Avyakt murli for Wednesday 5 March 2008

>

05-03-08 om shanti avyakt baapdaadaamdhuban

‘‘sangam ki bank mein silence ki shakti aur shreshtha karma jama karo, shivmantra se main-pan ka parivartan karo’’

aaj baapdaada chaaron or ke bachchon ke sneh ko dekh rahe hain। aap sabhi bhi sneh ke vimaan mein yahaan pahunch gaye ho। yeh sneh ka vimaan bahut sahaj snehi ke paas pahuncha deta hai। baapdaada dekh rahe hain ki aaj vishesh sabhi lavleen aatmaayen parmaatma pyaar ke jhoole mein jhool rahi hain। baapdaada bhi chaaron or ke bachchon ke sneh mein samaaye hue hain। yeh parmaatma sneh baap samaan ashareeri sahaj bana deta hai। vyakta bhaav se pare avyakt sthiti mein avyakt swaroop mein sthit kar deta hai। baapdaada bhi har bachche ko samaan sthiti mein dekh harshit ho rahe hain।

aaj ke din sabhi bachche shivraatri,shivjayanti baap aur apna janmadin manaane aaye hain। baapdaada bhi apne-apne vatan se aap sabhi bachchon ka janma din manaane pahunch gaye hain। saare kalpa mein yeh janma din baap ka va aapka nyaara aur ati pyaara hai। saare kalpa mein koi ka bhi birth de param aatma nahin manaate, aatma,aatma ka manaate hain lekin yeh alaukik janma param aatma aap aatmaon ka manaate hain। saath mein is janma ki visheshta aur bhi alaukik hai,jo saare kalpa mein ho nahin sakti। aisa kabhi nahin suna hoga ki baap aur bachchon ka ek hi din birth de hota hai। to is janmadin ka yeh bhi mahatva hai ki baap aur bachchon ka ek hi din janmadin, aap sabhi baap ke saath mana rahe ho। is janmadin ko shivjayanti bhi kehte hain aur shivraatri bhi kehte hain। to janma ke saath kartavya ka bhi yaadgaar hai। andhakaar mitne ka aur prakaash phailne ka yaadgaar hai। to aise alaukik janma din aap baapdaada ke saath manaane vaale bhaagyavaan aatmaayen ho। baap bachchon ko padam-padam guna is divya janma ki badhaaeeyaan bhi de rahe hain,duaayen bhi de rahe hain aur dil ka yaadapyaar bhi de rahe hain। mubaarak ho, padamguna mubaarak ho, mubaarak ho।

bhakta log bhi is utsav ko badi bhaavna aur pyaar se manaate hain। aapne jo is divya janma mein shreshtha alaukik karma kiya hai, abhi bhi kar rahe ho। woh yaadgaar roop mein chaahe alpakaal ke liye alpa samay ke liye manaate hain lekin bhakton ki bhi kamaal hai। yaadgaar manaane vaalon,yaadgaar banaane vaalon ki bhi dekho kitni kamaal hai। jo kaapi karne mein hoshiyaar to nikle hain kyonki aapke hi bhakta hain na। to aapki shreshthata ka phal un yaadgaar banaane vaalon ko vardaan roop mein mila hai। aap ek janma ke liye ek baar vrat lete ho,sampoorn pavitrata ka। kaapi to ki hai ek din ke liye pavitrata ka vrat bhi rakhte hain। aapka poora janma pavitra anna ka vrat hai aur woh ek din rakhte hain। to baapdaada aaj amritvele dekh rahe the ki aap sabke bhakta bhi kam nahin hain। unhon ki bhi visheshta achhi rahi hai। to aap sabhi ne poore janma ke liye pakka vrat chaahe khaan-paan ka,chaahe man ke sankalp ki pavitrata ka,vachan ka,karma ka, sambandh-samparka mein aate hue karma ka poore janma ke liye pakka vrat liya hai? liya hai ya thoda-thoda liya hai? pavitrata brahman jeevan ka aadhaar hai। poojya banne ka aadhaar hai। shreshtha praapti ka aadhaar hai।

to jo bhi bhaagyavaan aatmaayen yahaan pahunch gaye hain woh check karo ki yeh janma ka utsav pavitra banne ka chaaron prakaar se,sirf brahmacharya ki pavitrata nahin, lekin man-vachan-karma-sambandh samparka mein bhi pavitrata। yeh pakka vrat liya hai? liya hai? jinhonne liya hai pakka,thoda-thoda kachcha nahin,woh haath uthaao। pakka,pakka?pakka?kitna pakka? koi hilaave to, hilenge? hilenge? nahin hilenge? kabhi-kabhi to maaya aa jaati hai na,ki nahin, maaya ko vidaai de di hai? ya kabhi kabhi chhutti de dete ho, aa jaati hai! check karo - to pakka vrat liya hai?sada ka vrat liya hai? va kabhi kabhi ka?kabhi thoda,kabhi bahut,kabhi pakka,kabhi kachcha - aise to nahin ho na! kyonki baapdaada se pyaar mein sabhi100 percent se bhi jyaada maante hain। agar baapdaada poochhte hain ki baap se pyaar kitna hai? sab bahut umang utsaah se haath uthaate hain। pyaar mein percentage kam hi ki hoti hai,majority ki hai। to jaise pyaar mein paas ho,baapdaada bhi maante hain ki majority pyaar mein paas hain, lekin pavitrata ke vrat mein chaaron roop mein mansa-vaacha-karmana,sambandh-samparka chaaron hi roop mein sampoorn pavitrata ka vrat nibhaane mein percentage aa jaati hai।

abhi baapdaada kya chaahte hain?baapdaada yahi chaahte ki jo pratigya ki hai, samaan banne ki, to har ek bachche ki soorat mein baap ki moorta dikhaai de। har ek bol mein baap samaan bol ho, baapdaada ke bol vardaan roop ban jaate hain। to aap sab yeh check karo,hamaari soorat mein baap ki moorta dikhaai deti hai? baap ki moorta kya hai? sampanna,sab baat mein sampanna। aise har ek bachche ke nayan, har ek bachche ka mukhda baap samaan hai? sada muskaraata hua chehra hai?ki kabhi soch vaala, kabhi vyartha sankalpon ki chhaaya vaala, kabhi udaas,kabhi bahut mehnat vaala,aisa chehra to nahin hai?sada gulaab,kabhi gulaab jaisa khila hua chehra, kabhi aur nahin ban jaaye। kyonki baapdaada ne yeh bhi janmate hi bata diya hai ki maaya aapke is shreshtha jeevan ka saamna karegi। lekin maaya ka kaam hai aana, aap sada pavitrata ke vrat lene vaali aatmaon ka kaam hai door se hi maaya ko bhagaana।

baapdaada ne dekha hai kai bachche maaya ko door se bhagaate nahin, maaya aa jaati, aa jaane de dete hain arthaat maaya ke prabhaav mein aa jaate hain। agar door se nahin bhagaate to maaya ki bhi aadat pad jaati hai kyonki woh jaan jaati hai ki yahaan hamko baithne denge,baithne dene ki nishaani hai maaya aati hai,sochte hain ki maaya hai,lekin phir bhi kya sochte?abhi sampoorn thode hi bane hain, koi nahin sampoorn bana hai। abhi to ban rahe hain, ban jaayenge, gen gen karne lag jaate hain to maaya ko baithne ki aadat pad jaati hai। to aaj janmadin to mana rahe hain,baap bhi duaayen, mubaarak to de rahe hain lekin baap har ek bachche ko last number vaale bachche ko bhi kis roop mein dekhne chaahte hain? last number bhi baap ka pyaara to hai na! to baap last number vaale bachche ko bhi sada gulaab dekhne chaahte hain, khila hua। murjhaaya hua nahin। murjhaane ka kaaran hai thoda sa albelaapan। ho jaayega, dekh lenge,kar hi lenge,pahunch hi jaayenge… to yeh gen gen ki bhaasha neeche gira deti hai। to check karo - kitna samay beet gaya, abhi samay ki sameepta ka aur achaanak hone ka ishaara to baapdaada ne de hi diya hai,de raha hai nahin, de hi diya hai। aise samay ke liye ever ready,alert aavashyak hai। alert rahne ke liye check karo - hamaara man aur buddhi sada clean aur clear hai? clean bhi chaahiye, clear bhi chaahiye। iske liye samay par vijay praapta karne ke liye man mein, buddhi mein catching power aur touching power donon bahut aavashyak hain। aise circumstance aane hain jo kahaan door bhi baithe ho lekin clean aur clear man aur buddhi hoga to baap ka ishaara, direction,shreemat jo milni hai, woh catch kar sakenge। touch hoga yeh karna hai, yeh nahin karna hai। iseelie baapdaada ne pahle bhi sunaaya hai to vartamaan samay silence ki shakti apne paas jitni ho sake jama karo। jab chaaho, jaise chaaho vaise man aur buddhi ko control kar sako। vyartha sankalp svapna mein bhi touch nahin kare,aisa mind control chaahiye। iseelie kahaavat hai man jeete jagatjeet। jaise sthool karmendriy haath hai, jahaan chaaho jab tak chaaho tab tak order se chala sakte ho। aise man aur buddhi ki controlling power aatma mein har samay emerge ho। aise nahin yog ke samay anubhav hota hai lekin karma ke samay,vyavhaar ke samay, sambandh ke samay anubhav kam ho। achaanak paper aane hain kyonki final result ke pahle bhi beech-beech mein paper liye jaate hain।

to is birth de par visheshta kya karenge? silence ki shakti jitna jama kar sako, ek second mein sweet silence ki anubhooti mein kho jaao kyonki science aur silence, science bhi ati mein ja rahi hai। to science par silence ke shakti ki vijay parivartan karegi। silence ki shakti se door baithe kis aatma ko sahayog bhi de sakte ho। sakaash de sakte ho। bhatka hua man shant kar sakte ho। brahma baba ko dekha jab bhi koi ananya bachcha thoda halchal mein va shaareerik hisaab-kitaab mein raha to savere-savere uthkar bachche ko silence ke shakti ki sakaash diya aur woh anubhav karte the। to ant mein is silence ki seva ka sahayog dena padega। circumstance anusaar yeh bahut dhyaan mein rakho,silence ki shakti ya apne shreshtha karmo ki shakti jama karne ki bank sirf abhi khulti hai aur koi janma mein jama karne ki bank nahin hai। abhi agar jama nahin kiya phir bank hi nahin hogi to kismen jama karenge! isliye jama ki shakti ko jitna ikaththa karne chaaho utna kar sakte ho। vaise log bhi kehte hain jo karna hai woh ab kar lo। jo sochna hai ab soch lo। abhi jo bhi sochenge woh soch, soch rahega aur kuchh samay ke baad jab samay ki seema najdeek aayegi to soch pashchaataap ke roop mein badal jaayega। yeh karte the, yeh karna tha… to soch nahin rahega, pashchaataap mein badal jaayega। iseelie baapdaada pahle se hi ishaara de raha hai। silence ki shakti, ek second mein kuchh bhi ho, silence mein kho jaao। yeh nahin purooshaartha kar rahe hain! jama ka purooshaartha abhi kar sakte ho।

to baapdaada ka bachchon se sneh hai,baapdaada ek-ek bachche ko saath le jaana chaahte hain। jo vaayda hai saath rahenge, saath chalenge… woh vaayda nibhaane ke liye samaan saath chalega। sunaaya tha na - double foreigners ko haath mein haath deke chalna achha lagta hai,to shreemat ka haath mein haath ho, baap ki shreemat woh aapki mat isko kehte hain haath mein haath। to theek hai - aaj birth de utsav manaane aaye ho na! baapdaada ko bhi khushi hai ki mere bachche,phakhur hai baap ko ki mere bachche sada utsaah mein rehte utsav manaate rehte hain। har roj utsav manaate ho ya vishesh din par? sangamayug hi utsav hai। yug hi utsav ka hai। aur koi yug sangamayug jaisa nahin hai। to sabko umang-utsaah hai na ki humein samaan banna hi hai। hai? banna hi hai, ya dekhenge, banenge,karenge,gen gen to nahin hai? jo samajhte hain banna hi hai,woh haath uthaao। banna hi hai, tyaag karna padega,tapasya karni padegi। taiyaar hai kuchh bhi tyaag karna pade। sabse bada tyaag kya hai?tyaag karne mein sabse bade te bada ek shabd vighna daalta hai। tyaag tapasya vairaagya, behad ka vairaagya,ismen ek hi shabd vighna daalta hai, jaante to ho। kaun sa ek shabd hai? ‘main’, body conscious ki main। isliye baapdaada ne kaha jaise abhi jab bhi mera kehte ho to pahle kya yaad aata? mera baba। aata mera baba aata hai na! bhale mera aur kuchh bhi karo lekin mera kahne se aadat pad gai hai pahle baba aata hai। aise hi jab main kehte hain,jaise mera baba bhoolta nahin hai, kabhi kisko mera kaho na to baba shabd aata hi hai, aise hi jab main kaho to pahle aatma yaad aave। main kaun,aatma। main aatma yeh kar rahi hoon। main aur mera, had ka badal behad ka ho jaae। ho sakta hai? ho sakta hai? kaandh to hilaao। aadat daalo, main,phauran aave aatma। aur jab main-pan aata hai to ek shabd yaad aave - karaavanhaar kaun?baap karaavanhaar kara raha hai। karaavanhaar shabd karne ke samay sada yaad rahe। main-pan nahin aayega। mera vichaar, meri duty, duty ka bhi bahut nasha hota hai। meri duty… lekin dene vaala daata kaun! yeh duties prabhu ki den hain। prabhu ki den ko main maanna, socho achha hai?

to baapdaada abhi last do tarna hai, ek maas season samjho, is varsha ki season samaapta hone mein। to samaapti mein baapdaada kya samaapti karaana chaahta hai? ever ready hain ki sochna padega? chaahe yahaan aave ya nahin aave lekin har ek sthaan se baapdaada result chaahte hain। yeh ek maas aisa natural nature banaao kyonki natural nature jaldi mein badalti nahin hai। to natural nature banaao jo bataaya na - sada aapke chehre se baap ke gun dikhaai den,chalan se baap ki shreemat dikhaai de। sada muskaraata hua chehra ho। sada santushta rahne aur santushta karne ki chaal ho। har karma mein, karma aur yog ka balance ho। kai bachche baapdaada ko bahut achhi-achhi baaten sunaate hain, bataayen kya kehte hain?kehte hain baba aap samajh lo na meri yeh nature hai, aur kuchh nahin hai,meri nature hi yeh hai। abhi baapdaada kya kahe? meri nature hai? mera bol aisa hai,kai aise kehte hain, krodh thode hi kiya,mera bol thoda bada hai,thoda tej bola, krodh thode hi kiya sirf tej bola। dekho kitni meethi-meethi baaten hain। baapdaada kehte hain jisko aap meri nature kehte ho mera kehna hi wrong hai। meri nature yeh raavan ki nature hai ya aapki nature hai। aapki nature anaadikaal aadi kaal, poojya kaal yeh original nature hai। raavan ki cheez ko mera-mera kehte ho na iseelie jaati nahin hai। paraai cheez ko apna banaakar rakha hai na, koi paraai cheez ko apne paas sambhaalkar rakhe,chhipaakar rakhe,achha maana jaata hai? to raavan ki nature,paraai nature usko mera kyon kehte ho?bade phakhur se kehte hain mera dosh nahin hai,meri nature hai। baapdaada ko bhi rijhaane ki koshish karte hain। abhi yeh samaapti samaaroh karenge! karenge?karenge?dekho,dil se kaho,man se karo,jahaan man hoga na, vahaan sab kuchh ho jaayega। man se maano ki yeh meri nature nahin hai। yeh doosre ki cheez hai, woh nahin rakhni hai। aap to marjeeva ban gaye na। aapki brahman nature hai ya puraani nature hai? to samjha baapdaada kya chaahte hain? bhale manoranjan manaao,dance karo,khel karo lekin… lekin hai। sab kuchh karte bhi samaan banna hi hai। samaan banne ke bina saath chalenge kaise! kastam mein, dharmaraajpuri mein thaharna padega, saath nahin chalenge। to kya, bataao daadiyaan, ek maas result dekhen! dekhen? bolo,dekhen। dekhen? ek maas attention rakhenge। ek maas agar attention rakha to natural ho jaayega। maas ka ek din bhi chhodna nahin। achha jimmevaari uthaati hain daadiyaan। sabhi ikatthe hoke ek do ke prati shubh bhaavna shubh kaamna ka haath phailaao। jaise koi girta hai na to usko haath se pyaar se uthaate hain to shubh bhaavna aur shubh kaamna ka haath, ek do ko sahayog deke aage badhaate chalo। theek hai? sirf aap check kam karte ho, karke peechhe check karte ho, ho gaya na! pahle socho,peechhe karo। pahle karo peechhe socho nahin। karna hi hai।

double videshi kya samajhte hain?karenge? karenge?double videshi karenge? bahut achha। agar double videshi example ban jaayen to baapdaada bahut-bahut duaaon ki varsha karega। kya socha double videshiyon ne?example banenge? banenge to do haath uthaao। kamaal hai,baapdaada double videshiyon ko abhi se himmat aur umang utsaah ki duaayen de rahe hain। bhaarat vaale bhi kam nahin hain,woh bhi andar-andar soch rahe hain। woh sochte hain karke hi dikhaayenge। theek hai na bhaarat vaale। dekho। bhaarat ne kya nahin kiya? bhaarat vaale baap ko oopar se neeche le aaye। kamaal to ki na bhaarat vaalon ne। uske aage yeh kya badi baat hai। achha - jo samajhte hain ki baap se aur daadi se bhi bahutabhut pyaar hai woh haath uthaao। pyaar hai, achha। kitna pyaar hai? abhi aapka dil kaun sa geet gaata hai? itna pyaar karega kaun? jitna bachche karte baap ko, baap karta bachchon ko। itna pyaar koi karega। to pyaar ke peechhe kya chhodna thode hi hai, yeh to paana hai, chhodna nahin hai।

baapdaada shiv mantra chalaake sabhi ko sampanna roop mein dekhte hain। aapke paas bhi shiv mantra hai na! hai? hai na? chhu mantra nahin,shiv mantra। to shiv mantra chalaao। to agli baar soch samajh karke apna plan aapehi banaao। banaake dete hain na to bahaane bahut karte hain, yeh ho gaya, yeh ho gaya… apna plan aap hi banaao। aaj baap ka janma din mana rahe ho na,to janma din par kya karte hain? koi na koi gift dete hain। dete hain na?to baap ko kya gift denge? jo baap ne kaha woh karke dikhaana,yahi gift dena। aur baapdaada bhi aap sabko gift de raha hai, aapka bhi to janma din hai na, kya gift de rahe hain? pakka,jo lene chaahe woh le sakte hain। vishesh vardaan hai, lekin vardaan kaam mein tab aayega jab roj amritvele is vardaan ko revise karenge। gift ko revise karenge। to baapdaada yahi gift de rahe hain - ek kadam himmat ka kabhi nahin chhodna,to baapdaada hajaar kadam madad ka dega। aise nahin dekhna dekhen baba madad karta hai ya nahin, imtahaan nahin lena। bandha hua hai baap। aap bhi bandhe hue ho baap bhi bandha hua hai। to is gift ko roj baar-baar dekhna। koi badhiya gift hoti hai to usko baar baar dekhte hain bahut badhiya,bahut badhiya। to roj amritvele dekhna aur karma karte karmayogi jeevan mein bhi beech-beech mein revise karna। achha। gift li, gift di। achha hai।

baapdaada to chaaron or dekh rahe hain,sab apni apni kutiya mein, screen mein dekh rahe hain, saamne dikhaai de rahe hain। jo nahin bhi aaye hain,sabhi ko baapdaada yeh gift de rahe hain। baapdaada dekhte hain, sabhi ko chaahe din hai, chaahe raat hai, chaahe time ka pharka hai lekin pyaar jaagran kara deta hai। baaki sabhi bachchon ka card bheja nahin bheja, email bheja nahin bheja, lekin dil ke sankalp ka email baapdaada ke paas sabhi ka pahunch gaya hai। utsaah mein naach rahe hain,yeh bhi baapdaada dekh rahe hain। to jo bhi jahaan bhi hain, ek bachche ka bhi yaadapyaar nahin pahuncha ho, yeh hai hi nahin। sabka pahunch gaya hai। aur baapdaada respond kar rahe hain sada umang-utsaah ka utsav manaate rehna। achha।

abhi baapdaada kaun si drill karaane chaahte hain? ek second mein shanti ki shakti swaroop ban jaao। ekaagra buddhi, ekaagra man। saare din mein ek second beech-beech mein nikaal abhyaas karo। silence ka sankalp kiya aur swaroop hua। iske liye samay ki aavashyakta nahin। ek second ka abhyaas karo,silence। achha।

seva ka tarna Indore zone ka hai:- achha hai shakti sena jyaada hai। paandav bhi kam nahin hain। to dekho naam hi hai Indore,sada antarmukhta ki tapasya mein rahne vaale। achha hai, dekho Indore ki sthaapna mein visheshta hai। jaante ho na - brahma baap ke avyakt hone se pahle brahma baap ki prerna se yeh Indore ka foundation pada hai। kitna lucky hain aur brahma baap ki aashaaon ko poorn kar rahe hain na! jis umang se, jis visheshta se baapdaada ne prerna di usi prerna pramaan sabhi baapdaada ko respond kar rahe hain na! achha hai - seva ka umang utsaah achha raha hai aur rehta rahega। abhi Indore kamaal kare, kya kamaal karenge teachers? pahla number lenge! parivartan। jo baapdaada ne kaha hai usmein pahla number Indore le। lenge! lenge? kyonki sangathan ki shakti to hai। sangathan ki shakti dekho, 5paandav, to5 ke sangathan ne kya kamaal ki? to sangathan mein shakti hoti hai। to itna bada sangathan hai to kya nahin kar sakte hain! jo chaahe woh kar sakte hain। to kamaal karke dikhaao, jo abhi tak nahin kiya hai woh karke dikhaao। hai himmat! himmat hai na teachers! hai himmat? achhi hain। dekho himmat kar bade-bade programmes bhi to karte ho na। to number one har subject mein banna hi hai, yeh dridh sankalp karo। baapdaada ne dekha hai jo himmat rakhte hain, unko baap ki madad ka anubhav hota zaroor hai। lekin albelaapan beech mein aata hai,yeh to hota hi hai। teevra purooshaartha ke bajaae kabhi purooshaarthi,kabhi teevra purooshaarthi ban jaate hain। sada teevra purooshaartha ki lahar svayan mein bhi aur sarva ko bhi dilaave, yeh nahin samjho ham to theek chal rahe hain। ek do ko sahayog deke sangathit roop mein number one banen। kaisa bhi gira hua ho,usko bhi saathi banaake chalna sikhaao। sahayogi bano। to kya karenge Indore? sangathan ko nirvighna,vighna ka naam-nishaan nahin ho। jisko bhi dekho uske chehre mein baapdaada ki chalan dikhaai de। kya samajhte hain paandav?karenge? karenge। shaktiyaan kya samajhti hain? yahi socho ham nahin karenge to kaun karega। ham hi karenge। aise umang utsaah sada rakho। aur kar sakte ho। sangathan mein bahut taakat hoti hai। achha। number one vijayi bhav ka vardaan sada yaad rakhna।

55 deshon se 1 hajaar double videshi aaye hain:-baapdaada ne dekha hai ki double videshi apna niyam bahut achha nibhaate hain। aana hai to aate hi hain aur sabhi ne madhuban ke season ki raunak badhaane ka sankalp kar liya hai to har tarna mein dekha gaya hai double videshiyon ka shrringaar madhuban mein hota hi hai। taali bajaao। achha hai। dinapratidan videsh ke sevaasthaanon mein bhi ek do ko umang utsaah milan manaate hue,umang-ulhaas dilaane mein bhi baapdaada ne dekha ki is samay ek do ke sthaan mein bhi aake shubh bhaavna rakhne ka achha kar rahe hain। system bhi achhi banaate rehte hain। baapdaada khush hote hain ki kaise bhi pahunch jaate hain। doordeshi nahin lagte hain, jaise yahaan ke hi lagte hain। vaise to sabse doordesh vaala kaun hai? double foreigners ki baapdaada? to doordeshi ko apne hamjinsa doordeshi pyaare lagte hain। achha।

double videshi kuchh promise karna chaahte hain (Newyork ki mohini behen ne vaayde padhe aur sabhi ne repeat kiya) dridh sankalp hai ki

•ham har kadam par shreemat ki paalna karenge।

•main sab vighnon se sada ke liye door rahoongi/rahoonga।

•svamaan ki seat par rahenge aur sada sabko sammaan denge।

•baapdaada ki jo ummeeden hain woh sab poora karenge।

meetha baba, pyaara baba, shukriya baba।) shukriya bachche।

(maataaon ki retreat bhi chali)baapdaada ne suna tha samaachaar achha hai। bahut achha। achha hai,double foreigners aage se aage udte chalo aur udaate chalo। achha।

chaaron or ke janma utsav manaane vaale bhaagyavaan aatmaon ko sada utsaah mein rahne vaale sangamayug ke utsav ko manaane vaale,aise sarva umang utsaah ke pankhon se udne vaale bachchon ko, sada man aur buddhi ko ekaagrata ke anubhvi banaane vaale mahaaveer bachchon ko, sada samaan banne ke umang ko saakaar roop mein laane vaale follow father karne vaale bachchon ko, sada ek do ke snehi sahayogi himmat dilaane vaale baap se madad ka vardaan dilaane vaale vardaani bachchon ko, mahaadaani bachchon ko baapdaada ka yaadapyaar aur padam padam padam padamguna mubaarak ho, mubaarak ho,mubaarak ho।

daadiyon se:- baapdaada ke dil mein to aap ek ek ratan mahaan ho kyonki anek aatmaon ke umang utsaah badhaane ke nimitta ho। aapka umang dekh svatah hi unhon mein umang aata hai। dilaana nahin padta hai, natural pahunch jaata hai। aapka sangathan bahut-bahut pakka hai। pakka karna nahin hai,hai। ek-ek ratna sangathan ka shrringaar hai।(manohar daadi se)class mein jaati to hai,aagyaakaari rahi, baap ne kaha aapne kiya iseelie aagyaakaari list mein hai। aur aap to saara sangathan ji haan,ji haan karne vaale ho। (daadi jaanki ne kaha ki baba aapne kaha tha - sada hajoor haajir rahega, vahi anubhav hota rehta hai)bandha hua hai baap। dekho nimitta bane hue group par to vishesh nazar rehti hai na। nimitta vaalon ke oopar baapdaada ka pyaar aur nazar sada rehti hai। (baba aankhe gulaabi ho jaaen to harja to nahin hai) woh pyaar hai,aansu nahin hai। (abhi kya karna hai) banke banaana hai। aapko banaane ki duty hai। udaane ki duty hai। sahaj hai। (mohni behen ne uncle aunty, pardaadi aadi sabki yaad baapdaada ko di) sabhi ki yaad baap ke paas pahunch gai।

baapdaada ne apne haston se jhanda phahraaya aur sabhi bachchon ko shiv jayanti ki badhaaeeyaan deeh

aaj ke din to is haal mein yeh jhanda lahraaya lekin abhi woh bhi din aayega,aana hi hai jab saare vishwa mein jagah-jagah par yeh jhanda lahraane ki ceremony bhi hogi। aur sabhi aatmaon ke dil mein yeh automatic geet bajega - ‘‘hamaara baba aa gaya। hamaara muktidaata vardaata baap aa gaya।’’ saare world mein yeh automatic sabke dilon mein geet bajne shuru ho jaayega। aapke dil mein to yeh geet baj raha hai na। aa gaya, mil gaya। vardaan mil gaye, duaayen mil gai, to yeh jhanda, jaise aapke dil mein lahraata rehta hai aise vishwa ki aatmaon ke dil mein lahraana hi hai। praapti nahin kar saken varse ki, lekin aho prabhu, aha prabhu,aap aa gaye, yeh geet to gaana hi hai। to bahut achha hai,aap sabka bhaagya hai, jo baap ke saath jhanda lahra rahe hain aur sabhi jagah dekh rahe hain, jaise aap dekh rahe ho vahaan baapdaada bhi dekh raha hai। jagah-jagah par jhanda dekh rahe hain। aapke bhaai behen aise kaandh hila rahe hain। achha।