मम्मा की मुरली - gyan-sitar-24

५६ ६.९.५९

hamaara saathi svayan bhagwan hai, isliye toofaanon se darna nahin

om shanti । vaastav mein sarvashaastra shiromni geeta hi gaai hui hai। parantu bhaaratvaasiyon ko maaloom na hone ke kaaran kisne gaai hai, uska kadar kam kar diya hai। bhal bhagvaanuvaach hai lekin bhagwan ne direct gaai hai। aise samajhte to saari duniya maanti। saari duniya krishna ko to nahin maanegi। lekin bhaaratvaasiyon ko hi pata nahin to aur kaise jaanen ? bhaarat mein hi court mein geeta uthaae kasam lete hain। jaise musalmaanon ka kuraan hai, Christian ka Bible hai, vaise bhaarat ki geeta hai।

paramatma kehte hain - "jo geeta kalpa pahle gaai thi vahi ab phir se uchchaaran kar raha hoon।” Christ ne aise nahin kaha ki mera kalpa pahle vaala Bible hai। kyonki woh jab aae to unhon ka dharma tatha shaastra to tha nahin। lekin paramatma aate hain to dikhaate hain ki dekho, main tumko so devta banaata hoon, jinhon ke chitra saamne hain। bhal devtaaon ki biography, chitron ko bahut neeche-oopar kiya hai lekin yaadgaar to kaayam hai। ab practical nahin hai lekin yaadgaar hain। to apne dharma ka hi saare chakra mein part hai। geeta to haajir hai lekin woh hote bhi kehte hain - "mera gyaan praayah lop hai। in shaastron se main nahin milta।” kyonki paramatma aate hi hain ant mein। kehte hain- "mera gyaan us geeta mein bhi nahin hai। to jab gyaan raha hi nahin to meri praapti kaise hogi ? jab tak main na aaoon mere yaadgaaron se to nahin banenge।" yahaan to practical chaahiye। kehte hain – jab jadajdeebhoot vriksha ho jaata hai tab main aata hoon।

koi saadhu-sanyaasi to kah nahin sakte -- mainne kalpa pahle devta banaaya tha। manmanaabhav-maamekam, mujh ek mein hi buddhi lagaao । akshar hi paramatma ke direct hain। koi mahaatma geeta sunaayega to bhi kahega - paramatma se yog lagaao। aise nahin kahega mere mein lagaao। to jarur paramatma ne khud direct kaha hai। tab kaha hai- mujh ek mein buddhi lagaao। yeh bhi khud paramatma ne samjhaaya hai। tab samajhte hain ki woh direct aakar kah rahe hain।

shaastron mein to kitni kahaaniyaan likhi hain – lashkar the, baanon se ladaai hui। lekin ham to pakke ahinsak hain। na astra-shastra ki ladaai hai, na kaam kataari chalaate hain। asul to pavitra pravritti maarga tha jisko grihastha aashram maana pavitra sthaan kehte hain। woh to main sthaapan karta hoon। mukti bhi main aakar deta hoon। ab vinaash to saamne hai aur sthaapna bhi ho rahi hai। puraani duniya ke marne ki cheejen nikli hain, to nai duniya ke janmane ki bhi cheejen nikli hain।

kehte hain – main apne bachchon ke aage pratyaksha hota hoon। to vahi pahchaante hain। baaki ant mein duniya ko pata padega। lekin jo kaarya karaana tha, kamaai karaani thi woh kaam to poora ho chukega। phir to 'aho prabhu !' hi kahenge। ham practical geeta sun rahe hain aur woh shaastra suna rahe hain। itna contrast hai। is baat ko achhi reeti dhaaran kar duniya ki stage par rakhna hai। ismen sab saamna karenge। lekin ham jaante hain hamko padhaane vaala kaun hai ! aise nishchayvaan stage par aayenge। kai phir sanshay mein aakar tootte bhi rahenge। yeh to kalpa pahle maaphik hota rahega, isse darna nahin hai। jiska saathi paramatma hai, usko dar kya ? jaise dikhaate hain paandavon ne bhagwan ka saath liya। to hamne eeshvar ka saath liya hai। ant mein vijay to hai hi। beech mein bahut toofaan aayenge lekin result ka pata hai to darenge nahin।

paramatma kehte – jab main aata hoon to bahut bhagwan ban baithte hain। ab siddha kaise ho ? to ant mein nirnay ho jaata hai। bhagwan ka kaarya kya hai woh to vahi jaante। paramatma ki samarthi - puraani duniya ka vinaash, nai duniya ki sthaapna। woh bhi time par hisaab se karaata hai। duniya vaalon ne to shaastron mein yahi padha hai ki bhagwan mare hue ko jinda karta, dharti se paani nikaal deta …। ab yeh to kaam unka hai nahin। haan, ham saagar ke bachche jo mare pade the unhon ko jinda karte hain gyaan amrit se। manushya phir ulta arth nikaal samajh baithe hain। bhagwan ki aisi samarthi hai। ham to jab aakaari devtaaon brahma, vishnu ko hi bhagwan nahin kehte to manushya to ho nahin sakta। woh to paramatma ek hai jo baith apni knowledge dete hain।

apne mein jo anek janmon ke sanskaar pade hain unhon ko nikaal isko dhaaran karne mein mehnat lagti hai। buddhi se judge karna hai – yeh right hai। to auron ko dena hai। baba yahi madad maangate hain। baaki darne ki baat nahin hai jab khevanhaar saath hai। raam, krishna koi khevanhaar nahin। unhon ko bhi paramatma ne paar kiya hai, asaar sansaar se paar kar saar vaali duniya mein le gaye hain। duniya isko nahin jaanti। tab main aakar bataata hoon aur le chalta hoon। aisi hain bhagwan ki baaten। kehte hain- sirf yeh antim janma purushaartha kar pavitrata ko dhaaran karo। phir to janma-janmaantar bigar purushaartha pavitra rehte aayenge। jahaan mool em object hi pavitrata ki hain, vahaan apvitrata ki baat kaise ho sakti।