Avyakt murli for Thursday 17 February 2011

17-02-11 om shanti avyakt baapdaada madhuban

“mansa seva dvaara aatmaon ko anchali dene ki seva karte bahutkaal se teevra purooshaartha kar ever ready raho to maala ka manka ban jaayenge”

aaj sneh ke saagar apne snehi bachchon se milne aaye hain। bachchon ne yaad kiya mere baba aa jaao to baap kehte hain mere snehi bachche sneh mein aisa aakarshan hai jo har bachche ne baap ko apna banaaya aur baap ne har bachche ko mere bachche kehte apne mein samaaya। kamaal hai bachchon ne kaha mere baba to mere shabd mein itna sneh bhara hua hai jo baap ne bhi kaha mere bachche sneh kya se kya bana deta hai। har bachche ke mastak mein aaj sneh ki lahren lahra rahi hain yeh dekh baapdaada harshit ho rahe hain। sneh hi dil ko apna banaane vaala saadhan hai। to har ek bachche ke andar aaj sneh ki lahren lahraati hui dekh-dekh baapdaada bhi khush ho rahe hain।

abhi-abhi5 minute ke liye ek drill baapdaada sabko kara rahe hain। apne mansa shakti se srishti mein jo bhi aapke bhakta va anek duhkhi ashaanta aatmaayen aapko yaad kar rahi hain he hamaare poorvaj humein thode samay ke liye bhi shanti de do jara sa sukh ki anchali de do bachaao aisi aatmaon ko yahaan baithe hue emerge karo aavaaj sunne aa raha hai! bachaao bachaao to aisi aatmaon ko apne mansa shakti dvaara sukh shanti ki kirnen pahunchaao। yeh mansa seva saare din mein baar-baar karte raho kyonki baap ke saath aap bachche bhi vishwa sevak ho। saara din vaani dvaara jaise seva ke nimitta bante ho aise hi beech-beech mein mansa seva ka bhi abhyaas karte chalo। ismen aapka apna bhi phaayda hai kyonki agar aapka man sada seva mein busy rahega to aapke paas jo beech-beech mein maaya phaaltu sankalp va vyartha sankalp karti hai usse bach jaayenge। mehnat nahin karni padegi। abhi baapdaada poochhte hain kaise ho? to kya javaab dete ho? purooshaartha hai lekin kabhi kabhi…! sada ka purooshaartha nahin chal raha hai। to baapdaada abhi sabhi bachchon ka yeh record dekhne chaahte hain yeh kabhi-kabhi ka shabd samaapta ho jaae। kya yeh ho sakta hai kabhi-kabhi samaapta ho jaaye? samay par taiyaar ho jaayenge? ho rahe hain hona hi hai… iske bajaae abhi ever ready ban sakte hain? kyon?ever ready rahne ka abhyaas maayaajeet manjeet jagatjeet yeh sanskaar bhi bahut samay se banaayenge tab ant samay bhi yeh bahutkaal ka abhyaas vijayi banaakar aapko vishesh maala ka manka banaayegi। paas with honour banenge। paas nahin paas with honour। to bolo yeh himmat hai na! paas with honour to hona hai na?jo dvaapar se leke ab tak poojya bante hain arthaat maala ke manke bante hain to apne ko maala ke manke banaane ka shuddh sankalp hai na!

baapdaada bhi roj amritvele apne maala ke mankon ko dekhte aur vishesh milan manaate hain। to aap sabhi apne ko maala ke mankon mein samajhte ho। hai to doosri maala bhi 16hajaar ki lekin phir bhi second maala ho gai। vishesh maala jo gaayan aur poojyaneey yogya banti hai woh pahli maala hai। to aaj baapdaada un mankon ko dekh rahe the kyonki brahma baap ke saath vishesh raajya adhikaari saathi vahi bante hain। to aaj brahma baap apne ab ke teevra purooshaarthi aur bhavishya ke raajya adhikaari takhta par to do hi baithte hain lekin raajya ke saathi unhon ki pahli maala hai। to apne ko check kiya hai। baapdaada ke saath to chalenge kyonki abhi aap sabki return journey hai। jab jaana hi hai baap ke saath jaana hai akela nahin jaana hai। to saath jaane vaale najdeek ke manke kaun honge? jo bahutkaal ke teevra purooshaarthi honge। purooshaarthi nahin kab-kab vaale nahin। bahutkaal ke baap samaan hi raajya adhikaari banenge। to kya samajhte ho? teevra purooshaartha hai?jo samajhte hain main purooshaarthi ki line mein hoon woh haath uthaayenge। teevra purooshaarthi bada haath uthaao chhota haath uthaate hain। achha bahut utha rahe hain। phir lamba haath uthaao aise nahin। achha।

baapdaada to roj bachchon ka chart dekhte hain। majority teevra purooshaarthi bhi hain lekin kabhi-kabhi ka shabd bhi saath mein laga dete hain। lekin baap kyon kah rahe hain? attention please sookshm sankalp mein bhi halchal nahin ho। achal adol shuddh sankalpadhaari bahut samay se banna hi hai। kai bachche bahut meethi-meethi roohrihaan karte hain kehte hain baba ham taiyaar ho hi jaayenge। kyonki samay jitna najdeek aayega haalten halchal mein aayengi to vairaagya to automatically aa jaayega। lekin aapka teacher kaun hua?samay ya baap?samay to aapki rachna hai। to baap abhi ishaara de raha hai ki bahut samay ka teevra purooshaartha ant mein paas with honour banaayega। paas to sabhi honge lekin paas with honour banne vaala bahut samay ka lagaataar teevra purooshaartha karne vaala aavashyak hai। isliye aaj ki taareekh note kar do agar ab bhi kabhi-kabhi something ho jaayenge kar hi lenge yeh shabd aage bhi chalte rahe… baap ka pyaar to sada hi hai। last daane par bhi baap ka pyaar hai। kyon? dil se mera baba to kaha aaj ki badi-badi aatmaayen mera baba nahin kehti lekin woh mera baba to maanta hai isliye baap ka pyaar to usse bhi hai। bachchon se pyaar to baap ka sada hi hai last tak bhi hai last vaale tak bhi hai। sneh ne hi aapko baap ka banaaya hai। baapdaada ne yeh bhi kaha hai ki sneh majority bachchon ka hai aur rahega lekin sirf sneh nahin shakti bhi chaahiye। teevra purooshaartha bhi chaahiye। isliye ab to shivraatri bhi aai ki aai baap ke avatran ke saath bachchon ka bhi avatran hai hi। to baapdaada chaahte hain ki is shivraatri par har bachcha apne ko saadhaaran purooshaartha ke bajaae teevra purooshaarthi banaane ka banne ka sankalp kare। ho sakta hai? shivraatri par dridh sankalp apne aapse kare। likhe nahin class mein bataane ki bhi jaroorat nahin lekin baap se dil mein sankalp kare ki shivraatri par ham kabhi-kabhi shabd apne purooshaartha ke dictionary se nikaal denge। ho sakta hai?jo samajhte hain kya badi baat hai। socha aur hua himmat rakhte hain woh haath uthaao। achha। khush kar diya।

baapdaada ka to bachchon mein faith hai na। to abhi se hi padam padamguna aise bachchon ko mubaarak de rahe hain। vaah bachche vaah! himmat vaale hain। aapki himmat aur baap ki madad to hogi hi। abhi ek baat karna। jo apne man ko busy rakhne ke liye jaise pahle baap ne kaha second mein stop bindu hoon bindu lagaana hai aur sabko bindu roop mein dekhna hai। jab dekhenge hi bindu to aur koi bhi sankalp nahin chalega। mansa seva ka attention rakhna itni duhkhi aatmaon ko chilla rahi hain unhon ko kirnen dene ki seva mein bhi extra man ko lagaana। mansa seva bahut shreshtha seva hai। duhkhiyon ka bhi phaayda aur aapka apna bhi phaayda। double phaayda hai। jaise vaacha se seva karte ho aur seva badhti bhi jaati hai dil se karte ho sankhya bhi badhti jaati hai centre bhi badhte jaate hain vaacha ki seva majority ki theek hai। sabhi ki nahin majority ki। aise abhi man se vishesh aatmaon ko anchali dene ki seva bhi karte raho। man ko free nahin chhodo। koi na koi seva mein man se shaktiyaan dene ki mukh se vaani ki seva karma mein gunon se seva sambandh samparka mein khushi dene ki seva is bhinna-bhinna sevaaon mein man ko busy rakho kyonki saare vishwa mein richest aatmaayen kaun si hain? aap hi ho na! kitne khazaane mile hain? to har khazaane se seva karo। khazaane ko jitna seva mein lagaayenge utne khazaane badhte jaayenge isliye abhi jaise sva ki seva ka attention dete ho aise apne duhkhi aatmaayen apne bhakton ki mansa dvaara kirnen dene ki seva bhi attention deke saare din mein karo bahut chillaate hain aapko sunne nahin aata। majority har ghar mein koi na koi duhkh ka kaaran hai। aise duhkhiyon ko sukh dene vaala kaun? bolo kaun hai? aap hi to ho। to is mansa seva ko saare din mein check karo kitna samay jaise sva ke prati dete ho vaise mansa seva ke prati kitna samay diya? merciful ho na। to duhkhiyon par raham karo। aapka geet bhi hai na O maa baap duhkhiyon par raham karo। baapdaada ko bahut aavaaj sunne padte hain। aap logon ko kam sunaai dete hain lekin abhi suno। kahaan jaayenge woh। aapke hi to bhaai behen hain। to apna bhi phaayda karo man ko busy rakho aur duhkhiyon ka duhkh haran karo। chillaate hain dil chillaati hai। baapdaada to sunte hain to bachchon ko yaad karte hain O mere laadle bachche sikeeldhe bachche ab merciful dhaaran karo। apne braahmanon mein bhi ek do ke sahayogi bano। chaahe kaisa bhi sanskaar hai lekin aapka kaam kya hai? sanskaar se takkar khaana ya unko bhi sanskaar ke takkar se chhudaana। aapka bhi title hai na duhkh harta sukh karta। baap ke saathi ho na। baap ke saathi kya sankalp kiya hai? is vishwa ko duhkh ashaanti se badal sukh shanti sthaapan karni hi hai। karni hai na! haath uthaao। karni hai?ki sirf dekhna hai ho raha hai lekin abhi badalna hai। chaahe brahman aatma ho dekhte nahin raho yeh kar rahe hain lekin unhon ko bhi vaani aur mansa sankalp dvaara parivartan karo karna nahin chaahiye! baapdaada sunta rehta hai baapdaada tak baat de di jab baat de di to khud baap ke direction par chalo jimmevaar baapdaada hai unke saathi murabbi bachche nimitta bane hue bachche। to sada apne man ko vyartha sankalpon ke bajaae ab duhkhi aatmaon ko chaahe brahman hain ya koi bhi hain disturb aatma ko sahayog do। sahayogi bano। achha।

abhi aaj jo pahle baari aaye hain woh utho। sabhi ne dekha। baapdaada pahle baari aane vaalon ka sabha ke beech birth de mana rahe hain। phir bhi chaahe connection mein bhi ho lekin baap se milan manaane aaye hain to yahaan brahman parivaar mein birth de mana rahe hain। baapdaada ko khushi hai jo pahle se connection mein hain unke liye nahin kehte lekin madhuban mein pahle baari aaye hain iske liye braahmanon ke beech unhon ki ceremony kar rahe hain। itne sabhi braahmanon ki mubaarak mil rahi hai। lekin aage ke liye yeh sochna ki sthaapna ke samay ke baad to deri se yahaan pahunche hain na isliye baaki jo samay bacha hua hai usmein teevra purooshaartha kar samay ko vyartha nahin karna lekin ek second mein 10 minute ka kaam karna। attention dena। apna purooshaartha teevra kar jitna aage badhne chaaho utna badh sakte ho। yeh aap sabhi ko sabhi braahmanon ki taraph se baap ki taraph shubh bhaavna shubh kaamna hai। achha।

seva ka tarna yu.pi. banaaras pashchim nepaal ka hai:-achha jo pahle baari aaye hain woh baith jaao। achha। yu.pi. ki teachers aage-aage khadi hain। achha hai। yu.pi. mein chaaron or ke bhagat bahut aate hain। to yu.pi. vaalon ko jo bhi ho sake bhakton ko sandesh zaroor do। sandesh dena aapka kaam hai baaki bhaagya banaana kitna bhaagya banaate hain woh unke haath mein hai lekin aapko ulhana nahin den ki hamko aapne hamaara baap aaya aur hamaara baap varsa dene aaye hain yeh sandesh nahin diya। hamko kuchh to varsa le lete। iseelie yu.pi. vaalon ko jab bhi aise karte bhi ho baap ke paas samaachaar aate hain lekin phir bhi jahaan tak ho sakta hai vahaan tak sandesh dene ka paath aap logon ke liye sahaj hai। aur yu.pi. se brahma baap ka jagat amba ka bahut pyaar raha hai। jitna brahma baba yu.pi. mein aaye hain itna baambe mein bhi aaye hain lekin yu.pi. mein bhi aaye hain। to jis jagah brahma baap ke paanv pade woh sthaan kitna bhaagyavaan hai। lakhnau aur kaanpur donon hi is bhaagya ke adhikaari bane hain। baambe bhi bana hai lekin abhi yu.pi. ka tarna hai। direct maa aur baap ke shiksha ki boonde yu.pi. mein padi hain। abhi yu.pi. ko aage kya karna hai?vaani dvaara melon mein seva to karte ho lekin abhi ke samay anusaar jo baapdaada kehta aaya hai pahle bhi ki vaaris aur naameegraami mike naameegraami ka arth yeh hai ki unke kahne ka prabhaav sunne vaalon ka padne vaala ho aise mike taiyaar karo। aise vaarison ka group har centre kitne centre hain yu.pi. mein bahut hain na। to itne vaaris nikaalne chaahiye। hisaab karna kitne centre hain aur kitne vaaris bane hain। aur jitne banne chaahiye utne bane hain ya banaane hain। agar banaane hain to samay par koi bharosa nahin hai jaldi se jaldi vaaris aur mike jinki aavaaj se anek aatmaon ke bhaagya ki rekha khul jaae kyonki aapne to bahut seva ki jo puraane hain unhonne to bahut seva ki। abhi seva karaao। karne vaale taiyaar karo। kar sakte hain na! haath uthaao teachers। achha। teachers bhi bahut hain। to itne hi taiyaar karo। har ek centre chaahe chhota chaahe bada centre ki list mein hai unko zaroor apna saboot dena hai kyonki samay par koi bharosa nahin hai। kab bhi kya bhi ho sakta hai। isliye baapdaada sabhi jo bhi zone aate hain nahin bhi aaye hain sabhi zone ko yahi kehte hain ki abhi aage badho। classes to chalte rehte hain sankhya bhi badhti rehti hai lekin abhi nimitta banne vaale banaao aur banaane ke liye baapdaada ne dekha hai har zone mein aisi aatmaayen hain jo nimitta ban sakti hain। to yu.pi. ek to bhakton ka kalyaan karo bhakta bhakta kahlaane vaale bhale thode hain lekin bhakta bhi hain। unhon ko bhakti ka phal dilaao। bahut mehnat karte hain। baaki achha hai। har ek zone baapdaada ne dekha ki apne purooshaartha mein badh bhi rahe hain lekin abhi bhi badhne ki margin hain। achhi- achhi baap ki laadli bachchiyaan hain direct brahma baap ki paalna lene vaali hain। kar rahe ho aise nahin nahin kar rahe ho। kar bhi rahe ho lekin thodi aur speed badhaao। achha seva ka tarna hai yagya seva arthaat apne bhaagya banaane ki seva। kyonki aapke paas kitne bhi student aaven lekin yagya mein kitne ikaththe hote hain। itne braahmanon ki yagya seva karna punya kitna hai। to seva karne aate ho lekin vaastav mein kahen punya jama karne aate ho। baapdaada ko khushi hoti hai ki yeh bhi chance punya banaane ka saadhan hai। to seva achhi kar rahe ho na। vaise sabhi zone achhi karte hain baapdaada ke paas koi report nahin aati hai। achhe ho aur achhi seva karte ho। sahaj ho jaata hai। theek karte hain na seva। sabhi daadiyaan bhi aap logon ko mubaarak deti hain।

paandav bhi kitne aate hain। paandav bhi kam nahin hain। kai aisi sevaayen hain jo paandav hi kar sakte hain। isliye paandavon ko bhi baapdaada aur sarva madhuban nivaasi mubaarak de rahe hain। achha।

10 wings aai hain:- achha khade raho। aapke jhande aur board baapdaada ne dekha isliye neeche kar lo। baapdaada ne dekha hai ki jo bhi varga aaye hain। jab se varga bane hain tab se seva ka umang har ek varga mein achha hai। har ek ne apni jimmevaari samjhi hai ki hamko karna hi hai। isliye har ek varga seva karke apni sankhya centre par badha rahe hain। report to baap ke paas aati hi hain। abhi ek baat ki jo bhi varga hain woh vishesh aatmaayen jo nimitta bani hain jisko vishesh nimitta aatmaayen kehte hain uski seva karke har zone mein ek din sthaan fix karke sab taraph ke jo nimitta aatmaayen nikli hain unka sangathan karo। pahla zone mein sangathan karo phir madhuban mein dekhenge। lekin pahle jis zone ke jyaada sevaadhaari karne vaale hain us zone mein sab zone ke din mukrar karke vishesh aatmaon ka milan karo। ek do ko dekh karke bhi utsaah aata hai yeh bhi karte hain ham bhi karte hain aur seva ko badhaayen। to umang utsaah dilaane ke liye pahle jis zone mein vishesh varga ki seva ho vahaan har koi jahaan bhi raay karke fix karo vahaan pahle ikaththe karo phir madhuban mein bulaayenge। yeh nahin kiya hai। to pata pade kitne mike taiyaar hue hain। kitne sahayogi taiyaar hue hain। aur kitne aapas mein ek do ko madad kar sakte hain। ek zone varga doosre varga mein bhi sahayogi ban sakta hai। to umang aayega ek do ko dekh karke samaachaar sunte umang aayega। madhuban ke pahle vahaan hi ikaththe karo phir dekhenge। theek hai। yeh theek lagta hai haath uthaao। aap sabhi ko ikaththa uthaaya hai baapdaada har varga ko alag-alag mubaarak de rahe hain। baapdaada khush hai aapke umang utsaah ko dekh baapdaada khush hai। theek hai। achha।

(har varga vaalon se baapdaada ne haath uthvaaye)

business wing:-baapdaada ne aapko dekha bhi aapko aur mubaarak bhi di aur service ka plan bhi diya to aap sabko special mubaarak ho।

education wing:- to khaas aap logon ko bhi baapdaada umang utsaah ki mithaai khila raha hai।

youth wing:- youth aisa group taiyaar karo yeh bahinen bhi hain na। aisa group taiyaar karo jo kuchh samay se ya jab se aaye hain tab se jo maryaadaayen hain usmein kaayde pramaan chale hain kitne maryaadaaon par chale hain woh ek-ek ka record ho। aisa chhota group banaao jo sarkaar ke saamne unhon ko haajir karen ki yeh youth maryaada poorvak hain। to seva ho jaae।

dhaarmik wing politician wing:- achha yeh bhi aaye hain।

sports wing:- aapne suna abhi kya karna hai? to woh karna। phir baapdaada iski result dekh phir madhuban mein bulaayenge। baaki sabhi varga baapdaada ne sunaaya ki achhi seva mein aage badh raha hai aur plan achhe-achhe bana rahe hain uski mubaarak ho।

mahila varga:- mahila varga mein kitne kamal pushpa ghar grihastha mein rehte kamal pushpa samaan rahne vaale hain woh kitne nikaale hain shuru se leke। centre par kitni mahilaayen seva se nikli hain woh list nikaali hai?iski head kaun hai? (chakradhaari behen) achha। kitne parivaar nikle woh har zone se list lekar phir bataana zaroor kyonki logon mein to abhi tak yahi hai ki pata nahin ghar chhodna padega। abhi pahle se kam hai lekin kahaan-kahaan abhi bhi hai। to kitne seva se bane hain uski result nikaalna kyonki government mein har ek varga ki alag-alag department hoti hai to woh poochhte bhi hain ki aapke varga ne kya result nikaali। isliye yeh result honi chaahiye nikaalni chaahiye। har ek zone apne-apne centres mein jo bhi nikle hain woh inhon ko ikaththa karke de to inhon ko madad mil jaae। theek hai।

graam vikaas wing:-graam vikaas sabse achhi seva hai kyonki graam vaale itna aish aaraam mein nahin hote। apne kaam mein jyaada busy rehte hain to aap log unhon ko vishesh khushi ka anubhav karaao। bhaashan to karte hi hain lekin graam vaale anubhav karen to humein jo bhi graam seva mein hain unhonne khushi bahut di hai। ham sukhi bhi rehte aur khush bhi rehte aisa record nikaale kitne gaanv mein service ki usmein kitnon ne anubhav kiya। kyonki anubhav jo karte hain woh bhoolte nahin hain। anubhav karo aur karaao to yeh result nikaalna kitne gaanv mein kitni aatmaayen khush hui aur connection mein rehti hain। achha hai।

cultural wing:-cultural vaale apne cultural vaalon ki seva to achhi kar rahe hain। baapdaada ne dekha ki kai cultural vaali aatmaayen yagya ke sahayog mein aai hain aur apna seva ka part bhi baja rahi hain। doosre logon ko bhi apne anubhvon se laate rehte hain। seva mein aage badh rahe hain। to bahut achha hai। jo baap ne kaha tha sthaapna ke samay to aapke paas cultural vaale bhi anubhvi ban auron ko anubhav sunaayenge। to woh kar bhi rahe ho aur aage bhi karte rehna। jo aavaaj phail jaae to brahmaakumaar-kumaariyaan seva kar cultural vaalon ko character building banaane ka bhi anubhvi banaate hain। achhe-achhe aa rahe hain jo aage badh rahe hain aur doosron ko bhi anubhav sunaake aage badha rahe hain isliye badhte raho badhaate raho।

SpARC:-SpARC wing bhi apna-apna kaarya kar rahi hai। baapdaada ne dekha ki har ek apne varga ki seva mein aatmaon ko anubhvi bana rahe hain unko achhe-achhe vichaaron se unki buddhi bahut achhi bana rahe hain aur dhaarna bhi logon ko karaate hain isliye har ek wing ke liye baba ne kaha to seva kar rahe ho saathi bana rahe ho aur aur adhik saathi banaake aisa group taiyaar karo sangathan taiyaar karo jo sangathan government ke saamne jaae aur unko apna kaarya aur result sunaaye। har ek varga ki apne-apne government ki shaakha hai to unhon ki bhi seva ho aur logon ki bhi seva ho।

achha –

double videshi bhaai bahinen - 80deshon ke 750bhaai bahinen hain:-videshiyon ka baapdaada ne is samay ke programmes dekhe to bahut ek ek group se pyaar se mehnat bahut achhi ki। aur madhuban ke vaayumandal mein kaeeyon ke anubhav bhi achhe apne teevra purooshaartha ki umang-utsaah vaale the isliye baapdaada ne is samay ka group ka jo training dene vaale aur training lene vaale donon mein umang-utsaah dekha aur ek samay mein kitne laabh liye। ek parivaar ka milna aur kahaan bhi itne group mile koi sthaan nahin madhuban ke sivaae। to inhonne achhi chaturaai ki madhuban mein hi programme bana diya। to baapdaada khush hai kaeeyon ke parivartan ke anubhav bhi baapdaada ne sunen। yahaan ki dharni mein jo bhi kuchh shiksha milti hai unki mahsoosta jaldi ho jaati hai। vaayumandal hai na। to vaayumandal bhi mila sangathan bhi mila kitne samay ke baad ek-ek group milte hain saare। rehna sang baapdaada aur apni refreshment to yeh baapdaada ko bahut achha laga। lekin jitne yahaan phaayde mile hain laabh mile hain utna hi practical mein karke aap nimitta bano auron ko bhi umang-utsaah badhaane ke liye। ban sakte ho kyonki plan jo banaaye hain baapdaada ne thode mein sune hain achhe lage hain। karne ka tareek bhi achha hai। to baap ko khushi hai ki double foreigners achhi apne oopar bhi attention de rahe hain aur ab to ek chandan ka vriksha ho gaya hai। bhinna-bhinna desh ki taaliyaan madhuban mein aai lekin yahaan aane se ek chandan ka vriksha ban gaye। to baap ne dekha jo bhi aaye hain unka brahman culture bahut achha bana hai chal raha hai aur banta rahega yeh bhi nishchay hai aur nishchit hai। drama mein bhi nishchit hai om shanti। jo mukhya teachers hain unhon ko baapdaada special mubaarak de rahe hain। to mubaarak ho mubaarak ho mubaarak ho।

aaj madhuban ke jo bhi hain oopar vaale neeche vaale aur yeh jo baahar rehte hain lekin madhuban mein padhaai padhte hain woh sab utho kitne aaye hain:-

(raaju bhaai ko murli type karte hue dekhkar) aap bhi utho na। itna kaam karte hain dekho bade mein badi seva to yeh karte hain sabhi braahmanon ko phauran pahunch jaata hai। aapko mubaarak ho vishesh mubaarak ho।

madhuban vaale agar nahin hote to aapki mehmaan nivaaji kaun karta। aaraam se aate ho khaate ho peete ho refresh hote ho to madhuban vaalon ke liye taali bajaao। baapdaada jaante hain ki jagah kam hone ke kaaran madhuban vaalon ko thoda door baithkar sunna padta hai। yeh bhi seva hai madhuban vaalon ki yeh bhi seva hai। doosron ko sukh dena sukhdaata ho gaye na। to madhuban vaalon ka kaam hai sukh dena aur sukh lena। kyonki jo bhi aate hain unhon ke anubhvon se aap anubhav sunaate ho us anubhav se ek do ko phaayda ho jaata hai। kai phaayde hote hain lekin time kam hone ke kaaran sunaate kam hain। lekin madhuban vaalon ka title kya hua? sukh dena aur sukh lena। sukhdaata ke bachche follow father karne vaale hain। achha-

milan to sabka hua। bahut taiyaari karke aate hain। har varga bahut taiyaari karke aate hain baapdaada jaante hain lekin time ko bhi dekhna padta hai। to sabhi ko abhi teevra purooshaarthi banne ki advance mein bahut bahut padam guna mubaarak pahle se de rahe hain। abhi shiv raatri par chaahe yahaan aane vaale chaahe gharon mein baithkar centre par baith sunne vaale ya murli dvaara sunne vaale sabhi murli to sunte honge na। is baari jo aaye hain usmein murli regular jo sunte hain koi hain jo murli nahin sunte woh haath uthaao। koi nahin। achha। woh utho jo nahin padhte ya sunte hain। thode hain। koi baat nahin lekin abhi baaki jo bhi samay mila hai usmein baap ka mahaavaakya paramdham se baapdaada aata hai sookshm vatan se brahma baba aata hai aur aake mahaavaakya uchchaaran karte hain isliye murli kabhi bhi ek din bhi miss nahin karna। apna baapdaada ka diltakhta chhoot jaayega। isliye jo bhi murli miss karte hain woh samjhen ham teen takhta ke maalik nahin do takhta ke maalik bhi yathaashakti banenge। isliye murli murli murli। kyonki murli mein roj ke direction hote hain chaar hi subject ke direction hote hain to roj ke direction lene hain na। to jo bhi miss karta ho kaarne-akaarne woh apna programme banaave ki kaise murli sunen। koi na koi salvation banaayen। aajkal science ke saadhan aapke liye nikle hain। brahma baap mein praveshta ke 100 saal pahle yeh science nikli hai aapke kaam mein bhi aani hai isliye usko use karo phaayda uthaao।

achha saamne baithe hue ya kahaan bhi sunne vaale bachchon ko baapdaada ki dil va jaan sik va prem se yaadapyaar aur namaste।

daadiyon se:- (daadi jaanki ji se) seva dil se karti ho vishesh seva karti ho। jahaan dil hoti hai na vahaan anubhav hota hai। oopar oopar se vaani chalaai to anubhav dil se lagna woh kam hota hai। aapki seva ka phal bhi nikalta hai। to yeh vardaan hai। (guljaar daadi bahut achhi hai) achhe to har ek hain। yeh sab achhe hain।

mohini behen aur unke doctor se:- baapdaada ne suna। socho kam। hansati hain lekin sochti bhi hai। chehra to laal hai lekin sochna thoda-thoda yeh tabiyat ko effect karta hai। sirf socho baba achha kar lega। abhi double doctor bano। single to bahut hain। double doctor। prem to hai double doctor banen। aap card chhapaate ho na uske peechhe khaali hota hai to aap man ki bhi beemaari ka likhke aur usmein address likho jo centre najdeek ho vahaan meditation varke man ko duroosta karo। kyonki doctor ka naam padhke bhi unhon ko aata hai ki doctor kehta hai to karna hai। to aap ghar baithe seva kar sakte ho double doctor ban jaayenge। aap nahin karenge karaayenge doosre। to bahut sahaj hai। jo bhi aave address poochhen to de dena। card chhapaake rakh do aise double doctor। dava aur dua donon se abhi pharka padega। donon hi milengi baba ki taraph se।

yeh double doctor banne ki saugaat।

pardaadi se:- aapki visheshta hai jo shakla sada hansamukh rehti hai। (baba ki beti hoon) double beti ho। laukik bhi aur alaukik bhi paarlaukik bhi। teenon ho।

(teenon bhaaeeyon se) aapas mein teenon milte rehte ho? (thoda-thoda) thoda-thoda nahin। phone mein bhi mulaakaat kar sakte ho। foreign mein yeh achha hai koi bhi kaarya phone mein bahut achha meeting poori ho jaati hai। to unhon ki vidhi dekho aapas mein milte raho। phone mein bhi meeting kar sakte ho।

bhoopaal bhaai se:- chaaron taraph yagya ki theek rakhvaali ho rahi hai। dhyaan rakho chakkar lagaate raho।

Indore ke vi.aai Ps se:- apne ghar mein aane mein maja aata hai na। apne ghar mein aaye ho doosri jagah nahin aaye ho। yeh paramatma ka ghar hai to bachche ka bhi ghar hua na। to apne ghar mein aaye ho। hamesha apne ko bephikar baadshaah banaake rakhna। phikar nahin karna bephikar baadshaah। kaam to hote hi rahenge lekin khud ko bephikar baadshaah banaana। savere uthkar baap ko yaad karenge na to saara din achha beetega। uthte aankh khulte mera baba yaad karna।

dhaarmik netaaon se:- aap logon ko dekh auron mein bhi umang aayega। kyon inhon ko kya mila। aur aapka anubhav anekon ko anubhav karaayega। nimitta banenge। (trineeded ke brahmadev svaami ji geeta ka bhagwan siddha karenge) abhi murli padhna।

solar project ka naksha baapdaada ko dikhaaya:-nishchaybuddhi hokar karo। sabhi milkar ek hi sankalp karo hona hi hai। (ramesh bhaai se) aapko kaha tha na ki yeh sabhi braahmanon ko pata ho। article sab nahin padhte hain।