Avyakt murli for Wednesday 4 December 1985

>

04-12-85om shanti avyakt baapdaadaamdhuban

sankalp ki bhaasha - sarvashreshtha bhaasha

sarva samartha sarvashaktivaan shivbaaba bole

aaj baapdaada ke saamne double roop mein double sabha lagi hui hai। donon hi snehi bachchon ki sabha hai। ek hai saakaar roopdhaari bachchon ki sabha। doosri hai aakaari snehi swaroop bachchon ki sabha। sneh ke saagar baap se milan manaane ke liye chaaron or ke aakaar roopdhaari bachche apne sneh ko baapdaada ke aage pratyaksha kar rahe hain। baapdaada sabhi bachchon ke sneh ke sankalp, dil ke bhinna-bhinna umang-utsaah ke sankalp, dil ki bhinna-bhinna bhaavnaaon ke saath-saath sneh ke sambandh ke adhikaar se apne dil ke haal-chaal, apni bhinna-bhinna pravritti ke paristhitiyon ke haal-chaal,seva ke samaachaaron ka haal-chaal, naynon ki bhaasha se,shreshtha sneh ke sankalpon ki bhaasha se baap ke aage spashta kar rahe hain। baapdaada sabhi bachchon ki rooh-roohaan teen roopon se sun rahe hain। ek naynon ki bhaasha mein bol rahe hain। 2. bhaavna ki bhaasha mein, 3.sankalp ki bhaasha mein bol rahe hain। mukh ki bhaasha to common bhaasha hai। lekin yeh teen prakaar ki bhaasha roohaani yogi jeevan ki bhaasha hai। jisko roohaani bachche aur roohaani baap jaante hain। aur anubhav karte hain। jitna-jitna antarmukhi sweet silence swaroop mein sthit hote jaayenge - utna in teen bhaashaaon dvaara sarva aatmaon ko anubhav karaayenge। yeh alaukik bhaashaayen kitni shaktishaali hain। mukh ki bhaasha sunkar aur sunaakar majority thak gaye hain। mukh ki bhaasha mein kisi bhi baat ko spashta karne mein samay bhi lagta hai। lekin naynon ki bhaasha ishaara dene ki bhaasha hai। man ke bhaavna ki bhaasha chehre ke dvaara bhaav roop mein prasiddha hoti hain। chehre ka bhaav man ki bhaavna ko siddha karta hai। jaise koi bhi kisi ke saamne jaata hai,sneh se jaata hai va dushmani se jaata hai, va koi svaartha se jaata hai to uske man ka bhaav chehre se dikhaai deta hai। kis bhaavna se koi aaya hai woh nain-chain bolte hain। to bhaavna ki bhaasha chehre ke bhaav se jaan bhi sakte ho, bol bhi sakte ho। aise hi sankalp ki bhaasha yeh bhi bahut shreshtha bhaasha hai। kyonki sankalp shakti sabse shreshtha shakti hai, mool shakti hai। aur sabse teevragti ki bhaasha yeh sankalp ki bhaasha hai। kitna bhi koi door ho,koi saadhan nahin ho lekin sankalp ki bhaasha dvaara kisi ko bhi message de sakte ho। ant mein yahi sankalp ki bhaasha kaam mein aayegi। science ke saadhan jab fail ho jaate hain to yeh silence ka saadhan kaam mein aayega। lekin koi bhi connection jodne ke liye sada line clear chaahiye। jitna-jitna ek baap aur unheen dvaara sunaai hui knowledge mein va usi knowledge dvaara seva mein sada busy rahne ke abhyaasi honge utna shreshtha sankalp hone ke kaaran line clear hogi। vyartha sankalp hi disturbance hain। jitna vyartha samaapta ho samartha sankalp chalenge utna sankalp shreshtha, bhaasha itni hi spashta anubhav karenge। jaise mukh ki bhaasha se anubhav karte ho। sankalp ki bhaasha second mein mukh ki bhaasha se bahut jyaada kisi ko bhi anubhav kara sakte hain। teen minute ke bhaashan ka saar second mein sankalp ki bhaasha se anubhav kara sakte ho। second mein jeevan-mukta ka jo gaayan hai woh anubhav kara sakte ho।

antarmukhi aatmaon ki bhaasha, yahi alaukik bhaasha hai। abhi samay pramaan in teenon bhaashaaon dvaara sahaj saphalta ko praapta karenge। mehnat bhi kam,samay bhi kam। lekin saphalta sahaj hai। isliye ab is roohaani bhaasha ke abhyaasi bano। to aaj baapdaada bhi bachchon ke in teenon reeti ki bhaasha sun rahe hain। aur sabhi bachchon ko respond de rahe hain। sabhi ke ati sneh ka swaroop baapdaada dekh sneh ko, sneh ke saagar mein sama rahe hain। sabhi ki yaadon ko sada ke liye yaadgaar roop banne ka shreshtha vardaan de rahe hain। sabhi ke man ke bhinna-bhinna bhaav ko jaan sabhi bachchon ke prati sarva bhaavon ka respond - sada nirvighna bhav, samartha bhav, sarva shakti sampanna bhav ki shubh bhaavna, is roop mein de rahe hain। baap ki shubh bhaavna jo bhi sab bachchon ki shubh kaamnaayen hain,paristhiti pramaan sahayog ki bhaavna hai va shubh kaamna hai, woh sabhi shubh kaamnaayen baapdaada ki shreshtha bhaavna se sampanna hoti hi jaayengi। chalte-chalte kabhi-kabhi kai bachchon ke aage puraane hisaab-kitaab isi mein hi roochi rakhte hain। jyaada kamaai ka saadhan bhi yahi bana hua hai। achha- to sab naachte-gaate,aage badhte rehte hain। (aajkal samparka vaali aatmaayen achhi madadgaar hain, khud hi sab plan banaate ja rahe hain) achha hai,aise hi hona hai tab to aap log vaanaprastha mein jaayenge। vaani se pare sthiti mein jaana hai। jab doosre jimmevaari uthaayenge tab to aap log vaanaprasthi ban sabhi ko vaanaprastha mein le jaayenge। abhi to apni stage banaani padti hai phir stage bani banaai milegi। yahi seva ki saphalta hai jo banaane vaale doosre ho aur aap sirf aasheervaad dekar aao।

sabhi ko seva karna sikha diya hai na? to jo seekh gaye, kislie seekhe? karne ke liye seekhe hain na। abhi jyaada maatha lagaane ki jaroorat hi nahin hai। jaise svarga mein sab bana banaaya hoga। sirf yeh kahenge - chalie hajoor, baithiye hajoor! aise abhi bhi sab bana banaaya milega। yahaan hi seva ki stage mein foundation padta hai। satayug mein koi mehnat karni padegi? to mehnat ki saphalta ka phal abhi se hi pratyaksha roop mein anubhav karenge tab woh sanskaar practical mein aayenge। abhi jyaada maatha lagaane vaali seva ka swaroop hi badalna hai। jahaan jyaada maatha lagaate hain vahaan jyaada svabhaav ka bhi maatha takraata hai। abhi sahaj svaabhaavik roop mein saphalta anubhav karenge। achha - daadi ki saathi ban gai,yeh bhi bahut achha kiya। yeh bhi drama mein part hai। aise hi ekdo ke sankalp udaate rahenge। sankalp pahuncha aur practical hua। ek ne kaha doosre ne maana yeh bhi shreshtha karma karke dikhaane ke nimitta bano। kyon,kya nahin kiya na। haan ji kar liya na। aise hi halke sabhi ban jaaen to phir kya hoga? sabhi udte panchhi ho jaayenge। aaj yahaan kal vahaan। jaise panchhi kabhi kisi daali par baithte, kabhi kisi daali par baithte, udte rehte। aise udte panchhi ban jaayenge। jis daali par baithe vahi ghar hai। to aisa sanskaar bharna hi hai। aisa sabhi seekh gaye ho na! kabhi bhi order aayega to ‘kya-kyon’to nahin karengi na! jab seva sthaan kehte ho to seva sthaan ka arth kya hua?kabhi bhi koi centre ko ghar to nahin kehte hain na। seva sthaan kehte hain, pravritti vaalon ka ghar hai lekin jo brahman ban gaye unke seva sthaan hain। seva sthaan arthaat seva ke liye hain। to jahaan seva hain vahaan haajar। ghar hoga to chhodne mein mushkil hoga। seva sthaan hai to jahaan bhi seva hai woh seva sthaan hai। achha - aise sabhi ever ready bano।

party se avyakt baapdaada ki mulaakaat - 1. suna to bahut hai। aakhir hisaab nikaalo, sunne ka andaaj kya hai? sunna aur karna donon hi saath-saath hain? ya sunne aur karne mein antar pad jaata hain? sunte kislie ho? karne ke liye na! sunna aur karna jab samaan ho jaayega to kya hoga? sampanna ho jaayenge na। to pahle-pahle sampoorn sthiti ka sample kaun banega? harek yeh kyon nahin kehte ho ki - ‘main banoonga’। ismen jo ote so arjun। jaise baap ne svayan ko nimitta banaaya aise jo nimitta banta woh‘arjun’ban jaata। arthaat avval number mein aa jaata hai। achha - dekhenge kaun banta hai! baapdaada to bachchon ko dekhna chaahte hain। varsha beette jaate hain। jaise varsha beette aise jo bhi puraani chaal hai woh beet jaae। aur naya umang,naya sankalp sada rahe। to yahi sampoornata ki nishaani hai। puraane ko to deepmaala mein sabhi ne khatma kiya hai na! divaali manaai thi na! to divaali mein puraana khatma hua। abhi sab naya ho। achha।

prashn - baap ke sameep aane ka aadhaar kya hai?

uttar -visheshtaayen। visheshtaaon ne hi vishesh baap ke sameep laaya hai। abhi jo visheshtaayen svayan mein hain woh auron ke aage vishesh sample ban pratyaksha hona hai। jo visheshtaayen hain woh seva ke dvaara vriddhi ko praapta hoti hain। jo visheshtaayen baap ne bhari hain un sabko seva mein lagaao। visheshta ko saakaar mein laane se seva ki subject mein bhi marks mil jaati hain। anubhav sunaao, apne paas sirf nahin rakho। anubhav ko seva mein laao to auron ka bhi umang-utsaah badhega। baapdaada sada vishesh aatmaon ki visheshta ko dekhte hain। aur usi se kaarya karaate hain। achha-