Avyakt murli for Friday 23 January 1976 - 1
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
23-01-76om shanti avyakt baapdaadaamdhuban
sankalp, vaani aur swaroop ke highest aur holiest hone se
baap ki pratyakshata
highest aur holiest shiv brahma-vatson se bole:-
apne ko highest aur holiest samajhte hue har sankalp va karma karte rehte ho? highest arthaat oonch se oonch brahman। braahmanon ko viraat roop mein choti ka sthaan diya gaya hai। jaise sthaan oonch choti ka hai,vaise hi sthaan ke saath-saath sthiti bhi oonchi hai? jaisa ooncha naam, vaisi oonchi shaan aur vaisa hi ooncha kaam। jaise baap ke liye gaayan hai - oonche te ooncha bhagwan; vaise bachchon ka bhi gaayan hai - oonche te oonche brahman। is oonchi sthiti ka yaadgaar aaj tak chala aaya hai ki jo koi shreshtha karttavya va shubh kaarya karte hain to naamdhaari braahmanon se hi karaate hain। is samay ke shreshtha karma ki yaadgaar ab bhi chaitanya sachche brahman ke roop mein dekh aur sun rahe ho। shreshtha karma ki mahima va gaayan bhi sun rahe ho, doosre taraph svayan shreshtha part baja rahe ho! yaadgaar aur practical-donon saath-saath dekh rahe ho। yaadgaar dvaara bhi siddha hota hai ki kitne oonche the, ab hain aur phir honge। jaise brahman oonche hain, vaise hi braahmanon ka samay bhi sab yugon mein se sarvashreshtha yug, arthaat sangamayug ka samay, arthaat amritvela va brahmamuhoorta ka samay hai। yeh sarvashreshtha sthiti braahmanon ki kyon bani?kyonki brahman hi oonche-se-oonche athva shreshtha karttavya mein sahayogi banne ka shreshtha bhaagya praapta karte hain। itna apna ooncha part,shreshtha baap, shreshtha sthaan aur shreshtha shaan smriti mein rehte hain? itna shreshtha bhaagya saare kalpa ke andar phir praapta nahin kar sakoge। aise highest aur saath-saath holiest ka yaadgaar ab tak bhi sunte ho। log braahmanon ki bajaay aapke devta roop ka gaayan karte hain।
holiest ka kaunsa gaayan hai? kamal-nayan,kamal-hasta,kamal-mukh ke roop mein ab tak bhi gaayan karte rehte hain। ab practical mein check karo ki har karma-indriy kamal samaan nyaari bani hai?jaise kamal sambandh aur samparka mein rehte hue nyaara hai, aise karmendriyaan karma ke aur karma ke phal ke samparka mein aate hue nyaari hain? arthaat deh aur deh ke sambandh ke,deh ki is puraani duniya ke aakarshan se pare hain?koi bhi karma-indriy ka ras - dekhne ka, sunne ka, bolne ka apne vasheebhoot to nahin banaata hai? vasheebhoot hone ka arth hai holiest se bhoot ban jaana। jab bhoot ban jaate hain to bhooton ka karttavya hai - duhkhi hona aur duhkhi karna। highest brahman se shoodra ban jaate hain। isliye sadaiv yeh smriti mein rakho ki main highest aur holiest hoon। jab yeh pratyaksha roop mein arthaat sankalp aur swaroop mein smriti rahegi tab hi pratyakshata varsha mana sakenge। oonche se oonche baap ko pratyaksha karne ke liye jab tak svayan swaroop mein holiest aur highest nahin bane hain to baap ko pratyaksha kaise karenge?svayan mein baap-samaan gun aur karttavya ko prakhyaat karna hi baap ko pratyaksha karna hai। oonche kaam se oonche baap ka naam hoga। apni roohaani moorat se roohaani baap ki pratyakshata karni hai jo har aatma har brahman mein brahma baap ko dekhe। rachna apne rachayita ko dikhaaye। har ek ke mukh se ek hi bol nikle ki svayan bhagwan ne inhen itna takdeervaan banaaya hai। har-ek ki takdeer baap-daada ki tasveer ko prasiddha kare। har ek apne ko aisa divya-svachchha darpan banaao ki har darpan dvaara anekon ko baap-daada ka saakshaatkaar ho। saakshaat baap samaan ki sthiti hi baap ka saakshaatkaar kara sakti hai।
pratyakshata varsha manaane ka arth hai svayan ko baap ke samaan banaana। yeh sthool saadhan to nimitta maatra saadhan hain। sadaakaal ka saadhan siddhi-swaroop ka hai। siddhi-swaroop hi svatah siddha karega ki aisa ooncha banaane vaala oonche se ooncha bhagwan hai। to saadhnon ke saath-saath siddhi swaroop ko apnaao। sankalp, vaani aur swaroop - teenon hi holiest aur highest hon। aisi stage se hi baap ko pratyaksha kar sakoge। baap-daada bachchon ka umang-utsaah,shreshtha sankalp, mehnat aur lagan ko dekh kar harshit bhi hote hain, lekin aage ke liye sahayog dene ke liye plan batla rahe hain। sabka ek hi sankalp hai। ek sankalp mein mahaan shakti hai। ekras sthiti mein sthit ho is sankalp ko swaroop mein laao। kalpa-kalpa ke vijay ki takdeer ki tasveer ka to ab bhi gaayan hai athva kaayam hai। achha!
aise apne takdeer dvaara baap-daada ki tasveer dikhaane vaale, sada kamal ke samaan alpakaal ke aakarshan se pare rahne vaale, baap-samaan holiest aur highest svamaan mein sthit rahne vaale, har aatma mein baap ke sneh ko,swaroop ko,aur sambandh ko pratyaksha karne vaale, sarvashreshtha,oonche se oonche braahmanon ko oonche se oonche baap-daada ka yaad-pyaar aur namaste!
is murli ke vishesh gyaan-bindu
apne oonche part, shreshtha baap, shreshtha samay, shreshtha gaayan, shreshtha karttavya,shreshtha stage,shreshtha sthaan, aur shreshtha shaan ki smriti mein rehna hai।