Avyakt murli for Saturday 31 March 1990

>

31-03-90 om shanti avyakt baapdaadaamdhuban

merciful aur behad ki vairaag vritti

aap loveful aur merciful baapdaada apne samaan bachchon ko dekh rahe hain। aap baapdaada vishwa ke sarva anjaan bachchon ko dekh rahe the। bhale anjaan hain lekin phir bhi bachche hain। baapdaada ke sambandh se sarva bachchon ko dekhte hue kya anubhav kiya ki majority aatmaon ko samay prati samay kisi-na-kisi kaaran se jaane-anjaane bhi vartamaan samay mercy arthaat raham ki, daya ki aavashyakta hai aur aavashyakta ke kaaran hi merciful baap ko yaad karte rehte hain। to chaaron or ki aavashyakta pramaan is samay raham-drishti ki pukaar hai। kyonki ek to bhinna-bhinna samasyaaon ke kaaran apne man aur buddhi ka santulan na hone ke kaaran merciful baap ko va apni-apni maanyata vaalon ko mercy ke liye bahut duhkh se, pareshaani se pukaarte rehte hain। chaahe anjaan aatmaaen baap ko na jaanne ke kaaran apne dharma pitaaon va gurooon ko va ishta devon ko merciful samajhkar pukaarte hain lekin aap sab to jaante hi ho ki is samay ek sivaae ek baap param aatma ke aur kasi bhi aatma dvaara mercy mil nahin sakti। bhale baap unhon ki ichchha poorn karne ke kaaran bhaavna ka phale dene ke kaaran kisi bhi ishta ko va mahaan aatma ko nimitta bana de lekin daata ek hai - isliye vartamaan samay ke pramaan merciful baap bachchon ko bhi kehte hain ki baap ke sahayogi saathi bhujaaen aap brahman bachche ho। to jis cheej ki aavashyakta hai,woh dene se prasanna ho jaate hain। to master merciful bane ho? aapke hi bhaai-bahne hain - chaahe sage hain va lage hain lekin hain to parivaar ke। apne parivaar ke anjaan, pareshaan aatmaon ke oopar merciful bano। dil se raham aaye। vishwa ki anjaan aatmaon ke liye bhi raham chaahiye। aur saath-saath brahman-parivaar ke purooshaartha ki teevragti ke liye va sva-unnati ke liye merciful ki aavashyakta hai। sva-unnati ke liye sva par jab merciful bante hain to merciful aatma ko sada behad ki vairaagyavritti svatah hi aati hai। sva ke prati bhi raham ho ki main kitni oonch-te-oonch baap ki vahi aatma hoon aur vahi baap samaam banne ke lakshyadhaari hoon। us pramaan original shreshtha svabhaav va sanskaar mein agar koi kami hai to apne oopar dil ka raham kamiyon se vairaagya dila dega।

baapdaada aaj yahi roohaaniyat kar rahe the ki sabhi bachche knowledge mein to bahut hoshiyaar hain। point swaroop to ban gaye hain lekir har kamjori ko jaanne ki points hain,jaanat bhi hai ki yeh hona chaahiye, karna nahin chaahiye yeh jaante hue bhi point-swaroop banna aur jo kuchh vyartha dekha-suna aur apne se hua usko fullstop ki pvaani lagaanaanheen aata hai। points to hain lekin point svaroov banne ke liye vishesh kya aavashyakta hai?apne oopar raham aur, auron ko oopar raham। bhakti-maarga mein bhi sachche bhakta honge va aap bhi sachche bhakta bane ho,aatma mein record bhara hua hai na। to sachche bhakta sada merciful hote hain isliye ve paap-karma se darte hain। baap se nahin darte lekin paap se darte hain। isliye kai paap-karma se bache hue rehte hain। to gyaan-maarga mein bhi jo yathaartha merciful hain - usmein 3baaton se kinaara karne ki shakti hoti hai। jismen raham nahin hota ve samajhte hue,jaante hue teen baaton ke par vash ban jaate hain। woh teenon baaten hain - albelaapan, irshya aur ghrina। koi bhi kamjori va kami ka kaaran vash yeh teenon baaten hoti hain। aur jo merciful hoga woh baap ke saathi dharmaraaj ki saja se kinaara karne ki shubh-ichchha rakhte hain। jaise bhakta dar ke maare albele nahin hote, aise brahman-aatmaae baap ke pyaar ke kaaran, dharmaraajpuri se cross na karna pade - is meethe dar se albele nahin hote hain। baap ka pyaar usse kinaara kara deta hai। apne dil ka raham albelaapan samaapta kar deta hai। aur jab apne prati raham bhaavna aati hai to jaisi vritti, jaisi smriti, vaisi sarva brahman srishti ke prati svatah hi merciful bante hain। yeh hai yathaartha gyaanayukta raham। bina gyaan ke raham kabhi nuksaan bhi karta hai। lekin gyaanayukta raham kabhi bhi kisi aatma ke prati eershya va ghrina ka bhaav dil mein utpanna karne nahin dega। gyaanayukta raham ke saath-saath svayan ka roohaaniyat ka roohaab bhi avashya hota hai। akela raham nahin hota। lekin raham or roohaab donon ka balance rehta hai। agar gyaanayukta raham nahin hai,saadhaaran raham hai to kisi bhi aatma ke prati chaahe lagaav ke roop se chaahe kisi bhi kamjori se uske oopar prabhaavit ho sakte hain। prabhaavit bhi nahin hona hai। na ghrina chaahiye,na prabhaavit chaahiye। kyonki aap tan-man-buddhi sahit baap ke oopar prabhaavit ho chuke ho। jab man aur buddhi ek ke taraph aur oonche-te-oonche taraph prabhaavit ho chuki to phir doosre ke oopar prabhaavit kaise ho sakte?agar doosre ke oopar prabhaavit hote hain to usko kya kahenge? di hui vastu ko phir se svayan use karna usko kaha jaata hai - amaanat mein khyaanat। jab man-buddhi de diya to phir aapki rahi kahaan jo prabhaavit hote ho? baap ke havaale kar diya hai ya aadhi rakhi hai,aadhi di hai?jinhonne full di hai ve haath uthaao। dekho, brahman-jeevan ka foundation mahaamantra kya hai? manamnaabhav । to manamnaabhav nahin hue ho?to gyaan sahit raham dil aatma kabhi kisi ke oopar chaahe gunon ke oopar,chaahe seva ke oopar, chaahe kisi bhi prakaar ke sahayog praapta hone ke kaaran aatma par prabhaavit nahin ho sakti। kyonki behad ki vairaagi hone ke kaaran baap baap ke sneh,sahayog,saath - inke sivaae aur kuchh usko dikhaai nahin dega। buddhi mein aayega hi nahin। tumheen se uthoon, tumheen se sooon, tumheen se khaaoon, tumheen se seva karoon,tumheen saath karmayogi banoon - yahi smriti sada us aatma ko rehti hai। bhale koi shreshtha aatma dvaara sahayog milta bhi hai lekin uska bhi daata kaun? to ek baap ki taraph hi buddhi jaayegi na। sahayog lo, lekin daata kaun hai,yeh bhoolna nahin chaahiye। shreemat ek baap ki hai। koi nimitta aatma aapko baap ki shreemat ki smriti dilaati hai to unki shreemat nahin kahenge,lekin baap ki shreemat ko follow kar auron ko bhi follow karaane ke liye smriti dilaati hai। nimitta aatmaaen, shreshtha aatmaaen kabhi yahi nahin kahenge ki meri mat par chalo। meri mat hi shreemat hai - yeh nahin kahengi। shreemat ki phir se smriti dilte, isko kehte hain yathaartha sahayog lena aur sahayog dena। daadi ki daadi ki shreemat nahin kahenge। nimitta bante hain shreemat ki shakti smriti dilaate hain। isliye koi bhi aatma ke oopar prabhaavit nahin hona। agar kisi bhi baat mein kisi par prabhaavit hote hain, chaahe uske naam ki mahima par, roop par va kisi visheshta par to lagaav ke kaaran,prabhaavit hone ke kaaran buddhi vahaan atak jaayegi। agar buddhi atak gai to udti kala ho nahin sakti। apne oopar bhi prabhaavit hote hain - meri bahut achhi planning buddhi hai, mera gyaan bahut spashta hai, mere jaisi seva aur koi kar nahin sakte। meri inventar buddhi hai, gunvaan hoon - yeh apne oopar bhi prabhaavit nahin hona hai। visheshta hai,planning buddhi hai lekin seva ke nimitta kisne banaaya? maaloom tha kya ki seva kya hoti hai। isliye sva-unnti ke liye yathaartha gyaanayukta merciful banna bahut aavashyak hai। phir yeh eershya, ghrina samaapta ho jaati hai। teevra gati ki kami ka mool kaaran yahi hai - eershya va ghrina ya prabhaavit hona। chaahe apne oopar chaahe doosre ke oopar aur chauthi baat sunaai - albelaapan। yeh to hota hi hai,time par taiyaar ho jaayenge,yeh hai albelaapan। baapdaada ne ek hansi ki baat pahle bhi sunaai hai। brahman-aatmaon ko door ki najar badi tej hai। aur najdeek ki najar thodi kamjor hai isliye doosron ki kami jaldi dikhaai deti hai aur apni karma deri se dikhaai deti hai। to raham ki bhaavna loveful bhi ho aur merciful bhi ho। isse dil se vairaag aayega। jis samay sunte hain va bhatthi hoti hai, roohrihaan hoti hai, us samay to sab samajhte hain ki aise hi karna hai। woh alpakaal ka vairaag aata hai,dil ka nahin hota। jo baap ko achha nahin lagta usse dil se vairaag aana chaahiye। apne-aapko bhi achha nahin lagta hai lekin behad ki vairaag vritti ka hal chalaao, merciful bano। kai bachche bahut achhi-achhi baaten sunaate hain। kehte hain - jab koi jhooth bolta hai tabhi bahut gussa aata, jhooth par gussa aata hai ya koi galti karta hai to gussa aata hai। vaise nahin aata, usne jhooth bola yeh to theek hai, usko wrong samajhte ho aur jo aap gussa karte ho woh phir right hai kya? wrong,wrong ko kese samjha sakte? uska asar kese ho sakta hai। us par apni galti ko nahin dekhte lekin doosre ki jhooth ki chhoti baat ko bhi bada kar dete hain। aise samay par raham dil bano। apni praapta hui baap ki shaktiyon dvaara merciful bano,sahayog do। lakshya achha rakhte hain ki unko jhooth se bacha rahe hain, lakshya achha hai uske liye mubaarak ho। lekin result kya nikli? woh bhi fail, aap bhi fail। to fail vaala fail vaale ko kya paas karaayega?kai phir samajhte hain - hamaari jimmevaari hai - usko achha banaana, aage badhaana। lekin jimmevaari nibhaane vaala pahle apni jimmevaari us samay nibha rahe ho jo doosre ki nibhaate ho। kai nimitta teacher bante hain to samajhte hain chhoton ke liye ham jimmevaar hain, inko shiksha deni hai, sikhaana hai। lekin sadaiv yeh socho ki yathaartha knowledge source oph income hogi। agar aapne shikshak ki jimmevaari se shiksha di to pahle yeh dekho ki us shiksha se doosre ki kamaai jama hui?source oph income hua ya source oph giraavat hua?isliye baapdaada sada kehte hain ki koi bhi kamz karte ho to trikaaldarsha sthiti mein sthit hokar karo। sirf vartamaan nahin dekho ki isne kiya - isliye kaha। lekin uska bhavishya parinaam kya hoga woh bhi dekha। jo past aadi anaadi sthiti brahman aatmaon ki thi,ab bhi hai aur aage bhi rahegi,usi pramaan hain? teenon kaal check karo to baapdaada kya chaahte hain। sva-unnati to karenge lekin parivartan kya laayenge?chaahe mahaarthi ho chaahe naye ho - baapdaada ki ek hi shubh aasha hai,jitna chaahte hain utna abhi hua nahin hai। result to sunaayenge na। baapdaada alpakaal ka vairaag nahin chaahte hain। niji vairaag aaye – jo baap ko achha nahin lagta woh nahin karna hai, nahin sochna hai, nahin bona hai। isko baapdaada kehte dil ka pyaar। abhi mix hai, kabhi dil ka pyaar hai, kabhi dimaag ka pyaar hai। maala ka har ek manka harek manke ke saath sameep ho, snehi ho, pragti ke liye sahayogi ho, isliye maala rooki hui hai। kyonk maala taiyaar hona arthaat yugal daane ke samaan ek-do ke bhi sameep snehi banna। pahle 108 ki maala bane tab doosri bane। baapdaada bahut baar maala taiyaar karne ke liye baithte hain lekin abhi poori hi nahin hui hai। manka,manke ke sameep tab aata hai arthaat baap usko pirota tabhi hai jab us manke ko teen certificate hon:- baap pasand,brahman-parivaar pasand aur apne yathaartha purooshaartha pasand। teenon baate check karte hain to manka haath mein hi rah jaata hai, maala mein nahin aata। to is varsha kaun-sa salogan yaad rakhenge?trimoorti baap aur vishesh teenon sambandh dvaara teen certificate lena hai। aur auron ko bhi dilaane mein sahayogi banna hai। maala ka sameep manka banna hi hai। to suna sva-unnati kya karni hain?jaise brahma baap ka foundation number one parivartan mein kya raha?behad ka vairaag। jo baap ne kaha woh brahma ne kiya,isliye win karne one ban gaye। achha।

baapdaada yeh result dekhenge। har ek apne ko dekhe,doosre ko nahin dekhna hai। kai samajhte hain season ka aaj last de hai lekin baapdaada kehte hain - last nahin hai, maala banne ka fast season ka din hai। sabhi ko chance hai। abhi maala ke manke piroye nahin hai fix nahin hue hain। teen certificate lo aur piroye jaao। jitna pratyaksha suboot dene vaale pratyaksha chehre aur chalan mein dekhenge utna phir se nahin rangat dekhenge। agar aap bhi wahin ke wahin rahe to rangat bhi wahin ki wahin rahi। isliye apne mein naveenta laao, parivaar mein bhi teevra purooshaartha ki nai lahar laao। phir aage chalkar kitan vandarphul najaare dekhenge। jo ab tak hua woh beeta, abhi har karma mein naya umang, naya utsaah… in pankhon se udte chalo। baaki jinhonne bhi jo seva mein sahayog diya arthaat apna bhaagya jama kiya woh achha kiya। chaahe desh chaahe videsh ke chaaron or ke sevaadhaariyon ne seva ki। isliye sevaadhaariyon ko baapdaada sada yahi kehte hain ki sevaapdhaari arthaat goltan chance ka bhaagya lene vaale। abhi isi bhaagya ko jaahaan bhi jaao vahaan badhaate rehna, kam nahin hone dena। thode samay ka chance sada ke liye teevra purooshaartha ka golden chance dilaata rahega। sevaadhaari bhi jo chale gaye hain athva jo ja rahe hain,sabhi ko mubaarak। achha।

sarva merciful shreshtha aatmaon ko,sada svayan ko sva-unnati ki udti kala mein le jaane vaale, teevra purushaarthi aatmaon ko,sada har samay ek baap ko saath anubhav karne vaale anubhvi aatmaon ko, sada baap ko dil ki aashaaon ko pu karne vaale kul deepak aatmaon ko,sada apne ko maala ke sameep manke banaane vaale viji aatmaon ko,behad ki vairaag vritti se har samay baap ko follow kar baap samaan banne vaale ati snehi right haind bachchon ko baapdaada ka yaad-pyaar aur namaste।

double videshi bhaai-bahnon se group -wise mulaakaat:-

1. har samay aisa anubhav karte ho ki baapdaada ke sneh ki duvaayen ham brahman-aatmaon ki paalna kar aage badha rahi hai। jahaan duvaayen hoti hai, vahaan baap ka sarva sambandh ki pragti bahut sahaj aur teevra hoti hai। to sahaj lagta hai ya kabhi-kabhi mushkil ho jaata hai? jab mehnat ka anubhav ho to us samay check karna chaahiye ki kisal shreemat ki lakeer se baahar ja rahe hain? chaahe sankalp mein,chaahe bol mein, chaahe karma va seva ki lakeer se baahar nikalte hau tab maaya ki aakarshan mehnat karaati hai। brahman jeevan ki maryaadaaen pasand hai ya mushkil lagti hai? kaun-si maryaada mushkil lagti hai? jo bhi maaryaadaaen hain, usse dekho- ismen phaayda kya hai?agar phaayda saamne aayega to mushkil nahin lagengi। jab koi kamjori aati hai tab mushkil lagta hai। yeh maryaadaaen banaane vaala kaun hai, kisne banaai hai? baap ne banaai hai! baap ka bachchon se behad ka pyaar hai, jisse pyaar hota hai uske liye hamesha koi bhi uski mushkil hoti to sahaj ki jaayegi। koi salvation chaahiye to le sakte ho lekin mushkil hai nahin। jo nimitta bane hain, unse spashta bolo,apne dil ka bhaav sunaao phir agar right hoga to usi pramaan salvation milegi। kyonki jise aap samajhte ho ki yeh hona chaahiye aur woh nahin hota to mushkil lagta hai lekin jise aap samajhte ho - hona chaahiye,usse kitna phaayda, kitna nukshaan hai - woh baap aur anubhvi aatmaaen jyaada jaanti hain। jahaan pyaar hota hai vahaan kuchh mushkil nahin hota hai। aur baapdaada aisi baat to kahenge nahin jisse bachchon ka koi nuksaan ho, isliye ye maryaadaaen bhi baap ka pyaar hai, kyonki ismen chalne se shakti aati he,safe rehte ho aur khushi hoti hai। baapdaad jaante hain - Australia ke bachche majority puraane, anubhvi aur majboot hain। isliye jo majboot hain, use sada hi sahaj anubhav hota hai। agar shaktiyaan aage badhti hai to paandavon ko khushi hoti hai na? kisko aage badhaana ismen svayan ko aage badhaana samaaya hua hai। jo sab baaton mein win karta hai woh one hai। phalak se kaho ham nahin vijayi honge to kaun hoga! bhale doosre aayen lekin aap to ho na? sada vijayi ban aage badhne aur auron ko aagra badhaane ke vardaani ho। baapdaada dekhte hain ki achha auron ve liye eg॰jaampul bane hue hain। ek-do ke pratyaksha jeevan ko dekhkar doosron mein bhi himmat aa jaati hai। to yeh seva bhi bahut shreshtha hai। apni jeevan ko sada hi santushta aur khushnuma banaane vaale har kadam mein seva karte hain। vaani dvaara to seva karte rahenge, lekin vaani ke saath-saath apne chehre aur chalan se nirantar seva karte rehna। jo bhi samparka mein aaye, uske dil se svatah hi vaah-vaah ke geet niklen। achha!

2. yeh vishesh khushi hai ki ham phir se apne parivaar mein apne baap ke paas pahunch gaye! dekho sabhi kahaan se kahaan bikhar gaye the aur abhi aapas mein mil gaye। yeh milan-aatma ka paramatma baap se aur alaukik parivaar se kitna pyaar hai। yeh mela pyaara lagta hai na?sada khushi mein hi geet gaate ho। aisa geet ho jo aapke dil ke khushi ka geet bhagwan ko bhi khush kar deta hai। Russia vaale bhi chatur nikle। sabse last abhi Russia ka centre nikla hai isliye laadla hai। sabhi ka aapse vishesh pyaar hai। abhi aur bhi naye-naye sthaan khulenge। vishwa ka pita hai to vishwa ke kone-kone mein sandesh to jaayega na। abhi kai kone rahe hue hain to sabhi ko pahunchna hai। baap to hai vishwa pita lekin aap sabko bhi title hai vishvakalyaankaari। to vishwa ke kone-kone mein aavaaj zaroor phailaana hai, sandesh zaroor dena hai। aise nahin sochna vinaash ki taiyaariyaan to abhi dikhaai nahin de rahi hai, jab aisa samay sameep aayega tab sabhi ko sandesh de denge। kai samajhte hain abhi to aapas mein sameep aa rahe hain,shanti ki baaten ho rahi hain। lekin jab sabhi ki buddhi mein aayega ki bahut samay pada hai, tab hi achaanak hoga। isliye sada ever ready। ever ready arthaat sada apne ko sab reeti se sampanna banaana। isko kehte hain - last so fast। achha |

avyakt baapdaada ki double videshi bhaai-bahnon se personal mulaakaat

1. sada yeh khushi rehti hai ki ham baap ke varse ke adhikaari hain? aur shikshak dvaara shreshtha padhaai se shreshtha pad praapta karne vaale hain aur satguru dvaara vardaan praapta karne vaali shreshtha aatmaaen hain। teenon sambandh dvaara teenon hi praaptiyon ki smriti rahne se sada hi sahaj teevra purushaarthi ho jaayenge। sirf varsa nahin milta lekin shreshtha pad bhi hai aur vardaan bhi hai। to teenon hi praaptiyon ka nasha sada rehna chaahiye। kabhi bhi padhaai mein mehnat ka anubhav to baap ko, guru se praapta hue vardaanon ko saamne rakho to mushkil sahaj ho jaayegi। yeh variety praaptiyaan umang-ullaas ko badha dengi aur sadaiv apne ko baap ke sneh ke saath chhatrachhaaya mein anubhav karenge। yeh chhatrachha ya sabko mili hai na? isi chhatrachhaaya ke andar sada rehte ho? baahar to nahin nikalte? yeh itni badi chhatrachhaaya hai jo chhatrachhaaya se baahar nilne ki dil hoti hai? thoda chakkar lagaakar aayen, kabhi-kabhi dil hoti hai?bilkul nahin? kyonki baap ki chhatrachhaaya se baahar to rahkar dekh liya, itne janma to chhatrachhaaya se baahar rahkar anubhav kiya ki kya kiya aur kya ban gaye,ek janma ka bhi nahin, 63janma ka anubhav kar liya, kya ban gaye? girti kala mein chale gaye na। dekho pahla janma aapka kya tha aur abhi last janma dekho kya se kya ban gaye! kahaan devta, kahaan aaj ke manushya! aisa sab dekho - tan kya ho gaya, man kya ho gaya,dhan kya ho gaya, sambandh kya ho gaya! to maaloom padega kya se kya ho gaye! kitna pharka hai। to sadaiv isi smriti mein raho ki ham itne bhaagyavaan hain jo parmaatma-chhatrachhaaya mein hain। yaad rehta hai isliye sada khush rehte ho ya kabhi duhkh ki lahar aati hai? jab jeevan badal gai to sankalp,svapna sab badal gaye। abhi ateendriy sukh ke jhoole mein sada jhoolne vaale ho - aise hain na? baap to hai sada bachchon ke liye। bachche kahen na kahen lekin baap sada saath dene ke liye bandha hua hai। thoda bhi neeche-oopar hote ho to dekho baap kisi-na-kisi reeti se bachchon ko pakad lete hain aur taraph jaane se। ek-ek ati pyaara hai, jisse pyaar hota hai usko chhoda nahin jaata, saath rakha jaata hai। aise hai na? bachche thoda-bahut natkhat karte hain। kabhi-kabhi khel dikhaate hain lekin baap ka pyaar phir smriti dila deta hai phir natkhat se knowledgeful ban jaate hain। to sada yahi yaad rakhna ki chhatrachhaaya mein rahne vaale hain। achha-

ahamdaabaad,dilli tatha mehsaana se aaye hue sevaadhaariyon prati- jaise bhaarat sabse mahaan aur bhaagyavaan hai,chaahe dhanvaan aur desh hai lekin phir bhi mahaan bhaarat hi gaaya jaata hai। bhaagyavidhaata bhaagya ki lakeer kheenchane ke liye bhaarat mein hi aata hai isliye phir bhi baap ko milne ke liye sabhi ko bhaarat mein hi aana padta hai। America mein to baap nahin milega na, to bhaaratvaasi kitne mahaan hon? svayan mahaan ban gaye ho isliye sab desh vaale aapke mehmaan hokar aate hain। sabhi deshon ke mehmaanon ki mehmaannivaaji kaun karte hain?bhaarat vaale karte hain। aaj mehmaannivaaji karne vaala group aaya hai na! yeh mehmaannivaaji karne ka bhi bhaagya hai। thakte to nahin ho? ek hi sthaan par vishwa ki aatmaae aa jaaen aur vishwa ki seva ke nimitta ban jaao, kitna jama hota hai vishwa mein jaakar seva karne ke bajaae aapke paas vishwa ki aatmaae aa jaaen, kitna achha chance hai। baapdaada bhi sevaadhaariyon ko dekh khush hote hain। aise nahin ki karmana seva karte hain, koi gyaan ki to karte nahin hain। lekin karma ka prabhaav vaani se bada hai। ek hota hai suna hua aur doosra hota hai dekha hua। jo bhi behad ki seva ke nimitta ho woh bahut shreshtha seva kar rahe ho। bahut hi achha hai aur achha hi rahega। sadaiv bhaagyavidhaata baap aur aur bhaagyavaan mai,yeh roohaani nasha rehta hai na? roohaani nasha arthaat avinaashi nasha। baapdaada sabhi se poochhte hain ki santushta rehte ho?santushtata sab gunon ko svatah hi laati hai। jiske paas santushtata hai uske paas aur gun bhi avashya honge, gunon ki khaan ho jaati hai। koi bhi baat ho jaae,koi bhi samasya aa jaae lekin santushtata nahin aaye। baat aayegi bhi aur chali jaayegi lekin santushtata ko nahin jaane do kyonki yeh avinaashi khazaana hai, baap ka varsa hai। yeh santushtata ka khazaana har samay aapko bharpoorta ka anubhav karta rahega। achha!