शुक्रवार 10 जनवरी 1969 की साकार मुरली

praatah sabha 10/1/69 omshaanti pitaashri shivbaaba yaad hai ?

omshaanti। baap baith samjhaate hain gyaan aur bhakti ke oopar। yeh to bachche samajh gaye hain

bhakti se durgati hoti hai aur satayug mein bhakti hoti nahin, gyaan bhi satayug mein nahin

milta। krishna na bhakti karte hain, na gyaan ki murli bajaate hain। murli maana hi gyaan

dena। gaayan hai na murli mein jaadu। to zaroor koi jaadu hoga na। sirf murli bajaana

woh to common hai। phakeer log bhi bajaate rehte hain। ismen gyaan ka jaadu hai। agyaan ko

jaadu nahin kahenge। murli ko hi jaadu kehte hain। manushya samajhte hain krishna murli bajaata

tha। unki bahut mahima gaate hain। baap kehte hain shreekrishna jo devta tha, manushya bhi tha;

kyonki manushya se devta, devta se phir manushya yeh hota hi rehta hai। daivi srishti bhi

hoti hai, manushya-srishti bhi hoti hai। manushya se devta bante hain gyaan se। jab satayug hai

to woh gyaan ka varsa hai। vahaan bhakti hoti hi nahin। bhakti hoti hi hai dvaapar se, jab

ki devtaaen manushya ban jaate hain। manushya ko hamesha vikaari kaha jaata hai, devtaaon ko

nirvi kaari kaha jaata hai। devtaaon ki srishti ko pavitra duniyaan kaha jaata hai। abhi tum

manushya se devta ban rahe ho। manushya mein gyaan nahin hai to manushya kaha jaata hai। jab

manushya mein gyaan hai to unko devta kaha jaata hai। gyaan kisko kaha jaata hai? ek to

pahchaan aur phir srishti ke aadi madhya ant ka gyaan ko gyaan kaha jaata hai। bhakta

log yeh nahin jaante hain। tum ham, yeh daada bhi kehte hain tum ham mein gyaan tha nahin।

gyaan se hoti hai sadgati, phir bhakti hoti hai unko kaha jaata hai durgati। kyonki

bhakti ko raat, gyaan ko din kaha jaata hai। yeh to koi ko bhi buddhi mein baith sakta

hai; parantu daiveegun dhaaran nahin karte hain to yeh dhaarna bhi ho nahin sakti। daiveegun ho

to samajh jaaye gyaan ki dhaarna hai। gyaan ki dhaarna hai to daivi gunon ki bhi dhaarna

hogi। gyaan ki dhaarna nahin to daivi gunon ki bhi dhaarna ho na sake। gyaan ki dhaarna

vaalon ki chalan devta misal hote hain। kam dhaarna vaale ki chalan mix rehte hain।

asur to nahin kaha jaavega। kahenge yeh bachche daivi gunon vaale hain। dhaarna nahin to goya

hamaare bachche hi nahin। bachche baap ko nahin jaante to baap bhi bachchon ko nahin maante।

kitni kachchi2 gaaliyaan dete hain। manushya hai to bhagwan ko gaali dete hain, phir woh

braahmankul mein aate hain to gaali dena banda ho (jaata) hai। to yeh gyaan ka vichaar

saagar manthan karna chaahiye। student vichaar saagar manthan kar gyaan ko unnati mein …

hain। tumko gyaan milta hai us par apna vichaar saagar manthan karne se amrit niklega।

vichaar saagar manthan nahin karenge to baaki kya manthan hoga। aasuri vichaar, unse kichda

hi niklega। abhi tum eeshvareey student । jaante ho manushya se devta banne ki padhaai

baap hi padha rahe hain। devta nahin padhaavenge। devtaaon ko kab (gyaan) ka saagar nahin kaha

jaata। gyaan ka saagar to ek baap ko hi kaha jaata hai। daiveegun bhi gyaan se.... hai।

yeh gyaan abhi jo tum bachchon ko milta hai yeh satayug mein hota nahin। in devtaaon mein

daiveegun han mahima bhi karte sarva gun sampanna ........ to abhi tumko aisa banna hai। apan

se poochhna chaahiye hamaare mein C... daiveegun hai ya koi aasuri gun hai। agar aasuri gun hai

to unko nikaal dena chaahiye। tab hi devta ..... nahin to kam darja pa lenge। abhi tum

daiveegun dhaaran karte ho। bahut achhi2 baaten sunaate ho। inko kaha jaata hai purooshottam

sangam yug jab ki tum purooshottam ban rahe ho, to vaataavran bhi bahut achha hona

chaahiye। chhi chhi baaten na nikle, nahin to kaha jaavega kamdarje ke hain। vaataavran se jhat

pata pad jaata hai। mukh .... hi duhkh dene vaane nikalte hain। tum bachchon ko to baap ka

naam baala karna hai na। sadaiv mukhda .... rehna chaahiye, nahin to unmein gyaan nahin kaha

jaavega। mukh se sadaiv ratna nikle। yeh (la0na0) dekho ki(tane) harshitmukh hain। inhon

ki aatma ne gyaan ratna dhaaran ki thi। mukh se bhi gyaan ratna nikaale the। ratna hi su....

the। kitni khushi rehti hai। gyaan ratna jo abhi tum lete ho woh phir sachche heere javaahar

ban jaate hain। maala koi heere javaahron ke nahin hai। in ratnon ki hi maala hai। manushya

log phir woh ratna samajh ang ....pahan lete hain। in gyaan ratnon ki maala is purooshottam

sangam yug par hi padte hain। yeh ratna hi tumko

21 janma maala-maal banaate hain। inko koi loot na sake। yahaan tum woh heere javaahar nahin

pahante ho। yahaan pahnon to jhat koi loot leve। to apan ko bahut2 samajhdaar banaana hai।

aasuri gunon ko nikaalna hai। aasuri gunon se sikal hi aise ho jaate hain। krodh mein

laal laal taanmbe misal sikal ho jaate hain। kaam vikaar vaale to kaale ban jaate hain।

jaise krishna ko kaala dikhaate hain na। vikaaron ke kaaran hi gora se saanvara ban gaya। tum

bachchon ko harek baat mein vichaar saagar manthan karna chaahiye। yeh padhaai hai hi bahut dhan

paane ki। tumne suna hoga queen Victoria ka vajeer jo tha woh pahle bahut gareeb tha।

deeva jalaakar padhta tha; parantu woh padhaai koi ratna thode hi hai। woh to akshar padhte hain।

knowledge padhkar poora position pa lete hain। to padhaai kaam aai na, na ki paisa? padhaai hi

dhan hai। woh hai had ka dhan। yeh phir hai behad ka dhan। hai donon padhaai। abhi tum

samajhte ho baap hamko padhaakar vishwa ka maalik bana dete hain। woh alpakaal kshanbhangur

ki padhaai hai। ek janma liye। phir doosre janma mein naye sire padhna pade। vahaan to dhan ke

liye padhaai ki darkaar hi nahin। vahaan to abhi ke purooshaartha se akeechaar dhan milta hai।

dhan avinaashi ban jaata hai। devtaaon ke paas bahut dhan tha। phir jab vaammaarga mein artha ta

raavan raajya mein aaye hain to bhi kitna dhan tha। kitne mandir banaaye huye hain। phir baad mein

aakar musalmaanon ne loota। kitne dhanvaan the। aajkal ki padhaai se rkoi itna

dhanvaan ban nahin sakte। abhi tum jaante ho ham itni oonch padhaai padhte hain jisse yeh

bante hain। krishna to na gyaan ko na bhakti ko jaante hain। to is padhaai se dekho manushya

kya ban jaate hain। gareeb se saahukaar। abhi bhaarat bhi kitna gareeb hai। saahukaaron ko to

phursat hi nahin। apna hi ahankaar rehta hai ham phalaana hoon। ismen ahankaar aadi mit

jaana chaahiye। ham aatma hain। aatma ke paas to dhan-daulat, heere-javaahar aadi kuchh bhi

nahin hai। baap bhi kehte hain deh sahit sabhi sambandh chhodo। aatma shareer chhodti hai to

phir saahukaari aadi sabhi khatma ho jaate hain। jab naye sire padhte hain, dhan kamaate hain phir

dhanvaan bane ya to daan-punya achha kiya hoga to saahukaar ke ghar janma lenge। kehte hain

na yeh past ke karmon ka phal hai। knowledge ka daan diya hai va college, dharmashaala aadi

banaai hai to uska phal milta hai; parantu alpakaal ke liye। yeh daan-punya bhi yahaan

kiya jaata hai। satayug mein nahin kiya jaata। satayug mein achhe hi karma hote hain। kyonki

abhi ka varsa mila hua hai। vahaan koi ka bhi vikarma nahin banega। kyonki raavan hi

nahin। gareebon ka bhi nahin banega। yahaan to saahukaaron ke bhi vikarma bante hain। tab to yeh

bimaari aadi duhkh hote hain। vikaar mein jaane se vikaari karma ban jaate hain। vikaar bhi karma

karte hain to woh vikarma ban jaata। vahaan vikaar mein jaate hi nahin to vikarma kaise banega।

saara madaar karmon par hai। yeh maaya raavan ka avgun hai। jo manushya vikaari ban jaate hain।

baap aakar padhaate hain nirvikaari banaane liye। baap nirvikaari banaate hain maaya phir vikaari

bana deti hai। raamvanshi aur raavan vanshi ki yuddha chalti hai। tum baap ke bachche ho। woh

raavan ke bachche hain। kitne achhe2 bachche maaya se haar kha lete hain। maaya badi prabal hai।

baba naam nahin sunaate hain phir bhi ummeed rakhte hain। adham te adham ka bhi uddhaar karna

hota hai na। baap ko to saare vishwa ka uddhaar karna hota hai। bahut girte hain। ekdam

chat khaate mein। achhe2 centres ke head hokar rehte huye bhi adham te adham ban jaate hain। aise

ka bhi baap uddhaar karte hain। adham to sabhi hain raavan ke raajya mein; parantu baap bachaate hain

phir girte hain to bahut adham te adham ban jaate hain। unka phir itna chadhna nahin hota।

woh adhmapna andar khaata rahega। jaise tum kehte ho ant kaal jo...... unki buddhi mein

woh adhmapna hi yaad aata rahega। to baap baith bachchon ko samjhaate hain kalpa2 tumheen sunte

ho, srishti ka chakra kaise phirta hai jaanvar jaanenge kya! manushya hi sunte aur samajhte hain।

jaanvar to nahin kahenge। to manushya manushya hi hain। in (la0na0) ko bhi naam, kaan aadi

sabhi hai। manushya hai na; parantu daiveegun hai isliye inko devta kaha jaata hai। yeh aisa

sudhar devta kaise bante hain phir kaise girte hain yeh chakra ka tumko pad gaya hai। jo

vichaar saagar manthan karte rahenge unko dhaarna bhi achhi......

vichaar-saagar-manthan hi nahin karte to buddhu ban padte। murli chalaane vaale ka vichaar

saagar manthan chalta rahega, is topic par yeh yeh samjhaana hai। aatometakli vichaar

saagar manthan chalta hai। phalaane aane vaale hain। gyaan to nahin hai, unhon ko bhi hulaas se

samjhaavenge। ho sakta hai koi kuchh samajh jaaye। unke bhaagya .... hai। rkoi jhat nishchay

karenge to rkoi nahin karenge। ummeend rakhi jaati hai abhi nahin samjhenge; parantu aage chal

zaroor samjhenge। ummeed rakhni chaahiye na। ummeed rakhna maana hi service ka shauk hai।

thakna nahin hai। bhal rkoi chadhkar phir adham bana hai, aata hai to zaroor unko vijit

room mein bithaavenge va kahenge chale jaao? zaroor poochhenge itne din nahin aaye? kahenge maaya se

haraaye liya tha। aise dher aate hain। samajhte hain gyaan bahut achha tha; parantu maaya ne haraaye

liya। smriti to rehti hai na। bhakti mein to haraane aur jeet paane ki to baat hi nahin।

yeh knowledge dhaaran karni hai। inka naam kuchh rakh nahin sakte hain; parantu dharma hai isliye

geeta pustak racha hua hai। ek geeta hi gyaan ka pustak hai; parantu woh bhi jhoothi hone

kaaran bhakti ke line mein aa gaya। vaastav mein geeta shaastra ki bhi darkaar nahin। jhoothi

geeta kya kaam ki। haan, rkoi sanskrit mein geeta kanth kar lete hain to phir bhaktalog

sunkar khush hote hain। kuchh paise bhi de dete hain। geeta hai number one। geeta vaastav mein

brahman hi padhte hain। tum brahman ho na। tumhaara geeta par hak hai। seekhte bhi brahman

hain। jabtak brahman na bane hain tab tak devta ban na ..... krishyachan, paarsi, musalmaanon

aadi mein ba raahman thode hi hote hain। brahman brahma ke bachche padhte hain। yeh sabhi tum abhi

samajhte ho। tum jaante ho alaph ko yaad karna hai। alaph ko yaad karne se hi be

baadshaahi milti hai। jab bhi koi tumko mile bolo, alaph alla baap ko yaad karo।

alaph ko hi oonch kaha jaata hai। anguli se alaph ka ishaara karte hain। seedha hi seedha

alaph hai। alaph ko ek bhi kaha jaata। ek hi bhagwan hai। baaki to sabhi hain bachche।

baap to sadaiv alaph hi rehte hain। be nahin bante। be aise mudta hai na। to neeche baadshaahi

mein nahin aate hain। gyaan bhi dete hain, apna bachcha bhi banaate hain। tum bachchon ko kitna khushi

mein rehna chaahiye। baba hamaari kitni seva karte hain। hamko vishwa ka maalik banaate hain।

phir khud us pavitra nai duniyaan mein aate hi nahin। paavan duniyaan mein unko koi bulaate

hi nahin। patit hi bulaate hain। paavan duniyaan mein aakar kya karenge। iska naam hi hai

patit-paavan। to puraani duniyaan ko nai banaane ki unki duty hai। baap ka naam hai

shiv aur shaaleegraam bachchon ko kaha jaata hai। unki bhi pooja hoti hai; parantu pooja karne

vaalon ko kuchh bhi pata nahin hai। bas ek rasam rivaaj hai। pooja honi chaahiye। deviyon ki

to bahut phasrta class heere motiyon ke mahal aadi banaate hain। pooja karte hain। woh to ling

mitti ka banaaya aur toda। woh banaane mein koi mehnat nahin lagti hai। deviyon ko

sajaane mein bahut mehnat lagti hai। unki pooja mein bhi mehnat nahin। muphta mein milta hai।

patthar paani mein ghis2 kar gol ban jaate hain। poora anda bana dete hain। kehte bhi hain na

ande misal aatma hai jo ba rahmatatva mein rehti hai। isliye unko kehte hain brahmaanda।

andon ki rahne jagah। tum brahmaanda ke bhi maalik bante ho vishwa ke, bhi maalik bante

ho। to pahle-pahle samjhaani deni hai baap ki। shiv ko baba kah sabhi yaad karte hain। doosra

brahma ko bhi baba kehte hain। prajaapita hai to saari praja hui na। great-great grenda father hai।

yeh saara gyaan tum bachchon ki buddhi mein abhi hai। prajaapita brahma kehte to bahut hain; parantu

yathaartha reeti jaante nahin। brahma kiska bachcha hai। tum kahenge parampita paramatma shiv ne

inko adopt kiya hai। yeh to shareerdhaari hai na। eeshvar ke aulaad sabhi aatmaaen hain।

phir shareer milta hai to pa rajaapita brahma edopshan kehte hain। woh adoption nahin hai।

aatmaon ko parampita paramatma ne adopt kiya। nahin। tumko adopt kiya hai। tum ho

brahmaakumaar-kumaariyaan। shivbaaba adopt nahin karte hain। sabhi aatmaaen anaadi avinaashi

hain। sabhi aatmaon ko apna-apna shareer, part mila hua hai, jo bajaana hi hai। yeh anaadi

parampara se chala aata hai। unki aadi, ant nahin kaha jaata। achha, meethe-meethe roohaani

bachchon ko roohaani baap daada ka yaadapyaar good morning aur namaste।