Avyakt murli for Monday 27 July 1970

Brahma KumarisBrahma Kumaris> 27-07-70om shanti avyakt baapdaada madhuban

“avyakt banne ke liye mukhya shaktiyon ki dhaarna”

aaj baapdaada kis roop se dekh rahe hain? ek-ek ke mukhde ke andar kya dekh rahe hain? jaan sakte ho? harek kahaan tak avyakt-moorta, aakarshan-moorta, alaukik-moorta aur harshit-moorta bane hain? yeh dekh rahe hain । chaaron hi lakshan is mukhde se dikhaai padte hain । kaun-kaun kahaan tak bane hain, woh harek ka mukhda saakshaatkaar karaata hai । jaise darpan mein sthool chehra dekhte hain vaise darpan mein yeh lakshan bhi dekhte ho? dekhne se apna saakshaatkaar kya hota hai? chaaron lakshan se vishesh kaun sa lakshan apne mein dekhte ho? apne aap ko dekhne ka abhyaas harek ko hona chaahiye । antim stage aisi honi hai jismen harek ke mukhde mein yeh sarva lakshan prasiddha roop mein dikhaai padenge । abhi koi gupta hai, koi pratyaksha hai । koi gun vishesh hai koi unse kam hai । lekin sampoorn stage mein yeh sabhi lakshan samaan roop mein aur pratyaksha roop mein dikhaai denge । jisse sabhi ki nambarvaar pratyakshata honi hai । jitna-jitna jismen pratyaksha roop mein gun aate jaate hain utni-utni pratyakshata bhi hoti ja rahi hai ।

aaj vishesh kis kaarya ke liye aaye hain? paandav sena prati । paandavon ki bhatthi ka aarambha hai । apne mein kya naveenta laani hai, yeh maaloom hai? vishesh bhatthi mein aaye ho to vishesh kya dhaarna karenge? (harek ne apna-apna lakshya sunaaya) teachers aap bataao is paandav sena se kya-kya karaana hai । to yeh pahle se sunte hi apne mein sabhi points bharne ka prayatna kar lenge । jo phir aapko mehnat nahin karni padegi । aap inhon se kya chaahte ho? yeh ek second mein apne ko badal sakte hain । mushkil to kuchh bhi ho nahin sakta । aur jo nimitta bane hue hain unhon ko madad bhi bahut achhi milti hai । paandav sena to kalpa pahle ki prasiddha hai hi । paandavon ke kartavya ka yaadgaar to prasiddha hai । jo kalpa pahle hua hai woh sirf abhi repeat karna hai । avyakt banne ke liye va jo bhi sabhi ne lakshya sunaaya usko poorn karne ke liye kya-kya apne mein dhaaran karna hai । woh aaj sunaate hain । sarva paandav apne ko kya kahlaate ho? almighty god faadar ke bachche kahlaate ho na । to avyakt banne ke liye mukhya kaun si shaktiyon ko apne mein dhaaran karna hai? tab hi jo lakshya rakha hai woh poorn ho sakega । bhatthi se mukhya kaun si shaktiyon ko dhaaran kar ke jaana hai, woh bataate hain । hain to bahut lekin mukhya ek to sahan shakti chaahiye, parakhne ki shakti chaahiye aur vistaar ko chhota karne ki aur phir chhote ko bada karne ki bhi shakti chaahiye । kahaan vistaar ko kam karna padta hai aur kahaan vistaar bhi karna padta hai । sametne ki shakti, samaane ki shakti, saamna karne ki shakti aur nirnay karne ki bhi shakti chaahiye । in sabke saath-saath sarva ko sneh aur sahayogi banaane ki arthaat sarva ko milaane ki bhi shakti chaahiye । to yeh sabhi shaktiyaan dhaaran karni pade । tab hi sabhi lakshan poore ho sakte hain । ho sakte bhi nahin lekin hona hi hai । karke hi jaana hai । yeh nishchaybuddhi ke bol hain । iske liye ek baat vishesh hai । roohaaniyat bhi dhaaran karni hai aur saath-saath eeshvareey roohaab bhi ho । yeh do baaten dhaaran karna hai aur ek baat chhodna hai । woh kaun si? (koi ne kaha raub chhodna hai, koi ne kaha neechapna chhodna hai) yeh theek hai । kahaan-kahaan apne mein phaith na hone ke kaaran kai kaarya ko siddha nahin kar sakte hain । isliye kehte hain neechapna chhodna hai । raub ko bhi chhodna hai । doosra jo bhinna-bhinna roop badalte hain, kab kaisa, kab kaisa, to woh bhinna-bhinna roop badalna chhodkar ek avyakt aur alaukik roop bhatthi se dhaaran karke jaana hai । achha । tilak to laga hua hai na । abhi sirf bhatthi ki saugaat deni hai । woh kya saugaat denge? tilak laga hua hai, taajdhaari bhi hain va taaj dena hai । abhi agar chhota taaj dhaaran kiya hai to bhavishya mein bhi kami pad jaaegi । bhatthi mein vishwa mahaaraajan banne ke liye aaye ho । sabhi se bade se bada taaj to vishwa mahaaraajan ka hi hota hai । unki phir kya-kya jimmevaariyaan hoti hai, woh bhi paath padhaana hoga ।

yeh bhi ek achha samaagam hai । aapki teacher (chandramni) badi harshit ho rahi hai । kyonki dekhti hai ki hamaare sabhi students vishwa mahaaraajan banenge । is group ka naam kya hai, maaloom? ek-ek mein vishesh gun hain । isliye yeh vishesh aatmaon ka group hai । apne ko vishesh aatma samajhte ho । dekha yeh keechen (trimoorti ki keechen) saugaat dete hain । is lakshya ko dekh aise lakshan dhaaran karne hain । ek do ke sanskaaron ko milaana hai । aur saath-saath yeh jo chaabi ki nishaani di hai arthaat sarva shaktiyaan jo sunaai hain, unki chaabi lekar hi jaana hai । lekin yeh donon baaten kaayam tab rahengi jab rachayita aur rachna ka yathaartha gyaan smriti mein hoga । iske liye yeh yaad saugaat hai । apne ko saphaltaamoorta samajhte ho? saphalta arthaat sampoorn gun dhaaran karna । agar sarva baaton mein saphalta hai to uska naam hi hai sampoornamoorta । saphalta ke sitaare hain usi smriti mein rah kaarya karne se hi saphalta ka adhikaar praapta hota hai । saphalta ke sitaare banne se saamna karne ki shakti aati hai । saphalta ko saamne rakhne se samasya bhi palat jaati hai aur saphalta practical mein ho bhi jaati hai । sameep sitaaron ke lakshan kya hote hain? jiske sameep hai un samaan banna hai । sameep sitaaron mein baapdaada ke gun aur kartavya pratyaksha dikhaai padenge । jitni sameepta utni samaanta dekhenge । unka mukhda baapdaada ke saakshaatkaar karaane ka darpan hota hai । usko baapdaada ka parichay dene ka prayatna kam karna padta hai । kyonki woh svayan hi parichay dene ki moorta hote hain । unko dekhte hi baapdaada ka parichay praapta ho jaata hai । service mein aise pratyaksha saboot dekhenge । bhal dekhenge aap logon ko lekin aakarshan baapdaada ki taraph hogi । isko kaha jaata hai san shows father । sneh sameep laata hai । apne sneh ke moorta ko jaante ho? sneh kabhi gupta nahin rah sakta । snehi ke har kadam se, jisse sneh hai uski chhaap dekhne mein aati hai । jitna harshitmoorta utna aakarshanmoorta banna hai । aakarshanmoorta sadaiv bane rahen iske liye aakaari roopdhaari ban saakaar kartavya mein aana hai । antarmukhi aur ekaantavaasi yeh lakshan dhaaran karne jo lakshya rakha hai uski sahaj praapti ho sakti hai । saadhan se siddhi hoti hai na ।

service mein sadaiv sampoorn saphalta ke liye vishesh kis gun ko saamne rakhna padta hai । saakaar roop mein vishesh kis gun ke hone kaaran saphalta praapta hui? (udaarchitta) jitna udaarchitta utna sarva ke uddhaar karne ka nimitta ban sakte hain । udaarchitta hone se sahayog lene ke paatra ban jaate hain । aisa samajhna chaahiye ki ham sarva aatmaon ke uddhaar karne ke nimitta hain । isliye har baat mein udaarchitta । mansa mein, vaacha mein, karmana mein bhi udaarchitta banna hai । samparka mein bhi banna hai । bante ja rahe hain aur bante hi jaana hai । jitna jo udaarchitta hota hai utna woh aakarshanmoorta bhi hota hai । to isi prayatna ko aage badha ke pratyakshata mein laana hai । madhuban mein rehte madhurta aur behad ki vairaagyavritti ko dhaaran karna hai । yeh hai madhuban ka mukhya lakshan । isko hi madhuban kaha jaata hai । baahar rehte bhi agar yeh lakshya hai to goya madhuban nivaasi hain । jitna yahaan responsibility lete hain utna vahaan praja dvaara respekta milega । sahayog lene ke liye snehi banna hai । sarva ke snehi, sarva ke sahayogi । jitna jitna chakravarti banenge utna sarva ke sambandh mein aa sakte hain । is group ko vishesh chakravarti banna chaahiye । kyonki sarva ke sambandh mein aane se sarva ko sahayog de bhi sakenge aur sarva ka sahayog le bhi sakte hain । harek aatma ki visheshta dekhte sunte, samparka mein aate woh visheshtaaen svayan mein aa jaati hain । to practical mein sarva ka sahayogi banna hai । iske liye paandav sena ko chakravarti banna padega । yog ki agni sadaiv jali rahe isliye man-vaani-karma aur sambandh, yeh chaaron baaton ki rakhvaali karna pade । phir yeh agni avinaashi rahegi । baar-baar bujhaayege aur jalaayege to time vesta ho jaayega aur pad bhi kam hoga । jitna sneh hai utni shakti bhi rakho । ek second mein aakaari aur ek second mein saakaari ban sakte ho? yeh bhi aavashyak service hai । jaise service ke aur anek saadhan hain vaise yeh practice bhi anek aatmaon ke kalyaan ke liye ek saadhan hai । is service se koi bhi aatma ko aakarshit kar sakte ho । ismen kuchh kharcha bhi nahin hai । kam kharcha baala nasheen । aisi yojna banaao । abhi harek mein koi na koi vishesh shakti hai lekin sarva shaktiyaan aa jaayengi to phir kya ban jaayenge? master sarvashaktimaan । sabhi gunon mein shreshtha banna hai । ishta devtaaon mein sarvashaktiyaan samaan roop mein hoti hain । to yeh purushaartha karna hai ।

achha !!!