Avyakt murli for Tuesday 18 March 2008

>

18-03-08 om shanti avyakt baapdaadaamdhuban

‘‘kaaran shabd ko nivaaran mein parivartan kar master muktidaata bano, sabko baap ke sang ka rang lagaakar samaan banne ki holi manaao’’

aaj sarva khazaanon ke maalik baapdaada apne chaaron or ke khazaane sampanna bachchon ko dekh rahe hain। har ek bachche ke khazaane mein kitne khazaane jama hue hain,yeh dekh harshit ho rahe hain। khazaane to sabhi ko ek hi samay ek hi jaise mile hain phir bhi jama ka khaata sabhi bachchon ka alag-alag hai। kyonki samay pramaan abhi baapdaada sabhi bachchon ko sarva khazaanon se sampanna dekhne chaahte hain kyonki yeh khazaane sirf abhi ek janma ke liye nahin hain, yeh avinaashi khazaane anek janma saath chalne vaale hain। is samay ke khazaanon ko to sabhi bachche jaante hi ho। baapdaada ne kya kya khazaane diye hain woh kahne se hi sabke saamne aa gaye hain। sabke saamne khazaanon ki list emerge ho gai hai na! kyonki baapdaada ne pahle bhi bataaya hai ki khazaane to mile lekin jama karne ki vidhi kya hai?jo jitna nimitta aur nirmaan banta hai utna hi khazaane jama hote hain।

to check karo - nimitta aur nirmaan banne ki vidhi se hamaare khaate mein kitne khazaane jama hue hain। jitne khazaane jama honge,bharpoor hoga unke chalan aur chehre se bharpoor aatma ka roohaani nasha svatah hi dikhaai deta hai। uske chehre par sada roohaani nasha va phakhur chamakta hai aur jitna hi roohaani phakhur hoga utna hi bephikra baadshaah hoga। roohaani phakhur arthaat roohaani nasha bephikra baadshaah ki nishaani hai। to apne ko check karo ki mere chalan aur chehre par bephikra baadshaah ka nishchay aur nasha hai? darpan to sabko mili hui hai na! to dil ke darpan mein apna chehra check karo। kisi bhi prakaar ka phikra to nahin hai। kya hoga! kaise hoga! yeh to nahin hoga! koi bhi sankalp rah to nahin gaya hai?bephikra baadshaah ka sankalp yahi hoga jo ho raha hai woh bahut achha aur jo hone vaala hai woh aur hi achhe te achha hoga। isko kaha jaata hai phakhur, roohaani phakhur arthaat svamaandhaari aatma। vinaashi dhan vaale jitna kamaate utna samay pramaan phikar mein rehte। aapko apne eeshvareey khazaanon ke liye phikar hai? bephikra ho na! kyonki jo khazaanon ke maalik aur parmaatma baalak hain woh sada hi svapna mein bhi bephikra baadshaah hain kyonki usko nishchay hai ki yeh eeshvareey khazaane is janma mein to kya lekin anek janma saath hain, saath rahenge। iseelie woh nishchaybuddhi nishchint hain।

to aaj baapdaada chaaron or ke bachchon ka jama ka khaata dekh rahe the। pahle bhi sunaaya hai ki vishesh teen prakaar ke khaate jama kiye hain aur kar sakte hain। ek hai - apne purooshaartha pramaan khazaane jama karna। yeh ek khaata hai। doosra khaata hai - duaaon ka khaata। duaaon ka khaata jama hone ka saadhan hai sada sambandh-samparka aur seva mein rehte hue sankalp, bol aur karma mein,teenon mein svayan bhi svayan se santushta aur doosre bhi sarva aur sada santushta hon। santushtata duaaon ka khaata badhaati hai। aur teesra khaata hai - punya ka khaata। punya ke khaate ka saadhan hai - jo bhi seva karte hain, chaahe man se, chaahe vaani se, chaahe karma se, chaahe sambandh mein,samparka mein aate sada nihsvaartha aur behad ki vritti,svabhaav,bhaav aur bhaavna se seva karna। isse punya ka khaata svatah hi jama ho jaata hai। to check karo - check karna aata hai na! aata hai?jisko nahin aata ho woh haath uthaao। jisko nahin aata hai,koi nahin hai maana sabhi ko aata hai। to check kiya hai?ki sva purooshaartha ka khaata, duaaon ka khaata, punya ka khaata teenon kitni percent mein jama hua hai?check kiya hai?jo check karta hai woh haath uthaao। check karte ho? pahli line nahin karti hai? check nahin karte? kya kehte hain? karte hain na! kyonki baapdaada ne suna diya hai,ishaara de diya hai ki abhi samay ki sameepta teevragti se aage badh rahi hai isliye apni checking baarbaar karni hai। kyonki baapdaada har bachche ko raaja bachcha, raajayogi so raaja bachcha dekhne chaahte hain। yahi parmaatma baap ko roohaani nasha hai ki ek-ek bachcha raaja bachcha hai। svaraajya adhikaari so vishwa raajya adhikaari parmaatma bachcha hai।

to khazaane to baapdaada dvaara milte hi rehte hain। is khazaanon ke jama karne ki bahut sahaj vidhi hai - vidhi kaho ya chaabi kaho,woh jaante ho na! jama karne ki chaabi kya hai? jaante ho? teen bindiyaan। hai na sabhi ke paas chaabi? teen bindiyaan lagaao aur khazaane jama hote jaayenge। maataaon ko chaabi lagaane aati hain na, chaabi sambhaalne mein hoshiyaar hoti hain na! to sabhi maataaon ne yeh teen bindiyon ki chaabi sambhaalkar rakhi hai, lagaai hai? bolo,maataayen chaabi hai? jiske paas hai woh haath uthaao। maataayen uthaao। chaabi chori to nahin ho jaati hai?vaise ghar ke har cheez ki chaabi maataaon ko sambhaalne bahut achhi aati hai। to yeh chaabi bhi sada saath mein rehti hai na?

to vartamaan samay baapdaada yahi chaahte hain - abhi samay sameep hone ke naate se baapdaada ek shabd sabhi bachchon ke andar se, sankalp se, bol se aur practical karma se change karna dekhne chaahte hain। himmat hai? ek shabd yahi baapdaada har bachche ka parivartan karaana chaahte hain, jo ek hi shabd baar-baar teevra purooshaartha se albela purooshaarthi bana deta hai aur abhi samay anusaar kaun sa purooshaartha chaahiye? teevra purooshaartha aur sab chaahte bhi hain ki teevra purooshaarthiyon ke line mein aayen lekin ek shabd albela kar deta hai। pata hai woh? parivartan karne ke liye taiyaar hain? hai taiyaar?haath uthaao,taiyaar hain?dekho, aapka photo T.vi. mein aa raha hai। taiyaar hain, achha mubaarak ho। achha - teevra purooshaartha se parivartan karna hai ya kar lenge, dekh lenge… aise to nahin? ek shabd jaan to gaye honge, kyonki sab hoshiyaar hain,ek shabd woh hai ki ‘kaaran’shabd ko parivartan kar ‘nivaaran’ shabd ko saamne laao। kaaran saamne aane se va kaaran sochne se nivaaran nahin hota hai। to baapdaada sankalp tak, sirf bolne tak nahin lekin sankalp tak yeh kaaran shabd ko nivaaran mein parivartan karne chaahte hain kyonki kaaran bhinna-bhinna prakaar ke hote hain aur woh kaaran shabd sochne mein, bolne mein,karma mein aane mein teevra purooshaartha ke aage bandhan ban jaata hai kyonki aap sabhi ka baapdaada se vaayda hai, sneh se vaayda hai ki ham sabhi bhi baap ke, vishwa parivartan ke kaarya mein saathi hain। baap ke saathi hain,baap akela nahin karta hai,bachchon ko saath laate hain। to vishwa parivartan ke kaarya mein aapka kya kaarya hai? sarva aatmaon ke kaarnon ko bhi nivaaran karna kyonki aajkal majority duhkhi aur ashaanta hone ke kaaran abhi mukti chaahte hain। duhkh ashaanti se,sarva bandhanon se mukti chaahte hain aur muktidaata kaun? baap ke saath aap bachche bhi muktidaata hain। aapke jad chitron se aaj tak kya maangate hain?abhi duhkh ashaanti badhte dekh sabhi majority aatmaayen aap muktidaata aatmaon ko yaad karti hain। man mein duhkhi hoke chillaate hain - he muktidaata mukti do। kya aapko aatmaon ke duhkh ashaanti ki pukaar sunne nahin aati? lekin muktidaata ban pahle is ‘kaaran’ shabd ko mukta karo। to svatah hi mukti ka aavaaj aapke kaanon mein goonjega। pahle apne andar se is shabd se mukta honge to doosron ko bhi mukta kar sakenge। abhi to din-pratidin aapke aage muktidaata mukti do ki queue lagne vaali hai। lekin abhi tak apne purooshaartha mein bhinnabhinna kaaran shabd ke kaaran mukti ka darvaaja banda hai। iseelie aaj baapdaada is shabd ke, iske saath aur bhi kamzor shabd aate hain। vishesh hai kaaran phir usmein aur bhi kamzoriyaan hoti hain, aise vaise, kaise,yeh bhi inke saathi shabd hain,jo darvaaje banda ke kaaran hain।

to aaj sab holi manaane aaye ho na । sab bhaag-bhaag karke aaye hain। sneh ke vimaan mein chadhke aaye hain। baap se sneh hai,to baap ke saath holi manaane pahunch gaye hain। mubaarak ho, bhale padhaare। baapdaada mubaarak dete hain। baapdaada dekh rahe hain,kursi par chalne vaale bhi,tabiyat thodi neeche oopar hote bhi himmat se pahunch gaye hain। baapdaada yeh drishya dekhte hain, yahaan class mein aate hain na। programme mein aate hain to cheyar par bhi chalke pande ko pakadkar aa jaate hain। to isko kya kaha jaayega? parmaatma pyaar। baapdaada bhi aise himmatvaan snehi,dil ke snehi bachchon ko bahut-bahut dil ki duaayen, dil ka pyaar vishesh de rahe hain। himmat rakhke aaye hain, baap ke aur parivaar ki madad hai hi। sabhi ko sthaan theek mila hai?mila hai? jisko sthaan theek mila hai woh haath uthaao। foreigners ko theek mila hai?mela hai mela। vahaan mele mein to ret bhi chalti rehti hai, khaana bhi chalta rehta hai। aapko brahma bhojan achha mila,milta hai?achha haath hila rahe hain। sone ki teen pair prithvi mili।aisa milan phir 5hajaar varsha ke baad sangam par hi hoga। phir nahin hoga।

to aaj baapdaada ko sankalp hai ki sab bachchon ke jama khaate ko dekhen। dekha bhi hai, aage bhi dekhenge kyonki baapdaadaane yeh pahle hi bachchon ko soochna de di hai ki jama ke khaate jama karne ka samay ab sangamayug hai। is sangamayug par abjitna jama karne chaaho, saare kalpa ka khaata ab jama kar sakte ho। phir jama ke khaate ki bank hi banda ho jaayegi।phir kya karenge?isliye baapdaada ko bachchon se pyaar hai na। to baapdaada jaante hain ki bachche albelepan mein kabhi bhool jaatehain, ho jaayega, dekh lenge, kar to rahe hain,chal to rahe hain na। bade maje se kehte,aap dekh nahin rahe ho, ham kar rahe hain,haanchal to rahe hain aur kya karen? lekin chalna aur udna kitna pharka hai? chal rahe ho mubaarak hai। lekin abhi chalne kaasmay samaapta ho raha hai। abhi udne ka samay hai। tabhi manzil par pahunch sakenge। saadhaaran praja mein aana, bhagwan ka bachchaaaur saadhaaran praja! shobhta hai? iseelie baapdaada yahi chaahta hai ki aaj se holi ka arth hai na - beeti so beeti। toholi manaane aaye ho, to beeti so beeti,koi bhi kaaran se agar koi bhi kamzori rahi hui hai to ab ghadi beeti so beeti kar apna chitra smriti mein laao, apna hi chitrakaar ban apna chitra nikaalo।

pata hai - baapdaada abhi bhi ek-ek bachche ka kaun sa chitra saamne dekh raha hai? pata hai kaun sa chitra dekh rahe hain?abhi aap sabhi bhi apna chitra kheencho। aata hai chitra kheenchane aata hai na! shreshtha sankalp ki kalam se apna chitra abhi-abhi saamne laao। pahle sabhi drill karo, mind drill। karmendriyon ki drill nahin,man ki drill karo। ready, drill karne ke liye ready hain। kaandh hilaao। dekho sabse shreshtha te shreshtha chitra hota hai,taaj, takhta,tilakdhaari ka। to apna chitra saamne laao। aur sab sankalp kinaare kar dekho, aap sabhi baapdaada ke diltakhta nasheen hain। takhta hai na! aisa takhta to kahaan bhi nahin milega। to pahle yeh chitra nikaalo ki main vishesh aatma,svamaandhaari aatma, baapdaada ki pahli rachna shreshtha aatma, baapdaada ke diltakhtansheen hoon। takhtansheen ho gaye! saath mein parmaatma rachna is vriksha ke jad mein baithi hui poorvaj aur poojya aatma hoon, is smriti ka tilakdhaari hoon। smriti ka tilak lagaaya! saath mein bephikar baadshaah, saara phikar ka bojh baapdaada ko arpan kar double light ki taajdhaari hoon। to taaj, tilak aur takhtadhaari,aisi baap arthaat parmaatma pyaari aatma hoon।

to yeh chitra apna kheench liya। sada yeh double light ka taaj chalte phirte dhaaran kar sakte ho। kabhi bhi apna svamaan yaad karo to yeh taaj,tilak, takhtansheen aatma hoon, yeh apna chitra dridh sankalp dvaara saamne laao। yaad hai - shuru-shuru mein aap logon ka abhyaas baar-baar ek shabd ki smriti mein rehta tha,woh ek shabd tha - main kaun?yeh main kaun?yeh shabd baar-baar smriti mein laao aur apne bhinna-bhinna svamaan, title,bhagwan ke mile hue title। aajkal logon ko, manushya ko manushya se title milta to bhi kitna mahatva samajhte hain aur aap bachchon ko baap dvaara kitne title mile hain? svamaan mile hain? sada svamaan ki list apne buddhi mein manan karte raho। main kaun? list laao। isi nashe mein raho to kaaran jo hain na, woh shabd maj ra ho jaayega aur nivaaran, har karma mein dikhaai dega। jab nivaaran ka swaroop ban jaayenge to sav ra aatmaon ko nirvaandhaam,muktidhaam mein sahaj jaane ka raasta bataae mukta kar lenge।

dridh sankalp karo - aata hai dridh sankalp karna?jab dridhta hoti hai to dridhta saphalta ki chaabi hai। jara bhi dridh sankalp mein kami nahin laao kyonki maaya ka kaam hai haar khilaana aur aapka kaam kya hai? aapka kaam hai - baap ke gale ka haar banna, na maaya se haar khaana। to sabhi yeh sankalp karo main sada baap ke gale ki vijay maala hoon। gale ka haar hoon। gale ka haar vijayi haar hai। to baapdaada haath uthvaate hain to aap kya banenge?sab kya uttar dete hain? ek hi uttar dete hain lakshmi-naaraayan banenge। raamseeta nahin। to lakshmi-naaraayan banne vaale ham baapdaada ke vijayi maala ke manke hain, poojya aatmaayen hain,aapke maala ka manka japte japte apni samasyaaon ko samaapta karte hain। aise shreshtha manke ho। to aaj baapdaada ko kya denge?holi ki koi to gift denge na! yeh kaaran shabd, yeh to to, aur kaaran, to to karenge to tota ban jaayenge na। to to bhi nahin,aise vaise bhi nahin, koi bhi prakaar ka kaaran nahin, nivaaran।

to aaj, holi baapdaada ke sada sang mein rahne ki, combined rahne ki holi manaai? sabse pakke mein pakka sang mein rehna hai combined roop। saath vaala phir bhi aage peechhe ho sakta lekin combined sada saath rehta hai। to holi arthaat baap ke sang ke rang mein rehna। baap ka rang lagaana hai arthaat samaan banna hai। to combined hain na ki kabhi-kabhi hain! kai bachche dekha hai purooshaartha karke thode kamzor ho jaate hain na to akelaapan pasanda karte hain, koi ko saath nahin pasanda karte,akela rehna,akela sochna, yeh akelaapan bhi nahin theek, prabhu parivaar hai। itne prabhu parivaar ke saathi akele kaise honge! yeh maaya ki chaalaaki hain। pahle akela kar deti phir vaar karti। maala mein dekho akela moti hai?maala mein visheshta kya hai? ek moti ka doosre moti se sameep ka sambandh hai,jara bhi beech mein dhaaga nahin dikhta hai। snehi, sahayogi,saathi yahi aapka yaadgaar hai। to holi manaai? baap samaan banna arthaat sang ke rang mein aa jaana। to sabka sankalp kya hai? samaan banna hai na! baap ko khushi hai, baapdaada ek-ek bachche ko samaan banne ki, shreshtha sankalp karne ki padam padamguna mubaarak de rahe hain। mubaarak ho, mubaarak ho, mubaarak ho। nasha hai na - hamaare jitna padam-padam bhaagyavaan kaun? isi nashe mein raho।

jo pahle baari milne aaye hain woh haath uthaao। to pahle baari jo bachche himmat rakhke aaye hain unhon ko vishesh baapdaada is sangathan ke mauj manaane ki mubaarak de rahe hain aur saath mein vishesh vardaan de rahe hain - woh vardaan hai amar bhav। yeh vardaan sada amritvele milan manaane ke baad saare din ke liye baar-baar yaad rakhna। amar hoon, amar baap ka bachcha hoon,amarpad praapta karne vaali aatma hoon। janma bhale lenge lekin sukh shanti amar rahegi। achha।

seva ka tarna dilli-aagra ka hai:-baapdaada ne dekha hai jis bhi zone ko tarna milta hai na woh badi dil se, khuli dil se sabhi ko chance dila dete hain। achha hai yeh,double phaayda ho jaata hai। ek hai yagya seva ka aur doosra yagya seva ka punya to bahut bada hai। ek ka laakh guna phal milta hai। yagya ki mahima kam nahin hai। to jo bhi aate hain unko bahut phaayde hain। ek yagya seva ka punya jama hota hai aur doosra itni shreshtha aatmaayen madhuban mein hi ikatthi milti hain। chaahe paandav hain,chaahe daadiyaan hain,chaahe mahaarthi behen-bhaai hain aur saath mein itna behad ka parivaar kahaan milega aapko। satayug mein bhi chhota parivaar hoga। abhi kitni sankhya aai hai? (17,500bhaai-bahnen aaye hain, usmein500 bachche hain) 500 bachche aaye hain to kitne takdeervaan hain। itne hajaaron ka parivaar na satayug mein milega, na treta mein milega, na dvaapar, kaliyug mein milega। aisa ek parivaar17 hajaar ka parivaar, kabhi suna hai! sambhaalna hi mushkil ho jaae। lekin yahaan dekho sabhi maje maje se rah rahe hain। to kitna phaayda hai। parivaar se milna kab nahin hota hai। aur yeh to vishesh bhagwan ka parivaar hai।

achha dilli vaalon ne bhavishya raajdhaani dilli ko banaana hai na। pakka hai na! taiyaar ho na! to sabhi ke liye bahut bada parivaar hai,sabhi aapki dilli mein aayenge। saathi banenge aapke?to taiyaari bhi to karni hai na। to taiyaari ki hai dilli mein? aahvaahan kiya hai sabhi ko? abhi to dilli khitpit mein ho। roj khabren suno to kya khabren aati hain?gadbad sadbad। aur ab kya banengi? kaun si dilli banengi? sone ki dilli banengi। sabhi ko sthaan denge na। sabhi ko raajdhaani mein mangaayenge na। to dilli vaalon ko pahle dilli ko taiyaar karna padega। tab to aayenge na sabhi। dilli vaalon mein visheshtaayen hain। baapdaada ne dekha hai ki dilli vaalon ne kai sevaaon ki visheshtaayen emerge ki hain। nimitta banen hain। abhi dilli ko sone ki dilli banaane ke liye aisa koi plan banaao jo sabke dil se nikle vaah! nimitta dilli vaale aapne hamko svarga ka raajya bhaagya dila diya! kyonki dilli mein hi svarga banna hai। sthaapna to vahaan honi hai। achha hai,sangathan bhi achha hai aur seva ke plan banaane mein bhi vishesh aatmaayen hain। aur dilli se saakaar brahma aur jagdamba aur nimitta bani hui sarva daadiyon ka pyaar raha hai। koi daadi hai jo dilli mein nahin gai ho! koi nahin hai। to dilli vaale abhi seva mein bhi koi naya plan banaao। abhi sabhi zone naveenta chaahte hain, kyonki bahut kar chuke hain na। abhi amritvele khaas baithna aur koi naye plan ko sochna, nikal aayega। abhi bhi jo seva kar rahe ho woh achhi kar rahe ho। sabhi zone kuchh na kuchh karte to rehte hain। baapdaada ne suna - ki jahaan baapdaada ne bachchon ko seva karne ke liye gift mein sthaan banaake diya hai, chaahe dilli O.aar.si. mein,chaahe haidraabaad mein,haidraabaad vaali kahaan hai (kuldeep behen ko) abhi vahaan bhi achhi seva ki lahar aarambha ho gai hai। achhi himmat rakhi hai, himmat ki baapdaada vishesh mubaarak de rahe hain। dilli mein bhi bhinna-bhinna prakaar se sthaan busy rakhne mein achhi mehnat kar rahe hain। vaise baapdaada ke paas sabhi zone bhinna-bhinna roop mein, jaise gujraat hai woh youth ki kar rahe hain, chaahe gaanv mein kar rahe hain, chaahe youth ki kar rahe hain। to har ek zone apne-apne hisaab se seva mein achhi roochi rakh rahe hain kyonki har ek zone mein bhinna-bhinna varga hone ke kaaran vargeekran ki seva sahaj hai। samaachaar to baapdaada ke paas aata hai,baapdaada khush hote hain lekin abhi chaahiye, jaise pahle chhota-chhota bel bajaake advertise karte hain aur kahaan-kahaan bade te bada dhol bajaate ho, vaarnig dete hain yeh hona hai, yeh hona hai। abhi aisa koi bulanda aavaaj ka bada dhol bajaao। chhote-chhote dhol baj rahe hain। shivraatri par baapdaada ne dekha ki kaeeyon ne board bhi lagaaye, aa gaya, aa gaya… lekin sabke dilon tak nahin pahuncha hai। abhi sabke dil mein yeh aavaaj aave,hamaara baba aa gaya।

to kaun sa zone pahle karega?jo bhi zone kare baapdaada sabhi ko chance dete hain। kam se kam jo varga ka programme karte ho usmein aai hui saari sabha dil se kahe, naara nahin lagaaye aa gaya, aa gaya,dil se kahe hamaara baba aa gaya। thode bolte hain, thode samajhte hain lekin saari sabha apne umang utsaah se kahe aa gaya। yeh to kar sakte ho। saari sabha ko taiyaar karo। aate to hain,lekin maanen bhi। samay to sameep aa hi raha hai to mubaarak hai dilli vaalon ko। kyonki dilli vaalon ki jimmevaari bahut badi hai। aur pahle-pahle seva ki sthaapna kaayde pramaan,aajkal ke kaayde pramaan centre nahin,lekin seva ka aarambha dilli se hua hai। to abhi aur kamaal karna। koi ki bhi buddhi mein plan aa sakta hai। achha - mubaarak ho।

aagra vaale utho -thode hain। phir bhi aagra vaale vishesh seva kar sakte hain। jo aajkal ki government hai us government dvaara aagra mein seva hoti hai, usse bhi jyaada aagra mein almighty government dvaara seva honi hai। to abhi aisa plan aagra vaale banaao jo almighty government ki seva ka naam bulanda ho। jab doosre baari aao to saari seva ka aapas mein plan banaake koi saathi banaana ho, koi ki madad leni ho to madad bhi leke baapdaada ko practical result bataana ki is varsha yeh yeh seva vishesh hui। teachers kahaan hain? to karenge? saara plan banaake aana। kahaan-kahaan ki,jaise kai zone banaake laate hain, kahaan-kahaan ki, kya naveenta ki, kaho tak aavaaj phaila yeh saara record le aana। theek hai। hain thode lekin 5paandavon ne kya nahin kiya। to aap yeh kamaal dikhaao,sankhya kam aur seva sabse jyaada। theek hai। achha hai। brahma baap ka to aagra ke oopar bahut dhyaan raha। to brahma baap ko saboot dena। achha। achha hai seva ka chance liya, bahut achha।

double videshi - 50 deshon ke 700 bhaai bahine aaye hain:- uncle ji bhi aaye hain vaah!। baapdaada ko khushi hoti hai is yugal ko dekh karke, parivaar ko dekh karke। kyonki brahman parivaar mein kaayde pramaan jo pahla pahla vi.aai.pi nimitta bana woh aap bane ho। taali to bajaao। aur kamaal yeh hai ki duty par government ki duty par hote centre sthaapan kiya aur anek vi.aai.Ps ko parichay diya। chaahe gyaana mein khola, lekin gyaana hi America ki seva ke nimitta bana। to sirf gyaana ke nahin ho, America seva ke bhi nimitta ho। iseelie baapdaada ko bahut duaayen bhi hain,dil ka yaadapyaar bhi padam padam guna hai। aanti kahaan hai? bachchiyaan bhi aai hai na। laadli hain, parivaar ki bhi laadli, baapdaada ki bhi laadli। hain na। achha hai।

double foreigners ko baapdaada ne title kya diya? double teevra purooshaarthi। woh to sada baapdaada kehte hain ki double foreigners ne baapdaada ka vishwa parivartak ka title siddha kiya। nahin to sab kehte the bhaarat kalyaani hain, videsh ke kaaran vishwa kalyaankaari banen practical mein। aur baapdaada ne dekha hai ki har season mein double foreigners ki sankhya badhti jaati hai aur vishesh parivartan yeh hai ki pahle jo yeh aavaaj nikalta hai hamaara culture, bhaarat ka culture, yeh aavaaj nahin hai। parivartan ho gaya। abhi sabhi ka ek hi culture ho gaya,brahman culture। pasanda hai na। brahman culture pasanda hai? pasanda hai, isliebaapdaada ko bhi aap double foreigners bahut- bahut bahut pasanda ho। kyonki visheshta yeh hai ki agar karenge koi bhi kaarya to poora karenge। himmat rakh karke haan to haan, na to na। ismen hoshiyaar hain। lekin majority haan ji, haan ji hain। meetha baba, meethi daadiyaan, meetha parivaar, haan ji, haan ji karne mein achhe aage ja rahe hain। pahle foreign mein kehte the student ka badhna bahut mushkil hai। abhi mushkil hai?abhi aa rahe hain na। abhi vi.aai.pi bhi sambandh samparka mein aa rahe hain। to aap sabki dil ka umang utsaah aapko bhi aage badha raha hai aur seva ko bhi aage badha raha hai। aage badh rahe hain na! badh rahe hain na? santushta ho na! achha hai, yeh aabu mein jo sangathan karte ho na,yeh sabmen bal bhar jaata hai। iseelie avashya har season mein aate raho, aate raho, yagya ki shobha badhaate raho। baapdaada ko inhon ki jo meeting rakhte hain aur programmes rakhte hain, dialogue ka, samay ki pukaar ka, achha lagta hai। achha mubaarak ho, mubaarak ho, mubaarak ho। achha।

maataayen sabhi haath uthaao:- (10 hajaar maataayen aai hain) achhe haath dikhaai de rahe hain, baapdaada bhi haath hila rahe hain। maataaon ko vardaan hai vishesh jis centre mein maataayen bahut achhi purooshaarthi hain, snehi hain baapdaada ka vardaan hai,jahaan maataayen hain vahaan yagya ka bhandaara aur yagya ki bhandaari sada bharpoor hai। achha hai। maataaon ke sneh ki jo yagya seva hai usmein barakkat hai। to barakkat hone ke kaaran bhandaari aur bhandaare mein bhi barakkat ho jaati hai iseelie maataaon ko baapdaada vishesh mubaarak de rahe hain। mubaarak de rahe hain, mubaarak de rahe hain। achha।

paandav haath uthaao:-paandav bhi bahut hain। dekho, paandavon ke bina centre ki seva mein unnati nahin ho sakti hai। paandav ek to seva ke plan bahut achhe-achhe banaate hain, paandavon ko yeh vardaan mila hua hai। seva ke naye-naye plan achhe banaate hain aur shaktiyon ke rakhvaale hain। sada paandav yahi samjhen, kahaan bhi rehte ho chaahe centre par rehte ho,chaahe ghar mein rehte ho lekin shaktiyon ke rakhvaale ho। koi ki bhi koi ulti sulti nazar na jaaye। aise sevaadhaari ho। aur paandav agar nahin aate to jo is shreshtha gyaan ki vishesh naveenta hai ki yahaan pravritti mein rehte nyaare aur pyaare, parivaar mein rehte nyaare aur pyaare, mohjeet nashtomoha,woh paandav nahin hote, sirf shaktiyaan hoti to kaise chalta! iseelie kahaan shaktiyon ki mahima hai, kahaan paandavon ki hai aur iska chitra chaturbhuj ka chitra hai। paandavon ke bina bhi baap ka kaarya aage nahin badh sakta aur shaktiyon ke bina bhi baap ka kaarya poora nahin। iseelie parivaar ke parivaar ki aavashyakta kya, mahatva hai। chhote bachche bhi kam nahin hai, chhote bachchon ko dekhkar sab khush hote hain। jo chhote bachche aaye hain woh utho। haath hilaao। to aapko kya kahenge? vaah! bachche vaah! bachchon ki bhi mahima hai, agar bachche nahin chalte to pravritti thode hi kahenge। pravritti mein bachche bhi chaahiye, paandav bhi chaahiye, shakti bhi chaahiye। to suna bachchon ne bhi retreat ki hai। kumaaron ki retreat hui hai, kumaariyon ki bhi retreat hui hai। jinki retreat hui hai woh utho। adharkumaar bhi utho, youth bhi utho।

baapdaada ke paas saara samaachaar aata hai। aap logon ne jo purooshaartha kiya, chaahe kumaaron ne chaahe adharkumaaron ne, baapdaada khush hai ki madhuban ke vaayumandal mein aakar apni sthiti ko, apne purooshaartha ko aage badhaaya, yeh bahut achha hai। kyonki yahaan jaisa vaayumandal aur kahaan nahin milta। abhi sirf chaahe yoothkumaar, chaahe adharkumaar, jo yahaan teevra purushaartha ki anubhooti ki,anubhooti ki teevra purooshaartha ki? woh amar rakhna। amar bhav ka vardaan sada yaad rakhna। aise nahin vahaan jaao to kaho teevra purooshaartha nahin, purooshaartha hai nahin। aur hi kehna ham to aur hi udti kala mein ud rahe hain। theek hai। aisi result nikaalna। bahut achha kiya। baapdaada khush hai। achha।

abhi ek second mein sabhi brahman apne raajayog ka abhyaas karte hue man ko ekaagra karne ka maalik ban man ko jahaan chaaho, jitna samay chaaho, jaise chaaho vaise abhi-abhi man ko ekaagra karo। kahaan bhi man yahaan-vahaan chanchal nahin ho। mera baba, meetha baba,pyaara baba is sneh ke sang ke rang ki,aadhyaatmik holi manaao। (drill)achha।

chaaron or ke shreshtha vishesh holi aur highest bachchon ko, sada svayan ko baap samaan sarva shaktiyon se sampanna master sarvashaktivaan anubhav karne vaale, sada har kamzoriyon se mukta ban anya aatmaon ko bhi mukti dilaane vaale muktidaata bachchon ko, sada svamaan ki seat par set rahne vaale, sada amar bhav ke vardaan ke anubhav swaroop rahne vaale, aise chaaron or ke, chaahe saamne baithne vaale, chaahe door baithe sneh mein samaaye hue bachchon ko yaadapyaar va apne umang-utsaah,purooshaartha ke samaachaar dene vaalon ko baapdaada ka bahut-bahut dil ka yaadapyaar aur dil ki padam padamguna yaadapyaar sveekaar ho aur sabhi raajayogi so raajya adhikaari bachchon ko namaste।

mohini behen se:- (tabiyat ka samaachaar sunaaya) achha kiya samay par poora karke aa gai। yeh buddhi ki hoshiyaari hai। bahut achha।

(daadi jaanki se) maja aa raha hai na। (kya bataaoon,kaise bataaoon) aankhon se। yeh achha hai, chalaane vaala chala raha hai। (ej mein sabse badi hoon) mubaarak ho। (sab baapdaada ko dekh len) yeh aankhen dekhen na, duniya dekhe baba kya karta hai,kaise karta hai। achha, (daadiyon se) sabhi theek hain! sab aadi ratna hain। bahut achha। ud rahe hain। achha। theek,baith jaao। puraani cheezen jo hoti hain na amoolya hoti hain, unhon ka moolya bahut hota hai।

ramesh bhaai, oosha behen,da.anila behen se:- bahut achha kiya। yeh to aadi ratna hai। seva ka aadi ratna। pahla parivaar hai jahaan jagdamba rahi hai। to lucky parivaar hai। (oosha behen se) achha part bajaaya। lekin jaise inki nature hai usi pramaan bahut-bahut-bahut achha part bajaaya। iseelie sabka pyaar hai aur sab khush hain ki bahut achha part bajaaya। achha kiya। direct paalna lene vaali hai। yeh aadi family hai। jisne saakaar baap ki bhi paalna najdeek se li aur seva mein bhi part bajaaya। (da.aneela behen se) isko bhi vardaan hai।

shanti behen (sireephorta) se:- dekha jaata hai ki abhi shareer ke hisaab ko majority paas karne mein paas ho jaate hain। aapne bhi paas ka certificate le liya। bahut achha part bajaaya hai। aajkal to doctors ki seva bahut ho jaati hai। woh pharka dekhte hain na, practical life, uska asar hota hai। (seva karne vaali bahnon se) yeh bahut laadli hai। yeh chhoti bahut laadli hai, dil se seva ki hai। dil ki seva ka bahut mahatva hai। seva sab karte hain lekin jo dil se karta hai uska mahatva hai। yeh purooshaartha mein aage ja rahi hai bahut achha। (da.aneela behen se) baap se dil ka sneh, parivaar se dil ka sneh to parivaar ki bhi duaayen, baap ki bhi duaayen hain।

videsh ki mukhya badi bahnon se:-achha hai,madhuban rahne ka bhi chance aur seva ka bhi vishesh chance hai। phir bhi dekho aap seva ka jo doosra group nimitta bana uske mukhya actors ho। aadi ke samay ka to yeh group baitha hai lekin seva ke aadi ratna, seva ke saathi banke saathi banaane vaale woh aap logon ka group hai। to baapdaada jitna inhon ki mahima karta hai, aadi sthaapna ke ratnon ki, itna aadi seva ke saathi unhon ki bhi mahima karta hai। chaahe foreign hai lekin nimitta aap log ho। majority sab seva ki sthaapna ke ratna ho। to aap logon ko bhi chance to achha mila hai। mehnat zaroor karni padti hai kyonki unhon ka rehna sahna, culture nyaara hota hai usko ek culture mein jodna iski aap logon ko mubaarak ho। achhi mehnat ki hai। mehnat to karni padi hai lekin saphalta hui hai। mehnat vyartha nahin gai hai,abhi respond to achha milta hai। videshi bhi seva mein saathi to achhe bante hain। har centre par aapko saath dene vaale to bane hain। bane hain na! baapdaada khush hai। to ek-ek ko padam padamguna mubaarak ho, mubaarak ho।

chandrahaas baabu ji se:- theek hai। man majboot hai na। man majboot hai to tan theek ho jaayega। man sada khushi mein naachta rahe। chaahe strechar par jaaye lekin mind dance hoti rahe। phikar to nahin hai na। bephikar baadshaah।