap dvaara direct sunte ho। aage sab shareerdhaari manushyon dvaara suna tha। abhi tum samajhte ho - ham aatma asul mein ashareeri the। peechhe phir shareer dhaaran kiya hai। baba bhi ashareeri hai। shivling banaate hain na। aatma shareer dvaara unko poojti hai। pukaarte bhi hain he parampita paramatma aakar ham patiton ko paavan banaao। ling ki pooja karte hain parantu yeh thode hi samajhte hain ki yeh patit-paavan baap hai, jisko ham pukaarte hain। shiv bhagwan hai, eeshvar hai। bas aise hi yaad karte hain। unko baba kahen to buddhi mein aaye ki baba se varsa milna chaahiye। hamko varsa mila hai tab ham poojte hain। bhaaratvaasiyon ko varsa mila zaroor hai। kab mila, yeh bhool gaye hain। ab tum bachche samajhte ho, bachche kehte hain ham baba ke paas aaye hain। shivbaaba brahma tan mein aakar samjhaate hain। trimoorti ka naam baala hai। trimoorti maarga naam bhi rakha hai। baap ki mahima bahut hai। geet mein bhi suna pyaar ka saagar hai..., sarva ka sadgati daata hai। sarva ko sukh shanti dene vaala hai। sarva ka duhkh harta, sukh karta hai। bahut pyaara hai na। unse pyaari cheez koi aur hoti nahin। jo baap svarga ka maalik banaaye, woh zaroor pyaara hoga na। woh hai behad ka baap। kehte hain bachchon mere se svarga ki baadshaahi milti hai na। tum aatmaayen bhaai-bhaai ho। abhi baap dvaara sun rahe ho। sabhi aatmaayen baap ko yaad karti hain, baba hamko aakar paavan banaao। ab aatma kehti hai baba aaya hua hai paavan banaane। kehte hain bachchon, 5 hajaar varsha pahle tumko paavan banaane aaya tha। ab mujh baap ko yaad karo to tumhaare vikarma vinaash honge aur tumhaare sab duhkh door ho jaayenge। pukaarte bhi hain he patit-paavan aao athva taaliyaan bajaate rehte hain, radiyaan maarte rehte hain patit-paavan seetaaraam... to khud patit thahre na। yeh hai hi narka, isko raurav narka kaha jaata hai। garood puraan mein to rochak baaten bahut likh di hain ki yeh karne se yeh banenge, yeh hoga... phir kah dete - gau ka poonchh pakadne se svarga mein chale jaayenge। aisa kuchh likha hua hai। ab jaanvar ki to baat nahin। tum gau maata ho na। tumhaari poonchh athva tumhaari peeth jab tak koi na pakde tab tak raasta mil na sake। poonchh to hai nahin। kehte bhi hain tumhaari poonchh pakadkar tar jaayenge। ab yahaan poonchh to pakadna nahin hai, parantu follow karna hai। sannyaasiyon ke followers to bahut hain parantu follow karna arthaat pavitra banna। tum to sachche-sachche followers ho। shivbaaba kehte hain main aaya hoon tum sabko vaapis le jaane। tum mujhe yaad karo to tumhaare paap bhasma ho jaayenge। paavan banne bigar follow kar nahin sakenge। shivbaaba ko poora follow karna hai। tum yahaan baithe ho - follow karne ke liye। bhakti maarga mein bhi mujhe yaad karte aaye ho। tum jaante ho aatmaayen aashik hain - paramatma maashook hai। aatmaayen unko yaad karti hain aur woh aaye hain lene liye। kehte hain mujhe follow karo to tumhaare ko saath le jaaoonga। kaise follow karo woh bhi samjhaate hain - main hoon paavan, tum ho patit। to zaroor paavan banna pade, zaroor follow karna pade। vikaari to follow kar na saken। follow karne ke liye mere samaan pavitra bano। kya main patiton ko apne saath shantidham le jaaoonga। itne sab manushya bhakti, tap, daan-punya aadi karte hain - mukti paane ke liye kyonki yahaan duhkh hai aur chaahte hain - ham apne ghar vaapis jaayen। baap kehte hain - pavitra zaroor banna padega। main paavan hoon, tab to tumko paavan banaata hoon। aaoonga bhi brahma ke tan mein। main rachta hoon, main is brahma ke tan mein aata hoon। dikhaate bhi hain brahma dvaara baap devi-devta dharma ki sthaapna karte hain। tum bi.ke. hi jaante ho ki shivbaaba ko follow karna hai। baap kehte hain - mujhe yaad karo to main pratigya karta hoon - paavan duniya mein le chaloonga। aur koi upaay hai nahin। kehte hain patit-paavan... ya to drishti oopar jaati hai ya to paani ke taraph dekhte hain। ganga to patit-paavni hai nahin। yeh to saagar se nikli hui nadiyaan hain। ab poonchh to tumhaara pakadna chaahiye।

baap kehte hain - tumko paavan banna hai, mere ko follow karna hai, tab hi saath chal sakenge। baap kehte hain - tum mere saath rahne vaale the, ab 84 ka chakra lagaae patit bane ho। ab phir mere ko yaad karo to paavan banenge। sannyaasi bhi grihasthi ko kehte hain - follow karna hai to gharbaar chhodo। baap kehte hain - main paramdham mein rehta hoon, tum bhi chalenge ya yahaan hi vishay saagar mein rehna achha lagta hai। tum to pukaarte aaye ho - he patit-paavan aao। ab baap aaye hain saath le jaate hain। kalpa-kalpa aakar tumko saath le jaata hoon। phir satayug mein tum bahut sukhi rehte ho। yeh lakshmi-naaraayan svarga ke maalik the na। inhon ko itna sukh dene vaala kaun? heavenly god father। baap yaad dilaate hain tum hamaari jayanti manaate ho। parampita paramatma ki jayanti sabhi bhaaratvaasi manaate hain। hamaara yeh birth place hai। Christian thode hi maanenge। woh to Christ ko maanenge। shiv jayanti bhaaratvaasi manaate hain। yeh sarva ke patit-paavan baap ka birth place hai। baap sabko sukh dene vaala hai। sarva ko liberate karne vaala hai। to bhaarat kitna oonch hai।

baap jaante hain drama anusaar jab hamaare bachche bahut duhkhi ho jaate hain tab main aata hoon - varsa dene। baap hai gyaan ka saagar, sukh ka saagar... bachchon ko varsa de rahe hain। kehte hain mujhe follow karo। yeh jaante ho ham aatma vikaari hain isliye shareer bhi vikaari hi hai। satayug mein aatma pavitra hai to shareer bhi pavitra milta hai। ab baap kehte hain bachche paavan bano। yaad se hi tamopradhaan se satopradhaan banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se svarga ka varsa lene ke liye “main aatma bhaai-bhaai hoon'' - yeh pakka karna hai। bahut pyaar se rehna hai। jaise baap pyaare te pyaara hai, aise pyaara banna hai।

2) baap samaan paavan bankar baap ko poora-poora follow karna hai। baap ke saath vaapis ghar shantidham chalne ke liye paavan zaroor banna hai।

vardaan:- nirbal aatmaon mein shaktiyon ka force bharne vaale gyaan-daata so vardaata bhav

vartamaan samay nirbal aatmaon mein itni shakti nahin hai jo jump de saken, unhein extra force chaahiye। to aap vishesh aatmaon ko svayan mein vishesh shakti bharkarke unhein high jump dilaana hai। iske liye gyaan daata ke saath-saath shaktiyon ke vardaata bano। rachta ka prabhaav rachna par padta hai isliye vardaani bankar apni rachna ko sarva shaktiyon ka vardaan do। abhi isi service ki aavashyakta hai।

slogan:- saakshi hokar har khel dekho to safe bhi rahenge aur maza bhi aayega।

ye avyakt ishaare - jvaalaasvaroop sthiti mein rah shaktishaali yaad ka anubhav karo

aap mahaan tapasvi aatmaayen jvaala rup shaktishaali yaad dvaara praapti ke kirnon ki anubhooti karo aur karaao। aapka tapasvi swaroop auron ko dene ka swaroop hai। jaise soorya vishwa ko roshni dene ki aur anek vinaashi praaptiyon ki anoobhooti karaata hai aise aap bhi apne tapasvi swaroop dvaara shanti aur shakti ki kirnen dete raho।