Avyakt murli for Wednesday 9 January 1980

>

09-01-1980 om shanti avyakt baapdaada madhuban

"alaukik dress aur alaukik shrringaar"

aaj baap-daada vishesh chaaron or ke bachchon ki ramneek rangat dekh rahe the। jisko dekh muskara bhi rahe the aur kahin-kahin vishesh hansi bhi aa rahi thi। woh kaun-si rangat thi? baap-daada dekh rahe the ki sangam yugi, sarva shreshtha heere tulya yug ke vaasi aur sarva shreshtha baap-daada ke bachche, eeshvareey santaan, brahman kul ki shreshtha aatmaon ko va laadle, sikeeldhe bachchon ko baap-daada ne vishesh saare din ke liye bhinna-bhinna prakaar ki dress aur shrringaar, saath-saath baithne ke sthaan va aasan kitne shreshtha diye hain। jo jaisa samay vaisi dress aur vaisa hi shrringaar kar sakte hain। satayug mein bhinna-bhinna draisej aur shrringaar change karenge lekin sanskaar to yahaan se hi bharne hain na। brahma baap ne sangamayug ki bhinna-bhinna draisej aur shrringaar se brahman bachchon ko sajaaya hai। lekin ramneek rangat kya dekhi? jo itni sundar draisej aur sajaavat hote hue bhi koi-koi bachche puraani dress, mitti vaali maili dress pahan lete hain।

jaisi dress vaisa shrringaar

amritbele ki dress aur shrringaar jaante ho? saare din ki bhinna-bhinna dress aur shrringaar jaante ho? baap-daada dvaara bhinna-bhinna titles bachchon ko mile hue hain। to bhinna-bhinna titles ki sthiti roopi dress aur bhinna-bhinna gunon ke shrringaar ke set hain। kitne prakaar ki draisej aur set hain। jaisi dress vaisa shrringaar ka set aur aise hi saje-sajaaye seat par sada set raho। apni draisej ginti karo ki kitni hain? usi title ki sthiti mein sthit hona arthaat draisej ko dhaaran karna। kabhi vishwa-kalyaankaari ki dress pahno,kabhi master sarva shaktivaan ki aur kabhi svadarshan chakradhaari ki। jaisa samay jaisa karttavya vaisi draisej dhaaran karo। saath-saath bhinna-bhinna gunon ke shrringaar karo। yeh bhinna-bhinna shrringaaron ke set dhaaran karo। haathon mein, gale mein, kaanon mein aur mastak mein yeh shrringaar ho। mastak mein yeh smriti dhaaran karo ki `main aananda swaroop hoon' - yeh mastak ki chindi ho gai। mukh dvaara arthaat gale mein bhi aananda dilaane ki baaten hon - yeh gale ki maala ho gai। haathon dvaara arthaat karma mein aananda swaroop ki sthiti ho - ye haathon ke kangan ho gae। kaanon dvaara bhi aananda swaroop banne ki baaten sunte rehna,yeh kaanon ka shrringaar hai। paanv dvaara aananda swaroop banaane ki seva ki taraph paanv hon arthaat kadam-kadam aananda swaroop banne aur banaane ko hi uthe yeh paanv ka shrringaar hai। ab ek set samajh liya? poora hi set dhaaran kar liya? aise alag-alag samay par alag-alag set dhaaran karo। set dhaaran karna to aata hai na?ya kaanon ka pahnenge to gale ka chhod denge। vaise bhi aajkal ki duniya mein set pahanne ka rivaaj hai। to aapke itne shreshtha shrringaar ke set hain! woh dhaaran kyon nahin karte ho?pahante kyon nahin ho। itni sab bhinna-bhinna prakaar ki sundar draisej chhodkar deh abhimaan ke smriti ki mitti vaali dress kyon pahante ho?

anokha dairas competition

aaj drais aur shrringaar ki competition dekhi ki kaun-se bachche saara din saje-sajaaye rehte hain aur kaun-se bachche drais badalne aur pahanne utaarne mein hi lag jaate hain। abhi-abhi ek drais dhaaran karenge aur abhi-abhi woh drais utaarkar ghatiya drais pahan lenge, jyaada samay shreshtha sundar drais pahan hi nahin sakte। to kya dekha?koi-koi bilkul badbu vaali dress bhi pahan lete hain। kaun-si badbu?deh ke sambandh aur deh ke padaartho ke lagaav ki badbu vaali drais jo door se hi badbu aati thi। koi gande chamde ki drais pahne hue the arthaat criminal aai ki, chamdi ko dekhne ki,aisi gandi chamdi ki drais bhi pahne hue the। kisi ki drais par gande daag bhi lage hue the। gande daag arthaat auron ke avgun arthaat daag ko apne mein dhaaran karna। to gande-gande daag vaali drais bhi thi। kisi ki drais to bahut kharaab khoon ke daago ki thi। woh kyon thi? baarbaar vikarma karna arthaat aatma-ghaat karna। aatma ki shreshtha sthiti ka ghaat karna, aisi drais vaale bhi the। ab socho kahaan sundar titles ke sthiti ki drais aur kahaan ye gandi drais। shreshtha aatmaon ki drais bhi shreshtha chaahiye। to kya dekha? koi-koi bachche saara din usi shreshtha drais mein, shrringaar ke set dhaaran karke seat par achhi tarah set the aur koi badhiya drais dhaaran karte hue bhi,saamne hote hue bhi dhaaran karna chaahte hue bhi dhaaran kar nahin sakte the। to amritvele se shreshtha shrringaar ka set dhaaran karo। jab shreshtha titles ki drais pahnenge, gunon ka shrringaar dhaaran karenge to jaise satayug mein vishwa mahaaraaja va vishwa mahaaraani ki raajaai drais ke peechhe daas-daasiyaan drais ko uthaate hain, vaise ab maayaajeet sangamayugi svaraajya adhikaareeyon ke titles roopi drais mein sthit hone ke samay ye 5 tatva,ye 5vikaar aapki drais ko peechhe uthaayenge arthaat adheen hokar chalenge।

takhte ko chhod takhta-nasheen ho jaao

to yeh drishya apna saamne laao ki kaise maayaajeet ke peechhe yeh raavan ke das sheesh, 10sevaadhaari ban karke peechhe chalenge। lekin jab drais se tight honge aur nirantar arthaat lambi-chaudi hogi tab woh 10 servant aapke peechhe-peechhe uthaate aayenge। aajkal ke raaje-raaniyaan bhi yeh choga bada lamba-chauda pahante hain jo utha saven। agar nirantar ki lambaai nahin hogi, titles mein tight nahin honge to yahi sevaadhaari drais utaar denge kyonki loose hogi na। to ab dridh sankalp se titles ki drais ko tight karo। dridh sankalp hai belt। isse tight karo to sada safe rahenge aur sada sevaadhaari adheen rahenge। sunaaya tha na ki vikaar parivartan ho sahayogi, sevaadhaari ho jaayenge। abhi drais pahanna aa gaya। tight karna bhi aa gaya। jis samay jo drais chaaho woh pahno। lekin gandi drais nahin pahanna। variety drais aur variety shrringaar ka laabh uthaao। brahma baap va baapdaada ne sangam ka dahej diya hai, lav marriage ki hai to dahej bhi milega na। to dahej hai yeh variety shrringaar ke set aur sundar drais। baap-daada ka dahej chhod ke puraana dahej use nahin karo। kai bachche aise karte hain jo baap-daada ka dahej bhi zaroor lenge va liya bhi hai lekin saath mein puraani drais bhi chhipaakar rakhi hai। isliye kabhi use bhi dhaaran kar lete hain। jab puraana lagaav lag jaata hai to puraani drais pahan lete hain। amoolya drais ko chhod phati-tooti drais pahan lete hain to aise mat karna। ab tak bhi chhipaakar rakha ho to jala dena hai। aur jalaakar ke raakh bhi apne paas nahin rakhna। woh bhi saagar mein svaaha kar dena to sada saje rahenge aur baap ke saath diltakhtansheen rahenge। takhta se utrenge to phaansi takhta aa jaayega। kabhi lobh ka kabhi moh ka। to phaansi ke takhte ko chhod takhtansheen ho jaao। dahej sambhaala hua hai na। use karo। dahej sirf rakh na do। sirf dekhte raho bahut achha hai, bahut achha hai। lekin dhaaran karo। aur dress competition mein first number aa jaao। sunaaya na number hai nirantar ke oopar। dress pahanni to sabhi ko aati hai, lekin dress sada tip-top rahe yeh nahin aata hai। to sada saje-sajaayen ka number hai। competition mein foreign vaale number one lenge ya bhaarat vaale lenge। jitna chaahen utna le sakte hain। vahaan to prize ke kaaran ek ko hi first number milta। yahaan to bahuton ko first number bana sakte hain,yahaan akhut khazaana hai isliye jitne bhi first aayenge unko first prize mil jaayegi। achha, kal se kya karenge?

amritbele se lekar bhinna-bhinna dress aur shrringaar ke set se saj-dhaj kar saara din baap ke saath rehna। amritbele se hi first number ki dress pahanna। aisi saji hui sajniyon ko hi saath le jaayenge। auron ko nahin। jo competition mein first number aayenge ve hi saath rahenge aur saath chalenge। jo rahenge nahin woh chalenge bhi nahin। to sada yeh slogan yaad rakho arthaat yeh tilak lagaana - ``saath rahenge saath chalenge''। samajhte ho na competition mein kitna achha lagta hoga। baap, brahma baap ko vatan mein yeh dikhaate rehte hain। bachchon ki yaad to brahma baap ko bhi rehti hai। to bachchon ka haal-chaal dikhaate rehte hain।

aisi sada saji-sajaai moorta, sangamayugi shreshtha jeevan ke mahatva ko jaanne vaali mahaan aatmaayen, dushman ko bhi sevaadhaari banaane vaale,sahayogi banaane vaale,aise master sarvashaktivaan,sada baap aur aap, is vichitra yugal roop mein rahne vaale, aisi param poojya aur gaayan yogya aatmaon ko baap-daada ka yaad-pyaar aur namaste।

“shiv jayanti mahotsav dhoom-dhaam se manaane ke liye avyakt baap-daada ka vishesh plan”

abhi seva ke achhe chance aa rahe hain। saakaar aur niraakaar donon ko pratyaksha karne ka samay sapeep aa raha hai। ismen kya naveenta karenge? har function mein koi-na-koi naveenta to karte ho na। to is shivraatri par vishesh kya karenge?

1. jaise pichhli baari light and sound ka sankalp rakha to harek ne apne-apne sthaan par yathaashakti kiya। shivraatri par jaise geeta ke bhagwan ko siddha karne ka lakshya rakhte ho na, lekin kataaksha karte ho to logon ko samajh mein nahin aata hai। iske liye is baar shivraatri ke din do chitron ko vishesh sajaao - ek niraakaar shiv ka, doosra shreekrishna ka। vishesh donon chitron ko aise sajaakar rakho jaise kirnon ka chitra banaate ho na। shiv ka bhi kirnon vaala chitra sajaaya hua ho aur shreekrishna ka bhi kirnon ka chitra sajaaya hua ho। vishesh donon chitron ki aakarshan ho। krishna ke chitra ki mahima alag aur shiv ki mahima alag। kataaksha nahin karo lekin donon ke antar ko siddha karo। stage ka vishesh show yeh do chitra hon। jaise koi bhi conference aadi karte ho to conference ka symbol sajaakar rakhte ho,phir uska anaavran karaate ho। aise shivraatri par koi bhi vi.aai.pi. dvaara in donon chitron ka anaavran karaao aur unhein thode mein pahle uska antar spashta kar sunaao। phir sabha mein bhi isi topic par jis samay shiv ki mahima karo to bhaashan ke saath-saath chitra bhi rakho। bhaashan karne vaale saath-saath chitra dikhaate jaaen। yeh ye hain - yeh ye hain। to sabhi ka attention jaayega। pahle antar sunaakar phir unko kaho ab aap judge karo ki rachayita kaun aur rachta kaun?to geeta ka gyaan rachayita ne diya ya rachna ne? to is shivraatri par in do vishesh chitron ka mahatva rakho।

2. jaise pichhli baari light and sound ki tape mein komentri bhari hui thi vaise nahin lekin programme ke beech mein shivbaaba ka saja hua light ka chitra saamne laao aur saamne rakhte hue sab light banda kar do,us chitra ki light hi ho phir dheere-dheere direct us samay baap ki mahima karte jaao। mahima karte unko bhi mahima mein lete chalo। mahima sunaate hue anubhav karaao। shanti ka saagar kaho to shanti ki lahar phail jaae। jo bhi gun varnan karo uski lahar phail jaae। us samay sab light banda honi chaahiye। sirf ek us chitra ki taraph sabka attention ho। dheere-dheere aise anubhvi moorta hokar mahima karo। jaise saath mein liye ja rahe hain। shanti ka saagar kaha to jaise usi saagar mein sab naha rahe hain, aisa anubhav karaao। jaise yog ki komentri karte ho dheere-dheere vaise unko lakshya dekar usi reeti se bithaao to ek attention jaayega aur doosra antar ka maaloom pad jaayega। kat karne ki jaroorat nahin hogi। svatah hi siddha ho jaayega।

3. har function mein yog shivir ke programme ka announce zaroor karo। chaahe ek din ka function karte ho lekin yog shivir ke form zaroor bharaao। yog shivir ke form ka vishesh table bana hua ho usmein nazdeek sthaan ke liye form bharaao। to jo peechhe yog shivir karne aayenge woh samparka mein aa jaayenge। yog shivir ke form bharaakar peechhe bhi unka samparka banaate raho। koi bhi programme karo usmein yog shivir ko vishesh mahatva do।

4. jo bhi chance milte hain aur jo bhi samparka mein aaye hain, ya koi vighnon ke kaaran bhaaganti ho chale gaye hain, unko aise mauke par vishesh nimantran do। jo apni kamzoriyon ke kaaran peechhe rah gaye hain unko sneh se aage badhaana chaahiye। aise programme se unmein bhi jaagriti aayegi। umang mein aa jaayenge।

serviceable bachchon ke prati baap-daada ke madhur mahaavaakya –

serviceable bachchon ki mahima to bahut mahaan hai। kyonki baap samaan hain na। baap bhi bachchon ki service karne aate hain aur aap bhi nimitta ho to samaanta ho gai na। samaan vaale ki mahima hoti hai। samaan vaala hi sada saath rah sakta hai। samaan nahin hoga to saath bhi nahin hoga। `baap samaan arthaat sada svamaan mein rahne vaale'। jaise baap apne svamaan ko kabhi bhoolta hai kya? to baap samaan arthaat sada svamaan mein rahne vaale। aise ho?sada baap aur seva - yeh donon hi aise smriti mein rehte hain jaise shareer ki smriti svatah hi rehti hai। yaad karna nahin padta lekin svatah yaad rehti hai। aise baap ki yaad aur seva bhi svatah yaad rahe। agar aap bhi mehnat karke yaad mein raho to auron ko sahajyogi kaise banaayenge। serviceable bachchon ki qualification hai hi - `sahajyogi',svatah yogi।

baby nahin, beebi

abhi samay ke pramaan mehnat samaapta honi chaahiye। agar abhi bhi mehnat ka anubhav ho ya kyon, kya ka question ho to apni duty ko baja nahin sakte ho। kyon, kya karna arthaat queue mein khada hona। agar svayan hi queue mein honge to auron ko tripta aatma kaise bana sakenge। khud hi lene vaale honge to daata kaise banenge?sevaadhaari arthaat dete jaao aur saath mein lete jaao। jo svayan hi kyon, kya vaale hain woh to bhikhaari ke muaaphik maangane vaale honge। shakti dena, sahayog dena, main yeh kaarya kar rahi hoon, aap saphalta dena,yeh arja bhi royal bhikhaareepan hai। jo svayan bhikhaariyon ki queue mein honge woh auron ko daata bankar kaise de sakenge! ab bachpan khatma hua। bachpan mein sab chhoot thi, rona bhi chhoot, feeling bhi chhoot, sankalpon ki bhi chhoot mil gai, lekin abhi nahin। abhi to vaanaprastha tak pahunch gaye ho na। bachpan ki baaten vaanaprastha mein nahin rehti। ismen kyon,kya nahin। kyon, kya karne vaale arthaat baby quality। jo baby honge woh beebi nahin banenge। ab to miyaan aur beebi ka sauda hai। abhi bebeepan khatma hua। baap-samaan ban gaye to beebi aur miyaan ban gaye। chhote bachche ko samaan nahin kahenge। jab bachcha bada ban jaata hai ya baap ban jaata hai tab samaan kaha jaata hai। to abhi baby quality khatma।

sab-kuchh apna hai ya kuchh apna nahin

sanskaar milte nahin, yeh bhi sankalp na aaye। milaane hi hain। milte nahin, yeh kaun bolta hai?yeh badalta nahin, sunta nahin, yeh na-na ya nahin-nahin ki bhaasha kiski hai? ab to hona hi hai। haan ji। `na' shabd samaapta। to sabhi haanhaan vaale ho na। abhi behad ke bano,had ko chhodo। sunaaya tha na,koi zone ka bhi head hai to yeh bhi had hui। nakshe ke andar dekho aapka zone kya hai? bindi। to had ho gai na। abhi phalaane sthaan ke hain,yeh bhi nahin। phalaane sthaan par hi theek hain,yeh bhi nahin। behad ke maalik banna hai ya ek sthaan ka? aisa nahin, thoda-sa sthaan parivartan ho to sthiti parivartan ho jaae। abhi bhejenge yahaan vahaan,taiyaar ho?foreign bhejen ya kisi bhi sthaan par bhejen lekin ever ready। desh mein bhejen ya videsh mein। jab jaana hota hai to shakti aape hi mil jaati hai। to kal se sabhi ko change karen?achha - nai bulletin nikaalen phir nahin kehna abhi taiyaar hone ke liye ek saal aur do, sirf 4 maas do, do maas do, aise to nahin kahenge na । himmat hai? apna hai hi kya। agar apna hai to sab,apna hai,nahin to kuchh apna nahin। jo baap ka woh apna। baap ka behad hai aapka bhi behad। sab hamaare hain, isko kehte hain behad। sabhi bachchon ko sada vishesh sahayog dete hi rehte hain kyonki jo seva mein nimitta bane hue hain to vishesh sevaadhaariyon ko vishesh sahayog sada praapta hota hi hai। vishesh kaarya vaale to pahle yaad aayenge na। laukik reeti se bhi koi history ko yaad karo to history mein bhi kaun pahle aata hai? jo vishesh hoga vahi yaad aayega na। sangamayug ki history mein bhi jo jitna vishesh sevaadhaari hain woh vishesh aatma hai। to baap-daada jab bhi yaad karenge to pahle-pahle woh svatah hi yaad aayenge। yaad karo, yeh kahne ki jaroorat hi nahin। sirf vishesh yaad ka return lene vaale bano। baap sabko yaad ka return dete hain lekin lene vaale kabhi-kabhi albelepan ke kaaran lete nahin hai। baap ke paas jo bhi hai, woh dene ke liye hain, to baap sabko dete hain, lene vaale nambarvaar hain।