मम्मा की मुरली - gyan-sitar-25

७.९.५९

paanch vikaaron ke karmabandhan se chhootna hi sachchi svatantrata hai

om shanti। ham jiski yaad mein baithe hain usko ham jaante hain ki woh samartha hai ! uski samarthi ka bhi kab karttavya chala hai। niraakaarapne ki samarthi nahin। jarur saakaar mein samarthi ka karttavya chala hai tab gaayan hua hai। niraakaar hote saakaar mein gaayan hai to jarur kuchh khaas baat hogi। baaki yeh to samajhte hain ki kisko dhan dena, khaana dena, sukh dena- yeh us karnakraavanhaar ka kaam nahi hai, uski yeh samarthi nahin hai। agar aisa ho to phir sabko sukh deve। phir koi sukhi aur koi duhkhi kyon ? sukh hote bhi manushya santushta nahin hai to kya yeh paramatma ka karttavya hai ? ab hamaari buddhi ka taala khula hai, to ham jaante hain ki paramatma ki samarthi kya hai ? paramatma ne jo sukh diya hai woh kuchh bhinna hai, tab hi paramatma ke karttavya ka gaayan hai। baaki is jeevan se paramatma ka karttavya siddha nahin hota hai। paramatma ne yeh jeevan nahin banaai hai। woh kuchh aur oonch jeevan thi jiska gaayan hai। woh oonch sukh ki duniya thi। manushya nahin jaante। usko sarva sukh-daata, samartha tab kaha jaata hai jabki mukti aur jeevanmukti donon hi aakar dete hain। aur sabhi dharma vaalon ko mukti mein bhej dete hain। baaki jo laayak bante hain unhon ko raajya-bhaagya de khud vaapas chale jaate hain। kyonki praalabdha to aatmaon ko bhogni padti hai। hamko woh knowledge mili hai, sukh mila hai, tab hi gaayan karte hain aur unse yog lagaate hain।

paramatma kehte hain – is srishti mein meri yaad ka to ansh hi nahin hai। maaya ne ekdam buddhi ka taala laga diya hai। baaki paramatma baap kabhi kisko duhkh nahin dete hain। usko kaha jaata hai sukh-daata, na ki duhkh-daata। sukh diya hai, tab to itne yaadgaar bane hain aur gaayan hota hai। ab maaya ne apvitra banaaya jis kaaran hi manushya duhkhi bane hain। manushya yeh jo svatantrata kehte hain, lekin jab tak ५ vikaaron ke karmabandhan se na chhoote hain, tab tak svatantrata ho nahin sakti hai। apvitra aatmaayen na sukh dekh sakti hain, na srishti par raajya chala sakteen । isliye paramatma ka plan hi kuchh aur hai। woh raajya kaarobaar na kaurvon ko dete hain, na yaadvon ko dete hain। parantu pavitra devtaaon ko dete hain, jinhon ko ab khud bana rahe hain। banna to harek ko apne purushaartha se hi hai। apni mehnat se lakshmi-naaraayan ne sampoorn purushaartha se sampoorn praalabdha paai hai, tab hi gaayan hai। hero-heroine kaha jaata hai। brahma ko bhi hero-heroine kaha jaata hai kyonki oonch karttavya kiya hai।

manushya ki oonchaai hai devta banna। baaki manushya paramatma nahin ban sakta। to purushaartha karna hai। drama par athva bhaagya par nahin thaharna hai। bhal ham jaante hain ki yeh bana banaaya hai… lekin banna to purushaartha se hai na। pata padne se purushaartha nahin chhoot sakta। chaahe pata lage, chaahe na lage, purushaartha mein jarur lagna hai। arjun ko bhi kaha hai na - sab mare pade hain, sirf nimitta tumko maarna hai। to purushaartha karaaya na। purushaartha bigar, hath par thaharne se kaam nahin chalta hai। nahin to phir haath masalna padega। shvaans par to bharosa nahin hai। shubh kaarya mein deri nahin karni chaahiye। jaise aur laukik kaarya ko nibhaate ho, to isko bhi nibhaana hai। gaphlat nahin karni hai। nahin to dharmaraaj ke mochre bhi khaane padenge, roti bhi nahin milegi। agar mochron se chhootenge to phir aaraam se baith khaate rahenge। koi kehte hain – achha, peechhe dharmaraaj se samajh lenge। to ab bhala samajh lo। apne karmon se chhooto। dekho, kehte hain na – haay mere karma ! ismen koi apna ghaat bhi kar lete hain। duhkh se chhootne ka vash nahin chalta hai to phir doosre - teesre janma mein duhkh bhogte hain। kehte hain – peechhe bhagwan se samjhenge। to abhi hi samajh lo। kuchh socho, baaki gaphlat mat karo। gaphlat karne vaale duhkh bhogte hain, chhoot nahin sakte hain। isliye chetaavni di jaati hai ki in duhkh ke karmabandhan se chhooto, nahin to pachhtaana padega। achha। om shanti।