Avyakt murli for Sunday 17 February 2019

> om shanti 17-02-2019 madhuban

praanapyaare avyakt moorta maat-pita baapdaada ke ati snehi, sada ooche svamaan mein sthit rah ekaagrata ki shakti ko badhaane vaale, pharishta so devta banne ke purushaartha mein tatpar, nimitta teachers bahinen tatha sarva brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - avyakt milan ki yeh suhaavni ghadiya har ek ke man ko lubhaane vaali hain। jo bhi baba ke bachche madhuban ghar mein aate hain, unhein baba khoob bharpoor kar dete hain। abhi sevaaon ka tarna raajasthaan ka hai। inke saath anya kai zone ke bhaai bahinen tatha double videshi bhaai bahinen bhi kaaphi sankhya mein pahuche hue hain। videsh ke mukhya bhaai bahinon ki alag-alag meetigsa bhi chal rahi hain। jismen vishesh sva-unnati, yagya ke vistaar tatha desh videsh ki sevaaon mein teevrata laane hetu bahut achhe-achhe vichaar nikal rahe hain। pyaare baapdaada ek or sevaaon ke prati vishesh ishaare bhi dete, saath-saath ekaagrata ki shakti ko badhaane tatha samay pramaan shaktishaali mansa dvaara prakriti sahit vishwa ki sarva duhkhi ashaanta aatmaon ko sakaash dene ki bhi prerna dete hain। ham sabhi shivvanshi brahmaakumaar kumaariyon ke liye sabse bada tyohaar trimoorti shivjayanti abhi sameep hai। sab taraph bahut pyaar se shivbaaba ka dhvaj phahraate, prabhaatpheri, pradarshani mele tatha sammelan aadi dvaara bhi baapdaada ke avatran ka divya sandesh dete hain।

is baar apne shaantivan ke vishaal praagan mein, conference haal ke saamne bahut sundar aadhyaatmik mela lagaaya ja raha hai। uske prachaar-prasaar hetu abhi se hi aabu ke aas-paas ke 200 gaavon mein 4 abhiyaan nikaale gaye hain -

1) svachchha svastha bhaarat abhiyaan

2) jalaprabandhan abhiyaan,

3) graam jaagriti abhiyaan

4) vyasanmukti abhiyaan।

yeh chaaron abhiyaan aabu ke chaaron dishaaon mein bhraman karte hue eeshvareey sandesh de rahe hain।

is baar prayaagraaj (ilaahaabaad) mein kumbha mele ke antargat vishesh brahmaakumaareej ki or se do pandaal lagaaye gaye the, ek har varsha ki bhaanti bahut sundar aakarshak “satyam shivam sundaram aadhyaatmik mela”, jismen deviyon ki jhaanki tatha saagar manthan aur anek mooving models aadi ka vishesh aakarshan tha। is ek maas ke mele mein kai vargo ke kaaryakram bhi rakhe gaye, laakhon logon ne mele se eeshvareey sandesh praapta kiya। doosra - sarkaar ki or se 15 din ke liye “kumbha viraat kisaan mele” ka aayojan kiya gaya tha, jismen apni or se “svarnim bhaarat ka aadhaar shaashvat yogik kheti” naam se bahut sundar pandaal lagaaya gaya tha। usse bhi anek sarkaari adhikaariyon tatha kisaanon ki bahut achhi sevaayen hui। samaapan ke avsar par vahaan ke mukhya adhikaariyon dvaara pratham puraskaar apne pandaal ko mila। is prakaar baapdaada khoob sevaayen kara rahe hain। sevaaon ke saath, yog bhatthi ke kaaryakram bhi samay prati samay sab taraph chalte rehte hain। achha - sabhi ko bahut-bahut yaad om shanti।

16-11-06 om shanti avyakt baapdaada madhuban

“apne svamaan ki shaan mein raho aur samay ke mahatva ko jaan ever ready bano”

aaj baapdaada chaaron or ke apne parmaatma pyaar ke paatra svamaan ki seat par set bachchon ko dekh rahe hain। seat par set to sab bachche hain lekin kai bachche ekaagra sthiti mein set hain aur koi bachche sankalp mein thoda-thoda upset hain। baapdaada vartamaan samay ke pramaan har bachche ko ekaagrata ke roop mein svamaandhaari swaroop mein sada dekhne chaahte hain। sabhi bachche bhi ekaagrata ki sthiti mein sthit hona chaahte hain। apne bhinna-bhinna prakaar ke svamaan jaante bhi hain, sochte bhi hain lekin ekaagrata halchal mein le aati hai। sada ekras sthiti kam rehti hai। anubhav hota hai aur yeh sthiti chaahte bhi hain lekin kab-kab kyon hoti hai, kaaran! sada attention ki kami। agar svamaan ki list nikaalo to kitni badi hai। sabse pahla svamaan hai - jis baap ko yaad karte rahe, unke direct bachche bane ho, number one santaan ho। baapdaada ne aap koton mein se koi bachchon ko kahaan-kahaan se chunkar apna bana liya। 5 hi khandon se direct baap ne apne bachchon ko apna bana liya। kitna bada svamaan hai। srishti rachta ki pahli rachna aap ho। jaante ho na is svamaan ko! baapdaada ne apne saath-saath aap bachchon ko saare vishwa ki aatmaon ke poorvaj banaaya hai। vishwa ke poorvaj ho, poojya ho। baapdaada ne har bachche ko vishwa ke aadhaarmoorta, udaahranmoorta banaaya hai। nasha hai? thoda-thoda kabhi kam ho jaata hai। socho, sabse amoolya jo saare kalpa mein aisa moolya takhta kisko nahin praapta hota। woh parmaatma takhta, light ka taaj, smriti ka tilak diya। smriti aa rahi hai na - main kaun! mera svamaan kya! nasha chadh raha hai na! kitna bhi saare kalpa mein satayugi amoolya takhta hai lekin parmaatma diltakhta aap bachchon ko hi praapta hota hai।

baapdaada sada last number bachche ko bhi pharishta so devta swaroop mein dekhte hain। abhi-abhi brahman hain, brahman se pharishta, pharishta se devta banna hi hai। jaante ho apne svamaan ko? kyonki baapdaada jaante hain ki svamaan ko bhoolne ke kaaran hi dehbhaan, deh abhimaan aata hai। pareshaan bhi hote hain, jab baapdaada dekhte hain deh-abhimaan va dehbhaan aata hai to kitne pareshaan hote hain। sabhi anubhvi hain na! svamaan ki shaan mein rehna aur is shaan se pare pareshaan rehna, donon ko jaante ho। baapdaada dekhte hain ki sabhi bachche majority knowledgeful to achhe bane hain, lekin power mein full, powerful nahin hain। percentage mein hain।

baapdaada ne har ek bachche ko apne sarva khazaanon ke baalak so maalik banaaya, sabhi ko sarva khazaane diye hain, kam jyaada nahin diye hain kyonki anginat khazaana hai, behad khazaana hai। isliye har bachche ko behad ka baalak so maalik banaaya hai। to abhi apne aapko check karo - behad ka baap, had ka baap nahin hai, behad ka baap hai, behad khazaana hai। to aapke paas bhi behad hai? sada hai ki kabhi-kabhi kuchh chori ho jaata hai? gum ho jaata hai? baba kyon attention dila rahe hain? pareshaan na ho, svamaan ki seat par set raho, upset nahin। 63 janma to upset ka anubhav kar liya na! abhi aur karne chaahte ho? thak nahin gaye ho? abhi svamaan mein rehna arthaat apne oonche te oonche shaan mein rehna। kyon? kitna samay beet gaya।

to svayan ki pahchaan arthaat svamaan ki pahchaan, svamaan mein sthit rehna। samay anusaar abhi sada shabd ko practical life mein laana, shabd ko underline nahin karna lekin practical life mein underline karo। rehna hai, rahenge, kar to rahe hain… kar lenge। yeh behad ke baalak aur maalik ka bol nahin hai। abhi to har ek ke dil se yeh anhad shabd nikle, paana tha woh pa liya। pa rahe hain, yeh behad khazaane ke behad baap ke bachche nahin bol sakte। pa liya, jab baapdaada ko pa liya, mera baba kah diya, maan liya, jaan bhi liya, maan bhi liya, to yeh anhad shabd pa liya… kyonki baapdaada jaante hain ki bachche svamaan kabhi-kabhi hone ke kaaran samay ke mahatva ko bhi smriti mein kam rakhte hain। ek svayan ka svamaan, doosra hai samay ka mahatva। aap saadhaaran nahin ho, poorvaj ho, aap ek-ek ke peechhe vishwa ki aatmaon ka aadhaar hai। socho, agar aap halchal mein aayenge to vishwa ki aatmaon ka kya haal hoga! aise nahin samjho ki jo mahaarthi kahlaaye jaate hain, unke peechhe vishwa ka aadhaar hai, agar naye-naye bhi hain, kyonki aaj naye bhi bahut aaye honge। naye hain, jisne dil se maana ‘‘mera baba’’। maan liya hai? jo naye naye aaye hain woh maante hain? jaante hain nahin, maante hain ‘‘mera baba’’ woh haath uthaao। lamba uthaao। naye naye haath utha rahe hain। puraane to pakke hi hain na, jisne dil se maana mera baba aur baap ne bhi maana mera bachcha, woh sabhi jimmevaar hain। kyon? jab se aap kehte ho main brahmaakumaar, brahmaakumaari hoon, brahmaakumaar aur kumaari ho va shivkumaar shivkumaari ho, ya donon ke ho? phir to bandh gaye। jimmevaari ka taaj pad gaya। pad gaya hai na? paandav bataao jimmevaari ka taaj pada hai? bhaari to nahin lag raha hai? halka hai na! hai hi light ka। to light kitni halki hoti hai।

to samay ka bhi mahatva attention mein rakho। samay poochh ke nahin aana hai। kai bachche abhi bhi kehte hain, sochte hain, ki thoda sa andaaj maaloom hona chaahiye। chalo 20 saal hain, 10 saal hain, thoda maaloom ho। lekin baapdaada kehte hain samay ka final vinaash ka chhodo, aapko apne shareer ke vinaash ka pata hai? koi hai jisko pata hai ki main phalaane taareekh mein shareer chhodoonga hai pata? aur aajkal to braahmanon ke jaane ka bhog bahut lagaate ho। koi bharosa nahin। isliye samay ka mahatva jaano। yeh chhota sa yug hai aayu mein chhota, lekin bade te badi praapti ka yug hai kyonki bade te bada baap is chhote se yug mein hi aata hai aur bade yugo mein nahin aata। yahi chhota sa yug hai jismen saare kalpa ki praapti ka beej daalne ka samay hai। chaahe vishwa ka raajya praapta karo, chaahe poojya bano, saare kalpa ke beej daalne ka samay yeh hai aur double phal praapta karne ka samay hai। bhaviÌta ka phal bhi abhi milta aur pratyakshaphal bhi abhi milta hai। abhi-abhi kiya, pratyaksha phal milta hai aur bhavishya bhi banta hai। aisa saare kalpa mein dekho, hai koi yug aisa? kyonki is samay hi baap ne har bachche ki hatheli par bade te badi saugaat di hai, yaad hai saugaat apni? svarga ka raaz-bhaag। nai duniya ke svarga ki gift, har bachche ki hatheli mein di hai। itni badi gift koi nahin deta aur kabhi nahin de sakta। abhi milti hai। abhi aap master sarvashaktivaan bante ho aur koi yug mein master sarvashaktivaan ka martaba nahin milta hai। to svayan ke svamaan mein bhi ekaagra raho aur samay ke mahatva ko bhi jaano। svayan aur samay, svayan ko svamaan hai, samay ka mahatva hai। albela nahin banna। 70 saal beet chuke hain, abhi agar albele banen to bahut kuchh apni praapti kam kar denge। kyonki jitna aage badhte hain na utna ek albelaapan, bahut achhe hain, bahut achhe chal jaayenge, pahunch jaayenge, dekhna peechhe nahin rahenge, ho jaayega, yeh albelaapan aur royal aalasya। albelaapan aur aalasya। kab shabd hai aalasya, ab shabd hai turat daan mahaapunya।

to baapdaada attention khinchava raha hai। is season mein na svamaan se utarna hai, na samay ke mahatva ko bhoolna hai। alert, hoshiyaar, khabardaar। pyaare hain na! jisse pyaar hota hai na uski jara bhi kamzori-kami dekhi nahin jaati hai। sunaaya na ki baapdaada ka last bachcha bhi hai to usse bhi ati pyaar hai। bachcha to hai na। to abhi is chalti hui season mein, season bhale India vaalon ki hai lekin double videshi bhi kam nahin hain, baapdaada ne dekha hai, koi bhi tarna aisa nahin hota jismen double videshi nahin ho। yeh unhon ki kamaal hai। abhi haath uthaao double videshi। dekho kitne hain! special season beet gai, phir bhi dekho kitne hain! mubaarak hai। bhale padhaare, bahut-bahut mubaarak hai।

to suna abhi kya karna hai? is season mein kya-kya karna hai, woh hom work de diya। svayan ko realise karo, svayan ko hi karo, doosre ko nahin aur real gold bano kyoki baapdaada samajhte hain jisne mera baba kaha woh saath mein chale। baraati hoke nahin chale। baapdaada ke saath shreemat ka haath pakad saath chale aur phir brahma baap ke saath pahle raajya mein aave। maja to pahle naye ghar mein hota hai na। ek maas ke baad bhi kehte, ek maas puraana hai। naya ghar, nai duniya, nai chaal, naya rasam rivaaj aur brahma baap ke saath raajya mein aaye। sabhi kehte hain na, brahma baap se hamaara bahut pyaar hai। to pyaar ki nishaani kya hoti hai? saath rahe, saath chale, saath aaye। yeh hai pyaar ka saboot। pasanda hai? saath rehna, saath chalna, saath aana, pasanda hai? hai pasanda? to jo cheez pasanda hoti hai usko chhoda thode hi jaata hai! to baap ki har bachche ke saath preet ki reet yahi hai ki saath chalen, peechhe-peechhe nahin। agar kuchh rah jaayega to dharmaraaj ki saja ke liye rookna padega। haath mein haath nahin hoga, peechhe-peechhe aayenge। maja kismen hai? saath mein hai na! to pakka vaayda hai na? pakka vaayda hai saath chalna hai ya peechhe-peechhe aana hai? dekho haath to bahut achha uthaate hain। haath dekh karke baapdaada khush to hote hain lekin shreemat ka haath uthaana। shivbaaba ko to haath hoga nahin, brahma baba, aatma ko bhi haath nahin hoga, aapko bhi yeh sthool haath nahin hoga, shreemat ka haath pakadkar saath chalna। chalenge na! kaandh to hilaao। achha haath hila rahe hain। baapdaada yahi chaahte hain ek bhi bachcha peechhe nahin rahe, sab saath-saath chalen। ever ready rehna padega। achha।ab baapdaada chaaron or ke bachchon ka register dekhta rahega। vaayda kiya, nibhaaya arthaat phaayda uthaaya। sirf vaayda nahin karna, phaayda uthaana। achha। abhi sabhi dridh sankalp karenge! dridh sankalp ki sthiti mein sthit hokar baitho, karna hi hai, chalna hi hai। saath chalna hai। abhi yeh dridh sankalp apne se karo, is sthiti mein baith jaao। ge ge nahin karna। karna hi hai। achha।

seva ka tarna ka raajasthaan ka haih achha jo bhi seva ke liye aaye hain, sab utho। achha hai, aadha class to sahayogi hai। sahayog dena, dena nahin hai bahut-bahut duaayen lena hai kyonki jiski bhi seva karte hain, woh khush hote hain। to jo khush hote hain, unki duaayen automatically nikalti hain, to kitni duaayen jama ki! raajasthaan hai na। nimitta raajasthaan hai to yeh golden chance milta hai, punya ka khaata jama karne ka। achha hai, raajasthaan ko to sahaj nasha hai ki baapdaada raajasthaan mein hi aaya hai। baapdaada ko raajasthaan achha laga na।

double videshi bhaai bahinenh to double videshiyon ka double purooshaartha chalta hai, ek hai seva ka, doosra hai svayan ka। to title to double videshi achha hai, double seva chal rahi hai sabki, individual। double seva। kis samay ek chalti, kis samay doosri chalti ya saath-saath chalti hai! jo samajhte hain ki donon hi seva svayan ki aur saath ki jo bhi aatmaayen hain unki seva saath-saath chalti hai woh haath uthaao। majority paas hain। theek raphtaar se chalti hai aur aage badhaao kyonki abhi samay ke anusaar ek hi samay double seva chaahiye। vishwa ki bhi aur svayan ki bhi। saare world mein sukh shanti ki kirnen dena hai।

sab taraph ke double sevaadhaari bachchon ko, chaaron or ke sada ekaagra svamaan ki seat par set rahne vaale baapdaada ke mastak maniyaan, chaaron or ke samay ke mahatva ko jaan teevra purooshaartha ka saboot dene vaale sapoot bachchon ko, chaaron or ke umang-utsaah ke pankhon se sada udte, udaane vaale double light pharishte bachchon ko baapdaada ka yaadapyaar aur namaste।

daadi jaanki ke vardaani bolah

om shanti। dekho, udti kala ho gai na। meethe baba ne kitni meethi meethi baaten sunaai। baba ne kaha ab samay anusaar kya karne ka hai, kaise rahne ka hai। baba ne drishti dekar ke najron se nihaal kar diya। ham koi behaal hote nahin hain। baba aapki drishti ne kamaal kar diya। baba main kya kahoon, kaise kahoon। hamaari sabha itni badi baithi hai। sabhi baba ki yaad mein baithe hain। yaad ke sivaae aur kuchh bhi nahin hai। yaad ka bal aur yog ka phal phauran milta hai। ham sabke saamne ek baba hi baitha hai aur koi yaad aata hi nahin hai। guljaar daadi ne bhi dekha hoga na baambe mein। kaise baba ne ham sabko refresh kiya। thainkyu daadi। baba ne aapke rath se achhi seva di hai। aapne baba ki missing anubhav hone nahin diya। aisi hamaari daadi kam nahin hai। achha।