गुरुवार 9 जुलाई 2026 की दैनिक मुरली

09-07-2026 praatahmurli om shanti "baapdaada"' madhuban

“meethe bachche - vrikshapti baap ne tum bachchon par brihaspati ki dasha bithaai hai, abhi tum avinaashi sukh ki duniya mein ja rahe ho''

prashn:- avinaashi brihaspati ki dasha kin bachchon par baithti, unki nishaani kya hogi?

uttar:- jo bachche jeete ji deh ke sab sambandhon ko tyaag apne ko aatma nishchay karte, aise nishchay aatmik buddhi vaale bachchon par brihaspati ki dasha baithti hai। unke hi sukh ka gaayan hai ki ateendriy sukh gop gopiyon se poochho। unki khushi kabhi bhi gum nahin ho sakti।

geet:- om namo shivaae…

om shanti। bachchon ne baap ki mahima suni। aaj ke din ko kaha hi jaata hai vrikshapti de, jisko milaakar kaha hai brihaspati। inko hi guroovaar bhi kaha jaata hai। na sirf guroovaar parantu satguroovaar। bangaal mein bahut maante hain। gaaya jaata hai manushya srishti ka beejroop isliye vrikshapti kehte hain। beej thahra, to pati bhi thahra। vriksha ke beej ko baap bhi kahenge। unse vriksha utpanna hota hai। yeh hai manushya srishti roopi jhaad। inka beej oopar mein hai। tum jaante ho ham bachchon par ab avinaashi vrikshapti ki dasha hai kyonki avinaashi svaraajya mil raha hai। satayug ko kaha hi jaata hai avinaashi sukhdhaam। kaliyug ko kaha jaata hai vinaashi duhkhadhaam। abhi duhkhadhaam ka vinaash hona hai। sukhdhaam avinaashi hai, aadhaakalpa chalta hai jo avinaashi vrikshapti sthaapan kar rahe hain। bachchon ko service ke liye points note karni hai। pradarshani mein yeh-yeh points mukhya samjhaane ki hain kyonki manushya to kuchh bhi jaante nahin। barobar yeh hai gyaan। ab baap yeh gyaan dete hi hain - nai aur puraani duniya ke beech mein, phir yeh praayahlop ho jaata hai। devtaaon ko yeh gyaan nahin hota hai। agar yeh chakra ka gyaan ho to phir raajaai mein maja hi na aaye। abhi bhi tumko khyaal hota hai na। kya raajya lekar phir hamaari yeh haalat hogi। parantu yeh to drama bana hua hai। chakra ko phirna hi hai। world ki history-geography repeat ho rahi hai। kaise repeat ho rahi hai - yeh tum bachche jaante ho। yeh hai manushya srishti। tumhaari buddhi mein mool vatan ka jhaad bhi hai। section sabka alag-alag hai। yeh baaten koi ki buddhi mein kabhi nahin hogi। koi shaastron mein to yeh likhi hui nahin hain। ham aatma asul shantidham ki rahvaasi hain, avinaashi hain। kab vinaash ko nahin paate। woh samajhte hain budbuda paani se nikal phir usmein mil jaata hai। tumhaari buddhi mein saara raaz hai। aatma avinaashi hai, jismen saara part noondha hua hai। yeh chakra ka knowledge koi shaastron mein nahin hai। bhal kahaan-kahaan svaastika bhi dikhaate hain। chakra ki sirf aise-aise lakeer laga dete hain, jisse siddha hota hai anek dharma the। baap ne samjhaaya hai mukhya dharma aur shaastra hain 4, satayug treta mein to koi dharma sthaapan hota nahin, na vahaan koi dharmashaastra hota hai। yeh sab dvaapar se shuru hote hain। phir dekho kitni vriddhi hoti hai। achha - geeta kab sunaai gai? baap kehte hain - main kalpa ke sangamayuge hi aata hoon। unhonne phir kalpa akshar nikaal sirf sangamayuge-yuge likh diya hai। vaastav mein sangamayuge aur koi dharma sthaapan nahin karte hain। aise nahin ki treta ke ant, dvaapar ke aadi ke sangam par islaami dharma sthaapan hua। nahin, kahenge dvaapar mein sthaapan hua। yeh sangam ka suhaavna samay hai, jisko kumbha kehte hain। kumbha sangam ko kaha jaata hai। yeh hai aatmaayen aur paramatma ke milan ka sangam। yeh roohaani mela sangam par hi hota hai। unhonne paani ki ganga ka naam baala kar diya hai। gyaan saagar, patit-paavan ko jaante hi nahin। usne kaise patit duniya ko paavan banaaya, koi shaastron mein hai nahin। ab tum bachchon ko baap kehte hain - maamekam yaad karo। deh ke sab dharma tyaago। kisko kehte hain? aatmaon ko। isko kaha jaata hai jeete ji marna। manushya shareer chhodte hain to deh ke sab sambandh chhoot jaate hain।

baap kehte hain - jo bhi deh ke sambandh hain woh sab chhod apne ko aatma nishchay karo। nishchay aatmik buddhi bano। jitna jaasti yaad karenge to brihaspati ki dasha hogi। jaanch karo ham shivbaaba ko kitna yaad karte hain! yaad se hi kat nikalti jaayegi aur tumko khushi hogi। tum mahsoos kar sakte ho, ham aatma kitna baap ko yaad karte hain। agar kam yaad karenge to kat bhi kam niklegi। khushi bhi kam rahegi। pad bhi kam paayenge। aatma hi sato rajo tamo banti hai। is samay ka hi gaayan hai - gop gopiyon ke ateendriy sukh ka। aur kuchh bhi yaad nahin padta hai sivaae baap ke, tab hi khushi ka paara chadhega। hamaare oopar brihaspati ki dasha athva satguru ki dasha hai। phir kabhi khushi gum ho jaati hai to kehte hain brihaspati ki dasha badal raahu ki baithi hai। koi bahut saahookaar hote hain, koi satta lagaaya yeh devaala nikla। bhaarat mein hi jab grahan lagta hai to kehte hain de daan to chhoote grahan। tumhaara devi-devta dharma bhi 16 kala sampoorn tha, unko grahan laga hua hai। raahu ki dasha baithti hai isliye devtaaon ke aage jaakar gaate hain - aap sarvagun sampanna... ham paapi, kapti hain। abhi tum samajhte ho raahu ka grahan lagne se sab kaale ban gaye hain। chandrama ki pichhaadi mein lakeer jaakar rehti hai। baap bhi samjhaate hain tum devi-devtaaon ke bhi chitra hain। geeta hi aadi sanaatan devi-devta dharma ka shaastra hai। parantu yeh apne dharma ko nahin jaante hain। religious heads ki conference karte hain। tum vahaan bhi samjha sakte ho - eeshvar sarvavyaapi to hai nahin। woh to behad ka baap hai। bachchon ko aakar varsa dete hain। saadhu santa aadi ko to varsa milta nahin to maanenge kaise! tum bachchon ko hi varsa milta hai। mukhya baat hai hi yeh siddha karne ki ki eeshvar sarvavyaapi nahin hai। shiv jayanti hoti hai। shiv jayanti kaho athva roodra jayanti kaho - roodra yeh gyaan yagya rachte hain। hai to shiv। vahi geeta gyaan yagya hai, jisse vinaash jvaala prajjavlit hui hai। practical mein tum dekhte ho, kaise niraakaar baba ne roodra gyaan yagya racha hai। saakaar to kuchh kar na sake। yeh behad ka yagya hai, inmen saari puraani duniya svaaha honi hai। baaki to woh sab hain jismaani yagya। kitna raat-din ka farka hai। baap kehte hain - yeh roodra gyaan yagya hai, vinaash bhi hona hai। tum jab paas ho jaayenge, poora yogi aur gyaani ban jaayenge to phir tumhaare liye nai duniya svarga chaahiye। narka ka zaroor vinaash chaahiye। raajasva ashvamedh akshar bhi theek hai। ghode ko svaaha karte hain। vaastav mein hai tumhaara yeh rath। ek daksha prajaapti ka bhi yagya rachte hain, unki bhi kahaani hai।

ab tum bachchon ko kitni khushi honi chaahiye - hamko vrikshapti baap padha rahe hain। hamaare oopar ab brihaspati ki dasha hai, hamaari avastha bahut achhi hai। phir chalte-chalte likhte hain baba ham to moonjh gaye hain। pahle ham bahut khushi mein the, ab pata nahin kya hua hai। yahaan aakar baap ka banna badi yaatra hai। vahaan teertha yaatraaon par jaate hain to kitne paise kharcha karte hain। ab yahaan to daan karne ki baat nahin। inmen kuchh bhi paisa kharcha nahin karna hai। woh hai jismaani yaatraayen, tumhaari hai roohaani yaatra। jismaani yaatra se phaayda kuchh bhi nahin। geet mein bhi hai na - chaaron or lagaaye phere phir bhi janma-janmaantar door rahe। abhi tum samajhte ho kitni dher yaatraayen ki hogi। kahaan na kahaan manushya jaate zaroor hain। haridvaar mein gangaaji par zaroor jaate hain। patit-paavni ganga samajhte hain na। ab vaastav mein tum ho sachchi-sachchi gyaan gangaayen। tumhaare paas bhi bahut aakar gyaan snaan karte hain। baba ne samjhaaya hai - satguru ek hi hai। sarva ka sadgati daata sivaae ek satguru ke aur koi guru nahin। baap kehte hain - main tumko kalpa-kalpa sangamayug par aakar sadgati de pujaari se poojya banaata hoon। phir tum pujaari ban duhkhi ban jaate ho। yeh bhi abhi pata pada hai। barobar hamaara aadhaakalpa raajya chalta hai phir dvaapar mein ham so devi-devta vaam maarga mein chale jaayenge। jab raavan raajya shuru hota hai tab se hi vaam maarga shuru hota hai। unki bhi nishaaniyaan hain। jagannaath ke mandir mein jaao to andar kaali moorti hai। baahar mein devtaaon ke gande chitra hain। us samay apne ko bhi thode hi samajh mein aata tha ki kya hai। vikaari manushya vikaari drishti se dekhenge। to samajhte the, devtaayen bhi vikaari the। yeh likha hua hai devtaayen vaam maarga mein jaate hain। dress bhi devtaaon ki di hai। yahaan bhi delvaada mandir mein jaao to oopar mein svarga laga hua hai। neeche tapasya mein baithe hain। in sab raazon ko aur koi jaante nahin hain। baba ka to anubhvi rath hai na।

tum bachche ab samajh rahe ho - aatmaayen aur paramatma alag rahe bahukaal... tum jo pahle alag hue ho phir tum hi aakar pahle milte ho। satayug ka first prince hai shreekrishna। shreekrishna ka baap bhi to hoga na। shreekrishna ke maa baap ka itna kuchh dikhaate nahin hain। sirf dikhaate hain maathe par rakhkar nadi se us paar le gaya। raajaai aadi kuchh nahin dikhaai hai। unke baap ki mahima kyon nahin hai! abhi tum jaante ho is samay shreekrishna ki aatma ne achhi reeti padhaai padhi hai। jis kaaran maa baap se bhi oonch pad paaya hai। tum samajhte ho ham shreekrishna ki raajdhaani mein the, svarga mein to the na। phir ham chandravanshi bane। ab phir sooryavanshi banne ke liye shreemat par chal paavan ban paavan duniya ke maalik banenge। har ek apni avastha ko dekh sakte ho। agar ham is samay shareer chhod den to kis gati ko paayenge। har ek samajh sakte hain। jitna baap ko yaad karenge utne vikarma vinaash honge। manushya ke oopar koi aaphten va duhkh aata hai va devaala nikaalte hain to saadhuon ka jaakar sang karte hain। phir manushya samajhte yeh to bhagat aadmi hai। thagi thode hi karenge। aise-aise bhi do chaar varsha mein bahut dhanvaan ho jaate hain। unhon ke bahut chhipe hue paise hote hain। har ek apni buddhi se samajh sakte hain। tumhaare mein bhi bahut hain jo bahut kam yaad karte hain isliye baba kehte hain apna kalyaan chaahte ho to apne paas notbuk rakho। chart note karo। ham saare din mein kitna samay yaad mein rahe। manushya to saari jeevan ki bhi history likhte hain। tumko to sirf yaad ka chart likhna hai, apni hi unnati hai। baba ko yaad nahin karenge to oonch pad pa nahin sakenge। vikarma vinaash hi nahin honge to oonch pad kaise paayenge। phir sajaayen khaani padegi। mochra jo nahin khaayenge to pad achha milega। mochra khaakar phir kuchh thoda bahut pad paana woh kya kaam ka। dharmaraaj ka mochra na khaayen, beijjati na ho - yeh purushaartha karna hai। tum dekhte ho shivbaaba baitha rehta hai phir dharmaraaj bhi hai। tumko sab saakshaatkaar karaate hain। tumne yeh-yeh kiya tha, yaad hai? ab khaao saja। phir usi samay sajaayen utni hi khaate hain, jitni janma-janmaantar khaate hain। pichhaadi mein thoda roti tukkad mila, usse kya phaayda। mochra to nahin khaana chaahiye। apni avastha ki jaanch karni hai। jaise potaamel nikaalte hain, koi 6 maas ka, koi 12 maas ka। koi to roz ka bhi nikaalte hain। baap kehte hain - tum bhi vyaapaari ho। koi virla vyaapaari behad ke baap se vyaapaar kare। dhan nahin to tan-man to hai na। unko sarraaph bhi kehte hain। matta satta karte hain na। tum tan-man-dhan dete ho return mein 21 janma ke liye kitna varsa paate ho। baba ham aapka hoon। aisi yukti bataao jo hamaari aatma aur shareer in lakshmi-naaraayan jaisa ban jaaye। baba kehte main tumko kitna gora banaata hoon। ekdam roop hi badal deta hoon। doosre janma mein tumko first class shareer milega। tum vaikuntha mein bhi dekhte ho। tum jaante ho yeh mama baba phir lakshmi-naaraayan banenge। em object bhi dikhaate hain। ab jo jitna purushaartha kare। agar purushaartha poora nahin karenge, dhamchakra machaayenge to apna pad hi bhrashta karenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni avastha ki jaanch svayan hi karni hai। apne kalyaan ke liye daily diary rakhni hai, jismen yaad ka chart note karna hai।

2) behad ke baap se sachcha-sachcha vyaapaar karna hai। apna tan-man-dhan baap havaale kar 21 janmon ke liye return lena hai। nishchaybuddhi ban apna kalyaan karna hai।

vardaan:- khushi ke saath shakti ko dhaaran kar vighnon ko paar karne vaale vighna jeet bhav

jo bachche jama karna jaante hain woh shaktishaali bante hain। yadi abhi-abhi kamaaya, abhi-abhi baanta, svayan mein samaaya nahin to shakti nahin rehti। sirf baantane va daan karne ki khushi rehti hai। khushi ke saath shakti ho to sahaj hi vighnon ko paar kar vighna jeet ban jaayenge। phir koi bhi vighna lagan ko disturb nahin karenge। isliye jaise chehre se khushi ki jhalak dikhaai deti hai aise shakti ki jhalak bhi dikhaai de।

slogan:- paristhitiyon mein ghabraane ke bajaae unhein shikshak samajhkar paath seekh lo।

ye avyakt ishaare - jvaalaasvaroop sthiti mein rah shaktishaali yaad ka anubhav karo

last so fast purushaartha jvaala-roop ka hi raha hua hai। paandavon ke kaaran yaadav rooke hue hain। paandavon ki shreshtha shaan, ruhaani shaan ki sthiti yaadvon ke pareshaani vaali paristhiti ko samaapta karegi। to apni shaan se pareshaan aatmaon ko shanti aur chain ka vardaan do। jvaala swaroop arthaat light house aur might house sthiti ko samajhte hue isi purushaartha mein raho।