Avyakt murli for Wednesday 24 February 1988

>

24 - 02 - 88 om shanti avyakt baapdaadaamdhuban

vardaata se praapta hue vardaanon ko vriddhi mein laane ki vidhi

sarvashaktiyon se sampanna bhav ka vardaan dene vaale, tension se mukta kar attention khinchavaane vaale sadguru baapdaada apne bachchon prati bole

aaj baapdaada apne roohaani chaatrak bachchon ko dekh rahe hain। har ek bachcha baap se sunne ke,milne ke aur saath - saath baap samaan banne ke chaatrak hain। sunne se janma - janmaantar ki pyaas mit jaati hai। gyaan - amrit pyaasi aatmaon ko tripta aatma bana deta hai। sunte - sunte aatmaayen bhi baap samaan gyaanasvaroop ban jaati hain va yeh kahen gyaan - murli sunte - sunte svayan bhi ‘murleedhar bachche' ban jaate hain। roohaani milan manaane baap ke sneh mein sama jaate hain। milan manaate lavleen, magna sthiti vaale ban jaate hain,milan manaate ek baap doosra na koi - is anubhooti mein samaaye hue rehte hain, milan manaate nirvighna,sada baap ke sang ke rang mein laal ban jaate hain। jab aise samaaye hue va sneh mein lavleen ban jaate hain to kya aasha rehti hai? ‘baap - samaan'banne ki। baap ke har kadam - par - kadam rakhne vaale arthaat baap samaan banne vaale। jaise baap ka sada sarvashaktivaan swaroop hai, aise bachche bhi sada master sarvashaktivaan ka swaroop ban jaate hain। jo baap ka swaroop hai - sada shaktishaali,sada light - aise samaan ban jaate hain।

samaan banne ki vishesh baaten jaante ho na, kin - kin baaton mein baap samaan banna hai? ban rahe ho aur bane bhi ho। jaisa baap ka naam, bachchon ka bhi vahi naam hai। vishwa - kalyaankaari! yahi naam hai na aap sabka। jo baap ka roop vahi bachchon ka roop, jo baap ke gun woh bachchon ke। baap ke har gun ko dhaaran karne vaale hi baap samaan bante hain। jo baap ka kaarya, woh bachchon ka kaarya। sab baaton mein baap samaan banna hai। lakshya to sabhi ka vahi hai na। sammukh rahne vaale nahin lekin samaan banne vaale hain। isko hi kaha jaata hai - follow father karne vaale। to apne ko check karo - sab baaton mein kahaan tak baap samaan bane hain? samaan banne ka vardaan aadi se baap ne bachchon ko diya hai। aadi ka vardaan hai - ‘sarva shaktiyon se sampanna bhav'। laukik jeevan mein baap va guru vardaan dete hain। ‘dhanvaan bhav', ‘putravaan bhav', ‘badi aayu bhav',ya ‘sukhi bhav' ka vardaan dete hain। baapdaada ne kya vardaan diya? ‘sada gyaan - dhan, shaktiyon ke dhan se sampanna bhav'। yahi brahman jeevan ka khazaana hai।

jab se brahman janma liya,tab se sangamayug ki sthaapna ke kaarya mein ant tak jeena arthaat ‘badi aayu bhav'। beech mein agar brahman jeevan se nikal puraane sanskaaron ya puraane sansaar mein chale jaate hain to isko kaha jaata hai - janma liya lekin chhoti aayu vaale,kyonki brahman jeevan se mar gaye। koi - koi aise bhi hote hain jo koma mein chale jaate hain, hote hue bhi na ke baraabar hote hain aur kabheekbhi jaag bhi jaate hain lekin woh jinda hona bhi marne ke samaan hi hota hai। to ‘badi aayu bhav' arthaat sada aadi se ant tak brahman jeevan va shreshtha divya jeevan ki sarva praaptiyon mein jeena। badi aayu ke saath - saath ‘nirogi bhav' ka bhi vardaan aavashyak hai। agar aayu badi hai lekin maaya ki vyaadhi baar - baar kamzor bana deti hai to woh jeena bhi jeena nahin hai। to ‘badi aayu bhav' ke saath sada tanduroosta rehna arthaat nirvighna rehna hai। baar - baar uljhan mein va dilshikasta ki sthiti ke bistar havaale nahin hona hai। jo koi beemaar hota hai to bistare havaale hota hai na। chhoti - chhoti uljhan to chalte - phirte bhi khatma kar dete ho lekin jab koi badi samasya aa jaati,uljhan mein aa jaate, dilshikasta ban jaate ho to man ki haalat kya hoti hai?jaise shareer bistare ke havaale hota hai to koi dil nahin hoti - uthne ki, chalne ki va khaane - peene ki koi dil nahin hoti। aise yahaan bhi yog mein baithenge to bhi dil nahin lagegi, gyaan bhi sunenge to dil se nahin sunenge। seva bhi dil se nahin karenge; dikhaave se va dar se,loklaaj se karenge। isko sada tanduroosta jeevan nahin kahenge। to ‘badi aayu bhav'arthaat ‘nirogi bhav'isko kaha jaata hai।

‘putravaan bhav' va ‘santaan bhav'। aapke santaan hain?do - chaar bachche nahin paida kiye hain? ‘santaan bhav'ka vardaan hai na। do - chaar bachchon ka vardaan nahin milta lekin jab baap samaan master rachayita ki stage par sthiti ho tab to yeh sab apni rachna lagti hai। behad ke master rachayita banna,yeh behad ka‘putravaan bhav', ‘santaan bhav'ho jaata। had ke nahin ki jo do - chaar jigyaasu hamne banaaya, yeh mere hain। nahin। master rachta ki stage behad ki stage hai। kisi bhi aatma ko va prakriti ke tatvon ko bhi apni rachna samajh vishwa - kalyaankaari sthiti se har ek ke prati kalyaan ki shubh bhaavna, shubh kaamna rehti hai। rachta ki rachna prati yahi bhaavnaayen rehti hain। jab behad ke master rachayita ban jaate ho to koi had ki aakarshan aakarshit nahin kar sakegi। sada apne ko kahaan khada hua dekhenge?jaise vriksha ka rachta ‘beej',jab vriksha ki antim stage aati hai to woh beej oopar aa jaata hai na। aise behad ke master rachayita sada apne ko is kalpa vriksha ke oopar khada hua anubhav karenge,baap ke saath - saath vriksha ke oopar master beejroop ban shaktiyon ki,gunon ki,shubhbhaavna - shubh kaamna ki,sneh ki,sahayogi ki kirnen phailaayenge। jaise soorya ooncha rehta hai to saare vishwa mein svatah hi kirnen phailti hain na। aise master rachayita va master beejroop ban saare vriksha ko kirne va paani de sakte ho?to kitni santaan hui?saari vishwa aapki rachna ho gai na। to ‘master rachta bhav'। isko kehte hai ‘putravaan bhav'। to kitne vardaan hain! isko hi kaha jaata hai - baap samaan banna। janmate hi yeh sab vardaan har ek brahman aatma ko baap ne de diye hai। vardaan mile hain na। va abhi milne hain?

jab koi bhi vardaan kisi ko miaalta hai to vardaan ke saath vardaan ko kaarya mein lagaane ki vidhi bhi sunaai jaati hai। agar woh vidhi nahin apnaate to vardaan ka laabh nahin le sakte। to vardaan to sabhi ko mila hua hai lekin har ek vardaan ko vidhi se vriddhi ko praapta kar sakte hain। vriddhi ko kaise praapta kar sakte, uski vidhi sabse sahaj aur sabse shreshtha yahi hai - jaisa samay us pramaan vardaan smriti mein aaye। aur smriti mein aane se samartha ban jaayenge aur siddhi swaroop ban jaayenge। jitna samay pramaan kaarya mein lagaayenge,utna vardaan vriddhi ko praapta karta rahega arthaat sada vardaan ka phal anubhav karte rahenge। itne shreshtha shaktishaali vardaan mile hue hain - na sirf apne prati kaarya mein lagaae phal praapta kar sakte ho lekin anya aatmaon ko bhi vardaata baap se vardaan praapta karaane ke yogya bana sakte ho! yeh sangamayug ka vardaan 21janma bhinna roop se saath mein rehta hai। yeh sangam ka roop alag hai aur 21 janma yahi vardaan jeevan ke hisaab se chalta rehta hai। lekin vardaata aur vardaan praapta hone ka samay abhi hai। to yeh check karo ki sarva vardaan kaarya mein lagaate sahaj aage badh rahe ho?

yeh vardaan ki visheshta hai ki vardaani ko kabhi mehnat nahin karni padti। jab bhakta aatmaayen bhi mehnat kar thak jaati hain to baap se vardaan hi maangati hain। aapke paas bhi jab log aate hain, yog lagaane ki mehnat nahin karne chaahte to kya bhaasha bolte hain? kehte hain - sirf humein vardaan de do,maathe par haath rakh lo। aap brahman bachchon ke oopar vardaata baap ka haath sada hai। shreshtha mat hi haath hai। sthool haath to 24ghante nahin rakhenge na! yeh baap ke shreshtha mat ka vardaan roopi haath sada bachchon ke oopar hai। amritvele se lekar raat ko sone tak har shvaans ke liye,har sankalp ke liye, har karma ke liye shreshtha mat ka haath hai hi। isi vardaan ko vidhipoorvak chalaate chalo to kabhi bhi mehnat nahin karni padegi।

jaise devtaaon ke liye gaayan hai - ichchha - maatram - avidya। yeh hai pharishta jeevan ki visheshta। devtaai jeevan mein to ichchha ki baat hi nahin। brahman jeevan so pharishta jeevan ban jaati arthaat karmaateet sthiti ko praapta ho jaate। kisi bhi shuddh karma va vyartha karma va vikarma va pichhla karma,kisi bhi karma ke bandhan mein bandhakar karna - isko karmaateet avastha nahin kahenge। ek hi karma ka sambandh,ek hai bandhan। to jaise yeh gaayan hai - had ki ichchha se avidya, aise pharishta jeevan va brahman jeevan arthaat‘mushkil' shabd ki avidya, bojh se avidya,maaloom hi nahin ki woh kya hota hai! to vardaani aatma arthaat mushkil jeevan se avidya ka anubhav karne vaali। isko kaha jaata hai - vardaani aatma। to baap samaan banna arthaat sada vardaata se praapta hue vardaanon se palna, sada nishchinta,nishchit vijay anubhav karna।

kai bachche purooshaartha to bahut achha karte। lekin purooshaartha ka bojh anubhav hona - yeh yathaartha purooshaartha nahin hai। attention rakhna - yeh brahman jeevan ki vidhi hai। isko bhi yathaartha attention nahin kaha jaayega। jaise jeevan mein sthool knowledge rehti hai ki yeh cheez achhi hai,yeh baat karni hai, yeh nahin karni hai। to knowledge ke aadhaar par jo knowledgeful hote hain, unki nishaani hai - unko natural attention rehta - yeh khaana hai, yeh nahin khaana hai;yeh karna hai,yeh nahin karna hai। har kadam mein tension nahin rehta ki yeh karoon ya nahin karoon, yeh khaaoon ya nahin khaaoon, aise chaloon va nahin? natural knowledge ki shakti se attention hai। aise, yathaartha purooshaarthi ka har kadam, har karma mein natural attention rehta hai ki kyonki knowledge ki light - might svatah yathaartha roop se,yathaartha reeti se chalaati hai। to purooshaartha bhale karo। attention zaroor rakho lekin ‘tension' ke roop mein nahin। jab tension mein aa jaate ho to chaahte ho bahut kaam karne va banne chaahte ho number one lekin ‘tension'jitna chaahte ho utna karne nahin deta, jo banne chaahte ho woh banne nahin deta aur tension, tension ko paida karta hai, kyonki jo chaahte ho woh nahin hota hai to aur tension badhta hai।

to purooshaartha sabhi karte ho lekin koi jyaada purooshaartha ko bhaari kar dete aur koi phir bilkul albele ho jaate - jo hona hoga ho jaayega, dekha jaayega, kaun dekhta hai, kaun sunta hai…। to na woh achha,na woh achha hai। isliye balance se baap ki blessing, vardaanon ka anubhav karo। sada baap ka haath mere oopar hai - is anubhav ko sada smriti mein rakho। jaise bhakta aatmaayen sthool chitra ko saamne rakhti hain ki maathe par vardaan ka haath hai, to aap bhi chalte - phirte buddhi mein yeh anubhav ka chitra sada smriti rakho। samjha? bahut purooshaartha kiya, ab vardaanon se palte udte chalo। baap ke gyaan - daata,vidhaata ka anubhav kiya, ab vardaata ka anubhav karo। achha!

sada har kadam mein baap ko follow karne vaale,sada apne ko vardaata baap ke vardaani shreshtha aatma anubhav karne vaale, sada har kadam sahaj paar karne vaale,sada sarva vardaan samay par kaarya mein lagaane vaale,aise baap samaan banne vaale shreshtha aatmaon ko baapdaada ka vardaata ke roop mein yaadapyaar aur namaste।''

mukhya mahaarthi bhaaeeyon se mulaakaat

janma se kitne vardaan mile hue hain! har ek ko apne - apne vardaan mile hue hain। janma hi vardaanon se hua। nahin to,aaj itna aage nahin badh sakte। vardaan se janma hua, isliye badh rahe ho। paandavon ki mahima kam thode hi hai। harek ki visheshta ka varnan karen to kitni hai! yeh jo bhaagvat bana hua hai, woh ban jaaye। baap ki najar mein harek ki visheshtaayen hain। aur kuchh dekhte bhi nahin dekhte hain, jaante bhi nahin jaante hain। to visheshta sada aage badha rahi hai aur badhaati rahegi। jo janma se vardaani aatmaayen hain,woh kabhi bhi peechhe nahin hat sakti। sada udne vaali vardaani aatmaayen ho। vardaata baap ke vardaan aage badha rahe hain। paandav gupta rehte hain lekin baapdaada ke dil par sada pratyaksha hain। achhe - achhe plan to paandav hi banaate hain। shaktiyaan shikaar karti lekin kamaal to laane vaalon ki hai। agar laane vaale laayen hi nahin to shikaar kya karengi? isliye paandavon ko vishesh apna vardaan hai। ‘yaad' aur ‘seva' ka bal vishesh mila hua hai। ‘yaad ka bal' bhi vishesh milta hai, ‘seva'ka bal bhi vishesh milta hai kyon? uska bhi kaaran hai। kyonki jo jitna aavashyakta ke samay kaarya mein aaye hain, usko vishesh vardaan mila hua hai। jaise aadi mein jab sthaapna hui to aap paandav merge the, emerge nahin the। shaktiyaan example baneen aur unhon ke example ko dekh aur aage badhe। to yeh aavashyakta ke example bane। isliye,jitna jo aavashyakta ke samay sahayogi bane hain - chaahe jeevan se, chaahe seva se… unko drama anusaar vishesh bal milta hai। apna purooshaartha to hai hi lekin extra bal milta hai। achha!

seva karne se jo sarva aatmaayen khush hoti hain,uska bhi bahut bal milta hai। jo anubhvi aatmaayen hain,unhon ke seva ki aavashyakta hai। kyonki jinhonne saakaar mein paalna li hai,unhon ko dekhkar ke sada baap hi yaad aata hai। kabhi bhi aap log (daadiyaan) kahaan jaayengi to vishesh kya poochhenge? charitra sunaao, koi baap ki baaten sunaao। to visheshta hai na। isliye seva ki visheshta ka vardaan mila hua hai। chaahe stage par khade hokar bhaashan na bhi karo lekin yeh sabse bada bhaashan hai। charitra sunaakar charitravaan banne ki prerna dena - yeh sabse badi seva hai। to seva par jaana hi hai aur seva ke nimitta banna hi hai। achha!