Avyakt murli for Monday 19 November 1979

>

19-11-79om shanti avyakt baapdaadaamdhuban

behad ke vaanaprasthi arthaat nirantar ekaanta mein sada smriti swaroop

aaj baap-daada sarva bachchon ke bhaagya ke gun ga rahe the। baap bachchon ke bhaagya ki shreshtha rekhaaon ko dekh harshit hote hain। bhaagya ki shreshtha rekhaaon mein vishesh kya-kya baaten dekhi jaati hain। woh jaante ho? mukhya baat tithi arthaat taareekh, samay,vishesh grah,kul, dharma aur sampatti,sambandh aur occupation dekha jaata hai। in sab baaton se bhaagya ko dekhte hain।

sarvochcha bhaagyashaali

aap sabhi apni in sab baaton ko achhi tarah se jaante ho? aap sabki tithi kaun-si hai? aaj tak bhi apne bhaagya ko janma ki taareekh se ya raashi se dekhte hain। to aap sabki raashi aur taareekh kaun-si hai? janma ki taareekh kaun-si hai? aap sab kab avatrit hue? brahman kab avatrit hue?jo baap ke avatran ki taareekh hai woh aapki hai। brahma sahit brahman bhi paida hue। to jo aadi ratan hain unki taareekh kaunsi kahenge?baap ke avatran ki taareekh aadi ratnon ke janma ki taareekh hai। samay kaun-sa hai?yeh sangam brahma muhoorta ka samay hai। to sabhi ke janma ka samay hai - brahm muhoorta aur raashi kaun-si hai? laukik raashiyaan to bhinna-bhinna prakaar ki dikhaai hain lekin aap sabki raashi jo baap ki raashi hai vishwa-kalyaankaari,vahi aap sabki raashi hai। jis raashi mein sarva baap ke samaan gun samaaye hue hain। aur dasha bhi guroovaar ki dasha hai। kul bhi sarvashreshtha hai। direct eeshvar ke kul ke ho,eeshvareey kul hai। position-master sarvashaktivaan ho। sampatti-akhut aur avinaashi sampatti hai। dharma - brahman choti ke ho। buddhi ki line vishaal aur trikaaldarshi line hai। ab socho isse adhik bhaagya ki rekhaayen aur kisi ki shreshtha ho sakti hain। karma-rekha mein nirantar karmayogi,sahajyogi,raajayogi - yeh rekha baap ne spashta kheench li hai। bhaagya ke sitaaren mein taaj aur takhta dikhaai deta hai। isse shreshtha bhaagya aur kya hoga?

gudiyon ka anokha khel

aaj baap-daada sada sarva bhaagay ko dekh rahe the। jaise baap sarva ke bhaagya ko dekh harshit hote hain vaise aap sabhi svayan ke bhaagya ko dekh harshit hote ho? chhoti-chhoti baaton mein bhaagya ko bhool to nahin jaate?yeh chhoti-chhoti baaten kya hain? jaise bhakti vaalon ko kehte ho ki yeh pooja aadi gudiyon ki pooja hain, gudiyon ko khel khelte hain। janma bhi dete hain, sajaate bhi hain, poojte bhi hain, aur phir dubote bhi hain, to isko aap gudiyon ki pooja va gudiyon ka khel kehte ho। aise hi master bhaagya-vidhaata bachche bhi in chhoti-chhoti baaton ki gudiyon ko khel bahut karte hain। real baat nahin hoti lekin hisaab-kitaab chuktu hone ke liye va dhaarnaaon ka paper lene ke liye va apni sthiti ki checking hone ke liye yeh baaten jeevan mein naye-naye roop se aati rehti hain। nirjeev baaten,asaar baaten - lekin jab saamne aati hain,jaise woh jad moorti mein praan bhar dete hain aur itna vistaar bana dete hain vaise aap sabhi bhi kabhi eershya ki gudiya, kabhi vaham ki gudiya,kabhi anumaan ki gudiya, kabhi aavesh ki gudiya, kabhi rob ki gudiya,arthaat moorti banaakar baat roopi gudiya mein praan bhar dete ho?aur anubhav karte aur karaate ho ki yeh satya hai। yahi baat theek hai - yeh praan bhar dete ho। aur, phir kya karte ho?aap logon ka geet bana hua hai na - doob ja,doob ja…to kya karte ho?usi baat roopi moorti ko aage-peechhe ki smritiyon se khoob sajaate ho। saath-saath jaise woh bhog lagaate hain devi ko athva moorti ko vaise aap bhi kaun-sa bhog lagaate ho? gyaan ki pointas ulte roop se sochte ho arthaat bhog lagaate ho। yeh to hota hi hai, yeh to sabmen hota hai। drama anusaar purushaarthi hain, karmaateet to ant mein banna hai। isi prakaar ke gyaan ki bhinna-bhinna variety pointas roz bhog lagaate-lagaate mazboot kar dete ho,pakka kar dete ho। pahle kachche bhojan ka bhog lagaate phir pakka kar dete ho। aur phir un pointas ko arthaat bhog ko akele nahin khaate, apne saath-saath pande,kutumba bhi bithaate ho arthaat aur bhi parivaar ke saathi banaate ho,un ki buddhi ko bhi yeh bhojan sveekaar karaate ho। lekin ant mein kya karna padta hain, gyaan-saagar baap ki yaad mein beeti-so-beeti ke gyaan-saagar ki lahar mein,sva unnati ki lahar mein,high jump lagaane ki lahar mein, smriti swaroop ki smriti ki lahar mein, master naalezphul swaroop ki lahar mein,in anek lahron ke beech in gudiyon ko athva moortiyon ko dubona hi padta hai। lekin itne saare samay ko kya kahenge?is saare gudiyon ke khel ko,jaise bhakti vaalon ko kehte ho vesta aaph time aur mani, vaise hi sangam ka sarvashreshtha samay aur gyaan va shaktiyon ke khazaane ko itna vyartha kar dete ho। to yeh chhoti-chhoti baaten kya hui? gudiyon ka khel। is khel mein kabhi bhi apne ko vyasta mat karo। sada apne shreshtha bhaagya ko dekho।

vartamaan samay ke pramaan abhi vaanaprastha avastha ke sameep ho। vaanaprasthi gudiyon ka khel nahin karte hain। vaanaprasthi ekaanta aur sumiran mein hi rehte hain। to aap sab behad ke vaanaprasthi sada ek ke ant mein arthaat nirantar ekaanta mein sada smriti swaroop raho। yeh hai behad ke vaanaprasthi ki sthiti (baap-daada ne 3minute drill karaai) yeh sthiti achhi nahin lagti? jo cheez achhi lagti hai woh to sada yaad rehti hai। ab baap va aap kya chaahte ho? ek hi baat chaahte ho baap aur bachche samaan ho jaaen। sada yaad mein samaaye rahen। samaana nahin chaahte ho! samaan banna hi samaana hai। samjha? ki baap kya chaahte hain va aap kya chaahte ho?

yeh season swaroop dekhne ki hai ya sirf sunne ki hai! phir sunaayenge ki samay kya pukaar raha hai! bhakta kya pukaar rahe hain! dukhi, ashaanta aatmaayen kya pukaar rahi hain! dharma- netaayen,vaigyaanik,raajnaitik kya pukaar rahe hain! prakriti bhi kya pukaar rahi hai! sabki pukaar - he upkaari aatmaayen, sunne mein aati hain ya gudiyon ke khel mein hi busy ho? achha - phir sabki pukaar sunaayenge। aap log bhi kal amritvele sunna।

sada bhaagya ko sumiran karne vaale, sada baap ke samaan,yaad mein samaaye hue nirantar ekaantavaasi,har ghadi ko saphal banaane vaale saphaltaamoortta,bhakti ke khel samaapta kar master gyaan-saagar swaroop, smriti aur samarthi swaroop, aise padmaapdam bhaagyashaali bachchon ko baap-daada ka yaad pyaar aur namaste।

party se mulaakaat

maisoor - sabhi apne ko sarvashreshtha aatmaayen anubhav karte ho? kitni shreshtha aatmaayen ho jo svayan baap bachchon se milne ke liye apne vatan ko chhodkar aate hain। aadha kalpa gaaya ki apna vatan chhodkar aa jaao lekin yeh maaloom nahin tha ki kab aur kaise milega,sirf intazaar mein din bitaaye। abhi intajaar khatma hua aur sammukh milan mana rahe ho! aisa shreshtha bhaagya aur kisi ka hoga? svapna mein bhi aisa nahin socha hoga ki bhagwan se baaten karenge। toli khaayenge, baithenge aur abhi practical mein anubhav kar rahe ho। praapti ke aage yeh safar bhi kya hai? baap kitne bade safar se aate hain। baap ka sthaan door hai ya aap ka! jab khushi hoti hai to koi bhi thakaavat va takleeph mahsoos nahin hoti। raaste ke chaar din nirantar yogi ki stage hogi - kab milenge, kab pahunchenge,to nirantar yogi ho gaye na। yeh bhi kamaai ho gai na। brahman banna maana har kadam mein kamaai। kashta bhi kashta nahin hain lekin jaise gulaab ke pushpa ke saath kaanta bhi hota hai, woh kaanta unke bachaav ka saadhan hota hai। vaise yeh takleefen aur hi baap ki yaad dilaane ke nimitta banti hain। koi bhi prakaar ka jab dukh aata hai to naastik ke mukh se bhi - ‘he bhagwan’ nikalta hai। to duhkh bhi yaad dilaane ka saadhan hua na। sangam par koi kashta ho nahin sakta। is samay aap bachche baap ke sarva khazaanon ke adhikaari ho। baap ka khazaana kya hai? sukh,shanti,aananda,prem - yahi to khazaana hai na! to adhikaari aur khush na rahe,yeh ho kaise sakta hai। amritvele sada smriti ka tilak lagaao ki ham adhikaari hain। agar tilak laga hoga to sada harshit rahenge। tilak ko mitne nahin dena। maaya kitna bhi mitaane ki koshish kare lekin mitaana nahin to sada ‘avinaashi bhav’ ka vardaan milta rahega। silver jubilee mana rahe ho lekin golden ej ki sthiti mein rahkar silver jubilee manaao। achhi himmat rakhi hai। result bhi achhi hai। achhe bujurga, anubhvi aur mehanti bachche hain, achha certificate hai।

(videshi bhaai-bahnon se)

sabhi jaise sthool desh ke hisaab se foreigners ho vaise hi aatma roop se bhi sada apne ko foreign arthaat paramdham nivaasi samajh kar chalte ho? sadaiv yeh anubhav ho ki main aatma paramdham se avatrit hui hoon, vishwa-kalyaan ka kartavya karne ke liye। to is smriti se kya hoga?jo bhi sankalp karenge, jo bhi karma karenge, jo bhi bol bolenge, jahaan bhi nazar jaayegi,sarva ka kalyaan karte rahenge। yeh smriti light house ka kaarya karegi। us light house se ek rang ki light nikalti hai lekin yahaan sarva shaktiyon ke light house har kadam aatmaon ko raasta dikhaane ka kaarya karen। to sada is smriti mein raho taaki jo bhi saamne aae woh samjhe ki ham akhut khazaane ki khaan ke aage aaye hain। aane se hi aise mahsoos karen ki main aise sthaan par pahunch gaya hoon jahaan se sarva praaptiyaan honi hain। videshiyon ko aise chalte-phirte light house bankar seva karni hai। agar ek hi sthaan par itne light house ho jaayenge to kya result niklegi। sab vaah-vaah ke geet gaayenge। sadaiv ek chitra apne saamne rakho। jaise aap log chitra nikaalte ho jismen anguli se brahma bhi shivbaaba ki taraph ishaara kar rahe hain। aise aap sabka har karma,har sankalp baap ki taraph ishaara kare। to check karo ki mera sankalp ishaara karne vaala hai। jab sarva aatmaon ko baap ka ishaara mil jaayega to aap ke gun gaane lag jaayenge। jaise abhi aur-aur geet gaate hain na,vaise chaaron or sabhi saazon dvaara baap aur aapke gunon ka geet gaayenge। us samay kya scene hogi aur aap log kahaan honge? (madhuban mein) sab madhuban mein bhaag aayenge to bhakta kya karenge! us samay aap sabka saakshaatkaar hoga ki yeh baap-daada ke diltakhtansheen hain। us samay aap takhtansheen nazar aayenge tab saari duniya haay-haay karegi aur aap log unko vardaan denge। aisa saakshaatkaar apne aapko apna hota hai ki ham takhtansheen hain।

brahman arthaat adhikaari। to adhikaar lena hai va janma se hi adhikaari ho? baapdaada sabhi ko sadaiv takhta aur taajdhaari dekhte hain। takhta se utar aate ho kya?jo shreshtha aatmaayen hoti hain woh kabhi bhi bina galeeche ke neeche paanv nahin rakhteen। aap sabse bade-se-bade ho to takhta se neeche nahin paanv rakhna। takhta par hi khaate ho, peete ho, ghoomte ho,chalte ho itna bade-se-bada takhta hai। samjha,foreigners ka kya position hai। abhi foreigners ko jo seva di hai woh kahaan tak ki hai? speaker ki aavaaz kahaan tak pahunchi hai?kis speed se chal raha hai,kab aavaaz pahunchegi? 80 mein ya 81mein। jab sab taraph ke laaud speakers ki aavaaz yahaan pahunchegi tabhi kumbhakran jaagenge। chhoti aavaaz nahin bhejna badi bhejna। sabhi intazaar kar rahe hain। ki kab foreign ki aavaaz se bhaarat ke kumbhakran jaagte hain। abhi bulanda aavaaz karo। foreign service ki result achhi hai। abhi aage kya karna hai? (plan sunaaya) plan to achha hai,yeh to karenge hi lekin abhi aisa koi vaataavran banaao jo vaataavran chumbak jaisa kaarya kare। chaaron or phail jaae ki agar shanti,sukh ya prem chaahiye to yahaan se mil sakta hai। edvartaaizmenta ho jaae। aajkal vaani ki bajaay vibrations se praapti karne ke ichchhuk jyaada hain। speech karo lekin uske pahle aise vaataavran ki aavaaz zaroor phailaao। sabhi anubhav karen - jaise pyaase ki pyaas paani se bujh jaati hai aise aatmaon ki shanti, sukh ki pyaas bujh jaae। jaise sthaapna ke shuru mein ek din bhi koi satsang mein aa jaate the to pahle din hi kuchh-na-kuchh anubhav karke jaate the। jo aadi mein woh ant mein ivastaar ke roop mein hona hai। aisa kuchh vaataavran banaao। woh tab hoga jab aap sabhi nirantar is sthiti mein sthit rahenge। phir soorya ki kirnon ke muaaphik sab anubhav karenge। sabki nazar jaayegi ki yeh kahaan se kirnen aa rahi hain। aisa abhi purooshaartha karna। sabhi refresh to bahut ho rahe ho, aise refresh hue ho jo aneko ko refresh karte hue sada refresh rahen। is baari vishesh ek shabd par double andar line karke jaana। woh kaun sa? nirantar। chaahe sankalp chaahe bol lekin - ‘nirantar’shabd ko double andar line karke jaana। yaad ki yaatra mein nirantar,gyaan swaroop mein nirantar, dhaarna mein nirantar,seva mein bhi nirantar। chaaron sabjektas mein nirantar ko double andar line karke jaana। samjha -yeh ek shabd vardaan ke roop mein le jaana।

plan lambe nahin banaao lekin practical ke jaldi ke banaao, uske liye yahi ishaara hai apna tan-man-dhan shaktiyaan jitna jaldi use karenge utna phaayda hai। abhi samay hai, phir tu-let ho jaayenge। karne ke liye date ka intazaar nahin karo, kal bhi nahin, aaj bhi nahin abhi karo। kyonki agar date bataayenge to bahut samay ka jama nahin hoga - date ka jama hoga। phir date ki intazaar mein chale jaayenge intazaam kam karenge। date conscious ho jaayenge। soul conscious nahin rahenge।

har area mein sandesh pahunchaane ki koshish karo jisse koi ulaahna na den ki humein pata nahin hain। service karte jaao to sab aape hi offer karenge ki yahaan centre kholo।

prashn - samparka aur seva donon mein saphal banne ke liye mukhya kaun si dhaarna chaahiye?

uttar -saphalta tabhi milegi jabki sadaiv svayan ko mould karne ki qualification hogi। agar svayan ko mould nahin kar sakte to golden ej ki stage tak pahunch na sakenge। jaisa samay jaise sarakmastansij (Circumstance) hon usi pramaan apni dhaarnaaon ko pratyaksha karne ke liye mould hona pade। mould hone vaale hi real gold hain। agar mould nahin hote to real gold nahin hain। jaise saakaar baap ki visheshta dekhi - jaisa samay, jaisa vyakti, vaisa roop। to sada saphaltaamoortta ke liye vishesh yeh qualification chaahiye।

prashn - ek dharma ek raajya aur ek bhaasha,aisi duniya kab sthaapan hogi?

uttar - jab sab braahmanon ki sthiti ekras ho jaayegi। ekras sthiti arthaat ham sab ek hain। ek baap ke bachche hain। sarvashreshtha aatmaayen। bhale sthool desh bhinna-bhinna hain, yeh shareer ke desh hain lekin aatmaon ka desh ek hi hai। harek ki ekras sthiti ban jaae to bahut jaldi ek raajya, ek bhaasha, aisi duniya sthaapan ho jaaegi। jab se brahman bane to yahi ek sankalp dhaaran kiya hai ki aisa raajya sthaapan karke hi chhodenge। aisa jahaan sab ek hi ek hoga,sthaapan karne ke liye sthiti bhi ekras chaahiye।

prashn - nirantar yogi banne ka sahaj saadhan kya hai?

uttar - sada diltakhtansheen banne se svatah hi nirantar yogi ban jaayenge। vartamaan samay baap dvaara jo taaz aur takhta mila hai usko sada kaayam rakho। abhi ka taaz va takhta anek janmon ke liye taaz va takhta praapta karaata hai। vishwa-kalyaan ki zimmevaari ka kaarya bhoolna arthaat taaz ko utaarna। taaj utarta to nahin hai na! takhta hai - baap ka diltakhta। jo sada baap ke diltakhtansheen hain woh nirantar svatah yogi rehte hain, mehnat ki koi baat hai hi nahin। kyonki ek to sambandh bada sameep hai to mehnat kaahe ki। doosre praapti akhut hai, jahaan praapti hoti hain vahaan svatah yaad hoti hai। aise svatah aur sahaj yogi ho ki mehnat karni padti hai।

teachers se -teachers arthaat sada apne features dvaara baap ke gun pratyaksha karne vaali। har karma se, har samay baap ke gun apne karma dvaara pratyaksha karen - aise hi ho na। jo bhi dekhe woh yahi kahe ki inko sikhaane vaala unse param shikshak kaun?aapko dekhte hi baap ki yaad aa jaae। aapka har karma baap ki taraph ishaara karne vaala ho। teacher arthaat svayan aur sarva ke prati vidhna vinaashak। chhoti-chhoti baaton ke peechhe samay na ganvaane vaali। aisi teachers hi baap ko pratyaksha kar sakti hain। !