Avyakt murli for Wednesday 6 June 1973

>

06-06-73 om shanti avyakt baapdaadaamdhuban

samaanta aur sameepta

jeevan ki naiya ko paar lagaane vaale, siddha swaroop, laaeetmaait roop dilaaraam baap bole-

aaj baapdaada kis ko dekh rahe hain? jaise baap ke bhinna-bhinna karttavyon ke kaaran anek naam gaaye hue hain vaise hi bachchon ke anek naam gaaye hue hain। aaj kis roop mein dekh rahe hain yeh jaan sakte ho?sankalp ki parakh kar sakte ho? aaj baapdaada apni maniyon ko dekh rahe hain। koi mastak mani hain,koi gale ki mani hain aur koi hriday mani hain। teenon prakaar ki maniyon ko dekh harshit ho rahe hain। aap sabhi bhi apne ko mani samajhte ho na? yeh maniyon ka sangathan hai। maniyon mein shreshtha mani kaun hai? yeh bhi harek apne ko jaan sakte hain ki main phasta number ki mani hoon ya saikendav third number ki mani hoon। first number ki visheshta kya hai usko jaante ho? first number hai mastak mani? us mastak mani ki do visheshtaayen hain। svayan ke svaroopon ki visheshtaayen to sahaj jaan sakte ho। ab sirf jaanna hi nahin hai balki yeh dekho ki un visheshtaaon ke swaroop kahaan tak bane ho? jinka jo swaroop hota hai unko varnan karna sahaj hota hai। ‘‘main kaun hoon?kaisi hoon?woh bhi to varnan karna hai। sirf do visheshtaayen poochh rahe hain। hain to bahut lekin sirf do hi poochh rahe hain। (bhinna-bhinna vichaar nikle) mastak mani ki do visheshtaayen ye hain - ek samaanta aur doosri sameepta। baapdaada ke samaan। ismen aap sabhi ki bataai hui baaten aa jaati hain। baapdaada light aur might roop hain na?to baapasmaan arthaat light aur might swaroop ho hi gaye। baap sarva shaktivaan hai to baap samaan sarvashaktiyaan sampanna ho hi gaye। baap sada siddhi swaroop hain arthaat siddhi ko praapta hain hi। aise baap-samaan mastak mani bhi sarvasiddhi roop hain। jo baap ki mahima hai woh sarva mahima ke yogya arthaat sarvayogyataaon ka sampanna swaroop hain। doosri baat sameepta। baapdaada ke bhi sameep, lekin baapdaada ke saath hi sarva vishwa ki aatmaon ke sanskaar va svabhaav ke bhi sameep ho। kisi bhi prakaar ke sanskaar vaala ho lekin baapdaada ke sameep hone ke kaaran, parakhne ki power hone ke kaaran, chumbak ke samaan kitni bhi door vaali aatma ko baapdaada ke sameep laane vaale hain। baap ke gunon, baap ke karttavyon ke sameep laane vaale hain। sameep arthaat chumbak swaroop hoga। chumbak samaan aur chumbak ke sameep hone ke kaaran sarva-shaktiyon ke aadhaar se vishwa ke uddhaar karne ke nimitta bante hain। to sameep aatmaayen vishwa ka aadhaar aur vishwa ka uddhaar karne vaali hain - woh mastakamni hain। aise mastak mani har sankalp mein,har karma mein,apne ko vishwa ka aadhaar aur uddhaarmoortta samajh kar har kadam uthaate hain arthaat abhi se hi woh taaj takhtansheen hote hain। bhavishya ka taaj aur takhta is taaj aur takhta ke aage kuchh bhi nahin hai। aisi mahaan aatmaayen hi aise mahaan taaj aur takhta ke adhikaari hoti hain। sada taaj aur takhtadhaari ban kar chalne vaali hoti hain। kabhi taaj utaar den,kabhi takhta chhod den aise nahin, har samay taaj aur takhtadhaari। to taaj aur takhta ko jaante ho na?vishwa ke mahaaraajan banne se bhi abhi ka taaj aur takhta sarvashreshtha hai। agar sangamayug ke raaja nahin bane to bhavishya ke bhi nahin ban sakte। to aisa samjhen ki yeh sabhi mahaaraajaaon ki sabha lagi hui hai? bhavishya takhta par to nambarvaar ek baith sakega, vahaan ek ke bajaay do nahin baith sakte। yugal moortta to ek hi yugal ho gaya। lekin sangam ka takhta itna bada hai jo jitne bhi chaahen baith sakte hain। sthaan hai lekin sthiti chaahiye। bina sthiti ke takhta par sthaan nahin mil sakta। to sabhi ne apna-apna sthaan le liya hai ki abhi booking kar rahe ho? agar taajdhaari na honge to takhtansheen bhi nahin ban sakte। is takhta ki condition bahut kadi hai। hai bahut bada lekin takhta jitna bada hai usko utni condition bhi badi hai।

main vishwa-kalyaankaari hoon। yeh jimmevaari ka taaj dhaaran kar liya hai? har kaarya mein vishwa-kalyaankaari ban kaarya karte ho ya apne hi kalyaan mein lage hue ho?jaise pravriti maarga vaale kehte hain - ham to apni pravriti mein hi lage hue hain vaise aap log bhi apne hi purooshaartha ki pravritti mein to nahin masta ho। itna hi jama karte ho jo svayan ko khila sako va svayan ke liye bhi baap se aasheervaad ya ichchha rakhte ho। madad karo,himmat do isi mein hi lage hue ho। jo abhi tak svayan ke prati lene mein va karne mein laga hua hai woh vishwa ko dene vaala daata kab banega? kya ant mein? kya us samay high jump de sakenge? lekin nahin। bahut samay ke sanskaar vaalon ko hi bahut samay ka raajyabhaagya praapta hoga। yeh salogan sada yaad rakhna ki - ‘‘abhi nahin to kabhi nahin।’’ aise nahin ant samay jab hoga tab kar lenge। ‘na jab na tab lekin ab।’ to aise taaj va takhtadhaari banna hai। kaun-si takhtansheen?takhtansheen to apne takhta ko jaante ho na? baap ke dil-takhtansheen। is dil-takhta ki yaadgaar nishaani dekhi hai? dil hi takhta hai। iski yaadgaar nishaani kaun-si hai? jahaan baithe ho vahi yaadgaar hai। dilvaala hai na। yeh dilvaala hi dil lene aur dene vaalon ka yaadgaar hai।

dil-takhtansheen kaun ho sakta hai? jo dilaaraam ko dil dene vaala aur baap ka dil lene vaala hai। sirf dena nahin, jis ko lena aur dena donon aata hai woh hai dil-takhtansheen। baap ka dil kaise lenge?koi ki bhi dil kaise li jaati hai? jo unke dil ka shreshtha sankalp ho, us sankalp ko poora karna arthaat dil lena। to baap ka dil lena arthaat vishwa-kalyaankaari banna aur vishwa ke prati sarvashaktiyon ka daata banna। phir lena bhi aata hai ya sirf dekar hi khush ho gaye?dena sahaj hai va lena sahaj hai? kaunsa sasta sauda hai?vaastav mein agar dena aata hai to lena automatically aa jaata hai। dil diya baapdaada ko, to jisko de diya uski dil ho gai na? jo cheej de dete hain to woh cheej kiski rehti hain-aapki ya jisko di unki?de to di na?phir vaapis bhi lete rehte ho। kuchh dil ka tukda rakhte rehte ho। abhi tak bhi aisa hai kya? dil dene vaale kisi aur ko dil bech den,amaanat ko koi bech de,to woh achha nahin hota hai na। to jab dil de di to dil ho gai dila-raam ki। jo unke dil ka sankalp vahi aapke dil ka sankalp hoga ya pharka hoga?dil lena kya hai? jo baap ka sankalp woh apna sankalp। jab dil hi unka ho gaya to sankalp bhi ek hi hoga, pharka nahin hoga। to dene vaale ko lena bhi aayega ya mushkil lagega? agar mushkil lagta hai to iska arth hai ki dil hi nahin hai dil dene ki। apne paas koi tukda rakha hai। jara bhi tukda chhipa kar na rakhna। jisko dena va lena donon hi aaye woh hoshiyaar hua na। is par ek kahaani bhi hai। bahut prasiddha kahaani hai। apni kahaani bhool gayi hai?jo apne dil ka tukda chhipa kar rakhte hain uski kahaani hai। satyanaaraayan ki katha hai jisko amoolya cheez samajh kar chhipaaya woh kakhpan ho gai। yahaan bhi satya baap jo satyanaaraayan banaane vaala hai unse agar jara bhi dil ka tukda chhipa kar rakha to is jeevan ki naiya ka kya haal hoga। kakhpan ho jaayega arthaat kuchh bhi praapti nahin hogi। haath khaali rah jaayega। ek paise ki chori karne vaale ko bhi chor hi kahenge na? agar koi hajaar ki chori kare aur koi ek paise ki chori kare, kahenge to donon ko chor na? halka chor baar-baar chori karta hai,bada chor ek hi baar karta hai। to isliye dil ko diya to diya। aise dil dene vaale sada mastak mani ke samaan light house, might house hote hain। yahaan sirf light house nahin banna hai, lekin saath-saath might house bhi banna hai। aise ko hi mastak mani kaha jaata hai।

abhi bataao mastak mani ho? jaise mastak smriti ka sthaan hai vaise mastak mani ki nishaani sada smriti swaroop ho। mastak mani bahut achha shrringaar hota hai। agar mastak par mani chamvo to kitna achha shrringaar hoga? mastak mani sarvashreshtha shrringaar hai। shrringaar ki taraph svatah hi sabhi ki drishti jaati hai। aise mastakamniyon ke oopar vishwa ke sarva aatmaon ki najar arthaat aakarshan svatah hi hoti hai। aise mastakamni ho? agar andhiyaare ke beech mani ko rakh do to kya dikhaai dega?light dene ka bhi kaarya karegi। to is vishwa ki andhiyaari raat mein chaaron or ke andhakaar ke beech aise mastakamni kya karttavya karengi? maarga dikhaane ka, manzil par pahunchaane ka। har ek ko lakshya tak pahunchaane ka। to aise mastakamni ho,ya kabhi-kabhi khud hi bhatak jaate ho? jo svayan bhatka hai kya woh doosron ko manzil tak pahuncha sakega? aise mastak mani kabhi bhi vyartha sankalpon ke bhinna-bhinna prakaar ke anek chhoti-chhoti galiyon mein bhatkenge nahin। yeh bhi anek prakaar ki galiyaan hai jismen jaane se manzil se bhatak jaate ho। to galiyon mein abhi ghoomte to nahin rehte ho?

jab ek baap ki mat aur ek hi lagan mein magna honge to kya ek ki mat par chalne vaale ek-ras nahin honge? agar ek-ras nahin hain to avashya ek mat mein doosri mat mix karte ho। agar ek mat ho to ekras zaroor ho। yeh puraane sanskaar bhi yadi mix karte ho to woh ek ki mat nahin। yeh aatma ki mat,aatma ke apne karmon ke bane hue sanskaar hain,parmaatma gyaan dvaara bane hue sanskaar nahin। to agar apne puraane sanskaar mix ho jaate hain to anek galiyon mein bhatak jaayenge,ekras nahin honge। ek manzil par sada sthit nahin honge। to bhatakna banda hona chaahiye,na ki abhi tak bhatakte rahenge। maaya ke bhinna-bhinna aakarshan mein bhatakna bhi poora hua। ab phir yeh galiyaan kahaan se nikaali hai vyartha sankalpon ki?apne hi svabhaav ki in galiyon mein bhatakna banda hona chaahiye। jaise aap log seminar karte ho to ant mein prastaav paas karte ho na?vaise yeh bhi prastaav paas karo ki bhatakna banda ho। yeh bhi braahmanon ka seminar hai na। mela arthaat seminar। jaise seminar se bahut pvaaintas nikaalte ho aur paas karaane ka prayatna karte ho। woh government to paas karti nahin lekin yeh paandav government paas kar lengi। to aapas mein milkar yeh paas kar dikhaao। sirf aise hi haath utha lena to sahaj hai। is anguli se kuchh nahin hota। yeh hai dridh sankalp ki anguli। jab tak yeh anguli nahin uthaayi tab tak paas nahin ho sakta। samjha?

aise ek second mein dridh sankalp roopi anguli dene vaale mahaaveer aur mahaaveerniyaan, sankalp aur karma mein samaan rahne vaali shreshtha aatmaon ho na?aise sada dil takhta nasheen aur vishwa kalyaankaari ke smriti roop,taajat- khtadhaari bachchon ko yaad-pyaar aur namaste।

is murli ka saar

mastak mani ki mukhya do visheshtaayen hai-’samaanta aur sameepta।’samaanta arthaat baap samaan banna arthaat baap ki jo bhi yogyataayen hain woh hamaari bhi hon। sameepta arthaat baapdaada ke sameep hona va vishwa ki aatmaon ke sanskaar va svabhaav ke sameep hona। sameep hona maana chumbak swaroop hona। svayan ko taaj aur takhtadhaari banaakar chalna hai। aise nahin ki kab taaj utaar den, takhta chhod den। vishwa ke mahaaraajan banne se pahle abhi ka taaj va takhta lena sarvashreshtha hai। yadi sangamayug ke raaja nahin to bhavishya ke raaja bhi nahin ban sakte। bhavishya takhta par to keval ek baith sakega lekin sangamayug par jitne bhi chaahe utne baith sakte hain।