Avyakt murli for Tuesday 28 June 1977

>

28-06-77om shanti avyakt baapdaadaamdhuban

vesta (Waste) mat karo aur wait (Weight) kam karo

sarva khazaanon ko mahaadaani ban daan karne vaale, apne shaktiyon ke khajaanon mein sampanna ho vishwa-kalyaankaari aatmaon prati baap-daada bole:-

aavaaz se pare apne niraakaari stage aur aakaari stage, jahaan ishaaron ki bhaasha jyaada hai arthaat movie hai, donon hi sthiti mein saakaari srishti ke samaan aavaaz nahin hai - aise aavaaz se pare sthiti achhi lagti hai?mukh dvaara sunna, sunaana isse oopar apni vritti dvaara va drishti dvaara va vibrations dvaara va apne shreshtha anubhvon ke prabhaav dvaara kisi aatmaon ki seva karna arthaat sunaana va parichay dena,sambandh jodna iske anubhvi ho? jaise vaani dvaara sambandh jodna iske anubhvi ho, vaise vaani dvaara direction mile ki in aatmaon ki vritti va drishti va shreshtha anubhvon ke prabhaav se seva karo to kar sakte ho va sirf vaani dvaara kar sakte ho? jaise vaani dvaara aatmaon ko baap se sambandh jutaane ke nambarvaar nimitta bante ho vaise apni sookshm sthiti ke va master sarva shaktivaan va master gyaan soorya ki sthiti dvaara, aatmaon ko svayan ke sthiti va baap ke sambandh ka anubhav, powerful vaataavran, vibration va svayan ke shakti swaroop ke samparka se unhein bhi kara sakte ho? kyonki jaise samay sameep aa raha hai, paandav sena ke pratyaksha hone ka prabhaav gupta roop mein phailta ja raha hai। seva ki rooprekha samay pramaan aur seva pramaan parivartan avashya hogi। jaise aajkal bhi science dvaara har cheez ko quantity (Quantity;maatra) bajaae quality (Quality;gun) mein la rahe hain, aisa chhota sa roop bana rahe hain,jo roop hai chhota lekin shakti adhik bhari hui hoti hai। jaise mithaas ke vistaar ko saccharin (Seccharine) ke roop mein laate hain। vistaar ko saar mein la rahe hain, isi prakaar paandav sena arthaat silence ki shakti vaali shreshtha aatmaaen bhi jo ek ghante ke bhaashan dvaara kisko parichay de sakte ho,woh ek sekenda ki powerful drishti, dvaara powerful stage dvaara,kalyaan ki bhaavna dvaara,aatmik bhaav dvaara ‘smriti’dila sakte ho va aproksha saakshaatkaar kara sakte ho?abhi aisi practice ki aavashyakta hai। iske liye do baaton ki aavashyakta hai,jisse aisi shreshtha seva ke nimitta ban sakte ho, woh kaunsi do baaton ki taraph vishesh attention dilaate hain। woh jaante ho kaun si hogi?

ek to chaaron or yeh attention dilaate hain ki koi bhi cheez vesta (Waste;bekaar) mat karo aur doosri baat wait (Weight;vajan) kam karo। woh log to shareer ki wait kam karne ke liye kehte hain, lekin baap-daada aatma ke oopar jo bojh hai, jis bojh ke kaaran oonchi stage ka anubhav nahin kar paati, to is wait ko kam karo। ek vesta mat karo aur doosra wait kam karo। in do baaton ke oopar vishesh attention chaahiye। apni shaktiyaan va samay vesta karne se jama nahin hoti aur jama na hone ke kaaran jo khushi va shaktishaali stage ka anubhav hona chaahiye, woh chaahte hue bhi nahin kar sakte। jaise aap shreshtha aatmaon ka vishwa-kalyaankaari banne ka kaarya hai। usi pramaan samay va shaktiyaan na sirf apne prati lekin anek aatmaon ki seva prati bhi stock jama hona chaahiye। agar vesta hota rahega to svayan bhi apne ko bharpoor anubhav nahin karenge। jaise aajkal ki government bhi bachat ki scheme banaati hai। vaise apne prati aavashyak samay va shaktiyon mein se economy (Economy;bachat) ka lakshya rakhte hue bachat karni chaahiye। kyonki vishwa ki sarva aatmaaen aap shreshtha aatmaon ka parivaar hai। jitna bada parivaar hota hai utna hi economy ka khyaal rakha jaata hai।

aap jaisa bada parivaar aur kiska hai? to sab aatmaon ko saamne rakhte hue, svayan ko behad ki seva arth nimitta samajhte hue, apne samay aur shaktiyon ko kaarya mein lagaate ho? master rachta ki sthiti smriti mein rehti hai va apne prati hi kamaaya aur khaaya,va kuchh khaaya,kuchh ganvaaya,aise albele ho chal rahe ho?to apne sarva khajaanon ki budget (Budget) banaao। itni badi jimmevaari ka kaarya uthaane vaali aatmaaen agar jama na hoga to kaarya kaise saphal kar sakengi। draamaanusaar hona hi hai -yeh hui knowledge ki baat। lekin drama mein mujhe bhi nimitta ban seva dvaara shreshtha praapti karni hai, yeh lakshya rakhte hue har khazaane ki ‘budget’banaao। budget mein lakshya kya rakhna hai?salogan yaad hai? ‘kam kharcha baala nasheen’। har khazaane ko check karo kitna jama hai?us jama ke khaate se behad ke aatmaon ki seva ho sakti hai। harek subject ki bhi checking karo ki har subject dvaara behad ki seva ke nimitta ban sakte hain, va sirf gyaan dvaara kar sakte hain, dhaarna dvaara nahin?jab full paas hona hai to full subject dvaara seva ke nimitta banna aavashyak hai। agar ek bhi subject mein kami hai to full paas nahin lekin paas honge। ek hai paas with honour aur doosri stage hai paas hona। jo sirf paas hote hain paas with honour nahin to unhon ko paas with honour ke antar mein dharmaraaj ki sajaaon se paas hona padta hai arthaat thoda bahut bhi sajaaon ka anubhav mein paas karenge। paas with honour auron ko paas karte hue dekhenge। isliye har subject mein full paas hona hai - har khazaane ki budget karo aur budget banaao arthaat vesta mat karo। har second, sankalp ya svayan ke prati shaktishaali banaane arth va sarva aatmaon ki seva arth kaarya mein lagaao।

doosri baat ‘wait kam karo।’ ek to pichhle janmon ka raha hua hisaab-kitaab ka bojh samaapta karne mein lage ho, lekin woh bojh koi badi baat nahin hai। brahman bankar va brahmaakumaar/brahmaakumaari kahlaakar vishwa-kalyaankaari va vishwa-sevaadhaari kahlaakaar phir bhi agar aisa koi vikalpa va vikarma karte hain to woh bojh us bojh se sauguna hai। aise kitne prakaar ke bojh apne sanskaaron ke vash, svabhaav ke vash, gyaan,buddhi ke abhimaan vash, naam aur shaan ke svaartha vash,svayan ke salvation praapta karne ke vash, va albelepan va aalasya ke vash,ab tak kitne bojh uthaae hain?sadaiv yeh dhyaan par rakhna hai ki gyaani tu aatma kahlaate athva serviceable kahlaate aisa koi karma va vaataavran phailaane ke vibration utpanna hone ke nimitta na bane jisse service ke bajaae dis service ho। kyonki service bhi ho lekin ek baar ki dis-service das baar ki service ko samaapta kar deti hai। jaise rabad mit jaata hai vaise ek baar ki dis-service das baar ke service ke khaate ko khatma kar deti hai। aur woh samajhta rehta ki main bahut service karta hoon। lekin khaata khaali hone ke kaaran nishaani dikhaai bhi deti hain lekin abhimaan ke vash baahar se miyaamiùè ban jaate hain। nishaani kya hoti hai? ek to yaad mein shakti va praapti ka anubhav nahin hota। andar ki santushtata nahin hogi। har samay koi na koi paristhiti va vyakti va prakriti ka vaibhav, sthiti ko halchal mein laane ke va khushi, shakti khatma karne ke nimitta banenge। baahar ka dikhaava itna sundar hoga jo anek aatmaaen unhein na parakhne kaaran sabse achha khush mijaaj aur purushaarthi samjhenge। lekin andar bilkul uljhan mein khokhlaapan hota hai। naam,shaan ka khaata full hota hai - lekin khazaanon ka khaata, anubhootiyon ka khaata khaali ke baraabar hota hai arthaat naam maatra hota hai। aur nishaani kya hogi? aisi aatma svayan vighnon ke vash hone ke kaaran seva ke kaarya mein vighna roop ban jaati hai। naam vidhna vinaashak hai lekin bante vighna roop hain। aise aatmaon ke oopar samay prati samay ke bojh se wait badhne ke kaaran anek prakaar ke maansik vyartha chintan va maansik ashaanti, aise anek rog paida kar lete hain। doosri baat wait hone ke kaaran purooshaartha ki raphtaar teevra nahin ho sakti। high jump (oonchi kood) to chhodo lekin daud bhi nahin laga sakte। plan banaayenge ki yeh karenge,yeh karenge lekin saphal nahin ho sakte। teesri guhya baat aisi wait vaali aatmaaen,jo vighna roop va dis-service ke nimitta banti hai, baap ko arpan kiya hua apna tan-man va eeshvareey seva arth mila hua dhan, apne vighnon ke kaaran vesta karti hai arthaat saphalta nahin paati, uske vesta karne ka bhi bojh chadhta hai। isliye paapon ki gahan gati ko bhi achhi reeti jaano। ab kya karna hai? vesta mat karo aur wait kam karo। dharmaraaj puri mein jaane ke pahle apna dharmaraaj bano। apna poora chopda kholo aur check karo paap aur punya ka khaata kya raha hua hai, kya jama karna hai;aur vishesh svayan prati plan banaao। paap ke khaate ko bhasma karo। punya ke khaate ko badhaao। baap-daada bachchon ke khaate ko dekhte hue samajhte hain maalaamaal ho jaae। (barsaat pad rahi hai) prakriti bhi paath padha rahi hai। jaise prakriti apne mausam va samay pramaan apne teevra gati se kaarya kar rahi hai aise braahmanon ki kamaai jama karne ki mausam hai। to mausam pramaan teevra raphtaar se jama karo। achha।

sada pharishte, vetles arthaat light roop, har second aur sankalp mein bhi pichhla bojh bhasma karte, bhavishya jama karne vaale, sada vishwa sevaadhaari swaroop mein sthit rah aatmaon ko sarva khazaane mahaadaani ban daan karne vaale,apne shaktiyon ke khajaanon mein sampanna ho shaktiyon dvaara vardaani banne vaale, raham dil aatmaaen,sada vishwa kalyaankaari aatmaon ko baap-daada ka yaad-pyaar aur namaste।

party se

sada svachintan aur shubhchintak donon stage rehti hain? jab shubhchintak hota hai to vyartha samaapta ho jaata hai। vyartha ka rehta hai arthaat shubh chintak ka anubhav kam hai। jaise agar ek baar badhiya cheez ka taste (Taste) kar liya to ghatiya cheez sveekaar karne ka sankalp bhi nahin aaega। vaise shubh chintan mein rahne vaala vyartha chintan kar nahin sakta। chintan chalaana arthaat uska swaroop ban jaae। jaise saagar ke andar rahne vaale jeev-jantu saagar mein samaae hue hote, baahar nahin nikalna chaahte। machhli bhi paani ke andar rehti,baahar aai to khatma। saagar va paani hi uska sansaar hai, itna bada baahar ka sansaar uske liye kuchh bhi nahin,aise gyaan saagar baap mein samaae hue - inhon ka sansaar bhi baap arthaat saagar hota hai। aise anubhav karte ho va baahar chakra lagaane ko dil hoti hai? jab tak yeh anubhav nahin kiya, swaroop mein samaane ka,tab tak jo brahman jeevan ka gaayan hai - ateendriy sukh ke jhoole mein jhoolne ka, harshit hone ka, woh nahin ho sakta। aise anubhvi hi is brahman jeevan ke sukh ke mahatva ko jaante hain। braahmanon ko choti kehte hain, yeh choti arthaat,oonchi stage hai। agar yahaan tak nahin pahunche to vijay ka jhanda kaise lahraayenge?oonchi choti par jaakar jhanda lahraaenge to ‘vijayi’ kaha jaaega।

vartamaan samay ka purooshaartha kya hai? sunna,sunaana chalta rehta, abhi anubhvi banna hai। anubhvi ka prabhaav jyaada hota। vahi baat anubhvi sunaave aur vahi baat suni hui sunaave to antar padega na? log bhi abhi anubhav karna chaahte। yog shivir mein vishesh anubhav kyon karte? kyonki anubhvi banne ka saadhan hai - sunaane ke saath anubhav karaaya jaata hai। isse result achhi nikalti hai। jab aatmaaen anubhav chaahti hain to aap bhi anubhvi bankar anubhav karaao। anubhav kaise ho? uske liye kaun sa saadhan apnaana hai? jaise koi inventor (aavishkaarak) woh koi bhi invention nikaalne ke liye bilkul ekaanta mein rehte hain। to yahaan ki ekaanta arthaat ek ke ant mein khona hai, to baahar ki aakarshan se ekaanta chaahiye। aise nahin sirf kamre mein baithne ki ekaanta chaahiye,lekin man ekaanta ho। man ki ekaagrata arthaat ek ki yaad mein rehna,ekaagra hona yahi ekaanta hai। ekaanta mein jaakar invention nikaalte hai na! chaaron or ke vibration se pare chale jaate to yahaan bhi svayan ko aakarshan se pare jaana pade। aise bhi kai hote jinhen ekaanta pasanda aata, sangathan mein rehna, hansana,bolna jyaada pasanda nahin aata, lekin yeh hua baahar mukhta mein aana। abhi apne ko ekaanta vaasi banaao arthaat sarva aakarshan ke vibration se antarmukh bano। ab samay aisa aa raha hai jo yahi abhyaas kaam mein aaega। agar baahar ke aakarshan ke vasheebhoot hone ka abhyaas hoga to samay par dhokha de dega। sarakmastanses(paristhitiyaan) aise aayenge jo is abhyaas ke sivaae aur koi aadhaar hi nahin dikhaai dega। ekaantavaasi arthaat anubhvi moortta। dilli vaale seva ke aadi ke nimitta bane hain to is visheshta mein bhi nimitta bano। to is sthiti ke anubhav ko doosre bhi copy karenge। yeh sabse bade te badi seva hai। sangathit roop mein aur indeevijval roop mein donon hi roop se aise abhyaas ka vaataavran phailaao।