Avyakt murli for Tuesday 26 January 1971

>

26-01-71 om shanti avyakt baapdaada madhuban

zimmevaari uthaane se phaayde

tum bachche ho vishwa ko parivartan karne vaale vishwa ke aadhaar moorta। uddhaar karne vaale bhi ho aur saath-saath vishwa ke aage udaahran banne vaale bhi ho। jo aadhaarmoorta hote hain unke oopar hi saari zimmevaari rehti hai। abhi aapke ek-ek kadam ke peechhe anekon ke kadam uthaane ki zimmevaari hai। pahle saakaar roop follow father ke roop mein saamne tha। abhi aap log nimitta moortiyaan ho। to aise samjho ki jaise jis roop se jahaan ham kadam uthaayenge vaise sarva aatmaayen hamaare peechhe follow karengi। yeh zimmevaari hai। sarva ke uddhaarmoorta banne kaaran sarva aatmaon ki jo aasheervaad milti hai to phir halkaapan bhi aa jaata hai, madad bhi milti hai। jis kaaran zimmevaari halki ho jaati hai। bada kaarya hote hue bhi aise anubhav karenge jaise koi kara raha hai। yeh zimmevaari aur hi thakaavat mitaane vaali hai। phreerahna man ko bhaata hi nahin hai। zimmevaari avastha ko banaane mein bahut madad karti hai। baapdaada jab mahaarthi bachchon ko dekhte hain to sabhi ke vartamaan swaroop aur isi janma ke antim swaroop aur doosre janma ke bhavishya swaroop teenon hi saamne aate hain। aap logon ko yeh feeling spashta roop mein aati hai ki yeh ham banne vaale hain, ham taaj va takhtadhaari honge? aage chal yeh bhi anubhav karenge। jaise saakaar roop mein pratyaksha anubhav kiya na। karmaateet avastha bhi spashta thi aur bhavishya swaroop ki smriti bhi spashta thi। bhavishya sanskaar is swaroop mein pratyaksha dikhaai dete the। to aap sabhi aise anubhav karenge jaise ki bas yeh shareer chhoda aur woh taiyaar hai। buddhibal dvaara itna spashta anubhav hoga। abhi din pratidin apneesarvisse apne sahayogeepan se aur apne sanskaaron ko mitaane ki shakti se apne antim swaroop aur bhavishya ko jaan jaayenge। pahle kehte the aisa samay aayega jo nazdeek vaale aur door vaale spashta dikhaai denge। lekin ab woh samay chal raha hai। jo daivi parivaar ki aatmaayen hain woh samajh sakti hain - kaun-kaun sameep ratna hain। jinko jitna sameep aana hai woh circumstance anusaar bhi itna sameep aayenge। jinko kuchh door hona hai to circumstance bhi beech mein nimitta ban jaayenge, jo chaahte hue bhi aa nahin sakenge। yeh sabhi bhavishya ka saakshaatkaar abhi practical sarvischal rahi hai। apne bhavishya ko jaanna ab mushkil nahin hai।

harek ko vyaktigat apne liye bhi koi vishesh programme rakhna chaahiye। jaisesarvisaaadi ke aur programme banaate ho, vaise savere se lekar raat tak beech-beech mein kitna aur kaise apni yaad ki yaatra par attention rakhne ke liye programme rakh sakte ho -- yeh diary banaani chaahiye। amritvele hi yaad ka plan banaana chaahiye। samjho, aap log koi sthool kaarya aadi mein busy rehte ho; lekin usmein bhi thode samay ke liye jaise niyam baandha hua ho yaad mein rahne ka। us samay doosre ko bhi do-teen minute ke liye smriti dilaao ki -- abhi hamaara yeh kaarya hai, aap bhi yaad mein raho। jaise mukarra time par traffic bhi rok lete hain। kitna bhi bhale zaroori kaam ho, koi patient ko hospital mein jaana hoga to bhi rok lenge। is reeti jahaan tak kar sako utna time-table apna banaao। to aur bhi dekhenge inhon ka yeh time yaad ka mukarra hai to aur bhi aapko follow karenge। koi kaarya ho unko aage peechhe karke bhi do chaar minute ka time yaad mein rahne liye zaroornikaalo to usse vaayumandal mein bhi saara prabhaav rahega। sabhi ek- do ko follow karenge। buddhi ko rest bhi milegi aur shakti bhi bharegi aur vaayumandal ko sahayog milega। phir ek anokhaapan dikhaai padega। jaise kuchh samay aap ek do ko yaad dilaate the - shiv baba yaad hai? vaise hi jab dekhte ho koi vyakta bhaav mein jyaada hai to unko bina kahe apna avyakti shant roop aisa dhaaran karo jo woh bhi ishaare se samajh jaaye। to phir vaataavran kuchh avyakt rahega। tumhaari antim stage hai - saakshaatkaar moorta। jaisa-jaisa saakshaat moorta banenge vaise hi saakshaatkaarmoorta banenge। jab sabhi saakshaat moorta ban jaayenge to sanskaar bhi sabhi ke saakshaat moorta samaan ban jaayenge। apne ko nimitta samajhkar kadam uthaana hai। jaise aap logon se eeshvareey sneh, shreshtha gyaan aur shreshtha charitron ka saakshaatkaar hota hai, vaise avyakti sthiti ka bhi utna hi spashta saakshaatkaar ho। aisa plan banaana chaahiye jo koi bhi mahsoos kare - yeh to chalta phirta pharishta hai। jaise saakaar roop mein pharishtepan ka anubhav kiya na। itni badi zimmevaari hote bhi aakaari aur nira- kaari sthiti ka anubhav karaate rahe। aap logon ka bhi antim stage ka swaroop spashta dikhaai dena chaahiye। koi kitna bhi ashaanta va bechain ghabraaya hua aave lekin aapki ek drishti, smriti aur vritti ki shakti unko bilkul shant kar de। bhale kitna bhi koi vyakta bhaav mein ho lekin aap logon ke saamne aate hi avyakt sthiti ka anubhav kare। aap logon ki drishti kirnon jaisa kaarya kare। abhi tak kerijaltamen master soorya ke samaannolejki light dene ke karttavya mein saphal hue ho lekin kirnon ki might se harek aatma ke sanskaar roopi keetaanu ko naash karne ka karttavya karna hai। light dene mein paas ho। might dene ka karttavya ab raha hua hai।baapdaada ke paas chaar list hain।

(1) serviceable (2) sensibal (3) successful aur (4) valuable। successful bhi sab nahin hote, valuable bhi sab nahin hote hain। koi apne gunon se, charitron se valuable ban jaate hain lekin sarviske planning mein success nahin hote hain। harek apne chart ko jaan sakte hain। dekhna hai hamaara kis list mein naam hoga। koi koi ka chaaron mein bhi naam hai। koi ka do mein, koi ka teen mein koi ka ek mein hai। valuable ka mukhya gun yeh hota hai jo usko svayan bhi apne samay ki, sankalp ki aur service ki value hoti hai। isliye unke sankalp, shabd va us dvaara josarvishoti hai uski aur bhi value rakhte hain va drama anusaar unki value ho jaati hai। sabhi unko valuable ki drishti se dekhte hain। serviceable first hain ya sensibul first hai? donon ki apni-apni visheshta hai। sensibal ki planning buddhi jyaada hogi lekin practical mein laane ki visheshta kam hoti hai। aursarvisaebal jo hota hai woh planning kam karta lekin practical mein aane ka usmein vishesh gun hota hai। koi mein sense bhi hota hai aur serviceable ka gun bhi hota hai। is sthaapna ke karttavya mein donon hi aavashyak hain। unka sankalp, plan jo chalta hai usse bhavishya banta hai। unka karma se banta hai। adhik prabhaav iska rehta hai। aur saphaltaamoorta ka phir avyakti sthiti ke aadhaar par parinaam nikalta hai। koi-koi ka plan bhi chalta hai, practical bhi karte hain lekin saphalta kam hoti hai। serviceable ho sakte hain lekin saphaltaamoorta sabhi nahin ho sakte। koi ko drama anusaar jaise safaltaaka vardaan praapta hua hota hai। unhon ko mehnat kam karni padti hai। sahaj heesfaltaamil jaati hai। yeh drama mein harek ka apna part hai। achha!

teachers to hai hi teachers। teachers ko sadaiv yeh smriti mein rehna chaahiye ki teacher banne se pahle student hoon। student smriti se study yaad rahegi। jab svayan study karenge to auron ko study karaayenge। student life na hone ke kaaran auron ko student nahin bana sakenge। vaataavran ko badalne ke liye apne ko sadaiv yeh samajhna chaahiye ki main master soorya hoon। soorya ka karttavya kya hota hai? ek to roshni dena, doosra kichde ko khatma karna। to sadaiv yeh samajhna chaahiye ki meri chalan roopi kirnon se yeh donon karttavya hote hain। sarva aatmaon ko roshni bhi mile, kichda bhi khatma ho। maano, roshni milte kichda khatma na ho to samjho ki meri kirnon mein power nahin। jaise dhoop tez nahin to keetaanu khatma nahin honge। mere mein power kam to gyaan roshni dega parantu puraane sanskaaron roopi keetaanu khatma nahin honge। jitni powerful cheej utni jaldi khatma। power kam to samay bahut lagega। to powerful banna hai। aise nahin samjho ki padhi-likhi nahin hoon। srishti keenolejpadh li to usmein sab aa jaata hai। achha।