Avyakt murli for Friday 29 August 1975

>

29-08-75 om shanti avyakt baapdaadaamdhuban

ab vidhi ki stage paar kar siddhi-swaroop banna hai

sarva riddhi-siddhiyon ke daata, sarva manokaamnaaon ko paripoorna karne vaale, mahaadaani-moorta,vardaani moorta aur avyakt-moorta baapdaada bole -

aaj kaun-si sabha lagi hui hai? svayan ko kis swaroop mein vartamaan samay dekh rahe ho? yoon to jaise baapdaada bahuroopi hai vaise hi aap sab bhi bahuroopi ho। lekin is samay kis swaroop ko dhaaran kar is sabha mein baithi ho? yeh jaante ho ki aaj ki sabha kinhon ki hai?bataao to vartamaan samay duniya ke log aap shreshtha aatmaon ke kaunse swaroop ka aahvaan kar rahe hain? aap sab shreshtha aatmaon ka aahvaan karte hain va ek aatma ka। kiska aahvaan karte hain? aapka kis swaroop mein vartamaan samay aahvaan karte hain? abhi duniya mein kaun-sa samay chal raha hai?aahvaan kiska chal raha hai? vartamaan samay do roopon se aahvaan kar rahe hain। dekho to ve aap logon ka hi aahvaan kar rahe hain aur aap logon ko maaloom hi nahin padta।

is samay sabse jyaada vardaani va vishwa-kalyaankaari daata ke roop mein aap sab shreshtha aatmaon ka chaaron or aahvaan ho raha hai, kyonki bhakti maarga dvaara va bhakti ke aadhaar se, yathaashakti,shreshtha karmo ke dvaara jo bhi alpakaal ke saadhan va saamagri arthaat vaibhav aaj ki duniya mein praapta hain - un sab ka alpakaal ki praapti ka sinhaasan dagamgaana shuru ho gaya hai। jab koi ka aadhaar roop sinhaasan hilna shuru hota hai, to us samay kya yaad aata hai?aise samay sada kaal ki praapti karaane vaale va sukh chain dene vaale baap aur saath-saath shiv shaktiyaan va mahaadaani vardaani deviyaan hi yaad aati hain, kyonki deviyon athva maataaon ka hday snehi aur merciful hone ke kaaran vartamaan samay maata ke roop ka poojan ya aahvaan jyaada karte hain। siddhi-swaroop arthaat sarva kaarya siddha karne vaali aatmaon ka aahvaan vartamaan samay jyaada hai।

aajkal sarva pareshaaniyon se pareshaan nirbal aatmaayen, manzil ko dhoondhane vaali aatmaayen aur sukh-shanti ki praapti ke liye tadaphti hui aatmaayen purooshaartha ki vidhi nahin chaahteen, balki vidhi ke bajaay sahaj siddhi chaahti hain। siddhi ke baad vidhi ke mahatva ko jaan sakengi। aisi aatmaon ko aap vishvakal yaankaari aatma ka kaun-sa swaroop chaahiye?vartamaan samay chaahiye prem swaroop। lophul nahin,lekin loveful pahle lav do phir law do। ve lav ke baad law ko bhi sneh ka saadhan anubhav karenge kyonki baahar ke roop ki chamak vaali duniya mein va vigyaan ke yug mein vigyaan ke saadhan bahut hi hain, lekin jitna bhinna-bhinna prakaar ke alpakaal ki praapti ke saadhan nikalte jaate hain utna hi sachcha sneh va roohaani pyaar, svaartha-rahit pyaar samaapta hota ja raha hai। aatmaon se sneh samaapta ho, saadhnon se pyaar badhta ja raha hai। isliye kai prakaar ki praapti ke hote hue bhi sneh ki apraapti ke kaaran santushta nahin। aur bhi din-pratidin yeh asantushtata badhegi। mahsoos karenge ki yeh saadhan manzil se door karne vaale, bhatkaane vaale hain! ye aatma ko tadphaane vaale hain। arthaat jaise kalpa pahle ka gaayan hai ki andhe ki aulaad andhe,mrig trishna ke samaan sarva praapti se vanchit hi rahe। aisa anubhav samay-anusaar chaaron or karenge।

aise samay par aisi aatmaon ki sarva manokaamnaayen poorn karne vaali va man- ichchhit pratyaksha phal dene vaali kaunsi aatmaayen nimitta banengi? jo svayan siddhi swaroop hon, din-raat vighnon ke mitaane ki vidhi mein na hon। svayan baapdaada dvaara mile hue pratyaksha phal (bhavishya phal nahin) - ateendriy sukh va sarva-shaktiyon ke vardaan praapta hui vardaani-moorta aatmaayen hongi। svayan pukaarne vaale nahin honge ki baba yeh kar do,yeh de do! royal roop se maangane ka ansh bhi nahin hoga। baba yeh kaam aapka hai-aap to karenge hi! aise svayan karne vaale ko smriti dilaakar apne samaan maanav nahin banaayenge kyonki kahne se karne vaala manushya gina jaata hai। bina kahe, karne vaala devta gina jaata hai। devtaaon ke bhi rachayita ko kya bana dete ho? aise master sarvashaktivaan sarva-adhikaari aatmaaen auron ko bhi sahaj siddhi praapta kara sakti hain।

apne ko check karo, saadhaaran checking nahin। checking bhi samay pramaan sookshm roop se honi chaahiye। vartamaan samay ke pramaan yeh check karo ki har subject mein vidhisvaroop kitne hain aur siddhi-swaroop kitne hain? arthaat har subject mein vidhi mein kitna samay jaata aur siddhi ka kitna samay anubhav hota hai? chaaron hi subjects mein mansa, vaacha, karmana teenon roop mein kis stage tak pahunche hain?yeh checking karni hai।

abhi mahaarthiyon ke liye vidhi ka samay nahin hai balki siddhi-swaroop ke anubhav karne ka samay hai। nahin to vartamaan samay ki anek pareshaaniyaan, ab tak vidhi mein lage rahne vaali aatma ko apni shaan se pare pareshaan ke prabhaav mein sahaj laayengi। isliye jaise gaayan hai ki paandav ant samay mein oonchi pahaadi par gal gae arthaat svayan deh-abhimaan va duhkh ki duniya ke prabhaav se pare oonchi sthiti mein sthit ho gaye। oonchi sthiti mein sthit ho neeche rahne vaalon ka saakshi ho khel dekho। aisi sthiti mein rahne vaala hi samasya-swaroop nahin lekin samaadhaanasva roop ho jaayega, to vartamaan samay aisi sthiti chaahiye। aisi hai?jara bhi halchal mein to nahin aa jaate? kya hoga, kaise hoga, hamaara kya hoga? achal swaroop ho na? achal mein koi halchal nahin। aisi sthiti vaale hi vijayi ratna banenge।

baapdaada aaj bachchon ki aagya par aagyaakaari ka part baja rahe hain। programme pramaan nahin aaye hain - to follow father। kal aatmaon ka aahvaan hai, baap ka nahin! aap log bhi apne vishwa-mahaaraajan swaroop mein va vishwa ke maalik pan ke baal swaroop mein achhi tarah sthit rehna। jisse aapke apne-apne bhakta alpakaal ke liye bhi darshan se prasanna to ho jaayen। aur phir sabhi anubhav sunaana ki saare din mein kitne bhakton ko baap dvaara bhakti ka phal dilaaya। apne bhakton ko raaji to karenge na? ek ki yaadgaar nahin hai, ek ke saath aap sab bhi ho। to kal aap sabki janmaashtami manaayenge। sabhi krishna samaan devtaai swaroop mein to honge na? aap sabke devtaai swaroop ke smriti ka din hai। duniya vaale manaayenge aur aap kya karenge? woh manaayenge aap manaane vaalon ke prati mahaadaani aur vardaani banenge। achha।

aise saagar ko bhi sneh ke gaagar mein samaane vaale, sada baap samaan sarva siddhi-swaroop,har second sarva prati vishwa-kalyaankaari vardaani, svayan dvaara baap ka saakshaatkaar karaane vaale,saakshaat baap swaroop saakshaatkaari moorta, sada niraakaari aur sada sadaachaari shreshtha aatmaon ko baapdaada ka yaad-pyaar aur namaste।

jaise phauren mein laukik life fast rehti hai vaise aatma ke purooshaartha ki speed bhi fast hai? sevaadhaari ho na? seva ke sivaay aur kuchh nahin, uthte bhi seva, sote bhi seva, svapna bhi dekhenge to sevaadhaari ke roop mein - aise sevaadhaari ho?har second,har shvaans seva prati,svayan prati nahin। svayan ke aaraam prati nahin, svayan ke purooshaartha tak nahin, svayan ke saath doosron ka purooshaartha isko kaha jaata hai sevaadhaari। aise serviceable ka lebal lagaaya hai mastak mein?serviceable ke mastak par kaun-si nishaani hogi? aatma roopi mani। mastak mani hai - woh chamakti hui nazar aaye yeh hai serviceable ka lebal। achha!

is murli ki vishesh baaten

1. is samay bhakta-gan adhiktar vardaani, manovaanchhit phal dene vaali vishwa-kalyaankaari daata ke roop mein aap sab shreshtha aatmaon ka aahvaan kar rahe hain। ataev ab vidhi nahin siddhi-swaroop bano।

2. vigyaan ke yug mein baahri chamak-damak vaale saadhan to bahut hain, parantu sachcha roohaani sneh va svaartha-rahit pyaar samaapta hota ja raha hai। ataev ab samay lophul ka nahin,balki loveful (prem swaroop) banne ka hai।

3. svayan deh-abhimaan va duhkh ki duniya ke prabhaav se pare oonchi sthiti mein sthit ho neeche rahne vaalon ka saakshi ho khel dekho। tab aap samasya-swaroop nahin balki samaadhaan-swaroop ban jaayenge।