Avyakt murli for Wednesday 18 March 1981

>

18-03-81om shanti avyakt baapdaada madhuban

"mushkil ko sahaj karne ki yukti ‘‘sada baap ko dekho"

aaj vishesh london nivaasiyon se milne aaye hain। milne ka arth hai - baap samaan banna। jab se baap se mile to baapdaada ne kya ishaara diya? bachche,aap sab shreshtha aatmaayen baap samaan sarva gunon mein, sarva praaptiyon mein master ho। baap se bhi shreshtha baap ke sir ke taaj ho। jo pahle-pahle ishaara mila usi ishaare pramaan baap samaan master sarvashaktivaan,master sarvagun sampanna bane ho? jab abhi baap samaan bano tab hi bhavishya mein vishwa raajya-adhikaari devta ban sakte ho। baap samaan kahaan tak bane hain yeh checking karte rehte ho?ek-ek gun,ek-ek shakti ko saamne rakhte hue apne mein check karo ki kitne percent mein gun va shakti swaroop bane hain। yeh follow karna to sahaj hai na। baapdaada saamne example hain। niraakaari roop mein aur saakaar roop mein donon hi roop mein baap ko dekh follow karte chalo। vaise bhi kahaavat hai jaisa baap vaise bachche aur san shows father bhi gaaya hua hai। baap aur bachche ka sambandh hi hai follow father karne ka। mushkil hai nahin,lekin bana lete ho। kyonki agar mushkil ho to sada hi mushkil lagna chaahiye। koi ko sahaj lagta koi ko mushkil lagta। yeh kyon? abaur kabhi usi ko sahaj lagta - kabhi mushkil lagta। yeh kyon? isse kya siddha hota hai? chalne vaale ki koi kamjori hai jo mushkil lagta hai।

baap ki mahima hai jo abhi tak bhakta bhi gaate hain, saath-saath aap mahaan aatmaon, poojya aatmaon ki bhi vahi mahima hai। yaad hai woh kaun-si mahima hai? koi bhi mushkil kaarya aatmaon ke oopar aate hain to kiske paas jaate hain? ya baap ke paas ya aap dev aatmaon ke paas। jo auron ki bhi mushkil ko sahaj karne vaale hain woh svayan mushkil anubhav kaise karenge?mushkil anubhav karne ke samay vishesh kaun-si baat buddhi mein aati hai jo mushkil bana deti hai? bahut anubhvi ho na।‘‘baap ko dekhne ke bajaae baaton ko dekhne lag jaate ho। baaton mein jaane se phir kai question utpanna ho jaate hain। agar baap ko dekho,jaise baap bindu hai vaise hi har baat ko bindu laga do। baaten hain vriksha, aur baap hai beej। aap vistaar vaale vriksha ko haath uthaane chaahte ho is liye na baap haath mein aata, na vriksha। baap ko bhi kinaare kar dete ho aur vriksha ke vistaar ko bhi apni buddhi mein sama nahin sakte ho। to jo chaahna rakhte ho woh na poori hone ke kaaran dilshikasta ho jaate ho। dilshikasta ki mukhya nishaani hogi - baar-baar kisi na kisi paristhiti ki,chaahe vyakti ki shikaayten hi karte rahenge। aur jitni shikaayten karte utna hi khud aapehi phansate jaate। kyonki yeh vistaar ek jaal ban jaata hai। jitna hi phir usse nikalne ki koshish karte hain utna phansate jaate। yeh hogi baaten ya hoga baap। baaten sunna aur baaten sunaana yeh to aadha kalpa kiya। bhakti maarga ka bhaagvat ya raamaayan kya hai? kitni lambi baaten hain। jab baaten thi to baap nahin tha। ab bhi jab baaton mein jaate ho to baap ko kho lete ho। phir kaun-sa khel karte ho? (okh michauni ka)'teesre netra ko patti baandhakar aur dhoondhate ho। baap bulaata rehta aur aap dhoondhate rehte। aakhir kya hota? baap svayan hi aakar svayan ka saath dilaate। aisa khel kyon karte ho? kyonki baaton ke vistaar mein rang birangi baaten hoti hain, woh apni taraph aakarshit kar leti hain। usse kinaara ho jaae to sada sahaj yogi ho jaaen। london nivaasi to mushkil ka anubhav nahin karte hain na?

apne aapko busy rakhne ka tareeka seekho। na samay hoga na vistaar mein jaayenge। jaise jab koi vishaal programme rakhte ho aur bahut busy hote ho us samay kuchh bhi hota rahe aap usse kinaare hote ho। seva ki hi dhun mein lage hue hote ho। khaane va sone ka bhi khyaal nahin rehta। aise vishwa-kalyaankaari aatmaayen sada vishaal kaarya ka plan emerge rakho। itna vishaal kaarya apni buddhi ko do jisse phursat hi nahin ho। apni buddhi ko busy rakhne ki daily diary banaao। isse sada sahjayog ka svatah anubhav karenge।

varnan karte ho ‘sahaj raajayog', yeh to nahin kehte ho - kabhi sahaj yog kabhi mushkil yog। to jaisa naam hai usi swaroop mein sab bachchon ko baapdaada dekhne chaahte hain। master sarvashaktivaan banne ke baad bhi mushkil anubhav karenge to sahaj kab hoga? ab nahin to kab nahin। iske liye aapas mein programme banaao।

london party -ek-ek ratan ati priy aur amoolya hai। kyonki harek ratan ki apni-apni visheshta hai। sarva ki visheshtaaon dvaara hi vishwa ka kaarya sampanna hona hai। jaise koi sthool cheez bhi banaate hain, usmein agar sab cheejen na daalo, saadhaaran meetha ya namak bhi na daalo to chaahe kitni bhi badhiya cheez banaao lekin woh khaane yogya nahin ban sakti। to aise hi vishwa ke itne shreshtha kaarya ke liye harek ratan ki aavashyakta hai। sabki anguli chaahiye। chitra mein bhi sabki anguli dikhaate hain na। sirf mahaarthiyon ki nahin, sabki anguli se hi vishwa parivarttan ka kaarya sampanna hona hai। sab apni-apni reeti se mahaarthi hain। baapdaada bhi akele kuchh nahin kar sakte। baapdaada bachchon ko aage rakhte hain, nimitta aatmaayen bhi sabko aage rakhti hain। to sabhi bahut-bahut aavashyak aur shreshtha ratan ho। baapdaada ke sveekaar kiye hue ratan ho। yaadgaar mein to dikhaate hain - bhagwan ki patthar par bhi najar pad jaae to patthar bhi paaras ban jaata hai, aap to unke sveekaar kiye hue shreshtha ratan ho। apne kaarya ki shreshthata ki moolya ko jaano। shaktiyon ka apna gaayan hai aur paandavon ka apna। to aap sab mahaan aatmaayen ho। mahaan aatma ki nishaani kya hai? jo jitna mahaan hoga utna nimaarkan hoga। mahaan aatmaayen sada apne ko obedient servant hi anubhvi karti hain। aisa hi group hai na। shakti bhavan ki shaktiyon ko to apna shakti swaroop svatah yaad rehta hoga?sthaan se sthiti bhi yaad aati hai। shakti ki visheshta hai maayaajeet। shakti ke aage kisi bhi prakaar ki maaya aa nahin sakti,kyonki shakti maaya ke oopar savaari karti hai। shaktiyon ke haath mein sada trishool dikhaate hain। yeh kiski nishaani hai? trishool stage ki nishaani hai। sangamayug ke jo title hain - master trimoorti,trinetri,trikaaldarshi,trilokeenaath,yeh sab sthiti ki nishaani is trishool mein aa jaati hain। to yeh stage smriti mein rehti hain? ‘nirantar'ko underline karo। bahut achha bhaagya banaaya hai jo vishwa ke vaayumandal se kinaare kiya। baapdaada bhi bachchon ke bhaagya ko dekh khush hote hain।

2. sada apne ko poojya aatmaayen samajhkar chalte ho?poojya aatmaayen arthaat mahaan aatmaayen। mahaan banne ki visheshta hai - sada apne ko mejmaan samajh chalna। jo mejmaan samajhkar chalta hai vahi mahaan poojya ban jaata hai। kyon? kyonki tyaag ka bhaagya ban jaata hai। mejmaan samajhne se apne deh roopi makaan se bhi nirmohi ho jaate। mejmaan ka apna kuchh nahin hota, kaarya mein sab vastu lagaayenge lekin apnepan ka bhaav nahin hoga, isliye nyaara bhi aur sarva vastuon ko kaarya mein laane vaala pyaara bhi। aise mejmaan samajhne vaale pravritti mein rehte, seva ke saadhnon ko apnaate, sada nyaare aur baap ke pyaare rehte hain। aise mahaan ho na?mejmaan samajhte ho na? aaj yahaan hain kal chalenge apne ghar। phir aayenge apne raajya mein। yahi dhun lagi hai na? isliye sada deh se upraam। jab deh se upraam ho jaate hain to deh ke sambangha aur vaibhvon se upraam hue hi pade hain। yeh upraam avastha kitni pyaari hai! abhi-abhi kaarya mein aaye, abhi-abhi upraam। aisa anubhav hain na?aapke jad chitra poojya roop mein mandiron mein rakhte hain, lekin bhakti mein bhi sangam ki upraam stage ki parampara chali aati hai। mandir lakshmi naaraayan ka, lekin lakshmi-naaraayan apna samjhenge?upraam hain na?jad chitra jo poojya bante hain unhon mein bhi apnaapan nahin to chaitanya poojya aatmaayen unmein bhi sada mejmaan vritti। jitni mejmaan ki vritti rahegi utni pravritti shreshtha aur stage oonchi rahegi। london nivaasi naam maatra kaha jaata hai, lekin hain sab ‘mejmaan'। aaj yahaan hain kal vahaan honge। aaj aur kal - do shabdon mein saara chakkar smriti mein aa jaata। aisi mahaan aatmaayen poojya ho na?london nivaasi yon ka nishchay aur umang bahut achha hai। kamjor aatmaayen nahin hain। vighna aaya aur paar kiya। bakriyaan nahin hain, sab sherniyaan hain। bakreepan arthaat main-main pan khatma। shakti sena ka jhanda achha bulanda hai। ek-ek shakti sarvashaktivaan baap ko pratyaksha karne vaali hai। jab shakti sena maidaan mein aa jaayegi tab jay-jaykaar hogi। pahle jay-jaykaar ka naara kahaan bajega?london mein ya America mein? baapdaada sada snehi bachchon ko amritbele mubaarak dete hain। ‘‘vaah mere bachche, vaah''!yeh geet gaate hain। geet sunne aata hai?

teachers ke saath - yeh london ki seva shrringaar hai। jaise london ke museum mein raani ka shrringaar rakha hai na। vaise baapdaada ke bhi museum mein baapdaada ki seva ke shrringaar ho। sada mahaan aur sada nimaarkan। yahi visheshta svayan ko bhi mahaan banaati hai aur seva ko bhi mahaan banaati hain। sanskaar milaane mein to hoshiyaar ho na? jaise sthool mein agar kisko haath paanv chalaane nahin aate to doosre saathi kya karte? haath mein haath mein mila kar saath de karke unko sikha dete hain। to aap bhi kya karti ho?aage badh sahayogi ban sah- yog ka haath de, sanskaar milaane ki dance sikhaati ho na? ismen to number one ho na? isi visheshta ke aadhaar par, jo sabse jyaada sanskaar milaane ki dance karta,baap ka sahayogi banta vahi first janma mein shreekrishna ke saath haath milaakar dance karega। dance karni hai na?sanskaaron ki raas milaane ka sabse sahaj tareeka hai - svayan namrachit ban jaao aur doosre ko shreshtha seat de do। unko seat par bithaayenge to woh aapko svatah hi utarkar bitha dega। agar aap baithne ki koshish karenge to woh baithne nahin dega। lekin aap use bithaayenge to woh aapehi utarkar aapko bithaayega। to bithaana hi baithna ho jaayega। ‘‘pahle aap'' ka paath pakka ho। phir sanskaar sahaj hi mil jaayenge। seat bhi mil jaayegi, raas bhi ho jaayegi। aur bhavishya mein bhi raas karne ka chance mil jaayega to kitni sahaj baat hain।

london ka sachcha sevaadhaari group hai, 'sevaadhaari'shabd hi bahut meetha hai। teacher shabd achha lagta hai ya sevaadhaari? baap bhi apne ko obedient servant kehte hain, servant kahne se taajdhaari svatah ban jaayenge। to chatur banne ka yeh tareeka hai। mehnat bhi nahin,praapti bhi jyaada। to chatur sujaan baap ke chatur sujaan bachche bano।

fraannsa - yaad ki yaatra mein sada chalte hue har kadam mein padmon ki kamaai jama kar rahe ho? har kadam mein padmon ki kamaai jama karne vaale kitne maalaamaal honge! aisi sampanna aatma apne ko anubhav karte ho? akhut khazaana mil gaya hai? khazaane ki chaabi mil gai hai na? chaabi lagaana aati hai?kabhi chaabi lagaate lagaate atak to nahin jaati hai। bahut sahaj chaabi hai। ‘‘main adhikaari hoon।' adhikaari pan ki smriti hi khazaanon ki chaabi hai। yeh chaabi lagaane aati hai? is chaabi se jo khazaana jitna bhi chaahiye le sakte ho। sukh chaahiye,shanti chaahiye, prem chaahiye, sab kuchh mil sakta hai।

prashn:- kaun sa wait kam karo to aatma shaktishaali ban jaayegi?

uttar:-aatma par vesta ka hi wait hai। vesta sankalp, vesta vaani, vesta karma - inse hi aatma bhaari ho jaati hai। jab is wait ko khatma karo। is wait ko samaapta karne ke liye sada seva mein busy raho। manan shakti ko badhaao। manan shakti se aatma shakti- shaali ban jaayegi। jaise bhojan hajam karne se khoon banta hai, phir vahi shakti ka kaam karta, aise manan karne se aatma ki shakti badhti hai।

prashn:- kaun sa mantra bhakti mein bahut hi prasiddha hai,jiski smriti mein raho to khushi ke jhoole mein jhoolte rahenge?

uttar:-bhakti mein ‘‘ham so, so ham''ka mantra bahut prasiddha hai,abhi aap bachche ‘ham so' ka raaj practical mein anubhav kar rahe ho। yeh mantra jamaare liye hai, ham brahman so devta banenge। ham hi so devta the,so devta ham brahman bane hain। yeh abhi pata chala। ab devtaaon ke chitra dekhkar buddhi mein aata - yeh jamaare hi chitra hain। yahi wonder hain! isi smriti mein raho to khushi ke jhoole mein jhoolte rahenge devtaaon ke chitra dekhkar buddhi mein aata - yeh jamaare hi chitra hain। yahi wonder hain! isi smriti mein raho to khushi ke jhoole mein jhoolte rahenge ।