शुक्रवार 18 सितंबर 2026 की दैनिक मुरली

18-09-2026 praatahmurli om shanti "baapdaada"' madhuban

“meethe bachche - patit-paavan baap ki shreemat par tum paavan bante ho isliye tumhein paavan duniya ki raajaai milti, apni mat par paavan banne vaalon ko koi praapti nahin''

prashn:- bachchon ko service par vishesh kis baat ka dhyaan rakhna chaahiye?

uttar:- jab service mein jaate ho to kabhi chhoti moti baat mein ek doosre se rootho mat arthaat naaraaz na ho। agar aapas mein loonpaani hote, baat nahin karte to disservice ke nimitta ban jaate। kai bachche to baap se bhi rooth jaate hain। ulte karma karne lag padte hain। phir aise bachchon ki adoption hi radda ho jaati hai।

om shanti। patit-paavan baap, jo bachche paavan bante hain unhon ko baith samjhaate hain। patit bachche hi paavan banaane vaale baap ko pukaarte hain। drama ka plan bhi kehte hain, raavan raajya hone ke kaaran sabhi manushya patit hain। patit use kaha jaata hai jo vikaar mein jaate hain। aise bahut hain jo vikaar mein nahin jaate hain। brahmachaari rehte hain। samajhte hain ham nirvikaari hain, jaise paadri log hain, mullekaazi hain, bauddhi bhi hote hain jo pavitra rehte hain। unko pavitra kisne banaaya? woh khud bane hain। duniya mein bahut aise dharmon mein hain jo vikaar mein nahin jaate hain। parantu unko patit-paavan baap to paavan nahin banaate hain na isliye woh paavan duniya ka maalik nahin ban sakte। paavan duniya mein ja nahin sakte। sannyaasi bhi 5 vikaaron ko chhod dete hain। parantu unko sannyaas karaaya kisne? patit-paavan parampita paramatma ne to sannyaas nahin karaaya na। patit-paavan baap ke sivaae saphalta ho nahin sakti। paavan duniya shantidham mein ja nahin sakte। yahaan to baap aakar tumko paavan banne ki shreemat dete hain। satayug ko kaha jaata hai viceless duniya। isse siddha hai, satayug mein aane vaale pavitra zaroor honge। satayug mein bhi pavitra the, shantidham mein bhi aatmaayen pavitra hain। is raavanraajya mein hain hi sab patit। punarjanma to lena hi hai। satayug mein bhi punarjanma lete hain, parantu vikaar se nahin। woh hai hi sampoorn nirvikaari duniya। bhal treta mein 2 kalaayen kam hoti hain parantu vikaari nahin kahenge। bhagwan shri raam, bhagavti shri seeta kehte hain na। 16 kala phir 14 kala kaha jaata hai। chandrama ka bhi aise hota hai na। to isse siddha hota hai jab tak patit-paavan baap aakar paavan na banaaye tab tak mukti-jeevanmukti mein koi ja nahin sakte। baap hi guide hai। is duniya mein pavitra to bahut hain। sannyaasiyon ki bhi pavitrata ke kaaran maanyata hai। parantu baap dvaara pavitra nahin bante hain। abhi tum bachche jaante ho hamko paavan banaane vaala niraakaar parampita paramatma hai। woh to aapehi apni mat par pavitra bante hain। tum baap dvaara pavitra bante ho। patit-paavan baap dvaara hi paavan duniya ka varsa milta hai।

baap kehte hain - he bachchon kaam tumhaara maha-dushman hai, in par jeet pahno, girte bhi ismen hain। aise kabhi nahin likhenge ki hamne krodh kiya, to kaala munh kar diya। kaam ke liye hi likhte hain hamne kaala munh kiya। gir gaya। in baaton ko tum bachche hi jaante ho, duniya nahin jaanti। drama anusaar jinko aakar brahman banna hai, woh aate jaayenge। aur satsangon mein to koi em object hi nahin hai। shivaanand aadi ke followers to bahut hain parantu unmein bhi koi-koi sannyaas lete honge। grihasthi to lete hi nahin। baaki gharbaar chhodne vaale bahut thode nikal padte hain। sannyaasi bante hain phir bhi punarjanma lena padta hai। shivaanand ke liye thode hi kahenge ki jyoti jyot mein samaaya। tum samajhte ho to sarva ka sadgati daata baap hi hai, vahi guide hai। guide bigar koi ja nahin sakta। tum bachche jaante ho hamaara baap, baap bhi hai, knowledgeful bhi hai। manushya srishti ka beejroop hai। saare manushya srishti ke aadi-madhya-ant ki knowledge to beej ko hi hogi na। father to sab kehte hain na। bachche to jaante hain hamaara god father ek hi hai to taras bhi us father ko hi sab par padega na। kitne dher manushya hain, kitne jeev-jantu hain। vahaan manushya thode hote hain to jeev-jantu bhi thode hote hain। satayug mein aisi kichadpatti hoti nahin। yahaan to anek prakaar ki beemaariyaan aadi kitni nikalti rehti hain, jiske liye phir nai davaaiyaan nikalti rehti hain। drama plan anusaar anek prakaar ke hunar nikaalte rehte hain। woh sab hai manushya ke hunar। paarlaukik baap ka hunar kya hai? baap ke liye kehte hain he patit-paavan aakar hamaari aatma ko paavan banaao, shareer bhi paavan, kehte hain patit-paavan, duhkh harta, sukh karta, ek ko hi bulaate hain na। apni-apni bhaasha mein yaad zaroor karte hain। manushya marne par hote hain to bhi bhagwan ko yaad karte hain, samajhte hain doosra koi sahaara nahin dega, isliye kehte hain - god father ko yaad karo। Christian bhi kahenge god father ko yaad karo। aise nahin kahenge - Christ ko yaad karo। jaante hain Christ ke oopar god hai। god to sabka ek hoga na। ab tum bachche jaante ho mrityulok kya hai, amarlok kya hai! duniya mein koi nahin jaante। woh to kehte svarga narka sab yahaan hi hai। koi-koi samajhte hain satayug tha, devtaaon ka raajya tha। abhi tak bhi kitne naye-naye mandir bante rehte hain। tum bachche jaante ho sivaae ek baap ke aur koi bhi hamko paavan banaae vaapis apne ghar le nahin ja sakte। tumhaari buddhi mein hai ki ham apne sweet home mein ja rahe hain। baap hamko vaapis le jaane ke liye laayak bana rahe hain। yeh smriti mein rehna chaahiye।

baap samjhaate hain bachche tumne itne-itne janma liye hain। abhi ham aakar shoodra se brahman bane hain। phir brahman se devta banna hai, svarga mein jaana hai। abhi hai sangam। viraat roop mein braahmanon ki choti mashhoor hai। hinduon ke liye bhi choti nishaani hai। manushya to manushya hi hain। khaalse, musalmaan aadi aise ban jaate hain jo tumko maaloom bhi na pade kaun hain? baaki cheeni hain, African hain, unka maaloom pad jaata hai। unhon ki shakla hi alag hai। Christian ka bhaarat se connection hai to yeh seekhe hain। kitni variety hai dharmon ki। unki rasam-rivaaz paharvaais sab alag hai। abhi tum bachchon ko gyaan mila hai, ham satayug ki sthaapna kar rahe hain। vahaan aur koi dharma nahin tha। abhi to sab variety dharma vaale haazir hain। ab ant mein aur kya dharma sthaapan karenge। haan, nai aatmaayen paavan hoti hain isliye jo nai aatma aati hai to kuchh na kuchh us aatma ki mahima hoti rahegi। vivek kehta hai jo pichhaadi mein aayenge unko pahle zaroor sukh milega। mahima hogi phir duhkh bhi hoga। hai hi ek janma jaise tum sukhdhaam mein bahut rehte ho। woh phir shantidham mein bahut rehte hain। ant tak vriddhi bahut hoti hai। jhaad bada hai na। is samay manushyon ki kitni vriddhi hoti rehti hai isliye inko banda karne ke upaay nikaalte rehte hain। parantu isse kuchh ho nahin sakta। tum jaante ho drama plan anusaar vriddhi honi hai zaroor। naye patte aate jaayenge phir taaliyaan aadi nikalti rahengi। kitni variety hai। ab bachche jaante hain ham aur koi connection mein nahin hain। baap hi hamko paavan banaate hain aur srishti ke aadi-madhya-ant ka samaachaar sunaate hain। tum bhi unko hi bulaate ho he patit-paavan aakar hamko paavan banaao to zaroor patit duniya vinaash ko paayegi। yeh bhi hisaab hai। satayug mein thode manushya rehte hain। kaliyug mein kitne dher manushya hain, tum bachchon ko samjhaani bhi deni hai। baap hamko padhaate hain is puraani duniya ka ab vinaash hota hai। sthaapna baap hi karenge। bhagvaanuvaach main sthaapna karaata hoon। vinaash to drama anusaar hota hai। bhaarat mein hi chitra bhi hain। brahma dvaara brahman, brahma mukh vanshaavli dekho kitne hain। woh hain kukh vanshaavli brahman। woh to baap ko jaante hi nahin। tumko ab hausla aaya hai। tum jaante ho ab kaliyug vinaash ho satayug aana hai। yeh hai hi raajasva ashvamedh avinaashi roodra gyaan yagya। ismen aahuti padni hai - puraani duniya ki। doosri to koi aahuti hai nahin। baap kehte hain - mainne saari srishti par yeh raajasva ashvamedh yagya racha hai। saari bhoomi par racha hua hai। yagya kunda hote hain na। ismen saari duniya svaaha ho jaayegi। yagya kunda banaate hain। yeh saari srishti yagya kunda bani hui hai। is yagya kunda mein kya hoga? sab ismen khalaas ho jaayenge। yeh kunda pavitra naya ho jaayega, ismen phir devtaayen aayenge। samudra chaaron or hai hi, saari duniya nai ho jaayegi। uthal-paathal to bahut hoga। aisi koi jagah nahin hai jo kiski na ho। sab kehte hain yeh meri hai। ab meri-meri kahne vaale manushya sab khatma ho jaayenge। baaki main jinko pavitra banaata hoon, woh thode hi saari duniya mein rahenge। pahle-pahle aadi sanaatan devi-devta dharma hoga। jamuna nadi ke kanthe par unhon ka raajya hoga। yeh sab baaten tumhaari buddhi mein baithni chaahiye, khushi rahni chaahiye। manushya ek doosre ko kahaani baith sunaate rehte hain na। yeh bhi satya-naaraayan ki kahaani hai, ye hai behad ki। tumhaari buddhi mein hi yeh baaten hain। unmein bhi jo achhe-achhe serviceable hain, unhon ki buddhi mein dhaarna hoti hai, jholi bharegi, daan dete rahenge isliye kehte hain dhan diye dhan na khute। samajhte hain daan dene se barkat badhegi। tumhaara to hai avinaashi dhan। abhi dhan diye dhan na khute, jitna daan denge utna hi khushi hogi। sunte samay koi-koi ka kaandh jaise jhoolta rahega। koi to tavaai muaaphik baithe rehte hain। baap itni achhi-achhi points sunaate hain। to sunte samay automatic kaandh hilega। yahaan bachche aate hi hain sammukh baap se refresh hone। baap kaise baith yukti se point sunaate hain।

tum jaante ho bhaarat mein devi-devtaaon ka raajya tha। bhaarat ko svarga kaha jaata hai। abhi to narka hai। narka badalkar svarga hoga baaki itne sabka vinaash ho jaayega। tumhaare liye to svarga jaise kal ki baat hai। kal raajya karte the, doosra koi aise kah na sake। kehte bhi hain Christ ke itne varsha pahle paradise tha, tab koi doosra dharma nahin tha। dvaapar se sab dharma aate hain। badi sahaj baat hai। parantu manushyon ki buddhi is taraph hai nahin jo samajh saken। bulaate bhi hain patit-paavan aao to aakar zaroor patit se paavan banaayenge na! yahaan to koi paavan ho na sake। satayug ko viceless world kaha jaata hai। abhi to hai vicious world। mukhya baat hai pavitrata ki। iske liye tumko kitni mehnat karni padti hai। tum jaante ho aaj din tak jo bhi past hua woh drama anusaar hi kahenge। ismen ham kisko bura bhala nahin kah sakte। jo kuchh hota hai, drama mein noondh hai। baap aage ke liye samjhaate hain ki service mein aise-aise karma nahin karo। nahin to disservice ho jaati hai। baap hi to bataayenge na। tum aapas mein loon-paani ho gaye ho। samajhte hain ham loon-paani hain, ek doosre se milte baat nahin karte phir kisko kuchh kaho to ekdam bigad jaate hain। shivbaaba ko bhool jaate hain isliye samjhaaya jaata hai ki hamesha shivbaaba ko yaad karo। baap saavdhaani dete hain bachchon ko। aise-aise kaam karne se durgati ho jaati hai। parantu takdeer mein nahin hai to samajhte hi nahin। shivbaaba jinse varsa milta hai, unse bhi rooth padte hain। braahmani se bhi roothte hain, inse bhi roothte hain। phir kabhi class mein nahin aate hain। shivbaaba se to kabhi nahin roothna chaahiye na। unki murli to padhni hai। yaad bhi unko karna hai। baba kehte hain na - bachche apne ko aatma samajh mujhe yaad karo to sadgati hogi। deh-abhimaan mein aane se dehdhaariyon se rooth padte hain। varsa to daade se milega। baap ka banen tab daade ka varsa mile। baap ko hi phaarakti de di to varsa kaise milega। brahman kul se nikal shoodra kul mein chale gaye to varsa khatma। adoption radda ho gaya। phir bhi samajhte nahin hain। maaya aisi hai jo ekdam tavaai bana deti hai। baap ko to kitna pyaar se yaad karna chaahiye parantu yaad karte hi nahin। shivbaaba ka bachcha hoon, jo hamko vishwa ka maalik banaate hain। zaroor bhaarat mein hi janma lete hain। shiv jayanti manaate hain na। world ki history-geography repeat hogi to pahle-pahle shivbaaba hi aakar svarga rachenge। tum jaante ho ki hamko svarga ki baadshaahi mil rahi hai। baap hi aakar svargavaasi banaate hain। nai duniya ke liye raajayog sikhlaate hain। tum jaakar nai duniya mein raajya chalaate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi roopi jholi mein avinaashi gyaan ratna bharpoor kar phir daan karna hai। daan karne se hi khushi rahegi। gyaan dhan badhta jaayega।

2) kabhi bhi aapas mein bigadkar loonpaani nahin hona hai। bahut pyaar se baap ko yaad karna hai aur murli sunni hai। tavaai nahin banna hai।

vardaan:- ek baap se yog rakh sarva ka sahayog praapta karne vaale sachche yogi va sahayogi bhav

jo jitna yogi hai utna use sarva ka sahayog avashya praapta hota hai। yogi ka connection athva sneh beej se hone ke kaaran sneh ka return sabka sahayog praapta ho jaata hai। to beej se yog lagaane vaala, beej ko sneh ka paani dene vaala sarva aatmaon dvaara sahayog roopi phal praapta kar leta hai kyonki beej se yog hone ke kaaran poore vriksha ke saath connection ho jaata hai।

slogan:- puraane sanskaaron ko mera kehna arthaat purshaartha ko dheela karna।

ye avyakt ishaare - ab apne daata swaroop ko pratyaksha karo

kabhi bhi kisi bhi prakaar ka kisko sahayog chaahiye to daata ke bachche unhein sahayog do। lekin sarva ke sahayogi tab banenge jab sarva ke snehi banenge। snehi nahin to sarva ke sahayogi bhi nahin ban sakte isliye mansa, vaacha, karmana aur sambandh mein bhi sahayogi aur saphaltaamoorta bano।