Avyakt murli for Tuesday 20 February 2001

>

20-02-2001 om shanti avyakt baapdaadaamdhuban

shiv jayanti - vrat lene ka aur sarva samarpan hone ka yaadgaar hai

aaj trimoorti rachta shiv baap apne poojya shaaligraamon se milne aaye hain। milna bhi hai to aaj manaana bhi hai। aap sabhi vishwa ke chaaron or se baapdaada ki jayanti bade umang-utsaah se manaane ke liye pahunche ho। bachche kehte hain baap ki jayanti manaane aaye hain aur baap kehte hain bachchon ki jayanti manaane aaye hain। aap sab bhi apni jayanti alaukik birth de manaane ke liye aaye hain। saare kalpa mein aisa nyaara aur pyaara birth de kabhi hota nahin hai। saare kalpa mein dekha hai, aisa birth de manaaya hai,jo baap ka bhi ho aur saath mein bachchon ka bhi ho? kyonki vishwa parivartan ke kaarya mein shiv baap brahma daada ke saath-saath brahman bhi zaroor chaahiye। braahmanon ke bina yagya saphal nahin hota hai। isliye baap aur bachchon ka ikattha janma din hai arthaat jayanti hai। to bachche dil hi dil mein baap ko mubaarak de rahe hain aur baap har brahman bachche ko alaukik janma ki arab-kharab se bhi jyaada dil ki duaaon ke saath mubaarak de rahe hain। to mubaarak ho, mubaarak ho,mubaarak ho! (sabhi ne haath hilaaya) bahut achha- ek haath ki taali achhi lagti hai, do haath ki nahin। bahut khushi hai na, to haath rookte nahin hain, chal padte hain।

duniya mein bhakta log bhi shiv jayanti bade dhoomdhaam se manaate hain। lekin woh manaate hain ek din ka jaagran va ek din ka vrat। aap bachchon ne agyaan neend se jaagran ka sankalp ek din ke liye nahin kiya hai,jaagran woh bhi karte lekin aapne ek sangam yug ka heere tulya janma jaagran kiya hai aur kar rahe hain। jaag gaye hain na, abhi phir soyenge to nahin na! ya thoda-thoda sa so jaayenge! achha, soye nahin to thoda jhutka kha lenge! yeh jaagran aisa jaagran hai jo svayan to jaag jaate hain lekin auron ko bhi jagaate hain। gyaan ki jeevan mein jaagran maana andhakaar se roshni mein aana। yeh alaukik jaagran sabhi ko achha lagta hai na! jab se janma liya,jayanti manaai tab se kya-kya vrat liya? yaad hai na! bachche kehte hain yaad to kya, hamaari to natural jeevan hi ‘vrat’ki ho gai। pavitra aahaar,pavitra vyavhaar aur pavitra vichaar yeh jeevan ban gai। ek maas ke liye,do maas ke liye nahin, jeevan hi vrat dhaaran karne vaali ban gai। natural ban gai aur nature ban gai। pavitrata ki nature ban gai hai na! nature ban gai hai ya banaani padti hai? ban gai hai na? sirf kaandh hilaao bas। ban gai? apvitrata nature se samaapta ho gai aur pavitrata jeevan mein sama gai। aisi heere tulya shiv jayanti va shaaligraam jayanti mana li। chaaron or ke desh-videsh ke bachche bhi saath-saath mana rahe hain। baapdaada dekh rahe hain ki chaaron or baap ke saath aur aapke saath woh bhi kitne khush ho rahe hain।

aaj ke din vishesh bhakta log aapka yaadgaar bali bhi chadhaate hain। aap sab man-vachan-karma se baap ke aage samarpan hote ho, usi ka yaadgaar bhakta log apne ko bali nahin chadhaate, bakre ko bali chadha dete hain। aur koi nahin mila,bakra hi kyon mila? iska bhi rahasya aap jaante ho, kyonki sabse bade te bada deh-abhimaan ka kaaran hai ‘‘main pan’’। yeh ‘‘main pan’’ jab arpan kar lete ho tab hi brahman bante ho। to bakra bhi kya karta hai? mein,mein… to yeh deh-abhimaan ke main-pan ki nishaani hai aur deh-abhimaan ka main-pan bahut sookshm bhi hai aur bhinna-bhinna prakaar ka bhi hai। sabse pahla main pan hai - main shareer hoon, phalaana hoon। phir aage chalo to sambandh mein phansane ka bhi bhinna-bhinna main-pan hai। aur aage chalo to bhinna-bhinna position ka bhi main-pan hai। usse bhi sookshm apni visheshta ka main-pan oopar se neeche le aata। visheshta har ek mein hai, aisi koi bhi manushya aatma nahin hai jismen chaahe sthool, chaahe sookshm koi bhi visheshta na ho,yeh nahin। gyaani jeevan mein bhi har brahman ke andar kam se kam ek visheshta avashya hai, lekin gyaani jeevan mein visheshta parmaatma den hai,paramatma ki saugaat hai। jab paramatma ki den ko deh-abhimaan vash main-pan mein laate hain, main aisa hoon, yeh royal abhimaan bade-te-bada ‘main-pan’ hai। to samarpan to hue hi hain lekin aage kya dekhna hai?

teachers sabhi apne ko kya kehti hain?samarpan hain na! teachers sabhi samarpan hain? achha-pravritti mein rahne vaale samarpan hain?haan ya na?paandav samarpan hain?bahut achha mubaarak ho। aage kya karna hai? samarpan to ho gaye, bahut achha। abhi aage yeh check karna hai, bataayen kya? aap kahenge samarpan to hain na phir kya karna hai? to ek hai samarpan aur aage hai -’sarva samarpan’। ‘sarva’ mein vishesh underline hai apne man-buddhi-sanskaar sahit samarpan kyonki jitna aage badhte ho,purooshaartha mein teevragti se kadam uthaate ho aur utha bhi rahe ho lekin vartamaan vaayumandal pramaan brahman jeevan mein bhi man aur buddhi ke oopar vyartha ka prabhaav,bura nahin,bura khatma hua lekin vyartha aur negative ka prabhaav jyaada hai, isliye yathaartha aur satya nirnay karne ki mahsoosta shakti kam ho jaati hai। samajh se mahsoosta hoti hai - haan yeh wrong hai,yeh theek nahin hai lekin ek hai vivek se mahsoosta, doosra hai dil se mahsoosta। agar dil se koi bhi baat ko mahsoos kar liya to duniya badal jaae lekin svayan nahin badlega। aur sanskaar, puraane63 janmon ke hone ke kaaran natural ho gaye hain,jisko doosre shabdon mein kehte ho ‘yeh‘galti nahin hai lekin meri nature hai’। to puraane sanskaar kuchh mitte hain,kuchh dab jaate hain phir nikal aate hain। lekin sarva samarpan ka arth hai - man ka bhaav aur bhaavna har aatma ke prati parivartan ho jaae, jisko baapdaada kehte hain kaisi bhi aatma ho, bhinna-bhinna to hogi hi,kalpa vriksha hai,variety nahin ho to shobha nahin lekin har aatma ke prati shubh bhaavna aur shubh kaamna। ashubh bhaavna ko bhi parivartan kar shubh bhaavna rakhna va shubh bhaavna dena। har aatma ke prati shubh kaamna, yeh avashya badlenge। aisa nahin ki yeh to badalna hi nahin hai, uske prati judge banke judgement nahin do, yeh badalna hi nahin hai। jab challenge ki hai ki prakriti ko bhi parivartan kar satoguni banaana hi hai,banaana hi hai। banegi, nahin banengi - question nahin, banaana hi hai। ‘hi’shabd ko underline kiya hai। to kya prakriti badal sakti hai,aatma nahin badal sakti? aatma to prakriti ka puroosh hai। to prakriti badle,puroosh nahin badle kyon?to vartamaan samay yeh man-buddhi-sanskaar,sva ke parivartan aur sarva ke parivartan - yahi seva hai।

sabhi poochhte hain - is varsha mein kya karna hai? to double seva karni hai। ek to sva ko sarva samarpan aur itna sva ko samarpan karo jo aapka vaayumandal,aapka vibration,aapka sang,aapka dil ka sahayog, aapke dil ki duaayen auron ko bhi sahaj parivartan karne mein sahayog den। itna sva parivartan karna hai। sarva samaarpit karna hai। ek yeh seva aur doosri hai lok seva,result mein dekha hai ki chaaron or desh mein, videsh mein, gaanv mein sabhi brahman bachchon ne ab tak jo seva ki hai, baap ke muhabbat se ki hai, uski to baapdaada bahut-bahut-bahut mubaarak dete hain। aage kya karna hai? baapdaada ne dekha jo brahman bane hain, braahmanon ki bhi vriddhi hai aur bhi teevragti ki vriddhi honi hai। lekin saath mein jo lok priy seva ki hai, bhinna-bhinna project dvaara seva ho rahi hai, woh bahut achhi hai। abhi bhinna-bhinna sthaanon par sahayogi aatmaayen achhi nimitta bani hain। sahayogi to bahut achhe hain, ek kadam sahayog ka hai, ek paanv to badhaaya hai lekin doosra paanv hai - sahajyogi, karmayogi। karmayogi ya sahajyogi bhi kuchh kuchh ban gaye hain, yeh bhi stage doosri hai। abhi aisi aatmaayen practical swaroop se stage par part bajaayen। mike stage par hota hai na! to mike ban seva ki stage par pratyaksha swaroop mein bhi aayenge zaroor। aap might ho,woh mike। jaise brahma baap avyakt roop mein might hai,aur aap bachchon ko mike banaaya,aise aap might bano aur aise mike taiyaar karo। hain, bahut achhe-achhe,ummeendavaar fast jaane vaale hain, sirf ab aur aisi aatmaon ke connection ko badhaane ki aavashyakta hai। woh chaahte hain kya karen,kaise karen,unhon ko might ban vidhi aisi sunaao jo laukik occupation aur alaukik seva donon ka balance rakhte hue last so fast, fast so first ke line mein aa jaaen। aise hain,pratyaksha hone hain। sirf connection aur current do,roohaaniyat ki current, vibration,vaayumandal ki current aur vidhi, jo nimitta banen ki balance rakhne vaali jeevan bahut achhi aur sahaj hai। theek hai na! kya karna hai,woh sun liya na! chhota-chhota guldasta to taiyaar karo। chalo bada guldasta nahin, 5phoolon ka, 10 phoolon ka guldasta to laao। aur har ek taraph baapdaada ki najron mein hain। suna! paandav suna? bahut achha। double foreigners jump nahin lekin ud rahe hain, to pahla guldasta videsh laayega ya bhaarat laayega?kaun laayega?ki donon saath mein laayenge? ek taraph se foreign ka, ek taraph bhaarat ka, donon guldaste stage par aayenge। jaise yeh ceremony manaate hain to woh bhi ceremony manaayenge, donon guldaston ki,bhaarat ki bhi videsh ki bhi। theek hai? videsh vaale kya samajhte hain? theek hai। to doosri season mein laayenge?laana hai?bhaarat vaale laayenge? laukik aur alaukik occupation ke balance vaale। aap jaise sirf brahman jeevan vaale nahin, laukik bhi alaukik bhi,unhon ka prabhaav jyaada hoga। aap logon se to drishti lene aayenge। achha - kya soch rahi hai,jayanti?

naam soch rahi hai kya? yeh nirmala, mohni naam soch rahe hain na! yahaan paandav dekho,bhaarat ke paandav koi kam hain,subhaanaalla hain। yeh dekho,kuchh-kuchh to baithe bhi hain। yeh braayan saamne baitha hai na! (Australia ke braayan bhaai se) guldasta taiyaar karna hai na! bahut achhe-achhe kya naam dete ho, N. si. O.,achha। foreign ke N. si. O. vaale haath uthaao। N. si. O. banna sahaj nahin hai, kamaal karna padega। kar sakte hain koi badi baat nahin hai kyonki dharni taiyaar hai। beej bhi pada hua hai sirf paalna ka paani dena hai। abhi beej ko paalna ka paani chaahiye। achha।

baapdaada sabhi bachchon ko dekh khush hote hain, har tarna mein aadhi sankhya nayon ki hoti hai,pahle baar ki। to yeh vriddhi ki nishaani hai na। is baari bhi jo pahle baari aaye hain woh haath uthaao। bahut hain। to jo pahle baari aaye hain un vishesh aatmaon ko naye birth de manaane ki mubaarak ho। madhuban mein to birth de aaj hi mana rahe hain,is baari mana rahe hain। achha hai।

teachers bhi bahut aai hain। teachers ko bhi mubaarak hain। aapne hi to seva ki hai na! to seva ki mubaarak। achha। gujraat ka kya haal hai?halchal gujraat se shuru hui hai। jyaada halchal gujraat aur videsh mein bhi thoda-thoda shuru hai। darte to nahin ho na! dharni to hilti hai lekin dil to nahin hilti hai na! jahaan dharni hili hai,nuksaan hua hai vahaan se jo aaye hain woh utho। ahamdaabaad vaale bhi utho। achha। dil hili ki dharni hili? kya hua? dil mein thoda aisa-aisa hua?nahin hua! bahaadur hain। baapdaada ne dekha ki bachchon ne apne himmat aur baap ki chhatrachhaaya se achha apna record rakha। koi fail nahin hua, sab paas ho gaye,koi thoda,koi jyaada। nambarvaar to sab hota hi hai har jagah। lekin paas hain। mubaarak hain। sabse jyaada naajuk sthaan se kaun aaye hain? (ek bhuj ki aur ek bachaau ki behen aai hai) achha,bhuj mein aap to hajaar bhujaaon vaalon ke saath the। achha,paper mein paas। bahut achha kiya। aage bhi hilna nahin। abhi to hota rahega। ghabraana nahin। (roj hota hai) hone do। dekho parivartan to hona hai na! to prakriti bhi apna kaam to karegi na! jab manushya aatmaon ne prakriti ko tamoguni bana diya, to woh apna kaam to karegi na। lekin har khel,drama ke khel mein yeh bhi khel hai। khel ko dekhte hue apni avastha neeche oopar nahin karna। master sarvashaktivaan aatmaon ki sva-sthiti par par-sthiti prabhaav nahin daale। aur hi aatmaon ko maansik pareshaaniyon se chhudaane ke nimitta bano kyonki man ki pareshaani aap meditation se hi mita sakte ho। doctors apna kaam karenge,science vaale apna kaam karenge, government apna kaam karegi, aapka kaam hai man ke pareshaani, tension ko mitaana। tension free jeevan ka daan dena। sahayog dena। jaise vartamaan samay desh videsh vaale sahayogi ban sahayog de rahe hain na! yeh bahut achha kar rahe hain। isse siddha hota hai ki chaahe videsh ho, chaahe koi bhi ho lekin bhaarat desh se pyaar hai। har ek apna-apna kaarya to kar rahe hain, aap apna kar rahe hain। jaise aag lagti hai to aag bujhaane vaale darte nahin hain,bujhaate hain। to aap sab bhi man ke pareshaani ki aag bujhaane vaale ho। achha।

to gujraat majboot hai na! hajaar bhujaaon ki chhatrachhaaya mein ho। kahaan bhi aaye, abhi to gujraat ko dekhkar anubhvi ho gaye ho na। kahaan bhi aaye। dekho prakriti ko koi mana nahin kar sakta hai, gujraat mein aao, aabu mein nahin aao,baambe mein nahin aao, nahin। woh svatantra hai। lekin sabhi ko apne sva-sthiti ko achal-adol aur apne buddhi ko, man ke line ko clear rakhna hai। line clear hogi to touching hogi। baapdaada ne pahle bhi kaha tha unhon ki wireless hai,aapki viceless buddhi hai। kya karna hai,kya hona hai, yeh nirnay spashta aur sheeghra hoga। aise nahin sochte raho baahar niklen,andar baithen, darvaaje par baithen, chhat par baithen। nahin। aapke paanv vahaan hi chalenge jahaan safety hogi। aur agar bahut ghabra jaao, ghabraana to nahin chaahiye,lekin bahut ghabra jaao, bahut dar lage to madhuban asylum ghar aapka hai। darna nahin। abhi to kuchh nahin hai,abhi to sab kuchh hona hai,darna nahin,khel hai। parivartan hona hai na। vinaash nahin, parivartan hona hai। sabmen vairaagya vritti utpanna honi hai। merciful ban sarva shaktiyon dvaara sakaash de raham karo। samjha!

seva ka tarna - eastern, nepaal,taamilnaadu ka hai - taamilnaadu vaale utho। sabhi patta lagaakar khade hain। achha, haal ke security ki duty hai। achhi seva ki aur seva ka phal khushi mili aur vartamaan va bhavishya ke liye bal bhi mila। to seva ka bal bhi mila aur phal bhi mila। theek hai na! bahut achhi seva ki,mubaarak ho। nepaal utho - nepaal ne kya seva ki? (sabji kaatna, anaaz saaph karna) mehnat ka kaam kiya। dekho agar sabji nahin kaatte to sab khaate kya! isliye bahut achhi seva ki aur seva ki duaayen itne brahman aatmaon ki mili। duaayen jama ho gai। sabhi ne apne dil se seva ki, yeh record sabka achha hai। achha,mubaarak ho।

eastern - bangaal, bihaar,udeesa,aasaam… bihaar vaale utho, bihaar vaalon ne kaun si duty li? (security) apni bhi security ki na! apne sva-sthiti ki bhi security aur shaantivan ki bhi security ki। bahut achha kiya। dekho sabki shaklen kitni harshit ho rahi hain kyonki seva ki jhalak chehron par aa gai hai। bahut achha। udeesa bhi utho - sabse jyaada udeesa hai। udeesa vaalon ne kya kiya? (aavaas nivaas, roti,paani, chaay,khaana khilaana) udeesa ne to dekho chaar chaand laga diya,bahut achha kiya। bahut achha। sankhya jyaada hai isliye chaar chaand lagaaye hain। khushi hui na। seva ki kitni khushi hui? bahut hui! aasaam utho - aasaam mein shakti sena jyaada hai। kya duty li? (transport,vi.aai.pi bhojan aadi) achha sabko theek pahunchaaya। train se laaya aur train tak pahunchaayenge,aaraam se pahunchaayenge। achha kiya। aasaam ko baapdaada kehte hain yeh vishesh ‘aasaami’ hain। aasaam nahin, aasaami hain। bahut achha। mubaarak ho। bangaal - bangaal ne kya duty li? (saphaai, daadi se milaana, dhobeeghaat aadi) ek taraph saphaai aur doosre taraph milaana,donon ka kitna achha mel hai। saphaai bhi bahut zaroori aur milaana bhi zaroori। dekho apna ghar samajhkar duty bajaai,iseelie saphalta, saphalta,saphalta hai। saphalta bachchon ka janmagysiddha adhikaar hai। to saphalta mili na! bahut achha।

achha - abhi foreign ka kumaar group - bahut achhi bhatti ki। bahut achha laga! kumaar kamaal karenge। kumaar jo chaahe woh kar sakte hain। kar rahe hain aur aage bhi karenge। karna hai na! hoshiyaar hain sab। baapdaada chehron se hi dekh rahe hain ki sabhi himmat vaale hain। himmat ki mubaarak ho,bahut achha। baapdaada ne dekh liya na। abhi to complain nahin hogi na ki hamko koi ne dekha nahin। ek ek ko dekh liya। achhi mehnat ki hai।

achha - baapdaada ne dekha। suna nahin dekha ki is baari double foreigners ne silence ke bahut achhe-achhe anubhav kiye। sabhi ka sun to nahin sakte hain,lekin sun liya hai। achhe umang-utsaah se programme kiya, aur aage bhi apne apne desh mein jaake bhi yeh silence ka anubhav beech-beech mein karte rehna। chaahe jitna samay nikaal sako kyonki silence ka prabhaav seva par bhi padta hi hai। to achhe programme kiye। baapdaada khush hai। aage bhi badhaate rehna। udte rehna, udaate rehna। achha।

abhi ek second mein man aur buddhi ko ekaagra kar sakte ho? stop,bas stop ho jaae। abhi ek second ke liye man aur buddhi ko ekdam ekaagra bindu, bindu mein sama jaao। achha। (baapdaada ne drill karaai)

chaaron or ke sarva shreshtha brahman aatmaon ko,chaaron or ke sada dridh sankalp ka vrat rakhne vaale achal aatmaon ko,chaaron or ke sarva himmat-hullaas se sva seva aur lok kalyaan ki seva karne vaale mahaan sevaadhaari aatmaon ko,aaj ke shiv jayanti ki, heere tulya jayanti ki, nyaari aur pyaari jayanti ki mubaarak ho, aur duaaon ke saath yaadapyaar aur namaste।

achha - sabhi ke card aur patra bahut achhe-achhe aaye hain। baapdaada dekh rahe hain, yahaan bhi rakhe hue hain aur double foreigners ne jo apne dil ke purooshaartha ke patra likhe hain,woh sab baapdaada ke paas pahunch gaye hain। sabhi ke patra aur bhinna-bhinna sajaavat ke bahut sundar dil ke vichaar ke umang-utsaah ke card mil gaye hain। isliye door baithne vaalon ko sabse sameep,saamne dekh yaadapyaar aur mubaarak de rahe hain। achha।

aandhrapradesh ke chief minister bhraata chandraabaabu naaydu ji tatha unki dharmapatni shreemti chandraabaabu naaydu se baapdaada ki mulaakaat

bahut achha kiya jo apne godly family mein pahunch gaye। yeh godly family hai na! aap family member ho na! ki baahar se aaye ho? kya ho? family member ho? aap guest nahin ho, guest ho kya? host ho। guest nahin ho। aapka hi ghar hai kyonki yeh ghar, param-aatma ka ghar hai to sabka ghar hai na! baapdaada ko khushi hai kyonki bachche mein ek visheshta hai। woh visheshta hai - himmat। koi bhi kaarya karte ho to himmat se karte ho। aur himmat se svatah hi madad milti hai। himmat kabhi nahin haarna chaahiye। himmat paramatma ke madad ke bhi paatra bana deti hai। (mrs. naaydu) yeh bhi himmat vaali hai, kam nahin hai। isliye thodi bahut khit-khit hote bhi saphalta milti hai, kyon?dridhta ki chaabi aapke paas hai। jahaan dridhta hai vahaan saphalta hai hi hai। hogi ya nahin hogi ka question nahin, hai। baaki vaayumandal ke anusaar thodi bahut baaten to aani hi hain। lekin un baaton ko himmat se sidescene samajhke chalte raho। achha part bajaaya hai। apni state se pyaar achha hai। aur yeh aapki saathi hai। saathi ho na! saath deti ho na! aur yeh sab kaun hai? (secretary aur security।) bahut achha।

bahut bhakton ko bhakti ki raah dikhaai na to iska phal bhi milta hai kyonki achha kaarya hai,bura kaarya nahin hai to achhe kaarya ka phal milta hai - khushi, halkaapan। yeh phal hai। achha hai। vaah! secretary to bahut faithful hain,achhe hain। dekho, secretary agar madadgaar nahin ho na to kaarya siddha nahin hota। iseelie balihaari sekreteej ki jo sahayog de rahe hain। jo bhi aaye hain।

achha - aap bi.ke. hain?dekho, jagat ka rachta kaun hai? jagat ka rachta brahma hai na! woh to maanti ho na! sthaapna karne vaala brahma,paalna vaala vishnu aur puraani duniya ka vinaash karne vaala shankar। teenon ka maaloom hai na! to aap brahma ki rachna nahin ho?brahmaakumaar-kumaari to sabhi hain। rachta hi brahma hai to bi.ke. to sabhi hain। sirf abhi brahma baap ko thoda pahchaanna hai,bas। bahut achha kiya। dekho, aapne mike banne mein achha part bajaaya hai। mike ka arth samjha na! jo seva ki stage par aane vaale hain, baapdaada unhein mike kehte hain। to apni eshembali mein sabko sandesh dena,yeh apna pharja achha paalan kiya hai। maanen nahin maanen, chale nahin chalen, lekin aapne apna pharja paalan kiya। yeh pahla hi aapka example hai। iseelie baapdaada khush hain aur saathiyon par bhi khush hain। (sabhi ko aapne meditation karne ki prerna di hai) baapdaada ne suna hai। himmat rakhi na। (inka vijan hai svaarnim aandhra banaana hai) haan kyon nahin banaayenge, saara svarna banna hi hai।

kaal aaph time mein padhaare hue mehmaanon se - aap sabhi ko yeh apna ghar lagta hai? apna ghar hai? yeh itni badi godly family kab dekhi hai?dekhi hai? nahin dekhi hai। kitne bhaagyavaan ho jo itni badi godly family mein pahunch gaye। sabhi ka anubhav achha raha aur aage bhi isi anubhav ko connection dvaara badhaate rehna। connection zaroori hai na! jitna connection rakhte rahenge utna anubhav badhta rahega। abhi aap messenger banke ja rahe ho। messenger ho na! messenger hain?jo message mila woh message auron ko bhi dekar tension free life banaayenge। aaj duniya mein tension kitna hai। to aap tension free anubhav kar auron ko karaana। karaana hai na! achha hai। jo bhi aaye ho, woh vishesh ho। visheshta hai aapmen। abhi usi visheshta ko kaarya mein lagaayenge to aur badhti jaayegi। jaise beej mein sab kuchh bhara hua hota hai lekin jab tak dharni mein nahin pada hai to phal nahin deta hai, to aap sabmen visheshta ka beej hai। abhi usko kaarya mein lagaana। to aage badhte rahenge। theek hai na! achha। inhonne seva ki hai। achhi seva ki hai। group taiyaar to kiya hai aur plan bhi achha banaaya hai। achha। sab bahut khush hain na? achha।

65veen trimoorti shiv jayanti par baapdaada ne apne haston se shiv-dhvaj phahraaya tatha sabhi bachchon ko badhaai di, mombatti jalaai, cake kaati

sabhi ne yeh jhanda lahraaya, haath thodon ke the lekin aap sabke haath baap ke saath the। jo peechhe baithe hain unhonne bhi sabke saath jhanda lahraaya। sabke chehron se har ek ke dil mein baap ka jhanda lahra raha hai,yeh shakla se dikhaai de raha hai। to dil mein jhanda to lahra liya hai aur kapde ka jhanda bhi lahra liya hai jaghajgah par। abhi pratyakshata ka jhanda jaldi-se-jaldi lahraana hi hai। yahi vrat lo,dridh pratigya ka vrat lo ki jaldi-se-jaldi yeh jhanda naam baala ka lahraana hi hai। abhi duhkhi duniya ko muktidhaam mein jeevanmukti dhaam mein bhejo। bahut duhkhi hai na to raham karo,ab duhkh se chhudaao। jo baap ka varsa hai - ‘mukti’ ka,woh sabko dilaao kyonki pareshaan bahut hain। aap shaan mein ho, woh pareshaan hain। kabhi bhi mansa seva se apne ko alag nahin karna, sada seva karte raho। vaayumandal phailaate raho। sukhdaata ke bachche sukh ka vaayumandal phailaate chalo। yahi manaana hai। to shiv-raatri mana li! sabne manaai, yahaan vaalon ne manaai?kursa vaalon ne manaai?peechhe vaalon ne manaai? is taraph vaalon ne manaai? gallery vaalon ne manaai?sabne milkar manaai, sabko mubaarak ho, mubaarak ho,mubaarak ho।