शनिवार 19 जनवरी 1963 की साकार मुरली

> >

19-01-1963 kaanpur praatah murli saakaar baba om shanti madhuban

ham kaanpur se bol raheen hain, aaj sande hai, san 1963, January ki 19 taarikh hai, praatah class mein baapdaada ki murli sunte hain

record:-

tumheen ho. maata, pita tumheen ho…।

ye bhaaratvaasiyon ka bhaktimaarga ka ek geet hai । devtaaon ke aage bhi mandir mein jaakar kehte hain- 'tvamev maataashcha pita tvamev, tvamev bandhushcha sakha tvamev, tvamev vidya dravin tvamev' । vidya maana gyaan, dravinan maana dhan, gyaan ratna । tvamev mam sharan । abhi kiske sharan aate hain? baat hui na । maat-pita । phir gaate hain ki maat-pita, ham baalak tere । yeh mahima kiski? samajhne ka hai na । koi laukik baap ki to nahin hai? sanyaasiyon ko kah bhi na saken bilkul hi । haan, itna hai ki mandiron mein ja karke ye devtaaon ko kehte hain । phir jo saamne aaya, unko aise kah dete hain; parantu yahaan samajh ki baat hai- 'tum maat-pita, ham baalak tere, tumhari kripa te sukh ghanere', yeh kaun ho sakte hain sivaay parampita paramatma ke । ab unki god chaahiye; kyonki mahima unki hoti hai । ab god milegi, prajaapita ke dvaara, yeh dalaal bante hain, sagaai karne ke liye । abhi sagaai jab karte hain parampita paramatma se khud paramatma । aatmaaen, paramatma alag rahe bahukaal । sundar mela kar diya jab satguru mila dalaal, kalhayugi guru nahin । vo guruon ke liye to gaaya jaata hai- guru sab andhale chele sabki satyaanaash । gaai jaati hai na । kaha bhi jaata hai ki guru bigar ghor andhiyaara । abhi sojhra hota hai, satayug ko sojhra kaha jaata hai । to jab vo satguru athva gyaan ka saagar aave, tab sojhra ho arthaat satayug ho arthaat brahma ka din ho । to zaroor brahma ki raat hui । shivbaaba kahe- mujhe isi samay mein hi aana hai । dekho, bahut samajhne ki baat hai । to baap, shivbaaba aaya hua hai । ye brahma dvaara, ye bachche khade hain sab, baithe hain sab , jaante hain ki tum maat pita prajaapita brahma, ye sabhi braahman kul । abhi yeh jaante hain ki hamko maat pita ki god mein aane se, abhi kiski god hai? shivbaaba ki, brahma dvaara brahma ke tan mein । abhi maata aur pita, jagdamba ko bhi kehte hain aur jagatpita ko bhi kahenge । abhi tum aae ho ye god mein lene ke liye । abhi baap aur daada baahen pasaare khade hain, vo hi maat-pita aur jo is god mein aate hain, jo braahman brahma mukhvanshaavli braahman bante hain, bas bana aur kaudi se heere jaisa bana । baap ki god mein aaya; kyonki 'tum maat-pita, ham baalak tere, tumhari kripa te sukh ghanere arthaat svarga ka maalik banenge aur hai bhi raajayog । raajaaon ka raaja banne tum sabhi yahaan aate ho । yeh to theek hai na? praapti ke liye । bahut praapti hai, athaah praapti hai । tum sanyaasi ko ya kisko bhi 'tum maat-pita kabhi nahin kah sakenge । abhi tum yeh jaante ho ki shivbaaba ki jayanti ho chuki hai aur barobar vo aae hain । baap aae hain phir is patit duniya ko paavan banaane athva is kalhayugi duniya ko va hell ko kaho ya narka ko kaho, svarga banaane । abhi itne sab ye bachche baithe hain । itne bachche kiske ho sakte hain? zaroor prajaapita brahma ke honge na । prajaapita yaani yeh praja । abhi ye sab jaante hain va brahma ko kehte hain mama baba । brahma aur sarasvati ko mama-baba kehte hain na । abhi ye jaante hain ki maat-pita, shivbaaba mama ye baba, inki god mein aane se ham barobar svarga ke maalik ban rahe hain । isko hi kaha jaata hai raajayog aur gyaan । kiske saath yog sikhlaate hain? apne saath । beeti so beeti dekho na । yeh jo bhi duniya chakkar lagaakar is tak aai hai, yeh ho gaya kalhayug ka ant, satayug ki aadi । isko kaha hi jaata hai- 'sangamayug', konaphluansa yug' । kalpa ka konaphluansa । yug ka konaphluansa nahin, kyonki yug ke konaphluansa mein aise ho nahin sakta hai ki patit se paavan duniya ban jaae । honi hai kalhayug se satayug ki duniya । to baap kehte hain- main aata bhi ab hoon । tum bachche aae hue ho । kehte ho- ham kalpa pahle muaaphik phir se mile hain । kalpa-kalpaantar milte hi aae hain । kalpa-kalpaantar milte hi rahenge । baba kehte hain na- ham, tum aur ye sabhi aaj hain, kalpa pahle the, kalpa-kalpa honge, phir se milenge । yeh mahaabhaari-mahaabhaarat ladaai, yeh hai hi geeta ke episod ki, yaani geeta ka is samay mein episod ya part kaho, repeat ho raha hai । repeat yaani phir se । baap aakar is bhaarat ko svarga banaate hain । geeta se bhaarat svarga bana hai । aise nahin hai ki dvaaprayug mein krishna ne koi geeta aakar sunaai । nahin, ye sab dekho jhooth ho gaya na । gaaya bhi jaata hai- 'jhoothi maaya, jhoothi kaaya । kaaya bhi jhoothi hai, kyonki paanch tatva, vo bhi to jhoothe hain । maaya ne jhootha banaay diya hai sabko । aatma ko bhi jhootha banaay diya hai । jo kuchh aatma bolti hai, jhooth bolti hai । saadhu ki aatma jhooth bolti hai, kehti hai ki eeshvar sarvavyaapi hai । so kehte aate hain janma-janmaantar । usse kya phaayda hua? kaun-sa vaakya meetha hua? bachche se poochho- tumko maaloom hai shiv kahaan hai? bachcha bolta hai- mere mein hai, tere mein hai, phalaane mein hai । to baap baithkar kehte hain yeh to tum karte aae ho barobar, shaastra padhte aae ho; parantu baba kehte hain- bachche, gyaan aur bhakti । gyaan maana hi satayug aur treta, din brahma ka । bhakti maana hi dvaapar aur kalhayug । yeh chakra phirta hai । gyaan--bhakti, gyaan-bhakti, chakkar phirta jaay । bhakti se durgati hoti hai । abhi durgati ka arth to samajh gae na- dhakka khaana । bhakti ke dhakke khaate khaate phir dekho, bhagwan aakar milte hain । abhi khada hai na barobar, jisko tum maat-pita kehte ho । aaya hua hai barobar । tum jaante ho- abhi ham maata-pita se varsa le rahe hain । jitna jo purushaartha karega, itna unko phal paana hai । em object hai raajayog' arthaat raajaaon ka raaja banne ka । to ho gai na paathshaala । kaun baithkar padhaate hain? bhagvaanuvaach । yeh kaun-sa bhagwan hai? vo bhagwan khud kehte hain- main manushya-srishti ka chaitanya beejroop hoon । chaitanya hone ke kaaran, beej hone ke kaaran, main meri is saari rachna ke aadi-madhya-ant ko jaanta hoon aur koi bhi nahin jaante hain arthaat main hi aakar bachchon ko rachta aur rachna ke aadi-madhya-ant ka gyaan deta hoon । main ek hi baar aata hoon patiton ko paavan karne va is narka ko svarga banaane athva in kalhayug ko phir satayug banaane । mera aana hota hai is sangamayug par । abhi kitni sahaj baaten baap samjhaate hain aur kehte hain ki bachche, aadha kalpa bhakti ka, tum pahle avyabhichaari bhagat the । pahle-pahle kaun bhagat bane? jo poojya the- shri lakshmi naaraayan jo phir devta se kshatriy bane, phir pahle unko vaishya banna hai na । vaammaarga mein aana hai zaroor । to pahle-pahle woh poojya se pujaari bane । yatha raaja-raani tatha praja, sab poojya se pujaari bane । avyabhichaari yog pahle kiske saath shuru kiya? shivbaaba ke saath । isko hi kaha jaata hai satopradhaan bhakti । peechhe satogun se phir aai neeche । aahiste-aahiste phir rajo mein aai, phir tamo mein aai । to abhi tamopradhaan bhakti । sab tamopradhaan । koi bhi aisi cheej nahin hai, jisko sato kah deven kyonki satopradhaan to satayug ko kaha jaata hai । dekho yeh kaun hai? kiske god mein aa karke baithe ho? bachchon ke baba, yeh god ka gudaam ban gaya । itne bachche! baba aur mama kaun kahenge kisko? yahaan koi saadhu-santa-mahaatma to nahin hain na! santon ko tum maat-pita kah nahin sakte ho, kyonki vo hai hi nivrittimaarga । yeh hai pravrittimaarga । baap samjhaate hain tum kal ki baat bhool gae ho । kal tumhaari yeh dilli va yeh bhaarat paristaan tha । shri lakshmi naaraayan ka raajya tha । yeh bhi bhool gae ho ki raadhe aur krishna so hi lakshmi naaraayan bante hain । raadhe-krishna koi dvaapar mein nahin aate hain । raadhe aur krishna satayug ke solah kala sampoorn yug mein aate hain । jab krishna-janmaashtami hoti hai tab maataaen unko jhulaati hain । phir race karke, jo raam ke bhakta hain vo yeh raamchandra ko aage nahin jhulaate the । abhi vo asar bhi to hota hai na, to raamchandra ko bhi abhi koshish karte hain jhulaane ke liye, kyonki ye kam kyon jaave, parantu hai to krishna na । 'chalo vrindaavan,… bhajo raadhe-govind kuchh aise kehte hain । abhi raadhe-govind to satayug mein the na । bachche the, phir svayanvar kiya, lakshmi naaraayan bane । to baba ne us din katha bataai- ek naarad bhakta jhojh bajaate aaya । svayanvar hota tha lakshmi naaraayan ka । to naarad ko kaha…hai ye ek dantaktha banaai hui hai drishtaant ke muaaphik baba samjhaate hain । aaya aur bola ki shri naaraayan meri dil hai ki main lakshmi ko varoon । tumne naarad ki katha padhi hogi । vahi naarad jisko choti de dete hain । haan suno, to unko kaha, svayanvar hota hoga - ham lakshmi varen । haan tum lakshmi varengi? kyon nahin varegi! achha, tum jaana, tumko lakshmi varengi । achha, vahaan jab lakshmi haar lekar ke svayanvar ka phirti raheen, to jab naarad unke saamne aaya, to unko aaina dikhlaaya । dekha, main to bandar hoon । main lakshmi ko kaise varoonga? bhaarat is samay mein bandar hai na । paanch vikaar bhare hue hain । jo bandar honge to vo lakshmeepti kaise banenge? jo gyaan uthaaenge, pavitra banenge, paanch vikaaron par jeet pahnenge, vo hi lakshmi ko varenge na । to tum kislie yahaan aate ho? harek kehte hain ki main lakshmeepti banoon ya naaraayan ki lakshmi banoon । naaraayan banna hai va lakshmi banna hai । ya to naaraayan ko varna hai, ya naaraayan ko lakshmi ko varna hai । yeh imtihaan to dekho kaisa wonderful hai! tum yahaan aae ho na bandar se laayak banne, lakshmi ko varne, naaraayan ko varne । nar se naaraayan banna ya naari se lakshmi banna, to zaroor aapas mein varenge na । dekho, yeh kahaan ka drishtaant, kahaan lagaay diya baithkar । kabhi koi aakar poochhte hain ki baba, baap se yog kaise lagaaven? are mutthe, baap se yog kaise lagaaven, yeh prashn bhi koi sensible uthaay sakte hain? tum apne laukik baap se yeh buddhiyog kaise lagaate ho? tumko laukik baap yaad nahin aata? laukik baap ke liye to nahin poochhte ho na । kehte bhi hain baba ko shivbaaba । baap ne kah diya hai ki bachche, manamnaabhav arthaat mujhe yaad karo to tumhaara sab vikarma vinaash hoga । bachche apan ko deheeabhimaani samajh karke agar prashn poochhen to prashn uth nahin sakte hain ki ham aatmaaen hai, hamko baba ne pharmaan kiya hai ki mujhe yaad karo, to tumhaara vikarma vinaash hoga । abhi kaun kehta hai? vo kehte hai- mujhe yaad karo । laukik baap ki to baat hi na rahi । laukik baap ko to sab yaad karte hain । agar yahaan ke koi braahman aa karke poochhen ki baba, ham shivbaaba ko sadaiv kaise yaad karen? baba ko ham sadaiv yaad na karenge, to kya karenge- yeh prashn uth raha hai koi? to bahut hi aise prashn poochhte hain- baba, hamaara sada yog kaise lage? are, tumhaara baap se sada yog nahin laga tha? vo tumhaara laukik baap, yeh tumhaara paarlaukik baap । vo tumko duhkh dene vaala, usse tumhaara sada yog laga tha, kaamaktaari chalaane vaala, tumko vikh pilaane vaala । jo tumko amrit pilaay kar svarga ka maalik banaate hain, tum kehte ho- baba, is baba shivbaaba ke saath yog kaise lagaaven? baba kehte ho, shivbaaba kehte ho, paramdham ke maalik kehte ho, phir kehte ho- yog kaise lagaaven? yeh bhi koi baat hai! itna bhi akla nahin hai buddhuon mein । yog lagaana to bilkul hi sahaj hua na । most eeji kehte hain । us laukik baap ko itna nahin yaad karna hota hai, jitna unko yaad karna hai; kyonki sarva shaktivaan baap, jo svarga ka maalik banaate hai, jahaan praapti athaah hai, vo bolte hain- abhi tumhaara antim janma hai । tum sabka abhi ek satguru । tumhaara koi bhi guru kaam mein nahin aaega aur phir aise bhi mat samjho- buddha honge tab guru karenge । boodha yaani vaanaprastha avastha । aaj jaise guru kiya jaata hai, so to bilkul kaayde mujeeb hai । bhaktimaarga mein so to zaroor guru bhi aise hi karna hai, jabki ham phursat ho jaave । guru karna hai nirvaandhaam ke liye purushaartha karne ke liye, kyonki vaanaprastha avastha lete hain arthaat vaani se pare, vaanaprastha mein jaane ke liye koi guru karke purushaartha karna hota hai । samjha na । woh hua 50 varsha ke baad karna chaahiye, parantu aajkal ke kalhayugi guruon ne sabhi ko, chhote-bade, phalaane ko guru bana diya hai na । chele ban gae hain । jin athaah guruon se bahut guru hote aae hain, parantu aakhreen kya hua? anekaanek guruon, anekaanek followers to kya hua hai? guru jinke andhale kyonki ye hai andho ki aulaad andhe । maaya ne to sabko andha kar diya hai na । andho ke liye to vo laathi, kalhayugi guru ko to laathi nahin chaahiye na । koi manushya laathi nahin hai । sabke andho ki laathi, he prabhu aap! barobar sabhi hai andho ki aulaad andhe, unmein sab aa gae । sabhi hain aasuri sampradaay । abhi kalpa pahle muaaphik main phir kehta hoon main kehta hoon, tumhaara baap kehte hain na, ya tumko baap ko bhi koi raay deni hai? tumko abhi shreemat milti hai । shivbaaba aur brahma ki mat mil rahi hai । kya unko bhi tum bachchon ko mat deni hai ki baba, aise na karo, aise karo? kaun hai geeta ka bhagwan? shreshtha te shreshtha । shreshtha te shreshtha to hai hi parampita paramatma, jo krishna ko bhi, jo tamopradhaan mein aa jaate hain, unko shreshtha banaate hain, lakshmi naaraayan jaise । kuchh samajhte ho ya samajhte nahin ho? ya maaya ne tumko godrej ka taala lagaay diya? buddhi ko patthar buddhi kar diya hai? sahaj baat baap phir se aakar kehte hain-bachche, sabko vaapas jaana hai, in bachchon ko bhi vaapas jaana hai । jab yeh bombsa girenge to kya koi guru karne baith jaaenge? ye sab mar jaaenge । chhote-bade ki abhi vaanaprastha avastha hai । chhote-bade ko abhi vaapas jaana hai । vaanaprastha kaha jaata hai-vaapas jaane ke liye purushaartha karna ya jaana । nirvaandhaam bhi usko kaha jaata hai । incorporeal world bhi unko kaha jaata hai । niraakaar duniya bhi usko kaha jaata hai । niraakaari duniya maana hi duniya yaani aatmaon ki duniya । baap ne bachchon ko samjhaaya hai- jaise yeh manushyon ka ulta jhaad hai vaise hi vahaan phir aatmaon ka jhaad hai । harek dharma ki section hai । vahaan se vo sab aate rehte hain । baap baithkar itna samjhaate hai ki itni sahaj baat samjhaata hoon koi bhi takleeph nahin । shivbaaba kehte hain ki kaayde anusaar yahaan se yeh lakshya pakad karke America jaao, vilaayat jaao, kahaan bhi jaao, sirf kya kaam karo- mujh apne shivbaaba ko yaad karte raho । jitna yaad karenge itna vikarma vinaash honge । abhi jitna yaad kar sako, vo rakho apne paas likhat mein । us likhat ko kya kehte hain? chart । ham saare din mein kitna yaad karte hain, jo practice pad jaave, jo ant samay mein phir tumhaari buddhi ka yog shivbaaba ke saath ho । samjha na । yeh purushaartha karne se hota hi rehta hai । baba kitna samjhaate hain- bachche, kahaan bhi jaao, office mein jaao, khaate jaao, peete jaao, sirf shivbaaba ko jitna phursat mile yaad karo । bas । kahaan bhi, koi mana thode hi karte hai । baitho nahin । aise nahin ki ham baith gae hain- mujhe yog sikhlaao mujhe drishti do । kuchh bhi nahin । kahaan bhi ho bhale । yaad karo aur phir kisko yaad karo? phir sukhdhaam ko yaad karo । vo ho gaya shantidham vo hai sukhdhaam, yeh hai duhkhadhaam । yeh koi shantidham nahin hai । yeh hai duhkhadhaam vo hai sukhdhaam । shantidham hai hi apna nirvaandhaam, jahaan se ham pande ya pinde ya aatmaaen aati hai is karmakshetra par drama mein part bajaane । to sabhi manushyamaatra is drama ke actors hai, part bajaate hain । ham aatmaaen aati hain paramdham se । yahaan hamko chola milta hai, phir ham part bajaate hain । ek chola chhodkar, phir doosre chole mein part bajaati hai । isko drama kaha jaata hai । ab is drama ke aadi-madhya-ant, creator-daayraiktar yaani rachta aur rachna ke aadi-madhya-ant ki knowledge kya janaavar seekhenge? pashu-pakshi seekhenge? manushya seekhenge na । jaanna hona chaahiye na ki yeh saare drama ke ham actors hain; parantu inka creator kaun hai? kah denge ki creator god father hai । abhi god father, father hai na । usko shiv kahenge na । brahma ,vishnu, shankar unke bhi to shareer alag hai na । aise to nahin kahenge- prasident bhi vahi hai, praaiministar bhi vahi hai, em०pi० bhi vahi hai, em०L०A० bhi vahi hai, bhittar bhi vahi hai, thikkar bhi vahi hai, kutta bhi vahi hai, billi bhi vahi hai । ye koi baat hai? to baap baithkar samjhaate hain- abhi hai 'andheri nagri, chaupat raaja, take ser bhaaji, take ser khaaja । suna hai kabhi yeh pahaaka? sabhi ek । kutta-billa, shoodra, braahman, bhangi, ye sabhi ek । yeh kya? yaani dharma hi nahin hai । koi dharma ko maante hi nahin hai । religion is might । aise gaaya bhi jaata hai । achha, religion sthaapan karaane vaala to baap hai na । baap kaun-sa religion sthaapan karte hain? bhaarat me devi-devta dharma ki religion sthaapan karte hain । tum abhi kitna rileejiyas ban rahe ho । abhi aastik ban rahe ho, aage naastik the । bas, aastik banne ke liye tumko unki god leni padti hai aur dekho, svarga ka maalik ban jaate ho । naastik hone se kangaal । worth not A paini aur phir worth pound bante ho । aise kaha jaata hai na, paini tu pound । bhaarat pound tha, ab paini hai । ye narka hai । ye sabhi jo manushyamaatra hain, yeh raurav narka mein hai । abhi raurav narka vo nahin garun puraan vaala, abhi tum dekhte ho jo bhi bachche-bachchiyaan paida hote hain, ye ek do ko khaate hain, maarte hain, chillaate hain, ek-do ke oopar kaam-kataari chalaate hain, duhkh bhogte hain । aur kya hai? baap-bachche ki ladaai, bachche-bachchon ki ladaai stri-purush ki ladaai, yeh nation-nation ki ladaai । dekho, kya haal hai! kya isko hell nahin kahenge? bachche sab maante hai ki baba, yeh hell hai । kyon kehte hain? jab mara-left four heavenly abode । kahaan se? hell se । hell to maanenge na । svarga ke liye to nahin kahenge left four heavenly abode, jabki hai hi heaven mein । kahenge? ya left for vaikuntha ya svargavaasi hua । svarga mein kahenge? nahin na! narka mein kahenge na । nahin maante hain ki barobar ham narka mein gota khaate rehte hain । pata hi nahin padta hai inko । koi samjhaane vaala nahin hai । shaastron ke kaaran aur ghor andhiyaara ho gaya hai । baba koi aise nahin kehte hai ki bhakti chhod do । kabhi kisko nahin kahenge । jab gyaan ki chatak mein aa jaaenge aur dekhenge sab gyaan mein to barobar ham baap se inhereetensa le rahe hain abhi । ham so lakshmi naaraayan ban rahe hain । abhi ham lakshmi naaraayan ko pooja karke kya karenge? ham so ban rahe hai, peechhe bhakti kiski karen? jab gyaan ki paraakaashtha hogi .bhakti aape hi chhoot jaaegi । gyaan jindaabaad to bhakti aape hi murdaabaad ho jaaegi । phir jab gyaan murdaabaad hota hai, to bhakti jindaabaad । hai hi gyaan-bhakti, bhakti-gyaan । abhi itna samjhaate rehte hain bachchon ko achhi tarah se ki bachche, samjho, abhi maut hai sabka, chhote-badon ka bhi । bachchon ko bhi yahi sikhlaao ki tum dekho shiv baba ko । unko samjha do- abhi shivbaaba ko yaad karo । shivbaaba paramdham mein rehte hain । ham bhi paramdham se aate hain । shivbaaba ko yaad karo to vo baba hamko svarga ka maalik banaay denge, kyonki baba ka varsa hua na । ab jis baap se inhereetensa milta hai 21 janma ka, aur aa karke poochhe- us baba ko ham sthaayi kaise yaad karen? yeh bhi koi baat hai! achha, bhala yeh padhaai kaise padhen? kuchh bhi tumko kaagaj-vaagaj nahin chaahiye । shivbaaba ko yaad karo aur apne svarga ko yaad karo । raajaai ko yaad karo । vishnupuri ko yaad karo । bas । kahaan bhi jaao, jaakar yaad karo aur dekho, tum bahut achhi tarah se varse paaenge; kyoki baadshaahi sthaapan ho rahi hai na । ismen takleep hai? haan yeh zaroor hai ki nutshell mein jaise janak ko kehte hain ek second mein jeevanmukti । to kahaan bhi rehte jeevanmukti paai । jeevanmukti ka arth pahle pahle kya hai? sabhi jeev aatmaon ko baba aae hai. .maaya se mukta karne । to sabko jeevanmukti milti hai । kya satayug mein aa karke sabhi ikatthe jeevanmukta honge? baba kehte hain- nahin, bachche । jo aakar sage bachche bante hai, god mein aate hain unhein hi jeevanmukti milti hai, god hui na, god ka gudaam hua na । aisa koi gudaam hota hai kabhi? suna hai prajaapita । praja maana kya? stri aur purush । prajaapita-pita aur maata । pita-maata se varsa milna chaahiye na । tum maat-pita, ham baalak tere । tumhari kripa te svarga ke 21 janma ke sukh ghanere । janma ke sukh ghanere milne ke liye ham purushaartha kar rahe hain । phir inke baad svarga aaega hi । vinaash saamne khada hai । abhi dekhte to hain barobar sabhi । sab jaante hai- itne dher the? nahin । abhi jhaad aahirte-aahiste vriddhi ko paate rahenge । jinhonne kalpa pahle jitna jo purushaartha karke pad paaya vo aaenge zaroor । aise hi purushaartha karenge । saakshi ho karke dekhna bhi hai । apni avastha ki bhi jaanch karni hai ki ham kahaan tak purushaartha kar rahe hain, kaise maa-baap ko follow kar rahe hai kyonki jaante hain ki maa aur baap brahma aur sarasvati ke phir jaakar lakshmi naaraayan bante hain । tat tvam । tum bhi jo braahman ho, jitna jo purushaartha karengen so jaakar varsa lenge apne purushaartha anusaar । zaroor samajhte ho ki shri lakshmi naaraayan sooryavanshi banenge । zaroor unki praja bhi hogi । unke anek prakaar ke daas-daasiyaan bhi honge । phir vo to jo paas ho jaaenge so raaja-raaniyaan banenge । solah kala yaani sampoorn paas honge । jo padhte hue thoda naapaas ho jaaenge, 33 marks se neeche aaenge vo kshatriy vansh mein chale jaaenge । shri seeta aur raam, unko airo diya hai । vo koi vo baan nahin hai, ye gyaan ke baan hain । vo maaya par poori jeet pahan na sake, to kshatriy to kahlaaenge na । tum kshatriy ho na । kaun se kshatriy ho? vaailens vaale kshatriy nahin ho, non vaailens ke kshatriy ho aur gupta । tum maaya par jeet pahan rahe ho । yahaan vo goliyon ki koi baat nahin hai । non vaailens isko kaha jaata hai । non vaailens se ahinsa parmo devi-devta dharma ki sthaapna ho rahi hai, jo dharma abhi praayahlop hai । vahaan ek-do ke oopar kaam-kataari nahin chalti hai । isliye baap aakar kehte hain- bachche, abhi yogi bano । yogi pavitra hote hain na । tum bachche sab ho raajarishi । vo jo geru kaphni vaale, maatha munjhaane vaale rajopradhaan sanyaasi hain vo to jangal mein jaate hain । vo hai hathayog sanyaas, yeh hai raajayog sanyaas । are, raajayog ka naam bhi kiski buddhi mein nahin aaega, chaahe koi bhi vidvaan, aachaarya, pandit ho, bhale geeta bhi padhte hon । baba kehte hain, tum jaante ho ki ham raajayogi hain । raajaai ke liye ham baap se varsa le rahe hain । har ek raajayogi hai । raajaai ke liye purushaartha kar rahe hain । yeh school, paathshaala mein ham aae hain । tum bachche aae ho । ham padha rahe hain । kya? raajaaon ka raaja banne ya lakshmi naaraayan banne । abhi sanyaasi yeh gyaan nahin sikhla sakte hain । ye gapode maarte hain ki ham janak misal gyaan de sakte hain । ye gapode maarte hain, jo bhramri ka misaal dete hain । baba ne samjhaaya hai- bachche, tum hi sachche braahman ho । braahman aur bhramri ki ek raashi hoti hai । vo bhramri keede ko le aakar, bhramri banaati hai । dekho, kamaal hai na । wonder hai ye । to misaal baba dete hain ki tum jo bhaarat ke keede ho, vishtha ke keede, gote khaate ho, main tumko udaay karke, tumko ekdam shri lakshmi naaraayan paristaan ka maalik banaay deta hoon । samjha । yeh koi sanyaasi nahin banaay saken । are, vo to vilaayat me jaakar thagi karte hain, ham bhaarat ka praacheen sahaj yog aur sahaj gyaan sikhlaane aae hain, raajayog sikhlaane aae hain । abhi sanyaasi kya jaane raajayog se, jo kehte hain ki yeh sukh kaag-vishta samaan hai । so barobar is samay ka sukh hai hi kaag-vishta samaan; parantu svarga ke sukh to athaah hain na । vo sukh kaun de sakte hain? vo sukh yeh baap hi de sakte hain । jisko abhi prajaapita kehte hain to maa baap hua na, to godaam hua na godi ka । jo aakar god lekar braahman banenge, bas unko hi teesra netra milta hai । vo hi trikaaldarshi ban sakte hain । doosra kabhi bhi koi ban nahin sakte hain, na shoodra, na devta । sirf braahman hi trikaaldarshi ban sakte hain, kyonki braahman hain yogbal se aur pavitrata ke bal se bhaarat ko svarga banaane vaale । sanyaasi pavitra bante hain to sab unko mattha tekte hain na । kyon? kyonki apvitra hain । phir vo follow thode hi karte hain । vo kehte hain- ham sanyaasi shivaananda ke follower hain; parantu vo to sanyaasi hain na । vo to vikaari nahin hai, vo to nirvikaari hain । tum kyon kehte ho ki ham uske follower hain? tum to gahasthi-tattu ho । vo unko kehte thode hi hain ki bachche, tum hamko follower kyon kehte ho । tum to sanyaas karte hi nahin ho । kabhi kisko sanyaasiyon ko kehte hain? baba ne to bahut hi guru kiya, koi sanyaasi ne kaha hi nahin । ham sanyaasi, tum hamaare ko kaise kehte ho-follower hoon । follow to karte hi nahin hain । tum tattu grihasthi aur ham pavitra sanyaasi । tum kyon kehte ho follower? to vo bhi unko nahin samjhaate hain । yahaan to follow karna hai na । ye to maa-baap ko pavitrata mein follow karna hai । isliye kaha jaata hai- guru jiske andhale chele satyaanaash । unko kehte hain na ki bhaai, tum sanyaasi banna chaahte ho to pavitra bano । tum to jhukte rehte ho । tum to aise bano jo tumko koi jhuke । baap baithkar tum bachchon ko yeh gyaan ka kalash dete hain । abhi tum maataaon ko jhukna nahin hai । yeh bheeshmapitaamah, dronaachaarya, ye sab sanyaasi hain na । abhi unko tumhaare aage jhukna hai । isliye baap bhi aa karke anusuiyaaon ko, kuntiyaaon ko kehte hain- yaad rakhna । bheelniyon ko dabaaya hai । kyon dabaaya tha? samjhaane ka koi akla thode hi rakha hai । bolta hai- meri laadli bachchiyaan, aadhaakalpa bhaktimaarga mein tum bahut thak gai ho । ab main tumko svarga ka maalik banaata hoon । tumhaara sab thakaan door kar dete hain । dekho, bhaktimaarga mein dhakka khaate hain । kya svarga mein bhi koi dhakka khaate hain? to vo bhaktimaarga, yeh gyaanmaarga hai । gyaanmaarga din hai, bhaktimaarga raat hai । bachchon ko bhi shiv-shiv karke kaho to vo bhi bichaare ant mate so gate ho jaaven । to zaroor koto mein kou kou mein kou so bhi kaha hai; kyoki pahchaante to hain nahin । bhool gae hain ki geeta ka bhagwan kaun tha । ab geeta ke bhagwan ne raajaaon ka raaja banaaya arthaat bhaarat ko svarga banaaya tha । baba kehte hain, aise apne baap ne, jo tumko svarga ke laayak banaaya, unke liye tum kehte rehte ho ki patthar mein bhi ho, thikkar mein bhi ho, kachchha mein ho, machchha mein ho । mere ko 84 to kya, 84 laakh to kya, pata nahin karod - karod janma de diya hai । aise tumne avagya kiya । to bhi, yeh to mera drama hai, mera pharja hai, jo mera apkaar kiya hai tum logon ne । main tum bachchon ke oopar phir upkaar karta hoon aur aisa upkaar karta hoon jo tumko baadshaahi de karke ham nirvaandhaam mein chale jaaenge । tum bhale raajaai karo, parantu satayug mein tumko yeh gyaan nahin rahega ki phir hamko maaya se haar khaani hai । vo gyaan nahin rahega । agar vo bhi tumko gyaan hove, to phir baadshaahi tumhaari rah na jaave । isliye mujhe bhool jaao। abhi kitna saphaai se samjhaate hain, to bhi nahin samajhte hain । phir kya karen? na roj padhaai ke liye aate hain, jo point ko achhi tarah se dhaaran karen । ek din aaenge, doosre din nahin aaenge । teesre din aaenge, chauthe din nahin aaenge । yeh koi paath hai? iska matlab hai ki nishchay nahin hai ki ham yahaan baap se varsa lene aae hai । to nishchayaatmak buddhi vijayanti sanshayaatmak buddhi vinashyanti, yeh akshar bhi likhe hue hain । vinashyanti maana itna oonch pad nahin paayenge । samjha achhi tarah se? phir baaki kal samjhaaenge । raat ko samjhaaenge । koi samajhne ke liye aave, kisko koi sanshay hai poochhne ka, to aa karke poochhe । sab aakar baba se poochhenge? vo jo gaaya hua hai- san and daughter shows father and mother । hain na brahmaakumaariyaan । maata-pita ke bachche hain na । to jaao, vo maata-pita se bhi bade teekhe hain । vo dhyaan mein jaate hain, sookshm vatan mein jaate hain । maata-pita ja nahin sakte hain, dekho to! tum lucky stars ho na । lucky sitaare, isliye । vo hi sab kuchh bataaenge- ham sookshm vatan mein kya karte hai, ham mool vatan mein kaise jaate hain । jaao, unse poochho । koi mana thode hi karte hain । achha ।