रविवार 5 जुलाई 2026 की दैनिक मुरली

05-07-26 praatahmurli om shanti ''avyakt-baapdaada'' revise 15-12-10 madhuban

mere ko tere mein parivartan kar bephikra baadshaah bano, second mein vyartha ko bindi lagaane ke abhyaasi ban har sankalp aur samay ko saphal karo

aaj chaaron or ke apne bephikra baadshaah bachchon ko dekh rahe hain। aisi bephikra baadshaahon ki sabha abhi hi dikhaai deti hai kyonki abhi hi baap phikra leke bephikra baadshaah banaate hain isliye yeh sabha is samay hi aapki dikhaai deti hai। aap sabhi savere se uthte to bephikra sthiti mein sthit hote ho, khaate peete, karma karte koi phikra nahin। sote hain to bhi bephikra, aise baadshaah aur bephikra, utho soo, bephikra, aise anubhav karte ho? kyonki aap sabne baap ko phikra deke phakhur le liya isliye bephikra baadshaah ban gaye। agar chalte hue koi phikra aa jaata hai to phikra kya bana deta hai? phakhur hai to aapke mastak mein light ki chamak chamakti hai। agar phikra aa jaata hai to bojh ki tokri aa jaati hai। bataao, aapko light ki chamak achhi lagti hai va bojh ki tokri? bephikar baadshaah svayan ko bhi priy lagte aur jo aisi sthiti mein udte hain, to unki chamakti hui light dekh doosron ko kitna pyaar aata hai isliye baapdaada sada bachchon ko bephikra baadshaah ki sthiti mein, isi smriti swaroop mein tikaate rehte hain, isliye aap logon ka chitra bhi bhakta log double taajdhaari dikhaate hain। ek light ka taaj aur doosra vikaaron ko jeetne ka baadshaahpan ka taaj, double taaj dikhaate hain isliye baapdaada sada har bachche ko yahi shiksha dete hain, sada mauj mein rehna bahut sahaj hai, kyon sahaj hai? sirf had ka meraapan baap ko de do। mere se tera kiya to bephikra baadshaah ban gaye। ek hi shabd ka antar hai, tera mera। te aur me, is shabd ke antar mein bephikra baadshaah ban jaate। sahaj hai na! bane ho na bephikra baadshaah? ki abhi phikra rehta hai? agar kabhi bhi phakhur ke bajaae phikra aata hai to antar sirf tere ke bajaae mera maanne se phikra aata hai। to sabhi ki practical result kya hai? phikra de diya ya beech-beech mein phakhur chhodke phikra mein aa jaate ho? phikra aata hai ki bephikra hi rehte ho? jo sada bephikra baadshaah rehta hai woh haath uthaao। bephikra baadshaah, pakka ki kabhi-kabhi! bephikra baadshaah, haath ooncha uthaao। kabhi-kabhi vaale bhi hain। seva ka phikra woh alag baat hai। lekin woh phikra auron ko bhi bephikra banaane ka saadhan hai। apne sanskaar se agar phikra aata hai to usko usi samay hi mere ke bajaae tere mein change kar do। baap ko phikra de do aur phakhur le lo kyonki baap aaya hi hai bachchon ka phikra leke phakhur dene। to check karo mere mein kabhi-kabhi bahut samay ka sanskaar emerge to nahin hota hai? kyonki baapdaada kuchh samay se bachchon ko yeh bata rahe hain ki vartamaan samay ke pramaan kabhi bhi kuchh bhi ho sakta hai aur kabhi bhi ho sakta hai isliye har ek bachche ko apne ko yeh attention dena hai ki ek second mein bindi lagaane chaaho to laga sakte ho? maano koi bhi vyartha sankalp aa jaata to bindi dvaara ek second mein vyartha ko samaapta kar sakte ho? itna abhyaas hai? ki us samay, samay ke circumstance pramaan purushaartha karke vyartha ko mitaane ki aavashyakta padegi! lagaao bindi aur lag jaae question mark, kyon, kya, kaise… us samay yeh sochte rahe to aane vaale samay mein jo lakshya hai baap ke saath chalenge, baap to second mein chala jaayega, kyonki bindu hai aur second bhi bindu hai aur fullstop bhi bindu hi hai। to aapka bhi itna abhyaas hai? iske liye ab se is abhyaas ke abhyaasi honge to baap samaan shreemat ka haath mein haath dete hue apne ghar pahunch jaayenge isliye baapdaada ne pahle bhi sunaaya ki do baaton ka attention underline karo। do baaten kaun si?

ek sankalp ka khajaana aur doosra samay ka khazaana, khajaane to bahut mile hain, gyaan ka khajaana, shaktiyon ka khajaana, yog dvaara jo bhi mukhya sampanna banne ki yuktiyaan hain, sab praapta karaai hain kyonki yeh sangam ka samay saare kalpa mein amoolya vishesh samay hai, is samay hi jitni praapti karne chaaho utni kar sakte ho kyonki yeh ek janma mahaan janma hai। ek janma mein anek janmon ki praalabdha banaane ka hai। sangamayug ka samay ek second bhi ganvaana nahin hai। ek second ka connection anek janmon ke saath hai। jama karne ka ek varsha anek varshon ki praapti ka hai isliye is samay ki value second ya minute nahin, ek ghanta bhi mahaan hai, ek second bhi mahaan hai। aur sankalp is sangam ke janma ka vishesh aadhaar hai। dekho, jo yog lagaate ho to manamnaabhav kehte ho aur yeh aadhaar hai foundation ka। man ka kaam hi hai sankalp karna, sankalp dvaara hi yaad ke yaatra ki anubhooti karte ho। ek do mein bhi khaas bhinna-bhinna sankalp deke abhyaas karaate ho na! to sab check karo - samay ki raphtaar saare din mein chalte phirte karma karte, sambandh mein aate amoolya roop se rahi? kyonki samay amoolya hai। sankalp sarvashaktivaan banaata hai।

to baapdaada baar-baar kehte hain he baapdaada ke laadle, dil mein basne vaale bachche ab vyartha khaate ko samaapta karo। saphal karo। saphal karna hi saphalta hai। ek second gaya, yeh nahin socho। har second, har sankalp saphal hua, itna attention apne oopar rakhna hi hai। itna fullstop lagaane ki checking karo। albele nahin banna। baapdaada ne kaha tha lekin hamne samjha nahin, samay ko socha nahin, itna samay fast ja raha hai, jaayega। abhi albelaapan baapdaada har ek se lene chaahte hain। yeh nahin sunne chaahte ki mainne samjha nahin, socha nahin। abhi varsha bhi naya aane vaala hai, to naya varsha shuru hone ke pahle brahman sansaar se albelaapan saath mein aalasya, aalasya bhi bhinna-bhinna prakaar ka hai, iska abhi jo varsha poora hone mein samay pada hai, ismen abhyaas shuru karo aur jab naya varsha shuru ho tab himmat rakh sankalp karna aur isko vidaai dena। varsha ke saath isko bhi vidaai de dena। de sakte ho! de sakte ho? jo de sakta hai woh haath uthaao। (sabhi ne haath uthaaya) vaah! bachche vaah! haath uthaane mein to baapdaada ko khush bahut karte ho। baapdaada ne dekha hai ki bahut bachchon ko haath uthaane ka return karna yaad rehta hai। aur koi yaad rakhne mein bhi albele ho jaate hain। baapdaada se roohrihaan bahut achhi karte hain। ho jaayega, baba aap dekhna abhi hoga, abhi hoga...। baapdaada bhi aise albele bachchon ka sunke muskara deta hai aur kya kare! achha hai, sochte hain karna hai, karna hai, karna hai... yeh bahut sochte hain, lekin kar rahe hain ya nahin kar rahe hain usmein checking mein phir kya kahenge! albele ho jaate hain।

to aaj chaaron or ke bachchon ko, baapdaada ne suna to jo apne desh mein, apne sthaanon mein dekhte rehte hain, vahaan bhi achha dikhaai deta hai, sunaai bhi deta hai। to baapdaada sammukh aane vaale bachchon ko aur apne sthaanon par sunne vaale, dekhne vaale bachchon ko yahi kehte abhi purushaartha ko, sankalp ko aur sangam ke samay ko underline lagaao। sabhi bachche pyaar mein to majority paas hain। pyaar ke aadhaar par apni achhi progress kar rahe hain। pyaar ke kaaran, baap ke pyaar ka respond milne ke kaaran aage badh bhi rahe hain lekin baap samajhte hain, jaise pyaar mein anubhvi ban aage badh rahe ho aise hi yaad ki subject mein anek janmon ke vikarma vinaash karne mein aur attention do। kyon? vikarma vinaash honge to saath-saath chalenge, nahin to peechhe-peechhe aayenge aur baap samajhta hai ki pyaar ka respond yeh hai jo pyaar vaali aatma kahe woh karna hi hai। baap chaahta hai jab bachchon ka pyaar baap se hai to saath rahen। raajdhaani mein bhi brahma baba ke saath raajdhaani mein aayen। raajdhaani mein aana arthaat royal family mein aaye। takhta par nahin baithen lekin royal family ke saathi to banen। baapdaada ne pahle bhi kaha hai iski parakh kaise karo! jabse aap aaye ho, jitni aayu aapki hai gyaan ki, utne samay mein agar aap baapdaada ke diltakhtansheen rahe hain to jo jyaada samay diltakhta par rahe hain, mitti mein paanv nahin rakha hai woh us anusaar royal family mein najdeek sambandh mein rahenge। royal family vaale rahenge। to pyaar hai, to pyaar vaale saath nibhaane mein peechhe nahin rehte। jo diltakhtansheen hain woh dvaapar kaliyug ke bhi sambandh mein rahenge। najdeek rahenge isliye pyaar nibhaane vaale sada diltakhtansheen raho aur janma-janma ka hak lo, isliye baapdaada har bachche ko pyaar karte hain। baba ne certificate diya ki pyaar ki subject mein majority paas hain। ab sab subject mein paas hona hi hai। paas hona hai, paas rehna hai।

pahle baari jo bachche aaye hain woh utho। pahle baari aaye! aadha class to naya hai। aaye hain, baapdaada aane vaalon ka svaagat kar rahe hain। mubaarak ho। pahli baar aane ki mubaarak ho। bhale let aaye ho lekin phir bhi toolate ke pahle aaye ho। abhi yeh attention rakhna ki thode samay mein teevra purushaarthi ban apna bhavishya jitna badhaane chaaho teevra purushaartha dvaara aage badh sakte ho kyonki phir bhi abhi bhi purushaartha karne ki margin hai। jitna aage badhne chaaho utna aage badh sakte ho। baapdaada aur yeh daivi parivaar aapko saath-saath aage badhne ka vibration denge isliye aage badho, himmat rakho। himmat aapki aur madad baapdaada aur parivaar ki, aage badho। theek hai na! haan karo, aage badho। achha।

madhuban nivaasiyon se:- madhuban vaale to lucky hain, thoda bahut sangathan ko pakka karke saathi banaao aur koi mein saathi nahin banaana, ismen ek do ko saathi banaake pahla number madhuban ko lena chaahiye। lenge! beeti so beeti, jo bhi hua, sabne dekha, suna aur madhuban vaalon ko to bahut golden chance hai। madhuban mein sab aa gaye। to madhuban vaale agar milke, yeh nahin paandav bhavan alag hai ya koi aur sthaan alag hai, nahin, madhuban maana sab ek hain। to madhuban vaale samajhte hain karenge! haath uthaao jo karenge। sabhi ne uthaaya, jo samajhte hain karna kya badi baat hai, baapdaada hai, daadiyaan hain, to badi baat to hai nahin। daadiyaan kya samajhti hain! madhuban vaale to number one। achha hai, baba ne yeh karke dikhaane ka sabko kaha hua hai lekin madhuban, madhuban to madhuban hai। aap sab vibration dena, ho jaayega, koi badi baat nahin hai। vighna ka naam nishaan nahin। chalo baat hui koi, lenden kiya, khatma। kuchh samay pahle jab daadi thi to ek baari sabhi ne paath pakka kiya tha haan ji ka। na shabd nahin, haan ji, bahut achha। to madhuban pahla number jaayega। baapdaada ko madhuban ka phakhur hai na! har ek zone ka phakhur hai, abhi madhuban saamne aaya hai lekin baapdaada sabhi zone ko kehte hain, haan ji, meethi aatma, yeh sabka paath pakka hai। pakka hai na? inaam to madhuban ko lena chaahiye। ek second mein beeti ko beeti kar sakte ho! chalo purushaarthi hain, ho bhi gaya lekin beeti ko beeti kar udo। udne vaale peechhe ko chhod dete hain tabhi udte hain। to bahut achha।

abhi gujraat koi naveenta kare। baapdaada ne dilli vaalon ko bhi kaha naveenta karo abhi। baapdaada ko samaachaar mila to abhi youth ne videsh aur desh milke jo aarambha kiya hai, usmein achhi result ho sakti hai। abhi to invention shuru ki hai, lekin bhaarat ya videsh donon hi milkar aur bhi kamaal kar sakte hain। abhi to aarambha kiya hai lekin dilli vaalon ne himmat achhi rakhi। shuru kiya hai abhi vishwa mein yeh phail jaae to videsh aur desh milkar ek brahman parivaar bana hai aur vishwa ke aage vishwa ko bhi ek banaayenge। shuru to ho gaya hai, abhi muslim log bhi aage to badh rahe hain। lekin ab aisa bada programme banaao jismen mukhya deshon se aayen aur vishwa mein yeh prasiddha ho to sab ek pita ke bachche aapas mein bhaai behen hain, brotherhood, sisterhood yeh aavaaj phailta rahe। ek hi stage par sab taraph ke logon ka vishesh anubhav ho। plan to bana rahe hain sabhi। abhi behad mein ja hi rahe hain। sabko maaloom ho to yeh ek god family hai, yeh prasiddha ho। baaki to sabhi jo bhi aate ho, seva bhi kar rahe ho, sva purushaartha bhi kar rahe ho aur godly kaarya hai, yeh bhi duniya ke liye prasiddha ho jaayega। ek family hai। achha।

chaaron or ke bachchon ko baapdaada abhi mubaarak de rahe hain। har din har ghante aage badhne ki mubaarak ho। samay aapka intajaar kar raha hai, aap samay ka intajaar nahin karna। aap samay ko jitna sameep laane chaaho samaapti ko, utna samaapti ko sameep la sakte ho। samay aane par taiyaar hona yeh aap braahmanon ka sankalp nahin ho, aap samay ko sameep laao। samay baap ko kehta, abhi brahman aatmaayen mujh samay ko sameep laayen। prakriti bhi baap ko kehti abhi samaapti ko sameep laao। to baapdaada kya javaab de? kya javaab de? samay aaya ki aaya, yeh kahen! aapki taraph se yeh javaab den? kya javaab den? bolo। kya javaab den? abhi samaapti ko sameep laana arthaat svayan ko sampanna sampoorn banaana kyonki baapdaada akele nahin jaayega, bachchon sahit jaayega। to date fix karna। kab tak? kaam to diya hai, ab aapas mein raay karna। baapdaada javaab kya de, prakriti ko? prakriti bahut pareshaan hai। duhkhi aatmaayen bahut man mein chilla rahi hain। mansa seva abhi jyaada badhaao। karte hain mansa seva lekin lagaataar badhti rahe, woh aur badhaao kyonki prakriti aur duhkhi aatmaayen baap ke paas aati hain, chillaati hain। to aap unhon ko kuchh shanti ya sukh ki anubhooti karaao। woh ek second ki shanti bhi chaahte hain, thodi shanti de do। jaise bhookha hota hai, to samajhta hai ki kuchh bhi mil jaae, thoda bhi mil jaae, to abhi mansa seva ko bhi badhaao। vaacha ki to chal rahi hai, baapdaada khush hai। achha, baapdaada ne jo homework diya woh yaad rakhna aur rakhvaana। achha।

baapdaada ke diltakhtansheen bachchon ko, vishwa kalyaan ke kartavya mein sada aage badhne vaalon ko baapdaada drishti dete hue dil ka pyaar aur mubaarak, mubaarak ho.. de rahe hain। har ek bachcha door baithe bhi sammukh anubhav kar rahe hain aur baapdaada sabhi bachchon ko dil mein samaate hue sabhi bachchon se namaste namaste kar rahe hain।

vardaan:- sneh aur shakti roop ke balance dvaara seva karne vaale saphaltaamoorta bhav

jaise ek aankh mein baap ka sneh aur doosri aankh mein baap dvaara mila hua kartavya (seva) sada smriti mein rehta hai। aise snehi-moorta ke saath-saath abhi shakti roop bhi bano। sneh ke saath-saath shabdon mein aisa jauhar ho jo kisi ka bhi hriday videeran kar de। jaise maa bachchon ko kaise bhi shabdon mein shiksha deti hai to maa ke sneh kaaran woh shabd tej va kaduve mahsoos nahin hote। aise hi gyaan ki jo bhi satya baaten hain unhein spashta shabdon mein do - lekin shabdon mein sneh samaaya hua ho to saphaltaamoorta ban jaayenge।

slogan:- sarvashaktimaan baap ko saathi bana lo to pashchaataap se chhoot jaayenge।

ye avyakt ishaare - jvaalaasvaroop sthiti mein rah shaktishaali yaad ka anubhav karo

jaise soorya ki kirnen phailti hain, vaise hi master sarvashaktivaan ki stage par shaktiyon va visheshtaaon roopi kirnen chaaron or phailti anubhav karen, iske liye “main master sarvashaktivaan, vighna-vinaashak aatma hoon'', is oonche svamaan ke smriti ki seat par sthit ho yog ko jvaala roop banaao to koi vighna saamne tak bhi nahin aa sakta।