मंगलवार 1 सितंबर 2026 की दैनिक मुरली

01-09-2026 praatahmurli om shanti "baapdaada"' madhuban

“meethe bachche - charity begins at hom, apne parivaar vaalon ko gyaan sunaao, apne hamjinsa ka kalyaan karo''

prashn:- kis shreemat ka paalan karne vaale bachche apni avastha ko ekras bana sakte hain?

uttar:- avastha ko ekras banaane ke liye baap ki shreemat hai bachche roz savere-savere uth bade pyaar se baap ko yaad karo। apne ko aatma samjho aur baba jo sunaate hain use suno। agar yaad nahin karenge to phaaltu khyaalaat chalenge, vyartha sankalp aayenge isliye baba raay dete hain bachche roz savere-savere uth apne aapse pratigya karo ki chalte-phirte, khaate… bhojan banaate ek baba ko hi yaad karenge।

om shanti। meethe-meethe bachche jaante hain ki roohaani baap hai sabhi roohon ka baap jo sabse oonch te oonch hai, unko hi shivaay namah kehte hain। father bhi kehte hain, woh baap svarga ka rachayita hai, jisko patit-paavan, gyaan ka saagar kaha jaata hai। ab tum samajhte ho ham unke saath baithe hain। yeh tum bachchon ko samjhaana hai। jaise kahin par ek geeta paathshaala mein ek shreekrishna ka lamba chitra 6 foot ka tha। ab shreekrishna ko vaastav mein chhota hi dikhaate hain phir kehte hain geeta ka bhagwan tha। to bhala geeta kab sunaai? bachpan mein va jab 6 foot ka hua tab sunaai? raadhe aur shreekrishna ki jodi thi। raadhe, krishna ki kya lagti thi? raadhe ko bhagavti aur shreekrishna ko bhagwan kehte hain। in donon ka kya sambandh hai, yeh kisko pata nahin hai। shreekrishna ne geeta ka updesh diya, parantu kab? jab tum aise-aise prashn poochhenge to manushya samajh jaayenge ki yeh to sivaae brahmaakumaar-kumaariyon ke aur koi poochh nahin sakte। koi bhi bade-bade raajaayen aadi jo bhi hain woh sannyaasiyon ko dekh paanv zaroor padenge। kisi ko bhi poochhne ki himmat hi nahin rehti। tum to himmat rakhte ho। kahenge brahmaakumaariyon mein itna gyaan hai jo baith karke rachta aur rachna ki itni knowledge deti hain। unki biography sunaati hain। tum poochh sakte ho ki shiv jayanti manaate ho, pooja aadi bhi karte ho to zaroor woh kabhi aaya hoga tab to shiv jayanti manaai jaati hai? woh kab aaya? shivbaaba to hai niraakaar, unko apna shareer nahin hai। shiv jayanti manaate hain to zaroor shareer mein aaya hoga? niraakaar ki jayanti kaise ho sakti hai? aatma to amar hai। jayanti tab manaai jaati jab mare aur janme। aatma ki jayanti nahin hoti। aatma to avinaashi hai। aise nahin kahenge aatma ki jayanti। shiv to hai niraakaar, unka chitra ling ka rakha jaata hai। tum bachchon ko yeh khyaalaat rahne chaahiye। yahaan se apne ghar, dhandhe-dhori mein jaane se yeh baaten hi buddhi se nikal jaati hain। chintan nahin chalta। gurooon aadi ki janjeeron mein bhi bahut phanse hue hain। baat mat poochho। ablaayen bahut bholi hoti hain na। tum unse poochh sakte ho - shiv jayanti manaai jaati hai parantu woh hai kaun? usne kya aakar kiya aur kab aaya? jayanti maana hi birth। niraakaar shiv ka birth manaaya, woh niraakaar hai to uska phir birth kaise manaaya jaata hai? kismen aaya? aatma shareer mein jaati hai to kaha jaata hai birth (janma) ho gaya। aatma to aatma hi hai। shareer mein pravesh karti hai to kahenge aatma ne shareer liya hai, part bajaane liye। woh to hai niraakaar। usne janma kaise liya? kismen aaya? unko to paramatma kaha jaata hai। yeh kisko bhi pata nahin hai। bhal bahut shaastra aadi padhe hain, parantu kuchh bhi pata nahin hai। abhi tum gyaan se bharpoor ho। abhi tumko gyaan hi sunaana hai। koi-koi do-teen varsha aate hain phir agyaan ki praveshta ho jaati hai। baba phir agyaan ko nikaal gyaan ki dhaarna karaate hain। ab tum bachchon ko gyaan diya jaata hai। parantu purush gyaan mein, stri agyaan mein to jaise hans bagule ban jaaen isliye pahle to stri ko gyaan dena chaahiye। stri, pati ko guru eeshvar maanti hai to stri ko guru ki aagya maanni chaahiye na। yeh yahaan ki baat hai। vahaan to aagya maanne na maanne ka savaal hi nahin। sab pyaar se chalte hain। vahaan aisi koi baat hoti hi nahin, to charity begins at hom। stri gyaan mein aati hai, pati nahin aata to kya kar sakti hai! bhoon-bhoon karni hai। bachchon ko bhi bhoon-bhoon karna hai। apne hamjinsa ka kalyaan karen। unko bhi bataayen baap ko yaad karo। ab ladaai saamne khadi hai, baba aaya hua hai। manushya pukaarte hain he patit-paavan aao। jabki patit duniya ka vinaash hona hai to tum phir patit kyon bante ho! maata gyaan mein hai to maata ka kaam hai apne hamjinsa ka kalyaan karna।

abhi tum baap se 21 janmon ke liye saara raajya lete ho। tumko koi haath laga na sake। tum saare vishwa ke maalik bante ho। farka dekho kitna hai। aise varsa dene vaale ko kitna yaad karna chaahiye। yahaan to bahut hain jo saare din mein shivbaaba ko yaad hi nahin karte hain। saara din ghar ke, dhandhe dhori ke laphdon mein hi rehte hain। nahin to savere uth baap ko bahut prem se yaad karna chaahiye। baba aapse ham pratigya karte hain। aapse ham varsa zaroor lenge। baba aap kitne meethe ho। aapki yaad se hamaare vikarma vinaash honge। andar mein apne se baat karna, usko vichaar saagar manthan karna kaha jaata hai। baba aapse ham poora varsa lekar hi chhodenge। ab hamko tamopradhaan se satopradhaan zaroor banna hai, tab hi satayugi raajya paayenge। baba aapko ham nirantar yaad karenge। 63 janmon mein hamne kitne paap kiye hain। kitna sir par bojha hai isliye baba ham aapko bahut yaad karte hain। baba ham khaana pakaayenge, ghoomne jaayenge to bhi aapki yaad mein rahenge। aise-aise baaten karte pratigya karenge to vikarma vinaash hote jaayenge। baba ham bhojan banaayenge aapki yaad mein। hamko satopradhaan zaroor banna hai। pata nahin kal shareer chhoot jaae to ham satopradhaan banenge hi nahin! maut ka dar hai na। baba ham jeete ji aapse varsa zaroor lenge। phir dekhna chaahiye ki aaj ke saare din mein hamne kitna yaad kiya। koi bhi haalat mein yaad ki yaatra mein zaroor rehna hai। grihastha vyavhaar mein bhi rehna hai। yukti se chalna hai। aise-aise teevra veg se purushaartha mein lag jaaen to yaad bhi rahegi aur aayu bhi badhegi। bhavishya mein tumhaari aayu badhegi, yaad nahin karenge to pad bhi kam ho jaayega। purushaartha kar baap se varsa to lena hai na aur svadarshan chakradhaari banna hai। jaise hinduon ko Christian banaane ke liye nuns bahut phirti rehti hain। gharon mein dukaanon mein jaati hain, sabko kehti hain Bible lo, yeh lo। hamaare Christian dharma mein bahut sukh hai। unhon ki bhi mission hai, bauddhiyon ki bhi mission hai। hindu log yeh nahin samajhte ki yeh kya karte hain! hamaare hindu dharma vaalon ko Christian banaate rehte hain। tum kitna pradarshani mein samjhaate ho। bhal opinion bhi likhkar dete hain। ghar mein gaye khalaas। iske liye gaaya hua hai - bandaron ke aage ratna rakho to woh patthar samajh phenk denge। to yeh bhi avinaashi gyaan ratna patthar samajh phenk dete hain। yeh bhi kuchh samajhte nahin। haan, jo is dharma vaale honge unhon ko hi touch hoga। baat bahut sahaj hai। baap svarga ka rachayita hai। baap bhaarat mein aate bhi ek hi baar hain।

baap kehte hain - tum mujh patit-paavan baap ko bulaate aaye ho। ab main aaya hoon, tumko svarga ka maalik banaane। tum kehte bhi ho ham is bhrashtaachaari srishti ko shreshtaachaari banaakar hi chhodenge। abhi to sab narkavaasi hain। tum abhi shivbaaba ki shreemat par ho। shiv bhagvaanuvaach main tumko svarga ka maalik, raajaaon ka raaja banaata hoon। geeta mein bada achha likha hua hai, kehte hain main in saadhuon ka bhi uddhaar karne aata hoon। to yeh unhon ko bhi sunaana chaahiye na। pukaarte bhi hain patit-paavan seetaaon ke raam। ab iska arth bhi samajhte nahin। sab hain bhaktiyaan athva seetaayen। woh pukaarti hain he raam aakar ham seetaaon ka uddhaar karo। phir kehte hain raghupti raaghav raaja raam... vaastav mein raaja raam ki baat nahin। mukhya bhool hai yeh, jo shiv ke badle shreekrishna ka naam daal diya hai। poochhna chaahiye shreekrishna va raam ko kaala kyon dikhaaya hai? satayug treta mein hai hi sundar phir shyaam hote hain। pahle hai golden ej, silver ej, phir copper, iron ej। is samay hai iron ej। golden ej thi to kitna maan tha। to yukti se jaakar samjhaana chaahiye। woh koi itna jaldi apna hath nahin chhodenge। jhaad ki aayu badi hoti hai to jhaad jad-jadi bhoot avastha ko paata hai, aayu to is duniya ki bhi hai na। nai duniya aur puraani duniya। old maana kaliyug, tamo-pradhaan duniya। ismen ek bhi satopradhaan ho nahin sakta। ab tamopradhaan ko khalaas hona hai। nai duniya kaun sthaapan karenge? vahi baap। aise nahin ki pralay hoti hai। baap ko pukaarte hi tab hain jab patit ho jaate hain। phir kehte hain aakar paavan banaao। aayenge to zaroor puraani duniya mein। patit-paavan kehte hain to zaroor ant mein hi aayenge। khud kehte hain main kalpa-kalpa, kalpa ke sangamayuge aata hoon - paavan duniya banaane। abhi hai sangam।

abhi baap sabko sadgati mein le jaate hain। to aise baap ki shreemat par chalna chaahiye na। apni avastha ko jamaana hai। savere uthkar baap ko yaad karna chaahiye। apne ko aatma samajhna hai। yeh shareer ke organs hain। baap kehte hain - he bachchon main tumko jo sunaata hoon, woh suno। mukti-jeevanmukti ke liye aur koi ki baat nahin suno। paramdham se baap aaye hain paavan banaane। phir tum puraane shaastron ko kyon yaad karte ho। bhakti karte hi isliye ho ki bhagwan milega। woh to sarva ka sadgati daata baap hai na। baap ke sivaae yeh knowledge koi de na sake। in lakshmi-naaraayan ko bhi yeh raajya kaise mila? aatma ke liye kehte hain woh bindi hai। chamakta hai ajab sitaara। baap samjhaate hain tum mujhe kehte ho paramatma supreme soul। laukik baap ko kabhi paramatma kahenge kya? paramatma jo paramdham mein rehte hain, unko kehte hain supreme soul। woh tumhaara baap hai। woh aakar ismen pravesh karenge। guru shishya ke baaju mein baithega na। yeh baaten koi shaastron mein nahin hain। abhi tum jaante ho woh hamaara baap hai। 5 hajaar varsha pahle bhi baap ne yog sikhlaaya tha ki mujhe yaad karo aur vishnupuri ko yaad karo to zaroor sangam mein hi kahenge। satayug mein tha ek dharma। to zaroor phir ek dharma hoga na। itne dharma sab vinaash ho jaayenge। yeh time vahi hai। baap kehte hain - mujhe yaad karo to main tumko vishwa ka maalik banaaoonga। baap ki yaad se hi tum tamopradhaan se satopradhaan banenge। baap kehte hain - jo bachche achhi service karte hain, main unko yaad karta hoon kyonki mere madadgaar hain। bahuton ka kalyaan karte hain to woh mujhe pyaare lagte hain। tumko to ek baap hi pyaara lagta hai jisse varsa milta hai isliye tum bachchon ko achhi reeti purushaartha karna pade। yaad ki yaatra mein rehna hai। bahut phaaltu khyaalaat bhi aayenge। bhakti maarga mein apne ko maarte bhi hain, hamko shiv ka darshan ho, bahut mehnat karte hain darshan ke liye। yahaan tum samajhte ho baap ki yaad se paap kat jaayenge aur 21 janmon ke liye varsa milega। darshan hone se koi paap nahin kat jaate। baap jo vishwa ka maalik banaate hain।

unko to bahut prem se yaad karna chaahiye। abhi tumhaari buddhi mein hai ki ham kya ban rahe hain। doosre janma mein ham yeh jaakar banenge। yeh college hi hai satayug ka prince-princess banne ka। baap aakar dharma ke saath deity kingdom bhi sthaapan karte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ne mukti-jeevanmukti ke liye jo bhi gyaan ki baaten sunaai hai, vahi sunni aur dhaaran karni hai, baaki sab bhool jaana hai। apna aur apne laukik parivaar ka kalyaan karna hai।

2) vyartha khyaalaaton ko samaapta karne ke liye savere-savere uth vichaar saagar manthan karna hai। yaad ki yaatra mein lage rehna hai।

vardaan:- gyaan-yog ki powerful kirnon dvaara puraane sanskaar roopi keetaanuon ko bhasma karne vaale master gyaan soorya bhav

kaise bhi patit vaataavran ko badalne ke liye athva puraane sanskaaron roopi keetaanuon ko bhasma karne ke liye yahi smriti rahe ki main master gyaan soorya hoon। soorya ka kartavya hai roshni dena aur kichde ko khatma karna। to gyaan-yog ki shakti va shreshtha chalan dvaara yahi kartavya karte raho। yadi power kam hai to gyaan sirf roshni dega parantu puraane sanskaar roopi keetaanu khatma nahin honge isliye pahle yog tapasya dvaara powerful bano।

slogan:- shubh bhaavna, shubh kaamna ke shreshtha sankalp hi jama ka khaata badhaate hain।

avyakt ishaare - ab apne daata swaroop ko pratyaksha karo

vartamaan samay aap bachche apna merciful aur daata swaroop pratyaksha karo। aapke sab bhandaare nirantar khule rahne chaahiye। anaadi, aadi daataapan ke sanskaar apne jeevan mein sada emerge rakh, parmaatma sandesh vaahak ban vishwa mein baap ki pratyakshata ka sandesh phailaao। behad ke daata ban world ke gole par khade ho, behad ki seva mein vibration phailaao। mahaan daata bano।