Avyakt murli for Thursday 9 December 1993

>

09-12-93 om shanti avyakt baapdaadaamdhuban

ekaagrata ki shakti se dridhta dvaara sahaj saphalta ki praapti

sahaj saphalta ki vidhi bataane vaale vishwa parivartak baapdaada apne jimmevaar bachchon prati bole -

aaj brahman sansaar ke rachta apne chaaron or ke brahman parivaar ko dekhharshit ho rahe hain। ye chhota-sa nyaara aur ati pyaara alaukik brahman sansaar hai। saare drama mein ati shreshtha sansaar hai। kyonki brahman sansaar ki har gati-vidhi nyaari aur vishesh hai। is brahman sansaar mein brahman aatmaayen bhi vishwa mein se vishesh aatmaayen hain। isliye hi ye vishesh aatmaon ka sansaar hai। har brahman aatma ki shreshtha vritti, shreshtha drishti aur shreshtha kriti vishwa ki sarva aatmaon ke liye shreshtha banaane ke nimitta hai। har aatma ke oopar ye vishesh jimmevaari hai to har ek apne is jimmevaari ko anubhav karte ho? kitni badi jimmevaari hai! saare vishwa ka parivartan! na sirf aatmaon ka parivartan karte ho lekin prakriti ka bhi parivartan karte ho। ye smriti sada rahe-ismen nambarvaar hain। sabhi brahman aatmaon ke andar sankalp sada rehta hai ki ham vishesh aatma number one banen lekin sankalp aur karma mein antar pad jaata hai। iska kaaran? karma ke samay sada apni smriti ko anubhvi sthiti mein nahin laate। sunna, jaanna, ye donon yaad rehta hai lekin svayan ko us sthiti mein maankar chalna, ismen majority kabhi anubhvi aur kabhi sirf maanne aur jaanne vaale ban jaate hain। is anubhav ko badhaane ke liye do baaton ke vishesh mahatva ko jaano-ek svayan ke mahatva ko, doosra samay ke mahatva ko। svayan ke prati bahut jaante ho। agar kisi se bhi poochhenge ki aap kaun-si aatma ho? va apne se bhi poochhenge ki main kaun? to kitni baaten smriti mein aayengi? ek minute ke andar apne kitne svamaan yaad aa jaate hain? ek minute mein kitne yaad aate hain? bahut yaad aate hain na। kitni lambi list hai-svayan ke mahatva ki! to jaanne mein to bahut hoshiyaar ho। sabhi hoshiyaar ho na? phir anubhav karne mein antar kyon pad jaata hai? kyonki samay par us sthiti ke seat par set nahin hote ho। agar seat par set hai to koi bhi, chaahe kamzor sanskaar, chaahe koi aatmaayen, chaahe prakriti, chaahe kisi bhi prakaar ki royal maaya upset nahin kar sakti। jaise shareer ke roop mein bhi bahut aatmaon ko ek seat par va sthaan par ekaagra hokar baithne ka abhyaas nahin hota to woh kya karega? hilta rahega na। aise man aur buddhi ko kisi bhi anubhav ke seat par set hona nahin aata to abhi-abhi set hoga, abhi-abhi upset। shareer ko bithaane ke liye sthool sthaan hota hai aur man-buddhi ko bithaane ke liye shreshtha sthitiyon ka sthaan hai। to baapdaada bachchon ka yeh khel dekhte rehte hain-abhi-abhi achhi sthiti ke anubhav mein sthit hote hain aur abhi-abhi apne sthiti se halchal mein aa jaate hain। jaise chhote bachche chanchal hote hain to ek sthaan par jyaada samay tik nahin sakte। to kai bachche yeh bachpan ke khel bahut karte hain। abhi-abhi dekhenge bahut ekaagra aur abhi-abhi ekaagrata ke bajaay bhinna-bhinna sthitiyon mein bhatakte rahenge। to is samay vishesh attention chaahiye-man aur buddhi sada ekaagra rahe।

ekaagrata ki shakti sahaj nirvighna bana deti hai। mehnat karne ki aavashyakta hi nahin hai। ekaagrata ki shakti svatah ‘ek baap doosra na koi’ ye anubhooti sada karaati hai। ekaagrata ki shakti sahaj ekras sthiti banaati hai। ekaagrata ki shakti sada sarva prati ek hi kalyaan ki vritti sahaj banaati hai। ekaagrata ki shakti sarva prati bhaai-bhaai ki drishti svatah bana deti hai। ekaagrata ki shakti har aatma ke sambandh mein sneh, sammaan, svamaan ke karma sahaj anubhav karaati hai। to abhi kya karna hai? kya attention dena hai? ‘ekaagrata’। sthit hote ho, anubhav bhi karte ho lekin ekaagra anubhvi nahin hote। kabhi shreshtha anubhav mein, kabhi madhyam, kabhi saadhaaran, teenon mein chakkar lagaate rehte ho। itna samartha bano jo man-buddhi sada aapke order anusaar chale। svapna mein bhi second maatra bhi halchal mein nahin aaye। man, maalik ko parvash nahin banaaye।

parvash aatma ki nishaani hai - us aatma ko utna samay sukh, chain, aananda ki anubhooti chaahte hue bhi nahin hogi। brahman aatma kabhi kisi ke parvash nahin ho sakti, apne kamzor svabhaav aur sanskaar ke vash bhi nahin। vaastav mein ‘svabhaav’ shabd ka arth hai ‘sva ka bhaav’। sva ka bhaav to achha hota hai, kharaab nahin hota। ‘sva’ kahne se kya yaad aata hai? aatmik swaroop yaad aata hai na। to sva-bhaav arthaat sva prati va sarva prati aatmik bhaav ho। jab bhi kamzori vash sochte ho ki mera svabhaav va mera sanskaar hi aisa hai, kya karoon, hai hi aisa… yeh kaun-si aatma bolti hai? yeh shabd va sankalp parvash aatma ke hain। to jab bhi yeh sankalp aaye ki svabhaav aisa hai, to shreshtha arth mein tik jaao। sanskaar saamne aaye ki mera sanskaar…, to socho kya mujh vishesh aatma ke yeh sanskaar hain, jisko mera sanskaar kah rahe ho? mera kehte ho to kamzor sanskaar bhi meraapan ke kaaran chhodte nahin hain। kyonki yeh niyam hai jahaan meraapan hota hai vahaan apnaapan hota hai aur jahaan apnaapan hota hai vahaan adhikaar haaeta hai। to kamzor sanskaar ko mera bana liya to vo apna adhikaar chhodte nahin hain। isliye parvash hokar baap ke aage arja daalte rehte ho ki chhudaao-chhudaao। ‘sanskaar’ shabd kehte yaad karo ki anaadi sanskaar, aadi sanskaar hi mera sanskaar hai। ye maaya ke sanskaar hain, mere nahin। to ekaagrata ki shakti se parvash sthiti ko parivartan kar maalikpan ki sthiti ki seat par set ho jaao।

yog mein bhi baithte hain, baithte to sabhi roochi se hain lekin jitna samay, jis sthiti mein sthiti hona chaahte hain, utna samay ekaagra sthiti rahe, uski aavashyakta hai। to kya karna hai? kis baat ko underline karenge? (ekaagrata) ekaagrata mein hi dridhta hoti hai aur jahaan dridhta hai vahaan saphalta gale ka haar hai। achha!

chaaron or ke alaukik brahman sansaar ki vishesh aatmaon ko, sada shreshtha sthiti ke anubhav ki seat par set rahne vaali aatmaon ko, sada svayan ke mahatva ko anubhav karne vaale, sada ekaagrata ki shakti se man-buddhi ko ekaagra karne vaale, sada ekaagrata ke shakti se hi dridhta dvaara sahaj saphalta praapta karne vaale sarvashreshtha, sarva vishesh, sarva snehi aatmaon ko baapdaada ka yaad-pyaar aur namaste।

avyakt baapdaada ki personal mulaakaat

group.nan. 1

udti kala mein jaane ke liye double light bano, koi bhi aakarshanaaakarshit na kare

sabhi apne ko vartamaan samay ke pramaan teevra gati se udne vaale anubhav karte ho? samay ki gati teevra hai va aatmaon ke purooshaartha ki gati teevra hai? samay aapke peechhe-peechhe hai ya aap samay ke pramaan chal rahe ho? samay ke intajaar mein to nahin ho na ki ant mein sab theek ho jaayega। sampoorn ho jaayenge, baap samaan ho jaayenge? aise to nahin hai na! kyonki drama ke hisaab se vartamaan samay bahut teevra gati se ja raha hai, ati mein ja raha hai। jo kal tha usse aaj aur ati mein ja raha hai। yeh to jaante ho na? jaise samay ati mein ja raha hai, aise aap shreshtha aatmaayen bhi purooshaartha mein ati teevra arthaat fast gati se ja rahe ho? ki kabhi dheele, kabhi tej? aise nahin ki neeche aakar phir oopar jaao। neeche-oopar hone vaale ki gati kabhi ekras fast nahin ho sakti। to sada sarva baaton mein shreshtha va teevra gati se udne vaale ho। vaise gaayan hai ‘chadhti kala sarva ka bhala’ lekin abhi kya kahenge? ‘udti kala, sarva ka bhala’। abhi chadhti kala ka samay bhi samaapta hua, abhi udti kala ka samay hai। to udti kala ke samay koi chadhti kala se pahunchna chaahe to pahunch sakega? nahin। to sada udti kala ho। udti kala ki nishaani hai sada double light। double light nahin to udti kala ho nahin sakti। thoda bhi bojh neeche le aata hai। jaise plen mein jaate hain, udte hain to agar machinery mein ya petrol mein jara bhi kachra aa gaya to kya haalat hoti hai? udti kala se girti kala mein aa jaata hai। to yahaan bhi agar kisi bhi prakaar ka bojh hai, chaahe apne sanskaaron ka, chaahe vaayumandal ka, chaahe kisi aatma ke sambandh-samparka ka, koi bhi bojh hai to udti kala se halchal mein aa jaata hai। kahenge vaise to main theek hoon lekin ye kaaran hai na iseeliye ye sanskaar ka, vyakti ka, vaayumandal ka bandhan hai। lekin kaaran kaisa bhi ho, kya bhi ho, teevrapurushaarthi sabhi baaton ko aise cross karte hain jaise kuchh hai hi nahin। mehnat nahin, manoranjan anubhav karenge। to aisi sthiti ko kaha jaata hai udti kala। to udti kala hai ya kabhi-kabhi neeche aane ka, chakkar lagaane ka dil ho jaata hai। kahin bhi lagaav nahin ho। jara bhi koi aakarshan aakarshitanheen kare। rocket bhi tab ud sakta hai, jab dharti ki aakarshan se pare ho jaaye। nahin to oopar ud nahin sakta। na chaahte bhi neeche aa jaayega। to koi bhi aakarshan oopar nahin le ja sakti। sampoorn banne nahin degi। to check karo sankalp mein bhi koi aakarshanaaakarshit nahin kare। sivaae baap ke aur koi aakarshan nahin ho। paandav kya samajhte hain? aise teevra purushaartheebno। banna to hai hi na। kitne baar aise bane ho? anek baar bane ho। aap hi bane ho ya doosre bane hain? aap hi bane ho। to nambarvaar mein to nahin aana hai na, number one mein aana hai। maataayen kya karengi? number one ya nambarvaar bhi chalega? 108 number bhi chalega? 108 number banenge ki pahla number banenge? agar baap ke bane hain, adhikaari bane hain to poora varsa lena hai ya thoda kam? phir to number one banenge na। daata full de raha hai aur lene vaala kam le to kya kahenge? isliye number one banna hai। number one chaahe ek hi ho lekin number one divijan to bahut hain na। to second mein nahin aana hai। lena hai to poora lena hai। adhoora lene vaale to peechhe-peechhe bahut aayenge। lekin aapko poora lena hai। sabhi poora lene vaale ho ya thode mein raaji hone vaale ho? jab khula bhandaar hai aur akhut hai to kam kyon len? behad hai na, had ho ki 8 hajaar isko milna hai, 10 hajaar isko milna hai to kahenge bhaagya mein itna hi hai, lekin baap ka khula bhandaar hai, akhut hai, jitna lena chaahe le sakte hain phir bhi akhut hai। akhut khazaane ke maalik ho। baalak so maalik ho। to sabhi sada khush rahne vaale ho na ki thoda-thoda kabhi duhkh ki lahraaati hai? duhkh ki lahar svapna mein bhi nahin aa sakti। sankalp to chhodo lekin svapna mein bhi nahin aa sakti। isko kaha jaata hai number one। to kya kamaal karke dikhaayenge? sabhi number one aakar dikhaayenge na?

vaise bhi dilli ko dil kehte hain। to jaisa dil hoga vaisa shareer chalega। aadhaar to dil hota hai na। dil hai dilaaraam ki dil। to dil ki gaddi yathaartha chaahiye na, neeche-oopar nahin chaahiye। to nasha hai na ki ham dilaaraam ka dil hain। to abhi apne shreshtha sankalpon se svayan ko aur vishwa ko parivartan karo। sankalp kiya aur karma hua। aise nahin, socha to bahut tha, sochte to bahut hain, lekin hota bahut kam hai, ve teevrapurushaarthi nahin hain। teevra purushaartheearthaat sankalp aur karma samaan ho tab hi baap samaan kahenge। khush hain aur sada khush rahenge। yeh pakka nishchay hai na। khush rahne vaale hi khushanseeb hain। yeh pakka hai ya thoda-thoda kachcha ho jaata hai? kachcheecheez achhi lagti hai? pakke ko pasanda kiya jaata hai। to poora hi pakka rehna hai।

roj amritvele yeh paath pakka karo ki kuchh bhi ho jaaye khush rehna hai, khush karna hai। achha aur koi khel nahin dikhaana। yahi khel dikhaana, aur-aur khel nahin karna। achha!

group.nan. 2

apkaari par bhi upkaar karna - yahi gyaani tu aatma ka kartavya hai

vishwa kalyaan ke kaarya arth nimitta aatma hoon, aise nimitta samajh har kaarya main karte ho? jo vishwa kalyaan ke nimitta aatma hain vo svayan-svayan ke prati akalyaankaari sankalp bhi nahin kar sakte। kyonki vishwa ki jimmevaar aap nimitta aatmaon ki vritti se vaayumandal parivartan hona hai। to jaisa sankalp hoga vaisi vritti zaroor hoti hai। kabhi bhi kisi ke prati va apne prati koi bhi vyartha sankalp hai to vritti mein kya hoga? vahi bhaav vritti mein hoga aur vahi karma svatah hi hoga। to ek second bhi vritti vyartha nahin bana sakte। ek second bhi vyartha sankalp nahin kar sakte kyonki aapke peechhe vishwa ki jimmevaari hai। aise samajhte ho? ki ye baap keejimmevaari hai aapki nahin? aisa samajhte ho ya sochte ho ki ham to chhote hain to chhoti jimmevaari hai। nahin, badi jimmevaari uthaai hai। to vishwa kalyaankaari। jaise baap, vaise bachche। kaisi bhi paristhiti ho, koi bhi vyakti ho lekin sva ki bhaavna, sva ki vritti kaun si hai? vishwa kalyaankaari। itna yaad rehta hai ya albele bhi ho jaate ho? to albele nahin hona। vishwa kalyaankaari vishwa ke raajya adhikaari ban sakte ho। agar vishwa kalyaan ki bhaavna nahin to vishwa raajya ka bhi adhikaar nahin। sambandh hai na। to sada sarva prati shubh bhaavna, shubh kaamna ho। ho sakti hai? aapki koi glaani kare to bhi shubh kaamna rakh sakte ho? koi gaali de to bhi shubh bhaavna rakhenge? ki thoda-sa man mein aayega? thoda-sa to aayega na ki ye kya karta hai, ye kya karti hai? koi aapka kalyaan kare aur koi aapka akalyaan kare to donon samaan lagega? thoda to pharka hoga na? koi roj aapki glaani kare, ek saal tak kare aur ek saal tak bhi nahin badle to aap kalyaan karenge? vo akalyaan kare, aap kalyaan karenge? aise karte hain ya thoda-sa munh aise (kinaara) ho jaata hai? chalo, ghrina bhaav nahin ho lekin man se kinaara karenge ki yeh theek nahin hai ya usko theek karenge? kya karenge? theek karenge? karenge - yeh kehna to sahaj hai lekin karte ho? apkaari par bhi upkaar। yahi gyaani tu aatma ka kartavya hai। baap ne aapka akalyaan dekha? kitne janma baap ko gaali di? 63 janma di। phir baap ne glaani ko bhi kalyaankaari drishti se dekha। to follow father hai na। upkaari par upkaar to duniya vaale bhi karte hain, bhakta aatma bhi karte hain। lekin gyaani tu aatma unse shreshtha hai। to aap kaun ho? gyaani tu aatma ho ya gyaani tu aatma ban rahe ho? sabhi hain ki aadha bhakta, aadhaagyaani? poore gyaani tu aatma ho ya thoda-thoda bhakta bhi ho? nahin, gyaani tu aatma। to gyaani tu aatma ka arth hi hai sarva ke prati kalyaan ki bhaavna। akalyaan sankalp maatra bhi nahin ho। vishwa kalyaankaari hain to maalik ho gaye na। maalik ke aage sabhi jaise bachche hue na। to baap bachchon ke oopar kalyaan ki, raham ki bhaavna rakhega। kaisa bhi bachcha hoga lekin baap ka pharja kya hai? raham aur kalyaan ki bhaavna। iseeliye baap ki mahima mein merciful vishesh gaaya hua hai। chaahe desh mein, chaahe videsh mein baap ke aage jaayenge to raham dil, merciful kahenge। kisi bhi church mein jaayenge, kahin bhi jaayenge to merciful kehte hain na। to aap sabhi bhi merciful ho na। to jo merciful hoga vahi kalyaan kar sakta hai। aur baap ko sabmen saagar kehte hain। kshama ka saagar, raham ka saagar…। saagar ka arth kya hai? athaah, behad। to itna athaah yaani behad ka raham hai? sabhi merciful ho ya ghrinaadil bhi hai? nahin। knowledgeful aatma arthaat gyaani tu aatma sadaiv har ek ke prati master sneh ka saagar hai। bina sneh ke uske paas aur kuchh hai nahin। koi bhi aayega to use sneh hi to denge na। aur aapke paas kya hai! sachcha sneh hai aur aajkal sampatti se bhi jyaada sneh ki aavashyakta hai। to sneh ka khazaana jama hoga tabhi to doosre ko denge na। agar apne jitna hi hoga to doosre ko kya denge! iseeliye sabmen master ho। sneh mein bhi master sneh ke saagar। to itna sneh jama hai ya kam hai? daata ke bachche ho na। to daata ke bachche kya karte hain? dete hain। le karke dena vo dena nahin hua। liya aur diya to vo business ho gaya। business mein pahle lete hain phir dete hain। to aap daata ke bachche ho na। lekarke dena, to dene ka mahatva nahin hai। usko daata nahin kahenge। koi de to ham deven, yeh nahin। daata ke bachche dete jaao। koi bhi khaali nahin jaaye। athaahakhzaana hai na। jisko jo chaahiye dete jaao। kisi ko shanti chaahiye, kisi ko khushi chaahiye, kisi ko sneh chaahiye, dete jaao। aise hai ki hisaab rakhte ho, isne kitna diya, mainne kitna diya? hisaab to nahin rakhte na? khula khaata hai, hisaab kitaab ka khaata nahin hai। daata ke bachche ho ya thodi-thodi kanjoosi karte ho? achha, kanjoos nahin to hisaab-kitaab rakhne vaale ho? isne ye kiya tab hi mainne yeh kiya, yeh bhi hisaab ka khaata hua na। daata ke darbaar mein is samay sab khula hai। is samay hisaab-kitaab nahin hai, jitna chaahiye lo, jitna chaahiye do। dharmaraajpuri mein hisaab kitaab hai, abhi nahin। to yaad rakhna ki daata ke bachche hain, dena hai। vahaan jaakar hisaab ka chaupda shuru nahin kar dena।

achha, ye variety group hai। jahaan se bhi aaye ho lekin ek baap ke hain, ek parivaar hai। double videshi kya samajhte hain? ek parivaar hai na? ya double videshi alag hain aur desh vaale alag hain? nahin। sabhi ek hain। chaahe double videshi hain, chaahe desh vaale hain lekin sabhi kahenge ham brahma kumaar aur brahmaakumaari hain। videsh mein aur koi naam to nahin kehte na। ek hi hain brahmaakumaar aur brahmaakumaari। to ek hi parivaar ho gaya na। aur ek hi parivaar mein kitni khushi hai। itna bada parivaar saare kalpa mein nahin milta hai। satayug mein itna bada parivaar hoga? teen laakh, chaar laakh ka hoga। vahaan honge hi do bachche aur maa baap aur yahaan dekho kitna bada parivaar hai। behad ka parivaar dekh khushi hoti hai na। dekho videsh se bhi bhaag-bhaagkar kyon aate hain? baap se aur parivaar se milne।

to sab khush ho? koi naaraazto nahin? naaraazakyon hote hain? raazanheen jaante hain to naaraazhote hain। koi naaraazho to samjho koi raazko nahin samjha। raazko jaanne vaale naaraazanheen hote। achha!

group.nan. 3

apni shreshtha sthiti banaane ke liye amritvele teen bindiyon ka tilak lagaao

sada amritvele svayan ko teen bindiyon ka tilak dete ho? tilak ka arth kya hai? smriti ka tilak। to tilak ka bahut mahatva hota hai। tilak raajya ki bhi nishaani hai। jab raajya dete hain to raaj tilak kaha jaata hai aur bhakti mein bhi tilak ki nishaani zaroor rakhenge aur suhaag aur bhaagya ki nishaani bhi tilak hai। to tilak ka mahatva hai। kyonki tilak smriti ki nishaani hai। to gyaan maarga mein bhi smriti ka hi mahatva hai na। jaisi smriti vaisi sthiti hoti hai। agar smriti shreshtha hai to sthiti bhi shreshtha hogi। agar smriti vyartha hai to sthiti bhi samartha ki bajaay vyartha ho jaati hai। to baap ne teen bindiyon ka tilak arthaat teen smritiyon ka tilak diya hai। kyonki teenon hi smriti aavashyak hain aur teenon hi bindi sahaj hain। chhote bachche ko bhi kaho ki bindi lagaao to laga dega na। to main aatma hoon, yeh sva ki smriti phir baap ki smriti aur phir shreshtha karma ke liye drama ki smriti। drama chalta rehta hai, beet jaata hai। jo abhi present hai vo second mein past ho jaata hai। to beet jaata hai iseeliye beeti so beeti, fullstop (.)। to bindi ho gai na। to yeh teenon smriti sada hain to sthiti bhi shreshtha hai। sirf aatma ki smriti nahin। aatma ke saath baap ki smriti hai hi hai aur baap ke saath drama ki smriti bhi ati aavashyak hai। agar drama ka gyaan nahin hai to bhi karma mein neeche-oopar honge। jo bhi bhinna-bhinna paristhitiyaan aati hain, usmein drama ka gyaan ati aavashyak hai। anubhvi ho na। kya smriti rehti hai? hona hi hai,nothing new। pahle se hi jaante hain ki yeh hona hai to vichlit nahin honge। jab knowledge hai ki hona hi hai to khel samajhkar dekhenge। toofaan nahin lekin khel hai। naatak mein bhi toofaan, baadh sab dekhte hain na, lekin vichlit hote hain kya? kyonki samajhte hain ki yeh drama hai। to achal ho ya thoda-thoda hilte ho? kyon, kya hota hai? kya hoga, kaise hoga … yeh aata hai? jab drama ka gyaan hai to achal-adol hain। drama ka gyaan nahin to halchal hai। to sabhi sada achal ho? abhi nahin lekin sada। ‘sada’ shabd nahin bhoolna। sada maana avinaashi। sadaakaal vaale ya kabhi-kabhi vaale? maataaon ko kabhi thoda-thoda moh nahin aata? thoda-thoda meraapan nahin aata? jahaan meraapan hoga vahaan halchal hogi। had ka mera nahin। behad ka mera, woh hai mera baba। had ka mera-mera bahut hai। to had ka meraapan nahin hai? paandav kya samajhte hain? meri rachna, meri dukaan, mera paisa, mera ghar, kuchh nahin aata? sab tera kar diya ki thoda kinaare rakha hai? agar thoda bhi kinaare rakha to jo manzil ka kinaara hai woh nahin milega। to mera-mera samaapta। sada smriti ke tilakdhaari aatmaayen। to jahaan smriti hai vahaan samartheehai। smriti nahin tosmarthi bhi nahin। to sabhi santushta ho ya koi asantushtata hai? anek janma asantushta rahe, ab bhi asantushta rahe to kya kahenge? isliye sada santushta। achha!

group.nan. 4

khushiyon ke saagar ke bachche ho isliye duhkhadhaam ko sada ke liye vidaai de do

sada ye nasha rehta hai ki ham bhaagya vidhaata ke bachche hain? bhaagya vidhaata baap C ban gaya aur kya chaahiye? sab chaahnaayen poori ho gai ki aur rahi hui hain? nasha sada badhta jaata hai ya kabhi kam hota hai, kabhi badhta hai? jab maaya aati hai tab phir kya karte hain? phir kam hota hai? maaya to ant tak aani hi hai। kyonki maaya nahin aaye to maayaajeet kaise kahlaayenge? to maaya ka aana, ye to hona hi hai lekin aapka kaam hai maayaajeet banna। maayaajeet ho ya kabhi haar, kabhi jeet? abhi bahutkaal se maayaajeet banne ka samay hai। kabhi haar, kabhi jeet nahin, sada maaya jeet।

abhi tak hindi nahin samajhte ho! kyonki satayug mein jaana hai, vahaan aapki yeh bhaasha nahin hogi। aap sabki aadi bhaasha hindi hai na। to bolna nahin bhi aave to samajhna to aave na। to kaun hindi samajhta hai haath uthaao। samajhne ke liye purooshaartha karo। kyonki baap jis bhaasha mein bolte hain woh bhaasha to samajhni chaahiye na। vaise bhi dekho agar english bolne vaale maa-baap honge to bachche bhi kya seekhenge? to baap ki bhaasha to samajhni chaahiye। achha!

sada khush rahne vaale to ho hi। khush rahne vaali aatmaayen baap ko bhi pyaari hain। kyonki baap sada khush rahne vaale hain, khushi ke saagar hain to bachche bhi khush rehte hain to baap ko bhi khushi hoti hai। to duhkh ko sada ke liye vidaai de di na। ya kabhi-kabhi nimantran de dete ho? duhkh ki duniya se nikal chuke। duhkhadhaam mein rehte ho kya? kahaan rehte ho? sangamayug par, duhkhadhaam mein nahin। duniya vaale duhkhadhaam mein hain lekin aap sangamayug, khushiyon ka yug, maujon ka yug, usmein ho। aise hai? kabhi galti se duhkhadhaam mein to nahin chale jaate? kabhi thodi-thodi dil hoti hai? to nasha rehta hai ki ham sangamayugi shreshtha brahman aatmaayen hain? isliye braahmanon ko sada hi oonchi choti dikhaate hain। to jaise oonche se oonche gaaye hue ho vaise sada oonchi sthiti bhi ho। saadhaaran sthiti nahin, sada oonchi sthiti। kabhi saadhaaran sthiti mein to nahin aa jaate? baap mila sab kuchh mila-yahi smriti sada ooncha bana deti hai। ye yaad rehta hai na। ye automatic geet bajta hi rehta hai। to kitna sahaj aur sarva praapti kar li। mehnat karni padi? thodi-thodi mehnat lagti hai? title hi hai sahajyogi। koi apne ko kehta hai main mushkil yogi hoon। duniya vaale kehte hain ki kashta ke bina paramatma nahin mil sakta aur aap kya kehte ho? ghar baithe baap mil gaya। baap ke ghar mein to peechhe aate ho, pahle to ghar baithe baap mila। itna sahaj socha nahin tha lekin mil gaya। to sada yahi yaad rakhna ki ham bhaagya vidhaata ke bachche hain। sada apna bhaagya yaad aane se khush rahenge aur khushiyaan baantenge।

group.nan. 5

chintaaon se free sada nishchint va befrik baadshaah rahne ke liye nishchaybuddhi bano

sada apne ko kalpa-kalpa ki adhikaari aatma anubhav karte ho? anek baar yeh adhikaar praapta kiya hai aur aage ke liye bhi nishchit hai ki kalpa-kalpa karte hi rahenge। yeh pakka nishchay hai na। kyonki nishchay hai is brahman jeevan ka foundation। agar nishchay ka foundation pakka hai to kabhi bhi hilenge nahin। chaahe kitne bhi toofaan aa jaaye, chaahe kitne bhi bhookampa ho jaayen lekin hilenge nahin। kyonki foundation pakka hai। abhi bhi dekho, prakriti ka bhookampa aata hai to kaun si building girti hai? jo kachchi hoti hai। pakke foundation vaali nahin giregi। to aapka foundation kitna pakka hai? hilne vaala hai kya? hilegi nahin lekin thodi daraar aa jaayegi? thodi bhi nahin। kyonki koi to gir jaate hain koi girte nahin lekin thodi daraar aa jaati hai। to aap unse bhi pakke ho। to nishchay ki nishaani hai-har kaarya mein mansa mein bhi, vaani mein bhi, karma mein bhi, sambandh-samparka mein bhi har baat mein sahaj vijay ho। mehnat karke vijayi bane, woh vijay nahin hai। sahaj vijayi। to nishaani dikhaai deti hai ya vijay praapta karne mein mehnat lagti hai? kabhi sahaj, kabhi mehnat? lekin nishchay ki nishaani hai sahaj vijay। agar mehnat lagti hai to samjho kuchh mix hai। sanshay nahin bhi ho lekin kuchh vyartha mix hai isliye sahaj vijay nahin hoti। nahin to vijay nishchaybuddhi aatmaon ke liye to sada ever ready hai। uska sthaan hi woh hai। jahaan nishchay hai, vahaan vijay hogi। nishchay vaalon ke paas hi jaayegi na। to nishchay sab baaton mein chaahiye। sirf baap mein nishchay nahin। lekin apne aapmen bhi nishchay, brahman parivaar mein bhi nishchay, drama ke har drishya mein bhi nishchay। tabhi kahenge ki sampoorn nishchaybuddhi। agar baap mein nishchay hai lekin apne mein nahin hai, chalte-chalte apne se dilshikasta hote hain to nishchay nahin hai tab to hote hain। to woh bhi adhoora nishchay hua। baap mein bhi hai, apne aapmen bhi hai lekin parivaar mein nahin hai। parivaar ke kaaran dagmag hote hain। to bhi adhoora nishchay kahenge। drama mein bhi full nishchay ho। jo hua so achha hua। isko kehte hain drama mein nishchay। aise sampoorn nishchaybuddhi hain? kabhi to full hai, kabhi aadha hai। jab anek baar ka nasha hai to anek baar vijayi bane ho, ab repeat kar rahe ho। koi nai baat nahin kar rahe ho, repeat kar rahe ho। to repeat karna to sahaj hota hai na। to nishchaybuddhi vijayi-sada yeh smriti mein rahe। nishchay bhi hai aur vijay bhi hai। ye nasha ho ki hamaari vijay nahin hogi to kiski hogi। vijay hai aur sada hogi। to atal nishchay ho। talne vaala nahin ho, thodi si baat hui aur nishchay atal nahin rahe, aisa nishchay nahin ho। atal nishchay to atal vijay hogi। vijay ki bhaavi tal nahin sakti। atal hai। to aise nishchaybuddhi sada harshit rahenge, nishchint rahenge। kyonki chinta khushi ko khatma karti hai। aur nishchinta hain to khushi sada rahegi। to nishchaybuddhi ki doosri nishaani hai nishchinta। nahin to thodi baat bhi hogi to chinta hogi ki ye kya hua, ye aisa hua। is kyon kya se bhi nishchinta। kya, kyon, kaise-ye chinta ki lahar hai। abhi badi chinta nahin hogi, is roop mein hogi। hona nahin chahiye tha, ho gaya, aisa, vaisa, kyon, kya, kaisa, ye shabd badal jaate hain। to aisa hai ki kabhi-kabhi question mark hota hai? kai kehte hain na ki mere paas hi ye kyon hota hai? mere se hi kyon hota hai? mere peechhe ye bandhan kyon hai, mere peechhe maaya kyon aati hai, mera hi hisaab kitaab kada hai kyon? to ‘kyon’ aana maana chinta ki lahar hai। to is chintaaon se bhi pare-isko kaha jaata hai nishchinta। to kaun ho? nishchinta ho ya thodi-thodi kyon, kya hai? nishchinta aatma ka sada salogan hai achha hua, achha hai aur achha hi hona hai। buraai mein bhi achchhaai anubhav karenge। buraai se bhi apna paath padh lenge। buraai ko buraai ke roop mein nahin dekhenge। isko kaha jaata hai nishchaybuddhi, nishchinta। ‘chinta’ shabd se bhi avidyaaho। jaise gaayan hai na ichchha maatramaavidya। aise chinta ki bhi avidyaaho। chinta kya hoti hai-yeh anubhav nahin ho। to aisi avastha isko kaha jaata hai nishchinta। koi bhi baat aaye to ‘kya hoga’ nahin aayega, phauran hi yeh aayega ‘achha hoga’, beet gaya achha hua। jahaan achha hai vahaan sada befikrabaadshaah hain। to nishchaybuddhi ka arth hai befikrabaadshaah। to aise hote hain। to bhi adhoora nishchay kahenge। drama mein bhi full nishchay ho। jo hua so achha hua। isko kehte hain drama mein nishchay। aise sampoorn nishchaybuddhi hain? kabhi to full hai, kabhi aadha hai। jab anek baar ka nasha hai to anek baar vijayi bane ho, ab repeat kar rahe ho। koi nai baat nahin kar rahe ho, repeat kar rahe ho। to repeat karna to sahaj hota hai na। to nishchaybuddhi vijayi - sada yeh smriti mein rahe। nishchay bhi hai aur vijay bhi hai। ye nasha ho ki hamaari vijay nahin hogi to kiski hogi। vijay hai aur sada hogi। to atal nishchay ho। talne vaala nahin ho, thodi si baat hui aur nishchay atal nahin rahe, aisa nishchay nahin ho। atal nishchay to atal vijay hogi। vijay ki bhaavi tal nahin sakti। atal hai। to aise nishchaybuddhi sada harshit rahenge, nishchint rahenge। kyonki chinta khushi ko khatma karti hai। aur nishchinta hain to khushi sada rahegi। to nishchaybuddhi ki doosri nishaani hai nishchinta। nahin to thodi baat bhi hogi to chinta hogi ki ye kya hua, ye aisa hua। is kyon kya se bhi nishchinta। kya, kyon, kaise-ye chinta ki lahar hai। abhi badi chinta nahin hogi, is roop mein hogi। hona nahin chahiye tha, ho gaya, aisa, vaisa, kyon, kya, kaisa, ye shabd badal jaate hain। to aisa hai ki kabhi-kabhi question mark hota hai? kai kehte hain na ki mere paas hi ye kyon hota hai? mere se hi kyon hota hai? mere peechhe ye bandhan kyon hai, mere peechhe maaya kyon aati hai, mera hi hisaab kitaab kada hai kyon? to ‘kyon’ aana maana chinta ki lahar hai। to is chintaaon se bhi pare-isko kaha jaata hai nishchinta। to kaun ho? nishchinta ho ya thodi-thodi kyon, kya hai? nishchinta aatma ka sada salogan hai achha hua, achha hai aur achha hi hona hai। buraai mein bhi achchhaai anubhav karenge। buraai se bhi apna paath padh lenge। buraai ko buraai ke roop mein nahin dekhenge। isko kaha jaata hai nishchaybuddhi, nishchinta। ‘chinta’ shabd se bhi avidyaaho। jaise gaayan hai na ichchha maatramaavidya। aise chinta ki bhi avidyaaho। chinta kya hoti hai - yeh anubhav nahin ho। to aisi avastha isko kaha jaata hai nishchinta। koi bhi baat aaye to ‘kya hoga’ nahin aayega, phauran hi yeh aayega ‘achha hoga’, beet gaya achha hua। jahaan achha hai vahaan sada befikrabaadshaah hain। to nishchaybuddhi ka arth hai befikrabaadshaah। to aise hai ya thoda-thoda fikra kabhi aa jaata hai? to befikra baadshaah hi baap samaan hai। baap ko fikra hai ka? itna bada parivaar hote bhi fikra hai ka?sab kuchh jaante hue, dekhte hue befikra । aise befikra ho? maataayen befikra ho ya pravritti mein jaakar thoda fikra ho jaata hai? vaayumandal mein jaakar thoda prabhaav pad jaata hai? vaayumandal ka prabhaav nahin padta? apna prabhaav vaayumandal par daalo, vaayumandal ka prabhaav aapke oopar nahin pade। kyonki vaayumandal rachna hai, aap master rachta ho। vaayumandal banaane vaala kaun? manushyaatma । to rachta ho gaya na। to rachta ke oopar rachna ka prabhaav nahin ho, lekin rachta ka rachna ke oopar prabhaav ho। to koi bhi baat aaye to yeh yaad karo ki main vijayi aatma hoon।

achha, ye mahaaraashtra aur gulbarga hai। (arth quake aata rehta hai) isliye sunaaya ki nishchaybuddhi raho, hona hi hai। aage chalkar ati hona hai ya kam hona hai? to ati kaaaahvaan kar rahe ho ya ghabraate ho? ghabraane ki koi baat nahin। agar shareer jaayega to bhi guarantee hai aur rahega to seva karni hai। donon mein achha hai। teen pair prithvi to milni hai। befikraho na। knowledge hai na isliye befrikhain। saari sabha befikrabaadshaahon ki baithi hai na।

jaane vaale kahaan bhi honge to jaayenge, chaahe bhookampa mein jaayen, chaahe kis sthiti mein bhi jaayen, achhe-achhe chalte chalte bhi chale jaayenge। jaane vaale ko koi rok nahin sakta। jaane vaale chale gaye lekinbefikra aapko dekar kyon jaaye?fikra bhi saath mein lekar chale jaaye na। gyaan ki shakti hai na। achha। hone vaala hona hi hai। aap sabhi to befikra baadshaah ho।