Avyakt murli for Thursday 16 March 1995

>

16-03-95 om shanti avyakt baapdaadaamdhuban

sarva praapti sampanna aatma ki nishaani - santushtata aur prasannata

aaj sarva praaptiyaan karaane vaale baapdaada apne chaaron or ke praapti sampanna bachchon ko dekh rahe hain। sarva praaptiyon ke daata sampanna aur sampoorn baap ke bachche hain to har ek bachche ko baap ne sarva praaptiyon ka varsa diya hai। aise nahin-kisko 10 diya ho, kisko 20 diya ho। sabhi bachchon ko sarva praaptiyon ka adhikaar diya hai। sabhi bachche full varse ke adhikaari hain। to baapdaada dekh rahe hain ki har ek adhikaari bachchon ne apne mein praaptiyon ka adhikaar kitna praapta kiya hai? baap ne sarva diya hai। baap ko sarva shaktimaan va sampanna saagar kehte hain। lekin bachchon ne un praaptiyon ko kahaan tak apna banaaya hai? baap ka diya hua varsa jab apna bana lete hain to jitna apna banaate hain utna nasha aur khushi rehti hai-mera khazaana hai। diya baap ne lekin apne mein dhaaran kar apna bana liya। to kya dekha? ki apna banaane mein nambarvaar ho gaye hain। baap ne number nahin banaaye hain lekin apne­apne dhaarna ki yatha­shakti ne nambarvaar bana diya hai। sampoorn adhikaar va sarva praaptiyon se sampanna aatma jo sada amritvele se raat tak praaptiyon ke nashe va anubhav mein rehti hai, unki nishaani kya hogi? praaptiyon ki nishaani hai santushtata। vo sada santushtamni ban doosron ko bhi santushtata ki jhalak ka vibration phailaate rehte hain। unka chehra sada prasannachitta dikhaai dega। prasannachitta arthaat sarva prashnachitta se nyaara। koi prashn nahin hoga, prasanna hoga। kyon, kya, kaise-yeh sab samaapta। to aise prasannachitta bane ho? ki abhi bhi kabhi­kabhi koi prashn uthta hai ki ye kya hai, ye kyon hai, ye kaise hoga, kab hoga? ye prashn chaahe man mein, chaahe doosron se uthta hai? prashnachitta ho ya prasannachitta ho? ya kabhi prashnachitta, kabhi prasannachitta? kya hai? vaise gaayan hai-apraapta nahin koi vastu braahmanon ke khazaane mein। ye kiska, kin braahmanon ka gaayan hai? aapka hai ya doosre aane vaale hain? aap hi ho! to jab koi apraapti hoti hai na, apraapti asantushtata ka kaaran hai। apna anubhav dekho-kabhi bhi man asantushta hota hai to kaaran kya hota hai? koi na koi apraapti ka anubhav karte ho tab asantushtata hoti hai। gaayan to hai apraapta nahin koi vastu। ye ab ka gaayan hai ya vinaash ke samay ka? vinaash ke samay sampanna ho jaayenge ki abhi hona hai? jo samajhte hain ki ham sada prasannachitta rehte hain, kabhi bhi kisi bhi baat mein, chaahe apne sambandh mein, chaahe doosron ke sambandh mein bhi prashn nahin uthta, sada santushta rehte hain-aisi santushta aatmaayen kitni hongi? bahut hain! achha, jo samajhte hain sada prasanna rehte hain, chaahe maaya kitna bhi hilaaye, lekin ham nahin hilte, maaya ko hila dete hain, maaya namaskaar karti hai, ham nahin hilte hain, ham angad hain, maaya haar jaati lekin ham vijayi hain, jo aise hain vo haath uthaao, sada shabd yaad rakhna, kabhi­kabhi vaale nahin। bahut thode hain, koto mein koi hain! question mark uthta to hai na। question mark dictionary se nikal jaaye। halchal bhi na ho। computer chalaate ho to usmein aata hai na? to aapke buddhi roopi computer mein sada fullstop ki maatra aaye। question mark, aashcharya ki maatra khatma। isko kaha jaata hai sada prasannachitta। aisa prasannachitta auron ka bhi question mark khatma kar deta hai। nahin to svayan mein agar question mark hai to koi bhi baat sunenge, dekhenge, kahenge-haan, ye to hona nahin chaahiye, lekin hota hai, main bhi samajhti hoon, hona nahin chaahiye, mix ho jaayenge। uske prashn ko aur underline kar denge। teka to de diya na-ki haan, ye theek nahin hai lekin hota hai…। to prasannachitta usko nahin kiya lekin aur hi prashn ko badha liya। addition ho gai। vaise ek ka question tha, abhi do ka ho gaya, do se chaar ka ho jaayega। to prasannachitta vibration ke bajaay prashnachitta ka vibration jaldi phailta hai। haan! aisa hai… saath de diya। aashcharya ki maatra aa gai na-haan! to fullstop to nahin hua na। chaahe apne prati bhi-ye mere se hona nahin chaahiye, ye mere ko milna chaahiye, ye doosre ko nahin hona chaahiye, to ye chaahiye­chaahiye prashnachitta bana deti hai, prasannachitta nahin। to sabhi ka lakshya kya hai? santushta, prasannachitta।

jiska prasannachitta hota hai uske man­buddhi ke vyartha ki gati fast nahin hogi। sada nirmal, nirmaan। nirmaan hone ke kaaran sabhi ko apne prasannachitta ki chhaaya mein sheetalta denge। kaisa bhi aag samaan jala hua, bahut garam dimaag ka ho lekin prasannachitta ke vibration ki chhaaya mein sheetal ho jaayega। kamzori kya aati hai? vaise theek chalte ho, apne reeti se achhe chalte ho lekin jab sambandh­samparka mein aate ho to doosre ki kamzori dekhte­sunte, varnan karte prabhaav mein aa jaate ho। phir kehte ho ki isne kiya na, iseeliye mere se bhi ho gaya। isne kaha, tabhi mainne kaha। usne 50 baari kaha, mainne ek baari kaha। phir baap ke aage bhi bahut meethi­meethi baaten rakhte hain, kehte hain-baba aap samjho na itna sahan kahaan tak karenge! phir bhi purooshaarthi hain na, to thoda to aayega na! baap ko bhi samjhaane lagte hain। yahaan jo nimitta hain unhon vo bahut kathaayen sunaate hain। aisa tha na, aisa tha na, aisa tha na… aise­aise ki maala japte hain। baapdaada sada hi ishaara dete hain ki aisi baaten do akshar mein varnan karo। lamba varnan nahin karo। kyonki ye vyartha baaten bahut chatapti hoti hain। majedaar lagti hain, jaise khaane mein bhi khatti­meetheecheez ho to achhi lagegi na, aur pheeki, saadi ho to kahenge ye to khaate hi rehte hain। to vyartha baaten, vyartha chintan sunna, bolna aur karna ismen chalte­chalte interest badh jaata hai। phir sochte hain-main to nahin chaahti thi lekin usne sunaaya na to mainne kaha ki achha uska sun len, dil khaali kar den। uski to dil khaali hui aur apna dil bhar liya। vo thoda­thoda dil mein bharte­bharte phir sanskaar ban jaata hai aur jab sanskaar ban jaata hai to mahsoos hi nahin hota ki ye wrong hai। ye vyartha sanskaar buddhi ke nirnay ko khatma kar deta hai। isliye sabse sahaj sada santushta rahne ki vidhi hai-sada apne saamne koi na koi vishesh praapti ko rakho। kyonki praapti bhoolti nahin hai। gyaan ki points bhool sakti hain lekin koi bhi praapti bhoolti nahin hai। baap se kya­kya mila, kitna mila hai, variety pasanda aati hai na! ek jaisa pasanda nahin hota। to aap apne praaptiyon ko dekho-gyaan ke khazaane ki praapti kitni hai, yog se shaktiyon ki praapti kitni hai, divyagunon ki praaptiyaan kitni hain, practical nashe mein, khushi mein rahne ki praaptiyaan kitni hain? bahut list hai na! pahle bhi sunaaya tha ki kabhi koi, kabhi koi gun ki praapti ko saamne rakhte hue santushta raho। kyonki ek gun bhi apnaaya to jaise vikaaron ka aapas mein bahut gahra sambandh hai, agar baahar ke roop mein emerge reeti se krodh hai lekin aantarik check karo to krodh ke saath lobh, ahankaar hota hi hai। ye sab aapas mein saathi hain। koi emerge roop mein hote hain, koi merge roop mein hote hain। to gun bhi jo hain unhon ka bhi aapas mein sambandh hai। emerge ek gun ko rakho lekin doosre gun bhi unke saath hi merge roop mein hote hain। to roj koi na koi praapti swaroop ka anubhav avashya karo। agar praapti emerge roop mein hogi to praapti ke aage apraapti khatma ho jaayegi aur sada santushta rahenge। vaise bhi dekho, duniya mein bhi mukhya praapti sabhi kya chaahte hain?

har ek chaahta hai ki apna naam achha ho, doosra maan aur teesra shaan। naam­maan­shaan-ye praapta karna chaahte hain। aap bhi kya chaahte ho? aap bhi to yahi chaahte ho na! had ka nahin, behad ka। to duniya vaale to had ke naam ke pichhaadi daudte hain aur aapka naam vishwa mein jitna ooncha hai utna aur kiska hai? to aap apne naam ko dekho। sabse naam ki visheshta ye hai ki aapka naam kaun japta hai? svayan bhagwan aapka naam japta hai! to isse bada naam kya hoga! aapke naam se abhi last janma mein bhi anek aatmaayen apna shareer nirvaah chala rahi hain। aap brahman ho na, to braahmanon ke naam se aaj bhi naamdhaari brahman kitna kama rahe hain! abhi tak naamdhaari brahman bhi kitna oonche gaaye jaate hain! to aapke naam ki kitni mahima hai! itna shreshtha naam aapka ho gaya, iseeliye had ke naam ke peechhe nahin jaao। mera naam to kabhi kisi mein lete hi nahin hain, mera naam sada peechhe hi rehta hai, seva main karti hoon naam doosre ka ho jaata hai…, to had ke naam ke peechhe nahin jaao। baap ke dil mein aapka naam sada hi shreshtha hai। jab baap ke dil mein naam ho gaya to koi seva mein ya koi programme mein ya koi bhi baaton mein aapka naam nahin bhi aaya to kya harja, baap ke paas to hai na! jaise bhakti maarga mein hanumaan ka chitra dikhaate hain na to uske dil mein kya tha? raam tha। aur baap ke dil mein kya hai? (bachche) to bachchon mein aap ho ya nahin ho? to sabhi ka naam hai! dekha hai, pakka? kabhi miss ho gaya ho to! aap sabhi ka naam hai! to aur naam ke peechhe kyon padte ho? kyonki majority yahi naam­maan­shaan giraata bhi hai aur yahi naam­maan­shaan nasha bhi chadhaata hai। to praapti ke roop mein dekho। agar maanon koi kaaran se aapka naam gupta hai aur aap samajhte ho ki mera naam hona chaahiye, yathaartha hai phir bhi agar kisi aatma se hisaabkitaab ke kaaran ya uske sanskaar ke kaaran aapka naam nahin hota hai, aap right ho, vo wrong hai phir bhi uska naam hota hai, aapka nahin, to vijay maala mein aapka naam nishchit hai। iseeliye iski bhi parvaah nahin karo। is roop mein maaya jyaada aati hai। isliye abhi galti se naam miss ho bhi gaya, koi harja nahin lekin vijay maala mein aapka naam miss nahin ho sakta। pahle aapka naam hoga। to apne naam ki mahima yaad rakho ki mera naam baap ke dil par hai, vijay maala mein hai, ant tak mera naam seva kar raha hai।

aur aapka maan kitna hai? bhagwan ne bhi aapko apne se aage rakha hai! pahle bachche। to svayan baap ne maan de diya। kitna aapka maan hai, uska proof dekho ki aapke jad chitron ka bhi last janma tak kitna maan hai! chaahe jaane, nahin jaane lekin koi bhi devi­devta ka chitra hoga to kitne maan se usko dekhte hain! sabse shreshtha maan ab tak aapke chitron ka bhi hai। ye proof hai। jab aapke chitra hi itne maanneey, poojneey hain to jiska maan rakha jaata hai usko poojneey maana jaata hai। hamesha kehte hain na-yeh hamaare poojneey hain, poojya hain। to practical proof hai ki aapke chitron ka bhi maan hai to chaitanya mein hain tab bhi chitron ka maan hai। agar chaitanya mein maan nahin hota to chitron ko kaise milta? baap to sada kehte hain-pahle bachche। bachche double pooje jaate hain, baap single। to aapka maan baap se jyaada hua na! itna shreshtha maan mil gaya! to jab bhi koi had ke maan ki baat aaye to sochna ki aatmaon ka maan kya karega jab param aatma ka maan mil gaya। aise nahin socho-ki ham itna kuchh karte hain phir bhi maan nahin dete, poochhte hi nahin hain! ye sochna vyartha hai। kyonki jitna aap had ke maan ke peechhe daud lagaayenge na to ye had ki koi bhi cheez parchhaai ke samaan hai। parchhaai ke peechhe padne se kabhi parchhaai milti hai ki aur aage badhti jaati hai? to ye had ka maan, had ka naam-ye parchhaai hai। ye maaya ke dhoop mein dikhaai deti hai lekin hai kuchh bhi nahin। to naam bhi aapko mil gaya, maan bhi aapko mila hua hai aur shaan kitna hai! apne ek­ek shaan ko yaad karo aur kisne shaan mein bithaaya? baap ne bithaaya। baap ke diltakhtan­sheen hain। sabse bade te badi shaan raajya pad hai na! to aapko takhta­taaj mil gaya hai na! jo param aatma ke takhtansheen hain isse badi shaan kya hai!

kabhi­kabhi nirnay karne mein ek chhoti­si galti kar dete ho। jo real shaan hai, roohaani shaan hai vo kabhi bhi abhimaan ki feeling nahin dega। to kabhi­kabhi kya karte ho? hota abhimaan hai lekin samajhte ho ki ye shaan to apna rakhna chaahiye, itna shaan to rakhna chaahiye na, shaan mein rehna achha hota hai, lekin shaan hai ya abhimaan hai, usko achhi tarah se check karo। kabhi­kabhi abhimaan ko shaan samajh lete hain aur phir nirmaan nahin hote hain। aap apne shaan ko real samajhte ho lekin doosre samajhte hain ki ye abhimaan hai to thoda bhi kuchh kah denge to aapko apmaan lagega। abhimaan vaale ko apmaan bahut jaldi feel hoga। thoda bhi kisne hansi mein bhi kuchh kah diya to apmaan lagega। ye abhimaan ki nishaani hai। sochenge-nahin, main to aisa hoon nahin, aise thode hi kehna chaahiye। to nirnay theek karo। us samay nirnay mein kami kar lete ho। yathaartha ke bajaay mix hota hai aur aap usko yathaartha samajh lete ho। to kahne mein aata hai ki ye hain bahut achhe lekin bolchaal, uthna, baithna jo hai na vo abhimaan ka lagta hai। ye bhi kisi ne kaha to apmaan ki feeling aa jaayegi। to svamaan aur abhimaan ke antar ko bhi check karo। svamaan kitna bada hai, shaan kitni badi hai, us behad ke naam, maan aur shaan ko sada emerge rakho। merge nahin, emerge karo। jaise yaad mein kabhi­kabhi albelaapan aa jaata hai to kehte hain ham hain hi baap ke, yaad kya karen…। lekin emerge sankalp se praapti ka anubhav hota hai। aise hi har dhaarna mein alert raho, albele nahin bano। kyonki samay sameep aa raha hai aur samay sameep kya soochna de raha hai? samaan bano, sampanna bano। to samay ki challenge ko dekho। aapko koi bhi apraapti nahin hai। aur kya praapti hoti hai? agar sthool reeti se dekho to tanduroosti chaahiye, sampatti chaahiye, sambandh chaahiye-yahi praapti mein chaahiye na। to aapki aatma kitni tanduroosta hai? aatma mein lo blood pressure, high blood pressure hota hai kya? nahin, sada tanduroosta। kyonki amritvele har roj baapdaada sada tanduroosta bhav ka vardaan deta hai। shareer ka to hisaabkitaab hai lekin aatma sada tanduroosta। aatma ko koi beemaari nahin hai। to aatma ki tanduroosti hai na? ki kabhi­kabhi beemaar pad jaate ho?

double videshi beemaar padte hain? ki thoda­thoda rest kar lete hain? double videshi arthaat double healthy। aur aise double healthy ko dekh karke beemaar bhi healthy ho jaayega। to tanduroosti ki praapti aapko kitni badi hai। aur sambandh mein dekho, duniya vaalon ko to koi sambandh hoga, koi nahin hoga। hoga to kabhi vo sambandh khatma bhi ho jaayega, lekin aapke sarva sambandh ek baap se hain। koi sambandh ki kami hai kya? ki sirf baap hai,phrend nahin hai-aise to nahin samajhte na! sarva sambandh baap se hain। kisi bhi sambandh se baap ko yaad karo to baap sada woh sambandh nibhaane ke liye haajar hai। baap ko kya deri lagti hai! ek hi samay par sabse sambandh nibha sakte hain। aise nahin, main to phrendaka sambandh chaahti thi lekin baba doosre mein busy tha! aise to nahin samajhte na? jis second jis sambandh se yaad karo-us sambandh mein baap kehte hain he baalak so maalik, ji haajir। maalik bulaave aur pahunche nahin, ye kaise ho sakta hai! to sambandh mein bhi dekho-sarva sambandh ki praapti hai? yeh anubhav hai ki sirf suna hai?

jab bhi apni avastha anusaar bindi nahin yaad aave, bindi sookshm hai na, aapki sthiti ya avastha kamzor hai, sthool mein hai to sookshm bindi yaad karte bhi yaad nahin aayegi, to aise time par yuddha nahin karo-nahin, bindi honi chaahiye, bindi aave, bindi aave…। praapti yaad karo, sambandh yaad karo, saakaarmilan yaad karo, apna bhinnabhinna vichitra anubhav yaad karo। vo to sahaj hai na। kisi ko bhi bhaashan karne nahin aaye aur samjhe ki main to bhaashan karne vaali bani nahin। sabse achhe te achha bhaashan hai-anubhav sunaana। ye sabhi ko aata hai ya nahin? iske liye taiyaari chaahiye kya? kaun­si point boloon, kaun­si nahin? anubhav ke roop se bolo to dekho number one ho jaayenge। apnebhinnabhinna anubhav jo kiye hain vo baantate jaao to badhta jaayega। sabhi ko bhaashan karna aata hai, paanch varsha ke bachche ko bhi aata hai। to yuddha mein samay nahin ganvaao। nahin, yahi hona chaahiye, nahin। kisi bhi vidhi se vyartha ko samaapta karo aur samartha ko emerge karo। yuddha karte­karte kya hota hai? kamzori ke sanskaar pad jaate hain। phir sochte ki mere se to hota hi nahin hai, baba kehte hain vikarma vinaash karo, mere se to hota nahin hai। vikarma vinaash nahin hota to sukarma to banaao na, vyartha mein time nahin ganvaao। to jitna jitna shreshtha karmon ka khaata badhta jaayega to bhi vikarmon ka khaata khatma hota jaayega। iseeliye samay ko nahin ganvaao। sabse bade te bada moolya hai samay ka। kyonki is samay ka gaayan hai-ab nahin to kab nahin। ek­ek second-ab nahin to kab nahin। chalte phirte, raaste chalte do baaten sun li, do baaten kar li-ye bhi samay jaata hai। aur jitna samay ganvaate hain na to vyartha ke sanskaar pakke hote jaate hain। koi lambi baat kare to usko short karo। sunaaya na-vyartha baat ka varnan bahut lamba hota hai। to vyartha ko bachaao। samajhne mein aise hota hai-mainne to kuchh nahin kiya, na suna, na bola lekin chalte­chalte do shabd usne bola, do shabd usse bola aur vyartha ka khaata jama ho jaata hai। sunne se bhi vyartha jama hota hai। agar koi vyartha sunaate bhi hain to usko bhi short karo, usko sikhaao। yeh hai shuddh seva, raham karna। merciful ho na!

achha, aaj holi manaane aaye ho। to holi to aap ban gaye ho, abhi kya holi manaayenge? holi ban gaye hain, holi hans ho na! ye holi aatmaon ki sabha kitni nyaari aur pyaari lagti hai। holi ki visheshta hai hi rang lagaane ki। aap sabhi ko to roohaani rang lag gaya। pakka lag gaya na ki thodi maaya ki dhoop mein rang ud jaayega। nahin udega! duniya vaale to ek din ke liye manoranjan karte hain aur aapka sada hi manoranjan hai। man naachta­khelta rehta hai। vaastav mein sab utsav aapke jeevan ka yaadgaar hain। holi ki visheshta rang lagaana, holi jalaana aur phir mangal milan manaana। jab baap ke sang ke rang mein rang gaye, sabse bade te bada, achhe te achha rang hai sada baap ka sang। to sada sang hai na। to sada hi holi hai। kyonki sang ka rang sada hi hai। aur jab baap ke saath rehte ho, sang rehte ho to buraaiyaan to svatah hi jal jaati hain। apvitrata ko jalaana ye holi jalaana hai। aur jab rang mein rang jaate hain, buraaiyaan jal jaati hain to kya hota hai? mangal milan। sada ek­do se milte ho to shubh bhaavna sabke prati rakhte ho, to ye shubh bhaavna se milna-ye hai mangal milan। sada hi shubh hai। to mangal milan shubh milan hai। chaahe kaisi bhi aatma ho lekin aap shubh bhaavna se unko bhi parivartan kar dete ho। to sada mangal milan baap se bhi aur apne mein bhi manaate hi rehte ho। vo holi hai nuksaan ki aur aapki holi hai phaayde ki। vahaan kitna nuksaan hota hai! rang ka nuksaan, samay ka nuksaan, kapdon ka bhi nuksaan। aur aapka hai jama karne ka। holi manaana achha lagta hai, rang daalna achha lagta hai? devtaaon ke samaan thoda­bahut suhej karna vo hai din ko mahatva dena। baaki jyaada rang lagaana to duniya jaise ho jaate hain। sada holiest banne ki holi ki mubaarak। vo to vishesh utsav par meetha mukh karte hain aur aap to har guroovaar ko meetha mukh karte ho। bhog meetha banaate ho na? ya meetha nahin banaate, namkeen rakh dete ho! double foreigners banaate hain? ki bred ka bhog laga dete ho? sunaaya tha na ki ye bhi vidhi hai। to vidhi ko apnaane se khushi hoti hai। jaise koi apna pyaara aa jaata hai to kya karte ho? pyaar se uske liye banaate ho na। baap se pyaar hai to do cheezbhal nahin banaao, ek heecheez banaao lekin banaao pyaar se aur vidhipoorvak। aise nahin, office ka time ho gaya aur gas par halua ban raha hai, time nahin hai to yahi laga do। (sabhi hans rahe hain) achha nahin lagta hai na iseeliye hansi aati hai। baapdaada to aapke pyaar ka phal bhi pyaar se hi sveekaar karte hain lekin jo student aate hain vo apne­apne sthaan par itneecheezen to nahin bana sakte iseeliye baap bachchon ke prati bhi ye niyam rakhte hain। kam se kam har guroovaar unhon ko variety milni chaahiye। to baap bhi kha lenge, bachche bhi kha lenge।

mehnat to bahut karte ho lekin muhabbat se mehnat karte ho to mehnat muhabbat mein badal jaati hai। vaise to double videshi svayan bhi khaana banaane ke liye time nahin hone ke kaaran jaise aata hai vaise chalte rehte hain। double videshiyon ka brahma bhojan bhi bahut easy hai। india ka brahma bhojan aur double videsh mein brahma bhojan-kitna pharka hota hai! jo indian bahnen hain vo to karte honge। lekin jahaan sirf double videshi hain unhon ka brahma bhojan to roj ho sakta hai। achha hai। tabiyat ke liye bhi theek hai aur sahaj bhi hai। lekin guroovaar ko kuchh na kuchh banaana।

achha, sab taraph se aaye hain। double videshiyon ne bhi race achhi ki hai। sab theek rahe hue ho? palang mila hai ya patraani, patraane bane hain? sabko khatiya mili hai ki koi pat mein bhi sote hain? sabko khatiya milti hai। yeh aapki vishesh khaatiri hai। pat mein so to sakte ho na ya nahin? ki kamar mein darda padega? jo mile usmein santushta raho। agar khatiya milti hai to bhi theek, agar dharni milti hai to bhi theek। aadat sab padni chaahiye। achha!

braazeelah­ jyaada group aaya hai iseeliye khushi hai। bahut achha। (first time vaale jyaada hain) achha hai vriddhi hona ye to drama ki noondh hai। ye to badhega। sankhya badhna ye seva ki vriddhi ki nishaani hai। to achha hai baapdaada khush hain ki sabhi taraph se majority dekha gaya ki chaaron or ke groups badh karke hi aaye hain। jo agle saal ki sankhya hai aur is saal ki sankhya mein kaaphi pharka hai। jab madhuban tak itne jyaada pahunch gaye hain to vahaan bhi to honge na। to achha hai, seva ke vriddhi ki sabhi ko mubaarak। achha, braajeel vaale kya karenge? kaun­sa nasha rakhenge? (umang­utsaah) bahut jyaada umang hai। to sada umang­utsaah mein rehna arthaat apne shreshtha shaan va svamaan mein rehna। to sabse badi shaan hai ki sada khush rahne vaale aur doosron ko khushi baantane vaale daata ke bachche hain। sada dene vaale hain, lene vaale nahin। baap se to bina maange bhi milta hi rehta hai। baap se milta hai aur bachchon ko baantana hai to sada khushi ke khazaane ko baantane vaale mahaadaani। ye hai braajeel vaalon ke liye vishesh vardaan।

south amerikaah­ usmein kaun hai haath uthaao। (paanch desh hain) to paanch hi desh kis title ko yaad karenge? title to bahut hain na। har roj koi na koi vishesh shaan ka title milta hai। to ye paanch hi mil karke kya title yaad rakhenge? (santushtamni) achha-mani kahaan hoti hai? taaj mein hoti hai na। to sabse oonche sthaan par mani chamakti hai। to ye paanch hi sada oonchi sthiti mein sthit rahne vaale santushtamni ban apni santushtata ki light chaaron or phailaayenge। to sada santushta mani bhav। ye achha hai। door hote bhi sameep hain। desh door hai lekin dil se najdeek hain। samjha? achha!

jarmaneeh­ jarmani vaalon ko abhi koi nai kamaal karke dikhaani hai। jo sabhi ne kiya hai vo to kiya lekin jarmani vaale naveenta kya karenge? haath uthaao jo samajhte hain naveenta karke dikhaayenge। ye to bahut hain। ek­ek ki anguli se naveenta ka pahaad to utha hua hi hai। uthega nahin, utha hua hi hai। sabhi achhe hain, umang­utsaah hai, abhi sirf practical mein laana hai। dil mein hai lekin dil ke umang­utsaah ko baahar mein laana hai। aisi kamaal karke dikhaao, jo kisi ne aisi aatmaayen taiyaar nahin ki ho lekin jarmani aisi aatmaayen taiyaar karen jo sab taali bajaayen-vaah jarmani, vaah! vaise to jarmani ki madad abhi bhi achhi mil rahi hai। achhi mehnat kar rahe hain। yahaan hospital mein kitni madad kar rahe hain। hospital mein to madad ki hai uski mubaarak ho। abhi aisa achha sevaakendra kholo, jo us seva sthaan ke aise vibration hon jisse har ek ko naveenta ka anubhav ho। jaise chumbak door se hi kheenchata hai aise sevaasthaan ki aatmaon ke vibration sabhi ko aakarshit karen। himmat hai na! sevaakendra kholne ki raay pasanda hai? jarmani vaale phir se haath uthaao। himmat hai? ye himmat ka haath hai ya vaise! baapdaada dekh rahe hain ki aatmaayen achhi hain। jo karna chaahen vo kar sakti hain lekin abhi tak gupta rahe, abhi pratyaksha ho jaayenge। to sabhi braahmanon ki baapdaada sahit jarmani vaalon ko duaaen hain। kitni duaaen mil gai! theek hai na! jab sab braahmanon ki, baapdaada ki vishesh najar jarmani par padi to kya hoga? kamaal hogi। to sada sarva ko duaaen dete hue svayan ko bhi baap ki duvaaon se bharpoor aatma anubhav karte rehna। samjha? jarmani ka sun karke aap sabhi ko bhi khushi ho rahi hai na। dekho kitni khushi hai, sabke chehre muskara rahe hain। achha!

kainedaah­ kaineda vaale kya karenge? kaineda ka sthaan to bahut bada hai, usmein naveenta kya banaai hai? sevaakendra to sabhi hain lekin naveenta kya banaai hai? kaineda vaalon ko jaise sthaan hai usi anusaar koi na koi naveenta karo, museum common nahin, jo abhi tak ho chuka hai woh common ho gaya, abhi aur invention kar aisa banaao jaise laukik history mein wonders gaaye jaate hain na aise kaineda ka sthaan wonders mein gaaya jaaye। ho sakta hai? agar haan hai to haath uthaao। thode hain lekin saath mein aur bhi to hain na। to aisi koi kamaal karke dikhaao aur sada svayan ko baap ke instaåmenta samajhkar karo। baap karaavanhaar hai, karaavanhaar ki smriti se nimitta ban kaarya karne vaali aatmaayen hain। to karaavanhaar ke dvaara har kaarya sahaj ho jaata hai। samjha? bahut achhe instaåmenta hain। achha!

maiksikoh­ maiksikon vaalon ki bhi kamaal hai। vahaan ke mani ki haalat to kharaab hai lekin maiksiko ke braahmanon ki haalat sabse achhi hai। bephikra baadshaah hain। desh ki haalat to honi hi hai lekin vo kaliyug ki haalat hai aur aap sabhi sangamayug par baithe ho। iseeliye maiksiko vaale saakshi drishta ban har drishya ko dekhne vaale hain। halchal mein aane vaale nahin, lekin saaksheepan ki seat par drishta ban khel dekh rahe hain aur khel menharshit ho rahe hain। neeche­oopar hone ke prabhaav se nyaare aur pyaare। achha hai, desh ki haalat logon ko hilaati hai to jab hilte hain na to aur hi sprichualiti ki taraph attention jaata hai। vairaagya ki dharni taiyaar hoti hai aur jitni vairaagya ki dharni taiyaar hoti hai utna beej phal jaldi deta hai। to maiksiko ko abhi aur seva ka chance hai। badho aur badhaao। baaki nishchaybuddhi achhe­achhe bachche sada baap ke saamne hain aur sada rahenge। samjha?

karebiynah­ gayaana, trineedaad, sureenaam, baarbedoj… sabhi taraph seva ka achha chance hai aur chance rahega। to karebiyan jo hain vo chance lene vaale vishesh chancellor hain। chance achha lete rehte hain। aur jitna chance lete hain utna apne ko bhi khushi hoti hai aur doosron ko bhi khushi hoti hai। dharni ko achha parivartan kiya hai। pahle bhakti ki kathor dharni thi, abhi parivartan hokar gyaan sunne ki jigyaasa vaale bane। to bhakti ke oopar jeet praapta kar li na, vijayi ban gaye। achhi result hai, baapdaada khush hain। samjha! chancellor hain। achha, kitne naam lenge, sabhi ko yaad­pyaar to milta hi hai baaki sabhi ke liye, chaahe bade shahar hain, chaahe chhote hain, chhote aur sikeeldhe hain kyonki jahaan chhote hote hain vahaan khaatiri hoti hai aur bahut hote hain to but jaata hai। jaise dekho double videshi thode the to personal milte the aur badh gaye hain to but gaya। aur chhote subhaan allaah hain। sabhi ko baapdaada dekhte hain, aise nahin samajhna sirf America aphreekaadekhte hain। sabhi jagah chakkar lagaate hain। pahle chhoton ko pyaar karte hain phir badon ko। to sabhi ke liye yahi vishesh vardaan hai ki bindu aur sindhu, jitna hi bindu hai utna hi sindhu bano। gyaan, gun aur shaktiyon ki dhaarna mein sindhu bano aur smriti mein bindu bano। bindu bano, bindu ko yaad karo aur bindu lagaate chalo। to bindu smriti swaroop aur dhaarna mein sindhu swaroop। yahi lakshya sab rakhte chalo। abhi kisi bhi prakaar ka vesta khatma karo। har karma best। har second best ho, bol bhi best ho, sambandh­samparka sab best ho। jitna best karte jaayenge to vesta svatah hi khatma ho jaayega। abhi vesta ka khaata kuchh dikhaai deta hai, to baapdaada ko achha nahin lagta hai। aapke saare din ki dincharya check karte hain, vahaan chaaron or sabki T.vi. lagi hui hai। ek­ek bachche ki T.vi. hai, to dikhaai to deta hai na ki ye vesta kar raha hai ya best kar raha hai। ek second mein dekh lete hain। to abhi bhi vesta ka khaata kuchh best se jyaada lagta hai। to baapdaada ko vesta dekhkar achha lagega? to is varsha mein yeh pratigya karo ki vesta khatma karenge, best banenge। kitni bhi pareeksha aaye lekin pareeksha pareeksha hai, pratigya pratigya hai। pareeksha aaye, pratigya yaad karo। aur jab sab best ban jaayenge tab hi pratyakshata ka jhanda lahraayenge। aapke liye rooka hua hai। aise hi parda khul jaaye aur aap taiyaar ho rahe ho to achha lagega! iseeliye parda banda hai। koi man ko theek kar raha hai, koi tan ko theek kar raha hai, koi svabhaav ko, koi sanskaar ko aur parda khul jaaye to theek lagega! iseeliye jaldi­jaldi taiyaar ho jaao। diamond jubilee manaane ki taiyaari kar rahe ho na। to sab bedaag diamond ban jaayen। diamond jubilee ka to ye arth hai na। manaao diamond jubilee aur rahe flaw (irti; daag) vaale diamond, to achha lagega! iseeliye is varsha mein taiyaar ho jaao। T.vi. khule to sab best, best, best ho। vesta ka naam nishaan hi dikhaai na deve। ho sakta hai? ki hona hi hai? baapdaada ne to jaanboojh kar kaha ki ho sakta hai। aap javaab do-hona hi hai। achha।

chaaron or ke sada sarva praapti swaroop aatmaayen, sada santushta, sada prasannaychitta rahne vaali shreshtha aatmaayen, sada svayan ko shreshtha naam, maan, shaan ke adhikaari anubhav karne vaali sameep aatmaayen, sada sarva ko santushtata ke vibration ki light­might dene vaale prasannachitta aatmaon ko baapdaada ka yaad­pyaar aur namaste।

(baapdaada ke saath jab daadiyaan stage par baitheen to sabhi photo nikaal rahe hain) kya karenge itne photo? double videshi photo bahut nikaalte hain। aap sab kehte ho dil mein baba hai to photo kyon nikaalte ho? dil mein to hai na। ye bhi ek manoranjan hai। abhi double videshi bhi pakke ho gaye। pahle jaldi disturb hote the, abhi kam hote hain। pharka aa gaya na। achhe hain, parivartan achha kiya hai। abhi mood oph karte ho? mood oph hoti hai? nahin। aapke buddhi ka switch on hai to mood oph nahin hogi। jab switch oph ho jaata hai na to mood oph hoti hai। to aapka to automatic switch hai na! ki phyuj hota hai? jiska phyuj hota hai vo kanphyuj hota hai। abhi pharka hai। abhi aur bhi fly karte­karte jo baap chaahte hain vo dikhaayenge। lekin baapdaada ka naam pratyaksha karne mein aap sabhi vishesh nimitta aatmaayen ho।

ahamdaabaad (sukh­shanti bhavan ) ke bhaai­bahnon seh­ achhe hain, seva bhi achhi karte hain। sabko santushta karna yahi bade te badi seva kar rahe ho। chaahe season mein nahin aaye ho lekin baapdaada sada hi yaad karte hain। to sukh­shanti bhavan vaale sada sukh­shanti mein rahne vaale hain। ashaanti ka naamaynishaan nahin। aur baapdaada ke paas saphalta ki result hai isliye mubaarak ho, mubaarak ho।

talahti mein baapdaada ke kaaryakram ke liye aaye sevaadhaariyon ke prati-achha hai, gujraat seva ki jimmedaari uthaane mein number aage lete hain। saara gujraat hi sangathan mein seva ke nimitta bana hai। jo nimitta bante hain unhon ko vishesh ek kadam par padam guna sahayog milta hai। iseeliye himmat bhi achhi rakhi hai, mehnat bhi achhi kar rahe hain। prakriti thoda hilaati hai lekin ye achal hain। achha hai, ek sangathan ki shakti, doosri himmat hai to kaarya saphal hua hi pada hai।

nirvairbhaai ne baapdaada ko guldasta bhent kiya- achha, gyaan sarovar ka kya ho raha hai? abhi baaki jo raha hua kaam hai usmein abhi kisi bhi dhang se kam kharcha baala nasheen karke dikhaao।

aap sabhi gyaan sarovar dekh karke khush hote ho na? gyaan sarovar kisne banaaya? (baba ne) aap sabne। agar aap sabki anguli nahin hoti to gyaan sarovar ka pahaad kaise uthta! bana to achha hai। phir bhi jisne jo kiya hai vo bahut achha kiya hai aur aage bhi achhe te achha karte hi rahenge। theek hai na! sabhi ne gyaan sarovar mein anguli lagaai hai ya kisi ne nahin bhi lagaai hai? jo bhi sabhi baithe ho, sabhi ne apni anguli lagaai hai na? achha।