शनिवार 19 सितंबर 2026 की दैनिक मुरली

19-09-2026 praatahmurli om shanti "baapdaada"' madhuban

“meethe bachche - tum god fatherly student ho, tumhein sachcha-sachcha roop-basanta ban apne mukh se sadaiv gyaan ratna hi nikaalne hain''

prashn:- baba bachchon ko surjeet karne ke liye kaun si sanjeevni booti dete hain?

uttar:- manamnaabhav arthaat baap ko yaad karo। nasha rahe - paramatma dvaara ham devta banne ke liye athva raajya pad paane ke liye yeh padhaai padh rahe hain। yeh smriti hi sanjeevni booti hai, jo surjeet kar deti hai। unki avastha kabhi murjha nahin sakti। ve sada apni jaanch karte doosron ko bhi saavdhaan karte rahenge।

om shanti। yeh college hai na। jaise school mein student baithte hain to samajhte hain ham teacher ke aage baithe hain। kaun sa imtahaan paas karne baithe hain, woh bhi buddhi mein hai। satsang aadi mein jahaan ved shaastra aadi sunaate hain, vahaan koi em nahin rehti। woh shaastra aadi tumhaari buddhi se nikal gaye hain। tum jaante ho ki ham manushya se devta ban rahe hain, bhavishya 21 janmon ke liye। student ghar mein baitha hoga athva kahaan bhi jaayega, buddhi mein yeh rehta hai ham phalaana imtahaan paas karenge। tum bachche bhi class mein baithe hue yeh jaante ho ki ham devta ban rahe hain। tum bhi apne ko vidyaarthi to samajhte ho na। ham rooh hain, is shareer dvaara ham padh rahe hain। rooh jaanti hai ki yeh shareer chhod bhavishya mein ham naya shareer lenge, unko devta kaha jaata hai। yeh to vikaari patit shareer hai, hamko phir naya shareer milega। yeh samajh abhi mili hai। main aatma padh raha hoon, gyaan saagar padha rahe hain। yahaan tumko grihastha vyavhaar ka ona (chinta) hai nahin। buddhi mein yahi rehta hai ki ham bhavishya ke liye manushya se devta ban rahe hain। devtaayen rehte hain svarga mein। yeh ghadi-ghadi chintan karne se bachchon ko khushi rahegi aur purushaartha bhi karenge। mansa-vaacha-karmana pavitra bhi rahenge। sabko khushi ka sandesh sunaate rahenge। brahmaakumaar to bahut hain na। sab student life mein hain। aise nahin ki dhandhe dhori mein jaane se woh life bhool jaayegi। jaise yeh mithaai vaala hai, samjhega na ki ham student hain। student ko kabhi mithaai banaani hoti hai kya? yahaan to tumhaari baat hi nyaari hai। shareer nirvaah ke liye dhandha bhi karna hai। saath-saath buddhi mein yeh yaad rahe ki ham parampita paramatma dvaara padh rahe hain। tumhaari buddhi mein rehta hai ki is samay saari duniya narkavaasi hai। parantu yeh koi samajhte nahin hain ki ham bhaaratvaasi narkavaasi hain, ham bhaaratvaasi hi svargavaasi the। tum bachchon ko bhi saara din yeh nasha rehta nahin hai। ghadi-ghadi bhool jaata hai। bhal tum bi.ke. ho, teachers ho, shiksha dete ho, manushya ko devta, narkavaasi ko svargavaasi bana rahe ho, phir bhi bhool jaata hai। tum jaante ho is samay saari duniya aasuri sampradaay hai। aatma bhi patit to shareer bhi patit hai। ab tum bachchon ko in vikaaron se glaani aati hai। kaam, krodh aadi sab glaani ki cheezen hain। sabse glaani ki cheez hai vikaar। sannyaasiyon mein bhi thoda krodh rehta hai kyonki jaisa anna vaisa man, grihasthiyon ka hi khaate hain। koi anaaj nahin khaate lekin paise to lete hain na। patiton ka us par prabhaav to rehta hai na। patit ka anna patit hi banaayega। pavitrata ke oopar tum vishesh zor dete ho। tumhaara yeh prachaar badhta jaayega। sab chaahenge ham pavitra banen, yeh baat dil se lag jaayegi kyonki pavitra banne ke bigar to svarga ka maalik ban nahin sakenge। dheere-dheere sabki buddhi mein aata jaayega, jo svargavaasi banne honge vahi banenge। kahenge ham to pavitra ban pavitra duniya ke maalik zaroor banenge। yeh kalyaankaari sangamayug hai jabki patit duniya paavan hoti hai, isliye isko purushottam yug kaha jaata hai। yeh kalyaankaari hai। manushya srishti ka kalyaan hota hai। baap kalyaankaari hai to bachchon ko bhi banaayenge। aakar yog sikhaae manushya se devta banaate hain।

tum jaante ho yeh hai hamaara head school। yahaan koi ulte dhandhe bhi kisko nahin hai। baahar jaane se dhandhedhori mein lag jaate hain to yeh yaad nahin rehta ki ham student hain। ham narkavaasi se svargavaasi ban rahe hain। yeh khyaalaat buddhi mein tab chalte jab phursat ho, koshish kar time nikaalna chaahiye। buddhi mein yaad rehna chaahiye ki ham tamopradhaan se satopradhaan ban rahe hain। ek baap ko hi yaad karna hai। dhandhe mein bhi free time milta hai। buddhi mein yeh yaad koshish kar laani chaahiye ki ham god fatherly student hain। aajeevika ke liye yeh dhandha aadi karte hain। woh hai maayaavi dhandha, yeh bhi tumhaari aajeevika hai, bhavishya ke liye sachchi kamaai to yeh hai, ismen badi achhi buddhi chaahiye। apne ko aatma samajh parampita paramatma ko yaad karna hai। samjhaana hai, ab ham aatmaon ko jaana hai ghar। baba hamko lene ke liye aaye hain। saara din buddhi mein vichaar saagar manthan chalna chaahiye। jaise gaay khaana ugaarti rehti hai, aise ugaarna hai। bachchon ko avinaashi khajaana milta hai। yeh hai aatmaon ke liye bhojan। yeh yaad aana chaahiye ham parampita paramatma dvaara padh rahe hain - devta banne ke liye, va raajya pad paane ke liye, yeh yaad karna hai। ghadi-ghadi bhool jaate hain phir khushi ke badle avastha murjhaai rehti hai। yeh sanjeevni booti hai jo apne paas rakhni hai aur auron ko bhi deni hai, surjeet karne ke liye। shaastron mein to lambi chaudi kahaaniyaan likh di hain। baba in sabka rahasya baith bataate hain। manamnaabhav arthaat baap ko yaad karo to tum svarga ke maalik ban jaayenge। apni dil se poochhte raho, jaanch karte raho, ek-do ko saavdhaan karte raho। koi khitpit hoti hai to buddhi usmein lag jaane ke kaaran kisi ka kehna meetha nahin lagta। maaya taraph buddhi lag jaane se phir vahi phikraat rahegi। tum bachchon ko to khushi rahni chaahiye। baap ko yaad karo, parantu apni hi uljhan mein honge to woh davaai lagegi nahin, ghutke khaate rahenge। aisa karna nahin chaahiye। student padhaai ko thode hi chhod jaate hain। tum bachche jaante ho yeh hamaari padhaai hai bhavishya ke liye, ismen hi hamaara kalyaan hai। dhandha dhori aadi karte hue bhi course lena hai। yeh srishti ka chakra kaise phirta hai। yeh bhi knowledge buddhi mein rakhni hai। yaad hai sanjeevni booti। ek-do ko yaad dilaana chaahiye। stri-purush ek-do ko yaad karaate rahen। shivbaaba brahma dvaara yeh padha rahe hain। shivbaaba ke rath ka shrringaar kar rahe hain to shivbaaba ki yaad rahni chaahiye। saara din yaad rehna to mushkil hai। woh avastha to ant mein hi honi hai। jab tak karmaateet avastha ho tab tak rustam se maaya ladti rahegi। gaaya bhi hai ek-do ko saavdhaan kar unnati ko paao। officer log naukar ko bhi kah dete hain ki hamko yeh baaten yaad karaana। tum bhi ek-do ko yaad karaao। manzil bahut oonchi hai। baap kehte hain - mujhe yaad karne se paavan ban jaayenge। yeh baap koi nai baat nahin sunaate। tumne laakhon karodon baar yeh gyaan suna hai, phir yeh sunenge। aise koi bhi satsang mein kahne vaala nahin hoga ki hamne kalpa-kalpa suna hai। ab sun rahe hain phir sunenge। kalpa-kalpa sunte aaye hain, aise koi kah nahin sakega। baap samjhaate hain tumne aadhaakalpa bhakti ki hai। ab phir tumko gyaan mila hai, jisse sadgati hoti hai। baap ko yaad karne se paap kat jaayega। yeh to samajhne ki baat hai na। purushaartha karna hai। judge va bade aadmi ka bachcha koi ulta kaam kare to naam badnaam ho jaae। yahaan tum bhi baap ke bane ho to aisa koi karma nahin karna hai, nahin to baap ki ninda karaayenge। satguru ke nindak thaur na paayen arthaat oonch pad pa na saken। eeshvar ki santaan hokar aasuri karma se darna chaahiye। shreemat par chalna hota hai। apni mat par chalne se dhokha khaayenge, pad bhrashta ho jaayega। poochh bhi sakte hain, aapki mat par theek chal rahe hain। baap ki pahli-pahli mat hai baap ko yaad karo। koi vikarma nahin karo। baba kaun se vikarma karta hoon, aapko kuchh maaloom ho to bataao। maaloom hoga to bata denge। yeh-yeh tumse bhoolen hoti hain, unko vikarma kaha jaata hai। sabse bada vikarma hai kaam vikaar ka, jaasti jhagda us par chalta hai। bachchon ko himmat aani chaahiye, vichaar karna chaahiye। kumaariyon ka jhunda hona chaahiye, jo kahe ki hamko shaadi karni hi nahin hai। ab hai kalpa ka sangamayug, jismen purushottam banna hai। is lakshmi-naaraayan ko purushottam kaha jaata hai। vikaari ko thode hi purushottam kahenge। ab tum purushottam ban rahe ho। sabko hak hai banne ka। purushottam maas par tum kitni service kar sakte ho। badi dhoomdhaam machaani chaahiye। yeh purushottam yug hi uttam yug hai, jabki manushya narkavaasi se svargavaasi bante hain। yeh common baat hai। tum bachchon ko achhi reeti samjhaana hai। purushottam hote hain satayug mein। kaliyug mein koi uttam purush hote hi nahin। yeh hai hi patit duniya। vahaan to pavitra hi pavitra hain। yeh sab baaten baap bachchon ko samjhaate hain, auron ko samjhaane ke liye। mauka dekh samjhaana chaahiye। tum yahaan baithe ho, samajhte ho hamko niraakaar baba parampita paramatma raajayog sikha rahe hain, ham student hain। is padhaai se svarga ke devi-devta ban rahe hain। sab imtahaan se bada imtahaan hai, yeh raajaai praapta karne ka imtahaan, jo paramatma ke sivaae koi padha na sake। baba khud paropkaari hai, khud svarga ka maalik nahin banta। svarga ka prince shreekrishna hi bante hain। nishkaam seva baba karte hain। kehte hain main raaja nahin banta hoon। tumko raajaaon ka raaja banaata hoon। yeh baaten kiski buddhi mein nahin hain। aise bahut hain, bhal yahaan saahookaar hain, vahaan gareeb ban jaayenge aur jo abhi gareeb hain, woh bahut saahookaar vahaan bante hain। vishwa ka maalik banna - yeh behad ki baat hai na। gaaya bhi hua hai - main tumko raajaaon ka raaja banaata hoon। svarga ka maalik hi banaayega। tum jaante ho ham svarga ka maalik ban rahe hain to kitna phakhur hona chaahiye। hamko padhaane vaala parampita paramatma hai। ham ab narkavaasi se svargavaasi devta bante hain, yeh bhi yaad rahne se khushi ka paara chadha rahega। student life is di best। purushaartha karke banna to raaja raani chaahiye na। aise nahin bataana chaahiye ki ham raaja bankar phir rank banenge। yeh nahin bataana hota hai। poochhna hai kya banna chaahte ho? sab kahenge ham vishwa ka maalik banenge। so to bhagwan baap hi bana sakte hain। kehte hain maamekam yaad karo to tamopradhaan se satopradhaan ban jaayenge, kitni sahaj baat hai। koi bhi ban sakta hai। bhal kitna bhi gareeb ho, ismen paise ki baat nahin isliye baap ko kehte hain - gareeb nivaaz।

baap ko yaad karke paapon ka ghada khaali karna hai, jitna jo mehnat karenge so paayenge। seedhi se dekhte ho kitna oonch chadhte hain। chadhe to chaakhe raajaai ras, gire to chaknaachoor। vikaar mein gira, phaarakti di to baba kehte hain ekdam neeche gir padte hain। sapoot bachche to purushaartha kar apna heere jaisa janma banaayenge। bachchon ko purushaartha bahut karna hai। ab jo karega… sabko kehte hain maat-pita ko follow karo, aap samaan banaao। jitna-jitna merciful banenge utna tumko hi phaayda hai। time vesta nahin karna hai, auron ko yukti bataate rehna hai। nahin to itna oonch pad pa nahin sakte। pichhaadi mein tumko bahut saakshaatkaar honge phir us samay tum kuchh kar nahin sakenge। imtahaan mein naapaas hua so hua। aise na ho jo pichhaadi mein pachhtaana pade। phir to purushaartha kar nahin sakenge isliye jitna apna aur doosron ka kalyaan karna hai, utna karo। andhon ki laathi bano। kalpa-kalpaantar svarga ki sthaapna ki hai, zaroor karenge। drama mein noondh hai, ab jo karega so paayega। baba ke laal chhipe nahin rah sakte। roop-basanta misal mukh se ratna hi niklen। dhooti nahin banna hai, doosre ka nuksaan nahin karna hai। tumko koi ulta-sulta sunaaye to samjho dhooti hai, unse sambhaal rakhni hai। apna behad ka varsa baap se lene mein poora tatpar raho। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna aur doosron ka kalyaan karna hai। andhon ki laathi banna hai। kabhi koi ulti baaten sunaayen to unse saavdhaan rehna hai।

2) mansa-vaacha-karmana pavitra banna hai। ham student hain, bhagwan humein devta banne ki padhaai padha rahe hain, isi khushi mein rehna hai।

vardaan:- saathi aur saaksheepan ki smriti dvaara sab bandhanon se mukta hone vaale sarva shakti sampanna bhav

sarva shaktiyon se sampanna ban adheenta se pare hone ke liye do shabd sada yaad rahen - ek saakshi doosra-saathi। isse bandhanmukta avastha jaldi ban jaayegi। sarvashaktivaan baap ka saath hai to sarva shaktiyaan svatah praapta ho jaati hain aur saakshi bankar chalne se koi bhi bandhan mein phansenge nahin। nimitta maatra is shareer mein rahkar kartavya kiya aur saakshi ho gaye - iska vishesh abhyaas badhaao।

slogan:- ashuddha aur shuddh donon ki yuddha hai to brahman ke bajaae kshatriy ho।

ye avyakt ishaare - ab apne daata swaroop ko pratyaksha karo

tadaphti hui ya bhikhaari pyaasi aatmaon ki pyaas mitaane ke liye apne ko ateendriy sukh va sarva shaktiyon se bharpoor karo। jitna sarva shaktiyon ka khazaana, ateendriy sukh ka khazaana ikattha hoga to apni sthiti kaayam rahegi aur anya aatmaon ko bhi sampanna bana sakenge। aap sarva ki jholi bharne vaale daata ke bachche ho, sabko dena hai। yeh dene ka drishya bahut jaldi saamne aayega।