Avyakt murli for Wednesday 22 February 1984

>

22-02-84om shanti avyakt baapdaadaamdhuban

sangam par chaar combined roopon ka anubhav

siddhisvaroop ka anubhav karaane vaale, vardaata baap apne vijayi bachchon prati bole:-

aaj baapdaada sabhi bachchon ke combined roop ko dekh rahe hain। sabhi bachche bhi apne combined roop ko achhi reeti jaante ho? ek - shreshtha aatmaayen, is antim puraane lekin ati amoolya banaane vaale shareer ke saath combined ho। sabhi shreshtha aatmaayen is shareer ke aadhaar se shreshtha kaarya aur baapdaada se milan ka anubhav kar rahi ho। hai puraana shareer lekin balihaari is antim shareer ki hai jo shreshtha aatma iske aadhaar se alaukik anubhav karti hai। to aatma aur shareer combined hai। puraane shareer ke bhaan mein nahin aana hai lekin maalik ban is dvaara kaarya karaane hain। isliye aatma-abhimaani ban, karmayogi ban karmendriyon dvaara karma karaate hain।

doosra- alaukik vichitra combined roop। jo saare kalpa mein is combined roop ka anubhav sirf ab kar sakte ho। woh hai -’’aap aur baap’’। is combined roop ka anubhav। sada master sarvashaktivaan,sada vijayi,sada sarva ke vighna vinaashak। sada shubh bhaavna, shreshtha kaamna, shreshtha vaani, shreshtha drishti, shreshtha karma dvaara vishwa-kalyaankaari swaroop ka anubhav karaata hai। second mein sarva samasyaaon ka samaadhaan swaroop banaata hai। svayan ke prati va sarva ke prati daata aur master vardaata banaata hai। sirf is combined roop mein sada sthit raho to sahaj hi yaad aur seva ke siddhisvaroop ban jaao। vidhi nimitta maatra ho jaayegi aur siddhi sada saath rahegi। abhi vidhi mein jyaada samay lagta hai। siddhi yatha shakti anubhav hoti hai। lekin jitna is alaukik shaktishaali combined roop mein sada rahenge to vidhi se jyaada siddhi anubhav hogi। purooshaartha se praapti jyaada anubhav hogi। siddhisvaroop ka arth hi hai - har kaarya mein siddhi hui padi hai। yeh practical mein anubhav ho।

teesra combined roop - ham so brahman so pharishta। brahman roop aur antim karmaateet pharishta swaroop। is combined roop ki anubhooti vishwa ke aage saakshaatkaarmoortta banaayegi। brahman so pharishta is smriti dvaara chalte-phirte apne ko vyakta shareer, vyakta desh mein part bajaate hue bhi brahma baap ke saathi avyakt vatan ke pharishte, vyakta desh aur deh mein aaye hain - vishwa seva ke liye। aise vyakta bhaav se pare avyakt roopdhaari anubhav karenge। yeh avyakt bhaav arthaat pharishte-pan ka bhaav svatah hi avyakt arthaat vyaktapan ke bol-chaal,vyakta bhaav ke svabhaav, vyakta bhaav ke sanskaar sahaj hi parivartan kar lenge। bhaav badal gaya to sab kuchh badal jaayega। aisa avyakt bhaav sada swaroop mein laao। smriti mein hain ki brahman so pharishta। ab smriti ko swaroop mein laao। swaroop nirantar svatah aur sahaj ho jaata hai। swaroop mein laana arthaat sada hain hi avyakt pharishta। kabhi bhoole, kabhi smriti mein aave is smriti mein rehna pahli stage hain। swaroop ban jaana yeh shreshtha stage hai।

chautha hai - bhavishya chaturbhuj swaroop। lakshmi aur naaraayan ka combined roop kyonki aatma mein is samay lakshmi aur naaraayan donon banne ke sanskaar bhar rahe hain। kab lakshmi banenge, kab naaraayan banenge। bhavishya praalabdha ka yeh combined swaroop itna hi spashta ho। aaj pharishta kal devta। abhi-abhi pharishta, abhi-abhi devta। apna raajya, apna raajya swaroop aaya ki aaya। bana ki bana। aise sankalp spashta aur shaktishaali hon kyonki aapke is spashta samartha sankalp ke emerge roop se aapka raajya sameep aayega। aapka emerge sankalp nai srishti ko rachega arthaat srishti par laayega। aapka sankalp merge hai to nai srishti emerge nahin ho sakti। brahma ke saath braahmanon ke is sankalp dvaara nai srishti is bhoomi par pratyaksha hogi। brahma baap bhi nai srishti mein naya pahla part bajaane ke liye, aap brahman bachchon ke liye, ‘saath chalenge’ke vaayde kaaran intajaar kar rahe hain। akela brahma so krishna ban jaae,to akela kya karega?saath mein padhne vaale, khelne vaale bhi chaahiye na। isliye brahma baap braahmanon prati bole ki mujh avyakt roopdhaari baap samaan avyakt roopdhaari, avyakt sthitidhaari pharishta roop bano। pharishta so devta banenge। samjha। in sab combined roop mein sthit rahne se hi sampanna aur sampoorn ban jaayenge। baap samaan ban sahaj hi karma mein siddhi ka anubhav karenge।

double videshi bachchon ko baapdaada se rooh-roohaan karne va milan manaane ki ichchha teevra hai। sabhi samajhte hain ki ham hi aaj mil leven। parantu is duniya mein sab dekhna padta hai। soorya chaand ke andar ki duniya hai na! unse pare ki duniya mein aa jaao to saara samay baith jaao। baapdaada ko bhi har bachcha apni-apni visheshtaaon se priy hai। koi samjhe yeh priy hai, ham kam priy hain -aisi baat nahin hai। mahaarthi apni visheshta se priy hain aur baap ke aage apne-apne roop se sab mahaarthi hain। mahaan aatmaayen hain। isliye mahaarthi hain। yeh to kaarya chalaane ke liye kisko sneh se nimitta banaana hota hai। nahin to kaarya ke nimitta apna-apna sthaan mila hua hai। agar sabhi daadi ban jaaen to kaam chalega?nimitta to banaana pade na। vaise apni reeti se sab daadiyaan ho। sabhi ko deedi va daadi kehte to hain na। phir bhi aap sabne milkar ek ko nimitta to banaaya hai na। sabhi ne banaaya va sirf baap ne banaaya। ya sirf nimitta kaarobaar arth apne-apne kaarya anusaar nimitta banaana hi padta hai। iska yeh matlab nahin ki aap mahaarthi nahin ho। aap bhi mahaarthi ho। mahaaveer ho। maaya ko challenge karne vaale mahaarthi nahin hue to kya hue?

baapdaada ke liye saptaah course karne vaala bachcha bhi mahaarthi hai kyaanki saptaah course bhi tab karte jab samajhte hain ki yeh shreshtha jeevan banaani hai। challenge kiya to mahaarthi mahaaveer hua। baapdaada sadaiv ek salogan sabhi bachchon ko kaarya mein laane liye yaad dilaate rehte। ek hai apni svasthiti mein rehna। doosra hai kaarobaar mein aana। svasthiti mein to sabhi bade ho, koi chhota nahin। kaarobaar mein nimitta banaana hi padta hai। isliye kaarobaar mein sada saphal hone ka salogaan hai -‘regard dena, regard lena’। doosre ko regard dena hi regard lena hai। dene mein lena bhara hua hai। regard kabhi bhi prayatna karne va maangane se nahin milta hai। regard do aur regard milega। regard lene ka saadhan hi hai - regard dena। aap regard do aur aapko nahin mile yeh ho nahin sakta। lekin dil se do। matlab se nahin। jo dil se regard deta hai usko dil se regard milta hai। matlab ka regard denge to milega bhi matlab ka। sadaivi dil se do aur dil se lo। is salogan dvaara sada hi nirvighna,nirsankalpa,nishchinta rahenge। mera kya hoga yeh chinta nahin rahegi। mera hua hi pada hai। bana hi pada hai। nishchinta rahenge। aur aisi shreshtha aatma ki shreshtha praalabdha vartamaan aur bhavishya nishchit hi hai। koi isko badal nahin sakta। koi kiski seat le nahin sakta। nishchit hai। nishchinta ki nishchit hai। isko kaha jaata hai - baap samaan follow father karne vaale। samjha।

double videshi bachchon par to vishesh sneh hai। matlab ka nahin। dil ka sneh hai। baapdaada ne sunaaya tha, ek puraana geet hain oonchi-oonchi deevaaren… yeh double videshiyon ka geet hai। samudra paar karte hue, dharma,desh, bhaasha sab oonchi-oonchi deevaaren paar karke baap ke ban gaye। isliye baap ko priy ho। bhaaratvaasi to the hi devtaaon ke pujaari। unhonne oonchi deevaaren paar nahin ki। lekin aap double videshiyon ne yeh oonchi-oonchi deevaaren kitna sahaj paar ki। isliye baapdaada dil se bachchon ki is visheshta ka geet gaate hain। samjha। sirf khush karne ke liye nahin kar rahe hain। kai bachche ramat-gamat mein kehte hain ki baapdaada to sabhi ko khush kar dete hain। lekin khush karte hain arth se। aap apne se poochho baapdaada aise hi kehte hain ya yeh practical hai! oonchi-oonchi deevaaren paar kar aa gaye ho na! kitni mehnat se ticket nikaalte ho। yahaan se jaate hi paise ikatthe karte ho na। baapdaada jab bachchon ka sneh dekhte hain, sneh se kaise pahunchne ke liye saadhan apnaate hain, kis tareeke se pahunchte hain,baapdaada snehi aatmaon ka sneh ka saadhan dekh, lagan dekh, khush hote hain। door vaalon se poochho kaise aate hain?mehnat karke phir bhi pahunch to jaate hain na। achha-

sada combined roop mein sthit rahne vaale, sada baap samaan avyakt bhaav mein sthit rahne vaale, sada siddhisvaroop anubhav karne vaale, apne samartha samaan swaroop dvaara saakshaatkaar karaane vaale,aise sada nishchinta,sada nishchit vijayi bachchon ko baapdaada ka yaadapyaar aur namaste।’’

saanafraansisko -sabhi svayan ko saare vishwa mein vishesh aatmaayen hain - aise anubhav karte ho? kyonki saare vishwa ki anek aatmaon mein se baap ko pahchaanne ka bhaagya aap vishesh aatmaon ko mila hai। oonche te oonche baap ko pahchaanna yeh kitna bada bhaagya hai! pahchaana aur sambandh joda aur praapti hui। abhi apne ko baap ke sarva khazaanon ke maalik anubhav karte ho?jab sada bachchen hain to bachchen maana hi adhikaari। isi smriti se baar-baar revise karo। main kaun hoon! kiska bachcha hoon! amritvele shaktishaali smriti-swaroop ka anubhav karne vaale hi shaktishaali rehte hain। amritvela shaktishaali nahin to saare din mein bhi bahut vighna aayenge। isliye amritvela sada shaktishaali rahe। amritvele par svayan baap bachchon ko vishesh vardaan dene aate hain। us samay jo vardaan leta hai uska saara din sahajyogi ki sthiti mein rehta hai। to padhaai aur amritvele ka milan yeh donon hi vishesh shaktishaali rahen। to sada hi safe rahenge।

jarmani group se:- sada apne ko vishwa-kalyaankaari baap ke bachche vishvakal yaankaari aatmaayen samajhte ho? arthaat sarva khazaanon se bharpoor। jab apne paas khazaane sampanna honge tab doosron ko denge na! to sada sarva khazaanon se bharpoor aatmaaen baalak so maalik hain! aisa anubhav karte ho?baap kaha maana baalak so maalik ho gaya। yahi smriti vishwa-kalyaankaari svatah bana deti hai। aur yahi smriti sada khushi mein udaati hai। yahi brahman jeevan hai। sampanna rehna, khushi mein udna aur sada baap ke khazaanon ke adhikaar ke nashe mein rehna। aise shreshtha brahman aatmaayen ho।