Avyakt murli for Wednesday 4 April 1984

>

04-04-84om shanti avyakt baapdaadaamdhuban

sangamayug ki shreshtha vela shreshtha takdeer ki tasveer banaane ki vela

desh videsh se aaye, sampanna aur sampoorn banne ke purushaarthi bachchon prati avyakt baapdaada bole:-

‘‘aap baapdaada harek brahman shreshtha aatma ke shreshtha jeevan ke janma ki vela, takdeer ki rekha dekh rahe the। janma ki vela sabhi bachchen ki shreshtha hain kyonki abhi yug hi purooshottam shreshtha hai। shreshtha sangamayug par arthaat shreshtha vela mein sabhi ka shreshtha brahman janma hua। janma vela sabhi ki shreshtha hai। takdeer ki rekha, takdeer bhi sabhi braahmanon ki shreshtha hai। kyonki shreshtha baap ke shiv vanshi brahmaakumaar va kumaari hain। to shreshtha baap, shreshtha janma, shreshtha varsa, shreshtha parivaar, shreshtha khazaane - yeh takdeer ki lakeer janma se sabhi ki shreshtha hai। vela bhi shreshtha aur praapti ke kaaran takdeer ki lakeer bhi shreshtha hai। yeh takdeer sabhi bachchon ko ek baap dvaara ek jaisi praapta hai। ismen antar nahin hai। phir bhi ek jaisi takdeer praapta hote bhi nambarvaar kyon? baap ek, janma ek, varsa ek, parivaar ek, vela bhi ek sangamayug,phir number kyon? sarva praapti arthaat takdeer sabhi ko behad ki mili hai। antar kya hua? behad ki takadri ko jeevan ke karma ki tasveer mein laana ismen yatha shakti hone ke kaaran antar pad jaata hai। brahman jeevan arthaat takdeer ko tasveer mein laana, jeevan mein laana। har karma mein laana,har sankalp se, bol se,karma se takdeervaan ko takdeer anubhav ho arthaat dikhaai de। brahman arthaat takdeervaan aatma ke nayan,mastak,mukh ki muskaraahat har kadam sabhi ko shreshtha takdeer ki anubhooti karaave। isko kaha jaata hai - takdeer ki tasveer banaana। takdeer ko anubhav ki kalam se, karma ke kaagaj ke tasveer mein laana। takdeer ke tasveer ki chitra rekha banaana। tasveer to sabhi bana rahe ho lekin kiski tasveer sampanna hai aur kiski tasveer kuchh na kuchh kisi baat mein kam rah jaati hai। arthaat practical jeevan mein laane mein kiski mastak rekha arthaat mansa,nayan rekha arthaat roohaani drishti, mukh ki muskaraahat ki rekha arthaat sada sarva praapti swaroop santushta aatma। santushtata hi muskaraahat ki rekha hai। haathon ki rekha arthaat shreshtha karma ki rekha। paanv ki rekha arthaat har kadam shreemat pramaan chalne ki shakti। isi prakaar takdeer ki tasveer banaane mein kiska kis mein, kiska kis mein antar pad jaata hai। jaise sthool tasveer bhi banaate hain to koi ko nain nahin banaane aate, koi ko taang nahin banaane aati। koi muskaraahat nahin bana sakte। to pharka pad jaata hai na। jitna sampanna chitra utna moolyavaan hota hai। vo hi ek ka chitra laakhon ka moolya kamaata aur koi 100 bhi kamaata। to antar kis baat ka hua?sampannata ka। aise hi brahman aatmaayen bhi sarva rekhaaon mein sampanna na hone kaaran kisi ek rekha,do rekha ki sampoornata na hone kaaran nambarvaar ho jaate hain।

to aaj takdeervaan bachchon ki tasveer dekh rahe the। jaise sthool takdeer mein bhi bhinna-bhinna takdeer hoti hai। vaise yahaan takdeer ki bhinna-bhinna tasveeren dekhi। har tasveer mein mukhya mastak aur nayan tasveer ki value badhaate hain। vaise yahaan bhi mansa vritti ki shakti aur nayan ke roohaani drishti ki shakti, iska hi mahatva hota। yahi tasveer ka foundation hain। sabhi apni tasveer ko dekho ki hamaari tasveer kitni sampanna bani hai। aisi tasveer bani hai jo tasveer mein takdeer banaane vaala dikhaai de। har ek rekha ko check karo। isi kaaran number ho jaata hai। samjha।

daata ek hai, deta bhi ek jaisa hai। lekin banaane vaale banaane mein nambarvaar ho jaate। koi ashta aur eeshta dev ban jaate। koi dev ban jaate। koi devon ko dekh-dekh harshit hone vaale ho jaate। apna chitra dekh liya na! achha-

saakaar roop mein milne mein to samay aur sankhya ko dekhna padta। aur avyakt milan mein samay aur sankhya ki baat nahin hai। avyakt milan ke anubhvi ban jaayenge to avyakt milan ke vichitra anubhav sada karte rahenge। baapdaada bachchon ke sada aagyaakaari hain। isliye avyakt hote bhi vyakta mein aana padta hai। lekin banna kya hai? avyakt banna hai na ya vyakta mein aana hai? avyakt bano। avyakt banne se baap ke saath niraakaar ban ghar mein chalenge। abhi via ki stage tak nahin pahunche ho। pharishta swaroop se niraakaar ban ghar ja sakenge। to abhi pharishta swaroop bane ho! takdeer ki tasveer sampanna ki hai?sampanna tasveer hi pharishta hai। achha-

sabhi aaye hue bhinna-bhinna zone ke bachchon ko har ek zone ki visheshta sahit baapdaada dekh-dekh harshit ho rahe hain। koi bhaasha bhale nahin jaante lekin prem aur bhaavna ki bhaasha jaanne mein hoshiyaar hain। aur kuchh nahin jaante lekin murli ki bhaasha jaante hain। prem aur bhaavna se na samajhne vaale bhi samajh jaate hain। bangaar bihaar to sada bahaari mausam mein rehte। sada bahaar hai।

panjaab hai hi sada sabhi ko hara bhara karne vaala। panjaab mein kheti achhi hoti hai। hariyaana to hai hi hara bhara। panjaab hariyaana sada hariyaali se hara bhara hai। jahaan hariyaali hoti hai us sthaan ko sada kushal, shreshtha sthaan kaha jaata hai। panjaab hariyaana sada khushi mein hara bhara hai। isliye baapdaada bhi dekh-dekh harshit hote hain। raajasthaan ki kya visheshta hai? raajasthaan chitra rekha mein prasiddha hai। raajasthaan ki tasveeren bahut moolyavaan hoti hain। kyonki raaje bahut hue hain na। to raajasthaan takdeer ki tasveeren sabse jyaada moolyavaan banaane vaale hain। chitron ki rekha mein sada shreshtha hain। gujraat ki kya visheshta hai? vahaan aainon ka shrringaar jyaada hota hai। to gujraat darpan hai। darpan kaho,aaina kaho। jismen baap ki moorta dekhi jaae। aaine mein shakla dekhte hain na। to gujraat ke darpan dvaara baap ki tasveer pharishta swaroop ki tasveer sabhi ko dikhaane ki visheshta hai। to gujraat ki visheshta hai baap ko pratyaksha karne vaale darpan। baaki chhota-sa taamilnaadu rah gaya। chhota hi kamaal karta hai। bada kaarya karke dikhaata hai। taamilnaadu kya karenge?vahaan mandir bahut hain। mandiron mein naad bajeete hain। taamilnaadu ki visheshta hai - nagaada bajaae baap ki pratyakshata ka aavaaz bulanda karna। achhi visheshta hai। chhote-pan mein bhi naad bajaate hain। bhakta log bhi bade pyaar se naad bajaate hain। aur bachche bhi pyaar se bajaate hain। ab harek sthaan apni visheshta ko pratyaksha swaroop mein laao। sabhi zone vaalon se mil liya na! aakhir to aisa hi milna hoga। puraane bachche kehte hain hamko kyon nahin bulaate। praja bhi banaate, badhaate bhi rehte। to puraanon ko naye-nayen ko chance dena pade tab to sankhya badhe। puraanen bhi puraani chaal se chalte rahen to nayon ka kya hoga! puraane hain daata, dene vaale aur naye hain lene vaale। to chance dena hain ismen daata banna pade। saakaar milan mein sab had aa jaati hain। avyakt milan mein koi had nahin। kai kehte hain sankhya badhegi phir kya hoga! saakaar milan ki vidhi bhi to badlegi। jab sankhya badhti hain to kuchh daan-punya bhi karna hota hai। achha-

sabhi desh videsh ke chaaron or ke snehi bachchon ke sneh ke dil ke aavaaz, khushi ke geet aur dil ke samaachaar ke patron ke respond mein baapdaada sabhi bachchon ko padamguna yaadapyaar ke saath respond de rahe hain ki sada yaad se amar bhav ke vardaani ban badhte chalo aur badhaate chalo। sabhi umang utsaah mein rahne vaale bachchon ko baapdaada sva unnati aur seva ki unnati ke liye mubaarak de rahe hain। mubaarak ho। sada saath ho। sada sampanna aur sampoorn ho, aise sarva vardaani bachchon ko baapdaada phir se yaadapyaar de rahe hain। yaadapyaar aur namaste।’’

party se

sada svayan ko baap samaan sampanna aatma samajhte ho! jo sampanna hai woh sada aage badhte rahenge। sampannata nahin to aage nahin badh sakte। to jaise baap vaise bachche। baap saagar hai bachcho master saagar hain। har gun ko check karo- jaise baap gyaan ka saagar hai to ham master gyaan saagar hain। baap prem ka saagar hai to ham master prem ke saagar hain। aise samaanta ko check karo tab baap samaan sampanna ban sada aage badhte jaayenge। samjha- sada aisi checking karte chalo। sada isi khushi mein raho ki jisko vishwa dhoondhata hai, usne hamko apna banaaya hai।