शुक्रवार 31 जुलाई 2026 की दैनिक मुरली

31-07-2026 praatahmurli om shanti "baapdaada"' madhuban

“meethe bachche - shivbaaba ko yeh bhi laalsa nahin ki bachche bade honge to hamaari seva karenge, woh kabhi boodha hota nahin, baap hi hai nishkaam sevaadhaari''

prashn:- bholaanaath shivbaaba ham sab bachchon ka bahut bada graahak hai - kaise?

uttar:- baba kehte main itna bhola graahak hoon, jo tumhaari sab puraani cheezen khareed kar leta aur uske return mein sab nai-nai cheezen deta hoon। tum kehte ho baba yeh tan-man-dhan sab aapka hai to uski evaz mein tumhein byooteephul tan mil jaata, apaar dhan mil jaata।

geet:- bholenaath se niraala…

om shanti। yeh bhakti maarga mein geet gaate hain। jo bhi geet hain sab bhakti maarga ke hain, unka bhi arth baap samjhaate hain। bachche bhi samajh jaate hain ki bholaanaath kisko kaha jaata hai। devtaaon ko bholaanaath nahin kahenge। gaaya hua hai sudaama ne do mutthi anna ki di to mahal mil gaye। to bhi kitne samay ke liye? 21 janma ke liye। ab bachche samajhte hain ki baap aakar ke bhaaratvaasiyon ko barobar heere-javaahron ke mahal dete hain। kiski evaz mein dete hain? bachche kehte hain baba yeh tan-man-dhan sab aapka hai। aapka hi diya hua hai। kisko bachcha paida hua to kehte hain bhagwan ne diya। dhan ke liye bhi kehte hain bhagwan ne diya। kahne vaale kaun hain? aatma। bhagwan arthaat baap ne diya। baap kehte hain - sab kuchh tumko ab dena hoga। uski evaz mein ham tumko bahut byooteephul tan transfer kar denge, apaar dhan denge। lekin kisko denge? zaroor bachchon ko hi denge। laukik baap se alpakaal ke liye dhan mila hai। behad ka baap hamko behad ka varsa denge। baap samjhaate hain gyaan aur bhakti mein raat-din ka farka hai। bhakti mein alpakaal ke liye milta hai। dhan hai to sukh hai। dhan ke bigar manushya kitne duhkhi hote hain। bachche jaante hain baba hamko athaah dhan dete hain isliye khushi hoti hai। sukhdhaam mein to sukh ki koi kami nahin। har ek ko apni-apni raajdhaani hai। usko kaha jaata hai pavitra grihastha aashram। to baap kitna bhola hai, kya lete hain aur kya dete hain! kitna achha graahak hai baap! yoon bhi bachchon ka to baap graahak hi hai। bachcha paida hua aur saari milkiyat unki hai। woh hote hain had ke graahak, yeh hai behad ka bholaanaath। behad ke bachchon ka graahak। baap kehte hain - main paramdham se aaya hoon। puraana sab kuchh tumse lekar nai duniya mein tumko sab kuchh deta hoon isliye daata kaha jaata hai। daata bhi in jaisa aur koi nahin। nishkaam seva karte hain। baap kehte hain - main nishkaami hoon। mere ko koi bhi laalsa nahin। aise to nahin kehta hoon ki bachchon ka kaam hai - boodhe baap ki sambhaal karna kyonki hamne tumhaari sambhaal ki hai। nahin, yeh kaayda hota hai - baap boodha ho to bachche unki sambhaal karen। yeh baap to kabhi boodha hota nahin, sadaiv javaan hai। aatma kabhi boodhi nahin hoti। yeh to jaante ho laukik baap bachchon mein ummeed rakhte hain ki ham boodha hoga to bachche hamaari seva karenge। bhal sab kuchh bachchon ko dete hain phir bhi seva to hoti hai। yeh shivbaaba kehte hain main hoon hi abhokta। main kabhi khaata hi nahin hoon। main aata hi hoon sirf bachchon ko knowledge dene। supreme rooh, roohon ko baith samjhaate hain। rooh hi sunti hai, har ek baat rooh karti hai। sanskaar bhi rooh le jaati hai jiske aadhaar par shareer milta hai। yahaan manushyon ki anek maten hain। koi kehte hain rooh paramatma hi thahra। unko kuchh bhi lep-chhep nahin lagta hai। aatma nirlep kah dete hain। agar aatma nirlep hoti to kyon kehte paap aatma, punya aatma। agar aatma nirlep hai to kaha jaae - paap shareer punya shareer।

abhi tum jaante ho ki sabhi aatmaon ka roohaani baap ham roohon ko padha rahe hain, is shareer dvaara। aatma ko bulaate bhi hain na। kehte hain hamaare baap ki aatma aai, taste li। aatma hi taste leti hai। baap to aisa nahin kahenge। vo to abhokta hai। braahmanon ko khilaate hain, aatma aati hai। kahaan to viraajmaan hoti hogi। braahmanon aadi ko khilaana bhaarat mein common baat hai। aatma ko bulaate hain, unse poochhte hain phir kai baaten unki sachchi bhi nikalti hain। yeh pitra aadi khilaana - yeh bhi drama mein noondh hai। ismen koi wonder nahin khaana chaahiye। baap nutshell mein drama ke raaz ko bataate hain। detail to itni drama ki samjhaani de nahin sakte। ek-ek ki samjhaani mein hi varsha lag jaayen। tum bachchon ko badi sahaj shiksha milti hai। gaate bhi hain he patit-paavan aao, aakar hamko paavan banaao। unka naam hi hai patit-paavan। brahma, vishnu, shankar ko patit-paavan nahin kah sakte hain। baap ko hi patit-paavan, liberator kehte hain। duhkh harta, sukh karta bhi unko hi kaha jaata hai। woh hai niraakaar। shiv ke mandir mein jaakar dekho vahaan ling rakha hai। zaroor chaitanya tha tab to pooja karte hain। yeh devta bhi kabhi chaitanya the tab to unhon ki mahima hai। nehru chaitanya mein tha tab to unka photo nikaal mahima karte hain। koi achha kaam karke jaate hain to unka jad chitra banaae mahima karte hain। pavitra ki hi pooja karte hain। koi bhi manushya ki pooja nahin kar sakte। vikaar se paida hote hain na to unki pooja nahin ho sakti। pooja devtaaon ki hoti hai, jo sadaiv pavitra hote hain। tum jaante ho baap aaya tha phir ab sangam par aaya hai - svarga ki sthaapna karne। phir dvaapar se raavan raajya shuru hoga। raavan raajya shuru hone se jhat shiv ka mandir banaate hain। abhi to chaitanya mein knowledge suna rahe hain। woh sat hai, chaitanya hai। unki hi mahima gaate hain - niraakaar ko shareer to chaahiye na। to baap hi aakar vishwa ko heaven banaate hain, us heaven mein raajya karne ke liye tum purushaartha kar rahe ho। svargavaasi tum ban rahe ho। niraakaar parampita paramatma gyaan ka saagar hai। parantu sunaaye kaise? kehte hain main is shareer mein aaya hoon, mera drama mein yeh part hai। main prakriti ka aadhaar leta hoon। yeh jo pahle number ka hai inke hi bahut janmon ke ant mein main aakar pravesh karta hoon aur inka naam brahma rakhta hoon। pahle yeh sab bhatthi mein the to bahuton ko naam diye the। parantu bahuton ne phir chhod diya isliye naam rakhne se kya phaayda? tum woh naam dekho to wonder khaao। ek hi saath sab ikatthe kitne ramneek naam aaye। sandeshi naam le aati thi। woh list bhi zaroor rakhni chaahiye। sannyaasi bhi jab sannyaas karte hain to unka bhi naam badal jaata hai। gharbaar chhod dete hain। tum chhodte nahin ho। tum brahma ke aakar bante ho। shiv ke to ho hi। tum kehte hi ho baapdaada। sannyaasiyon ka aise nahin hota hai। bhal naam badalte hain parantu baapdaada nahin milta। unko sirf guru milta hai। hathayogi had ke sannyaasi aur raajayogi behad ke sannyaasi mein raat din ka farka hai। gaaya bhi jaata hai gyaan, bhakti aur vairaagya। unko bhi vairaagya hai। parantu unka hai gharbaar se vairaagya। tumko saari duniya se vairaagya hai। unko pata hi nahin ki srishti badalti hai। tumhaara hai behad ka vairaagya। yeh srishti khalaas honi hai। tumhaare liye nai duniya ban rahi hai। vahaan jaana hai parantu paavan hone bigar to vahaan ja nahin sakte। dil mein janchata hai barobar nai duniya mein devi-devtaaon ka raajya tha, jo baap ab sthaapan karte hain। tum jaante ho shivbaaba ko yaad karne se ham punya aatma ban jaayenge। hai bada sahaj, parantu yaad bhool jaati hai। bhakti maarga ki rasam rivaaj bilkul hi alag hai। vaapis apne ghar to koi ja nahin sakta। punarjanma sabko zaroor lena hai। ghar jaane ka samay ek hi hai। phalaana moksha ko praapta hua, yeh to gapoda hai। baap kehte hain - koi bhi aatma beech se vaapis nahin ja sakti। nahin to saara khel bigad jaaye। har ek ko sato rajo tamo mein zaroor aana hai। moksha ke liye to bahut aate hain, samjhaaya jaata hai moksha hota nahin। yeh to anaadi bana banaaya drama hai। woh kabhi badli nahin ho sakta। makkhi yahaan se paas hui phir 5 hajaar varsha baad aise hi paas hogi। yeh to jaante hain baba kitna bhola hai। patit-paavan baap apne paramdham se aate hain - part bajaane। vahi samjhaate hain yeh drama kaise bana hua hai, ismen mukhya kaun-kaun hain। jaise kehte hain na ki sabse saahookaar kaun hain - is duniya mein? usmein nambarvaar naam nikaalte hain। tum jaante ho, sabse saahookaar kaun hai? woh kahenge America। parantu tum jaante ho svarga mein sabse saahookaar yeh lakshmi-naaraayan bante hain। tum purushaartha karte ho bhavishya ke liye, sabse bada saahookaar banne ke liye। yeh race hai। in lakshmi-naaraayan jaisa saahookaar koi hoga? allaah avaldeen ki bhi stori banaate hain। thaka karne se kuber ka khajaana nikal gaya। bahut kisam-kisam ke naatak banaate hain।

abhi tumhaari buddhi mein hai - yeh shareer chhod svarga mein jaayenge। hamko kaaroon ka khajaana milega। baap kehte hain - mujhe yaad karne se maaya ekdam bhaag jaayegi। baap ko yaad nahin karte to maaya phir tang karti hai। kehte hain baba hamko maaya ke toofaan bahut aate hain। achha baap ko bahut pyaar se yaad karo to toofaan ud jaayenge। baaki naatak aadi baith banaaye hain। baat hai kuchh bhi nahin। baap kitna sahaj bataate hain - sirf baap ko yaad karo to tumhaare mein jo alloy hai woh nikal jaayegi aur koi takleeph nahin dete hain। aatma jo pavitra sachcha sona thi, woh ab jhoothi ban gai hai phir sachchi banegi - is yaad agni se। aag mein daalne bigar sona pavitra ho na sake to isko bhi yog agni kehte hain। hai yaad ki baat। vo log to anek prakaar ke hathayog sikhlaate hain। tumko to baap kehte hain - uthte baithte yaad karo। aasan aadi kahaan tak tum lagaayenge। yeh to chalte phirte kaam karte yaad mein rehna hai। bhal beemaar ho to yahaan letkar bhi baap ko yaad kar sakte ho। shivbaaba ko yaad karo aur chakra phiraao, bas। unhonne phir likha hai ganga ka tat ho, amrit mukh mein ho। ganga ke kinaare to gangaajal hi milta hai, isliye manushya haridvaar mein jaakar baithte hain। baap to kehte hain tum kahaan bhi baitho, bhal beemaar ho sirf baap ko yaad karo। svadarshan chakra phiraate raho tab praan tan se niklen। yeh practice karni pade। us bhakti maarga ki baaton mein aur is gyaan maarga ki baaton mein kitna raat din ka pharka hai। baap ki yaad se tum svarga ke maalik ban jaayenge। woh to ladaai vaalon ko kehte hain - jo yuddha ke maidaan mein marega woh svarga mein jaayega। vaastav mein yuddha yahi hai। unhonne kaurvon, paandavon ka lashkar dikhaaya hai। mahaabhaarat ladaai hui phir kya hua? result kuchh bhi nahin। bilkul hi ghor andhiyaara hai, kuchh bhi samajhte nahin isliye agyaan andhiyaara kaha jaata hai। baap phir roshni karne aaya hai। unko gyaan ka saagar, knowledgeful kaha jaata hai। abhi tumko bhi saara gyaan mila hai। woh hai mool vatan, jahaan tum aatmaayen rehti ho unko brahmaanda bhi kaha jaata hai। yahaan roodra yagya rachte hain to baap ke saath-saath tum aatmaon ki bhi pooja karte hain kyonki tum bahuton ka kalyaan karte ho। baap ke saath tum bhaarat ki khaas aur duniya ki aam roohaani seva karte ho isliye baap ke saath tum bachchon ka bhi poojan hota hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ke toofaanon ko bhagaane ke liye baap ko bahut-bahut pyaar se yaad karna hai। aatma ko yog agni se sachcha-sachcha sona banaana hai।

2) behad ka vairaagi ban is puraani duniya ko bhool jaana hai। duniya badal rahi hai, nai duniya mein jaana hai isliye isse sannyaas le lena hai।

vardaan:- kadam-kadam par saavdhaani rakhte hue padmon ki kamaai jama karne vaale padmapti bhav

baap bachchon ko bahut oonchi stage par rahne ki saavdhaani de rahe hain isliye abhi jara bhi gaphlat karne ka samay nahin hai, ab to kadam-kadam par saavdhaani rakhte hue, kadam mein padmon ki kamaai karte padmapti bano। jaise naam hai padmaapdam bhaagyashaali, aise karma bhi hon। ek kadam bhi padam ki kamaai ke bigar na jaae। to bahut soch-samajhkar shreemat pramaan har kadam uthaao। shreemat mein manmat mix nahin karo।

slogan:- man ko order pramaan chalaao to manmanaabhav ki sthiti svatah rahegi।

ye avyakt ishaare - jvaalaasvaroop sthiti mein rah shaktishaali yaad ka anubhav karo

yaad ko shaktishaali banaane ke liye vistaar mein jaate saar ki sthiti ka abhyaas kam na ho, vistaar mein saar bhool na jaaye। khaao-piyo, seva karo lekin nyaarepan ko nahin bhoolo। saadhna arthaat shaktishaali yaad। nirantar baap ke saath dil ka sambandh। saadhna isko nahin kehte ki sirf yog mein baith gaye lekin jaise shareer se baithte ho vaise dil, man, buddhi ek baap ki taraph baap ke saath-saath baith jaae। aisi ekaagrata hi jvaala ko prajjavlit karegi।