Avyakt murli for Saturday 21 April 1973

>

21-04-73om shanti avyakt baapdaadaamdhuban

jaisa naam vaisa kaam

poojyaneey banaane vaale param poojya pita, raaz-yukta banaane vaale raazdaar, vardaani,mahaadaani,madhuban nivaasi bahnon ko dekh shivbaaba bole:-

is group ko kaun-sa naam kahen? madhuban nivaasiyon ko kya kaha jaata hai?jo bhi yahaan baithe hain sabhi apne ko aisa padmaapadma bhaagyashaali samajhkar ke chalte ho? madhuban nivaasiyon ke kaaran hi madhuban ki mahima hai। madhuban ka vaataavran banaane vaala kaun? to jo madhuban ki mahima gaai hui hai, kya vahi mahima harek apne jeevan mein anubhav karti ho?

madhuban ko mahaan bhoomi kaha jaata hai। to mahaan bhoomi par nivaas karne vaali avashya mahaan aatmaaen hi hongi। to ve mahaan aatmaaen ham hain-kya is roohaani nashe mein rehti ho? mahaan aatma jiska har karma aur har sankalp mahaan hota hai। to aise mahaan ho,jiska ek sankalp bhi saadhaaran, kabhi vyartha na ho aur ek karma bhi saadhaaran va bagair arth na ho kyonki unka har kadam,har najar arth-sahit hota hai। kya aisi arth-swaroop mahaan aatmaaen ho?unko kaha jaata hai -- mahaan arthaat madhuban nivaasi।

naam to madhuban nivaasi hai to zaroor arth-sahit naam hoga? to aise roj ka apna potaamel check karte ho?ki jo-kuchh bhi in karmendriyon ke dvaara karma hua, woh arth-sahit hua?samay bhi jo beeta, woh saphal hua arthaat mahaan kaarya mein lagaaya? aisa potaamel apna dekhti ho ki sirf moti-moti baaten hi dekhti ho? jo samajhte hain ki isi prakaar se ham apni chaiking karte hain to ve haath uthaaven। mahaan aatmaon ke har karma ka charitra ke roop mein gaayan hota hai। mahaan aatmaon ke harshitmoortta,aakarshan-moortta aur avyakt-moortta ka moorti ke roop mein yaadgaar hai। aise apne ko dekho ki saare din mein jo hamaari-moortta va seerat rehti hai woh aisi hai jo moortti ban poojan mein aaye aur hamaare karma aise hain jo hamaare charitra roop mein gaayan hon?yeh lakshya hai na?

jab yahaan seekhne va padhne aati ho to antim lakshya kya hai? va sangamayug ka lakshya kya hai? yahi hai na? sangam yug ka karma hi charitra ke roop mein gaayan hota hai। sangam yug ke practical jeevan, devta ke roop mein pooje jaate hain। to woh kab hoga? abhi ka gaayan hai to abhi hi hoga na? kya satayug mein aisi banengi? vahaan to sabhi harshit honge to yeh harshit mukh hain,yeh bhi kahega kaun? yeh to abhi hi kahenge na? jo sada harshit nahin rehte hain vahi varnan karenge ki yeh harshitmukh hain। aisi moortta va aise karma practical mein hain?

jaise abhi sunne ke samay muskaraati ho arthaat mahassa karti ho, woh muskaraana kitna hai? mahsoos karti ho, tab to muskaraati ho? to aise hi har roj apne karma ki mahsoosta va chaiking karne se koi bhi poochhega to phauran javaab dengi। abhi sochti ho ki haath uthaaven ki nahin uthaaven?phalak se haath kyon nahin uthaati ho? sankoch bhi kyon hota hai?-kaaran?to aise hi apni sampoorn stage ko swaroop mein laao। sirf vaani mein nahin। lekin swaroop mein। jo koi bhi aap logon ke saamne aaye to jaise ki aap ke jad chitra ke aage jaate hi un ko mahaan samajhte apne ko paapi aur neech sahaj hi samajh lete hain arthaat-ek second mein apna saakshaatkaar kar lete hain। moorti kehti to nahin hai ki tum neech ho। lekin svayan hi saakshaatkaar karte hain। aise hi aap logon ke saamne koi bhi aaye to aise hi anubhav kare ki yeh kya hain aur main kya hoon। yeh stage aani to hai na?vo kab aayegi?jab ki gyaan ka course samaapta ho, revise course chal raha hai to sirf theory mein revise ho raha hai ya practical mein? practical mein bhi course poora hona chaahiye na? va revise jab samaapta hoga tab practical dikhaayenge?kya socha hai? kya iske liye samay ka intajaar kar rahi ho? samay aayega to sabhi theek ho jaayega?kya aisa samajhti ho? yeh class kabhi kiya hai? apne purooshaartha ko teevra karne ke liye apni shakti anusaar kabhi plaansa banaati ho ya bana banaaya plan milega to chalengi?

baapdaada to yahi dekhte hain ki jo madhuban nivaasi hain woh sabhi ke saamne sample hain। sample pahle taiyaar kiya jaata hai na? madhuban nivaasi sample hain ya phir sample ab taiyaar hua hai?sample taiyaar hota hai to uski taraph ishaara kar bataaya jaata hai ki aisa maal taiyaar ho raha hai। tabhi phir usko dekh doosre log sauda karte hain। pahle sample taiyaar hone se baapdaada aisa ishaara de dikhaaven ki aisa banna hai। sample banne ke liye koi mushkil purooshaartha nahin hai। bahut simple purooshaartha hai। simple purooshaartha ek shabd mein yahi hua ki saath mein baap ka symbol (Symbol) saamne rakho। ek shabd ka purooshaartha to bahut hua na? agar sada symbol saamne ho to purooshaartha mein simple ho jaae। purooshaartha simple hone se sample ban jaayenge।

madhuban nivaasiyon ko kitne engine lage hue hain? (kisi ne kaha chaar)। phir to second mein pahunchna chaahiye। sabhi se sahaj purooshaartha ka laabh va golden chonsa madhuban nivaasiyon ko mila hua hai। yeh bhi maanti ho, maanne mein, jaanne mein bhi hoshiyaar ho aur bolne mein to ho hi hoshiyaar। baaki maanne yogya banne mein deri kyon?jitna maanneey yogya banenge utna hi vahaan poojneey yogya banenge। yahaan aapke karma ko dekhne vaale agar shreshtha nahin maante hon, to poojne vaale bhi shreshtha maankar pujaari kaise banenge?jitna maanneey utna poojneey ka hisaab hai। jo poojneey banenge unko dekh harshit hote hain। ab banna hai va sirf dekhkar harshit hona hai? jitna saaj-yukta ho utna hi raazayukta bano। saaz bajaane mein hoshiyaar ho na?saaj sunne ke ichchhuk bhi kitne honge! ismen to paas ho na? jitna saaz-yukta utna raazayukta bano। raazayukta jo hota hai unke har kadam mein raaz bhara hua hota hai। aise raaz-yukta va saaz-yukta donon ka balance theek rakhna hai।

madhuban nivaasi most lucky stars hain। jitna lucky ho utna sarva ke lovely bhi bano। sirf lakka mein khush na hona। lucky ki parakh lovely se hoti hai। jo lucky hoga woh sarva ka lovely zaroor hoga। abhi dekhte aur chalte, sarva ko sneh dene va karne ka kaarya karna hai। gyaan dena aur lena yeh stage to paas ki। abhi sneh ki len-den karo। jo bhi saamne aaye, sambandh mein aaye to sneh dena aur lena hai। isko kaha jaata hai sarva ke snehi va lovely। gyaan ka daan brahman ko to nahin karna hai, woh to agyaaniyon ko karenge। brahman parivaar mein phir is daan ke mahaadaani bano। jaise gaayan hai ‘na de daan to chhoote grahan’। jo bhi kamjoriyaan rahi hui hain woh sabhi prakaar ke grahan is mahaadaan se chhoot jaayenge। samjha? abhi dekhenge is daan mein kaun-kaun mahaadaani bante hain। sneh sirf vaani ka nahin hota hai lekin sankalp mein bhi kiske prati sneh ke sivaay aur koi utpatti na ho। jab sabhi ke prati sneh ho jaata hai to sneh ka risponsa sahayog hota hai। aur sahayog ki result saphalta hoti hai। jahaan sarva ka sahayog hoga to vahaan saphalta sahaj hogi। to sabhi saphalta moortta ban jaayenge। ab yeh result dekhenge। achha।

is murli ke vishesh tathya

1. mahaan aatma woh jiska har sankalp, har karma mahaan ho। ek sankalp bhi saadhaaran va vyartha na ho,koi bhi karma saadhaaran va bagair arth na ho to check karo ki in karmendriyon dvaara jo bhi karma hua, woh arth sahit hua,samay ko saphal kaarya mein lagaaya? mahaan aatmaon ka har karma charitra ke roop mein gaayan hota hai।

2. jaise aap ke jad chitron ke aage jaakar khud hi jhuk jaate hain। apne ko neech aur moortti ko mahaan samajhte hain। moortti kehti to nahin ki tum neech ho। lekin svayan hi apna saakshaatkaar karte hain। aise hi aap logon ke saamne koi bhi aaye to aisa anubhav kare ki yeh kya hain aur ham kya hain?

3. sample taiyaar hone par hi ishaara kar bataaya jaata hai ki aisa maal taiyaar ho raha hai। phir usko dekh doosre log sauda karte hain। sample banne ke liye sada baap ka symbol saamne rakho।