Avyakt murli for Sunday 20 February 2005

>

20-02-05 om shanti avyakt baapdaadaamdhuban

dil se menra baba kaho aur sarva avinaashi khazaanon ke maalik ban bephikra baadshaah bano

aaj bhaagya vidhaata baapdaada apne sarva bachchon ke mastak beech bhaagya ki rekhaayen dekh rahe hain। har ek bachche ke mastak mein chamakte hue divya sitaare ki rekha dikhaai de rahi hain। har ek ke naynon mein sneh aur shakti ki rekha dekh rahe hain। mukh mein shreshtha madhur vaani ki rekha dekh rahe hain। hothon par meethe muskaan ki rekha chamak rahi hai। dil mein dilaaraam ke sneh mein lavleen ki rekha dekh rahe hain। haathon mein sada sarva khazaanon ke sampannata ki rekha dekh rahe hain। paanv mein har kadam mein padam ki rekha dekh rahe hain। aisa shreshtha bhaagya saare kalpa mein kisi ka nahin hota,jo aap bachchon ko is sangamayug mein bhaagya praapta hua hai। aisa apna bhaagya anubhav karte ho? itne shreshtha bhaagya ka roohaani nasha anubhav karte ho?dil mein svatah geet bajta hai - vaah mera bhaagya! yeh sangamayug ka bhaagya avinaashi bhaagya ho jaata। kyon? avinaashi baap dvaara avinaashi bhaagya praapta hua hai। lekin praapta is sangam par hi hota hai। is sangamayug par hi anubhooti karte ho, yeh vishesh sangamayug ki praapti ati shreshtha hai। to aise shreshtha bhaagya ka anubhav sada emerge rehta hai ya kabhi merge,kabhi emerge rehta hai? aur purushaartha kya kiya? itne bade bhaagya ki praapti ke liye purushaartha kitna sahaj hua। sirf dil se jaana,maana aur apna banaaya “mera baba”। dil se pahchaana,main baba ka,baba mera। mera maanna aur adhikaari ban jaana। adhikaar bhi kitna bada hai! socho, koi poochhe kya-kya mila hai? to kya kahenge?jo paana tha woh pa liya। apraapta nahin koi vastu parmaatma khazaane mein। aise praapti swaroop ka anubhav kar liya va kar rahe hain?bhavishya ki baat alag hai,is sangamgug ka hi praapti swaroop ka anubhav hai। agar sangamayug par anubhav nahin kiya to bhavishya mein bhi nahin ho sakta। kyon? bhavishya praalabdha hai lekin praalabdha is purushaartha ke shreshtha karma se banti hai। aise nahin ki last mein anubhav swaroop banenge। sangamayug ke bahutkaal ka yeh anubhav hai। jeevanmukta ka vishesh anubhav ab ka hai। bephikra baadshaah banne ka anubhav ab hai। to sabhi bephikra baadshaah ho ki phikar hai? jo bephikra baadshaah bane hain woh haath uthaao। ban gaye hain ki ban rahe hain? ban gaye hain na! kya phikar hai?jab daata ke bachche ban gaye to phikar kya rah gaya? mera baba maana aur phikar ki anek tokriyon ka bojh utar gaya। bojh hai kya? hain?prakriti ka khel bhi dekhte ho, maaya ka khel bhi dekhte ho lekin bephikra baadshaah hokar, saakshi hokar khel dekhte ho। duniya vaale to darte hain,pata nahin kya hoga! aapko dar hai?darte ho? nikshay aur nishchint hain jo hoga woh achhe te achha hoga। kyon?trikaaldarshi ban kar drishya ko dekhte ho। aaj kya hai,kal kya hone vaala hai,isko achhi tarah se jaan gaye ho, knowledgeful ho na! sangam ke baad kya hona hai, aap sabke aage spashta hai na! nav yug aana hi hai। duniya vaale kahenge,aayega?question hai aayega? aur aap kya kehte hain? aaya hi pada hai। isliye kya hoga, question nahin hai। pata hai - svarna yug aana hi hai। raat ke baad ab sangam prabhaat hai, amritvela hai, amritvele ke baad din aana hi hai। nishchay jisko bhi hoga woh nishchinta,koi chinta nahin hogi, bephikar। vishwa rachta dvaara rachna ki spashta knowledge mil gai hai।

baapdaada dekh rahe hain sabhi bachche sneh ke,sahayog ke aur samparka ke pyaar mein bandhe hue apne ghar mein pahuch gaye hain। baapdaada sabhi snehi bachchon ko, sahayogi bachchon ko, samparka vaale bachchon ko apne adhikaar lene ke liye apne ghar mein pahunchne ki mubaarak de rahe hain। mubaarak ho, mubaarak ho। baapdaada ka pyaar bachchon se jyaada hai va bachchon ka baapdaada se jyaada hai? kiska hai?aapka ya baap ka? baap kehte bachchon ka jyaada hai। dekho, bachchon ka pyaar hai tab to kahaan-kahaan se pahunch gaye hain na! kitne deshon se aaye hain? (50 deshon se) 50 desho se aayen hain। lekin sabse door se door kaun aaya hai? America vaale door se aaye hain? aap bhi door se aaye hain lekin baapdaada to paramdham se aaya hai। uski bhent mein America kya hai! America door hai ya paramdham door hai?sabse doordeshi baapdaada hai। bachche yaad karte aur baap haajir ho jaate hain।

abhi baap bachchon se kya chaahte hain? poochhte hain na - baap kya chaahte hain? to baapdaada yahi meethe-meethe bachchon se chaahte hain ki ek-ek bachcha svaraajya adhikaari raaja ho। sabhi raaja ho?svaraajya hai?sva par raajya to hai na। jo samajhte hain svaraajya adhikaari raaja bana hoon, woh haath uthaao। bahut achha। baapdaada ko bachchon ko dekhkar pyaar aata ki 63 janma bahut mehnat ki hai, duhkh- ashaanti se door hone ki। to baap yahi chaahte hain ki har bachcha abhi svaraajya adhikaari bane। man-buddhi-sanskaar ka maalik bane,raaja bane। jab chaahe, jahaan chaahe, jaise chaahe vaise man-buddhi-sanskaar ko parivartan kar sake। tension free life ka anubhav sada emerge ho। baapdaada dekhte hain kabhi merge bhi ho jaata hai। sochte hain yeh nahin karna hai,yeh right hai,yeh wrong hai,lekin sochte hai swaroop mein nahin laate hain। sochna maana merge rehna, swaroop mein laana arthaat emerge hona। samay ke liye to nahin intajaar kar rahe ho na! kabhi-kabhi karte hain। roohrihaan karte hain na to kai bachche kehte hain, samay aane par theek ho jaayenge। samay to aapki rachna hai। aap to master rachta ho na! to master rachta,rachna ke aadhaar par nahin chalte। samay ko samaapti ke najdeek aap master rachta ko laana hai।

ek second mein man ke maalik ban man ko order kar sakte ho? kar sakte ho? man ko ekaagra kar sakte ho? fullstop laga sakte ho ki lagaayenge fullstop aur lag jaayega question mark? kyon,kya, kaise yeh kya, woh kya,aashcharya ki maatra bhi nahin। fullstop, second mein point ban jaao। aur koi mehnat nahin hai,ek shabd sirf abhyaas mein laao “point”। point swaroop banna hain, vesta ko point lagaani hain aur mahaavaakya jo sunte ho us point par manan karna hai, aur koi bhi takleeph nahin hain। point yaad rakho,point lagaao,point ban jaao। yeh abhyaas saare din mein beech-beech mein karo, kitne bhi busy ho lekin yeh trial karo ek second mein point ban sakte ho? ek second mein point laga sakte ho? jab yeh adhyaas baar-baar ka hoga tab hi aane vaale antim samay mein kul points le sakenge। paas with honour ban jaayenge। yahi parmaatma padhaai hai, yahi parmaatma paalna hai।

to jo bhi aaye hain,chaahe pahli baari aane vaale hain, jo pahli baari milan manaane ke liye aaye hain woh haath uthaao। bahut aaye hain। welcome। jaise abhi pahle baari aaye ho na, to pahla number bhi lena। chance hain, aap sochenge ham to abhi- abhi pahle baari aaye hain,hamaare se pahle vaale to bahut hain lekin drama mein yeh chance rakha hua hai ki last so fast aur fast so first ho sakte ho। chance hain aur chance lene vaalo ko baapdaada chancellor kehte hain। to chancellor bani। banna hain chancellor? chancellor banna hai? jo samajhte hain chancellor banenge, woh haath uthaao। chancellor banenge? vaah! mubaarak ho। baapdaada ne dekha yahaan to jo bhi aaye hain woh sab haath utha rahe hain, majority utha rahe hain,mubaarak ho,mubaarak ho। baapdaada ne aap sabhi aane vaale meethe-meethe, pyaare-pyaare bachchon ko vishesh yaad kiya hai, kyon yaad kiya? (aaj sabha mein desh-videsh ke bahut se vi.aai.Ps baithe hain) kyon nimantran diya? pata hai? dakho,nimantran to bahuton ko mila lekin aane vaale aap pahunch gaye ho। kyon baapdaada ne yaad kiya? kyonki baapdaada jaante hain ki jo bhi aayen hain woh snehi,sahayogi se sahajyogi banne vaali quality hain। agar himmat rakhenge to aap sahajyogi ban auron ko bhi sahaj yog ka messenger ban message de sakte ho। message dena arthaat godly messenger banna। aatmaon ko duhkh, ashaanti se chhudaana। phir bhi aapke hi bhaai-bahnen hain na। to apne bhaai va bahnon ko godly message dena arthaat mukta karna। iski duaayen bahut milti hai। kisi bhi aatma ko dukh, ashaanti se chhudaane ki duaayen bahut milti hai aur duaayen milne se ateendriy sukh aantarik khushi ki feeling bahut aati hai। kyon? kyonki khushi baanti na to khushi baantane se khushi badhti hai। sabhi khush ho? vishesh baapdaada mehmaanon se nahin, adhikaariyon se poochhte hain। apne ko mehmaan nahin samajhna, adhikaari hain। to sabhi khush hain? haan aap aane vaalon se poochhte hain,kahne mein aata hai mehmaan lekin mehmaan nahin ho, mahaan ban mahaan banaane vaale ho। to poochho khush hain?khush hain to haath hilaao। sabhi khush hain,abhi jaakarke kya karenge?khushi baantege na! sabko khoob khushi baantana। jitni baantege utni badhegi, theek hain। achha - khoob taali bajaao। (sabhi ne khoob taaliya bajaai) jaise abhi taali bajaai,aise sada khushi ki taaliyaan automatic bajti rahe। achha।

seva ka tarna - bhopaal zone:-bhopaal vaale utho। seva ka chance lene mein kitne padam,kadam mein jama kiye? jama kiya? kyonki yahaan to seva aur yagya pita ki yaad rehti hai। yagya seva karte ho to yagya pita ki yaad to svatah aati hai। yahaan kya kiya? do kaam the na,bas, aur to koi kaam nahin tha। baap ko yaad karna aur seva karna aur koi duty thi kya? yahi thi na! seva karna arthaat shaktishaali meva khaana। to bahut achhi seva ki, apne liye bhi duaayen jama kiya aur doosron ko bhi aaraam diya arthaat baap ki yaad dilaai। to achha golden chance liya aur yahaan ka jama kiya hua vahaan jaake svayan prati bhi badhaana aur doosron ko bhi baantana। achha hai। ismen teachers haath uthaao।

baapdaada sada teachers ko kehte hain,teachers arthaat jiske features se future dikhaai de। aisi teachers ho na! aapko dekhkar svarga ke sukh ki feeling aaye। shanti ki anubhooti ho। chalte-phirte pharishte dikhaai den। aisi teachers ho na। achha hai। chaahe pravritti mein rahne vaale hain, chaahe seva ke nimitta bane hue hain lekin sabhi baapdaada samaan banne vaale nishchaybuddhi vijayi hain। to seva karna bahut achha laga na। santushta rahe? rahe to haath hilaao। bahut achha, mubaarak ho, mubaarak ho, mubaarak ho।

media wing:- (banner dikha rahe hain –“moolya nishtha media, satyata,nirbhayta,divyata parmaatma pratyakshata”) achha lakshya rakha hai,media arthaat baapdaada ki pratyakshata ka aavaaj phailaane vaale। pratyakshata ka vishesh saadhan media hai kyonki log kehte hain ki aapka aavaaj itna chaaron onr nahin phaila hai, to media aisa saadhan hai jo chaaro or aavaaj phaila sakte hain। abhi thoda- thoda aavaaj phailaaya hai isliye abhi aisa vaayumandal banaao jo har media ke saadhan vaale svayan offer kare ki humein kuchh seva do। connection rakh rahe ho lekin connection vaalon ko relation vaala banaao,jisse woh khud samjhen ki hamaari bhi jimmevaari hai। kar rahe hain । karte rahenge aur avashya aavaaj phailna hi hai। phailaane vaale hoshiyaar hain to aavaaj phailega na! shuru kiya hai, achha kiya hai, abhi usko badhaao। (daadi ji ki ichchha hai - ek karod logon ko sandesh mile,to is shiv jayanti par woh sandesh sabko mil jaaye, aisa plan banaaya hai, aur bhi kai plan baapdaada ko sunaaye) mubaarak ho। practical mein karenge phir gift bhi denge, abhi mubaarak ho।

scientist evam engineer wing:- (banner dikhaaya – nimitta, nirmaanta se navnirmaan,gyaan vigyaan jaagriti abhiyaan) achha banaaya hai। abhi scientist aur engineer department ko aisa kuchh karke dikhaana hain jo logon ko anubhav ho ki silence ki shakti science ko bhi refine aur pragti mein la sakti hai। science aur silence ka milan kya-kya kar sakta hai, woh vishesh pahle points nikaalo aur phir woh phailaao। science vaalon ko pata pade ki silence hamaare science mein kya sahayog de sakti hain, kya unnati ho sakti hai, aisa anubhav svayan karo bhi aur karaao bhi। achha hain baapdaada khush hain, har ek varga kaam mein to laga hua hai,manan karna shuru hai, abhi manan se makkhan nikaalo। koi aise vishesh anubhav unheen ke saamne rakho kyonki aajkal practical anubhav ka prabhaav jyaada padta hai। topic par bhaashan karte ho lekin bhaashan mein bhi vishesh practical anubhav sunaane ka lakshya rakho। baaki achha kar rahe hain, achha hai, yeh bhi chance mil jaata hai, vidhi achhi banaai hai। achha - mubaarak ho, kiya hai uski bhi mubaarak, aur aage karenge uski in advance mubaarak ho। (is wing ke sadasyon ne do gun vishesh dhaarna ke liye rakhe hain nimitta bhaav aur nirmaan) bahut achha kiya hai, karte rehna aur lakshya ko pakka rakhna।

praashaasak varga:- achha aap logon ne bhi plan banaaye hain aur banaate hi rehte hain। achha hai agar prashaasak parivartan ho jaae to sab parivartan ho sakte hain kyonki kahaavat hai yatha raaja tatha praja। to agar sabhi taraph prashaasak apne jeevan mein parivartan kare to auron ko bhi parivartan karne ke nimitta bana sakte hain,kyonki har desh mein prashaasan karne vaale to hote hi hain। to har desh mein vishesh unhon ko parivartan ka sandesh dekar yogya banaao auro ko parivartan karne ke। baaki achhi seva hai,bahuton ka phaayda kar sakte ho। ek anekon ke nimitta banne vaale hote hain isliye kar bhi rahe ho aur, aur bhi teevragti se parivartan ka plan practical mein laao। aavashyakta hai is varga ki। sabki najar aaj isi varga ke oopar hai। to nimitta bane ho, nirmaan karenge hi। achha।

double videshi:-double videshi vishwa ke kone-kone mein sandesh dene ka kaarya bahut achha kar rahe hain। baapdaada sunte hain 50 deshon se aayen hain, to 50 deshon mein sandesh vaahak baithe hain। sandesh dene ka kaarya kar rahe hain aur abhi plan bhi achha bana rahe hain ki jahaan bhi sandesh nahin pahuncha hain vahaan nimitta banna hi hain। kar bhi rahe hain yeh bhi braapdaada ke paas pahunchta hain, abhi umang-utsaah hain aur jahaan umang-utsaah hain vahaan saphalta hai hi hai। to double videshi kaun ho?saphalta ke sitaare ho। hain na! saphalta ke sitaare hain। achha kar rahe hain। ek-ek ke dil ka aavaaj baapdaada tak pahunchta rehta hai। yeh karen, yeh karen, yeh bhi karen, woh bhi karen, umang-utsaah achha hain aur saphalta to honi hi hai। aapke charnon mein. gale mein saphalta hai hi hai। aur aap sabko dekh karke sabhi khush bhi hote hain। aapka aahvaan karte hain, double videshi zaroor hone chaahiye। laadle ho gaye ho na। to bahut achha kar rahe ho, karte rahenge। ud rahe ho, udaate rahenge। sab teachers bahut umang mein hain na। dekho aapke umang-utsaah se yeh mahaan adhikaari aatmaayen bhi pahunch gai hain। group achha laaya hai। jinhonne bhi laaya hai unko mubaarak hai। quality achhi laaye hain। abhi aur aavaaj phailega zaroor। achha,mubaarak ho,mubaarak ho। mubaarak ho। achha।

chaaron or ke chaahe saakaar roop mein saamne hain,chaahe door baithe bhi dil ke najdeek hain,aise sada shreshtha bhaagyavaan aatmaon ko,sada nimitta ban nirmaan ka kaarya saphal karne vaale vishesh aatmaon ko,sada baap ke samaan banne ke umang-utsaah mein aage badhne vaale himmatvaan bachchon ko, sada har kadam mein padmon ki kamaai jama karne vaale bahut-bahut world mein padamguna dhanvaan, bharpoor aatmaon ko baapdaada ka yaadapyaar aur namaste।

daadi aur daadi jaanki ji se:- aap (daadi) roop ho aur yeh (daadi jaanki) basanta hai। aap drishti se hi kaam utaar deti ho। aise oopar haath karke naachti hain na। achha hai। (sabko halka bana deti hain) achha hai,aapke saathi bhi achhe hain na। achha hai,vaayumandal banaana, yeh bhi sabse oonche te oonchi seva hai। aap aadi ratnon se vaayumandal banta hai। chaahe bolo, chaahe nahin boli lekin vaayumandal banaane vaale ho। dekho, kitni seva kar rahi ho। (manohar daadi se) bahut achha sabhi ko hansa deti ho,yeh seva bahut achhi karti ho। achha hai, (munni behen se) busy rehti ho, busy rakhne mein bhi hoshiyaar ho। (neelu behen se) bahut achha part baja rahi ho। (eeshu daadi se) yeh gupta rehti hai lekin vibration achha banaati hai। bahut achha (nirmalshaanta daadi se) abhi prakritijeet ban gai। abhi prakriti ke vash nahin, prakritijeet। dekho sangathan mein kitni achhi lag rahi ho। sabse fresh to aap lag rahi ho। sabko haath hilaao। (rukamni behen se) theek ho, seva pyaar se karti ho।

double videshi nimitta badi bahnon se:- achha service ka saboot de rahe hain। isse hi aavaaj phailega। anubhav sunaane se auron ka bhi anubhav badhta hai। to baapdaada khush hain, foreign ki seva mein nimitta banne vaale achhe umang-utsaah se seva mein busy rehte hain। gaye desh se hain lekin videsh vaalon ki seva aise hi nimitta banke kar rahe hain jaise vahaan ke hi hain। apnepan ki bhaasna dete ho। aur sab taraph ke hain। ek taraph ke nahin hain,london ke ya America ke nahin, behad sevaadhaari hain। jimmevaari to vishwa ki hai na। to baapdaada mubaarak de rahe hain। kar rahe ho, aage aur achhe te achha udte aur udaate rahenge। achha।

double videshi mehmaanon se:-

1. baapdaada ne aap sabhi ko kyon yaad kiya?kyon kiya?kyonki aapko godly messenger banna hain। message to samajh gaye ho na! message kya hai, yaad karo। yeh message to jaante ho na! sabko baap ki yaad dilaate raho, bas। sahaj hai na। mushkil to nahin lagta? yaad mein raho aur yaad dilaaon। bahut achha kiya jo pahunch gaye।

2. apne ko baap ke arthaat paramatma ke janma siddha adhikaar ke adhikaari samajhte ho na?samajhte ho?poora adhikaar lene vaale ho na! half nahin full। aap mehmaan nahin,mahaan ban auron ko mahaan banaane vaale ho। khushi hai na! khush hain? ever happy?abhi ever happy rehna,khushi nahin gavaani hain। sada muskaraate raho। muskaraana achha hain na! to ever happy group। OK ever happy group, very good। bahut achha।

3. sabhi holi aur happy hans ho। hans ka kaam kya hota hai? hans mein nirnay shakti bahut hoti hai। to aap bhi holi happy hans vyartha ko samaapta karne vaale aur samartha ban samartha banaane vaale ho। sabhi ever happy? ever-ever happy। abhi kabhi duhkh ko aane nahin dena। duhkh ko divorce de diya, tabhi to doosron ka duhkh nivaaran karenge na! to sukhi rehna hai aur sukh dena hai। yeh kaam karenge na! yahaan se jo sukh mila hai woh jama rakhna। kabhi bhi kuchh bhi ho na - baba, meetha paaya, dukh de do, apne paas nahin rakhna। kharaab cheez rakhi jaati hai kya? to duhkh kharaab hai na! to duhkh nikaal do, sukhi raho। to yeh hai sukhi group aur sukhdaai group। chalte-phirte sukh dete raho। kitna aapko duaayen milengi। to yeh group blessing ke paatra hain। (personal) khush hain na! abhi muskaraao। bas muskaraate rehna। khushi mein naacho।

double videshi mukhya bhaai-bahnen jinhonne seva ki:-sabhi ne bahut achhi seva ki,uski bahut-bahut mubaarak। aise hi seva karte rehna। achha group hai। (ek book bana rahe hain) baapdaada ne samaachaar suna tha। achha sabko mahaavaakya milenge, mahaan ban jaayenge। to ismen aisa jaadu bharna jo kitaab khole to jaadu lag jaae। khushi mein naachne lag jaayen। achhi mehnat kar rahe ho, baapdaada khush hai।

aphreeka ke mukhya bhaai-bahne vahaan ki seva ka samaachaar suna rahe hain -bahut achha। baapdaada ki duaayen hain। plan bahut achha hai। mubaarak ho। achha,yeh nimitta bana hai, donon hi achhe nimitta ho। itni ka kalyaan kiya hai, yeh bhi bahut bada punya hai। punyaatma ban gaye। saathi donon hi theek hain। bahut achha। (vedaanti behen se) yeh bhi sahayog achha de rahi hai। (jayanti behen se) yeh backbone hai।

achha।om shanti।