Avyakt murli for Saturday 28 November 1981

>

28-11-81 om shanti avyakt baapdaada madhuban

"aap poorvajon se sarva aatmaon ki aashaaen"

great-great grand-father tatha god-father baap daada bole:-

‘‘aaj great great grand father apni saari vanshaavli se mil rahe hain। kitni badi vanshaavli hai,isko aap sab jaante ho? aap sabhi is vanshaavli ke aadi foundation ho va vanshaavli ke vriksha ke mool tana ho। aap logon dvaara vanshaavli kaise vriddhi ko paati hai,yeh sab raaj achhi tarah se jaante ho na?kisi bhi aatma ko dekhte ho va samparka mein aate ho to yeh smriti mein aata hai ki sarva aatmaon ke ham poorvaj hain va saare vriksha ki shaakhaayen,upshaakhaayen,sabke mool aadhaar hain arthaat foundation hain। yeh smriti sada emerge roop mein rehti hai? is shreshtha smriti se svatah hi samartha swaroop ho hi jaayenge। agar tana arthaat mool foundation kamjor hota hai to saara vriksha kamjor ban jaata hai। tana shaktishaali hai to vriksha bhi shaktishaali hai। saare vriksha ke har patte ka sambandh beej ke saathsaath tana se bhi hota hai। beej ki shakti tana dvaara hi shaakhaaon, upshaakhaaon ko pahunchti hai। to aaj aapki sarva vanshaavli ko aap poorvajon dvaara va mool aadhaar dvaara kaun-si shakti chaahiye? sarva aatmaayen aap poorvajon ka kis aashaaon se yaad kar rahi hain? kaun-si shubh chaahna aap master daata,vardaataaon dvaara chaahte hain? sarva aatmaon ki arthaat apni behad ki vanshaavli ke shubh sankalp va ichchhaaon ko jaante ho?

aaj sarva aatmaon ka ek hi aavaaj sunne mein aa raha hai। sabka ek hi aavaaj hai- do ghadi ke liye bhi sukh aur chain se jeena chaahte hain। bechain hain। sampatti aur saadhan hote hue bhi sukh aur chain ki neend okhon mein nahin hai। aajkal majority-sachche sukh aur shanti ke va sachchi khushi ke pyaase hone ke kaaran raasta dhoondh rahe hain। anek alpakaal ke raaste anubhav karte, santushtata na milne ke kaaran ab dheere-dheere un anek raaston se laut rahe hain, yeh bhi nahin, yeh bhi nahin। ab neti-neti ke anubhav mein aa rahe hain। abhi, ‘‘sahi raasta kuchh aur hai'',- aisi anubhooti karne lage hain। aise samay par aap poorvajon ka kaarya hai- aisi aatmaon ko shama ban raasta dikhaana। amar jyoti ban andhakaar se thikaane par laana। aise sankalp aate hain? yeh smriti rehti hai ki ham poorvaj aatmaayen sarva vanshaavli ke aage jo karenge vahi saare vanshaavli tak pahunchta hai?aap poorvajon ki vritti vishwa ke vaataavran ko parivarta na karne vaali hai। aap poorvajon ki drishti sarva vanshaavli ko brotherhood ki smriti dilaane vaali hai। aap poorvajon ki baap ki smriti,sarva vanshaavli ko smriti dilaayegi ki hamaara baap aaya hai। aap poorvajon ke shreshtha karma vanshaavli ko shreshtha charitra arthaat charitra nimaarkan ki shubh aasha utpanna karenge।

sabki najar aap poorvajon ko dhoondh rahi hai। ab behad ke smriti swaroop bano। to had ki vyartha baaten svatah hi samaapta ho jaayengi। ulte vriksha ke hisaab se beej ke saath tana bhi oopar ooncha hai। director beej aur mukhya do patte, trimoorti ke saath sameep ke sambandh vaale tana ho। kitni oonchi stage ho gai। isi oonchi stage par sthit raho to had ki baaten kya anubhav hongi! bachpan ke albelepan ki baaten anubhav hongi। apne behad ke bujurgapan mein aao। to sada sarva anubhveemoortta ho jaayenge। jo behad ke poorvajpan ka occupation hai,usko sada smriti mein rakho। ab kitna kaarya raha hua hai? sada yeh smriti mein rakho। lekin yeh saara kaarya sahaj sampanna kaise hoga? jaise aapki rachna science vaale vistaar ko saar mein sama rahe hain। ati sookshm aur shaktishaali saadhan bana rahe hain। jisse samay,sampatti aur shastra kam se kam kharcha ho। pahle vinaash ke kaarya mein kitni badi sena, kitne shastra aur kitna samay lagta tha aur ab vistaar ko saar mein laaya hai na! aise aap master rachayita ban sthaapna ke kaarya mein aise hi sookshm dvaara nimitta sthool saadhan kaarya mein lagaao। nahin to sthool saadhnon ke vistaar mein sookshm shakti gupta ho jaati hai। sthool saadhan ka vistaar, jaise vriksha ka vistaar beej ko chhupa deta hai, vaise sookshm shakti ki percentage gupta ho jaati hai। aap poorvaj aatmaon ki alaukikta- ‘‘sookshm shakti''hai। jo sab anubhav karen ki poorvajon dvaara koi vishesh shakti utpanna ho rahi hai। vanshaavli aap aatmaon dvaara koi naveenta chaahti hai। saadhnon ki shakti, vaani ki shakti yeh to sabke paas hai। lekin apraapta shakti kaun-si hai? woh hai- ‘shreshtha sankalp ki shakti, shubh vritti ki shakti, sneh aur sahayog ki drishti।' yeh kiske paas nahin hai। to he poorvaj aatmaayen! apni vanshaavli ke praapti ke aashaaon ke deepak jalaae yathaartha manzil tak laao। samjha kya karna hai? jo log karte hain woh kiya to kya kiya! aap to allaah-log ho, nyaare log ho। abhi vaani ke bombs phenkate ho lekin yeh abhi baby bombs hain। abhi praapti ke anubhooti ke bombs chalaao। jo seedha jeevan parivartan kar den। dimaag tak teer lagaaye hain,dil ka teer nahin lagaaya hai। aage kya karna hai, woh plan to dena padega na! abhi mukh ka aavaaj nikalta hai ki achha kaarya kar rahe hain। lekin dil se aavaaj nikle ki ‘‘yahi ek maarga hai''। mukh ka sauda karne vaale bahut hote hain, dil se sauda karne vaale koton mein koi hote hain। lekin aap sabhi dilvaala ke bachche ho,dil se sauda karaane vaale ho। to ab kya karenge?aisa shaktishaali seva ka chakra chalaao jo sarva aatmaayen apne poorvajo ko pahchaan praapti ke adhikaar ko praapta kar len। kuchh suna,achha suna,iske badle,kuchh mila aise anubhooti karen। samjha?sunaate achha hain, nahin banaate achha hain। kam kharcha, kam shakti, kam samay isi vidhi se siddhi swaroop bano।

panjaab ka zone hai na? panjaab ko kya banaayeng aisi kuchh naveenta karke dikhaao। anubhav karaana arthaat vaaris banaana। achha sunne vaale, achha-achha kahne vaale, woh ho gai praja। ab chaahiye vaaris quality। ek vaaris vaaris ke peechhe praja to aapehi aa jaayegi। panjaab kya karega? quantity nahin badhti to quality to nikaal sakte ho। kya karenge? abhi vaaris quality chaaron or kam hai। to panjaab ismen number one ho jaao। koi quantity mein number one to koi quality mein number one ho jaao। samjha - panjaab vaale kya karenge?quality vaala ek, aur quantity kitni hogi?kyonki ek quality vaala quantity ko svatah hi le aata hai। unke naam se aapka kaam ho jaayega। yeh to sahaj hai na? achha।

aaj panjaab aur madhuban ka tarna hai। panjaab vaale sabko madhuban mein aakar surrender karaayenge। panjaab se nadiya niklengi aur sama- yengi kahaan? madhuban hai hi saagar ka kantha। to panjaab aur madhuban ka mel ho gaya। vishesh tarna panjaab ka hai iseelie panjaab ko kah rahe hain। baaki to sab aa gaye na usmein। madhuban mein to sab aa gaye। sabko kismen samaana hai? madhuban mein na! achha।

chaaron or ke sarva poorvaj aatmaon ko, sada sarva ki aashaayen sadaakaal ke liye poorn karne vaale,apraapta aatmaon ko praapti ke anchali ki anubhooti karaane vaale,sarva ko anek raaston se nikaal ek raaste par laane vaale, aise sarva aatmaon ke mool aadhaar,sada sarva ko ek baap ke adhikaari banaane vaale aisi shreshtha poorvaj aatmaon ko baapdaada ka yaadapyaar aur namaste।''

suna to bahut hai ab visheshta hai swaroop banaana। jitna svayan sarva praapti swaroop honge utna sarva ko praapti swaroop bana sakenge। aajkal sarva aatmaayen paana chaahti hain, na ki sunna। jab pa lete hain tab hi khushi se yeh geet gaayenge ki paana tha vo pa liya। jaise aap log yeh khushi ka geet gaate ho na! pa liya। aise anya aatmaayen bhi yeh khushi ka geet gaayengi। vartamaan samay aatmaon ko yahi aavashyakta hai। jo aavashyakta hai usi ko poorn kanna yahi aap shreshtha aatmaon ka karttavya hai। isi karttavya mein sada anubhvi moortta anubhav karaate chalo। yahi chaahte hain na! isi chaahna ko poorn karne vaale arthaat sarva ko tripta aatma banaane vaale। to sada tripta aatma ho? sada sarva khazaanon se sampanna hoga vahi tripta hoga। aur jo svayan ke paas hoga vahi auron ko bhi zaroor dega। to sada praapti swaroop ke nashe aur khushi mein raho- yahi sangamayug ke jeevan ki visheshta hai। baap ko paaya arthaat sangam yug ka pratyakshaphal paaya। pratyakshaphal hai- sarva praapti। isi sthiti se sarva siddhi ho jaayengi।

madhuban nivaasi bhaai-bahinon ke saath:-

madhuban nivaasi itne khushanseeb ho jo sab dekhkar khush ho rahe hain। itni apni takdeer ko jaante ho na! kitne takdeervaan ho jo sada saagar ke kanthe par rehte ho। sada sthool mein bhi baap aur shreshtha aatmaon ka saath hai to kitna bada bhaagya ho gaya! to sada apne bhaagya ke gun gaate rehte ho? bas yahi gun gaate aur khushi ke jhoole mein jhoolte raho। madhuban nivaasi arthaat sada madhu ke samaan meethe। to sada mukh meetha rehna aur sada sarva ka mukh meetha karne vaale। saagar ke kanthe par rahne vaale holeehans ho। hans kya karte hain? sada moti chugte hain। kankad ko dekhte nahin,ratnon ko dekhte hain। to sabhi ratnon ko grahan karne vaale ho na! mahaan teertha- sthaan par rahne vaali mahaan aatmaayen ho। to yeh mahaatmaaon ka group ho gaya na! mahaatma arthaat jo sada mahaan vastu ko dekhe। to mahaan vastu kaun-si hai? (aatma) to mahaatma ki najar kahaan jaayengi?mahaan vastu par। to sada mahaan dekhne vaale, mahaan bol bolne vaale aur mahaan karma karne vaale, isko kaha jaata hai mahaatma। to paandav sabhi mahaatma ho! baapdaada ki sabse jyaada aashaayen kismen hain?madhuban nivaasiyon mein। madhuban vaalon ko aashaaon ke deepak jagaane aate hain na? to sada madhuban mein deevaali hain na! sada shubh aashaaon ke deep jag rahe hain to roj deepaavli ho gai। to madhuban mein kabhi andhakaar ho nahin sakta! madhuban vaale master shikshak ho। aap sikhaao, na sikhaao lekin aapka har karma harek aatma ko shiksha deta rehta hai। chaahe saadhaaran bhi karenge to bhi seekhkar jaate hain aur shreshtha karte ho to bhi seekhkar jaate hain। shiksha dete nahin ho lekin madhuban nivaasi banna arthaat master shikshak banna। to sada yaad rakho ki main master shikshak hoon। to har karma,har bol shiksha dene vaala ho। aap logon ko khaas takhta par baithkar sikhaane ki jaroorat nahin। chalte - phirte shikshak ho। jaise aajkal chalti - phirti library hoti hai na! to aap chalte - phirte master shikshak ho। aapka school achha hai na! to sada apne saamne student ko dekho,akele nahin ho, sada student ke saamne ho। sada study kar bhi rahe ho aur kara bhi rahe ho। yogya shikshak kabhi bhi student ke aage albele nahin honge,attention rakhenge। aap sote ho, uthte ho, chalte ho, khaate ho, har samay samjho - ham bade college mein baithe hain, student dekh rahe hain,to wonderful shikshak ho gaye na!

aap sabki kya mahima karen? madhuban vaalon ki jo bhi mahima hai woh sab hai। aise mahaan samajhte hue sada chalo। baap jitni mahima karenge utni phir nibhaani bhi padegi। to nibhaane mein bhi hoshiyaar ho na! madhuban ka naksha saare vishwa mein chala jaata hai। sabki buddhi mein sada kya yaad rehta hai? madhuban mein kya ho raha hai। to sarva ki buddhi mein smriti swaroop ho। madhuban nivaasi harek light, might ka gola bano। to light aur might ke andar nivaasi harek light svayan hi sabhi aakarshit hokar aayenge। abhi to baap ka karttavya chal raha hai, uske kaaran baap ke banne vaale bachche sahaj hi anubhav kar rahe hain aur karte rahenge। aapka karttavya abhi gupta hai। aap abhi apne shakti swaroop se vaayumandal banaao। yeh to drama anusaar hona hi hai, badhna hi hai, chalna hi hai isliye chalaane vaala chala raha hai lekin abhi aise hi follow father karo। abhi har aatma shakti swaroop ho jaae। jiske bhi samparka mein aate ho woh alaukikta ka anubhav kare। abhi woh part chalna hai। sunaaya na abhi achha-achha kehte hain, lekin achha banna hai yeh prarena nahin mil rahi hai। uska ek hi saadhan hai- sangathit roop mein jvaala swaroop bano। ek-ek chaitanya light house bano। sevaadhaari ho, snehi ho, ek bal ek bharose vaale ho, yeh to sab theek hai, lekin master sarvashaktivaan ki stage, stage par aa jaae to sab aapke aage parvaane ke samaan chakra lagaane lag jaaen। abhi sirf baap shama ki aarkashan hai aur sarva shama ki aak- rshan ho jaae to kya hoga? shama to ho lekin abhi stage par nahin aaye ho। stage par aao to dekho aabu vaale kaise aapke peechhe -peechhe daudte hain। aap logon ko jaane ki aavashyakta nahin padegi woh svayan aakar kahenge- ji hajoor, koi seva!

abhi laadle bachche bane ho, ismen to theek, bachche aur baap ke saath laadkod mein,sambandh nibhaane mein theek ho lekin ab master shikshak bankar, master satguru bankar stage par aao। abhi yeh do part rahe hue hain। samjha - achha। madhuban nivaasiyon ko baapdaada sada vishesh aatma ke roop mein dekhte hain। sada baap ki aashaaon ke deepak madhuban nivaasi hai। sabhi santushta to sada ho na?santushta rehna aur santushta karna yahi aap sabka sada ka salogan ho। sada aapke board par kaun-sa salogan likha hai? santushta rehna bhi hai aur karna bhi hai। isi certificate vaale bhavishya mein bhi raajya bhaagya ka certificate le lenge। to madhuban vaalon ne yeh certificate to liya hai na sada! amritvele is salogan ko smriti mein laao। jaise board par salogan likhte ho vaise sada apne mastak ke board par yeh salogan daudaao। to sabhi santushta moortiyaan ho jaayenge। achha।

sevaadhaariyon ke saath-sevaadhaari, kis sthaan ke sevaadhaari ho?yeh to achhi tarah se jaante ho na ki mahaayagya ke sevaadhaari hain। jo mahaayagya ke sevaadhaari hain unhon ko yagya se prasaad milta hai। yagya ke prasaad ka bahut mahatva hota hai na! vaise bhi laukik mein bhi prasaad milne vaale ko mahaan aatma,bhaagyavaan aatma kaha jaata hai। sabko prasaad nahin milta hai। bhaagyavaan ko milta hai। to yeh hai mahaayagya ka mahaaprasaad। mahaaprasaad kya hai? sada kamaai jama hona,sarva khazaane praapta hona yahi mahaaprasaad hai। kyonki dekho, yahaan yagya seva karne se jo sabse shreshtha khazaana hai- shaktiyon ka, sukh ka,shanti ka woh sarva khazaanon ki anubhooti hoti hai na! to yahi yagya-prasaad hai। isi prasaad dvaara sada prasanna bhi rehte ho aur aage bhi sada prasanna rahenge। to sabse bada khazaana va prasaad prasannata ki praapti। yahaan rehte sada prasanna rahe ho na? kisi bhi prakaar ke vaataavran mein prasanna rahne ke abhyaasi ban gaye। vaataavran aapko apni taraph na kheechen। lekin aap vaataavran ko parivartan kar lo, yeh hai mahaaveer ki nishaani। to kya aap samajhte ho mahaaprasaad mila?mahaaprasaad lene vaale mahaan bhaagyavaan ho।

jitni bhi aatmaon ki seva ki un sarva aatmaon ki shubh bhaavna aapke prati aasheervaad ka roop ban gai। to kitni aatmaon ki aasheervaad mili hogi? sarvashreshtha aatmaon ki aasheervaad anek janmon ke liye sada sampanna bana deti hai। to sabki aasheervaad li? sada raajayukta arthaat raaji rahe? kabhi seva mein naaraaj to nahin hue? sada raaji। koi naaraaj kare to bhi naaraaj na hon kyonki jo raaj ko jaante hain ki yeh variety vriksha hai, to is raaj ko jaanne vaale kabhi naaraaj nahin hote। naaraaj hona arthaat is raaj ko na jaanna। to sabhi raajayukta ho।

seva ka chance mila arthaat lottery ka lucky number khul gaya। sevaadhaari arthaat lucky number vaale। lucky number hain na? lucky number bahut thodon ka nikalta hai aur lucky number mein sarvashreshtha praapti hoti hai। lucky number arthaat svayan lucky ban gaye। achha

maataaon ne janma-janma ka khaata jama kiya। ek janma mein anek janmon ki praalabdha banaana, yeh to sasta sauda ho gaya na! thodaasa samay mehnat aur janma-janma ka phal। to sabhi ne sasta sauda karke apni kamaai jama kar li। maataayen sada sahayogi raheen, iski mubaarak ho। jaise yahaan seva ka bhaagya banaaya vaise is bhaagya ko sada saath rakhna। sada bhaagya ka deepak jaga rahe iske liye sada attention। apna bhaagya saath rakhna arthaat bhaagyavidhaata ko saath rakhna। aapke bhaagya ka sitaara chamakta hua dekh auron ka bhi bhaagya khul jaayega। achha।

prashn- kumaariyon ko kaun-si kamaal karke dikhaani chaahiye?

uttar-sabse bade te badi kamaal hai- baap ne kaha aur bachchon ne kiya। jaise chaatrak hota hai na, boond aai aur dhaaran ki। to sabse badi kamaal hai baap ka har bol karke dikhaana। karma se baap ke bol ko pratyaksha karna। yeh hai kumaariyon ki kamaal। iseelie yaadgaar mein bhi dikhaate hain- kumaariyon ne baap ko pratyaksha kiya। vijay praapta ki na! to woh kaun-si kumaari thi? harek samjhen main। ismen harek apne ko aage rakhe। pahle main। isko kaha jaata hai kumaariyon ki kamaal। harek baap ko pratyaksha karne vaali nimitta aatma ban jaae, sabhi amoolyay ratna ho jaayenge। achha!