Avyakt murli for Sunday 3 April 1994

>

03-04-94 om shanti avyakt baapdaadaamdhuban

santushtata ka aadhaar - sambandh, sampatti aur sehat (tanduroosti)

santushtata ki sthiti dvaara paristhitiyon ko parivartan karne ki vidhi bataane vaale baapdaada apne santoshi bachchon prati bole-

aaj dilaaraam baap apne sada santushta rahne vaali santushta aatmaon va santushta maniyon ko dekh rahe hain। ye roohaani maniyon ki chamak saare darbaar ko chamka rahi hai। santoshi aatmaayen svayan ko bhi priy aur sarva ko bhi priy aur baap ko to priy hain hi। to aise ho na? kyonki is shreshtha brahman jeevan mein apraapti ka naam hi nahin hai। sarva praapti sampanna aatmaayen ho। to jahaan sarva praapti hain vahaan sada santushtata svatah aur svaabhaavik hai hi। natural svabhaav uska santosh ka hai aur santushtata ka swaroop va svabhaav, niji sanskaar aisa shreshtha hai jo asantushta aatma ke bhi asantushtata ka vibration, vaayumandal, santosh vaayum-ndal mein badal deta hai। is sangamayug mein vishesh baapdaada ki den santushtata hai। ek santushtata ki visheshta aur visheshtaaon ko bhi sahaj apne sameep laati hai। lekin sada santushta ho। paristhiti kitni bhi badle lekin santushtata ki sthiti ko paristhiti badal nahin sakti। par-sthiti hai hi badalne vaali। lekin sva-santushtata ki sthiti sada pragtisheel hai। aapke aage kaisi bhi hilaane vaali paristhiti aise hi anubhav hoti hai jaise puppet (kathputli) show dekhte ho na। hota sab kuchh hai lekin hota puppet hai। to kaisi bhi paristhiti puppet show lagta hai va aajkal ka jo fashion hai cartoon show, achha lagta hai na। hota to sher bhi hai, billi bhi hoti hai, lekin hota kya hai? cartoon। kahaani poori hoti hai lekin hai cartoon ki stori, real nahin hai। kabhi bhi, koi bhi paristhiti aae to yahi samjho ek behad ke screen par cartoon show chal raha hai va puppet show chal raha hai। to woh dekhkar ke pareshaan honge ki manoranjan karenge? show dekhna to achha hi hai na। to yeh maaya ka va prakriti ka yeh bhi ek show hai। jisko saakshi sthiti mein sada santushtata ke swaroop mein dekhte raho। apni shaan mein rehte hue dekho-santushta mani hoon, santoshi aatma hoon। ye hai sangam ka shreshtha shaan। to shaan mein sthit hona aata hai na ki pareshaan hona achha lagta hai? sada santushtata ki visheshta ko emerge roop mein smriti mein rakho।

praaptiyon mein vishesh sambandh aur sampatti aavashyak hai। sambandh mein bhi agar ek bhi sambandh apraapta hai to sampoorn santushtata nahin hogi। to sambandh mein bhi sarva chaahiye aur avinaashi chaahiye। agar koi bhi sambandh vinaashi hai to apraapti aur asantushtata svatah ho jaati hai। lekin ek hi vartamaan sangamayug hai jismen sarva avinaashi sambandh ek baap se anubhav kar sakte ho। satayug mein bhi sambandh bahut thode hain, sarva nahin hain, lekin is samay jis sambandh ki aakarshan ho, anubhooti karna chaahe vo sambandh param aatma dvaara anubhav kar sakte ho। har ek ke jeevan mein sambandh ki bhi alag-alag pasandi hoti hai। kisko baap ka sambandh itna achha nahin lagega, phrend jyaada achha lagega। lekin ek samay par aur ek se sarva sambandh praapta hain? sarva praapti hai ki kuchh raha hua hai? peechhe baithe hue kya samajhte hain? aaj naye-naye ko aage baithne ka chance diya hai। achha, jo is kalpa mein is baar pahli baar aaye hain vo haath uthaao। bhale padhaare। baapdaada bhi padamguna sneh sampanna welcome kar rahe hain। naye hote bhi kalpa-kalpa ke adhikaari hain, ye to samajhte ho na? baapdaada sada kehte hain-bade to bade hain lekin chhote samaan baap hain। isliye sada apne roohaani behad ke sampoorn adhikaar ke nishchay aur nashe mein raho। behad ka nasha hai, had ka nahin rakhna। dekho, kitne shreshtha adhikaari ho jo svayan baap almighty authority ke oopar adhikaar rakh diya। parmaatma-adhikaari-isse bada adhikaar aur hai hi kya!jab beej ko apna bana liya to vriksha to samaaya hua hai hi। sarva sambandhon ka bhi avinaashi adhikaar le liya aur sampatti mein bhi agar sirf sthool sampatti hai to bhi sada santushta nahin rah sakte। sthool sampatti ke saath agar sarva gunon ki sampatti, sarva shaktiyon ki sampatti aur shreshtha sampanna gyaan ki sampatti nahin hai to santushtata sada nahin rah sakti। lekin aap sabke paas yeh shreshtha sampattiyaan hain। sampattivaan ho na? duniya vaale to sirf sthool sampatti vaale ko sampatti bhav ka vardaan dete hain lekin aap sabko vardaata baap sarvashreshtha sampatti bhav ka vardaan dete hain। to sab sampatti hain na ki koi kam hai? full hai? peechhe vaalon ke oopar sabse jyaada dhyaan hai। aage vaalon ka dhyaan baap ke taraph jyaada hai aur baap ka dhyaan peechhe vaalon ke oopar jyaada hai। jitna hi door hain utna hi naynon mein samaaye hue hain।

saakaar vatan mein to saakaar ki baaten hoti hain। dekho, paramdham mein aap sabhi aatmaayen kitni sameep hongi! sabhi saath honge na aur sookshm vatan mein bhi itna behad hai jo jitna sameep aana chaahe aa sakte hain। lekin bachchon ka sneh niraakaar aur aakaar ko bhi saakaar banaana chaahta hai। to baap kya kehte hain? ji hajoor, ji haajar। bachche to baap ke bhi hajoor hain, maalik hain na। maalik ko ha joor kaha jaata hai aur baalak ko bhi maalik kaha jaata hai। to sabhi kaun ho? santushta maniyaan। sambandh mein bhi santushta aursampatti mein bhi santushta। sambandh, sampatti aur teesri hoti hai sehat, tanduroosti। aap sabhi tanduroosta ho na ki beemaar ho? aatma to tanduroosta hai na, shareer ki koi baat hi nahin। aatma sada shaktishaali hai। sangam par shreshtha sehat va tandurooti hai aatma ki tanduroosti। is samay ke aatma ki tanduroosti janma-janma ke shareer ki tanduroosti bhi dilaati hai। lekin is samay thoda-sa prakriti apna roop dikhaati hai। ismen bhi koi badi baat nahin। yeh bhi cartoon show hai। to sarva praaptiyaan hain na। sambandh bhi hain, sampatti bhav bhi hai, ‘sarva sambandh bhav’ bhi hai aur ‘sada tanduroosta bhav’ bhi hain। teenon vardaan vardaata baap se mile hue hain। to vardaanon ko samay par kaarya mein lagaao। sirf vardaan sunkar khush nahin ho jaao ki haan, mujhe bahut achha vardaan mila ya sirf note karke nahin rakho lekin samay par vardaan ko kaam mein lagaane se vardaan kaayam rehte hain। agar vardaanon ko samay par kaam mein nahin lagaaya to woh vardaan phal nahin deta। vardaan to avinaashi baap ka hai lekin vardaan ko phaleebhoot karna hai। beej to hai lekin usse phal kitna nikaalte ho, woh aapke haath mein hai। koi sirf vardaan ke beej ko dekhkarke khush hote rehte hain-bahut achha, bahut achha, lekin phaldaayak banaao। baar-baar smriti ka paani do, vardaan ke swaroop mein sthit hone ki dhoop do, phir dekho vardaan sada phaleebhoot hota rahega, aur vardaanon ko bhi saath mein laayega। vardaanon ke phal swaroop ban jaayenge। to aaj ke tri- vardaan ko phaleebhoot karna aur samay par zaroor yaad rakhna। samay par bhool jaate hain, peechhe padhte rehte ho ki haan, ye vardaan to tha! vardaanon ko jitna samay par kaarya mein lagaayenge utna vardaan aur shreshtha swaroop dikhaata rahega। to sabhi ko vardaan mila na! achha।

abhi jo 5 taraph se group aaye hain vo nambarvaar haath uthaao।

eshiya -ismen bhaaratvaasi tatha madhubanvaasi bhi haath uthaao। madhubanvaasi to vishesh hain। ye bada group hai। bhaarat vaale bhi chance lene mein hoshiyaar hain। to eshiya nivaasiyon ke prati vishesh aaj ke din teen vardaan to sabhi ke hain hi, lekin vishesh eshiya prati ‘sada shubh bhaavna aur shreshtha bhaav bhav’। shubh bhaavna aur shreshtha bhaav-ye vishesh vardaan eshiya nivaasiyon ke prati hai।

Europe -Europe mein England bhi aa gaya। Europe nivaasiyon ke prati vishesh vardaan hai ki ‘sada zero aur hero bhav’। zero ka to pata hai na। teen zero yaad rakhna, sirf ek nahin। zero aur hero actor hain aur heere samaan hain, double hero। to teen zero aur double hero। to ye vardaan Europe nivaasiyon ke prati hai।

America -poora America haath uthaao। exercise karo aur seedha haath uthaao। kaiyon ko aadat hai chhota haath uthaane ki। baapdaada ko chhota haath vaala half caste lagta hai। full haath uthaao।

to America nivaasi sarva aatmaon ke prati vishesh yahi vardaan hai ki ‘sada maaya se innocent aur vijay mein saint percent aur sthiti mein sada saint।’ saint khushbu vaale bhi aur saint arthaatmahaan aatma, double saint। to ‘sada innocent bhi aur double saint bhav’।

aphreeka, morishiyas -aaj baapdaada seedha haath uthaane ki drill kara rahe hain। doctors bhi kehte hain na drill karo। sarva aphika nivaasi bachchon prati vishesh yahi vardaan hai ki ‘sada sarva praasparteeaur sada har sankalp, bol aur karma mein sahaj honesty bhav, praasparteebhav aur tri-swaroop se sahaj honesty bhav’।

ostreliya, NewZealand - ostreliya nivaasi sarvashreshtha bhaagyavaan aatmaon prati vishesh yahi vardaan hai ki ‘sada maaya se vijayi aur saath-saath maaya jeet, vishwa ke raajya jeet shreshtha vardaan bhav’। saath-saath ‘sada nishchinta aur nishchay nishchit bhav’। ostreliya nivaasi vishesh baap ke priy hain। hain to sabhi priy lekin vishesh ostreliya nivaasi priy kyon hain? baap ki vishesh sneh ki najar ostreliya nivaasiyon ke oopar rehti hai। kyon? kyonki ostreliya nivaasiyon ki dharni kamaal karne mein bahut achhi hai lekin baap vishesh dharni ko sneh ka paani dete hain। iseeliye vishesh sneh hai। samjha? to ostreliya vaale kamaal bahut kar sakte hain। abhi thodi-thodi ki hai। aur ostreliya ka naam bhi ant mein liya hai to ant vaale ko kuchh extra dena chaahiye। to sabhi ko vardaan mila।

madhuban -madhuban nivaasi vishesh hain। chaahe vartamaan samay gyaan sarovar nivaasi hain, chaahe vishwa ko sada healthy banaane vaale hospital vaale hain, sirf healthy nahin, happy healthy। chaahe madhuban mein chaaron or gheraav daalne vaale bachche hain। aabu mein gheraav daal rahe hain na। to sarva madhuban nivaasi vishesh bachchon prati vishesh vardaan hai ki ‘sada mansa, vaacha, karmana-teenon mein saint-percent pragti bhav’।

baaki jahaan se bhi sabhi bachche aaye hain bhinna-bhinna videsh ke deshon se va bhaarat ke desh se sabhi ko vishesh ‘sada sampanna aur sampoorn bhav’। ahamdaabaad vaale bhi seva bahut achhi karte hain। madhuban mein bhi athak sevaadhaari hain to vishesh ahamdaabaad, dilli aur baambe-in teenon sthaanon ko bhi seva ka bahut achha chance mila hua hai। sabhi sthaan apne sneh-sampanna athak sevaadhaari ban seva kar rahe hain aur karte rahenge। seva ki mubaarak ho।

aur chaaron or ke jo door baithe bahut dil mein sameep hain, to chaaron or ke desh-videsh ke sarva santoshi aatmaon ko, santushtamniyon ko, sarva praapti sampanna aatmaon ko, jinhonne bhi yaad, patra, card aaj ke divas ke bhi bheje hain, to aaj ke vishesh divas ki bhi sarva bachchon ko yaad-pyaar padamguna sveekaar ho। chaahe door baithkar man mein, dil mein mana rahe hain, chaahe sammukh mana rahe hain, card va patra sab pahle vatan mein pahunchte hain। to sabhi ke patra, card aur shubh sankalpon ki yaad, shubh bhaavnaaon ki yaad ke return mein baapdaada ka vishesh yaad-pyaar aur sarva baalak so maalik bachchon ko namaste। achha।

daadiyon se mulaakaatah

sookshm ishaaron ki bhaasha to jaante ho na। jaise avyakt baap ishaaron ki hi bhaasha jaante hain। avyakt vatan mein to naynon ki bhaasha aur ishaaron ki bhaasha hai। to aap bhi jaante ho na। naynon ki bhaasha jaante ho? saakaar se seekhe ho na। mukh ki bhaasha to suni, abhi hai naynon ki bhaasha। naynon ki bhaasha badi pyaari hai। aavaaj se pare to jaana hi hai। phir bhi baap ji hajoor to karte hi hain।achha।

(last mein baapdaada ne haath uthaakar sabhi ko aasheervaad diya aur vidaai li)

koi bhi paristhiti aae to yahi samjho ek behad ke screen par cartoon show chal raha hai va puppet show chal raha hai। to woh dekhkar ke pareshaan nahin honge। maaya ka va prakriti ka yeh bhi ek show hai। jisko saakshi sthiti mein sada santushtata ke swaroop mein dekhte raho। apni shaan mein rehte hue dekho-santushta mani hoon, santoshi aatma hoon।