Avyakt murli for Thursday 22 October 1970

Brahma KumarisBrahma Kumaris> 22-10-70om shanti avyakt baapdaada madhuban

“full ki nishaani – flawless”

master jaani jaananhaar bane ho? master knowledgeful bane ho? master knowledgeful banne se sarva knowledge ko jaan gae ho? master knowledgeful, master jaani jaananhaar ban gae ho va ban rahe ho? abhi tak ban rahe ho । knowledgeful ban gaye va knowledgeful ban rahe ho? knowledgeful ban rahe ho va blissful ban rahe ho? ban rahe ho va ban gae ho?(ban rahe hain) jahaan tak antim stage saakaar roop mein dekhi, vahaan tak knowledgeful, jaani jaananhaar bane ho? saakaar baap ke samaan banne mein antar raha hua hai isliye full nahin kehte ho । kahaan tak full banna hai uska egzaampul spashta hai na? jyaada master rachayita ke nashe mein rehte ho va rachna ke? kis nashe mein jyaada samay rehte ho । aaj ye prashn kyon poochha? aaj sarva ratnon ko dekh aur parakh rahe the ki kahaan tak flawless hain arthaat full hain । agar full nahin to fail । to aaj full aur fail ki rekha dekh rahe the । tab prashn poochha ki full bane ho? jaise baap ki mahima hai sabhi baaton mein full hai na । to bachchon ko bhi master knowledgeful to banna hi hai । sirf knowledge mein nahin lekin master knowledgeful । isliye prashn bhi poochha ki master knowledgeful bane ho? master to ho na । master knowledgeful mein bhi na ho sakti hai kya? agar aap ke do hisaab hain to baapdaada ke bhi do raaz hain । aaj ek-ek mein teen baaten vishesh roop se dekh rahe the । aaj amritvele ki dincharya suna rahe hain ki kya dekh rahe the । aaj baapdaada ne ek-ek ratna ki teen baaten dekhi । woh kaun-si? yeh bhi ek drill karaate hain ।

aaj teen baaten yeh dekh rahe the – ek to harek ki light, doosra might aur teesra right । right shabd ke do arth hain । ek to right yathaartha ko kaha jaata hai, doosra right adhikaar ko kaha jaata hai । right, adhikaari bhi kitne bane hain aur saath saath yathaartha roop mein kahaan tak hain । to light, might aur right । yeh teen baaten dekh rahe the । result kya nikli woh bhi bataate hain । abhi service bahut ki hai na । to woh result dekh rahe the । abhi tak sirf aavaaz phailne tak result hai । aavaaz phailaane mein paas ho lekin aatmaon ko baap ke sameep laane ka aahvaan abhi karna hai । aavaaz phaila hai lekin aatmaon ka aahvaan karna hai । aahvaan karna aur baap ke sameep laana yeh purushaartha abhi raha hua hai । kyonki svayan bhi aavaaz se pare rahne ke ichchhuk hain, abhyaasi nahin hain । isliye aavaaz se aavaaz phail raha hai । lekin jitna svayan aavaaz se pare hokar sampoornata ka aahvaan apne mein karenge utna aatmaon ka aahvaan kar sakenge । abhi bhal aahvaan karte bhi ho lekin result aavaagman mein hai । aavaagman mein aate bhi hain । jaate bhi hain । lekin aahvaan ke baad aahuti ban jaaen, woh kaam abhi karna hai । knowledge ke taraph aakarshit hote hain lekin knowledgeful ke oopar aakarshit karna hai । abhi tak master rachayita kahaan-kahaan rachna ke aakarshan mein aakarshit ho jaate hain । isliye jo jitna aur jaisa svayan hai utna aur vaisa hi saboot de rahe hain । abhi tak shakti roop, shoorveerta ka svarup nainon aur chainon mein nahin hai ।

shakti va shoorveerta ki soorat aisi dikhaai de jo koi bhi aasuri lakshan vaale himmat na rakh saken । lekin abhi tak aasuri lakshan ke saath-saath aasuri lakshan vaale kahaan-kahaan aakarshit kar lete hain । jisko royal maaya ke roop mein aap kehte ho vaayumandal aisa tha । vibration aise the va samasya aisi thi isliye haar ho gayi । kaaran dena goya apne ko kaaraagaar mein daakhil karna hai । ab samay beet chuka । ab kaaran nahin sunenge । bahut samay kaaran sune । lekin ab pratyaksha kaarya dekhna hai na ki kaaran । abhi thode samay ke andar dharmaraaj ka roop pratyaksha anubhav karenge । kyonki ab antim samay hai । anubhav karenge ki itna samay baap ke roop mein kaaran bhi sune, sneh bhi diya, raham bhi kiya, riyaayat bhi bahut ki lekin abhi yeh din bahut thode rah gae hain । phir anubhav karenge ki ek sankalp ke bhool ek ka sauguna danda kaise milta hai । abhi-abhi kiya aur abhi-abhi iska phal va danda pratyaksha roop mein anubhav karenge abhi woh samay bahut jaldi aane vaala hai । isliye baapdaada soochna dete hain kyonki phir bhi baapdaada bachchon ke snehi hai ।

ab master rachayitaapan ka nasha dhaaran kar rachna ke sarva aakarshan se apne ko door karte jaao । baap ke aage rachna ho lekin ab samay aisa aane vaala hai jo master rachayita, master knowledgeful bankar us aakarshak powerful sthiti mein sthit na rahe to rachna aur bhi bhinna-bhinna rang-dhang, roop aur rachegi । isliye full banne ke liye stage par poori reeti sthit ho jaao to phir kahaan bhi fail nahin honge । abhi bachpan ki bhoolen, albelepan ki bhoolen, aalasya ki bhoolen, beparvaahi ki bhoolen rahi hui hain । in chaar prakaar ki bhoolon ko aise bhool jaao jaise satayugi duniya mein bhool jaayenge । to aisa powerful shaktisvaroop, shastradhaari swaroop, sada jaagti jyoti swaroop apna pratyaksha roop dikhaao । abhi aapke apne apne bhakta aap gupta veshdhaari devtaaon ko phir se paane ke liye tadaph rahe hain । aap ke sampoorn moorta pratyaksha honge tab to aap ke bhakta pratyaksha roop mein apne ishta ko pa sakenge । abhi to kai prakaar ke hain । bhal aavaaz sunenge lekin yeh bhi yaad rakhna ek taraph aasuri aatmaon ki aavaaz aur bhi aakarshak tatha full forsa mein hongi । doosri taraph aap ke bhakton ki aavaaz bhi kai prakaar se aur full forsa mein hongi । abhi pratyaksha roop mein kya laana hai aur kya nahin laana hai woh bhi parakhna buddhi ka kaam hai । isliye abhi riyaayat ka samay gaya । abhi roohaaniyat ka samay hai । agar roohaaniyat nahin hogi to bhinna-bhinna prakaar ki maaya ki rangat mein aa jaayenge । isliye aaj baapdaada phir bhi soochna de rahe hain ।

jaise militri martial pahle ek seeti bajaate hain phir last seeti hoti hai final । to aaj naazuk samay ki soochna ki first seeti hai । seeti bajaate hain ki taiyaar ho jaayen । isliye abhi pareekshaaon ke paper dene ke liye taiyaar ho jaao । aise nahin samjho baapdaada to avyakt hain । ham vyakta mein kya bhi karen । lekin nahin । harek ke ek-ek second ke sankalp ka chitra avyakt vatan mein spashta hota rehta hai । isliye beparvaah nahin banna hai । eeshvareey maryaadaaon mein beparvaah nahin banna hai । aasuri maryaadaaon va maaya se beparvaah banna hai na ki eeshvareey maryaadaaon se beparvaah banna hai । beparvaahi ka kuchh-kuchh pravaah vatan tak pahunchta hai । isliye aaj baapdaada phir se yaad dila rahe hain । sampoornata ko sameep laana hai । samasyaaon ko door bhagaana hai aur sampoornata ko sameep laana hai । kahaan sampoornata ke bajaay samasyaaon ko bahut saamne rakhte hain । samasyaaon ka saamna karen to samasya samaapta ho jaaye । saamna karna nahin aata hai to ek samasya se anek samasyaayen aa jaati hain । paida ho aur vahaan hi khatma kar den to vriddhi na ho । samasya ko phauran samaapta kar denge to phir vansh paida nahin hoga । ansh rehta hai to vansh hota hai । ansh ko hi khatma kar denge to vansh kahaan se aaega । to samjha samasya ke birth kantrol karna hai । abhi ishaare mein kah rahe hain phir sabhi pratyaksha roop mein aapki sthiti bolegi । chhip nahin sakenge । jaise naarad ki soorat sabha ke beech chhip saki? abhi to baap gupta rakhte hain lekin thode samay ke baad phir gupta nahin rah sakega । unki soorat seerat ko pratyaksha karegi । jaise science mein aajkal invention karte jaate hain । koi bhi gupta cheez svatah hi pratyaksha ho jaae । aise hi silence ki shakti ka bhi svatah hi pratyaksha roop ho jaayega । kahne va karne se nahin hoga । samjha

to bhavishya samay ki soochna de rahe hain । isliye ab naazuk samay ka saamna karne ke liye naazukpan chhodna hai । tab hi naazuk samay ka saamna kar sakenge । achha । harshitmukh rahne ka jo gun hai woh purushaartha mein bahut madadgaar ban sakta hai । jaise soorat harshit rehti hai vaise aatma bhi sadaiv harshit rahe । is natural gun ko aatma mein laana hai । sada harshit rahenge to phir maaya ki koi aakarshan nahin hogi । yeh baap ki guarantee hai । lekin woh tab hoga jab sadaiv aatma ko harshit rakhenge । phir baap ka kaam hai maaya ke aakarshan se door rakhna । yeh guarantee baap aap se vishesh kar rahe hain । kyonki jo aadi ratna hote hain unhon se aadidev ka vishesh sneh hota hai । to aadi ko anaadi banaao । jab anaadi ban jaayenge to phir maaya ki aakarshan nahin hogi । samasyaaen saamne nahin aayengi । jab baap ka sneh smriti mein rahega to sarvashaktimaan ke sneh ke aage samasya kya hai । kahaan woh sneh aur kahaan samasya । woh raai woh pahaad, itna pharka hai । to anaadi ratna banne ke liye sarvashaktimaan ki shakti aur sneh ko sadaiv saath rakhna hai । apne ko akela kabhi bhi nahin samjho । saathi ke bina jeevan ka ek second bhi na ho । jo snehi saathi hote hain woh alag nahin hote hain । saathi ko saath na rakhne se, akela hone se maaya jeet leti hai ।

achha !!!