Avyakt murli for Wednesday 31 December 2003

>

31-12-03 om shanti avyakt baapdaadaamdhuban

“is varsha nimitta aur nirmaan ban jama ke khaate ko badhaao aur akhanda mahaadaani bano”

aaj anek bhujaadhaari baapdaada apne chaaron or ki bhujaaon ko dekh rahe hain। koi bhujaayen saakaar mein sammukh hain aur kai bhujaayen sookshm roop mein dikhaai de rahi hain। baapdaada apni anek bhujaaon ko dekh harshit ho rahe hain। sabhi bhujaayen nambarvaar bahut allrounder,ever ready, aagyaakaari bhujaayen hain। baapdaada sirf ishaara karte to right hands kehte- haan baba,haajir baba,abhi baba। aise murabbi bachchon ko dekh kitni khushi hoti! baapdaada ko roohaani phakhur hai ki sivaae baapdaada ke aur kisi bhi dharma aatma, mahaan aatma ko aisi aur itni sahayogi bhujaayen nahin milti। dekho saare kalpa mein chakkar lagaao aisi bhujaayen kisko mili hain? to baapdaada har bhuja ki visheshta ko dekh rahe hain। saare vishwa se chuni hui vishesh bhujaayen ho, parmaatma sahayogi bhujaayen ho। dekho aaj is haal mein bhi kitne pahunch gaye hain! (aaj haal mein18 hajaar se bhi adhik bhaai bahinen baithe hain) sabhi apne ko parmaatma bhuja hain, yeh anubhav karte ho? phakhur hai na!

baapdaada ko khushi hai ki chaaron or se naya varsha manaane ke liye sabhi pahunch gaye hain। lekin naya varsha kya yaad dilaata hai? naya yug,naya janma। jitna hi ati puraana last janma hai utna hi naya pahla janma kitna sundar hai! yeh shyaam aur woh sundar। itna spashta jaise aaj ke din puraana varsha bhi spashta hai aur naya varsha bhi saamne spashta hai। aise apna naya yug, naya janma spashta saamne aata hai? aaj last janma mein hain,kal first janma mein honge। clear hai? saamne aata hai? jo aadi bachche hain unhonne brahma baap ka anubhav kiya। brahma baap ko jaise apna naya janma, naye janma ka raajaai shareer roopi vastra sada saamne khoonti par latka hua dikhaai deta tha। jo bhi bachche milne jaate woh anubhav karte,brahma baap ka anubhav raha,aaj boodha hoon kal michnu sa ban jaaoonga। yaad hai na! puraanon ko yaad hai? hai bhi aaj aur kal ka khel। itna spashta bhavishya anubhav ho। aaj svaraajya adhikaari hain kal vishwa raajya adhikaari। hai nasha? dekho,aaj bachche taaj pahankar baithe hain।(retreat mein aaye hue double videshi chhote bachche taaj pahankar baithe hain)to kya nasha hai? taaj pahanne se kya nasha hai?yeh pharishte ke nashe mein hain। haath hila rahe hain,ham nashe mein hain।

to is varsha kya karenge?naye varsha mein naveenta kya karenge?koi plan banaaya hai? naveenta kya karenge?programme to karte rehte hain,laakh ka bhi kiya,do laakh ka bhi kiya, naveenta kya karenge?aajkal ke log ek taraph sva praapti ke liye ichchhuk bhi hain, lekin himmatheen hain। himmat nahin hai। sunne chaahte bhi hain, lekin banne ki himmat nahin hai। aisi aatmaon ko parivartan karne ke liye pahle to aatmaon ko himmat ke pankh lagaao। himmat ke pankh ka aadhaar hai anubhav। anubhav karaao। anubhav aisi cheez hai, jara sa anchali milne ke baad anubhav kiya to anubhav ke pankh kaho, ya anubhav ke paanv kaho usse himmat mein aage badh sakenge। iske liye vishesh is varsha nirantar akhanda mahaadaani banna pade,akhanda। mansa dvaara shakti swaroop banaao। mahaadaani ban mansa dvaara,vibration dvaara nirantar shaktiyon ka anubhav karaao। vaacha dvaara gyaan daan do, karma dvaara gunon ka daan do। saara din chaahe mansa,chaahe vaacha,chaahe karma teenon dvaara akhanda mahaadaani bano। samay pramaan abhi daani nahin,kabhi-kabhi daan kiya, nahin,akhanda daani kyonki aatmaon ko aavashyakta hai। to mahaadaani banne ke liye pahle apna jama ka khaata check karo। chaar hi subject mein jama ka khaata kitni percent mein hai?agar svayan mein jama ka khaata nahin hoga to mahaadaani kaise banenge!aur jama ke khaate ko check karne ki nishaani kya hai?mansa,vaacha,karma dvaara seva to ki lekin jama ki nishaani hai - seva karte hue pahle svayan ki santushtata। saath-saath jinhon ki seva karte,un aatmaon mein khushi ki santushtata aai? agar donon taraph santushtata nahin to samjho seva ke khaate mein aapki seva ka phal jama nahin hua।

baapdaada kabhi-kabhi bachchon ke jama ka khaata dekhte hain। to kahaan-kahaan mehnat jyaada hai, lekin jama ka phal kam hai। kaaran?donon taraph ki santushtata ki kami। agar santushtata ka anubhav nahin kiya, chaahe svayan, chaahe doosre to jama ka khaata kam hota hai। baapdaada ne jama ka khaata bahut sahaj badhaane ki golden chaabi bachchon ko di hai। jaante ho woh chaabi kya hai?mili to hai na!sahaj jama ka khaata bharpoor karne ki golden chaabi hai- koi bhi mansa-vaacha-karma,kisi mein bhi seva karne ke samay ek to apne andar nimitta bhaav ki smriti। nimitta bhaav, nirmaan bhaav, shubh bhaav,aatmik sneh ka bhaav, agar is bhaav ki sthiti mein sthit hokar seva karte ho to sahaj aapke is bhaav se aatmaon ki bhaavna poorn ho jaati hai। aaj ke log har ek ka bhaav kya hai, woh note karte hain। kya nimitta bhaav se kar rahe hain,va abhimaan ke bhaav se! jahaan nimitta bhaav hai vahaan nirmaan bhaav automatically aa jaata hai। to check karo- kya jama hua?kitna jama hua?kyonki is samay sangamayug hi jama karne ka yug hai। phir to saara kalpa jama ki praalabdha hai।

to is varsha kya vishesh attention dena hai?apne-apne jama ka khaata check karo। checker bhi bano,maker bhi bano kyonki samay ki sameepta ke najaare dekh rahe ho। aur sabhi ne baapdaada se vaayda kiya hai ki ham samaan banenge। vaayda kiya hai na? jinhonne vaayda kiya hai,woh haath uthaao। kiya hai pakka?ki percentage mein? pakka kiya hai na?to brahma baap samaan khaata jama chaahiye na! brahma baap ke samaan banna hai to brahma baap ka vishesh charitra kya dekha? aadi se lekar ant tak har baat mein,main kaha ya baba kaha? main kar raha hoon, nahin,baba kara raha hai। kisse milne aaye ho? baba se milne aaye ho। main pan ka abhaav,avidya,yeh dekha na!dekha? har murli mein baba, baba kitna baar yaad dilaate hain?to samaan banna,iska arth hi hai pahle main pan ka abhaav ho। pahle sunaaya hai -ki braahmanon ka main-pan bhi bahut royal hai। yaad hai na? sunaaya tha na! sab chaahte hain ki baapdaada ki pratyakshata ho। baapdaada ki pratyakshata karen। plan bahut banaate ho। achhe plan banaate ho, baapdaada khush hai। lekin yeh royal roop ka main-pan plan mein, saphalta mein kuchh percentage kam kar deta hai। natural sankalp mein, bol mein,karma mein,har sankalp mein baba, baba smriti mein ho। main-pan nahin। baapdaada karaavanhaar kara raha hai। jagat-amba ki yahi vishesh dhaarna rahi। jagat amba ka slogan yaad hai, puraanon ko yaad hoga। hai yaad? bolo, (hukmi hukm chalaae raha) yeh thi vishesh dhaarna jagat amba ki। to number lena hai, samaan banna hai to main pan khatma ho jaae। mukh se automatic baba-baba shabd nikle। karma mein, aapki soorat mein baap ki moorat dikhaai de tab pratyakshata hogi।

baapdaada yeh royal roop ke main-main ke geet bahut sunte hain। mainne jo kiya vahi theek hai,mainne jo socha vahi theek hai,vahi hona chaahiye,yeh main pan dhokha de deta hai। socho bhale, kaho bhale lekin nimitta aur nirmaan bhaav se। baapdaada ne pahle bhi ek roohaani drill sikhaai hai,kaun si drill?abhi-abhi maalik,abhi-abhi baalak। vichaar dene mein maalik pan, majority ke final hone ke baad baalak pan। yeh maalik aur baalak…yeh roohaani drill bahut-bahut aavashyak hai। sirf baapdaada ke teen shabd shiksha ke yaad rakho -sabko yaad hain!mansa mein niraakaari,vaacha mein niranhakaari,karma mein nirvikaari। jab bhi sankalp karte ho to niraakaari sthiti mein sthit hoke sankalp karo aur sab bhool jaae lekin yeh teen shabd nahin bhoolo। yeh saakaar roop ki teen shabdon ki shiksha saugaat hai। to brahma baap se saakaar roop mein bhi pyaar raha hai। abhi bhi double foreigners kai anubhav sunaate hain ki brahma baap se bahut pyaar hai। dekha nahin hai to bhi pyaar hai। hai?haan double foreigners brahma baap se pyaar jyaada hai na? hai na?to jisse pyaar hota hai na uski saugaat bahut sambhaal ke rakhte hain। chaahe chhoti si bhi saugaat hogi na, to jisse ati pyaar hota hai uski saugaat ko chhipaake rakhte hain, sambhaal ke rakhte hain। to brahma baap se pyaar hai to in teen shabdon ki shiksha se pyaar। ismen sampanna banna ya samaan banna bahut sahaj ho jaayega। yaad karo brahma baap ne kya kaha!

to naye varsha mein vaacha ki seva bhale karo,dhoomdhaam se karo lekin anubhav karaane ki seva sada attention mein rakho। sab anubhav karen ki is behen dvaara ya bhaai dvaara humein shakti ka anubhav hua,shanti ka anubhav hua, kyonki anubhav kabhi bhoolta nahin hai। suna hua bhool jaata hai। achha lagta hai lekin bhool jaata hai। anubhav aisi cheez hai jo kheench ke usko aapke najdeek laayegi। samparka vaala sambandh mein aata rahega। kyonki sambandh ke bina varse ke adhikaari nahin ban sakte hain। to anubhav sambandh mein laane vaala hai। achha।

samjha,kya karenge?check karo,checker bhi bano maker bhi bano। anubhav karaane ke maker bano, jama ke khaate check karne ke checker bano। achha।

sab pahunch gaye ho to baapdaada sabhi ko dil ki duaaon sahit padamguna mubaarak de rahe hain। dekho patraani, patraane ban gaye ho na?kursi raana nahin kaha jaata hai, patraani kaha jaata hai। aaj saari sabha majority patraani, patraane ban gaye hain। baith-baithkar thak to nahin gaye hain। kursa par baithne vaalon ko pat mil gaya hai,to thakaavat to nahin, darda to nahin ho raha hai? khushi mein sab bhool jaata hai। achha - aaj samaachaar mein sunaaya hai ki ek to bachchon ka group aaya hai। bachche sab utho। sabhi ko inhon ka taaj dikhaai de raha hai? to taajdhaari bachche hain। dekho,jhandiyaan lahra rahe hain। achha hai। bachchon ko dekh karke khushi hoti hai na!aur suna ki bachchon ne bhi retreat ki hai। achha kitne bachche hain? (retreat ke liye11 deshon se 26bachche aaye hue hain) to jo retreat ki woh apne-apne desh mein jaake auron ko bhi retreat karaayenge?haan ji ki jhandi hilaate hain। bhool nahin jaana। aisa ekjaampul banna jo sabhi kahen vaah bachche vaah! sabhi deshon se result aayegi na। jo paath padha woh karma tak laana। sirf kaan tak nahin,karma tak। achha hai। bachchon ko jaisa sang milta hai vaisa rang lagta hai। to bachchon ko dekhkar baapdaada khush hote hain। khaas mubaarak dete hain। pahle to taaj ki muba-rak ho। sajdhaj ke aaye hain। dekho aap baithe yahaan ho lekin sabhi desh vaale aapko dekh rahe hain। America bhi dekh rahi hai,london bhi dekh raha hai, Australia bhi dekh raha hai,sab aapko dekh rahe hain। kitne bhaagyavaan ho!doosra group hai - youth group। double foreigners yeh achha karte hain,group group ki retreat kar lete hain। double phaayda uthaate hain। baapdaada se bhi milte hain aur saath-saath retreat bhi karte hain।(26 deshon se 160youth aaye hain)aapko to bahut kuchh seva mein dikhaana hai। international youth group banaaya hai। ismen international hai na! achha yeh teen teacher mili hain, trimoorti। achha hai। baapdaada ne samaachaar suna tha aur result bhi youth group ki suni। baapdaada ko ek baat bahut achhi lagi, jo sabhi ke liye bahut achhi hai। youth group ne lakshya rakha hai ki ham soul kaansesnes,aatma-abhimaani jyaada mein jyaada rahenge। aatma ka paath pakka kiya hai। kiya hai pakka?haath hilaao। madhuban tak rahega ya vahaan bhi rahega? bachchi ne sunaaya to baapdaada ne pahle-pahle chhote bachchon ki bo\dag mein bhi aatma ka paath pakka karaaya tha, inhonne bhi lakshya rakha hai ki body conscious nahin honge,solkaansesnes mein rahenge। pakka hai na? to kaise pata padega ki pakka hai ya kachcha hai?teachers report likhenge? har maas ki chaaron or ki report apne paas mangaao aur phir woh report madhuban mein bhejo। daadi deedi ke naam se nahin bhejna,unhon ko kaam bahut hota hai। office mein bhejna। aur jab bhi koi samaachaar ka letar bhejte ho to usmein oopar se likho - is department ke liye yeh samaachaar hai। youth result। to pata padega ki kahaan tak practical mein laaya hai। aap log karenge to sabhi ko umang aayega,utsaah badhega। achhi topic rakhi hai। kuchh bhi ho jaae body conscious mein nahin aana। baapdaada ko pasanda aaya। report achhi hai। abhi aise hi apna sangathan apne-apne desh mein badhaao। unhon ko bhi umang-utsaah me laao। agar youth aatma-abhimaani stage mein pakke paas ho gaye to government bhi inaam degi,yeh president jo hai na, woh inaam dega। woh achha hai, jaanta hai। aapko inaam ki koi aavashyakta nahin hai lekin isse seva hoti hai। T.vi.mein, radio mein aavaaj phailta hai na। brahmaakumaar aur brahmaakumaariyaan yeh pratigya karke practical mein chal rahe hain। karenge na, aisa show karenge?karenge?achha- chalo, bade to bade hain youth number one ho jaayen। baapdaada bahut-bahut in advance har ek youth ko duaayen de rahe hain। to baap ki duaayen sada saath rakhna। achha hai double phaayda lete hain, yeh bahut achha hai।

seva ka tarna gujraat ka hai:- gujraat ki sabhi teachers khadi ho jaao। teachers hi bahut hain। teachers ki sankhya sabse jyaada number-one kaun sa zone hai? (pahla mahaaraashtra,second number gujraat hai) first number mahaaraashtra hai!mahaaraashtra mein doosre bhi hain na, aandhra pradesh bhi hai। aandhrapradesh chhota nahin hai,kaaphi bada hai to donon milaake number one hain aur aap ek hi gujraat ke ho। mubaarak ho। itni nirvighna seva hai na!jitni teachers hain, jitne seva mein number one ho, one ho gaya na। itna hi nirvighna mein bhi number one। is varsha seva ka golden chance mila hai, aapki seva mein naya varsha shuru ho jaayega। to yeh naveenta karke gujraat dikhaana। poora saal saara gujraat nirvighna,number one। ho sakta hai? to baapdaada sabhi zone ko aapka example denge। bada bhi hai aur nirvighna bhi hai। donon mein number one। theek hai?sabhi teachers ne haath uthaaya? phir se uthaao। sirf haath nahin uthaana, man ko udaana। haath man sahit hai na!theek hai? phir to mubaarak hai। in advance mubaarak aur duaayen hain। daadiyon ki bhi duaayen hain। dekho janak bachchi bhi duaayen de rahi hai, bed par baithkar bhi duaayen de rahi hai। kamaal dikhaana। koi bhi baat ho sama dena। andar man mein baapdaada ko de karke sama dena। ek - sahanshakti,doosri -samaane ki shakti, agar yeh donon vishesh shaktiyaan aapmen hain to paas with honour ho jaayengi। isko emerge rakhna। sahanshakti ko bhi aur samaane ki shakti ko bhi। aise nahin samaana jo beemaar ho jaao, aise nahin। kai andar samaane ki koshish karte hain na to beemaar ho jaate hain, dimaag kharaab ho jaata hai। aise nahin samaana। samaane ki shakti se samaana। achha hai। gujraat vaale kar sakte hain। karna hi hai। theek hai na!kya, kaho karna hi hai। baapdaada bhi kehte hain hua hi pada hai। achha।

gujraat ke sevaadhaari to bahut hain isliye uthaate nahin hain,bahut sankhya hai। achha uthne chaahte hain, chalo utho। achha,bahut hain।(3000 sevaadhaari hain)dekho gujraat ko sab zone mein se ek vardaan jyaada hai। kaun sa jyaada hai? (sameep rahne ka) sabse jyaada vardaan extra hai ki gujraat ki dharni par bhaagyavidhaata brahma baap ki najar padi। yeh gujraat bhaagya-vidhaata brahma baap ki najar se paida hua hai। to vishesh vardaan hai। gujraat ne aapehi centre nahin khole, baapdaada ne khulvaaye। isliye gujraat ko lift hai। abhi isi lift ki gift se sahaj nirvighna ban jaana। achha। bahut achhi seva ki। gujraat ki dil badi hai na to dekho sangathan bhi bada ho gaya hai। achha।

jurist wing:- sabhi ne dekha, aapke brahman parivaar mein ek hi group mein kitne vakeel aur judge hain। dekha?bahut vakeel judge hain। abhi aap logon ne baapdaada ki ek aasha poori ki nahin hai। ki hai?vakeel aur judge hain to hilaao। janta ko thoda hila ke dikhaao na। geeta ke bhagwan par hilaake dikhaao। koi aisa plan nahin banaaya hai। chalo thoda-thoda aavaaj to phailaao। individual trial to karo hilaake dekhne ki। bichaare isi ek galti ke kaaran paramatma ke varse se vanchit hain। aise vanchit aatmaon ko varsa dilaane ke nimitta bano। theek hai na!koi plan banaao। thoda-thoda bhi rehearsal karo,hilaake dekho kya kehte hain!jaise dekho science aur silence donon ka mel aajkal duniya samajhti hai hona chaahiye। aise meditation aur medeesan iska bhi mel samajhte hain। aise jurist kya siddha karenge?baapdaada ne pahle bhi kaha hai ki har varga ko kuchh aisa slogan banaana chaahiye। jaise science silence,aise kuchh practical mein slogan banaao। yaad hai - pahle-pahle jab pradarshani shuru ki thi tab probe rakhte the, probe ke roop mein aisi points rakhte the, abhi nahin rakhte hain lekin shuru-shuru mein probe rakhte the। abhi pradarshani mein nahin to individual hi sahi। case ke liye baapdaada nahin kah rahe hain,pahle taiyaari to ho। pahle thodi chhedchhaad karo,logon ko milaao। woh aapki taraph se taiyaar hoven। achha। to baapdaada kehte hain ki aap self judge ho, to ``judge your self''is topic ko thoda aur aage badhaao। jajes ko kaho self your judge ban karke srishti ka parivartan karo। woh case karne vaala judge bhi aur judge your self bhi,donon hain। aise kuchh invention karo,slogan banaao jo do-do shabd milte hon। aise kuchh topic banaao। theek hai thoda trial karo independent। pahle thoda group taiyaar karo, peechhe socho। retreat karte ho, ikatthe hote ho, kuchh sochte ho iski mubaarak ho। (kaanaphrens bhi bahut karte hain)karo bahut achha hai। mike kaun se nikle hain, woh baap ke saamne nahin aaye hain। mike maana jiske aavaaj mein taakat ho, mike usko kaha jaata hai। chaahe president ho,prime minister ho lekin aavaaj mein taakat nahin to mike nahin। mike woh jiski aavaaj mein taakat ho, aisa mike taiyaar karo। kisi bhi reeti se bedhdak hoke mike banke aavaaj kare, aise mike chaahiye। aisa mike nahin jo apne hi samaaj mein kare। mike to bade aavaaj vaala chaahiye। achha।

cultural wing:- cultural wing ne kya naya plan banaaya?koi naya plan banaaya? (abhiyaan nikaalne ka aur conference karne ka plan banaaya hai) yeh to theek hai, naya kya banaaya? yeh to achha hai bhale karo lekin kuchh naveenta karo। (pradarshani banaai hai, isse baapdaada ki pratyakshata karenge) baapdaada yahi chaahte hain ki har ek wing koi naya plan banaaye,kitne samay se conference ki hai, kitna time hua hai conference karte, bahut saal ho gaye aur pradarshani,abhiyaan yeh to karte rehte ho,abhi koi naya plan banaao।(cultural kaarnival karne ka vichaar hai) banaao plan। achha। sabhi varga ke liye baapdaada kah rahe hain ki koi naya plan banaao। yeh to sabhi ko pata pad gaya hai ki brahmaakumaariyaan conference karti hain, abhiyaan bhi nikaalti hain,yeh sabko pata pad gaya hai। abhi koi naya plan aisa banaao jo sab samjhen ki yeh dekhna zaroori hai kyonki aajkal naveenta ko pasanda karte hain। to socho, touch ho jaayega koi badi baat nahin hai aur dekhenge kaun sa varga naveenta dikhaata hai। number one ek to banega na। to karo। amritvele yog ke baad,yog ke time nahin karna lekin yog ke baad dimaag mein taakat hoti hai us samay socho, to touching ho jaayegi। baaki jo kiya hai uski mubaarak hai,jo plan banaaya hai woh bhi karo lekin kuchh naya karke dikhaana। socho। bahut achha।

(yu.pi. aur raajasthaan mein bada mela karne ka umang daadi ji ko aa raha hai) karna chaahiye kyonki raajasthaan aur yu.pi. mein bahut samay hua hai,aisa bada programme nahin hua hai। abhi raajasthaan ka mike umang mein hai।(vaaisaprejeedent ke liye) uska aavaaj madad kar sakta hai kyonki seat par hai to phaayda lena chaahiye। seat par baithne vaali aatma ka aavaaj thoda bulanda hota hai, edvarta-is ho jaati hai। karna chaahiye,yeh sankalp theek hai। madad chaahiye,to ek do ki madad le lo lekin karna chaahiye।

(kalkatta mein bahut bada programme hua, bhopaal mein bada mela hone vaala hai) vaise har jagah ke bade programme jo hue hain,har jagah ki apni-apni visheshta rahi hai, kahaan sankhya ki, kahaan proproganda all-round hui hai,jaise dilli mein videsh tak aavaaj gaya, kalkatta mein do laakh ho gaye। alag-alag visheshta hui na। aise hi gujraat ne pahla number liya,invention ki na। baambe mein bhi achha aavaaj phaila। madraas mein to aisa teen daadiyon ka chitra banaaya jo sab taraph chala।(pahle gujraat ne banaaya tha)madraas ne thoda achha banaaya,shobha thi। sabhi jagah achha bana। baapdaada to bachchon ki unity, ekta aur ekaagrata par duaayen deta hai। chaahe sankhya kitni bhi aai lekin naam to hua na। brahmaakumaariyaan maidaan mein to aai na, iseelie sabhi sthaan ki apni-apni visheshta rahi aur sabhi ne mil karke sangathit roop mein kiya, iski pahla number mubaarak hai। achha। bhopaal bhi function karne mein hoshiyaar hai। karenge, woh bhi kamaal karenge kyonki bhopaal mein aai.Ps ka kane-kshan achha hai। kaaphi aai.pi inke connection mein hain,abhi unhon ko kaarya mein kitna lagaate hain, woh programme banaaya hoga। baaki woh bhi hoshiyaar hain, kar lenge। achha ho jaayega।

achha। abhi sabhi kya karenge?baapdaada ko naye varsha ki koi gift denge ya nahin?naye varsha mein kya karte ho?ek do ko gift dete ho na। ek card dete hain,ek gift dete hain। to baapdaada ko card nahin chaahiye, record chaahiye। sab bachchon ka record number one ho, yeh record chaahiye। nirvighna ho, abhi yeh koi-koi vighna ki baaten sunte hain na, to baapdaada ko ek hansi ka khel yaad aata hai। maaloom hai kaun sa hansi ka khel hai? woh khel hai - boodhe-boodhe gudiyon ka khel kar rahe hain। hain boodhe lekin khel karte hain gudiyon ka, to hansi ka khel hai na। to abhi jo chhoti-chhoti baaten sunte hain, dekhte hain na to aise hi lagta hai, vaanaprastha avastha vaale aur baaten kitni chhoti hain! to yeh record baap ko achha nahin lagta। iske bajaae,card ke bajaae record do -nirvighna,chhoti baaten samaapta। bade ko chhota banaana seekho aur chhoti ko khatma karna seekho। baapdaada ek-ek bachche ka chehra,baapdaada ka mukhda dekhne ka darpan banaane chaahte hain। aapke darpan mein baapdaada dikhaai de। to aisa vichitra darpan baapdaada ko gift mein do। duniya mein to aisa koi darpan hai hi nahin jismen paramatma dikhaai de। to aap is naye varsha ki aisi gift do jo vichitra darpan ban jaao। jo bhi dekhe,jo bhi sune to usko baapdaada hi dikhaai de, sunaai de। baap ka aavaaj sunaai de। to saugaat denge? denge?jo dene ka dridh sankalp karte hain,woh haath uthaao। dridh sankalp ka haath uthaao। double foreigners bhi utha rahe hain। sindhi group bhi utha raha hai। soch ke utha rahe hain। sindhi group soch ke utha rahe ho?

sindhi group utho। to baapdaada ko gift denge? agar denge to bada haath uthaao। achha। sabhi ne uthaaya hai। dekhna,report mil jaayegi। report milegi na! aapehi report likhna। har maas mein do akshar likhna- promise O.ke.। jo promise kiya hai woh O.ke. hai। card mein hi likhna,jyaada liphaapha nahin bhejna,kharcha nahin karna,card mein hi bhejna। theek hai na। kaandh to hilaao। achha hai। baapdaada ki sindhi group mein ummeend hai,bataayen kaun si ummeend hai?yahi ummeend hai ki sindhi group mein se ek aisa mike nikle jo challenge kare ki kya tha aur kya ban gaye hain। jo sindhiyon ko jagaave। bichaare,bichaare hain। pahchaante hi nahin hain। desh ke avtaar ko hi nahin jaante hain। to sindhi group mein aisa mike nikle jo challenge se kahe ham sunaate hain yathaartha kya hai। theek hai? ummeend poori karenge?abhi thode aaye hain lekin auron ko umang mein laake aise ummeedon ke sitaare bano। ummeend ko poora karne vaale saphalta ke sitaare bano। koi ko bhi taiyaar karo। theek hai? dekhenge। bolo karenge?achha hai। kumaariyaan bhi karengi। himmat achhi hai, mubaarak ho। (julaai mein sindhi sammelan karenge) mike taiyaar karke dikhaao koi sindhi। achha hai, sindhi party aati hai na to raunak ho jaati hai।

achha -abhi sabhi ko yaad hai - kya dena hai? gift aur record। vaise to agar darpan ban gaye to record aa hi jaayega। abhi baapdaada mehnat ka purooshaartha dekhne nahin chaahte hain। ab chhoti-chhoti baaton mein mehnat nahin, abhi udo। oopar hi rahenge to baaki sab baaten neeche rah jaayengi।

achha -madhuban vaale sab theek hain। chaar paanch sab bhujaayen hain?paandav bhavan,gyaan sarovar se thode-thode aaye hain। achha- sabhi ko shaantivan,gyaan sarovar,chaahe paandav bhavan, chaahe hospital sabhi ko baapdaada dil se bahut-bahut mubaarak dete hain। jo bhi aate hain unki seva achhi karte hain। seva karne mein number achha hai। aur phir peechhe sunaayenge lekin seva mein number achha hai। athak banke seva karne mein ek natural aadat ho gai hai। phir bhi dekho kitni sankhya hai। abhi ki sankhya kitni hai? (15-16 hajaar aaye hain, sabhi milkar kareeb 18 hajaar haal mein baithe hain)itne sabko sambhaal rahe hain na। aaye hue jo bhi double videshi ya desh vaale sab theek ho? khaana theek mila hai,theek rahe hue ho,thandi to nahin lagi? kambal mile hain? maataayen,maataayen sukh se rah rahi hain?maataayen theek rahi padi hain?

achha -to yaad rakhna,naye varsha ki naveenta dikhaana। baahar bhi jo baithe hain, woh bhi sun-sun karke khush ho rahe hain। intarnet par sunte jyaada hain, dekhne vaale to thode honge,lekin sunne vaale bahut hain। to baapdaada khush hote hain ki door baithe bhi aise hi lagan se baithte hain jaise sammukh baithe hain aur samay ka antar hote bhi himmat aur utsaah se baithte hain।

baaki sabhi taraph se card to bahut aaye hain। yahaan rakhe hue hain na! baapdaada ne dekhe। to card vaalon ko baapdaada respond mein,yaad-pyaar duaaon ke saath card ke badle record dikhaao, yeh kah rahe hain। card bhejne ki mubaarak hai lekin record dikhaayenge to bahut-bahut-bahut-bahut mubaarken milengi। khilaune bhi bhejte hain,patra bhi bhejte hain। double foreigners ki majority ki ek visheshta hai jo baapdaada ko bahut pyaari lagti hai। janak bachchi bhi foreign ki result sun rahi hai,khush ho rahi hai। ek visheshta yeh hai ki sach bolte hain। sachchi dil par saaheb raaji hota hai। hilte bhi hain, jhoolte bhi hain lekin bolte sach hain। aur jo sach bolta hai na uski aadhi galti maaph ho jaati hai। isliye baapdaada ko yeh visheshta achhi lagti hai kyonki jo jhooth bolte hain na, to jhooth aisi cheez hai vo andar khaata zaroor hai। jaise kaanta paanv mein chub jaata hai na to kya hota rehta hai? andar hi andar kaatta rehta hai na। aise jhooth bolne vaale ke andar khushi kabhi nahin hogi। koi na koi problem hi problem hogi। iseelie spashta aatma banne se spashtata shreshtha bana deti hai। madad mil jaati hai,lift ho jaati hai। to apni visheshta kabhi kam nahin karna। is visheshta ki aap logon ko bahut madad hai। achha।

chaaron or ke sada akhanda mahaadaani bachchon ko, chaaron or ke baap ke right hand,aagyaakaari bhujaaon ko, chaaron or ke sada sarva aatmaon ko himmat ke pankh lagaane vaale himmatvaan aatmaon ko,chaaron or ke sada baap samaan har karma mein follow karne vaale brahma baap aur jagat amba ke shikshaaon ko sada practical jeevan mein laane vaale sarva bachchon ko bahut-bahut yaadapyaar,duaayen aur namaste।

raatri 12baje ke baad pyaare avyakt baapdaada ne naye varsha 2004ki badhaaeeyaan sabhi bachchon ko di

is samay sangam hai,puraane varsha aur naye varsha ka sangam hai। is naye varsha aur puraane varsha ke sangam samay par baapdaada sabhi vishwa ke ati priy,ati laadle,ati sikeeldhe bachchon ko bahut-bahut-bahut dil ki duaaon sahit yaadapyaar de rahe hain। mubaarak ki bahut-bahut thaaliyaan bharkar de rahe hain। saara varsha khush rehna, apne khushanseeb bhaagya ko sada smriti mein rakh master bhaagyavidhaata banna। abhi sangamayug ki yaadapyaar। double videshiyon ke prati aur bhaarat ke bachchon ke prati double good night aur good morning donon hi de rahe hain। jaise abhi khush ho rahe ho na!to jab koi baat aisi aave to aaj ke din ko yaad karke khushi mein jhoomna। khushi ke jhoole mein sada jhoolte rehna। kabhi duhkh ki lahar nahin aave। duhkh dekhne vaale to duniya mein anek aatmaayen hain, aap sukh dekhne, sukh dene vaale, sukhdaata ke bachche sukh swaroop ho। kabhi sukh ke jhoole mein jhoolo, kabhi pyaar ke jhoole mein jhoolo, kabhi shanti ke jhoole mein jhoolo। jhoolte hi raho। neeche mitti mein paanv nahin rakhna। jhoolte hi rehna। khush rehna aur sabhi ko khush rakhna aur logon ko khushi baantana। achha।

om shanti।