मम्मा की मुरली - gyan-sitar-33

१४.९.६२

ab vriksha ko beej mein samaana hai, isliye deh sahit sabse chhutkaara paane ka purushaartha karo

om shanti। raat aur din ko bhi samajhna hai। raat-din had ke bhi hain aur doosre behad ke bhi hain jisko brahma ka din-raat kehte hain। to saara kalpa jaise ki brahma ka ho gaya। yaani saare kalpa mein brahma ka part ho gaya। zarur raat bhi brahma ne gujaari, din bhi gujaara। ab yeh saara chakra hai। ek janma ki baat nahin hai। abhi itne ५००० varsha mein raat-din poora hota hai। to ek manushya ki itni badi aayu nahin ho sakti hai। phir woh to laakhon varsha kehte hain ! parantu ५००० varsha bhi ek ki aayu ho sakti hai kya ? baal, yuva, vriddha - to १०० varsha mein hi kya se kya ho jaate hain ! to samajhna chaahiye ki yeh anek janma ki baat hai jo baba baith kahaani sunaate hain। baba jo brahma ka bhi rachayita hai। mukhya bachche ke saath sabhi bachchon ki kahaani aa jaati hai। to hamaara bada baba raat aur din ki kahaani suna rahe hain।

paramatma khud aakar is (brahma) tan se kahaani sunaate hain। to inse hi kahaani shuru karenge - inki aatma kaise chakra lagaati hai, kaise raat poori hokar din shuru hota hai ? din ke hain २१ janma kyonki yeh janma bhi ginti hota hai। २० janma woh aur ek janma yeh jo divya aur alaukik hai। brahma ka bhi yeh divya aur alaukik janma gina jaayega। baad mein ६३ janma kab aur kaise hote hain, uska bhi vistaar samjhaate hain। to ismen sabki kahaani aa jaati hai। sabka pata baap hi de sakte hain।

ham baap dvaara jaan gaye hain ki ab hamaare bhakti ke anek janma poore hue। bhakti bhi ham sabne bahut janma ki hai। to lakshmi-naaraayan ki bhakti ki poonji bhi bahut badi hai। yeh hai saari kahaani। satayugi devi devta dharma aur raajya donon ki sthaapna baap dvaara abhi hi hoti hai। nayi duniya phir puraani hoti hai। pahle tha hi devta dharma। jaise pahle jad phir patte aadi nikalte hain। doosre dharma pahle nahin the। hindu dharma bhi pahle nahin tha। pahle devi-devta the, phir jab gire tab hindu bane । kahne mein bhi pahle satayug aata hai, aise nahin ki pahle dvaapar, kaliyug phir satayug। sab baaton ka niyam (law) bana hua hai। har cheej mein number jarur hain। raat-din mein bhi pahle din kahenge, na ki raat । bhale chakra chalta hai parantu usmein bhi nambarvaar hain। is chakra ke hisaab mein jitna sukh utna duhkh । manushya in baaton ko na jaanne ke kaaran kah dete hain - yeh sukh kaag vishta ke samaan hai। parantu ham jaante hain aadha kalpa hai gyaan, aadha kalpa hai bhakti। yeh vairaagya maarga hai by-plot । dekho, devtaaon ke chitron dvaara bhi siddha hota hai ki anaadi pavitra pravriti thi। vahaan pavitrata se hi vriddhi hoti hai।

abhi to humein deh sahit deh ke sab sambandhon se mukta hona hai। abhi koi woh vriddhi nahin karni hai। abhi to ise khatma karna hai। vahaan ki rehearsal yahaan nahin karni hai। aise nahin sochen ki dekhen, devtaayen kaise bachche paida karte the ? paramatma kehte hain – ab to koi bhi haalat mein mujhe yaad karo, baaki sabko bhoolna hai। abhi to aatma hi pavitra nahin hai to deh kaise pavitra hogi ? to ab apni buddhi ko ek taraph lagaana hai। deh sahit chhutkaara paana hai kyonki deh sahit deh ke sab sambandh se nikal vaapas jaana hai। baaki vahaan kaise vriddhi hogi ? woh baat vahaan ki hai। abhi to vriksha ko vaapas beej mein jaana hai। phir jab beej boyenge tab ki baat hai। abhi to karvat ko badalna hai। ab yeh roshni paramatma dvaara milti hai। abhi svadharma ka pata laga hai। abhi ham svadharma mein rahkar baap se apna varsa lete hain। vahaan hai hi ek devi-devtaaon ka dharma । vahaan koi daitya aadi hote nahin। aasuri sampradaay hi nahin hai। vahaan devtaaon ko knowledge hi nahin hai ki apvitrata kya hoti hai ? is samay ki tamopradhaan buddhi vaale in baaton ko nahin samajh sakte hain। isliye kehte hain ki kya sabhi pavitra banenge ? parantu yeh paramatma ka kaam hai, vahi jaante hain।

manushya na jaanne ke kaaran kah dete hain ki jahaan saari duniya vahaan ham। woh to samajhte ki paramatma ka janma hai hi nahin, woh to sarvavyaapi hai। agar sarvavyaapi kehte hain to avatran kehna bhi nishedh ho jaata hai। kehte hain – kan-kan mein hai। to phir utra kaise ? phir to na utarne vaala raha, na utarne ki jagah hi hai। abhi to sab avtaar ban gaye hain। pahle se hi sab avtaar baithe hain, to phir aur avtaar kiska hoga? tum jaante ho ki ham sab aatmaayen hain। aatma hai hi sat-chit । shareer se aatma hi nikalti hai, akela man-buddhi nahin nikalta । yahi to aatma ki chaitanyata hai। har ek aatma ke sanskaar alag-alag hain। aise nahin ki woh koi jad ho jaati hai। jaise aakaash tatva hai, aise koi aatma bhi ek tatva hai- nahin, woh cheej hi alag hai। yeh hai paramatma ki knowledge jo abhi ham jaante jaate hain। achha ।