मंगलवार 18 अगस्त 2026 की दैनिक मुरली

18-08-2026 praatahmurli om shanti "baapdaada"' madhuban

“meethe bachche - suni sunaai baaton par vishvaas nahin karo, agar koi ulti sulti baaten sunaaye to ek kaan se sun doosre se nikaal do''

prashn:- jo bachche gyaan ki khushi mein rehte hain unki nishaani kya hogi?

uttar:- ve puraane karmabhog ka hisaab-kitaab us khushi mein merge karte jaayenge। gyaan ki khushi mein duhkh darda, gam ki duniya hi bhool jaati hai। buddhi mein rehta ab to ham khushi ki duniya mein ja rahe hain। raavan ne shraapit kar duhkhi kiya, ab baap aaye hain us duhkh ki, gam ki duniya se nikaal khushi ki duniya mein le jaane।

geet:- tumhein paake hamne…

om shanti। meethe-meethe roohaani bachchon ne geet suna। zaroor bachchon ke romaanch khade ho jaane chaahiye kyonki gaaya jaata hai khushi jaisi khuraak nahin। abhi tum sabhi roohaani bachchon ko behad ka baap mila hai। behad ka baap to ek hi hota hai aur bachche jaante hain jab aur bachche banenge to unhon ke bhi romaanch khade honge। tum jaante ho hamaara raajya tha phir raajya ganvaaya, ab phir raajya lete hain। bhaaratvaasiyon ke liye yeh khushkhabri hai na। parantu jabki achhi reeti sunen aur samjhen। barobar yeh khushi ki baat hai na, kalpa-kalpa baap aate hain। baap ka janma bhi yahaan gaaya jaata hai। tyohaar bhi jo hain sab is samay ke hain। baap ne aakar tumko bahut sahaj raasta bataaya hai। manushyon ko to anek prakaar ke gam hain, yahaan is gyaan ki khushi mein woh gam duhkh aadi sab merge ho jaate hain। jaise koi beemaar theek hone par aata hai to sabko khushi hoti hai। beemaari aadi duhkh ki baaten jaise bhool jaati hain। piyarghar, sasurghar, mitra sambandhi aadi sab khushi mein aa jaate hain। tum bachche jaante ho ham sab vishwa ke maalik the phir raavan ne shraap diya hai। yeh hai gam ki, duhkh ki duniya। phir kal hogi khushi ki duniya। khushi ki duniya yaad rahne se gam duhkh aadi sab bhool jaane chaahiye। yeh hai tamopradhaan duniya। bhinna-bhinna prakaar ka karmabhog hai। ablaaon par bhi kitne atyaachaar hote hain। anek prakaar ke vighna aate hain। yeh vighnon ke, karmabhog ke din baaki thoda samay hai। baap dheeraz dete hain, baaki thode roz hain। kalpa pahle bhi hua tha। karmabhog ka hisaab-kitaab chuktu hona hai। khushi mein yeh sab merge karte jaao। bas baap aur varse ko yaad karte raho। ulta-sulta koi bhi kaam mat karo। nahin to aur hi danda pad jaata hai, pad bhrashta ho jaata hai। bachchon ka kaam hai ek baap ko yaad karna। baap kehte hain - mujhe yaad karo to tumhaare vikarma vinaash ho jaayenge। hisaab-kitaab chuktu ho jaayega। baaki thoda samay hai, hisaab-kitaab chuktu karte jaao kyonki tum ho andhon ki laathi। tum bhi yaad karo, doosron ko bhi raasta bataao। vighna to bahut padenge। jitna ho sake, sabko yeh samjhaate raho ki baap ko yaad karo। akshar bhi naameegraami hain, manamnaabhav arthaat he aatmaayen maamekam yaad karo to tumhaare past ke vikarma bhasma honge। ismen moonjhane ki to baat hi nahin। sirf baap ko yaad karo to tamopradhaan se satopradhaan ban jaayenge। tum jaante ho hamne 84 ka chakra lagaaya hai। chakra lagaate aaye hain, lagaate rahenge। yeh hai puraani duniya, puraana chola.... inko bhool jaana hai। yeh hai aatmaon ka behad ka sannyaas। unhon ka hai had ka sannyaas, gharbaar chhod jaate hain। unhon ka bhi drama mein part hai। phir bhi aise hi hoga। second-second jo paas hua so drama phir vahi drama repeat hoga। shaastra sab hain bhaktimaarga ke pustak। bhakti ke baad hai gyaan। is seedhi ke chitra par kisko bhi samjhaana bahut sahaj hai। mukhya jo chitra hain woh apne ghar mein bhi rakh sakte ho। trimoorti bhi bada clear hai। oopar mein shiv bhi hai। brahma, vishnu, shankar bhi hai, sookshm vatan vaasi phir oonch te oonch hai bhagwan। bachche bhi samajhte hain jahaan baap rehte hain woh hai ham aatmaon ke rahne ka sthaan, jisko nirvaandhaam kaho athva shantidham kaho - baat ek hi hai। shantidham naam theek hai athva nirvaandhaam arthaat vaani se pare dhaam, woh shantidham hi ho gaya। woh shantidham phir hai sukh aur shanti sampatti dhaam। phir hota hai duhkh aur ashaantidhaam। sukh-dhaam mein to kaaroon ke khajaane hote hain athaah। aaj kya hai, kal kya hoga। aaj kaliyug ka ant, kal hoga satayug ka aadi। raat din ka farka hai na। kehte bhi hain brahma aur brahma mukh vanshaavli braahmanon ka din aur phir raat। din mein hain devtaayen। raat mein hain shoodra। beech mein ho tum brahman। is sangamayug ka kisko pata nahin hai। manushya to bilkul hi ghor andhiyaare mein hain। to ghor sojhre mein le aana tum bachchon ka pharja hai। abhi saamne vahi mahaabhaarat ladaai hai। gaaya hua bhi hai - vinaash kaale vipreet buddhi vinshanti। vinaash kaale preet buddhi vijayanti।

tum bachche jaante ho baba hamko phir se vahi raajaai dete hain। woh hamaari raajaai koi chheen na sake। raavan ki praveshta to hogi dvaapar se। raavan ne hamaari raajaai chheeni hai, jisko dushman hi samjho kyonki dushman ka hi effigy banaakar jalaate hain। yeh bahut puraana dushman hai। kehte bhi hain - raavan raajya parantu kiski buddhi mein nahin aata hai। to ghor andhiyaara kahenge na। behad ka baap hai knowledgeful। unko gyaan ka daata, divya chakshu vidhaata kehte hain। abhi tum aatmaon ko gyaan ka teesra netra mila hai। aage to kuchh nahin jaante the। ab sab jaan gaye ho। baap gyaan ka saagar hai to zaroor gyaan sunaayenge na। gyaan sunaane bigar siddha kaise ho! tum dekhte ho baap gyaan sunaate hain, jis gyaan se phir aadhaakalpa sadgati hoti hai। bhakti ko hi aadha-kalpa chalna hai। gyaan se sadgati sangam par hi hoti hai। koi bhi baat bachchon ki kab chhip nahin sakti। baap kehte hain - koi bhi bura kaam ho jaae to bataao। baba jaante hain kaeeyon se bure karma hote rehte hain। raavan raajya hai na। maaya chamaat maarti hai, parantu chhipaate hain bahut। baba kehte hain koi bhi bhool hoti hai to phauran batlaane se aage ke liye yukti milegi। nahin to vriddhi hoti jaayegi। kaam mahaashatru hai। baba ko likhte hain - baba maaya ka bahut opposition hota hai। sadaiv to kiska yog nahin rehta jo maaya se bach sake। deh-abhimaan bahut aata hai। bahut hain jo maaya ke thappad khaate hain। baba ke paas samaachaar to sab taraph se aate rehte hain na। akhbaaron aadi mein to ulta-sulta bhi kitna daal dete hain। aajkal manushya baaten to kitni bhi bana sakte hain, tamopradhaan hain na। vyaas ki jab rajo buddhi thi to kya-kya baaten baith likhi hain। baap bachchon ko samjhaate hain suni-sunaai baaton par kabhi bhi vishvaas kar bigdo mat। phalaane ne aise kaha, yeh kiya... maatha hi phir jaata hai। samajhte nahin tamopradhaan duniya hai। maaya giraane ki koshish karegi। koi bhi jhooth-mooth baaten sunaaye to ek kaan se sun doosre se nikaal do। auron ko bhi yahi paigaam dete raho। baap kehte hain - main paigaam le aata hoon। ab he aatmaayen shreemat par chalo। hamaara paigaam suno। sirf maamekam yaad karo। jo yaad karenge woh apna hi kalyaan karenge। yaad aatma ko karna hai, bhooli bhi aatma hai। ab baap ki shreemat milti hai, ismen aasheervaad va raham aadi kuchh bhi nahin maangana hai। sirf baap ko yaad karna hai aur koi baat poochhne karne ki bhi darkaar nahin hai। srishti ka chakra kaise phirta hai - yeh to suna। ismen khitkhit ki koi baat nahin। ghor andhiyaare mein hi baap aate hain isliye shiv raatri manaate hain। shreekrishna ka bhi janma raatri ko manaate hain। kheer-poori aadi mandiron mein banti hai raat ko। ab shiv ke liye kya banaayenge? woh to hai niraakaar। kisko pata bhi nahin hai, baba kis ghadi aate hain aur kaise chale jaate hain। sadaiv to savaari nahin karte hain। aayenge aur chale jaayenge। abhi tum jaante ho ham shivbaaba ke potre hain। varsa unse milta hai। brahma ko bhi varsa unse milta hai। yeh to manushya hain na। sadgati mein pahla number hai yeh shreekrishna। yeh sabko pyaara hai kyonki satopradhaan baal avastha hai na। thoda bada hota hai to unko sato kaha jaata hai। phir rajo tamo। shreekrishna raadhe hi phir lakshmi-naaraayan bante hain, jinko baap ne gyaan diya hai unko hi denge। bhaarat mein hi devi-devta hokar gaye hain to mandir bhi bhaarat mein bahut hain। Christian ki church mein Christ hi Christ dekhenge। devtaaon ke kitne dher mandir hain। baap aaye hain hamko manushya se devta banaane athva bhaarat ko svarga banaane। ham baap ko yaad kar paavan ban rahe hain। baap ke saath ham bhi bhaarat ko svarga bana rahe hain। jaise ham baap ke saath aaye hain। bhakti maarga mein devtaaon ke mandir moortiyon aadi par kitna kharcha kar banaate hain। utpatti kar, paalna kar, phir vinaash kar dete। 9 roz ke andar hi doobo dete hain। bahut unmein prem hota hai। navraatri kalkatte mein bahut manaate hain। in sab baaton par abhi wonder lagta hai। aage to ham bhi paartadhaari the। karodon roopaya kharcha karte hain। kitni andhashraddha hai। raamaayan se kitna pyaar hota hai। baaten sunkar aankhon se aansu baha dete hain। yeh sab hai bhakti maarga, isse phaayda kuchh nahin। baba ab hamko kitna samajhdaar banaate hain। to yeh sab sunkar yahaan ka yahaan bhool na jaao, sab baaten yaad karo। poora refresh hokar jaao। apne ko aatma samajh deh sahit jo kuchh dekhte ho sab bhool jaao। yeh sab kabristaan hai। dehli mein bidla mandir mein likha hua hai - bhaarat paristaan tha, jo dharmaraaj ne sthaapan kiya tha। abhi tum bachche jaante ho yeh duniya kabristaan banni hai।

baap kehte hain - sab kaam chita par baith ekdam jal mare hain।। krodh chita nahin kahi jaati। kaam chita kaha jaata hai। usmein bhi halka nasha, semi nasha bhi hota hai। bachchon ko hi baap baithkar samjhaate hain। ghar mein agar koi kapoot bachcha hoga to kahenge na - yeh kya baap ki aabru ganvaate ho। baap ki ijjat jaati hai na। behad ka baap bhi kehte hain tum kaala munh karte ho to brahman kul bhooshan jo devta bante hain, unka naam badnaam karte ho। tum bachche jaante ho - ham pavitrata ki taakat se hi bhaarat ko phir se shreshthaachaari devta banaate hain। tumhaare liye to jaise common baat hai। dekhte ho mahaabhaarat ladaai bhi khadi hai, inse hi svarga ke get khulte hain। shaastron mein mahaabhaarat ladaai to dikhaai hai। uske baad kya hua - yeh dikhaaya nahin hai। kah dete hain pralay ho gai। ab shreekrishna ka ek taraph to maata ke garbha se janma dikhaaya hai aur doosre taraph phir kehte hain ki peepal ke patte par angootha choosta aaya, kuchh bhi samajhte nahin। vahaan to garbha mahal mein rehte hain bade vishraam se। baaki saagar mein thode hi patte par ho sakta। yeh to impossible hai। to yeh sab drama bana hua hai, jisko tum jaante ho। kalpa-kalpa aise hota hi hai। ab bachchon ko apna kalyaan karna hai aur doosron ka bhi kalyaan karna hai। mool baat hai yeh। baap to svarga ka rachayita hai। usko kaha hi jaata hai heavenly god father। to phir ham bachche svarga ke maalik hone chaahiye na। shiv jayanti bhi bhaarat mein hi manaate hain to zaroor bhaarat ko kuchh diya hoga। abhi tumko svarga ki baadshaahi de rahe hain na। baap hai hi sadgati daata। gyaan ka saagar, knowledge baap hi aakar dete hain। abhi baap tumko knowledge de rahe hain। 5 hajaar varsha baad phir yahaan hi aayenge। bachchon ko nishchay hai jo-jo is brahman kul ke honge woh aate jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par apna aur doosron ka kalyaan karna hai। koi kuchh jhoothi baat sunaaye to suni-ansuni kar dena hai। us par bigadna nahin hai।

2) kabhi bhi devta banne vaale brahman kul bhooshnon ka naam badnaam na ho - iska dhyaan rakhna hai। koi ulta karma kabhi nahin karna hai। pichhle hisaab-kitaab chuktu karne hain।

vardaan:- nashe aur nishaane ki smriti se sarva karmendriyon ko order pramaan chalaane vaale taaj va takhtansheen bhav

sangamayug par baapdaada dvaara sabhi bachchon ko taaj aur takhta praapta hota hai। purity ka bhi taaj hai to jimmevaariyon ka bhi taaj hai, akaal takhta bhi hai to diltakhtansheen bhi ho। jab aise double taaj aur takhtansheen bante ho to nasha aur nishaana svatah yaad rehta hai। phir yeh karmendriyaan ji hajoor karti hain। jo taaj va takhta chhod dete hain unka order koi bhi kaarobaari nahin maante।

slogan:- kamjor sankalp hi prasannachit ke bajaae prashnachit bana dete hain।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

eeshvareey seva ka bade-se-bada punya hai - pavitrata ka daan dena। pavitra banna aur banaana hi punya aatma banna hai kyonki kisi aatma ko aatma-ghaat maha paap se chhudaate ho। apvitrata aatma-ghaat hai। pavitrata jeey-daan hai।