Avyakt murli for Monday 2 March 1992

>

02-03-92 om shanti avyakt baapdaadaamdhuban

mahaashivraatri manaana arthaat pratigya karna,vrat lena aur bali chadhna

jyoti bindu shiv baba jyoti bindu saaligraamon prati bole h

aaj divya mahaajyoti baap apne jyotibindu bachchon se mil rahe hain। baapdaada bhi mahaan jyoti hain aur aap bachche bhi mahaan jyoti swaroop ho। to divya jyoti baap divya jyoti aatmaon se mil rahe hain। yeh mahaan jyoti kitni pyaari aur nyaari hai! baapdaada har ek ke mastak ke beech chamakti hui jyoti ko dekh rahe hain। kitna divya aur pyaara nazaara hai। chamakte hue roohaani sitaaron ka kitna achha sangathan dekh rahe hain। is roohaani jyotirmay sitaaron ka mandal alaukik aur ati sundar hai। aap sabhi bhi is divya taara mandal mein apna chamakta hua bindu swaroop dekh rahe ho? yahi mahaashivraatri hai। shiv jyoti ke saath aap anek jyotibindu saaligraam ho। baap bhi mahaan, bachche bhi mahaan hain। isliye mahaashivraatri gaai ja rahi hai। kitni shreshtha bhaagyavaan aatmaaen ho! jo chaitanya saakaar swaroop mein shiv baap ke saath shivraatri mana rahe ho। aise kabhi sankalp mein,svapna mein bhi nahin sochte the ki aisi alaukik shivraatri manaane vaale ham saaligraam aatmaaen hain। aap sab chaitanya roop mein manaate ho। uska hi yaadgaar ab bhakton dvaara zad-chatatra mein chaitanya bhaavna se manaane ka dekh rahe ho। sachche bhakta chitra mein bhaavna se, bhaavna swaroop anubhav karte aur aap saali-graam aatmaaen sammukh manaane vaali ho। to kitna bhaagya hai! padma, arab,kharab yeh bhi aapke bhaagya ke saamne kuchh nahin hai। isliye sabhi bachche nishchay ke phalak se kehte hain - hamne dekha, hamne paaya। yeh geet sabhi ka hai ya koi-koi ka hai? sabhi gaate hain na?va yeh gaate ho ki dekh lenge, pa lenge? pa liya hai va paana hai? double videshi kya samajhte hain pa liya hai? baapko dekha bhi hai na?dil se kehte ho ki baap ko dekha hai, paaya hai। dekhna aur paana to kya lekin baap ko apna bana liya hai। baap aapko ho gaya hai na। dekho, aapko baap ho gaya tab to aapke kahne se baap aa jaate hai na। to adhikaari ban gaye na।

mahaashivraatri ki kya visheshtaaen hain? ek to baap ke aage pratigya karte hain aur doosra baap ke pyaar mein vrat rakhte hain। kyonki pyaar aur khushi mein sab bhool jaate hain isliye vrat rakhte hain। khushi ki khuraak kha lete to doosri khuraak ki aavashyakta nahin hoti hai। milan ki khushi ke kaaran vrat rakhte hain। vrat khushi ki bhi nishaani hai aur vrat rakhna arthaat pyaar mein tyaag-bhaavna। kuchh chhodna arthaat tyaag bhaavna ki nishaani hai। teesri baat - shivraatri arthaat bali chadhna। yaadgaar roop mein to sthool bali chadhaate hain lekin hona,man, buddhi aur sambandh se samarpit hona - yeh hai vaastavik bali chadhna। to ye teenon hi visheshtaaen mahaashivraatri ki visheshtaaen hain। shivraatri manaana arthaat yeh teenon visheshtaaen practical jeevan mein laana। sirf kehna nahin lekin karna। kehna aur karna sada samaan ho। baapdaada ne bachchon ki khushakhbaari ka samaachaar bhi suna ki chaahe bhaarat ke bachchon ne, chaahe double videshi bachchon ne, sabhi ne mahaashivraatri ka practical swaroop pratigya ki hai। to pratigya arthaat kehna aur karna donon samaan। bahut achhi baat hai - sabhi ne pahle baapdaada ko sabse bade te bada birth de ka gift pratigya arthaat shreshtha sankalp ka diya hai। to baapdaada bhi sabhi bachchon ke gift ki thanks de rahe hain। gift mein di hui pratigya sada smriti se samartha banaati rahegi। pahle se hi yeh nahin socho ki pratigya karte to hain lekin pata nahin chal saken ya nahin! nibha saken ya nahin nibha saken! yeh sochna arthaat kamzori ko aahvaahan karna। to kamzori arthaat maaya to jab svayan hi aahvaahan kar rahe ho to woh kamzori pahle hi taiyaar rehti hai aane ke liye। yeh ta aap usko nimantran de rahe ho। isliye koi bhi sankalp va karma karte ho to samartha sthiti mein sthit ho samarthi se karo। kam-zor sankalp mix nahin karo। yeh shreshtha sankalp rakho ki himmat hamaari,attention hamaara aur madad baap ki hai hi hai। is vidhi se pratigya practical mein laane mein bahut sahaj anubhav karenge। sadaiv yeh socho anek kalpa ki vijayi aatma main hoon। vijay ki khushi, vijay ka nasha shaktishaali bana dega। vijay aap brahman aatmaon ke liye sada saathi ban bandhi hui hai aur kahaan jaayegi? sivaae paandavon ke,vijay ne kis ko saath diya?vahi paandav ho na! jab baap saathi hai to vijay bhi aapki saathi hai। sada apne mastak par vijay ka tilak laga hua hi hai yeh dekho। jo prabhu ke gale ka haar ban gaye,unki haar kabhi ho nahin sakti। sampoorn vijayi ke roop mein apna yaadgaar vijay maala dekh rahe ho na? aise to gaayan nahin hai na - vijay aur haar maala hai! nahin, vijay maala hai। vijayi manke to aap ho na! to vijayi maala ke manke kabhi haar nahin kha sakte। har ek ne jo sankalp kiya baap-daada ne saari scene dekhi। achhe umang-utsaah se, khushi-khushi se pratigya li hai। aur aap chaitanya saaligraamon ne pratigya li hai is-liye to bhakta bhi uska yaadgaara manaate rehte hain। (tapasya ke sambandh se kal sabhi ne 56 veen shiv jayanti par 56pratigyaayen ki hain।)

bali chadh chuke। bali chadhna arthaat mahaabalvaan banna। bali kiski chadhaate hain? kamzoriyon ki। jab kamzoriyon ki bali chadha di to kya ban gaye? mahaabalvaan। sabse badi kamzori hai deh abhimaan। deh-bhaan samarpit karna arthaat unke vansh ko bhi sam-aarpit kiya। kyonki deh-abhimaan ka sookshm vansh bahut bada hai। anek prakaar ke chhote bade deh-bhaan hai। to deh-bhaan ki bali chadhaana arthaat vansh sahit samarpit hona। ansh bhi nahin rakhna। anshamaatra bhi agar rah gaya to baar-baar chumbak ki tarah kheenchata rahega। aapko pata bhi nahin padega। na chaahte bhi chumbak apne taraph kheench lega। aise nahin samajhna - aise koi samaay ke liye yeh deh abhimaan ka koi prakaar kaam mein laane ke liye kinaara karke rakhen। phir kya kehte hain - iske bina kaam nahin chalta। kaam chalta hai lekin thode samay ki vijay dikhaai deti hai। abhimaan ko svamaan samajh lete ho। lekin is alpakaal ki vijay mein bahut kaal ki haar samaayi hui hai। aur jisko thode samay ki haar samajhte ho vo sada kaal ki vijay praapta karaati hai। isliye deh abhimaan ke anshamaatra sahit samarpit ho - isko kaha jaata hai shiv baap ke oopar bali chadhna arthaat mahaabalvaan banna। aisi shivraatri manaai hai na?yeh vrat dhaaran karna hai। ve log to sthool cheejon ka vrat rakhte hain lekin aap kya vrat lete ho?shreshtha vritti dvaara yeh vrat lete ho ki sada kamzor vritti ko mitaae,shubh aur shreshtha vritti dhaaran karenge। jab vritti mein shreshthata hai to srishti shreshtha hi nazar aayegi। kyonki vritti se drishti aur kriti ka connection hai। koi bhi achhi va buri baat pahle vritti mein dhaaran hoti hai phir vaani aur karma mein aati hai। vritti shreshtha hona arthaat vaani aur karma svatah shreshtha hona। aapki vishesh seva vishwa-parivartan ki bhi shubh vritti se hai। vritti se vibration,vaayumandal banaate ho। to shreshtha vritti ka yeh vrat dhaaran karna - yahi shivraatri manaana hai। yeh to sun liya na ki manaana arthaat banna,kehna arthaat karna। jo siddhi praapta aatmaayen hoti hain jisko logon ki bhaasha mein siddha puroosh kaha jaata hai aur aap kahenge siddhi swaroop aatma - to unhon ka har sankalp apne prati ya doosron ke prati jo bhi karte hain woh karma mein siddha ho jaate hain, jo bol bolte hai woh siddha ho jaata hai। jisko kehte hain sat-vachan। to sabse bade te badi siddhi swaroop aatmaaen aap ho na। to sankalp aur bol siddha honge na, siddha hona arthat saphal hona। pratyaksha swaroop mein aana yeh hai siddha hona। to sadaiv yeh smriti mein rakho ki ham sabhi siddhi swaroop aatmaaen hain। ham siddhi swaroop aatmaon ka har sankalp, bol,har karma svayan ko va sarva ko siddhi praapta hone vaala ho। vyartha nahin। kaha aur kiya to siddha hua। kaha, socha aur kiya nahin to woh vyartha gaya। kai aise sochte hain ki hamaare sankalp bahut achhe chalte hain, bahut achhe-achhe vichaar umang aate hain, apne prati ya seva ke prati, lekin sankalp tak hi rah jaate hain। practical karma mein, swaroop mein nahin aate hai। to isko kya kahenge?sankalp bahut achhe hai lekin karma mein antar kyon?iska kaaran kya hai? agar beej bahut achha hai lekin phal achha nahin nikle to kya kahenge? dharni ya parhej ki kami hai। aise hi sankalp roopi beej achha hai। baapdaada ke paas sankalp pahunchte hain। baapdaada bhi khush hote hain - bahut achha beej boya hai, bahut achha sankalp kiya hai, abhi phal mila ki mila। lekin hota kya hai? dridh dhaaran ki dharni ki kami aur baar-baar attention ke parhej ki kami। baapdaada hansi ka khel dekhte rehte hain। jaise bachche loge gas ka gubbaara udaate hain na, bahut achhi gas bharkar udaate hain aur khush hote hain, gubbaara oopar gaya, bahut achha ud raha hai। lekin chalte-chalte neeche aa jaata hai। to kabhi bhi purooshaartha mein niraash nahin bano। karna hi hai,hona hi hai,vijay maala mera hi yaadgaar hai। niraash hokar yeh nahin socho achha kar lenge, dekh lenge। nahin,kal to kya abhi karna hi hai। agar niraasha ko kuchh second va minute bhi apne andar sthaan diya to phir woh sahaj jaane vaali nahin hai। usko bhi brahman aatmaon ke paas maja aata hai। isliye niraash kabhi nahin bano। abhimaan bhi nahin, niraasha bhi nahin। koi abhimaan mein aa jaate hain, koi niraasha mein aa jaate hain। yeh donon mahaabalvaan banne nahin dete hain। jahaan abhimaan hota hai vahaan apmaan ki feeling bhi jyaada aati hai। kabhi abhimaan mein, kabhi apmaan mein - donon se khelte rehte hain। jahaan abhimaan nahin hoga usko apmaan bhi apmaan nahin lagega। woh sada nirmaan aur nirmaan ke kaarya mein busy rahega। jo nirmaan hota hai vahi nirmaan kar sakta hai। to shivraatri manaana arthaat nirmaan ban nirmaan karne ke kartavya mein lagna। samjha!

to aaj sabhi apne dil par shreshtha sankalp ki dori dvaara vijay ka jhanda lahraao। yeh jhanda lahraana braahmanon ki seva ki rasam hai, vidhi hai। lekin saath-saath sada vijay ka jhanda lahraata rahe। koi bhi duhkh ki baat hoti hai to jhanda neeche kar dete hain lekin aapka jhanda kabhi neeche nahin ho sakta। sada ooncha। to aisa jhanda lahraayenge na?

achha - tapasya varsha ki result bhi mili। sabhi ne apna-apna judge bankar apne ko number diya। achha kiya। majority chaaron or ki result se yeh dikhaai diya ka is tapasya varsha ne sabko sva ke purooshaartha ke prati attention achha khinchavaaya hai। jab attention gaya to tension bhi chala hi jaayega na! to total result kaeeyon ki achhi rahi hai। second number mejoriti hai। third bhi hai lekin first aur chautha number kam hai। second number ke hisaab se first aur fourth kam hain। baaki second aur third ye majority hai aur baapdaada ek baat par vishesh khush hai ki sabhi ne is tapasya varsha ko mahatva diya hai। isliye paper aaye hain lekin majority achhe roop se paas ho gaye। yeh sankalp jo rakha ki tapasya karni hai - is sankalp ki samarthi ne sahayog diya hai। isliye result achhi hai,kharaab nahin hai। mubaarak ho। baaki ab prize to daadiyaan dengi, baap ne sabko bahut-achhe,bahut-achhe ki prize de di। aise nahin ki tapasya varsha poora ho gaya, abhi albele ban jaaye। nahin,aur badi prize leni hai। sunaaya na - karma aur yog ke balance ki prize leni hai, seva aur tapasya ke balance ki blessing anubhav karni hai aur nimitta maatra prize leni hai। sachchi prize to baap aur parivaar ki blessing ki prize hai। woh to sabko mil rahi hai।

achha - aaj sookshm vatan banaaya hai। achha hai - vaayumandal achha bana hai। us jyoti desh ke aage to yeh saja hua sookshm vatan model hi lagta hai na। phir bhi bachchen ka umang aur utsaah vaayumandal vritti ko kheenchata zaroor hai। sabhi sookshm vatan mein baithe ho?saakaar shareer mein rehte man se sookshm vatan vaasi ban milan manaao। baapdaada ko khushi hai ki bachchon ko sookshm vatan itna pyaara lagta hai। tabhi to banaaya hai na। bahut achhi mehnat karke banaaya hai aur pyaar se banaaya hai, shreshtha umang utsaah ke sankalp se banaaya hai। isliye baapdaada sankalp karne vaalon ko, saakaar mein laane vaalon ko sabhi ko mubaarak dete hain। yeh bhi behad ke khel mein khel hai, aur kya khel karenge, yahi khel karenge na। kabhi svarga banaayenge, kabhi sookshm vatan banaayenge। yeh buddhi ko kheenchata hai।

achha - chaaron or ke sarva jyotibindu saaligraamon ko baap ke divya janma va bachchon ke divya janma va bachchon ke divya janma ki mubaarak ho। aise sarvashreshtha sada siddhi swaroop aatmaon ko,sada divya chamakte hue sitaaron ko,sada abhimaan aur apmaan se nyaare rahne vaale svamaan mein sthit rahne vaali aatmaon ko,sada shreshtha purooshaartha aur shreshtha seva ke utsaah-umang ki shreshtha aashaaon ke deepak jagaane vaali aatmaon ko,sada apne dil par vijay ka jhanda lahraane vaali shivmayi shakti sena ko, sada purooshaartha mein saphalta sahaj anubhav karne vaale saphalta swaroop bachchon ko baapdaada ka yaadapyaar aur namaste।

56 veen shivjayanti par baapdaada ne dhvaj phahraate hue sarva bachchon ko badhaai di।

sada vishwa mein baap aur vijayi bachchon ko yeh sukh-shanti dene vaala jhanda lahraata rahega। chaaron or shiv baap aur shiv shaktiyon ki roohaani sena ka yeh naam baala hota rahega। yeh mahaan, ooncha jhanda vishwa ko sada lahraata hua dikhaai dega। yeh avinaashi jhanda, avinaashi baap aur avinaashi shreshtha aatmaon ka yaadgaar hai। to sada khushi ki lahron se, khushi ka jhanda, baap ke naam baala karne ka jhanda,baap ko pratyaksha karne ka jhanda lahra rahe ho,lahraate rahenge। aise mahaashivraatri par aap sabhi bachchon ko aur chaaron or ke sarva brahman vishesh aatmaon ko bahut-bahut birth de ki mubaarak aur yaadapyaar।