Avyakt murli for Saturday 18 January 1986

>

18-01-86om shanti avyakt baapdaadaamdhuban

mansa shakti tatha nirbhayta ki shakti

vrikshapti baap apne aadi ratnon prati bole

aaj vrikshapti apne naye vriksha ke foundation bachchon ko dekh rahe hain। vrikshapti apne vriksha ke tana ko dekh rahe hain। sabhi vrikshapti ki paalna ke pale hue shreshtha phalasvaroop bachchon ko dekh rahe hain। aadi dev apne aadi ratnon ko dekh rahe hain। har ek ratna ki mahaanta, visheshta apni-apni hai। lekin hain sabhi nai rachna ke nimitta bane hue vishesh aatmaayen। kyonki baap ko pahchaanne mein,baap ke kaarya mein sahayogi banne mein nimitta bane aur anekon ke aage example bane hain। duniya ko na dekh, nai duniya banaane vaale ko dekha। atal nishchay aur himmat ka pramaan duniya ke aage bankar dikhaaya। isliye sabhi vishesh aatmaayen ho। vishesh aatmaon ko vishesh roop se sangathit roop mein dekh baapdaada bhi harshit hote hain aur aise bachchon ki mahima ke geet gaate hain। baap ko pahchaana aur baap ne, jo bhi hain, jaise bhi hain, pasanda kar liya। kyonki dilaaraam ko pasanda hai - sachchi dil vaale। duniya ka dimaag na bhi ho lekin baap ko duniya ke dimaagi pasanda nahin,dil vaale pasanda hai। dimaag to baap itna bada de deta hai jisse rachayita ko jaanne se rachna ke aadi, madhya,ant ki knowledge jaan lete ho। isliye baapdaada pasanda karte hain - dil se। number bhi bante hain sachchi saaph dil ke aadhaar se। seva ke aadhaar se nahin। seva mein bhi sachchi dil se seva ki va sirf dimaag ke aadhaar se seva ki! dil ka aavaaj dil tak pahunchta hai,dimaag ka aavaaj dimaag tak pahunchta hai। aaj baapdaada dil vaalon ki list dekh rahe the। dimaag vaale naam kamaate hain, dil vaale duaayen kamaate hain। to do maalaayen ban rahi theen। kyonki aaj vatan mein advance mein gai hui aatmaayen emerge thi। woh vishesh aatmaayen rooh-roohaan kar rahi theen। mukhya rooh-roohaan kya hogi? aap sabhi ne bhi vishesh aatmaon ko emerge kiya na! vatan mein bhi rooh-roohaan chal rahi thi ki ‘samay aur sampoornata’donon mein kitna antar rah gaya hai? number kitne taiyaar hue hain? number taiyaar hue hain ya abhi hone hain? nambarvaar sab stage par aa rahe hain na। advance party poochh rahi thi - ki abhi ham to advance ka kaarya kar rahe hain lekin hamaare saathi hamaare kaarya mein vishesh kya sahayog de rahe hain? woh bhi maala bana rahe hain। kaun-si maala bana rahe hain?kahaan-kahaan kis-kis ka nai duniya ke aarambha karne ka janma hoga। woh nishchit ho raha hai। unhon ko bhi apne kaarya mein vishesh sahayog - sookshm shaktishaali mansa ka chaahiye। jo shaktishaali sthaapna ke nimitta banne vaali aatmaayen hain woh svayan bhal paavan hain lekin vaayumandal vyaktiyon ka, prakriti ka tamoguni hai। ati tamoguni ke beech alpa satoguni aatmaayen kamal pushpa samaan hain। isliye aaj rooh-roohaan karte aapki ati snehi shreshtha aatmaayen muskaraate hue bol rahi theen ki kya hamaare saathiyon ko itni badi seva ki smriti hai va centre mein hi busy ho gaye hain va zone mein busy ho gaye hain?

itna saara prakriti parivartan ka kaarya, tamoguni sanskaar vaali itni aatmaon ka vinaash kisi bhi vidhi se hoga lekin achaanak ke mrityu, akaale mrityu, samooh roop mein mrityu, un aatmaon ke vaayabrashen kitne kitne tamoguni honge, usko parivartan karna aur svayan ko bhi aise khooni naahak vaayumandal ke vibration se safe rakhna aur un aatmaon ko sahayog dena - kya is vishaal kaarya ke liye taiyaari kar rahe ho? ya sirf koi aaya,samjhaaya aur khaaya,isi mein hi to samay nahin ja raha hai? woh poochh rahe the। aaj baapdaada unhon ka sandesh suna rahe hain। itna behad ka kaarya karne ke nimitta kaun hain? jab aadi mein nimitta bane ho to ant mein bhi parivartan ke behad ke kaarya mein nimitta banna hai na। vaise bhi kahaavat hai - ‘jisne ant kiya usne sab kuchh kiya’। garbha mahal bhi taiyaar karne hain। tab to nai rachna ka, yogbal ka aarambha hoga। yogbal ke liye mansa shakti ki aavashyakta hai।apni safety ke liye bhi mansa shakti saadhan banegi। mansa shakti dvaara hi svayan ki ant suhaani banaane ke nimitta ban sakenge। nahin to saakaar sahayog samay par circumstance pramaan na bhi praapta ho sakta hai। us samay mansa shakti arthaat shreshtha sankalp shakti, ek ke saath line clear nahin hogi to apni kamzoriyaan pashchaataap ke roop mein bhooton ke misal anubhav hongi। kyonki smriti mein kamzori aane se bhay - bhoot ki tarah anubhav hoga। abhi bhale kaise bhi chala lete ho lekin ant mein bhay anubhav hoga। isliye abhi se behad ki seva ke liye, svayan ki safety ke liye mansa shakti aur nirbhayta ki shakti jama karo, tab hi ant suhaana aur behad ke kaarya mein sahayogi ban behad ke vishwa ke raajya adhikaari banenge। abhi aapke saathi, aapke sahayog ka intajaar kar rahe hain। kaarya chaahe alag-alag hai lekin parivartan ke nimitta donon hi hain। woh apni result suna rahe the।

advance party vaale koi svayan shreshtha aatmaon ka aahvaahan karne ke liye taiyaar hue hain aur ho rahe hain, koi taiyaar karaane mein lage hue hain। unhon ka seva ka saadhan hai - mitrata aur sameepta ke sambandh। jisse emerge roop mein gyaan charcha nahin karte lekin gyaani tu aatma ke sanskaar hone ke kaaran ek do ke shreshtha sanskaar,shreshtha vibration aur sada holi aur happy chehra ek do ko prerna dene ka kaarya kar raha hai। chaahe alag-alag parivaar mein hain lekin kisi na kisi sambandh va mitrata ke aadhaar par ek do ke samparka mein aane se aatma knowledgeful hone ke kaaran yeh anubhooti hoti rehti hai ki yeh apne hain va sameep ke hain। apnepan ke aadhaar se ek do ko pahchaante hain। abhi samay sameep aa raha hai isliye advance party ka kaarya teevragti se chal raha hai। aisi len-den vatan mein ho rahi thi। vishesh jagat-amba sabhi bachchon ke prati do madhur bol, bol rahi thi। do bol mein sabhi ko smriti dilaai - ‘‘saphalta ka aadhaar sada sahanshakti aur samaane ki shakti hai, in visheshtaaon se saphalta sada sahaj aur shreshtha anubhav hogi।’’ auron ka bhi sunaayen kya? aaj chit-chat ka din vishesh milne ka raha to har ek apne anubhav ka varnan kar rahe the। achha aur kiska sunenge? (vishwa kishor bhaau ka) woh vaise bhi kam bolta hai lekin jo bolta hai woh shaktishaali bolta hai। uska bhi ek hi bol mein saara anubhav raha ki kisi bhi kaarya mein saphalta ka aadhaar - ‘‘nishchay atal aur nasha sampanna’’। agar nishchay atal hai to nasha svatah hi auron ko bhi anubhav hota hai। isliye nishchay aur nasha saphalta ka aadhaar raha। yeh hai uska anubhav। jaise saakaar baap ko sada nishchay aur nasha raha ki main bhavishya mein vishwa mahaaraajan bana ki bana। aise vishvakishor ko bhi yeh nasha raha ki main pahle vishwa mahaaraajan ka pahla prince hoon। yeh nasha vartamaan aur bhavishya ka atal raha। to samaanta ho gai na। jo saath mein rahe unhonne aisa dekha na।

achha - deedi ne kya kaha? deedi rooh-roohaan bahut achhi kar rahi thi। woh kehti hai ki aapne sabhi ko bina soochna diye kyon bula liya। chhutti lekar taiyaar ho jaati। aap chhutti dete the? baapdaada bachchon se rooh-roohaan kar rahe the - deh sahit deh ke sambandh, deh ke sanskaar sabke sambandh,laukik nahin to alaukik to hain। alaukik sambandh se,deh se, sanskaar se ‘nashtomoha’banne ki vidhi,yahi drama mein noondhi hui hai। isliye ant mein sabse nashtomoha ban apni duty par pahunch gai। chaahe vishwa kishor ka pahle thoda-sa maaloom tha lekin jis samay jaane ka samay raha us samay woh bhi bhool gaya tha। yeh bhi drama mein nashtomoha banne ki vidhi noondhi hui thi jo repeat ho gai। kyonki kuchh apni mehnat aur kuchh baap drama anusaar karmabandhan mukta banaane mein sahayog bhi deta hai। jo bahut kaal ke sahayogi bachche rahe hain, ‘ek baap doosra na koi’ is men subject mein paas rahe hain, aise ek baap anubhav karne vaalon ko baap vishesh ek aise samay sahayog zaroor deta hai। kai sochte hain ki kya yeh sab karmaateet ho gaye,yahi karmaateet sthiti hai? lekin aise aadi se sahayogi bachchon ko extra sahayog milta hai। isliye kuchh apni mehnat kam bhi dikhaai deti ho lekin baap ki madad us samay ant mein extra marks de paas with honour bana hi deti hai। woh gupta hota hai - isliye question uthte hain- ki kya aisa hua?lekin yeh sahayog ka return hai। jaise kahaavat hai na - ‘aaeevel mein kaam aata hai’। to jo dil se sahayogi rahe hain unhon ko aise samay par extra marks return ke roop mein praapta hoti hai। samjha - is rahasya ko?isliye nashtomoha ki vidhi se extra marks ki gift se saphalta ko praapta kar liya। samjha - poochhte rahe ho na ki aakhir kya hai? so aaj yeh rooh-roohaan suna rahe hain। achha - deedi ne kya kaha? uska anubhav to sabhi jaante bhi ho। woh yahi bol,bol rahi thi ki ‘sada baap aur daada ki anguli pakdo ya anguli do। chaahe bachcha bana ke anguli pakdo, chaahe baap banaakar anguli do। donon roop se har kadam mein anguli pakad saath ka anubhav kar chalna,yahi mere sapaalta ka aadhaar hai। to yahi vishesh rooh-roohaan chali। aadi ratnon ke sangathan mein woh kaise miss hogi isliye woh bhi emerge thi। achha - woh rahi advance party ki baaten, aap kya karenge?

advance party apna kaam kar rahi hai। aap advance force bharo। jisse parivartan karne ke kaarya ka course samaapta ho jaae। kyonki foundation hai। foundation hi behad ke sevaadhaari ban, behad ke baap ko pratyaksha karenge। pratyakshata ka nagaada, ek hi saaj mein bajega - ‘mil gaya, aa gaya।’ ! abhi to bahut kaam pada hai। aap samajh rahe ho ki poora ho raha hai। abhi to vaani dvaara badalne ka kaarya chal raha hai। abhi vritti dvaara vrittiyaan badlen, sankalp dvaara sankalp badal jaaen। abhi yeh research to shuru bhi nahin ki hai। thoda-thoda kiya to kya hua? yeh sookshm seva svatah hi kai kamzoriyon se paar kar degi। jo samajhte hain ki yeh kaise hoga। woh jab is seva mein busy rahenge to svatah hi vaayumandal aisa banega jo apni kamzoriyaan svayan ko hi spashta anubhav hongi aur vaayumandal ke kaaran svayan hi sharmashaar ho parivartit ho jaayenge। kehna nahin padega। kahne se to dekh liya। isliye abhi aisa plan banaao। jigyaasu aur jyaada badhege iski chinta nahin karo। madogri bhi bahut badhegi। iski bhi chinta nahin karo। makaan bhi mil jaayenge iski bhi chinta nahin karo। sab siddhi ho jaayegi। yeh vidhi aisi hai jo siddhi swaroop ban jaayenge। achha –

shaktiyaan bahut hain, aadi mein nimitta jyaada shaktiyaan bani। golden jubilee mein bhi shaktiyaan jyaada rahi hain। paandav thode ginti ke hain। phir bhi paandav hain। achha hai,himmat rakh aadi mein sahan karne ka saboot to yahi aadi ratan hain। vighna vinaashak ban nimitta ban,nimitta banaane ke kaarya mein amar rahen hain। isliye baapdaada ko bhi avinaashi, amar bhav ke vardaani bachche sada priy hain। aur yeh aadi ratan sthaapna ke,aavashyakta ke samay ke sahayogi hain। isliye aise nimitta banne vaali aatmaon ko, aaeevele par sahayogi banne vaali aatmaon ko, aisi koi bhi vela mushkil ki aati hai to baapdaada bhi unhein uska return deta hai। isliye aap sabhi jo bhi aise samay par nimitta bane ho uski yeh extra gift drama me noondhi hui hai। isliye extra gift ke adhikaari ho। samjha - maataaon ke phuri-phuri boond-boond taalaab se sthaapna ka kaarya aarambha hua aur abhi saphalta ke sameep pahuncha। maataaon ke dil ki kamaai hai,dhandhe ki kamaai nahin। dil ki kamaai ek hajaar ke baraabar hai। sneh ka beej daala hai isliye sneh ke beej ka phal phaleebhoot ho raha hai। hai to saath paandav bhi। paandavon ke bina bhi to kaarya nahin chalta lekin jyaada sankhya shaktiyon ki hai। isliye 5 paandav likh diye hain। phir bhi pravritti ko nibhaate nyaare aur baap ke pyaare ban himmat aur umang ka saboot diya hai isliye paandav bhi kam nahin hain। shaktiyon ka sarvashaktivaan gaaya hua hai to paandavon ka paandavapti bhi gaaya hai। isliye jaise nimitta bane ho aise nimitta bane ho aise sada smriti mein rakh aage badhte chalo। achha –

sada padmaapadma bhaagya ke adhikaari, sada saphalta ke adhikaari, sada svayan ko shreshtha aadhaarmoorta samajh sarva ka uddhaar karne vaale, shreshtha aatmaon ko baapdaada ka yaadapyaar aur namaste।’’

daadiyon se - ghar ka get kaun kholega? golden jubilee vaale ya silver jubilee vaale, brahma ke saath get to kholenge na! ya peechhe aayenge?saath jaayenge to sajni bankar jaayenge aur peechhe jaayenge to baraati bankar jaayenge। sambandhi bhi to baraati kahe jaayenge। najdeek to hain lekin kaha jaayega - baaraat aai hain। to kaun get kholega? golden jubilee vaale sa silver jubilee vaale? jo ghar ka get kholenge vahi svarga ka get bhi kholenge। abhi vatan mein aane ki kisko mana nahin hai। saakaar mein to phir bhi bandhan hai samay ka circumstance ka। vatan mein aane ke liye to koi bandhan nahin। koi nahin rokega,tarna lagaane ki bhi jaroorat nahin। abhyaas se aisa anubhav karenge jaise yahaan shareer mein hote hue ek second mein chakkar lagaakar vaapas aa gaye jo antah vaahak shareer se chakra lagaane ka gaayan hai। yeh antar ki aatma vaahan ban jaati hai। to aise anubhav karenge jaise bilkul button dabaaya, vimaan uda, chakra lagaake aa gaye aur doosre bhi anubhav karenge ki yeh yahaan hote hue bhi nahin hai। jaise saakaar mein dekha na - baat karte-karte bhi second mein hai aur abhi nahin hai। abhi-abhi hai,abhi-abhi nahin hai। yeh anubhav kiya na। aise anubhav kiya na! ismen sirf sthool vistaar ko sametne ki aavashyakta hai। jaise saakaar mein dekha - itna vistaar hote hue bhi antim stage kya rahi? vistaar ko sametne ki,upraam rahne ki। abhi-abhi sthool daarekshan de rahe hain aur abhi-abhi ashareeri sthiti ka anubhav kara rahe hain। to yeh sametne ki shakti ki pratyakshata dekhi! jo aap log bhi kehte the ki baba yahaan hai ya nahin hain! sun rahe hain ya nahin sun rahe hain। lekin woh teevragti aisi hoti hai, jo kaarya miss nahin karenge। aap baat suna rahe ho to baat miss nahin karenge। lekin gati itni teevra hai jo donon hi kaam ek minute mein kar sakte hai। saar bhi catch kar lenge aur chakra bhi laga lenge। aise bhi ashareeri nahin honge jo koi baat kar raha hai, aap kaho ki suna hi nahin। gati fast ho jaati hai। buddhi itni vishaal ho jaati hai jo ek hi samay par donon kaarya karte hain। yeh tab hota jab sametne ki shakti use karo। abhi pravritti ka vistaar ho gaya hai। usmein rehte hue yahi abhyaas pharishte pan ka saakshaatkaar karaayega! abhi ek-ek chhoti-chhoti baat ke peechhe yeh jo mehnat karni padti hai - woh svatah hi oonch jaane se yeh chhoti baaten vyakta bhaav ki anubhav hongi। oonche jaane se neecha pan apne aap chhoot jaayega। mehnat se bach jaayenge। samay bhi bachega, aur seva bhi fast hogi, nahin to kitna samay dena padta hai! achha –

“silver jubilee mein aai hui teachers bahnon ke prati avyakt mahaavaakya”

sabhi ne silver jubilee manaai! banna to golden aged hai, silver to nahin banna hai na! golden aged banne ke liye is varsha kya plan banaaya hai? seva ka plan to banaate hi ho lekin sva-parivartan aur behad ka parivartan - uske liye kya plan banaaya hai? yeh to apne-apne sthaan ka plan banaate ho, yeh karenge। lekin aadi nimitta ho to behad ke plan vaale ho। aise buddhi mein emerge hota hai ki humein itne saare vishwa ka kalyaan karna hai, yeh emerge hota hai?ya samajhte ho ki yeh to jinka kaam hai vahi jaanen! kabhi behad ka khyaal aata hai ya apne hi sthaanon ka khyaal rehta hai?naam hi hai vishwa-kalyaankaari,phalaane sthaan ke kalyaankaari to nahin kehte। lekin behad seva ka kya sankalp chalta hai? behad ke maalik banna hain na, state ke maalik to nahin banna hai। sevaadhaari nimitta aatmaon mein jab yeh lahar paida ho tab woh lahar auron mein bhi paida hogi। agar aap logon mein yeh lahar nahin hogi to doosron mein aa nahin sakti। to sada behad ke adhikaari samajh,behad ka plan banaao। pahli mukhya baat hai -kisi bhi prakaar ke had ke bandhan mein bandhe hue to nahin hain na! bandhan mukta hi behad ki seva mein saphal honge। yahaan hi yeh pratyaksha hota ja raha hai aur hota rahega। to is varsha mein kya visheshta dikhaayenge?dridh sankalp to har varsha karte ho। jab bhi koi aisa chance banta hai usmein bhi dridh sankalp to karte bhi ho,karaate bhi ho। to dridh sankalp lena bhi common ho gaya hai। kahne mein dridh sankalp aata hai lekin hota hai - sankalp। agar dridh hota to dubaara nahin lena padta। ‘dridh sankalp’yeh shabd common ho gaya hai। abhi koi bhi kaam karte hai to kehte aise hi hain ki haan,dridh sankalp karte hain lekin aisa koi naya saadhan nikaalo jisse sochna aur karna samaan ho। plan aur practical donon saath hon। plan to bahut hain lekin practical mein samasyaayen bhi aati hain, mehnat bhi lagti hai,saamna karna bhi padta hai,yeh to hoga aur hota hi rahega। lekin jab lakshya hai to practical mein sada aage badhte rahenge। abhi aisa plan banaao jo kuchh naveenta dikhaai de। nahin to har varsha ikatthe hote ho, kehte ho vaise ka vaisa hi hai। ek do ko vaisa hi dekhte। manapsanda nahin hota। jitna chaahte hain utna nahin hota। woh kaise ho? iske liye - ‘ote so arjun’। ek bhi nimitta ban jaata hai to auron mein bhi umang utsaah to aata hi hai। to itne sabhi ikatthe hue ho, aisa koi plan practical ka banaao। theory ke bhi papers hote hain, practical ke bhi hote hain। yeh to hai ki jo aadi se nimitta bane hain unhon ka bhaagya to shreshtha hai hi। abhi naya kya karenge?

iske liye vishesh attention - har karma karne ke pahle yeh lakshya rakho ki mujhe svayan ko sampanna banaae sample banaana hai। hota kya hai ki sangathan ka phaayda bhi hota hai to nuksaan bhi hota hai। sangathan mein ek do ko dekh albelaapan bhi aata hai aur sangathan mein ek do ko dekh karke umang utsaah bhi aata hai, donon hota hai। to sangathan ko albelepan se nahin dekhna hai। abhi yeh ek reeti ho gai hai,yeh bhi karte hain, yeh bhi karte hain, hamne bhi kiya to kya hua! aise chalta hi hain। to yeh sangathan mein albelepan ka nuksaan hota hai। sangathan se shreshtha banne ka sahayog lena woh alag cheez hai। agar yeh lakshya rahe - ki mujhe karna hai। mujhe karke auron ko karaana hai। phir umang utsaah rahega karne ka bhi aur karaane ka bhi। aur baar-baar is lakshya ko emerge karen। agar sirf lakshya rakha to bhi woh merge ho jaata hai। iseelie practical nahin hota। to lakshya ko samay prati samay emerge karo। lakshya aur lakshan bhi baar-baar milaate chalo। phir shaktishaali ho jaayenge। nahin to saadhaaran ho jaata hai। abhi is varsha har ek yahi samjhe ki humein ‘simple aur sample’ banna hai। yeh seva ki pravritti vriddhi ko to paati rehti hai lekin yeh pravritti unnati mein vighna roop nahin banni chaahiye। agar unnati mein vighna roop banti hai to use seva nahin kahenge। achha - hai to bahut bada jhunda! jab ek itna chhota-sa atom bomb bhi kamaal kar dikhaata hai to yeh itne aatmik bombs kya nahin kar sakte hain! stage par to aane vaale aap log ho na। golden jubilee vaale to ho gaye backbone lekin practical mein stage par to aane vaale aap ho। abhi aisa kuchh karke dikhaao। - jaise golden jubilee ke nimitta aatmaon ka sneh ka sangathan dikhaai deta hai aur us sneh ke sangathan ne pratyakshaphal dikhaaya - seva ki vriddhi, seva mein saphalta। aise hi aisa sangathan banaao jo kile ke roop mein ho। jaise golden jubilee vaali nimitta deediyaan, daadiyaan jo bhi hain unhonne jab sneh aur sangathan ki shakti ka pratyakshaphal dikhaaya to aap bhi pratyakshaphal dikhaao। to ek do ke sameep aane ke liye samaan banna padega। sanskaar bhinna-bhinna to hain bhi aur rahenge bhi। abhi jagdamba ko dekho aur brahma ko dekho - sanskaar bhinna-bhinna hi rahe। abhi jo bhi nimitta deedi-daadiyaan hain, sanskaar ek jaise to nahin lekin sanskaar milaana - yeh hai sneh ka saboot। yeh nahin socho ki sanskaar milen to sangathan ho, yeh nahin। sanskaar milaane se sangathan majboot ban hi jaata hai। achha -yeh bhi ho hi jaayega। seva ek hai lekin nimitta banna,nimitta bhaav mein chalna - yahi visheshta hai। yahi to had nikalni hai na?iske liye socha na? to sabko change karen। ek centre vaale doosre centre mein jaane chaahiye। sabhi taiyaar ho? order niklega। aapka to haindasaap hain na? badalne mein phaayda bhi hai। is varsha yeh nai baat karen na। nashtomoha to hona hi padega। jab tyaagi tapasvi ban gaye to yeh kya hai?tyaag hi bhaagya hai। to bhaagya ke aage yeh kya tyaag hai! offer karne vaalon ko aaphreen mil jaati hai। to sabhi bahaadur ho! badli maana badli। koi ko bhi kar sakte hain। himmat hai to kya badi baat hai। achha to is varsha yeh naveenta karenge। pasanda hain na! jinhonne ever ready ka paath aadi se padha hua hai unmein yeh bhi andar hi andar bal bhara hua hota hai। koi bhi aagya paalan karne ka bal svatah hi milta hai to sada aagyaakaari banne ka bal mila hua hai, achha - sada shreshtha bhaagya hai aur bhaagya ke kaaran sahayog praapta hota hi rahega। samjha!

2. seva vartamaan aur bhavishya donon ko hi shreshtha banaati hai। seva ka bal kam nahin hai। yaad aur seva donon ka bailansa chaahiye। to seva unnati ka anubhav karaayegi। yaad mein seva karna natural ho। brahman jeevan ki nature kya hai? yaad mein rehna। brahman janma lena arthaat yaad ka bandhan baandhana। jaise woh brahman jeevan mein koi na koi nishaani rakhte hain- to is brahman jeevan ki nishaani hai - ‘yaad’। yaad mein rehna natural ho। isliye yaad alag ki, seva alag ki, nahin। donon ikatthe hon। itna time kahaan hai jo yaad alag karo, seva alag karo।। isliye yaad aur seva sada saath hai hi। isi mein hi anubhvi bhi bante hain, saphalta bhi praapta karte hain। achha –

silver jubilee mein aaye hue bhaai-bahinon prati avyakt baapdaada ka madhur sandesh

rajat jayanti ke shubh avsar par roohaani bachchon ke prati sneh ke sunahre pushpa “saare vishwa mein oonche se oonche mahaayug ke mahaan paartadhaari, yug parivartak bachchon ko shreshtha suhaavne jeevan ki mubaarak ho। seva mein vriddhi ke nimitta banne ke vishesh bhaagya ki mubaarak ho। aadi se parmaatma snehi aur sahayogi banne ki, sample banne ki mubaarak ho। samay ke samasyaaon ke toofaan ko topha samajh, sada vighna-vinaashak banne ki mubaarak ho।

baapdaada sada apne aise anubhvon ke khazaanon se sampanna seva ke foundation bachchon ko dekh harshit hote hain aur bachchon ke saahas ke gunon ki maala simran karte hain। aise lucky aur lovely avsar par vishesh sunahre vardaan dete sada ek ban, ek ko pratyaksha karne ke kaarya mein saphal bhav! roohaani jeevan mein amar bhav! pratyaksha phal aur amar phal khaane ke padma bhaagyavaan bhav!”