बुधवार 19 अगस्त 2026 की दैनिक मुरली

19-08-2026 praatahmurli om shanti "baapdaada"' madhuban

“meethe bachche - tumhein abhi roohaani kaarobaar karni hai, rooh samajhkar har karma karne se aatma nirvikaari banti jaati hai''

prashn:- svarga ka varsa lene aur svarga mein oonch pad paane ka aadhaar kya hai?

uttar:- brahmaakumaar/kumaari banen to svarga ka varsa mil jaayega। parantu oonch pad ka aadhaar hai padhaai। agar baap ka bankar achhi reeti padhaai padhte rahen, poora pavitra banen to raajaai pad milta hai। koi poora padhte nahin, karmabandhan hai, poora pavitra nahin bane aur shareer chhoot gaya to praja mein bhi saadhaaran pad pa lenge।

om shanti। roohaani bachchon ko roohaani baap samjha rahe hain। yahaan roohaani kaarobaar hai। baaki saari duniya mein jismaani kaarobaar hai। vaastav mein kaarobaar chalti hai roohon ki। aatma hi is shareer dvaara padhti hai, chalti hai, vikarma karti hai isliye patit-aatma, paap-aatma kaha jaata hai। aatma hi sab kuchh karti hai। is samay sab manushya deh-abhimaani hain, main aatma hoon samajhne badle, samajhte hain main phalaana hoon। yeh vyaapaar karta hoon। yeh phalaane kaami, krodhi hain। shareer ka hi naam lete hain। isko kaha jaata hai deh-abhimaani duniya, utarti kala ki duniya। satayug mein aise nahin hota। vahaan dehi-abhimaani hote hain। tumko dehi-abhimaani banaaya jaata hai। apne ko aatma nishchay karo। main aatma yeh shareer roopi chola dhaaran kar part bajaati hoon। woh actors bhi bhinna-bhinna kapda badli kar part bajaate hain। baap kehte hain - tum aatmaayen pahle shantidham mein thi। tumhaara ghar hai shantidham। jaise woh had ka naatak hota hai, yeh phir hai behad ka naatak। sabhi aatmaayen paramdham se aakar, shareer dhaaran kar part bajaati hain। aatmaon ka asul ghar hai paramdham। un actors ka to ghar yahaan hi hota hai। sirf dress badli kar aakar part bajaate hain। to baap baith samjhaate hain, tum aatmaayen ho। baap to bachche-bachche hi kahenge। sannyaasi bachche-bachche nahin kahenge। baap kehte hain - main patit-paavan tum sabhi aatmaon ka baap hoon, jisko tum god father kehte ho। god father to niraakaar hai। brahma, vishnu, shankar ko bhi god father nahin kahenge। unmein bhi aatma hai parantu unko kehte hain brahma devta namah, vishnu devta namah… devtaayen kya karte hain? yeh kisko pata nahin hai। baap hi aakar samjhaate hain - tum kaise drama plan anusaar part bajaate ho। duniya ek hi hai। aise nahin koi neeche paataal va oopar mein duniya hai। duniya ek hi hai, jiska chakra phirta rehta hai। log to kah dete hain moon mein plat lenge। baap samjhaate hain bachche kitne insolvent ban pade hain। bhaaratvaasiyon ke liye hi kehte hain, tum kitne saahookaar samajhdaar the। in lakshmi-naaraayan ka saare vishwa par raajya tha, jisko koi loot na sake। vahaan koi partition aadi nahin hoti। yahaan to kitni partition hain। aapas mein tukde-tukde par ladte rehte hain। tum saare vishwa ke maalik the। saara aakaash, prithvi, samudra sab tumhaara tha, tum unke maalik the। ab to tukde ho gaye hain। yeh kisko pata nahin hai, bhaarat hi vishwa ka maalik tha।

baap samjhaate hain, aatma ko jo part mila hua hai woh kabhi ghista nahin। chalta hi rehta hai। abhi tum phir se manushya se devta ban rahe ho। phir 84 janma lenge। tumhaara part chalta hi rehta hai, kabhi banda nahin hota hai। koi moksha aadi paate nahin। jitne anek guru, anek shaastra, utni anek maten hoti hain। manushyon mein kitni ashaanti hai। jahaan bhi jaao kahenge man ko shanti kaise mile। yeh deh-abhimaan mein aakar kehte hain। baap samjhaate hain man aur buddhi - yeh hain aatma ke organs। baaki yeh sab shareer ki indriyaan hain। aatma kehti hai mere man ko shanti kaise mile। vaastav mein yeh kehna galat hai। tum aatma ho, tumhaara svadharma hi shant hai। tum aise kaho mujh aatma ko shanti kaise milegi। ismen karma to karna hi hai। yeh baaten baap hi baith samjhaate hain। duniya mein yeh gyaan kisko nahin। vahaan hai bhakti maarga। unko gyaan ka pata nahin hai। gyaan to ek baap hi dete hain। baap khud kehte hain main kalpa-kalpa, kalpa ke sangamayug par aata hoon। kaliyug ke ant mein sabhi patit hain। yeh hai raavan-raajya। raavan ko jalaate bhi bhaaratvaasi hi hain। baap patit-paavan ka janma bhi yahaan hai। to raavan ka janma bhi yahaan hai। raavan jo sabko patit banaate hain, isliye unko jalaate hain। yeh baaten kiski buddhi mein nahin hain।

ab bhaarat mein shreekrishna jayanti manaate hain। shreekrishna ki leela, bhajan aadi karte hain। ab baap kehte hain - vaastav mein shreekrishna leela kuchh hai hi nahin। shreekrishna ne kya kiya! kehte hain kansapuri mein janma liya। ab kans to devil ko kaha jaata hai। satayug mein devil kahaan se aaye। tum jaante ho shreekrishna ki aatma jo satayug mein thi woh apne 84 janma bhog is samay patit se paavan ban rahi hai। apna pad phir se le rahi hai। vaise hi tum krishnapuri mein rahne vaale the। 84 janma le ab phir apna pad le rahe ho। jayanti manaani hai vaastav mein shivbaaba ki। jo shivbaaba sabko hell se heaven mein le jaate hain, unki koi leela hai nahin। kehte hain ki he patit-paavan baba aao, aakar hamko hell se heaven mein le jaao। aap hamaare baap ho to ham svarga mein hone chaahiye, ham vicious duniya mein kyon hain? isliye bulaate hain he god father hamko is duhkh ki duniya se liberate karo। yeh bhi drama mein noondh hai। baap kehte hain is drama ko koi jaante nahin। shaastron mein drama ki aayu lambi likh di hai। nai duniya ko puraani banna hi hai। sato rajo tamo mein aana hi hai। yeh hai behad ki baat। abhi tum phir se vishwa ke maalik ban rahe ho। bhaaratvaasi jo nai duniya mein the, vahi 84 janmon ka part bajaayenge। abhi tum pavitra bante ho, baaki sab manushya patit hain, tab to paavan ke aage jaakar naman karte hain। paavan ko paavan naman kyon karenge। sannyaasi paavan hain tab to patit manushya unke aage maatha jhukaate hain। kanya pavitra hai to sab unke aage sir jhukaate hain। vahi kanya shaadi kar sasur ghar jaayegi to maatha tekna padta hai। abhi behad ka baap aaye hain sabko paavan banaane। woh sab hain kaliyug mein। tum ho abhi sangam par। ab tumko patit duniya mein nahin jaana hai। yeh hai hi kalyaankaari yug। baap aakar sabka kalyaan karte hain। tum abhi shreekrishna jayanti manaayenge, nahin to log samjhenge yeh to naastik hain। naastik vaastav mein unko kaha jaata hai jo apne baap ko aur rachna ke aadi-madhya-ant ko nahin jaante hain। is samay sab nidhan ke orphan ban pade hain। ghar-ghar mein jhagda hai, ek do ko maarne mein deri nahin karte hain, isliye isko naastikon ki duniya kaha jaata hai, baap ko na jaanne vaale। tum ho jaanne vaale। abhi tum samajhte ho ki ham pattharbuddhi the, baap hamko paarasbuddhi bana rahe hain aur koi takleeph ki baat nahin। baap sirf kehte hain ek ghanta padho। apne ko aatma samajh mujh baap ko yaad karo। shareer ko yaad karenge to laukik sambandhon ki yaad aayegi। dehi-abhimaani rahenge to mujh baap ki yaad rahegi। yeh to hai hi vicious duniya। vishay saagar mein gote khaate rehte hain। vishnu ko ksheersaagar mein dikhaate hain। kehte hain vahaan ghi ki nadiyaan bahti hain। yahaan to ghaaslet bhi nahin milta। farka hai na। to tum bachchon ko kitni khushi honi chaahiye। baap hi khivaiya hai na। gaate bhi hain naeeya meri paar lagaao। yeh sab naeeyaayen hain, khivaiya ek baap hi hai। yeh shareer yahaan hi chhod denge। baaki aatmaon ko paar le jaayenge shantidham। vahaan se phir bhej denge sukhdhaam। parampita paramatma ko hi khivaiya kaha jaata hai। baap ki hi mahima gaate hain anek prakaar se। abhi tum pavitra ban pavitra duniya ke maalik bante ho। shri shri shivbaaba aaye hain shreshtha banaane। khud bhagwan kehte hain yeh bhrashtaachaari duniya hai। abhi tum parampita paramatma ki shreemat par chal shreshthaachaari bante ho। kitni yeh gupta ramneek baaten hain, jo tum bachchon ko hi samajh mein aati hain। auron ko samajh mein aayengi hi nahin। tum jaante ho ki abhi devi-devta dharma ka kalam lag raha hai। jo bhi devi-devta dharma vaale aur dharmon mein chale gaye hain, vahi aakar phir brahman banenge। brahmaakumaar-kumaari banne bigar baap se svarga ka varsa le nahin sakte। abhi tum brahmaakumaar-kumaariyaan svarga ka varsa le rahe ho। jitna purushaartha karenge, karaayenge utna oonch pad paayenge। sab to itna nahin kar sakte। poora nahin padhenge to uska nateeja kya hoga। agar shareer chhoot jaaye to svarga mein aa jaayenge। parantu praja mein bilkul hi saadhaaran। agar baap ka bankar achhi reeti padhe to raajaai pad pa sakte hain। nahin padhte hain to samjhenge unki takdeer mein nahin hai। pavitra rahenge, padhenge to oonch pad paayenge। apvitra hone se baap ko yaad nahin kar sakenge। aise bhi bahut hain - karmabandhan ka hisaab jab chhoote। gaadi ke donon pahiya pavitra honge to theek chalenge। donon pavitra rahenge to gyaan chita par baith jaayenge, nahin to khitpit hoti hai।

kai bachche kehte hain ki baba ham to jaante hain shreekrishna satayug ka pahla prince hai, to kyon nahin kuchh manaayen। achha ham shreekrishna ki aatma ko bula bhi sakte hain। aakar khel-paal karegi, raas karegi aur kya karegi। gop-gopiyaan to yahaan hi hote hain। vahaan to prince-princess aapas mein milte hain to raas karte hain। sone ki murli bajaate hain। yeh sab khel-paal tum pichhaadi mein dekhenge। yeh sab part chalenge। shuru mein dikhaaya gaya phir tum purushaartha mein lag gaye ho। ab phir pichhaadi mein saakshaatkaar hona shuru hoga। kaun-kaun kis pad ko paayenge, yeh tum jaante ho। baap baith yeh sab raaz samjhaate hain। tumse poochhte hain vedon, shaastron ko maante ho! bolo haan, ham kyon nahin maante hain। yeh sab bhakti maarga ki saamagri hai, inmen koi gyaan nahin hai। gyaan dene vaala to ek hai। gyaan milta hai to bhakti aapehi chhoot jaati hai। tum mandir mein bhi jaayenge to buddhi mein rahega ki yeh lakshmi-naaraayan phir ab nai duniya mein raajya karenge।

baap bachchon ko samjhaate hain, donon taraph tod nibhaana hai। grihastha vyavhaar mein rehte pavitra banna hai। shreemat kehti hai poore pavitra bano, poora vaishnav bano aur vishnupuri ka raajya lo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yog dvaara karmabandhan ka hisaab-kitaab chuktu kar, paavan banna hai। gyaan-chita par baithna hai। poora-poora vaishnav arthaat pavitra banna hai।

2) apne shant svadharma mein sthit rehna hai। sabko shantidham ki yaad dilaani hai। kabhi bhi ashaanta nahin hona hai।

vardaan:- aavaaj se pare ki sthiti mein sthit ho sarva gunon ka anubhav karne vaale ma. beejroop bhav

jaise beej mein saara vriksha samaaya hua hota hai vaise hi aavaaj se pare ki sthiti mein sangamayug ke sarva vishesh gun anubhav mein aate hain। master beejroop banna arthaat sirf shanti nahin lekin shanti ke saath gyaan, ateendriy sukh, prem, aanand, shakti aadi-aadi sarva mukhya gunon ka anubhav karna। yeh anubhav sirf svayan ko nahin hota lekin anya aatmaayen bhi unke chehre se sarvagunon ka anubhav karti hain। ek gun mein sarvagun samaaye hue rehte hain।

slogan:- achchhaai dhaaran karo lekin achchhaai mein prabhaavit nahin ho jaao।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

pavitrata aap brahman aatmaon ka anaadi aadi sanskaar hai, is natural sanskaar se svapna va sankalp mein bhi apvitrata emerge na ho। sankalp aave aur vijayi bano, inse bhi oopar natural sanskaar bana lo। to is subject mein purushaartha karne ki aavashyakta nahin rahegi।