रविवार 9 अगस्त 2026 की दैनिक मुरली

09-08-26 praatahmurli om shanti ''avyakt-baapdaada'' revise 02-03-11 madhuban

“master sarvashaktivaan ke svamaan ki seat par rah, ek do ko umang-utsaah dilaate, sahayogi ban vyartha sankalpon ke ak ke phool arpan kar number one ka inaam lo''

aaj aap sabhi aur saath mein chaaron or ke sarva bachche amritvele se lekar bade sneh bhari mubaarken apne prem aur khushi ki de rahe hain। to baap bhi aap sabhi sikeeldhe bachchon ko is jayanti ki mubaarken dene aaye hain। ek-ek bachcha baap ke liye ati pyaara dil ka dulaara hai। to baapdaada apne baahon ki maala se aap sabko mubaarken de rahe hain।

baapdaada dekh rahe hain aap to saamne mubaarak de bhi rahe ho, le bhi rahe ho lekin chaaron or ke bachche kai sthaanon mein mubaarken de rahe hain aur baap bhi desh videsh sab taraph ke bachchon ko ati sneh poorvak mubaarken de rahe hain। baapdaada dekh rahe hain har bachcha khushnuma soorat se pyaar ke saagar mein lahra rahe hain। baap ko khushi hai ki baap akela nahin aata hai, bachchon ke saath hi aate hain kyonki baap aate hi hain yagya rachne। to yagya mein kaun hote hain? brahman, isliye baap akele nahin aate lekin bachchon ke saath aaye hain kyonki yahi jayanti sab jayantiyon se wonderful hai। saare kalpa mein yeh ek hi jayanti hai jo baap aur bachchon ka saath mein janma hota hai isliye is jayanti ko kaha hi jaata hai heere tulya jayanti। baap bhi vishesh aadi ratna bachchon ko vishesh mubaarak de rahe hain। to aap sabhi aaj mubaarak dene aaye ho va lene bhi aaye ho! baap ka kehna hi hai saath rahenge, saath udenge, saath aayenge aur brahma baap ke saath raajya karenge। saath rahne ka vaayda hai। aap bhi kya kehte ho? ham bhi jahaan baap vahaan saath-saath honge। yeh hai bachchon ka baap se, baap ka bachchon se vaayda। kahaan bhi shareer dvaara rehte hain lekin dil mein sada baap saath hai iseelie baap ko dilaaraam kehte hain। yahaan yaadgaar bhi dilvaala (delvaada) mandir hai। to sabhi ke dil mein saath mein dilaaraam hai na! aur baap sada bachchon ko kehte hain kabhi bhi akele nahin banna। sada saath hain, saath rehna hi hai। akele honge to maaya apna chance leti hai aur saath hai to svayan light house saath hai, uske aage maaya door se hi bhaag jaati, najdeek bhi nahin aa sakti hai isliye bachchon ka baap se, baap ka bachchon se sada saath ka vaayda hai। aap sabhi ka bhi vaayda hai na! saath hain, saath rahenge। achha lagta hai na saath mein। haan bhale haath uthaao।

baapdaada ne dekha har bachcha amritvele baap se bahut dil ki baaten karte hain। vaise to samay nahin milta lekin amritvele har ek bahut meethi-meethi dil ki baaten karte hain aur baap bhi har ek bachche ke dil ki baaten sunkar sab baaton ka uttar bhi dete hain। sabhi ko ek baat ki bahut khushi hai ki ham dil se kehte mera baba, to baap haazir ho jaate। hazoor haazir ho jaate। ismen sirf dil ki baat hai aur kuchh karne ki jaroorat nahin, dil se kaha mera baba, hazoor haazir।

to aaj chaaron or se baapdaada ke kaanon mein meetha geet baj raha tha। kaun sa geet? mera baba, pyaara baba, meetha baba aur baapdaada bhi bachchon ke sneh mein samaaye hue the, samaaye hue hain। abhi baapdaada aapke sneh ke divya kartavya ko dekh kehte ki aapke bhakta woh bhi kam buddhi vaale nahin hain। unhonne bhi aapke yaadgaar ki copy bahut achhi banaai hai। dvaapar mein aaye, pahla-pahla janma vaise bhi satopradhaan hota hai kyonki paramdham se aatma aati hai। to bhakton ke taraph bhi aaj drishti gai। to copy badi yuktiyukta ki hai kyonki aapke shuru-shuru vaale vishesh bhakta jaisa aapka practical karma hai vaise hi unhonne bhi yaadgaar ki copy achhi banaai hai lekin aapka practical hai unhon ka yaadgaar hai। jaise aapne vrat liya, kaun sa vrat liya? pavitrata ka। to woh bhi vrat lete hain, vrat ki copy ki hai lekin aapka vrat ek janma mein lene se anek janma woh vrat chalta hai। woh ek din ke liye pavitra bhi rehte aur khaan-paan bhi shuddh rakhte hain। aapka 21 janmon ka vrat, unhon ka alpakaal ke liye hai। aise hi jaagran, aap roshni mein aaye to saare vishwa ke andar andhakaar mitaaya। aadhaakalpa andhakaar aa nahin sakta। man ka andhakaar mitaaya aur baahar prakriti ka duhkh, woh andhakaar mitaaya। woh bhi copy ki hai, jaagran karte hain। aur baat, aap baap ke oopar balihaar gaye, bali chadh gaye। poorn surrender ho gaye to unhonne bhi copy ki hai lekin apne ko nahin karte, apne ko bali nahin chadhaate hain, kisko chadhaate hain? jaante ho na! bakre ko chadhaate hain। bakre ko kyon dhoondha aur kisko nahin dhoondha। sab hans rahe hain, jaante ho! jo baap aap bachchon ko baar-baar ishaara deta hai main pan chhod nimitta bhaav dhaaran karo to unhonne bhi bakre ko dhoondha hai kyonki woh bhi mein mein karta hai। to bhakton ki buddhi kamaal ki to hai na! aapke bhakta hain na। baap ke, aapke bhakta hain। iseelie baap aapke bhakton ko bhi jo sachchi dil se bhakti karte hain, unko kuchh na kuchh bhakti ka phal de dete hain। woh bhi sada sachche aur saatvik rehte hain, khush rehte hain। duhkh mein duhkhi nahin hote hain kyonki bhakti sachchi dil se karte hain। to baap bhi aajkal aap bachchon ko yahi ishaara dete hain ki maimpan nahin laao। main jo kehta hoon vahi ho। main hi theek kehta hoon, vahi hona chaahiye। yeh main main, ek saadhaaran hai main shareerdhaari hoon, dehdhaari hoon, to ek hai saadhaaran main aur doosri hai maheen main, usmein baap ki den ko bhi mainne kiya, mainne bola, main karta hoon, baap ki visheshtaaon mein bhi maimpan aa jaata hai। gyaan ki samajh, visheshtaaon ki samajh usmein bhi maheen main-pan aa jaata hai। to baap ishaara dete rehte hain ki main aur mera, sada mera baba, usi taraph dil ka lagaav ho। had ka mera, mera naam, mera shaan, isko samaapta kar main baba ka, baba mera, kitni khushi hoti hai! bhagwan mera ho gaya aur kya chaahiye! to ek hai saadhaaran mera, ek hai maheen mera। yeh maheen mera maila kar deta hai aur mera baba maalaamaal kar deta hai।

to aaj birth de manaane aaye ho। apna bhi birth de manaane aaye ho na! baap bachchon ke bina kuchh nahin karta iseelie aaj baap bachchon ke janma utsav ki mubaarak dene aaye hain, vaah mere bachche vaah! abhi ek baat kahoon, taiyaar hain! kahen? karna padega। haath uthaao, karenge? double foreigners karenge? teachers karenge? achha। to aaj baapdaada jaise yaadgaar mein shiv paramatma ki yaadgaar mein ak ke phool chadhaate hain, gulaab ke nahin, aur koi phool nahin chadhaate, ak ke phool chadhaate hain। to aaj baapdaada aapko kaun si baat arpan karo, woh homework dene chaahte hain। taiyaar ho na! achha।

yeh to bachchon ka baap ko bahut achha lagta hai, haan ji sab karte hain। to aaj birth de par baap ka yeh sankalp hai ki sabhi ek do ko umang utsaah dilaate hue, ek do ke sahayogi bante hue vyartha sankalp ka ak ka phool arpan karo। vyartha sankalp na karna hai, na sunna hai aur na sang mein aakar vyartha sankalpon ke sang ka rang lagaana hai kyonki vyartha sankalp jahaan hoga vahaan yaad ka sankalp, gyaan ke madhur bol, jisko murli kehte ho, woh shuddh sankalp smriti mein nahin rahenge। chaahe murli sunte bhi ho, padhte bhi ho woh to aavashyak hai। braahmanon ka niyam hai lekin sunne tak rahegi। man mein manan nahin chalega। sochenge, kahenge aaj ki murli bahut achhi thi। soch rahi hoon kya thi…। vardaan bhi bahut achha tha, lekin yaad aa jaayega...। vyartha sankalp man buddhi ko apne taraph aakarshit karne vaale hain। pata hai aapko kya kehte hain baap ke aage? baba interested samaachaar to sunna chaahiye na। knowledgeful banna hota hai lekin vyartha baaten pad ki praapti mein nuksaan kar dengi। to kya aap sabhi vyartha sankalp ka baap se vaayda karte ho? aap kahenge ham to nahin chaahte lekin woh aa jaate hain। chaahte nahin hain lekin aa jaate hain। to baap ko dridh sankalp se dene se, pahle dena aata hai? baap ko de diya। di hui cheez agar aapke paas vaapas bhi aa jaae to di hui cheez aap rakhenge, ki vaapas karenge? agar di hui cheez aap apne paas rakhte ho to aapka title kya hoga? to baap ko ek baar apni roochi se dridhta se de do aur check karo baar-baar di hui cheez hamaare paas vaapas to nahin aai! doosre ki cheez apni banaana, isko achha nahin maante hain। to roz aaraam ke pahle, aaraam baad mein karna pahle check karna - aaj saare din mein koi bhi vyartha sankalp aaya to nahin? kiya to nahin? di hui cheez vaapas to nahin le li?

to aaj birth de ki saugaat dene ki himmat hai na! hai himmat? haath uthaao, himmat hai? to jahaan himmat hai vahaan baapdaada bhi aapko saugaat dega। aap dil se kehna mera baba, dayaalu kripaalu baba, aap yeh cheez le lo। agar dil se kahenge to baap extra gift dega kyonki himmat aapki, extra madad baap dega। jahaan himmat hai vahaan baap ki madad avashya hai hi, yeh to anubhav kiya hai na kyonki baapdaada kaaphi samay se soochna de raha hai ki ab teevra purushaartha ka raasta hai teen bindu lagaana। bindu hoon, baap bindu ko yaad karna hai aur beeti ko bindu lagaana, fullstop bindu hai, jisko baapdaada kehte hain manan karo, bindu banna hai, bindu dekhna hai aur bindu lagaana hai isliye bindu ka bahut mahatva hai। aajkal ke jamaane mein bhi bindu ka mahatva hai। dekho paise ginti karte hain na। aajkal sabka pyaar, sabse jyaada kisse hai? paise se। to paisa badhta kaise hai? bindu lagaate jaao, 10 ko bindu lagaao 100 ho jaayega। doosri bindu lagaao to 1000 ho jaayega। to bindu ka mahatva hai lekin asli bindu kaun sa hai woh bhool gaye hain। to aaj baap ko janma din ki saugaat di? di? dil se di? kyon, kya to nahin karenge? kaise karoon, kya karoon? yeh kai kai ki bhaasha kharaab hai। kyon karoon, kaise karoon, kyon kya, kai kai nahin karna। to saugaat dene ke liye khushi-khushi se haath uthaaya hai ya sangathan mein majboori se? kyonki majboori se karne vaale ka sada nahin hoga, kabhi-kabhi hoga। dil se karne vaala karna hi hai, banna hi hai। saugaat de di, deni hi hai। aisa khushi-khushi se sankalp karenge to aap sarvashaktivaan baap ke bachche master sarvashaktivaan ke liye kya badi baat hai! seat par rehna, master sarvashaktivaan ki seat par sada set rehna। bhoolna nahin। svamaan hai na yeh। svamaan apna chhoda nahin jaata hai। svamaan ke peechhe to ladte hain। to iseelie aaj baap ko pyaar aaya ki chhoti si baaton mein apna svamaan, paramatma dvaara mila hua svamaan, logon dvaara mila hua svamaan usmein bhi kitna nasha rehta hai! yeh paramatma dvaara svamaan mila hai, master sarvashaktivaan। jo chaahe woh kar sakte hain। hai na himmat? kaandh hilaao। haath nahin hilaao kaandh hilaao। himmat hai? teachers। aapko karaana padega, dhyaan dena padega। aap karengi aur attention dilaake karaayengi। nimitta ho na। phir dekhenge kaun sa class, kiska class number leta hai? phir achha inaam denge। kaun sa inaam denge woh nahin bataate hain। badhiya inaam denge। class ka class koshish karna। aise nahin ek ne kiya, nahin। majority karen।

to aaj baapdaada ko ek-ek bachche ke prati pyaar aa raha hai ki number one mein aave। tu mein bhi nahin। pahli raaj gaddi par nahin baithenge, takhta par to do baithenge lekin pahli raajdhaani, pahle raaj gharaane ke sambandh mein aaven। do number to ho gaye lekin raajya karna hai, raajya adhikaari banna hai to pahle raajya mein aave। to baapdaada ka yahi bachchon se pyaar hai ki ek-ek bachcha koi na koi visheshta mein number one aave। nambarvaar nahin, number one। hai umang? number one mein aana hai ki jo mile so achha? achha, achha nahin karna। baap ki aasha hai ek-ek bachcha koi na koi kamaal mein number one aave। chaar subject hain, koi na koi subject mein number one banna hi hai। banna hi hai, yeh underline karo। chalo jyaada mehnat nahin dete, koi na koi subject mein number one। yeh to sahaj hai na। baaki aaj ke din amritvele ek-ek bachcha jo bhi milan mana rahe the, bada khushnuma, khushi mein hansata hua, khushnuma chehra dikhaai de raha tha। aur baap ne bhi har bachche ko sada udti kala ka vardaan diya। chalti kala nahin, udti kala। to baapdaada ka aaj yeh vardaan yaad rakhna। baapdaada ne aapke aur apne jayanti par kya vardaan diya? udti kala bhav। aapne bhi saara din shivraatri utsav dil mein manaaya hai na। to sabhi achhe hain, achhe rahenge, achhe te achha raajya pad praapta karenge। sabhi achhe hain na! baap to achha hi dekhta hai। achha।

chaaron or ke chaahe sammukh baithe hain chaahe apne-apne sthaan par baith mana rahe hain, sabhi ko baapdaada bhi dekhkar harshit ho rahe hain aur bachche bhi baap ka milan dekh khush ho rahe hain। lekin aaj ka sankalp rakhna sada khush। kabhi-kabhi vaala nahin, sada khush। koi bhi dekhe, aapke chehre ko dekh soche ki yeh bahut bhaagyavaan aatma dikhaai deti hai। aapka bhaagya chalan aur chehre se dikhaai de। aise nahin sirf man mein bahut hai, nahin। aapka bhaagyavaan chehra khushnuma chehra auron ko parichay karaayega। chehra bolega kuchh hai। aapka chehra service kare। baap tak laave। khushnuma rehna, yeh bhi seva ka saadhan hai। to chaaron or ke bachchon ko aapke bhi birth de ki padamguna mubaarak ho, mubaarak ho, mubaarak ho। achha।

vardaan:- sanshay ke sankalpon ko samaapta kar maayaajeet banne vaale vijayi ratna bhav

kabhi bhi pahle se yeh sanshay ka sankalp utpanna na ho ki na maaloom ham fail ho jaayen, sanshaybuddhi hone se hi haar hoti hai isliye sada yahi sankalp ho ki ham vijay praapta karke hi dikhaayenge। vijay to hamaara janma siddha adhikaar hai, aise adhikaari bankar karma karne se vijay arthaat saphalta ka adhikaar avashya praapta hota hai, isi se vijayi ratna ban jaayenge isliye master knowledgeful ke mukh se naamaaloom shabd kabhi nahin nikalna chaahiye।

slogan:- raham ki bhaavna sahaj hi nimitta bhaav emerge kar deti hai।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

jaise chhueemui ka paudha jara bhi haath lagaane se shaktiheen ho jaata hai, usmein time nahin lagta। aise aap ek second ke shuddh sankalp ki shakti se maaya ko chhueemui muaaphik moorchhit kar do। apna niji-swaroop, vardaani-swaroop, sada hi smriti mein rahe to apvitrata va vismriti ka naamonishaan bhi na rahe।