सोमवार 3 अगस्त 2026 की दैनिक मुरली

03-08-2026 praatahmurli om shanti "baapdaada"' madhuban

“meethe bachche - tum sachche-sachche raajarishi, raajayogi ho, tumhein raajaai ke liye pavitra zaroor banna hai''

prashn:- kaun sa attention raajaai ke laayak bana deta hai?

uttar:- agar padhaai par poora-poora attention hai to raajaai mil jaati hai। baap jo sunaate hain use achhi reeti sunkar dhaaran karo। baap ne sunaaya aur bachchon ne suna to raajaai mil jaayegi। agar sunte samay ubaasi dete va jhutka khaate, buddhi bhatakti to raajaai ganva denge, isliye padhaai par poora attention do।

geet:- humein un raahon par chalna hai…

om shanti। roohaani baap roohaani bachchon prati samjha rahe hain। aaj bachchon ko hathayog aur raajayog par samjhaate hain। bachchon ko maaloom hai woh jo bhi sikhlaate hain, sab hai hathayog kyonki woh karma sannyaasi hain। vaastav mein grihasthiyon ko hathayog, karma-sannyaas seekhna nahin hai। woh to hai hi nivritti maarga। woh dharma hi alag hai। tumhaara dharma devi-devta dharma hai, jin devi-devtaaon ne raaj-yog se hi raajya paaya hai। abhi tum raajarishi ho। rishi unhon ko kaha jaata hai jo pavitra rehte hain। tum abhi pavitra ho। agar pavitra na rahe to unko rishi nahin kaha jaata। tum raajaai paane ke liye pavitra bante ho। woh koi raajaai paane ke liye pavitra nahin bante। tum jaante ho ki pavitra duniya mein hamko pavitra raajaai thi। bhaarat mein hi 5 hajaar varsha pahle devi-devtaaon ka poojya pavitra pravritti maarga tha। abhi pujaari patit ban pade hain। patit kaise banen? 84 janmon ka hisaab hai na। baap jo sahaj raajayog sikhla rahe hain, vahi tumko 84 janmon ka hisaab batlaate hain। doosre dharma ko sannyaas dharma vaale kya jaanen। yeh hai devi-devtaaon ka praacheen dharma। woh hai peechhe vaala dharma। jo past ho gaye hain, unko sannyaasi samajh na saken।

tum jaante ho hathayog anek prakaar ke hain। dvaapar se bhakti maarga ke saath hathayog shuru hota hai। abhi phir hai raajayog। woh hathayog janma by janma seekhte aaye hain। raajayog tum ek janma mein hi seekhte ho। unko janma by janma punarjanma lekar hathayog seekhna hi hai। tumko raajayog seekhne ke liye punarjanma nahin lena padta। yeh raajayog tum sirf sangam par hi seekhte ho। raajaai mil gai, svarga ho gaya phir aur sab dharma khatma ho jaate hain। tum raajarishi ho। raadhe-krishna bhi pavitra hain na। shreekrishna ko mahaatma bhi kehte hain। mahaatma pavitra hote hain। tum bhi abhi mahaatma va raajarishi ho। mahaatma arthaat pavitra, mahaan aatma। yeh baaten koi shaastron mein nahin hain। shaastra to baad mein bante hain। kahaaniyon misal baith likhte hain। jo past ho jaata hai, woh baith khel banaate hain। sachcha to nahin hai। ab baap bachchon ko practical mein padhaate hain। unki phir history banaai hai। yaadav, kaurav, paandav the, zaroor sangam par honge। sangamayug ki history baith banaai hai। tyohaar bhi sabhi sangamayug ke hain। raakhi bandhan bhi pavitrata par hai। peechhe phir unka yaadgaar chalta hai। yahaan baap bhi sabhi ko pavitra banaae pratigya karaate hain। sikkha log kangan pahante hain, woh bhi pavitrata ki nishaani hai। hindu log janeu pahante hain, woh bhi pavitrata ki nishaani hai। parantu pavitra rehte nahin hain। raakhi bandhavaate hain, arth thode hi samajhte hain। aage brahman log raakhi baandhate the। abhi behen bhaai ko raakhi baandhati hai, woh kharchi dete hain। yeh sab abhi fashion pada hai। vaastav mein yeh hai pavitrata ki baat। baap kehte hain - bachche kaam mahaashatru hai। woh brahman log koi aise nahin samjhaate hain। abhi behad ka baap kehte hain bachche pratigya karo ham pavitra banenge। kabhi vikaar mein nahin jaayenge। bulaate bhi isliye ho ki aakar patiton ko paavan banaao। satayug treta mein koi nahin bulaate। woh hai hi raamraajya। yeh hai raavan raajya। raamraajya mein 5 vikaar hote nahin। yatha raaja raani tatha praja... abhi tum bachche jaante ho ham baba se svarga ki baadshaahi le rahe hain। is narka se jaana zaroor hai। baba aaya hai paavan banaakar svarga mein le jaane। phir to ham kyon nahin paavan banen। unhon ke hathayog to anek prakaar ke hain। jaypur ke museum mein jaakar dekho kitni variety hai hathayogiyon ki। unse hota kuchh bhi nahin। seedhi neeche utarte hi jaate।

baap ne samjhaaya hai bhaarat jab patit banta hai, raavan ka raajya hota hai to dharni hilne lagti hai। sone ke mahal aadi sab neeche chale jaate hain। mahlon aadi ko koi loota thode hi hai। woh to sirf mandiron ko loota hai। kuchh jevar sona aadi le gaye hain। jevron ka sabse jaasti shauk tumko hai। tum svarga mein aate hi jevar pahante ho, raajya karte ho। aur dharma vaale aate hi raajya nahin karte hain। tum behad ke baap se svarga ki baadshaahi ka varsa lete ho। to yeh baap baith samjhaate hain, geeta padhkar nahin sunaate hain। geeta mein jo kuchh likha hai, woh sab mainne kaha nahin hai, woh to manushyon ne mere mahaavaakyon ka baad mein baith shaastra banaaya hai। hamne jo tumko sunaaya woh tumne hi suna aur phir jaakar raajaai ki। vahaan yeh gyaan nahin rehta। yahaan to baap teacher baith shiksha dete hain। baap to hindi mein hi samjhaate hain। yahaan sab hindi-hindi kehte rehte hain na। jo unhon ki bhaasha hai। vaastav mein praacheen bhaasha hindi hi hai, na ki sanskrit। yeh sanskrit to shankaraachaarya ke baad nikli hai। jo aate hain woh apni bhaasha chalaate hain। baaki aise nahin ki baba ne geeta sanskrit mein sunaai hai। nahin। guroonaanak ka apna granth hai। usne sikkha dharma sthaapan kiya, unko bhi avtaar maante hain। usmein raajaayen bhi hote hain। sannyaasiyon mein raajaai nahin hai। baba ne samjhaaya hai - buddha, Christ aadi pahle grihasthi aatma the। ab grihasthi patit aatma to dharma sthaapan kar na sake। unmein pavitra aatma aai, jisne dharma sthaapan kiya। doosre dharma to kisam-kisam ke bahut hain, aakar apna chhota math panth sthaapan karte hain। jhaad mein bhi dikhaaya hai na। to hathayog aur raajayog mein bahut pharka hai। yeh baaten samajhne ki hain, jisko samajh mein nahin aati hongi, woh jhutka khaate, ubaasi dete rahenge। yahaan to tumko khajaana milta hai। badi bhaari kamaai hai। tum ratnon se jholi bharte ho। to yeh aankhen kholkar sunna hota hai। jhutke khaate rahenge ya buddhi baahar bhatakti rahegi to woh raajdhaani pa na saken।

tum ho raajarishi। raajaai praapta karne vaale। baap raajdhaani sthaapan karte hain। shreekrishna nahin karte। shreekrishna to baap ka varsa lete hain। ab tumhaara baap hai niraakaar, jisse varsa le rahe ho - vishwa ki baadshaahi ka। kitna tum saahookaar bante ho। yahaan ek hi baap aakar raajayog sikhlaate hain। so bhi ghoomo, phiro, khaao piyo, sirf baap ko yaad karo। saahookaar zaroor achhi reeti khaayenge। woh to apni kamaai ka phal khaate hain। maalpuda khaao ya roti khaao। yaad karo baap ko। bhal kuchh bhi khaao। paisa tab kiske liye hai। baba koi mana nahin karte hain। sirf baap se yog lagaana hai। is raajaai sthaapan karne mein kharcha nahin hai। us ladaai aadi mein kitna kharcha hota hai। aeroplane par kitna kharcha hota hai। girte hain to ekdam khatma ho jaate hain। kitna nuksaan ho jaata hai। to baap kehte hain chalte phirte baap ko yaad karo। svadarshan chakra phiraate raho। hamne 84 janma poore kiye hain। ab chalen vatan ki or। ghar jaakar phir aae raajaai karenge। tum actors ho na। woh bioscope to do adhaai ghanta chalte hain। yeh behad ka naatak 5 hajaar varsha chalta hai, inko manushya hi jaan sakte। yeh duniya hai kaanton ka jangal। bade te bada kaanta hai vikaar ka, jo aadi madhya ant duhkh dete hain। doosre number ka kaanta hai krodh। unki nishaani yeh mahaabhaarat ladaai dekho। koi baat mein gussa aaya to jhat bombs shuru kar denge। abhi to aise-aise bombs banaaye hain jo baat mat poochho। satayug mein koi ladaai aadi hoti nahin। sangam par hi yeh mahaabhaarat ladaai dikhaai hai। doosre koi shaastra mein ladaai ki baat hi nahin। vahaan to saare vishwa ke tum maalik rehte ho। ladaai ki baat ho na sake। shaastron mein asuron aur devtaaon ki ladaai dikhaai hai। parantu devtaayen ahinsak hain। tum yogbal se vishwa ke maalik bante ho। yeh hai silence bal, ismen kuchh tumko bolna nahin hai। yaad ke bal se tum baba se vishwa ki baadshaahi lete ho। farka dekho kitna hai। science bal se vinaash hota hai। usi hi science se phir satayug mein sukh dekhenge। science se invention karte hain, woh to sukh ke liye karte hain। yeh bhi aakar kuchh gyaan lenge। pradarshani mein to sab aate hain। aage chal sab aayenge। tumhaare is silence bal ka aavaaj niklega।

tum prashn poochhte ho - geeta ka bhagwan kaun? aise prashn koi poochh na sake। jahaan yeh prashn likhte hain, to unke saath chitra bhi do। geeta ka bhagwan parampita paramatma ya shreekrishna? jo poore 84 janma lete hain। patit se paavan banaane vaala to baap hi hai। shreekrishna ki aatma to 84 janma le saanvari bani hai। unko baith samjhaate hain, tumne 84 janma liye hain। tum apne janmon ko nahin jaante ho। actors ko pata to hona chaahiye na ki ham 84 janma kaise lete hain। sannyaasiyon ka dharma hi alag hai। bhaaratvaasiyon ko apne dharma ka pata na hone kaaran aur-aur dharmon mein jaate rehte hain। kisi guru ki aasheervaad se kisko dhan mil gaya to unke peechhe chatak padenge। phir devaala nikla to kahenge khuda ki bhaavi। bachcha mila bahut khushi hogi। achha 10-12 din ke baad bachcha mar gaya to kahenge eeshvar ki bhaavi। inko jinda karna hamaare haath mein nahin hai। baba ke bahut aise misaal dekhe hue hain। aise-aise bahut hote hain। yahaan to baap baitha hai। baap bachchon ko samjhaate hain meethe-meethe bachchon paavan bano। yaad hai, jab mahaabhaari mahaabhaarat ladaai lagi thi to dropdi ne pukaara tha - baba hamko yeh dushaasan nangan karte hain, hamko inse bachaao। 5 hajaar varsha ki baat hai। in ablaaon par atyaachaar is vish par hi hote hain। kai to striyaan bhi aisi hoti hain jo vish bigar rah nahin sakti। unhon ka naam bhi rakha hua hai soopankha, pootna। jo vish ke liye tang karte hain woh hain kans, jaraasandhi, shishupaal... yeh sab vinaash ko to paane hi hain। is samay hai aasuri, raavan raajya phir hoga eeshvareey raajya। is saare chakra ko to tum jaan gaye ho ki kaise 84 janma lete hain। yeh bhoolta tab hai jab vikaar mein jaate hain। vikaar mein jaane vaale ka munh hi peela ho jaata hai। khud hi samajhte hain - yeh hamne kya kar diya। baap kehte hain - bachche is vishay gutter mein mat jaao। yeh tumko aadi madhya ant duhkh dene vaala hai। ismen na pado। kasam uthaao ki ham vikaar mein kabhi nahin jaayenge। bhagvaanuvaach hai kaam mahaashatru hai। har ek chitra mein pahle to yeh likho। gyaan saagar, patit-paavan geeta gyaan daata shiv bhagvaanuvaach। to phir shreekrishna ka naam ud jaae। hamko geeta ka bhagwan baith yeh batlaate hain। vahi gyaan ham lete hain। bhagwan hi aakar nai duniya sthaapan karte hain aur puraani duniya ka vinaash hota hai। roodra gyaan yagya hai na। asul hai shivbaaba। roodra baba nahin kahenge। bombe mein baabureenaath ka bhi mandir hai। ab babul kaha jaata hai kaanton ko। baabureenaath naam kyon rakha hai? yeh koi samajhte nahin hain। chitra to shiv ka hi hai। baaki to anek naam rakh diye hain। shivbaaba hi aakar kaanton ke jangal ko phoolon ka bageecha banaate hain, vahi tumhaara baba hai। unka naam hai shiv। shiv parmaatmaae namah, brahman devi-devtaae namah akshar bilkul clear hai। ab woh parampita paramatma baith is rath dvaara samjha rahe hain। hoobhu jaise laukik baap samjhaate hain bachche, hamaare kul ko kalank nahin lagaana। koi kharaab kaam nahin karna। yeh baba bhi kehte hain bachche vikaar mein to kabhi nahin jaana। pavitra banne bigar svarga mein oonch pad pa nahin sakenge। bahut jabardasta kamaai tum kar rahe ho। baaki sab ganva rahe hain। bhal koi ke paas padam hain। bade-bade mahal bana rahe hain। laakhon roopaye kharcha karte hain। tum samajhte ho woh sab vesta oph time... hai। yeh kuchh kaam nahin aayega, sab khatma ho jaayega। woh to samajhte hain - 10-12 hajaar varsha chalenge। tum bachche jaante ho maut to saamne khada hai, sir par। thode samay ke andar yeh earthquake aadi ho sab daanvaadol ho jaayega। earthquake aadi mein anginat mar jaate hain। ab to vinaash hona hi hai। vinaash ka saakshaatkaar aur sthaapna ka saakshaatkaar kiya hai। so phir in aankhon se dekhenge। bhakti maarga mein kitna kuchh karte, parantu koi vaikuntha mein ja na sake। gyaan bigar sadgati ho na sake। yeh sab bhakti maarga ke khilaune hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kul kalankit karne vaala koi bhi kharaab kaam nahin karna hai। pavitra banne ki apne aapse pratigya karni hai।

2) ab apna time, mani.. vesta nahin karna hai। phoolon ke bageeche mein chalne ke liye kaante nikaal dene hain।

vardaan:- alaukik khel aur khilaunon se khelte hue sada shaktishaali banne vaale achal-adol bhav

alaukik jeevan mein maaya ke vighna aana bhi ek khel hai, jaise shaareerik shakti ke liye khel karaaya jaata hai, aise alaukik yug mein paristhitiyon ko khilauna samajhkar yeh alaukik khel khelo। inse daro va ghabraao nahin। sarva sankalpon sahit svayan ko baapdaada par balihaar kar do to maaya kabhi vaar nahin kar sakti। roz amritvele saakshi ban svayan ka sarva shaktiyon se shrangaar karo to achal-adol rahenge।

slogan:- koi bhi sansaar samaachaar sunna, sunaana - yeh bhi svayan mein kichda jama karna hai।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

baapdaada ka mukhya pharmaan hai nirantar yaad mein raho aur man, vaani, karma se pavitra bano। sankalp mein bhi apvitrata va ashuddhata na ho - isko kehte hain sampoorn pavitra। sankalp mein bhi agar puraane ashuddha sanskaar touch karte hain, vyartha sankalp chalte hain ya svapna aate hain to bhi sampoorn pavitra nahin kahenge isliye pavitra-bhav va yogi-bhav ke pahle paath ko svarup mein laao tab hi baap-samaan aur baap ke sameep aane ke adhikaari ban sakte ho।