Avyakt murli for Tuesday 18 January 2005

>

18-01-05 om shanti avyakt baapdaadaamdhuban

second mein dehbhaan se mukta ho jeevanmukta sthiti ka anubhav karo aur master mukti-jeevanmukti daata bano

aaj baapdaada chaaron or ke lucky aur lovely bachchon ko dekh rahe hain। har ek bachcha sneh mein samaaya hua hai। yeh parmaatma sneh alaukik sneh hai। is sneh ne hi bachchon ko baap ka banaaya hai। sneh ne hi sahaj vijayi banaaya hai। aaj amritvele se chaaron or ke har bachche ne apne sneh ki maala baap ko pahnaai kyonki har bachcha jaanta hai ki yeh parmaatma sneh kya se kya bana deta hai। sneh ki anubhooti anek parmaatma khazaane ke maalik banaane vaali hai aur sarva parmaatma khazaanon ki golden chaabi baap ne sarva bachchon ko di hai। jaante ho na! woh golden chaabi kya hai?woh golden chaabi hai - '' menra baba”। menra baba kaha aur sarva khazaanon ke adhikaari ban gaye। sarva praaptiyon ke adhikaar se sampanna ban gaye, sarva shaktiyon se samartha ban gaye,master sarvashaktivaan aatmaayen ban gaye। aise sampanna aatmaon ke dil se kya geet nikalta?apraapta nahin koi vastu ham braahmanon ke khazaane mein।

aaj ke din ko smriti divas kehte ho,aaj sabhi bachchon ko vishesh aadi dev brahma baap jyaada smriti mein aa raha hai। brahma baap aap brahman bachchon ko dekh harshit hote hain, kyon?har brahman bachcha koton mein kaai bhaagyavaan bachcha hai। apne bhaagya ko jaante ho na! baapdaada har bachche ke mastak mein chamakta hua bhaagya ka sitaara dekh harshit hote hain। aaj ka smriti divas vishesh baapdaada ne vishwa seva ki jimmevaari ka taaj bachchon ko arpan kiya। to yeh smriti divas aap bachchon ke raajya tilak ka divas hai। bachchon ke vishesh saakaar swaroop mein will powers will karne ka din hai। ‘san shows father’ is kahaavat ko saakaar karne ka divas hai। baapdaada bachchon ke nimitta ban nihsvaartha vishwa seva ko dekh khush hote hain। baapdaada karaavanhaar ho,karanhaar bachchon ke har kadam ko dekh khush hote hai kyonki seva ki saphalta ka vishesh aadhaar hi hai - karaavanhaar baap mujh karanhaar aatma dvaara kara raha hai। main aatma nimitta hoon kyonki nimitta bhaav se nirmaan sthiti svatah ho jaati hai। main pan jo dehbhaan mein laata hai woh svatah hi nirmaan bhaav se samaapta ho jaata hai। is brahman jeevan mein sabse jyaada vighna roop banta hai to dehbhaan ka main-pan। karaavanhaar kara raha hai, main nimitta karanhaar ban kar raha hoon, to sahaj deh-abhimaan mukta ban jaate hain aur jeevanmukti ka maza anubhav karte hain। bhavishya mein jeevanmukti to praapta honi hai lekin ab sangamayug par jeevanmukti ka alaukik aanand aur hi alaukik hai। jaise brahma baap ko dekha - karma karte karma ke bandhan se nyaare। jeevan mein hote kamal pushpa samaan nyaare aur pyaare। itne bade parivaar ki jimmevaari,jeevan ki jimmevaari,yogi banaane ki jimmevaari,pharishta so devta banaane ki jimmevaari hote hue bhi bephikar baadshaah। isi ko hi jeevanmukta sthiti kaha jaata hai। iseelie bhakti maarga mein bhi brahma ka aasan kamal pushpa dikhaate hain। kamal aasandhaari dikhaate hain। to aap sabhi bachchon ko bhi sangam par hi jeevanmukti ka anubhav karna hi hai। baapdaada se mukti jeevanmukti ka varsa is samay hi praapta hota hai। is samay hi master mukti jeevanmukti daata banna hai। bane hain aur banna hai। mukti jeevanmukti ke master daata banne ki vidhi hai - second mein deh-bhaan mukta ban jaayen। is abhyaas ki abhi aavashyakta hai। man ke oopar aisi controlling power ho, jaise yeh sthool karmendriyaan, haath hai, paanv hai, usko jab chaaho jaise chaaho vaise kar sakte ho, time lagta hai kya! abhi socho haath ko oopar karna hai,time lagega?kar sakte ho na। abhi baapdaada kahe haath oopar karo,to kar lenge na। karo nahin,kar sakte ho। aise man ke oopar itna control ho, jahaan ekaagra karne chaaho, vahaan ekaagra ho jaae। man chaahe haath, paanv se sookshm hai lekin hai to aapka na। mera man kehte ho na,tera man to nahin kehte ho na! to jaise sthool karmendriyaan control mein rehti hain, aise hi man-buddhi-sanskaar control mein ho tab kahenge number one vijayi। science vaale to rocket dvaara va apne saadhnon dvaara isi lok tak pahunchte hain,jyaada se jyaada grah tak pahunchte hain। lekin aap brahman aatmaayen teeno lok tak pahunch sakte ho1 second mein sookshm lok, niraakaari lok aur sthool mein madhuban tak to pahunch sakte ho na। agar man ko order karo madhuban mein pahunchna hai to sekand mein pahunch sakte ho?tan se nahin,man se। order karo sookshm vatan jaana hai, niraakaari vatan mein jaana hai to teeno lokon mein jab chaahe man ko pahuncha sakte ho? hai practice?abhi is abhyaas ki aavashyakta jyaada hai। baapdaada ne dekha hai abhyaas to karte ho lekin jab chaahe,jitna samay chaahe ekaagra ho jaae, achal ho jaae, halchal mein nahin aaye,iske oopar aur attention। jo gaayan hai man jeet jagat jeet,abhi kabhi-kabhi man dhokha bhi de deta hai।

to baapdaada aaj ke samartha divas par yahi samarthi vishesh ateshann mein de rahe hain। he svaraajya adhikaari bachche, abhi is vishesh abhyaas ko chalte-phirte check karo kyonki samay pramaan abhi achaanak ke khel bahut dekhenge। iske liye ekaagrata ki shakti aavashyak hai। ekaagrata ki shakti se dridhta ki shakti bhi sahaj aa jaati hai aur dridhta saphalta svatah praapta karaati hai। to vishesh samartha divas par is samarthi ka abhyaas vishesh attention mein rakho। iseelie bhakti maarga mein bhi kehte hain man ke haare haar,man ke jeete jeet। to jab mera man kehte ho, to mere ke maalik ban shaktiyon ki lagaam se vijay praapta karo। is naye varsha mein is homework par vishesh attention। isi ko hi kaha jaata hai yogi to ho lekin abhi prayogi bano।

baaki aaj ke din ki sneh ki roohrihaan,sneh ke ulhane aur samaan banne ke umang-utsaah teenon prakaar ki roohrihaan baapdaada ke paas pahunchi hai। chaaron or ke bachchon ki sneh bhari yaaden,sneh bhara pyaar baapdaada ke paas pahuncha। patra bhi pahunche to roohrihaan bhi pahunchi, sandesh bhi pahunche, baapdaada ne bachchon ka sneh sveekaar kiya। dil se return mein yaadapyaar bhi diya। dil ki duaayen bhi di। ek-ek ka naam to nahin le sakte hain na। bahut hain। lekin kone kone, gaanv gaanv, shahar shahar sab taraph ke bachchon ka, baandheliyon ka, vilaap karne vaalon ka sabka yaadapyaar pahuncha, ab baapdaada yahi kehte – sneh ke return mein ab apne aapko tarna karo, parivartan karo। ab stage par apna sampanna swaroop pratyaksha karo। aapki sampannata se duhkh aur ashaanti ki samaapti honi hai। abhi apne bhaai-bahinon ko jyaada duhkh dekhne nahin do। is duhkh,ashaanti se mukti dilaao। bahut bhaybheet hain। kya karen, kya hoga., is andhakaar mein bhatak rahe hain। ab aatmaon ko roshni ka raasta dikhaao। umang aata hai? raham aata hai? abhi behad ko dekho। behad mein drishti daalo। achha। homework to yaad rahega na! bhool nahin jaana। prize denge। jo ek maas mein man ko bilkul controlling power se poora maas jahaan chaahe,jab chaahe vahaan ekaagra kar sake, is chart ki result mein inaam denge। theek hai? kaun inaam lenge?paandav, paandav pahle। mubaarak ho paandavon ko aur shaktiyaan?A one। paandav number one to shaktiyaan A one। shaktiyaan A one nahin hogi to paandav A one। abhi thodi raphtaar teevra karo। aaraam vaali nahin। teev gati se hi aatmaon ka dukh darda samaapta hoga। raham ki chhatrachhaaya aatmaon ke oopar daalo। achha।

seva ka tarna - taamilnaadu, eastern aur nepaal:-jinka tarna hai woh sab utho। bahut bada group hai (5000 hain) 5 hajaar seva ka golden chance lene vaale। achhi chaturaai ki hai। 15 din seva karenge aur 21 janma punya ka khaata jama karenge। hoshiyaar ho gaye na! achha hai। brahma baap ke pratyakshata ki bhoomi to kalkatta hi hai na! to kalkatta vaale haath uthaao। achha - kalkatta vaalon ki vishesh jimmevaari hai, bataayen। achha brahma baap ke pratyaksha hone ki bhoomi kalkatta hai,to baapdaada ke pratyaksha hone ki bhoomi kaun si hogi? kalkatta hogi? kya karenge? bada programme to kar liya। abhi kya karenge?koi kamaal karke dikhaao। jahaan se aadi hui, vahaan samaapti bhi ho। sabhi kalkatta ki bhoomi ko pranaam karen, vaah! kalkatta nivaasi vaah! aisa koi kamaal ka programme banaao। naya kuchh banaao। mega programme abhi bahut ho gaye। abhi koi naya programme banaao। achha hai, baapdaada bachchon ko punya ka khaata jama karne ki vidhi dekh karke khush hote hain। yeh bhi golden chaas hai। achha hai। nepaal aur taamilnaadu bhi hai, dekho kalkatta mein jab praveshta hui to nepaal ka connection to pahle hi tha। isliye nepaal ko bhi kamaal karni padegi। nepaal vaale utho। nepaal vaalon ko raajya adhikaari, raajvanshi aatmaon ka kalyaan jyaada karna hai। koi puraane raaj vanshaavli se madhuban tak aaye hain? abhi unhon ko aur jyaada najdeek laao। connection to achha hai lekin abhi relation mein laao। achha hai। nepaal bhi seva to achhi kar rahe hain। achha। nepaal vaalon ko mubaarak hai aur C badhaayege। raaj vanshaavli ko madhuban tak laayege। achha। taamilnaadu vaale utho -bahut peechhe baithe hai। haath hilaao। taamilnaadu kya karega? seva ka vistaar to achha kiya hai। roji bachchi ko yaad to karte hain na! foundation achha daala hai। abhi usko aap sabhi nimitta ban aur badha rahe hain। badha rahe ho na! kya nahin kar sakte ho। jo chaaho shubh sankalp karo,sab kar sakte ho। himmat aapki aur madad baap ki। himmat vaale to hain। himmat achhi hai, madad bhi baap ki hai aur himmat karenge to aur madad milti rahegi। baaki roji bachchi ke baad achha sambhaal liya aur aage bhi aapas mein milkar roji bachchi ko return denge। achha foundation daala hai। sab khush hain? jo sada khush hain,woh haath uthaao। khush nahin, sada khush? achha hai। khush rehna aur khushi baantana। achha। aasaam hai, udeesa hai, bihaar bhi hai, bangalaadesh bhi hai, to itne sab ikatthe ho। udeesa vaale bhi achhi seva kar rahe hain, bihaar vaale bhi kar rahe hain to is zone ko number one jaana hai। kitne hands honge। 6-7sthaan ke hands, to kitne hands ho gaye। to baapdaada right hands ko dekh karke khush hain। jitna bada zone hai,itni badi kamaal karke dikhaana। aap to6-7 jagah par aavaaj phaila do to aavaaj aapehi phail jaayega। bangaal se bhi aavaaj ho, udeesa se bhi aavaaj ho,nepaal se bhi aavaaj ho, aasaam se bhi aavaaj ho,to sab kone se aavaaj aaye,to kitna bada aavaaj ho jaayega। kamaal karo kuchh। sabse bade te bada zone, ismen itne state ikatthe hain। mahaaraashtra,gujraat mein bhi hain, teenon hi sthaan bade hain,abhi kamaal karke dikhaao।

education wing:-education vaalon ne naye plan koi banaaye hain?naya kuchh banaaya hai?achha hai। education to vishesh hai। education mein agar aapne koi bhi sthaan mein koi bhi ek class ka class parivartan karke dikhaaya to government ko kitni khushi hogi। jaise gaanv vaale koi gaanv ko apnaate hain na,vaise aap kisi bhi university mein ya college mein, school mein class, poore class ko change karke dikhaao, mejaariti। chalo kuchh thode rah jaae, woh baat doosri hai lekin koi class practical mein parivartan karke dikhaao to government tak aavaaj jaayega। bahut achha kiya hai, mubaarak ho। (plan sunaaya)

bahut achha in advance mubaarak। achha hai dekho (south gujraat ke vaais chancellor se) yeh ek nimitta bana, anek aatmaon ke prati to aapko kitni duaayen milegi। jo student parivartan honge uski duaayen aapko share mein milengi। to aap share holdar ho gaye। paramatma ke share holdar,woh share nahin, neeche oopar hone vaale nahin। achha nimitta bana hai। abhi kamaal karke dikhaao। koi class ka class majority parivartan karke dikhaao। achha hai, aapas mein raay karte aage badhte chalo। jo bhi koi salvation chaahiye, aapas mein meeting karke kar lo। hoga, karna hi hai, badhna hi hai। achha।

double videshi:-baapdaada kehte hain double videshi arthaat double purushaartha mein aage badhne vaale। jaise double videshi title hai na, nishaani hai na aapki। aise hi double videshi number one lene mein bhi double raphtaar se aage badhne vaale। achha hai, har group mein baapdaada double videshiyon ko dekh karke khush hote hain kyonki bhaaratvaasi aap sabko dekh karke khush hote hain। baapdaada bhi vishwa kalyaankaari title ko dekh karke khush hote hain। abhi double videshi kya plan bana rahe ho? baapdaada ko khushi hui,aphreeka vaale teev purushaartha kar rahe hain। to aap sabhi bhi aas-paas jo aapke bhaai behen rah gaye hain, unhon ko sandesh dene ka umang-utsaah rakho। ulhana nahin rah jaae। vriddhi ho rahi hai aur hoti bhi rahegi lekin abhi ulhana poora karna hai। yeh visheshta to double videshiyon ki sunaate hi hai ki bhole baap ko raaji karne ka jo saadhan hai - sachchi dil par saaheb raaji,woh double videshiyon ki visheshta hai। baap ko raaji karna bahut hoshiyaari se aata hai। sachchi dil baap ko kyon priy lagti hai? kyonki baap ko kehte hi hai satya। ‘god is truth’ kehte hain na! to baapdaada ko saaph dil, sachchi dil vaale bahut priy hai। aise hai na! saaph dil hai, sachchi dil hai। satyata hi brahman jeevan ki mahaanta hai। isliye double videshiyon ko baapdaada sada yaad karte hain। bhinna bhinna desh mein aatmaon ko sandesh dene ke nimitta ban gaye। dekho kitne deshon ke aate hain?to in sabhi deshon ka kalyaan to hua hai na। to baapdaada, yahaan to aap nimitta aaye hue hain lekin chaaron or ke double videshi bachchon ko, nimitta bane hue bachchon ko mubaarak de rahe hain, badhaai de rahe hain,udte raho aur udaate raho। udti kala sarva ka bhala ho hi jaana hai। sabhi refresh ho rahe hain? refresh hue? sada amar rahegi ya madhuban mein hi aadha chhodkar jaayenge? saath rahegi, sada rahegi? amar bhav ka vardaan hai na! to jo parivartan kiya hai woh sada badhta rahega। amar rahega। achha। baapdaada khush hain aur aap bhi khush hain auro ko bhi khushi dena। achha।

gyaan sarovar ko 10 saal hua hai

achha। achha hai,gyaan sarovar ne ek visheshta aarambha ki, jabse gyaan sarovar shuru hua hai to vi.aai.pi,aai.pi. ke vishesh vidhi poorvak programmes shuru hue hain। har varga ke programmes ek do ke peechhe chalte rehte hain। aur dekha gaya hai ki gyaan sarovar mein aane vaali aatmaon ki sthool seva aur alaukik seva bahut achhi ruchi se karte hain। isliye gyaan sarovar vaalon ko baapdaada vishesh mubaarak dete hain ki seva ki result se sab khush hokar jaate hain aur khushi khushi se aur saathiyon ko saath le aate hain। chaaron or aavaaj phailaane ke nimitta gyaan sarovar bana hai। to mubaarak hai aur sada mubaarak lete rehna। achha।

abhi ek second mein man ko ekaagra kar sakte ho?sab ek second mein bindu roop mein sthit ho jaao। (baapdaada ne dil karaai)achha - esa abhyaas chalte phirte karte raho।

chaaron or ke snehi,lavleen aatmaon ko,sada merciful ban har aatma ko duhkh ashaanti se mukta karne vaale shreshtha aatmaon ko,sada apan man,buddhi, sanskaar ko controlling power dvaara control mein rakhne baale mahaaveer aatmaon ko,sada sangamayug ke jeevanmukta sthiti ko anubhav karne vaale baap samaan aatmaon ko baapdaada ka padamguna yaadapyaar aur namaste।

mohini behen se:- yeh bhi apne shareer ko chalaana seekh gai hai। chalta rahega।

shaantaamni daadi se:-yeh bhi bahut achha chala rahi hai।

sabhi daadiyon ko dekhte hue:-aap aadi ratnon ki shobha hai। haajir hona hi shobha hai। agar kaai aap mein se haajir nahin hota to khaali-khaali lagta hai। aadi ratnon ki yeh visheshta hai। jahaan bhi jaayenge, sabko khushi ho jaati hai। bolo, nahin bolo sirf haajir hona hi khushi hai। tabiyat ko to chalaana aa gaya hai। aa gaya hai na? sabhi ki tabiyten to thoda bahut khitkhit karti hain। phir bhi chalaana aa gaya hai।

daadi ji se:- bahut achha part baja rahi ho। baapdaada dekhte hain shareer ka knowledge bhi aa gaya hai। kaisa bhi shareer ho lekin chalaana aa gaya hai, yeh baapdaada dekhte khush hote hain। aadi ratna kam nahin hai। aadi ratna hain na to ek ek aadi ratna ki visheshta hai।

nirmalshaanta daadi se:-bahut hi achha part baja rahi hai। darda to nahin padta na। (baba ko milkar darda hoga to bhi chala jaayega) aapka naam sunkar sabhi khush ho jaate hain,pardaadi। to pardaadi ka naam sunke khush ho jaate hain। bahut achha। achha theek hai na, tabiyat achhi hai। bahut achha। abhi to thandi ko jeet liya। vijayi ban gai। bahut achha।

om shanti।