Avyakt murli for Friday 18 January 2008

>

18-01-08 om shanti avyakt baapdaadaamdhuban

‘‘sachche snehi ban, sab bojh baap ko dekar mauj ka anubhav karo,mehnat mukta bano’’

aaj baapdaada apne chaaron or ke bephikra baadshaahon ke sangathan ko dekh rahe hain। itni badi baadshaahon ki sabha saare kalpa mein is sangam ke samay hoti hai। svarga mein bhi itni badi sabha baadshaahon ki nahin hogi। lekin ab baapdaada sarva baadshaahon ki sabha ko dekh harshit ho rahe hain। door vaale bhi dil ke najdeek dikhaai de rahe hain। aap sab naynon mein samaaye hue ho, woh dil mein samaaye hue hain। kitni sundar sabha hai, sabke chehron par aaj ke vishesh divas par avyakt sthiti ke smriti ki jhalak dikhaai de rahi hai। sabke dil mein brahma baap ki smriti samaai hui hai। aadi dev brahma baap aur shiv baap donon hi sarva bachchon ko dekh harshit ho rahe hain।

aaj to savere do baje se lekar baapdaada ke gale mein bhinna-bhinna prakaar ki maalaayen padi hui thi। yeh phoolon ki maalaayen to common hai। heeron ki maalaayen bhi koi badi baat nahin hai lekin sneh ke amoolya motiyon ki maala ati shreshtha hai। har ek bachche ke dil mein aaj ke din sneh vishesh emerge raha। baapdaada ke paas chaar prakaar ki bhinnabhinna maalaayen emerge thi। pahla number shreshtha bachchon ki jo baap samaan banne ke shreshtha purooshaarthi bachche hain,aise bachche maala ke roop mein baap ke gale mein piroye hue the। pahli maala sabse chhoti thi। doosri maala - dil ke sneh sameep samaan banne ke purooshaarthi bachchon ki maala, woh shreshtha purooshaarthi yeh purooshaarthi। teesri maala thi - jo badi thi woh thi snehi bhi,baap ki seva mein saathi bhi lekin kabhi teevra purooshaarthi aur kabhi, kabhi-kabhi toofaanon ka saamna jyaada karne vaali। lekin chaahne vaale,sampanna banne ki chaahna bhi achhi rehti hai। chauthi maala thi ulhanen vaalon ki। bhinna-bhinna prakaar ke bachchon ki maalaayen avyakt pharishte face ke roop mein maalaayen thi। baapdaada bhi bhinna-bhinna maalaaon ko dekh khush bhi ho rahe the aur sneh aur sakaash saath-saath de rahe the। abhi aap sab apne aapko socho main kaun? lekin chaaron or ke bachchon mein vishesh sankalp vartamaan samay dil mein emerge hai ki ab kuchh karna hi hai। yeh umang-utsaah majority mein sankalp roop mein hai। swaroop mein nambarvaar hai lekin sankalp mein hai।

baapdaada sabhi bachchon ko aaj ke sneh ke din, smriti ke din, samarthi ke din ki vishesh dil ki duaayen aur dil ki badhaaeeyaan de rahe hain। aaj ka vishesh din sneh ka hone kaaran majority sneh mein khoye hue hain। aise hi purooshaartha mein sada sneh mein khoye hue raho। lavleen raho to sahaj saadhan hai sneh,dil ka sneh। baap ke parichay ki smriti sahit sneh। baap ke praaptiyon ke sneh sampanna sneh। sneh bahut sahaj saadhan hai kyonki snehi aatma mehnat se bach jaati hai। sneh mein leen hone ke kaaran, sneh mein khoye hue hone ke kaaran kisi bhi prakaar ki mehnat manoranjan ke roop mein anubhav hogi। snehi svatah hi deh ke bhaan, deh ke sambandh ka dhyaan, deh ki duniya ke dhyaan se oopar sneh mein svatah hi leen rehti। dil ka sneh baap ke sameep ka, saath ka, samaanta ka anubhav karaata hai। snehi sada apne ko baap ki duaaon ke paatra samajhte hain। sneh asambhav ko bhi sahaj sambhav kar deta hai। sada apne mastak par maathe par baap ke sahayog ka,sneh ka haath anubhav karte hain। nishchaybuddhi,nishchint rehte hain। aap sabhi aadi sthaapna ke bachchon ko aadi ke samay ka anubhav hai,abhi bhi seva ke aadi nimitta bachchon ko anubhav hai ki aadi mein sabhi bachchon ko baap mila, us smriti se sneh ka nasha kitna tha! knowledge to peechhe milti lekin pahla-pahla nasha sneh mein khoye hue hain। baap sneh ka saagar hai to majority bachche aadi se sneh ke saagar mein khoye hue hain, purooshaartha ki raphtaar mein bahut achhe speed se chale hain। lekin koi bachche sneh ke saagar mein kho jaate hain,koi sirf dubki lagaake baahar aa jaate hain। iseelie jitna khoye hue bachchon ko mehnat kam lagti utni unhon ko nahin। kabhi mehnat, kabhi muhabbat, donon mein rehte hain। lekin jo sneh mein lavleen rehte hain woh sada apne ko chhatrachhaaya ke andar rahne ka anubhav karte hain। dil ke snehi bachche mehnat ko bhi muhabbat mein badal lete hain। unhon ke aage pahaad jaisi samasya bhi pahaad nahin lekin rooi samaan anubhav hoti hai। patthar bhi paani samaan anubhav hota hai। to jaise aaj vishesh sneh ke vaayumandal mein rahe to anubhav kiya mehnat hai ya manoranjan hua!

aaj to sneh ka sabko anubhav hua na! sneh mein khoye hue the? khoye hue the sabhi! aaj mehnat ka anubhav hua? kisi bhi baat ki mehnat ka anubhav hua? kya, kyon,kaise ka sankalp aaya?sneh sab bhula deta hai। to baapdaada kehte hain sab baapdaada ke sneh ko bhoolo nahin। sneh ka saagar mila hai, khoob lahraao। jab bhi koi mehnat ka anubhav ho na,kyonki maaya beech-beech mein paper to leti hai, lekin us samay sneh ke anubhav ko yaad karo। to mehnat muhabbat mein badal jaayegi। anubhav karke dekho। kya hai, galti kya ho jaati hai! us samay kya, kyon… ismen bahut chale jaate ho। jo aaya hai woh jaata bhi hai lekin jaayega kaise?sneh ko yaad karne se mehnat chali jaayegi kyonki sabhi ko bhinna-bhinna samay par baapdaada donon ke sneh ka anubhav to hai। hai na anubhav! kabhi to kiya hai na, chalo sada nahin hai kabhi to hai। us samay ko yaad karo - baap ka sneh kya hai! baap ke sneh se kya-kya anubhav kiya! to sneh ki smriti se mehnat badal jaayegi kyonki baapdaada ko kisi bhi bachche ki mehnat ki sthiti achhi nahin lagti। mere bachche aur mehnat! to mehnat mukta kab banenge? yeh sangamayug hi hai jismen mehnat

mukta,mauj hi mauj mein rah sakte hain। mauj nahin hai to koi na koi bojh buddhi mein hai,baap ne kaha hai bojh mujhe de do। maimpan ko bhool trustee ban jaao। jimmevaari baap ko de do aur svayan dil ke sachche bachche ban khaao,khelo aur mauj karo kyonki yeh sangamayug sabhi yug mein se maujon ka yug hai। is maujon ke yug mein bhi mauj nahin manaayenge to kab manaayenge? baapdaada jab dekhte hain na ki bachche bojh uthaake bahut mehnat kar rahe hain। de nahin dete, khud hi utha lete। to baap ko to taras padega na,raham aayega na। maujon ke samay mehnat! sneh mein kho jaao, sneh ke samay ko yaad karo। har ek ko koi na koi samay vishesh sneh ki anubhooti hoti hi hai, hui hai। baap jaanta hai hui hai lekin yaad nahin karte ho। mehnat ko hi dekhte rehte,ulajhte rehte। agar aaj bhi amritvele se ab tak dil se baapdaada donon authority ke sneh ka anubhav kiya hoga to aaj ke din ko bhi yaad karne se sneh ke aage mehnat samaapta ho jaayegi।

abhi baapdaada is varsha mein har bachche ko sneh yukta,mehnat mukta dekhne chaahte hain। mehnat ka naamnishaan dil mein nahin rahe,jeevan mein nahin rahe। ho sakta hai? ho sakta hai? jo samajhte hain karke hi chhodna hai, himmat vaale hain vo haath uthaao। aaj vishesh aise har bachche ko baap ka vishesh vardaan hai - mehnat mukta hone ka। sveekaar hai?hai! phir kuchh ho jaae to kya karenge! kya kyon to nahin karenge na? muhabbat ke samay ko yaad karna। anubhav ko yaad karna aur anubhav mein kho jaana। aapka vaayda hai। baap bhi bachchon se prashn poochhte hain, ki aap sabka vaayda hai ki ham baap dvaara 21janmon ke liye jeevanmukta avastha ka pad praapta kar rahe hain, karenge hi, to jeevanmukta mein mehnat hoti hai kya? 21 janma mein ek janma sangam ka hai। aapka vaayda 21janmon ka hai, 20 janmon ka nahin hai। to abhi se mehnat mukta arthaat jeevanmukta,bephikra baadshaah। abhi ke sanskaar aatma mein 21 janma emerge rahenge। to 21 janma ka varsa liya hai na! ya lena hai abhi? to attention please, mehnat mukta, santushta rehna aur santushta karna। sirf rehna nahin, karna bhi hai। tabhi mehnat mukta rahenge। nahin to roj koi na koi bojh ki baaten, mehnat ki baaten, kya kyon ki bhaasha mein aayengi। abhi samay ki sameepta ko dekh rahe ho। jaise samay ki sameepta ho rahi hai aise aap sabka bhi baap ke saath sameepta ka anubhav badhna chaahiye na। baap se aapki sameepta samay ki sameepta ko samaapta karegi। kya aap sabhi bachchon ko aatmaon ke duhkh ashaanti ka aavaaj kaanon mein nahin sunaai deta! aap hi poorvaj bhi ho, poojya bhi ho। to he poorvaj aatmaayen, he poojya aatmaayen, kab vishwa kalyaan ka kaarya sampanna karenge?

baapdaada ne samaachaaron mein dekha hai,har varga vaale apni-apni meeting karte hain, plan banaate hain ki vishwa kalyaan ki gati ko teevra kaise karen? plan to bahut achhe banaate hain, lekin baapdaada poochhte hain aakhir bhi kab tak?iska uttar daadiyaan dengi - aakhir kab tak? paandav denge - aakhir kab tak? baap ki pratyakshata ho, yahi sabhi har varga ke plan banaane mein lakshya rakhte hain। lekin pratyakshata hogi dridh pratigya se। pratigya mein dridhta, kabhi kisi kaaran se va baaton se dridhta kam ho jaati hai। pratigya bahut achhi karte hain, amritvele agar aap sun sako na, baap to sunte hain,aapke paas aisa abhi science ne saadhan nahin diya hai jo sabhi ke dil ka aavaaj sun sako। baapdaada sunte hain, vaaydon ki maalaayen, sankalp karne ki baaten itni achhi-achhi dil khush karne vaali hoti hain jo baapdaada kehte vaah bachche vaah! sunaayen kya kya karte ho! jab karma mein aate ho na, murli tak bhi 75percent theek hote hain। lekin jab karmayog mein aate ho usmein pharka aa jaata hai। kuchh sanskaar kuchh svabhaav,svabhaav aur sanskaar saamna karte hain, usmein pratigya dridh ke bajaae saadhaaran ho jaati hai। dridhta ki percentage kam ho jaati hai।

baapdaada ek khel bachchon ka dekh muskaraate hain। kaun sa khel karte ho,bataayen kya?bataayen tab jab is khel ko khatma karo। karenge, karenge?aaj to sneh ki shakti hai na! karenge?haath uthaao। haath sirf nahin, dil ka haath uthaana,karna hi padega। phir baapdaada thoda…, thoda-thoda karega kuchh। bataayen? paandav bolo, bataayen?yeh pahli line bolo bataayen? bolo। karna padega। bataayen? agar haan hai to pahli line haath uthaao। yeh do line vaale haath uthaao। madhuban vaale bhi haath uthaayen। dil ka haath hai na। achha। baapdaada ko to khel dekhne mein raham aata hai,maja nahin aata hai kyonki baapdaada dekhte hain bachche apni baat doosre ke oopar rakhne mein bahut hoshiyaar hain। kya khel karte? baaten bana dete hain। sochte hain kaun dekhne vaala hai! main jaanoon meri dil jaane। baap to paramdham mein,sookshm vatan mein baitha hai। agar kisko kaho ki yeh nahin karna chaahiye,to khel kya karte hain pata hai? haan hua to hai lekin… lekin zaroor daalte hain। lekin kya? aisa tha na, aisa kiya na, aise hota hai na,tabhi hua, mainne nahin kiya, aise hua tabhi |abhi isne kiya, tabhi kiya। nahin to main nahin karta,to yeh kya hua? apni mahsoosta, realisation kam hai। achha,maanon usne aisa kiya, tabhi aapne kiya, chalo bahut achha। pahla number woh hua,doosra number aap hue,theek hai। baapdaada yeh bhi maan lete hain। aap pahla number nahin hai, doosra number hain lekin agar aap sochte ho ki pahla number parivartan kare to main theek hoonga, theek hai? yeh samajhte hain na us samay। maano pahla number parivartan karta hai। baapdaada aur sabhi pahle number vaale ko kehte hain aapki galti hai, aapko parivartan karna hai, theek hai। achha agar pahle number vaale ne parivartan kiya, to pahla number kisko milega?aapka to pahla number nahin hoga। parivartan shakti mein aapka pahla number nahin hoga। pahla number aapne usko diya to aapka kaun sa number hua? doosra number hua na। agar aapko kahen doosra number hain to manjoor karenge। karenge? kahenge nahin, aise tha, vaise tha, kaise tha… yeh bhaasha bahut khel mein aati hai। aise vaise kaise yeh khel banda karke mujhe parivartan hona hai। main parivartan hoke doosre ko parivartan karoon, lekin agar doosre ko parivartan nahin kar sakte ho to shubh bhaavna, shubh kaamna to rakh sakte ho! woh to aapki apni cheez hai na! to he arjun mujhe banna hai। pahla vishwa ke raajyadhaari lakshmi-naaraayan ke sameep aapko aana hai ya doosre number vaale ko?

baapdaada ki is varsha ki yahi aash hai ki sabhi brahman aatmaayen,brahmaakumaar brahmaakumaari jaise yahaan yeh badge lagaate ho na,sabhi lagaate hain na! yahaan bhi aate ho to aapko badge milta hai na, chaahe kaagaj ka, chaahe sone ka, chaahe chaandi ka। to jaise yahaan badge lagaate ho vaise dil mein, man mein yeh badge lagaao, mujhe parivartan hona hai। mujhe nimitta banna hai। parivartan ke kaarya mein brahma baap samaan pahle main,doosri baaton mein bhale peechhe raho, vyartha baaton mein। lekin parivartan mein pahle main। theek hai na! manjoor hai? to kal amritvele baapdaada dekhega, baapdaada ko deri nahin lagti hai, switch on hua to sab world dikhaai deti hai। to kal amritvele sabhi baap se milan manaayenge na। to milan manaate hue yeh badge lagaana। dekhenge kaun badge lagaata hai practical mein। aise nahin,show ke liye nahin lagaana hai,parivartan hona hi hai। dridhta hai na। dridh hain na! haath uthaate hain na sabhi, to baapdaada ko thoda sa lagta hai pata nahin karenge, ya nahin karenge। yeh bhi achha,yeh haath uthaate ho to ek second to sankalp achha kiya, lekin karke hi chhodna hai। mujhe badalna hai, badalkar badlaana hai। yeh badle, yeh baat badle, yeh vyakti badle,yeh circumstance badle, nahin। mujhe badalna hai। baaten to aayengi, aap oonche ja rahe ho, oonche sthaan par samasyaayen bhi to oonchi aati hai na! lekin jaise aaj nambarvaar yathaashakti sneh ke smriti ka vaayumandal tha। aise apne man mein sada sneh mein lavleen rahne ka vaayumandal sada emerge rakho।

baapdaada ke paas samaachaar bahut achhe achhe aate hain। sankalp tak bahut achhe hain। swaroop mein aane mein yathaashakti ho jaate hain।

abhi do minute ke liye sabhi parmaatma sneh, sangamayug ke aatmik mauj ki sthiti mein sthit ho jaao। achha - isi anubhav mein baar-baar har din mein samay prati samay anubhav karte rehna। sneh ko nahin chhodna। sneh mein kho jaana seekho। achha।

seva ka tarna gujraat zone ka hai:- gujraat ke kumaar utho। achha hai - kumaar ka arth hi hai ki shareer mein shaktishaali,man ki shakti mein bhi shaktishaali aur shareer se bhi halke,aatma mein bhi halke। to aise kumaar ho?haath hilaao,hain? koi bojh ki report to nahin aayegi। aaj se gujraat ke youth ki koi report nahin aayegi na! aisa hoga? report nahin aayegi ya aayegi? jo kehte hain report nahin aayegi woh haath uthaao। haan photo nikaalo। pakka kaam karna hai na। achha hai। baapdaada ke paas ek youth group ka samaachaar bhi aaya hai, achha purooshaartha kiya hai, himmat achhi rakhi hai,programme ki vidhi bhi achhi hai। agar koi aur zone vaale is vidhi ko apnaane chaahe to baapdaada ko achha laga hai, programme jo banaaya hai aur abhi kiya hai, uske liye baapdaada ki taraph se amarbhav ka vardaan hai। abhi sabhi jo bhi youth aaye hain, sabhi ko pahle main parivartan mein aage kadam uthaaoonga, yeh manjoor hai na। pahle main ya pahle yeh? pahle main vaala haath uthaao | dekho,aap achhi tarah se photo nikaalo। baapdaada ko result dekhni hai na। achha hai। youth saare vishwa vidyaalay ki result ko pratyaksha kar sakte hain। government ki problems door kar sakte hain, donon government। almighty government bhi nirvighna dekhne chaahti aur aajkal ki government bhi nirvighna bhaarat ko dekhne chaahti, lekin nimitta youth ko banaane chaahti। to karke dikhaana hai, amar rehna hai। vaayde nibhaane mein bhi amar rehna। baaki purooshaartha kar rahe hain, sankalp kiya hai, aage bhi karte aur karaate rehna। to gujraat ke yuva aaj se nirvighna। nirvighna rahenge na! bahut achha।

maataayen utho:- achha hai, maataaon ko vardaan hai kyonki duniya vaale bhi yahi naveenta dekhte hain ki maataayen vishwa parivartak ban gai hain। to maataayen sada yeh paath pakka kar lo ki humein sadaiv shubhchintak aur shubhchintan mein rehna hai। rah sakti ho?rahenge? koi bhi aatma ho,lekin aap shubhchintak raho aur sada shubhchintan, vyartha chintan nahin। kharaab chintan nahin। shubhchintan। jo shubhchintan aur shubhchintak hai vahi 21janma ke varse ke adhikaari bante hain। to yaad rakhna - do shabd shubhchintak aur shubhchintan। achhi sankhya hai। kabhi paraachintan nahin karna, vyartha chintan bhi nahin karna। yeh result dikhaayengi। teachers sabhi apne-apne centres mein yeh gujraat ki vardaanon ko vardaan hai, yeh pakka karaana aur result dena। paraachintan banda,vyartha chintan banda। shubhchintan aur shubhchintak। har aatma ke prati, chaahe aapke peechhe hi pada rahe, aapka ulta mitra bana haa ho। to bhi shubhchintan,pakka। maataayen haath uthaao | aap teachers result dekhna,har saptaah is baat ki result dekhna। dekh sakti hain na। achha।

paandav utho:-paandavon ki sankhya bhi kam nahin hai। achha paandav kya karenge! paandavon ka gaayan kya hai?paandav sada paandavapti ke saath aur saathi rahe hain। saath bhi rahe hain,saathi bhi rahe hain iseelie paandavon ka title kya hai?vijayi paandav। vijay ho gai na paandavon ki। kaaran? paramatma saath aur saathi hai। to aaj se dil se man se baap ka saath nahin chhodna hai। saath chhodte hain to maaya aati hai। baap ka saath chhodna arthaat maaya ke aane ka phaatak kholna। jab darvaaja kholte ho to woh aayegi na। kyon nahin aayegi, 63janma ki puraani hai na। to baap ko bhoolo nahin, bhoolna maana maaya ka aana। to sada saath rehna hai aur seva mein vishwa ke parivartan ke kaarya mein sada saathi hoke rehna hai। parmaatma kaarya ke saathi,isi mein hi mansa vaacha karmana arthaat chehre aur chalan mein saathi raho। pasanda hai? saath rahenge, saathi rahenge? maaya ka darvaaja banda? double lock lagaaya,single lock nahin lagaana। double lock। nirantar sevaadhaari aur nirantar yaad। yeh double lock lagaana। theek hai? paandav bhi nirvighna। nirvighna,haath uthaao। dil se haath utha rahe ho?jo dil se utha rahe hain woh jyaada hilaao। dekhna teachers। haath utha rahe hain। achha hai। padosi ho na gujraat। madhuban ke padosi ho, to padosi to kamaal karenge na। achha।

teachers aur kumaariyaan donon hi utho:-jo bhi kumaariyaan hain, woh banni to teachers hai na। kumaariyaan kya banni hai! teachers to banni hai na। isliye teachers ke saath uthaaya hai। naukri karni bhi padti hai to bhi baapdaada kehte hain agar teacher va vishwa seva ka lakshya hai, kumaariyon ko to bhi har shanivaar jab chhutti hoti hai to centre par rehna hai। lekin vahaan seva karni hai,aise hi nahin rehna hai। seva ka abhyaas karna hai। to thoda hisaab kitaab hai to use poora karen,agar aavashyak hisaab hai to,chal nahin sakte hain isliye naukri karte hain tab to fail hain। sachmuch koi kaaran hai, kaeeyon ke circumstance hain lekin kaeeyon ki dil bhi hai। shanivaar aur itvaar seva karo। itvaar ke din poori seva karo। sanskaar daalo। sirf rahne ke sanskaar nahin,seva ke sanskaar daalo। samjho main serviceable banne ke kaaran aai hoon। practice karte raho, jitna practice karti rahengi na, maja aa jaayega to aapehi bhi koi bahaana banaake apne ko chhuda sakengi। kumaariyaan chatur hoti hain,bholeebhaali nahin hoti hain। iseelie kumaariyaan arthaat sva-unnati mein har samay kadam uthaati rahen। sirf naukri nahin,sva unnati mein apne circumstance anusaar kadam aage badhaati rahen। aise nahin bas chal rahi hain,naukri karni hai, kab tak karenge, kab tak nahin karenge, kuchh soch nahin। kumaariyaan brahmaakumaari to ho hi। sabhi kumaariyaan brahmaakumaari hain। service karne vaali bhi brahmaakumaari hai, lekin brahmaakumaari woh jo vishwa kalyaan ki bhaavna,kaamna rakhe। to baapdaada dekhenge ki kumaariyaan yogya teacher bani, khitkhit vaali nahin banna। yogya teacher, kyonki yogya teachers ki aavashyakta hai। aajkal kya hota hai, training bhi kar leti hain, lekin centre par jaate hi koi problem ho jaati, to hands to nahin ban sakengi na। kumaari arthaat baapdaada ke seva saathi aur nirvighna saathi। apne ko adjust karne vaali। adjust karne vaali ho na ki against hone vaali ho |kisi ke prati bhi against nahin ho, edjasta haanevaali। achha to aisi kumaariyaan banengi,haath uthaao। adjust hone vaali। soch ke haath uthaao। to sabse milansaar। sabse apne ko saathi banaane vaali। nirvighna। tab to bahut hands ban sakte hain। abhi hands ki kami hai, baapdaada sabhi kumaariyon ko kah raha hai। madadgaar banengi na। jo madadgaar banengi woh haath uthaao | lekin kaun-si madadgaar! nirvighna madadgaar। abhi uthaao| nirvighna madadgaar? phir in advance mubaarak ho, mubaarak ho,mubaarak ho।

teachers se:- teachers bhi gujraat mein bahut hain। abhi teachers ko kya karna hai?teachers ko abhi behad ke vairaagya vritti ka vaayumandal phailaana hai। chaahe centre par, chaahe vishwa mein |vishwa mein bhi vairaagya vritti ke vaayumandal ki aavashyakta hai kyonki bhrashtaachaar paapaachaar badh raha hai। bina vairaagya vritti ke in aatmaon ka kalyaan nahin hoga। jo sandesh dene ka kaarya kar rahe ho, achha kar rahe ho। baapdaada ko pasanda hai lekin usse sahayogi bante hain, mike bante hain। aap jaise baap ke vaaris bachche samarpan bachche kam bante hain। chaaron or ke centres par vairaagya vritti ki aavashyakta hai। vairaagya vritti sirf khaane peene pahanne ki nahin,saadhnon ki nahin, lekin total maansik vritti, drishti aur kritia, chaaron or ke zone mein abhi vairaagya vritti se upraam,dehbhaan se upraam woh abhi lahar chaahiye। behad ki vairaagya vritti pahle deh bhaan ki vairaagya vritti, deh ki baaton se vairaagya vritti, deh ki bhaavna, bhaav,isse vairaagya vritti chaahiye। to baapdaada chaaron or ke bachchon ko yeh attention khinchava rahe hain ki teevragti se chaahe brahman, chaahe sahayogi aatmaon mein shreshtha unnati tab hogi jab vairaagya vritti ka vaayumandal svayan mein aur sarva mein phailaayenge tab aavaaj phailega। sabhi varga vaale bhi yahi sochte hain pratyakshata karne chaahte hain, programme bhi banaate hain lekin abhi tak hui nahin hai kyon? kaaran hai chaaron or,chaahe paap karma chaahe bhrashtaachaar,chaahe baaton mein, position mein vairaagya vritti nahin hai। to pratyakshata sahaj nahin ho sakti hai। to abhi chaaron or behad ki vairaagya vritti, brahma baap ko ant tak dekha kitni behad ki vairaagya vritti rahi। apni deh se bhi vairaagya vritti। bachchon ke sambandh mein bhi vairaagya vritti। to kya karenge?yahi lakshya lakshan mein laana। achha। gujraat vaale to seva mein sada haajir hone vaale hain। vriddhi bhi seva ki achhi hai, sankhya bhi achhi hai,abhi vaaris aur mike, aise mike nikaalo jiske aavaaj ka prabhaav ho। sabke mukh se nikle,yeh kehta hai,yeh kehta hai… kuchh to hoga। achha, mubaarak ho seva ki। nirvighna seva ki iski bahut-bahut mubaarak।

doctors (medical) aur engineer wing :-achha। donon hi varga bahut aavashyak hain। baapdaada ne donon hi vargo ke plan sune। doctors ne jo plan banaaya hai,achha banaaya hai। baapdaada ko pasanda hai। mubaarak ho kyon pasanda hai? kyonki sab detail clear roop se banaaya hai। kya karna hai, kisko karna hai, kab tak karna hai,result kya nikaalni hai,yeh saara spashta roop se banaaya hai। baapdaada jaise gaanv vaalon ne,youth group ne apna clear banaakarke aur practical kiya isliye baapdaada in donon ke plan aur practical mein bhi mubaarak dete hain, aise hi doctors ne bhi jo abhi plan banaaya hai woh bahut spashta banaaya hai aur health ka naam sun karke to sabhi ichchhuk hote hi hain kyonki din pratidin nai nai beemaariyaan to nikal hi rahi hain, ilaaj bhi bahut nikal rahe hain to beemaariyaan bhi bahut nikal rahi hain aur tang hain beemaariyon se। to yeh plan dekh karke seva sahaj ho sakti hai। to achhi himmat rakhi hai। sabhi sahayogi bhi achhe achhe aa gaye hain aur chaaron or aavaaj phailaane ka plan banaaya hai, ek zone ka nahin hai,saare bhaarat ka hai, to chaaron or aavaaj phailne se achha aavaaj phail jaata hai। mubaarak ho। plan ko abheepraiktikal karte chalo, saphalta aapka janma siddha adhikaar hai। doctors ki sankhya bhi bahut hai। agar saare world ke doctors ikatthe karen to bahut sankhya hai। kaam mein aayenge doctors। pichhaadi ke samay aapko bahut seva karni padegi। bahut duhkh khatma karne padenge। sab chillaayenge aur aap tan aur man ke double doctor banke seva karenge। achha।

engineer aur science:-donon hi department baadhiya hai to aisa plan banaao jismen jaise science pratyaksha eksaampla dikhaati hai,aise hi silence power ke pratyaksha pramaan dikhaao kyonki aajkal sunne ke bajaae,pramaan dekhne chaahte hain। to aise koi pramaan banaao,jaise science siddha karke sunaati hai, science se yeh pramaan hai,phaayda hua hai, ya parivartan hua hai, aise aap bhi silence shakti ke pratyaksha pramaan nikaalo। to logon mein aakarshan hogi। theek hai na। abhi is varsha mein is roop ka koi plan banaao। ban sakta hai, hoshiyaar ho। bana denge। achha। phir bhi achha hai। vargeekran jabse bane hain,seva mein vriddhi to hui hai। achha।

double videshi:-baapdaada ko bahut achha lagta hai ki videshiyon ne chaturaai bahut ki hai, har tarna mein chance lete hain। aur sabhi kitne deshon se aaye hain! 35deshon se aa gaye hain। to 35 deshon ka kalyaan to ho raha hai na। jahaan se aap aaye ho us desh ka kalyaan to ho raha hai na। to yeh title yathaartha hai na,vishwa kalyaankaari hain। koi bhi kona rah nahin jaaye। baapdaada ne samaachaar suna hai ki videsh mein bhi yahi plan banaaya hai, ki koi bhi kona sandesh ke bina khaali nahin rahe। banaaya hai na?banaaya hai। to baap ke is vishwa kalyaani title ko aapne achha praiktikal mein laaya hai। pahle sirf bhaarat kalyaankaari tha, abhi phalak se kehte hain vishwa kalyaankaari। to baap ka yeh title vishwa kalyaankaari ka aap double videshiyon ne practical mein laaya hai aur videshi ek baat mein chaaron or hoshiyaar hain, bataayen kaun si? hamesha videshi haath mein haath deke chalte hain। aadat hai। to double videshi baap ko haath mein haath dekarke chalne vaale। hain? haath mein haath hai? haath kaun sa hai? niraakaar ko to haath hai nahin? niraakaar ka haath hai shreemat। to shreemat par haath mein haath dekar chalne vaale ho na। kabhi thak to nahin jaate ho haath mein haath dene mein। thakte ho! thoda-thoda?sada baap ke shreemat roopi haath mein haath arthaat saathi sahayogi banne vaale। jo baap ne kaha woh kiya। aise ho na? aise ho?saamne vaale aise ho? pakka?dekhna,baapdaada potaamel dekhega na! baap ne kaha bachche ne kiya,woh hai supaatra bachcha। soche nahin, karoon nahin karoon, yeh to nahin hoga, woh to nahin hoga… baap ne kaha mainne kiya,yeh hain pakke vaaris। sochne vaale nahin, karne vaale। kai kehte hain na karenge,dekhna karenge zaroor,nahin। turat karma, woh to turat daan kehte hain lekin yahaan baapdaada kehte hain turat har karma mein follow karna mahaapunya hai। mahaapunya aur punya mein bhi pharka hai। jaise bhakti mein dekha hai na jab baali chadhaate hain to jo jhaatku hota hai usko mahaaprasaad kaha jaata hai,agar soch soch ke marta hai to usko mahaaprasaad nahin kaha jaata hai। to shreemat ko phauran follow karna isko kaha jaata hai mahaapunya। theek hai। samajhdaar to bahut ho। achha lagta hai,yeh sindhiyon ka group bhi achha lagta hai। madhuban ka shrringaar hain na। to bahut achha hai,to double foreigners double purooshaarthi। aage group mein vardaan diya tha double foreigners ka arth hi hai double purooshaarthi। sochne vaale purooshaarthi nahin। achha,baaki seva karte ho, jahaan se bhi aaye ho,seva achhi kar rahe ho, sva purooshaartha mein bhi attention hai aur aage teevra karna। purooshaartha hai lekin teevra karna kyonki samay bahut fast ja raha hai। achaanak kuchh bhi ho sakta hai। achha। sabhi ko duaayen bhi hain aur dil ka yaadapyaar bhi hai। achha।

chaaron or ke yogayukta,yuktiyukta,raazayukta,khud bhi raaz ko jaan sada raaji karne vaale aur raaji rahne vaale, sirf svayan raaji nahin rehna hai, raaji karna bhi hai,aise sada sneh ke saagar mein lavleen bachchon ko, sada baap samaan banne ke teevragti ke purooshaarthi bachchon ko, sada asambhav ko bhi sahaj sambhav karne vaali shreshtha aatmaon ko,sada baap ke saath rahne vaale aur baap ki seva mein saathi rahne vaale aise bahut-bahut lucky aur lovely bachchon ko aaj ke avyakt divas ki, avyakt pharishte swaroop ki yaadapyaar aur dil ki duaayen,achha।

aaj bahut achha vatan ka drishya tha। aaj baapdaada ne vatan mein sabhi advance party vaalon ko bulaaya। advance party ne kaha ki ham sab advance party vaalon ka advance stage vaalon ko yaadapyaar dena। to aap advance stage vaale ho, woh advance party vaale hain, to aapko bahut yaadapyaar diya aur aaj baapdaada ne kaaphi varsha avyakt part chalaane ke nimitta daadi ko aur guljaar ko,donon ko apne saath bithaaya। kaaphi varsha avyakt part ko ho gaya hai, vyakta ki seva se bhi adhik alaukik part ka chala hai। to baapdaada ne aaj donon ko bahut-bahut sneh diya aur advance party vaalon ne bahut svaagat ki। baapdaada ne donon ko baahon ka haar pahnaaya, gale lagaaya aur donon ke kaarya ka sunaaya। daadi ke liye kaha to daadi ne parivaar aur seva ko, saathiyon ko, sabhi ko bahut achhi tarah se chalaaya,nimitta bani chalaane ke aur nimitta samajhke chalaaya। aur guljaar bachchi ne baapdaada ko samaane ka kaarya kiya। to donon ka kaarya vishesh raha iseelie donon ko vishesh vatan mein svaagat ki aur saath mein jo aadi se aadi ratna daadiyaan kaho, unhon ki bhi svaagat ki। baapdaada ne yahi visheshta sunaai ki donon ke kaarya mein saphalta ka kaaran maimpan nahin,guljaar bachchi ki bhi mahima ki ki nirmal nirmaan,seva ke nimitta bani aur samaane ki shakti pramaan,paramatma aur aatma donon ko brahma baap aatma aur paramatma ko samaane ki shakti baap dvaara jo praapta hui,usko kaarya mein lagaaya। daadi ko jo ant mein haath mein haath deke baapdaada ne will powers ki will ki us will power se kaarya nirvighna chalaaya, to donon ki visheshta kam nahin hain। donon ne apna achha, achhe te achha part bajaaya hai aur abhi bhi part bajaate rahenge। to baapdaada kehte hain ki jo vishesh kaarya ke nimitta bante hain unko baapdaada ki aur braahmanon ki badhaaeeyaan zaroor milti hain। unki mubaarken shubh bhaavnaayen, shubh kaamnaayen bahut milti hain, to donon ka part apna apna raha। lekin saphal raha,saphal rahega। avyakt part bhi chal raha hai, chalta rahega aur daadi ka bhi sakaash dene ka, samay ko sameep laane ka part achha chalega aur saath mein sabhi daadiyon ko aur donon ke saathi bahinen jo seva ke nimitta bani, saath mein rahi, bahut achha yogayukta ho seva ki hai,kar rahi hain unhon ko bhi baapdaada ne imaj ra kiya aur vardaan diya - sada aise hi yogayukta raazayukta banke chalte chalo। baap ki duaaon ka haath aapke mastak par hai, aise vahaan vatan mein scene chali aur sabhi advance party vaale aur jo aadi ratna seva saathi rahe hain woh sabhi emerge the। unhonne donon ke oopar aaj vatan mein sone ke pushpa daale। dekha hai,sone ke phool dekhe hain? bahut halke hote hain, bhaari nahin hote hain jo lagen, darda karen, aise nahin hote hain। bahut halke se patre ke hote hain lekin bahut rangabirangi achhi dijaain ke hote hain,to baapdaada ne aaj donon ke part ki visheshta sunaate hue sabhi dvaara sone ke pushpon ki varsha karaai। baapdaada ne donon ko bahut pyaar kiya। aur donon baba baba kah rahi thi, baba aapne karaaya,baba aapne karaaya, baba aapne karaaya aise hi geet ga rahe thi। yeh tha drishya aaj vatan ka। achha।

daadiyon se:- aadi ratna phir bhi aadi ratna hain। aadi ratnon ki raunak hi apni hai। achha hai। baapdaada ne dekha ki sabhi aap jo nimitta bane hue ho,yeh saara group nimitta hi hai na to saara nimitta group achha hai। ek do ko sahayog deke abhi bhi chala rahi ho, aur achha chala rahi ho, baapdaada dekhke duaayen dete hain। ek ne kaha doosre ne maana aur kaarya saphal ho gaya। raayabhaadur bhi ho aur kaarya karta bhi ho। lekin sab mil karke chaahe paandav nimitta hain,chaahe shaktiyaan nimitta hain,lekin achha chal raha hai, aur achha chalta rahega। yahi baapdaada ka vardaan hai।

daadi nirmalshaanta se:- khush rehti ho,khushi mein rehti ho, beemaari mein bhi chillaati nahin ho yeh bahut achha hai। yog bhi achha laga rahi ho। yeh bahut achha hai। (daadi ne geet gaaya, khush raho aabaad raho…)yeh paath bahut achha hai। achha part baja rahi ho।

shaantaamni daadi se :-achha hai shareer ko chalaate raho chal jaayega kyonki will power hai na। itne varshon ki will power kaam mein aati hai। kaam mein laga rahi ho lagaate raho। seva bhi achhi kar rahi ho।

manohar daadi se:-aadi ratna sabki najron mein hain। kaise bhi ho, kahaan bhi ho lekin sabki nazar mein aadi ratna aadi hi hain। sabhi aadi ratna hain। will power hai।

(daadi jaanki ji ne kaha, baba bahut achha hai) achhe bachche bhi hain na। achhe baap ne aap samaan banaaya hai। achha।

aaj vishesh brahma baap ne aap ek ek ko yaad karte hue bahut bahut baahon ki maala pahnaai। (practical karke dikhaayen) practical ho nahin sakta na, kyonki ek to nahin hai sab hain। sabhi hakdaar hain। brahma baap ko pyaar bahut hai bachchon se। aise hi daadi ko bhi bhoolta nahin hai। baar baar yaad aata hai। kaise hai?kaise chal raha hai? theek chal raha hai, mujhe sunaaya karo,kaise ho raha hai? poochhti rehti hai। phir bhi sakhiyaan to yaad aayengi,paandav bhi yaad aate hain,yahi poochhti hai kaarobaar theek chal rahi hai। theek chal rahi hai? theek chal rahi hai na! daadi bhi khush aur brahma baba unse jyaada khush। (daadi ka part kya hai!) daadi sakaash aur touching dekar unhon ko teevra karegi। chhotepan se hi unke man mein bahut plan chalenge। (janma le liya hai?)abhi nahin। janma time par legi na। abhi nahin liya। time se hi lena aajkal ke samay mein yathaartha hai। lekin aap sabse milti rahegi,sookshm। (ramesh bhaai ne sunaaya ki aapki yaadgaar somnaath ja rahe hain) sandesh to sabko milta hai lekin abhi aisa mike aur vaaris nahin nikla hai woh nikaalo kyonki bhakti ke roop se bhi vo bahut hain, sandesh dene ka theek hai lekin aisa koi nimitta banen woh abhi purooshaartha karo। nikal sakta hai, mehnat thodi chaahiye kyonki bhakti ka prabhaav to hai।

naaraayan daada tatha manoj se:- khush rehte hain, shareer nirvaah ki chinta to nahin hai! isko hai?nahin। bephikra hai?kabhi bhi sochna nahin। aapka parivaar behad ka hai isliye bephikra। koi chinta nahin। (baba seva mein laga do abhi) achha raay karenge phir bataayenge।

bhoopaal bhaai se:-baapdaada ne sabhi ko yaad karke baanhon ki maala pahnaai। sabhi ko yaad karte hain। daadi ko apni bhujaayen bhi nahin bhooli hain। bade to chhodo lekin bhujaayen bhi nahin bhooli hai।