सोमवार 31 अगस्त 2026 की दैनिक मुरली

31-08-2026 praatahmurli om shanti "baapdaada"' madhuban

“meethe bachche - manamnaabhav ki drill sada karte raho to 21 janmon ke liye roosta-pusta (nirogi) ban jaayenge''

prashn:- satguru ki kaun si shreemat paalan karne mein hi gupta mehnat hai?

uttar:- satguru ki shreemat hai - meethe bachche, is deh ko bhi bhool kar mujhe yaad karo। apne ko akeli aatma samjho। dehi-abhimaani rahne ka purushaartha karo। sabko yahi paigaam do ki ashareeri bano। deh sahit deh ke sab dharmon ko bhoolo to tum paavan ban jaayenge। is shreemat ko paalan karne mein bachchon ko gupta mehnat karni padti hai। takdeervaan bachche hi yeh gupta mehnat kar sakte hain।

om shanti। bachche baithe hain - apne bhaai aur bahinon ko drill sikhlaane। yeh kaunsi drill hai? ismen bachchon ko kuchh kehna nahin hota hai। woh jo jismaani drill aadi karte hain usmein to kehna padta hai। yeh to supreme teacher hai jo geeta ka bhagwan bhi hai, jo bachchon ko baith yog ki drill bhi sikhlaate hain। yeh drill bhi gupta hai। drill sikhaai isliye jaati hai ki student roosta-pusta (healthy) hon। tum bachche jaante ho ki is manamnaabhav ki drill se 21 janmon ke liye bahut roosta-pusta rahenge। kabhi beemaar nahin honge। to yeh kitni achhi roohaani drill hai। baap samjhaate hain manamnaabhav, ismen kahne ki bhi darkaar nahin। sirf samjhaaya jaata hai ki apne ko aatma samjho। dehi-abhimaani bhav। bhav ka arth hi hai ki tum baap ko yaad karo to ever healthy ban jaayenge। kalpa pahle bhi ham is roohaani drill se ever healthy bane the। roohaani drill, roohaani baap parampita paramatma shiv hi sikhlaate hain। bhagwan to unko hi kaha jaata hai, jinki pooja bhi hoti hai। shivaay namah bhi kehte hain na। brahma devta namah shiv parmaatmaae namah kahenge। yeh drill koi jismaani manushya nahin sikhlaate hain। aise nahin ki tumko yeh drill brahma ne sikhaai hai। nahin, bhal brahmaakumaar kumaariyaan kahlaate ho parantu… chitthi par bhi likhte ho shivbaaba kearaoph brahma। woh to gupta ho gaya। lekin manushyon ko kaise pata pade, brahma to prajaapita hai। to saari duniya unke bachche hain। prajaapita hai na। drill sikhlaane vaala to niraakaar baap hai। woh gupta hai। gupta hone ke kaaran manushyon ko samajhne mein bhi difficulty hoti hai। brahma ko to bhagwan nahin kaha jaata। yahaan naam hi dikhaate hain - brahmaakumaar kumaariyaan arthaat brahma ki santaan। jab koi aata hai to unko samjhaana hai ki yeh nai duniya rachne vaala brahma nahin hai lekin niraakaar baap hai। jo brahma dvaara rachna rachte hain। paarlaukik parampita paramatma brahma dvaara rachte hain goya supreme soul ki rachna hui।

tum bachche patra ke oopar likhte ho shivbaaba kearaoph brahma। to yeh bhi yaad karne ki yukti hai। shivbaaba sikhlaate hain brahma dvaara। bas sirf kehte hain manamnaabhav aur koi takleeph nahin di jaati sirf kaha jaata hai ki tum apni unnati chaahte ho aur sachkhanda ka maalik banne chaahte ho to sachkhanda sthaapan karne vaala to ek hi satya baap hai, use yaad karo। behad ka baap hi aakar bachchon ko kehte hain ki mujhe yaad karo to paapon se mukta honge। shreekrishna ko patit-paavan nahin kaha jaata hai sivaae parampita paramatma ke। aur koi naam nahin lenge। god father hi kahenge। sab unko father kehte hain phir unko sarva-vyaapi kaise kah sakte। kehte hain woh aate hain liberate karne ke liye। yeh manushya nahin jaante। to kalpa ki aayu hi ulti likh di hai। ab bachchon ko yeh drill karni hai। gyaan to mila hua hai। jab baithte ho to apne ko dehi samajhkar baap ko yaad karo to vikarma vinaash honge। teacher saamne baithta hai gaddi par, to shobhta hai। kaayda hai ki drill karaane ke liye teacher zaroor chaahiye। koi bada teacher to koi chhota teacher hota hai। ab tumhaara imtahaan lene ki koi darkaar nahin kyonki tum khud jaante ho ki ham kitna samay most beloved baap ko yaad karte hain। brahma koi most beloved nahin hai। beloved most woh hai jo sada paavan hai। tum bachche jaante ho ki sabse pyaara kaun hai। manushya paramatma ko hi yaad karte hain he duhkh harta sukh karta। usko liberator bhi kehte hain arthaat duhkhon se mukta karne vaala। to bachchon ko apna purushaartha karna hai। drama plan anusaar yeh duniya paavan honi zaroor hai aur paavan duniya banne ke liye aag lagni hai। yeh bhi jaante ho aag kaise lagegi। vinaash hone bigar duniya paavan ban nahin sakegi। yeh hai roodra gyaan yagya.... roodra aur shiv koi farka nahin hai। parantu shiv naam hai mukhya। baaki to apni-apni bhaasha mein anek naam rakh diye hain। asul naam hai shiv। shiv jayanti bhi manaate hain। bhaarat mein hi shivjayanti mashhoor hai। behad ke baap ki shiv jayanti hai to aate bhi zaroor honge। shivbaaba ka naam baala hai। brahma dvaara svarga ki sthaapna karaane vaala hai। to us oonch te oonch baap ko yaad karna pade। brahma oonch te oonch nahin hai। vaastav mein brahma oonch se oonch bante hain। phir neeche bhi utarte hain। tum bi.ke. bhi neeche the ab oonch ban rahe ho। ekdam oonch baap ke ghar chale jaayenge। tum is samay trikaaldarshi ban rahe ho। tum khud jaante ho ki ham hi svadarshan chakradhaari hain। ham brahmaanda aur srishti ke aadi-madhya-ant ko jaanne vaale hain। brahmaanda arthaat oonch, jahaan sabhi aatmaayen nivaas karti hain। duniya mein koi aur nahin jo samjhaaye ki mool vatan mein aatmaayen rehti hain। vishwa aur brahmaanda alag-alag hain। aatmaayen rehti hain nirvaandhaam mein, jisko shantidham kaha jaata hai। woh sabko pyaara lagta hai। uska asli naam nirvaandhaam va shantidham hai। aatma ka swaroop hai shant। ek shantidham phir hai mooveedhaam aur yeh hai talkie dhaam। mooveedhaam mein jaasti rahne ka nahin hai। shantidham mein to bahuton ko rehna hota hai, aur koi sthaan nahin hai। aatma jab baap ko aur ghar ko yaad karti hai to oopar mein yaad karti hai। beech ke dhaam ko to tumhaare sivaae aur koi nahin jaante hain। manushyon ko to itna gyaan hai nahin। sirf kehte hain brahma vishnu shankar sookshm vatan mein rehte hain। baaki unhon ke occupation ka pata nahin hai। 84 janma lete hain। brahma so vishnu, vishnu so brahma hai। yeh hai leap yug। yeh thode samay ka hai। jaise purushottam maas kaha jaata hai। yeh tumhaara heere jaisa uttam banne ka oonch janma hai। shoodra se brahman banna sabse uttam hai। brahman bante ho to daade ka varsa lene ke hakdaar bante ho।

baap bachchon ko kehte hain bachche sadaiv manamnaabhav। baap ka message sabko dete raho। baap ko kaha hi jaata hai - messenger aur koi bhi messenger athva paigambar nahin hai। woh to aakar apna dharma sthaapan karte hain। paigambar sirf ek hai vahi aakar tumko pavitra banne ka paigaam dete hain। woh aate hain - dharma sthaapan karne। woh koi vaapis le jaane vaale guide nahin hain। woh to ek hi satguru sadgati dene vaala hai। sach bolne vaala, sachcha raasta bataane vaala to ek hi parampita paramatma shiv hai। to bahut gupta mehnat karni hai bachchon ko। abhi tum jaante ho ki hamko yeh deh bhoolkar ek baap ko yaad karna hai। shareer chhoota to saari duniya chhoot jaati hai। aatma akeli ban jaati hai। baap kehte hain - dehi-abhimaani bano to phir koi bhi mitra-sambandhi yaad nahin padenge। ham aatma hain, ham chale jaayenge baap ke paas। baap raay dete hain ki tum mere paas kaise aa sakte ho। yeh baba bhi naameegraami hai। in dvaara baap sabhi aatmaon ka guide ban machchharon sadrishya vaapis le jaate hain। yeh yathaartha gyaan sirf tum bachchon ki buddhi mein hai। tumko paandav sena bhi kehte hain। paandavapti svayan saakshaat parampita paramatma hai, jo tum bachchon ko drill sikhla rahe hain। hoobhu kalpa pahle muaaphik। jab vinaash hoga to sab aatmaayen shareer chhod chali jaayengi। satayug mein jab thodi aatmaayen hain to ek raajya hai। abhi anek hain phir zaroor ek hoga। yeh gyaan saara din buddhi mein simran karna hai। bachchon ko pradarshani par bhi samjhaana hai। jab new dehli thi to naya bhaarat tha। ek hi aadi sanaatan devi-devta dharma tha। aadi sanaatan koi hindu dharma nahin tha। ham brahman so devta bante hain। yeh aur dharma vaale maanenge nahin। jo pahle aate hain vahi 84 janma lete hain। yeh hain bilkul sahaj samajhne ki baaten। ab tum bachchon ki buddhi mein hai ki ab naatak poora hota hai। sabhi actors aa gaye hain। 84 janma poore kiye, ab phir ghar chalna hai kyonki bahut thak gaye ho na। bhakti maarga hai hi thakne ka maarga। baap kehte hain - ab mere ko yaad karo auron ko bhi paigaam do ki deh sahit deh ke sab dharma chhod apne ko aatma samajh baap ko yaad karo। ashareeri bano to paavan ban jaayenge kyonki ab vaapis ghar chalna hai। maut saamne khada hai।

yahaan bhi bachche baap ke paas sammukh refresh hone aate hain। baap sammukh bachchon ko samjhaate hain ki bachche deh-abhimaan chhod maamekam yaad karo। yeh puraani duniya ab khatma honi hai। tum ek baap ko yaad kar pavitra banenge to pavitra duniya ke maalik banenge। agar mehnat nahin karenge to phal bhi nahin milega। phir saza khaani padegi। baap kehte hain ki apni kamaai jama karte raho aur doosron ko bhi nimantran do। baap ka raasta bhi bataao। tum bachchon ko bhi kalyaankaari banna hai। apne mitra-sambandhiyon ka bhi kalyaan karna hai। yahaan tumko dehi-abhimaani banaaya jaata hai। mahaamantra dete hain। praacheen yog baap ne hi aakar sikhaaya hai, jiske liye hi gaaya jaata hai - yog agni se paap dagdha ho jaayenge, kalpa pahle bhi yahi ishaara mila tha। baap ishaara dete hain ki apne ko aatma samajh mujhe yaad karo। raho bhal apne grihastha vyavhaar mein। gaaya hua hai ki sharan padi main tere। yeh bhi hota hai - jab koi duhkhi hote hain to oonch taakat vaale ki jaae sharan lete hain। yahaan to practical mein hain। jab bahut duhkh dekhte hain, sahan nahin kar sakte hain, laachaar hote hain to phir bhaagkar aae baap ki sharan lete hain। sadgati to sivaae baap ke koi de na sake। bachche jaante hain ki puraani duniya vinaash honi hai। taiyaari ho rahi hai is taraph tumhaare sthaapna ki taiyaari, us taraph vinaash ki taiyaari hai। sthaapna ho gai to vinaash bhi zaroor hona hai। tum jaante ho ki baba aaya hai sthaapna karaane, in dvaara varsa bhi zaroor milega। baaki prerna se thode hi kaam chalta hai। teacher ko kahenge kya ki ham aapki prerna se padh lenge। prerna se agar sab kuchh hota to shiv jayanti kyon manaai jaati? prerna se karne vaale ki to shiv jayanti manaane ki darkaar nahin। jayanti to sabhi aatmaon ki hoti hai। aatmaayen sab jeev mein aati hain। aatma aur shareer jab milte hain to part bajaate hain। aatma ka to svadharma hai shant, usmein hi knowledge dhaaran hoti hai। aatma hi achha-bura sanskaar le jaati hai। baap to svarga ka rachayita hai। vahaan to pavitrata hi hai। apvitrata ka naam-nishaan nahin hai। yeh hai vishay saagar। kitna clear samjhaaya jaata hai to bhi kiski buddhi mein nahin aata parantu tum kisko bhi dosh nahin dete ho। drama ke bandhan mein sab baandhe hue hain।

tum samajhte ho - seedhi se oopar se neeche utar aaye hain। draamaanusaar hamko utarna hi hai phir baap kehte hain - ab chadhne ke liye purushaartha karna hai। parantu jinki takdeer mein nahin hai woh aise kehte hain। jo aise kehte hain unse samajh jaate hain ki iski takdeer mein nahin hai। 2-4 varsha chalte-chalte bhi gir padte hain। mahsoos bhi karte hain ki hamne badi bhool ki hai। badi chot khaai। yeh bhi aadhaakalpa ki beemaari hai, kam nahin hai। aadhaakalpa ke rogi hain। bhogi banne se rogi ban jaate hain। to baap aakar purushaartha karvaate hain। shreekrishna ko yogeshvar kehte hain। is samay tum sachche-sachche yogi ho, yogeshvar tumko yog sikhlaate hain। tum gyaan-gyaaneshvar bhi ho phir banenge raaj-raajeshvar। gyaan se tum dhanvaan bante ho, yog se nirogi ever healthy bante ho। aadhaakalpa ke liye tumhaare sab duhkh door ho jaate hain to iske liye kitna purushaartha karna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) paavan banne ke liye ashareeri banne ka abhyaas karna hai। sabko paigaam dena hai ki ek baap ko yaad karo। deh sahit sab kuchh bhool jaao।

2) yogeshvar baap se yog seekhkar sachcha-sachcha yogi banna hai। gyaan se dhanvaan aur yog se nirogi, ever healthy banna hai।

vardaan:- nimitta bani hui aatmaon dvaara karmayogi banne ka vardaan praapta karne vaale master vardaata bhav

jab koi bhi cheez saakaar mein dekhi jaati hai to use jaldi grahan kiya ja sakta hai, isliye nimitta bani hui jo shreshtha aatmaayen hain unhon ki service, tyaag, sneh, sarva ke sahayogeepan ka practical karma dekhkar jo prerna milti hai vahi vardaan ban jaata hai। jab nimitta bani hui aatmaon ko karma karte hue in gunon ki dhaarna mein dekhte ho to sahaj karmayogi banne ka jaise vardaan mil jaata hai। jo aise vardaan praapta karte rehte woh svayan bhi master vardaata ban jaate hain।

slogan:- naam ke aadhaar par seva karna arthaat oonch pad mein naam peechhe kar lena।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

pavitrata ki nishaani hai - svachchhata, satyata। agar saare din mein chaahe uthne mein, chaahe baithne mein, chaahe bolne mein, chaahe seva karne mein, chaahe sthool seva ki va sookshm seva ki lekin agar vidhipoorvak nahin ki, vidhi mein bhi agar zara-sa antar rah gaya to vo bhi svachchhata arthaat pavitrata nahin hai। apvitrata sirf kisko duhkh dena ya paap karma karna nahin hai lekin svayan mein satyata, svachchhata vidhipoorvak agar anubhav karte ho to pavitra ho।