Avyakt murli for Tuesday 1 February 1994

>

01-02-94 om shanti avyakt baapdaadaamdhuban

trikaaldarsheesthiti ke shreshtha aasan dvaara sada vijayi bano

divya buddhi va vishaal buddhi ka vardaan dene vaale trikaaldarsheebaapdaada apne master trikaaldarsheebachchon prati bole-

aaj trikaaldarsheebaapdaada apne sarva master trikaaldarsheebachchon ko dekh rahe hain। trikaaldarsheebanne ka saadhan baapdaada ne har bachche ko divya buddhi ka vardaan va brahman janma ki vishesh saugaat di hai। kyonki divya buddhi dvaara hi baap ko, apne aapko aur teenon kaalon ko spashta jaan sakte ho। divya buddhi tatha yaad dvaara hi sarva shaktiyon ko dhaaran kar sakte ho। isliye pahla vardaan divya buddhi hai। ye vardaan baapdaada ne sarva bachchon ko diya hai। lekin is vardaan ko pratyaksha jeevan mein nambarvaar kaarya mein lagaate ho। divya buddhi trikaaldarsheesthiti ka anubhav karaati hai। chaaron hi subject dhaaran karne ka aadhaar divya buddhi hai। chaaron hi subject ko sabhi bachche achhi tarah se jaante hain, varnan bhi karte hain lekin jaanna, varnan karna-yeh sabhi ko aata hai। chaahe naye hain, chaahe puraane hain, ismen sabhi hoshiyaar hain lekin dhaaran karna-ismen number ban jaate hain। divya buddhi ki visheshtaayen, divya buddhi vaali aatmaayen koi bhi sankalp ko karma va vaani mein laane samay har bol aur har karma ko teenon kaal se jaan kar phir practical mein aati hain। saadhaaran buddhi vaali aatmaayen bahut karke vartamaan ko spashta jaanti hain lekin bhavishya aur bhootkaal ko spashta nahin jaanteen। divya buddhi vaali aatma ko past aur future bhi itna hi spashta hota hai jaise present spashta hai। teenon hi kaal saath-saath spashta anubhav hota hai। vaise sabhi kehte bhi hain ki jo socho, jo karo, jo bolo, aage-peechhe ko soch-samajh karke karo। karma ke pahle parinaam ko saamne rakho, parinaam hua bhavishya। to number one hai trikaaldarsheebuddhi। trikaaldarsheebuddhi kabhi asphalta ka anubhav nahin karegi। lekin bachchon mein teen prakaar ki buddhi vaale hain। pahla number sunaaya sada trikaaldarsheebuddhi। doosra number kabhi trikaaldarsheeaur kabhi ek kaaldarshi। teesra number albeli buddhi, jo sada vartamaan ko dekhte, sada yahi sochte ki jo abhi ho raha hai ya mil raha hai va chal raha hai ismen theek rahen, bhavishya kya hoga isko kya sochen। lekin albeli buddhi aadi-madhya-ant ko na sochne ke kaaran sada saphalta praapta karne mein dhokha kha leti hai। to banna hai trikaaldarsheebuddhi।

trikaaldarsheesthiti aisa shreshtha aasan hai jis aasan arthaat sthiti dvaara svayan bhi sada vijayi aur doosron ko bhi vijayi banne ki shakti va sahayog dene vaale hain। divya buddhi vishaal buddhi hai। divya buddhi behad ki buddhi hai। to check karo ki svayan ki buddhi kis number ki banaai hai? baapdaada ne bachchon ki result mein dekha ki gyaan, gun, shaktiyon ka khazaana jama sabhi bachchon ke paas hai lekin jama hote bhi nambarvaar kyon hain? aisa koi bhi nahin dikhaai diya jiske paas khazaane jama nahin hon। sabhi ke paas jama hain na! phir nambarvaar kyon? agar kisi se bhi poochhenge-svayan ka gyaan hai, baap ka gyaan hai, chakkar ka gyaan hai, karmon ke gati ka gyaan hai? sabhi ke paas sarvashaktiyaan hain ki koi hain, koi nahin hain? gyaan mein sabhi ne haan kiya aur shaktiyon mein haan kyon nahin kiya? achha, sabhi gun hain? sarva gun buddhi mein hain? buddhi mein gyaan bhi hai, shaktiyaan bhi hain phir nambarvaar kyon? pharka kya hota hai? khazaane ko vidhipoorvak kaarya mein lagaana nahin aata hai samay beet jaata hai phir sochte hain ki aise karte the, is vidhi se chalte the to siddhi mil jaati thi। to samay ko jaanna aur samay pramaan shakti va gun va gyaan ko kaarya mein lagaana-iske liye divya buddhi ki visheshta aavashyak hai। vaise gyaan ki paaintsa bahut sochte rehte hain, sunaate bhi rehte hain, kaapiyon mein bhi bhari hui rehti hain, sabke paas kitni diary ikùee hui hongi, kaaphi stock ho gaya hai na, to jaise baap ke liye gaaya hua hai ki main jo hoon, jaisa hoon vaise mujhe jaanne vaale koton mein koi hain। jaante to sabhi hain lekin underline hai-jo hoon, jaisa hoon, usmein antar pad jaata hai। isi reeti jaisa samay aur jo gyaan ki point ya gun ya shakti aavashyak hai vaisa kaarya mein lagaana ismen antar pad jaata hai aur isi antar ke kaaran number ban jaate hain। to kaaran samjha? ek to samay pramaan vidhi ka antar pad jaata hai, doosra koi bhi karma va sankalp trikaaldarsheeban nahin karte, isliye number ban jaate hain। koi bhi sankalp buddhi mein aata hai to sankalp hai beej, vaacha aur karmana beej ka vistaar hai, agar sankalp arthaat beej ko trikaaldarsheesthiti mein sthit hokar check karo, shaktishaali banaao to vaani aur karma mein svatah hi sahaj saphalta hai hi hai। sankalp ko check nahin karte arthaat beej shaktishaali nahin hota to vaani aur karma mein bhi siddhi ki shakti nahin rehti। lakshya sabhi ka siddhi swaroop banne ka hai na, to sada siddhi swaroop banne ki vidhi jo sunaai, usko check karo। beech-beech mein buddhi albeli ban jaati hai isliye kabhi siddhi anubhav karte aur kabhi mehnat anubhav karte।

baapdaada ka sabhi bachchon se pyaar ki nishaani hai ki sab bachche sada sahaj siddhi swaroop ban jaayen। aapke jad chitron dvaara bhakta aatmaayen siddhi praapta karti rehti hain, to chaitanya mein siddhi swaroop bane ho tab to jad chitron dvaara bhi aur aatmaayen siddhi praapta karti rehti hain। jo trikaaldarsheesthiti mein sthit rehte hain to trikaaldarsheesthiti samartha sthiti hai। is samartha sthiti vaale vyartha ko aisa sahaj samaapta kar dete hain jo svapna maatra bhi vyartha samaapta ho jaata hai। agar trikaaldarsheebuddhi dvaara karma nahin karte hain to vyartha ka bojh baar-baar oonche number mein adhikaari banne nahin deta। to divya buddhi ka vardaan sada har samay kaarya mein lagaao।

baapdaada ne pahle bhi ishaara diya hai ki gyaani-yogi aatmaayen bane ho, abagyaan aur yog ko, shakti ko prayog mein laane vaale prayogshaali aatmaayen bano। jaise science ki shakti ka prayog dikhaai deta hai na, lekin science ki shakti ke prayog ka bhi mool aadhaar kya hai? aaj jo bhi science ne prayog ke saadhan diye hain, un sab saadhnon ka aadhaar kya hai? science ke prayog ka aadhaar kya hai? majority dekhenge light hai। light dvaara hi prayog hota hai। agar computer bhi chalta hai to kiske aadhaar se? computer might hai lekin aadhaar light hai na। to aapke silence ki shakti ka bhi aadhaar kya hai? light hai na। jab woh prakriti ki light dvaara ek light anek prakaar ke prayog practical mein karke dikhaati hai to aapki avinaashi parmaatma light, aatmik light aur saath-saath practical sthiti light, to usse kya nahin prayog ho sakta! aapke paas sthiti bhi light hai aur mool swaroop bhi light hai। jab bhi koi prayog karna chaahte ho to pahle apne mool aadhaar ko check karo। jaise koi bhi science ke saadhan ko yoozakrenge to pahle check karenge na ki light hai ya nahin hai। aise jab yog ka, shaktiyon ka, gunon ka prayog karte ho to pahle ye check karo ki mool aadhaar aatmik shakti, parmaatma shakti va light (halki) sthiti hai? agar sthiti aur swaroop double light hai to prayog ki saphalta bahut sahaj kar sakte ho। aur sabse pahle is abhyaas ko shaktishaali banaane ke liye pahle apne par prayog karke dekho। har maas va har 15 din ke liye koi na koi vishesh gun va koi na koi vishesh shakti ka sva prati prayog karke dekho। kyonki sangathan mein va sambandh-samparka mein paper to aate hi hain to pahle apne oopar prayog mein check karo koi bhi paper aaya lekin jo shakti va jo gun ka prayog karne ka lakshya rakha, usmein kahaan tak saphalta mili? aur kitne samay mein saphalta mili? jaise science ka prayog din-pratidin thode samay mein pratyaksha roop ka anubhav karaane mein aage badh raha hai to samay bhi kam karte jaate hain। thode samay mein saphalta jayaada-yeh science vaalon ka bhi lakshya hai। aise jo bhi lakshya rakha usmein samay ko bhi check karo aur saphalta ko bhi check karo। jab sva ke prati prayog mein saphal ho jaayenge to doosri aatmaon ke prati prayog karna sahaj ho jaayega aur jab sva ke prati saphalta anubhav karenge to aapke dil mein auron ke prati prayog karne ka umang-utsaah svatah hi badhta jaayega। anya aatmaon ke sambandh-samparka mein sva ke prayog dvaara un aatmaon ko bhi aapke prayog ka prabhaav svatah hi padta rahega। jaise ek drishtaanta saamne rakho ki mujhe sahanshakti ka prayog karna hai to jab svayan mein sahanshakti ka prayog karenge to jo doosri aatmaayen aapki sahanshakti ko hilaane ke nimitta hain vo bhi bach jaayengi na, unka bhi to kinaara ho jaayega। aur jaise chhote-chhote sangathan mein rehte ho, centres hain to centres par chhote sangathan hain na to pahle sva ke prati trial karo phir apne chhote sangathan mein trial karo। sangathan roop mein koi bhi gun va shakti ke prayog ka programme banaao। usse kya hoga? sangathan ki shakti se usi gun va shakti ka vaayumandal ban jaayega, vibration phailega aur vaayumandal va vibration ka prabhaav anek aatmaon ke oopar padta hi hai। to aise prayogshaali aatmaayen bano। pahle svayan mein santushtata ka anubhav karo phir auron mein sahaj ho jaayega। kyonki vidhi aa jaayegi। jaise science ke koi bhi saadhan ko pahle sample ke roop mein prayog karte hain phir vishaal roop mein prayog karte hain, aise aap pahle svayan ko sample ke reeti se use karo। aur ye prayog karne ki roochi badhti jaayegi aur buddhi-man ismen busy rahega, to chhoti-chhoti baaton mein jo samay lagaate ho, shaktiyaan lagaate ho unki bachat ho jaayegi। sahaj hi antarmukhta ki sthiti apni tarphaaakarshit karegi। kyonki koi bheecheez ka prayog aur prayog ki saphalta svatah hi aur sab taraph se kinaara kara deti hai। ye prayog to sabhi kar sakte ho na, ki mushkil hai? is varsha prayogshaali aatmaayen bano। samjha kya karna hai? aur har ek svayan ke prati prayog mein lag jaayenge to prayogshaali aatmaon ka sangathan kitna powerful ban jaayega! woh sangathan ki kirnen arthaat vibrations bahut kaarya karke dikhaayengi। ismen sirf dridhta chaahiye-’mujhe karna hi hai’। doosron ke albelepan ka prabhaav nahin padna chaahiye। aapki dridhta ka prabhaav auron par padna chaahiye। kyonk dridhta ki shakti shreshtha hai ya albelepan ki shakti shreshtha hai? baapdaada ka vardaan hai jahaan dridhta hai vahaan saphalta hai hi। to kya banenge?prayogshaali, trikaaldarsheeaasandhaari। aur teesra kya karenge? jaisa samay, vaisi vidhi se siddhi swaroop। to varsha ka ye homework hai। ye homework svatah hi baap ke sameep laayega। jaise brahma baap ko dekha-koi bhi karma karne ke pahle aadi-madhya-ant ko soch-samajh karma kiya aur karaaya। albelaapan nahin ki jaisa hua theek hai, chalo, chalaana hi hai। nahin। to follow brahma baap। follow karna to sahaj hai na! copy karna hai na, copy karne ka to akla hai na!

achha, ye group chance lene vaala group hai। extra lottery mili hai। jo achaanak lottery milti hai to uski khushi jayaada hi hoti hai। to ye lucky group hua na, chance lene vaala lucky group। doosre sochte rehte kab jaayenge aur aap pahunch gaye। ab double videshiyon ka tarna shuru hone vaala hai। bhaaratvaasiyon ne apni lottery le li। chaaron or ke double videshi bachchon ne jo retreat ka programme banaaya hai-usmein mehnat achhi ki। vishesh nimitta aatmaon ko sameep laane ki vidhi achhi hai। aur jitna himmat rakh aage badhte rahe hain utni saphalta har varsha shreshtha se shreshtha milti rahi hai। aise anubhav hota hai na! koi samay tha jo nimitta vishesh aatmaon se samparka karna bhi mushkil lagta tha aur abhi kya lagta hai? jitna sochte ho usse aur hi jyaada aate hain na! to ye himmat ka pratyakshaphal hai। bhaarat mein bhi samparka badhta jaata hai। pahle aap nimantran dene ki mehnat karte the aur abhi svayan aane ki offer karte hain। pharka pad gaya hai na!vo kehte hain ham chalen aur aap kehte ho number nahin hai। ye hai ‘himmate bachche madde baap’ ka pratyaksha swaroop। achha!

chaaron or ke master trikaaldarsheeaatmaaon ko, sada samay ke mahatva ko jaanne aur samay pramaan khazaane ko kaarya mein lagaane vaale divya buddhivaan aatmaon ko, sada antarmukhta ki prayogshaala mein prayog karne vaali prayogshaali aatmaon ko, sada himmat dvaara baap ke madad ka pratyaksha anubhav karne vaali aatmaon ko baapdaada ka yaad-pyaar aur namaste।

daadiyon se mulaakaatah -

aap nimitta aatmaayen kis prayogshaala mein rehte ho? saara din kaun-si prayogshaala chalti hai? nai-nai invention karte rehte ho na! naye-naye anubhav karte jaate ho aur nai-nai vidhi ki tachingahoti rehti hai। kyonki jo nimitta hain unko vishesh nai-nai baaten touch hone ka vishesh vardaan hai। thoda samay bhi beetega to vichaar chalte hain na, tachingaaati hai na ki abhi ye ho, abhi ye ho, abhi ye hona chaahiye। to nimitta aatmaon ko vishesh umang-utsaah badhaane ke va parivartan shakti ko badhaane ke plan ki jaroorat hai। iske bina rah nahin sakte hain। buddhi chalti hai na। dekh-dekh aashcharyavat nahin hote lekin umang-utsaah mein aage badhaane ke liye planning buddhi bante hain। maaya sangathan ko hilaane ke naye-naye plan banaati hai, nai-nai baaten sunti ho na aur aap log sabhi ko himmat-umang mein laane ke plan banaate ho। kabhi aashcharya lagta hai? nahin lagta hai na। maaya bhi puraani vidhi se thode hi apna banaayegi। vo bhi to naveenta laayegi na। achha!

avyakt baapdaada ki personal mulaakaat

group nan. 1

avinaashi adhikaar nishchit hai is smriti se sada nishchinta raho, sab bojh baap ko de do

sabhi apne ko baap ke varse ke adhikaari aatmaayen anubhav karte ho। adhikaari aatmaon ki nishaani kya hoti hai? adhikaar ka nishchay aur nasha rehta hai। ye avinaashi roohaani nasha hai। to adhikaar mein kya-kya mila hai, uski list nikaalo to kitni hai? badi list hai ya chhoti list hai? to sadaiv apne bhinna-bhinna praapta adhikaaron ko saamne rakho। emerge roop mein laao। jitna emerge hoga, smriti mein hoga, to smriti ki samarthi aati hai। kabhi kis adhikaar ko yaad karo, kabhi kis adhikaar ko yaad karo। variety hai na। aajkal ke maanav ko bhi variety mein roochi hoti hai na। to aapke paas kitni variety hai? bahut hai na! kabhi vardaan ko emerge karo, kabhi varse mein khazaane jo mile hain unko emerge karo to kaisi sthiti rahegi? kyonki jaisi smriti vaisi sthiti rehti hai। agar smriti adhikaar ki rahi to sthiti kya rahegi? khushi mein naachte rahenge na। aajkal ki duniya mein kisi ko rivaaji adhikaar bhi milta hai to kitna mehnat karke adhikaar lete hain, jaante hain yeh sada kaal ka nahin hai phir bhi kitna kuchh karte hain। aur aapko bina mehnat ke adhikaar mil gaya। mehnat karni padi kya? bachcha banna arthaat adhikaar lena। mera maana aur adhikaar mila। to vaah mera adhikaar! vaah main shreshtha adhikaari aatma! had ke adhikaar mein nahin, behad ke adhikaar mein। had ke adhikaar ke peechhe agar koi jaata hai to behad ka adhikaar ganvaata hai। to sada behad ke adhikaar ki khushi mein raho। khush rehte ho na? aap jaisi khushi kiske paas hai? nishchinta ho gaye, koi chinta hai kya? pata nahin, kya hoga-ye chinta hai? nishchinta hain। kyonki avinaashi adhikaar nishchit hi hai। to jahaan nishchit hota hai vahaan nishchinta hote hain। koi bhi baat nishchit nahin hoti hai to uski chinta rehti hai, pata nahin kya hoga! maataayen sabhi nishchinta hai ki koi-koi chinta rehti hai? agar sab baap ke havaale kar diya to nishchinta honge। apne oopar bojh rakha to nishchinta nahin honge, phir chinta zaroor hogi। meri jimmevaari hai, meri pharja-adaai hai, meraapan aana maana chinta। agar pharja hai ya jimmevaari hai to behad ki hai, had ki nahin। vishwa ki hai। do-chaar ki nahin। apne ko abhi jagat maata samajhti ho ki chaar-paanch bachche, potre potriyon ki maataayen ho? kisi aatma ko bhi dekhenge to kya lagta hai? yeh hamaara parivaar hai? ki sirf laukik ko apna parivaar samajhte ho? behad parivaar ke hain। baap ki sahayogi aatmaayen hain। behad ka nasha hai na, ki kabhi had ka, kabhi behad ka? jaise baap vaise bachche hote hain to baap behad ka baap hai to bachche bhi behad ke hue na। to kya yaad rakhenge? ham adhikaari aatmaayen hain। sirf varse ke nahin, vardaanon ke bhi-double adhikaar hai। vardaan bhi dekho kitne milte hain! roj vardaan milta hai na! to vardaanon se bhi jholi bharte ho aur varse se bhi jholi bharte ho। isliye sada bharpoor rehte ho, khaali nahin। sada yeh smriti rakho ki anek baar ki adhikaari aatmaayen hain।

sabhi theek hai? halchal to nahin hai? kabhi vyartha ki, kabhi aur koi paristhiti ki, prakriti ki halchal hoti hai? jo vishwa ko achal-adol banaane vaale hain vo svayan kaise halchal mein aayenge? paristhiti kitni bhi badi ho lekin sva-sthiti ke aage kitni bhi badi paristhiti kya hai? kuchh bhi nahin hai। mahaarthi ko koi hila nahin sakta। to svayan sada achal ban auron ko bhi achal banaana। halchal ka naamnishaan bhi nahin। baap se pyaar hai na to pyaar ki nishaani hoti hai samaan banna।

group nan. 2

apne shreshtha titles ki smriti se roohaani nashe ka anubhav karo, vaah-vaah ke geet sada gaate raho

sada kya se kya ban gaye-ye smriti rehti hai? kal kaudi tulya the aur aaj heere tulya ban gaye। to kahaan kaudi aur kahaan heera-kitna antar hai? jab antar ka maaloom hota hai to kitni khushi hoti hai! baap ne kya se kya bana diya! kal andhakaar mein the aur aaj roshni mein aa gaye। to andhakaar mein kya mila? thokren mili na। andhakaar mein thokar khaate hain aur roshni mein inajvaay karte hain। to kal kya aur aaj kya - ye sada saamne spashta ho। aur baapdaada sada kehte hain ki double hero ban gaye। ek heere samaan jeevan aur doosra is drama ke hero actor ban gaye। to double hero ho gaye na। agar saare drama ke andar dekho to hero paartadhaari kaun hai? kahenge na ham hain। to double hero hain। to double khushi hai na। aise to dekho aapko baap dvaara kitne title milte hain? titles ki list hai na। roj ki murli mein koi na koi vishesh title milta hai। to title ka kitna nasha hota hai! kisko pradhaan mantri ya president title de to kitna nasha rahega! aur aapko title dene vaala kaun? jo bhaagyavidhaata baap hai vo svayan bachchon ko title dete hain। to jaise baap avinaashi to title bhi avinaashi। vinaashi title ka nasha vinaashi, alpakaal ka rehta hai। aur ye roohaani title ka nasha avinaashi hai। jise avinaashi nasha rehta hai uske dil mein sada ye geet bajta hai-vaah mera shreshtha bhaagya! automatic bajta hai, bajaana nahin padta hai। doosri jo bhi masheenreej hoti hain vo aaj theek hain, kal kharaab ho jaayengi lekin ye dil ka geet sada hi bajta rehta hai। to ye geet gaana aata hai? kaun-sa geet? vaah mera shreshtha bhaagya! jaise deh ka occupation svatah yaad rehta hai। ek baar maaloom pada ki main ye hoon to bhoolta nahin hai। to ‘main shreshtha aatma hoon’ ye avinaashi occupation bhi bhoolna nahin chaahiye। ye har janma ka occupation hai। vo ek janma ka occupation hota hai। chaahe shareer badlenge lekin aatma to avinaashi hai na। koi bhi janma mein aatma to amar hi hai, avinaashi hai। lekin is samay aap vishesh aatmaayen ho। aatma to ho hi lekin vishesh aatma ho। apni visheshtaayen sada yaad rehti hain?

to double hero ho saadhaaran paartadhaari nahin। heere samaan bane ho ya abhi bhi kuchh patthar hai, kuchh heera hai? kahaan heere ki value, kahaan patthar ki value! agar vismriti hai to patthar hai aur smriti hai to heera hai। ab vismriti ka samay samaapta hua। jo hoon, jaisa hoon-vo bhool nahin sakta। to vismriti ki duniya ko chhod kar aa gaye। abhi sangamayug smriti ka yug hai। kaliyug vismriti ka yug hai। to aap sab sangamayug ke rahvaasi ho ya kabhi-kabhi kaliyug mein chakkar lagaane chale jaate ho? agar thoda bhi buddhi gai to chakkar mein phans jaayenge। vismriti ki duniya se nikal aaye। kaliyug mein to bahut raunak hai! to us raunak ko kyon chhodkar aa gaye? raunak zaroor hai lekin dhokha dene vaali raunak hai। baahar se raunak dikhaai deti hai aur andar dhokha dene vaali hai। kya anubhav hai? dhokha dene vaali raunak hai na। sab achhi tarah se anubhav kar chuke ho na? ki abhi kuchh anubhav karna baaki hai? dhokha khaate-khaate thak gaye।artificial duniya hai na। lekin chamkaaarteephishayal ki jayaada hai। to kabheeaarteephishayal chamkaaakarshit to nahin karti? jab ek baar dhokha khaakar dekh liya to dubaara dhokha khaaya jaata hai kya? isliye bach gaye।

maataayen apna shreshtha bhaagya dekh khushi mein naachti rehti ho na। sangam par shaktiyon ki baari pahle hai। dvaapar-kaliyug mein paandavon ko chance milta hai aur sangam par shaktiyon ko chance milta hai। abhi dekho baap ne maataaon ko chance diya to duniya mein bhi aajkal maataaon ko chance dene ka buddhi mein aaya hai। dharmanetaaon mein dekho pahle koi maata nahin hoti thi lekin abhi mahaamandaleshvariyaan bhi hain। abhi maataayen bhi guru ban jaati hain। to jab baap ne chance diya to log bhi chance dene lage। to maataaon ko double khushi hai na ki hamko baap ne ooncha bana diya!

group nan. 3

sarva shreshtha shakti shanti ki shakti hai - jisse asambhav ko bhi sambhav bana sakte ho

ek bal ek bharosa - aisi shreshtha aatma hain, aise anubhav karte ho? ek bal ek bharosa hai ya anek bal anek bharose hain? ek bal kaun sa hai? silence ka bal, yog ka bal। ek baap mein bharosa arthaat nishchay hone se yeh silence ka bal, yog ka bal svatah hi anubhav hota hai। to silence ki shakti vaale hain, yog bal vaale hain - yeh smriti rehti hai? shanti ki shakti sarva shreshtha shakti hai। kyonki aur sabhi shaktiyaan kahaan se nikalti hain? shanti ki shakti se na! aaj science ki shakti ka prabhaav hai lekin woh bhi nikli kahaan se? shanti ki shakti se nikli na? to shanti ki shakti dvaara jo chaaho woh kar sakte ho। asambhav ko bhi sambhav kar sakte ho। jo duniya vaale aaj asambhav kehte hain aapke liye woh sambhav hai na! to sambhav hone ke kaaran sahaj lagta hai। mehnat nahin lagti। duniya vaale to abhi bhi yahi sochte rehte hain ki paramatma ko paana bahut mushkil hai। aur aap kya kahenge? pa liya। woh kahenge ki param aatma to bahut ooncha hajaaron sooryon se bhi tejomay hai aur aap kahenge woh to baap hai। sneh ka saagar hai। jalaane vaala nahin hai। hajaaron soorya se tejomay to jalaayega na aur aap to sneh ke saagar ke anubhav mein rehte ho, to kitna pharka ho gaya। jo duniya na kehti woh aap haan karte। pharka ho gaya na। kal aap bhi naastik the aur aaj aastik ban gaye। kal maaya se haar khaane vaale aur aaj maayaajeet ban gaye। pharka hai na। maataayen jo kal pinjade ki maina thi aur aaj udti kala vaale udte panchhi hai। to udti kala vaale ho ya kabhi-kabhi vaapas pinjademen jaate ho? kabhi-kabhi dil hoti hai pinjademen jaane ki? bandhan hai pinjada aur nirbandhan hai udna। man ka bandhan nahin hona chaahiye। agar kisi ko tan ka bandhan hai to bhi man udta panchhi hai। to man ka koi bandhan hai ya thoda-thoda aa jaata hai? jo manamnaabhav ho gaye woh man ke bandhan se sada ke liye chhoot gaye। achha, pravritti ko sambhaalne ka bandhan hai? trustee hokar sambhaalte ho? agar trustee hain to nirbandhan aur grihasthi hain to bandhan hai। grihasthi maana bojh aur bojh vaala kabhi ud nahin sakta। to sab bojh baap ko de diya ya sirf thoda ek do potra rakh diya hai? paandavon ne thoda-thoda jebkharcha rakh diya hai? thoda-thoda rob rakh diya, krodh rakh diya, yeh jebkharcha hai? mere ko tera kar diya? kiya hai ya thoda-thoda mera hai? thagi karte hain na mera so mera aur tera bhi mera। aisi thagi to nahin karte? aadhaakalpa to bahut thagat rahe na। kehna tera aur maanna mera to thagi ki na। abhi thagat nahin lekin bachche ban gaye। udti kala kitni pyaari hai, second mein jahaan chaaho vahaan pahunch jaao। udti kala vaale second mein apne sweet hom mein pahunch sakte hain। isko kaha jaata hai yogbal, shanti ki shakti।

maataaon ko naam hi diya hai shiv shaktiyaan। to shakti naam yaad aane se svatah hi shakti aa jaayegi। ham ghar ki maataayen hain to kamzor hain। shakti hain to shaktishaali hain। ek bal ek bharosa arthaat sada shaktishaali। paandavon ko bhi sada shaktishaali dikhaate hain। kalpa kalpa ki shaktiyaan aur paandav sena vaale hain - yeh spashta smriti hai na to ham hi the, ham hi hain aur sada ham hi banenge। yeh smriti spashta hai ki sochte ho to yaad aata hai? ya suna hai to samajhte ho? nahin। dil mein woh emerge hona chaahiye। buddhi mein spashta hona chaahiye-haan ham hi the, hain aur honge। jahaan ek bal ek bharosa hai vahaan koi hila nahin sakta। aisi koi maayaavi shakti hai ki kamzor hai? ek bal ek bharose vaali aatmaon ke aage maaya moorchhit ho jaati hai, surrender ho jaati hai। surrender ho gai ki kabhi kabhi jaag jaati hai? to sada maayaajeet kabhi haar kabhi jeet vaale nahin। sada vijayi। to yahi nasha sada rahe ki vijay hamaara janma-siddha adhikaar hai। yeh roohaani nasha hai na। is janma-siddha adhikaar ko koi chheen nahin sakta।

group nan. 4

madhuban nivaasi banna arthaat behad seva ki stage par aana

madhuban nivaasiyon se sabka pyaar hai na। sabhi ka madhuban nivaasiyon se pyaar kyon hai? kya kaaran hai? madhuban nivaasiyon se sabka pyaar iseelie hai kyonki madhuban nivaasi arthaat bade te bade sevaadhaari। madhuban nivaasi hona arthaat seva ki stage par aana। jo bhi madhuban mein aaye to seva ke liye aaye na। aur baapdaada bhi apne oopar sabse bade se bada title vishwa sevaadhaari ka hi dete hain। to madhuban nivaasi arthaat jitna baap se pyaar utna seva se pyaar। madhuban nivaasi har second seva ki stage par rehte hain। chalte phirte seva hi karte ho na! example ho na! to madhuban nivaasi har aatma ko, harek aatma vishesh aatma ke roop mein dekhti hai। madhuban nivaasi arthaat vishesh aatma। sankalp mein bhi visheshta, bol mein bhi visheshta aur karma mein bhi visheshta। kitna mahatva hai madhuban nivaasi aatmaon ka। aisi smriti rehti hai? madhuban ko sab follow karte hain। madhuban ke baap se pyaar hai to madhuban nivaasiyon se bhi pyaar hai। jaise madhuban ke baap ki mahima vaise madhuban nivaasiyon ki mahima hai। kyonki madhuban baap ki karmabhoomi, charitrabhoomi so tapasvi bhoomi hai। aise bhoomi ka anubhav hota hai na? bhoomi ka vibration, vaayumandal sahayog deta hai। madhuban vaalon ke oopar baapdaada ki bhi vishesh blessing hai। to apne shreshtha bhaagya ko practical mein anubhav karte hue aage badh rahe ho? sabhi udti kala vaale ho ya kabhi rookti kala kabhi udti kala? brahma baap ki visheshta kaun si gaayan karte ho?athak sevaadhaari। to purooshaartha ki gati mein bhi athak। thakne vaale nahin, auron ko bhi udaane vaale। jimmevaari hai na। kyonki madhuban vaalon ko sabhi sahaj pholokarte hain।

to is varsha mein apne teevra purooshaartha ka koi vishesh plan banaaya hai? kyonki madhuban ke purooshaartha ki lahar bhi chaaron or phailti hai। madhuban vaale bhatti karte hain, tapasya powerful karte hain to chaaron or woh vibration jaata hai। to kuchh naya teevra gati ka plan banaao। jaise koi bhi bada sthaan banaate hain to pahle kya karte hain? gyaan sarovar banaana tha to pahle model banaaya na। to madhuban nivaasi hain model। to jitna model valuable hota hai, utna hi original makaan bhi valuable hota hai। nimitta to model hi banta hai na। koi naya plan banaaya hai?kyonki madhuban nivaasi inventor hain na। (aapne jo homework diya woh karenge) achha, madhuban nivaasi pahle madhuban ke group mein prayog karke anubhav sunaayenge to sabmen umang-utsaah aayega। jisko bhi dekhen sabka ek dridh sankalp ho to sangathan ka bal to milta hai na। madhuban ki yahi visheshta sabhi ko priy lagti hai ki har aatma ka har karma vishesh ho। saadhaaran nahin। kyonki yahaan sahayog bahut hai। ek to sabhi aatmaon ki shubh bhaavna ka madhuban nivaasiyon ko bahut sahayog hai। koi bhi baat hogi to sabhi ki bhaavna pahle madhuban ke taraph jaati hai। vaayumandal ki, padhaai ki, baahar ke polyushan ki kitni madad hai yahaan madhuban mein। prakriti ki polyushan bhi nahin hai। to result mein madhuban nivaasi sabhi kis maala mein aayenge? pahli maala ya doosri maala? pahli mein। saari seat madhuban vaale hi lenge? sabhi khazaanon se bharpoor ho na? ki koi kami hai? koi salvation chaahiye? ki sada tripta aatmaayen ho? sabhi gyaan kekhzaanon mein bhi bharpoor, shaktiyon mein bhi bharpoor, gunon mein bhi bharpoor? (haan ji) gunmoorta dekhna ho to kahaan dekhen? madhuban mein ya aur sthaanon mein? sabmen madhuban number one। jisko jab dekhen jahaan dekhen gunmoorta, shaktimoorta, gyaan moorta, saadhaaran nahin। madhuban maana hi vishesh। madhuban vaale befrik baadshaah to hain hi ya koeefrik rehta hai? (sampoorn banne ka) yeh frik phakhar mein laata hai। frik, frikanheen hai phakhar hai। banna hi hai। achha।

madhuban nivaasiyon ke teevra purooshaartha ka salogan kaun sa hai? (jo karma ham karenge humein dekh aur karenge) salogan theek sunaaya। jo bhi karma karo pahle yeh salogan yaad rakho ki jo ham karenge woh sab karenge। to svatah hi vishesh karma hoga। achha, baaki kaarobaar to theek chal rahi hai na। sabki department theek hai? achha!

jab sva ke prati prayog mein saphal ho jaayenge to doosri aatmaon ke prati prayog karna sahaj ho jaayega aur jab sva ke prati saphalta anubhav karenge to aapke dil mein auron ke prati prayog karne ka umang-utsaah svatah hi badhta jaayega। anya aatmaon ke sambandh-samparka mein sva ke prayog dvaara un aatmaon ko bhi aapke prayog ka prabhaav svatah hi padta rahega।