Avyakt murli for Saturday 6 January 1979

> > 06-01-79om shanti avyakt baapdaadaamdhuban

sooryavshi aur chandravanshi, aatmaon ke practical jeevan ki dhaarnaaon ke chinha

srishti ke aadi madhya aur ant ke raazon ko sunaane vaale shiv baba bole –

aaj baapdaada vatan mein bachchon ki chadhti kala ke purooshaartha par rooh roohaan kar rahe the jismen do prakaar ke bachche dekhe। ek first division ke purushaarthi sooryavanshi devta roopon mein, doosre second division vaale chandravanshi kshatriy roop mein। donon ki stage aur speed donon mein antar tha। sankalp donon ka sampoornata ki manzil par pahunchne ka hi tha va abhi bhi hai। lekin pahle number arthaat sooryavanshiyon ke sankalp aur swaroop mein jyaada antar nahin hai, second number chandravanshiyon mein sankalp mein jyaada pharka hai। sankalp aur swaroop 100 pratishat powerful aur swaroop kab 75 pratishat kab 50 pratishat itna antar hai।

sooryavanshi sada master gyaan soorya arthaat powerful stage beezroop mein rehte athva second stage avyakt pharishte mein jyaada samay sthit rehte। chandravanshi gyaan soorya samaan beezroop stage mein kam thahar sakte lekin pharishte swaroop mein aur anek prakaar ke maaya ke vighnon se yuddha kar vijayi banne ki stage mein jyaada rehte hain। kab vyartha sankalp ke roop mein kab samasya ke roop mein, maaya se vijayi banne ki mehnat mein jyaada samay rehte ek ghante ki mehnat se aadha ghanta va 15 minute saphalta ka anubhav karte isliye purooshaartha ka mehnat karte-karte kab thak jaate kab chal padte hain। kab daud lagaate - kab daud lagaane vaalon ko dekhkar daudna chaahte lekin daud nahin sakte। baap ke har gun ke anubhav karne mein adhoori stage par pahunchte arthaat50-50 avastha rehti। jaise varnan karenge baap sukh ka saagar hai main sukh swaroop hoon lekin sada sukh ki anubhooti nahin hogi - sampoorn sukh ka anubhav kabhi hoga kabhi nahin hoga। jaise chandrama ki kalaayen badhti aur ghatti rehti hain। vaise chandravanshi kab bahut umang utsaah mein sampoorn stage ka anubhav karenge aur kab svayan ko sampoornata se bahut door anubhav karenge। aur kab saath lene ke liye yaad ki stage se phariyaad ki stage mein aa jaayenge।

sooryavanshi -sada baap ke saath aur sarva sambandh ki anubhootiyon mein lavleen rahenge। 2- sooryavanshi chadhti aur utarti kala mein nahin aate। sada chadhti kala anubhav karte jaise soorya sada prakaash swaroop anubhav hota, kalaaon ke chakkar mein nahin aata। kab 14kala sampanna stage kab 8kala sampanna stage ho itna antar nahin hota। 3- sooryavanshiyon ke aage maaya baadal ki tarah saamne aati zaroor hai lekin baadal aata aur chala jaata। 4-sooryavanshi apne swaroop ko sada samaan rakhte, baadal ko dekh prakaash kam nahin hota। sada apne baap ke gun se gunon mein saakaar roop mein anubhvi hote aur auron ke aage bhi pratyaksha hote। 5- sooryavanshi sada behad ke sevaadhaari svayan ko light house might house anubhav karte। 6-sooryavanshi ka har kadam saakaar brahma baap ke karma roopi kadam ke peechhe kadam uthaane vaale hote arthaat karma aur purooshaartha ki gati mein saakaar brahma baap samaan honge। 7-sooryavanshiyon ka pahla kadam follow father ka hoga - man-buddhi aur saakaar mein sada baap ke aage samarpan honge। jaise brahma baap ki visheshta dekhi - isi mahaatyaag se mahaan bhaagya mila number one sampoorn pharishta roop aur number one vishwa mahaaraajan। aise sooryavanshi bhi mahaan tyaagi va sarvasva tyaagi hogi। sarvasva tyaagi ka arth hi hai sanskaar roop mein bhi vikaaron ke vansh ka tyaag। aise sarvasva tyaagi follow father karne vaale vartamaan pharishta swaroop aur bhavishya mein number one vishwa mahaaraajan bante hain। 8-sooryavanshi sada nishchay buddhi ka pratyaksha swaroop sada nishchinta aur sada svayan ko kalpa-kalpa ke nishchint vijayi anubhav karenge।9- sooryavanshi sada vishwa kalyaan ki jimmedaari ko nibhaate hue jitni badi jimmedaari utna hi double light roop honge। 10-sooryavanshi apne vriti aur vibration ki kirnon dvaara anek aatmaon ko svastha arthaat svasmriti mein sthit karne ka anubhav karaavenge। 11-sooryavanshi sada apne praapta hue sarva khazaanon ka svaartha arthaat sva arth nahin lekin sarva prati mahaadaani aur vardaani hote।12-sooryavanshi ki vishesh do nishniyaan anubhav hogi -ek to sada nirvaan sthiti mein sthit ho vaani mein aana। doosra sada sthiti mein svamaanbol aur karma mein nirmaan arthaat nirvaan aur nirmaan do nishaaniyaan anubhav hogi।

aise hi chandravanshi ki sab baaten kab kaisi kab kaisi aur 50-50hogi। kab 100ke manke samaan chamkega kab apni kamjoriyon ki maala baap ke aage baar-baar sumiran karega। kabhi samartha kabhi vyartha। kabhi mahaan kabhi saadhaaran। kabhi apne ko authority arthaat mahaabeer anubhav karenge kabhi kahenge sahaara mile,sahayog mile to aage badhe। aise langadaate hue chalne vaale anubhav karenge abhi apne se poochho ki main kahaan tak pahuncha hoon। sooryavanshi hoon va chandravanshi ki stage ko paar kar sooryavanshi ki boundary tak pahunche hen va chandravanshi mein hi hain। boundary tak pahunchne vaale kab sooryavanshi ki stage mein jump lagaate kabhi chandravanshi mein rehte ab aap kahaan ho woh chaik karo। boundary paar kar sooryavanshi bano। samjha kaya karna hai achha –

aise svayan ko sada sooryavanshi ke adhikaari banaane vaale baap ke har kadam par kadam rakhne vaale baap samaan sada pharishte roop mein rahne vaale master gyaan soorya ban vishwa ko apni praaptiyon ke kirnon dvaara andhakaar se roshan banaane vaale aise master gyaan soorya bachchon ko baap daada ka yaad-pyaar aur namaste।

gujraat ko sahaj yogi ka vardaan mila hua hai। gujraat ki dharni saatvik hone ke kaaran bani banaai dharni hai। bani banaai dharni mein beez padne se phal sahaj nikal aata hai। sahaj yogi ka drama anusaar vardaan mila hua hai isi vardaan ko smriti mein rakhte svayan bhi sahajyogi aur sarva ko bhi sahajyogi banaao। sada vijay ka jhanda haath mein ho। ab aisi vishesh aatmaon ko samparka mein laao jinhon se seva ka aavaaz door tak phaile। gyaan ke hisaab se vishesh vyakti nahin lekin duniya ke hisaab se jo vishesh vyakti hain unki seva karo। isse svatah hi akhbaar vaale, radio,T.vi. vaale aavaaz phailaate hain। aisi koi vishesh aatma nikaalo jinke aavaaz se anek aatmaon ka kalyaan ho jaae। baapdaada sadaiv sabhi ummeed rakhte hain। ab ummeedon ka practical roop dikhaana। samay bahut kam hai aur seva bahut rahi hui hai ab seva ka tareeka aisa ho jo ek chakra se anekon ka kalyaan ho jaae। abhi aisi speed chaahiye। raajya adhikaari to apna bhaagya lete rahenge - lekin sandesh to sabhi ko dete jaao। jo ullaahna na rah jaae। achha –

party ke saath mulaakaat

1. beejroop sthiti dvaara saare vishwa ki seva :- beejroop stage sabse powerful stage hai, uske baad sab nambarvaar stage hain, yahaan stage light house ka kaarya karti hai। saare vishwa mein light phailaane ke nimitta bante hain। jaise beej dvaara svatah hi saare vriksha ko paani mil jaata hai aise jab beejroop stage par sthit rehte to automatically vishwa ki light ka paani milta rehta। jaise light house ek sthaan par hote hue chaaron or apni light phailaate hain aise light house ban vishwa kalyaankaari ban vishwa tak apni light phailaane ke liye powerful stage chaahiye। jaise sthool light ka bulb tej power vaala nahin hoga to chaaron or light nahin phail sakti,jeeron power had tak rahegi na। to ab light house bano na ki bulb। behad ke baap ke bachche behad sevaadhaari vartamaan samay behad seva ki aavashyakta hai,kayonki behad vishwa ka parivartan hain। vishwa parivartan karne ke liye pahle svayan ka parivartan karo। har sankalp mein smriti rahe ki vishwa ka kalyaan ho।

vyaktigat mulaakaat

sada sampanna aatmaon ki nishaaniyaan - jo sada sarva khazaanon se sampanna hoga woh sada santushta hoga। asantushtata ka kaaran hai apraapti। jo bharpoor aatmaayen hain woh anya aatmaon ko bhi de sakengi। agar svayan mein kami hogi to auron ko bhi de nahin sakte। santushtata arthaat sampannata। jaise baap sampanna hai isliye baap ki mahima mein saagar shabd kehte hain, yeh sampannata ko siddha karta hai। to baap samaan master saagar bano। nadi to phir bhi sookh jaati hai। sampanna aatmaayen sada khushi mein naachti rahengi। khushi ke sivaae aur kuchh andar aa nahin sakta। santushta aatmaayen sampanna hone ke kaaran kisi se bhi tang nahin hogi। sambandh mein bhi koi khitkhit nahin hogi। agar hogi bhi to uska asar nahin aayega। kisi bhi prakaar ki uljhan ya vighna ek khel anubhav hoga। samasya bhi manoranjan ka saadhan ban jaayegi kyonki naalezphul hokar dekhenge। woh sada nishchaybuddhi hone ke kaaran nishchay ke aadhaar par vijayi honge। sada harshit honge।

2. world servant samajhne se ekras sthiti ka anubhav :- baapdaada ko sada sevaadhaari bachche yaad rehte hain, kyonki baap ka bhi kaam hai world servant ka। jaise baap world servant hai vaise bachche bhi। servant ko sada seva aur master yaad rehta hai। to aise sevaadhaari bachchon ko bhi baap aur seva ke sivaae kuchh yaad nahin isse hi ekras sthiti mein rahne ka anubhav hota। unhein ek baap ke ras ke sivaae sab ras neeras lagenge। ek baap ke ras ka anubhav hone ke kaaran aur kahaan bhi aakarshan nahin ja sakti yahi purooshaartha hai aur yahi manzil hai। baap daada sabhi ko teevra purushaarthi ki najar se dekhte hain, purushaarthi rahenge to bhi manzil par nahin pahunchenge।

3. sarva sambandhon ka ras ek baap se lene vaale hi nashtomoha - baap ko sarva sambandhon se apna bana liya hai? sirf baap ke sambandh se nahin lekin sarva sambandh baap ke saath ho gaye apna banaana arthaat baap ka khud banna। to sarva sambandh se ek baap doosra na koi, jiske sarva sambandh baap ke saath ho gaye uska shesh gun kya dikhaai dega?woh sada nirmohi hoga। jab kiseen taraph lagaav arthaat jhukaav nahin to maaya se haar ho nahin sakti। aise nashtomoha banna arthaat sada smriti swaroop। sadaiv amritvele yeh smriti mein laao ki sarva sambandhon ka sukh har roj baap daada se lekar auron ko bhi daan denge। har sambandh ka sukh lo। sarva sukhon ke adhikaari ban auron ko bhi banaao। aise adhikaari samajhne vaale sada baap ko apna saathi banaakar chalte hain। jo bhi kaam ho to saakaar saathi na yaad aave pahle baap yaad aave। sachcha mitra bhi to baap hain na,aise sachche saathi ka saath lo to sahaj hi sarva se nyaara aur pyaar ban jaayenge। ek baap se lagan hai to nashtomoha hain।

teachers se mulaakaat

jo sneh mein sada rahne vaali snehi aatmaayen hain, aise snehi aatmaon ko baap daada bhi sada sneh ka return dete hain - kis samay dete hain? amritvele vishesh। amritvele sahaj vardaan milta hai। vaise to saara din adhikaar hai phir bhi woh khaas samay hai woh baap hai। jaise vishesh time hota hai na ki is time par yeh cheez sasti milegi,season hoti hai na amritvela vishesh season hai isliye sahaj praapti hoti hai, sabhi teachers nirvighna ho na yog ka kila majboot karo, vishesh jab koi vighna kahaan aate hain to jaise antarraashtreey yog rakhte ho। vaise har maas sangathit roop mein chaaron or vishesh time par ek saath yog ka programme rakho। poora zone ka zone yogdaan den। jisse kila majboot hoga। koi bhi taar nahin kaat sakega। jitna seva badhaate jaayenge utna maaya apna banaane ki koshish bhi karegi to jaise koi kaarya shuru kiya jaata hai to shuddhi ki vidhiyaan ki jaati hai na to sarva shreshtha aatmaon ka ek hi shuddh sankalp ho vijayi,yeh ho gai shuddhi dvaara vidhi chaaron or ek saath kila majboot karo - to vijayi ho jaayenge। achha - om shanti।